Latest Sports News News

ఇంటర్నెట్ డెస్క్: ఐసీసీ మొట్టమొదటిసారిగా నిర్వహించనున్న మహిళల ఛాంపియన్స్‌ ట్రోఫీ (ICC Women’s Champions Trophy)కి భారత్ ఆతిథ్యమివ్వనుంది. వచ్చే ఏడాది ఫిబ్రవరి 14 నుంచి 28 వరకు ఈ టోర్నమెంట్ జరగనుంది. మ్యాచ్‌లు క్రికెట్ క్లబ్ ఆఫ్ ఇండియా (ముంబయి), వడోదర అంతర్జాతీయ క్రికెట్ స్టేడియంలో జరుగుతాయి. కటాఫ్‌ డేట్ అయిన జులై 6 నాటికి మహిళల టీ20 ర్యాకింగ్స్‌లో తొలి ఆరు స్థానాల్లో ఉన్న జట్లు ఇందులో పోటీపడనున్నాయి. ఈ లెక్కన ఆస్ట్రేలియా, ఇంగ్లాండ్, భారత్, న్యూజిలాండ్, దక్షిణాఫ్రికా, శ్రీలంక టోర్నమెంట్‌కు అర్హత సాధించాయి. ప్రస్తుతం ఎనిమిదో స్థానంలో కొనసాగుతున్న పాకిస్థాన్‌ ఈ టోర్నమెంట్‌కు దూరమైంది. టీ20 ఫార్మాట్‌లో మ్యాచ్‌లు జరుగుతాయి. ప్రతి జట్టు మిగతా జట్లతో ఒక్కో మ్యాచ్‌ ఆడుతుంది. టాప్‌-2లో నిలిచిన టీమ్‌లు ఫిబ్రవరి 28న జరిగే ఫైనల్‌కు అర్హత సాధిస్తాయి. వాస్తవానికి, ఈ టోర్నీ శ్రీలంకలో జరగాల్సి ఉండగా.. శ్రీలంక క్రికెట్‌ బోర్డు పరిపాలన వ్యవహారాల్లో ఆ దేశ ప్రభుత్వం జోక్యం చేసుకుంటుందన్న కారణంగా ఆతిథ్య హక్కులను కోల్పోయింది. టోర్నమెంట్‌ నిర్వహణకు బంగ్లాదేశ్, భారత్, దక్షిణాఫ్రికాలను ఆప్షన్లుగా పెట్టుకున్న ఐసీసీ చివరకు ప్రత్యామ్నాయ ఆతిథ్య దేశంగా భారత్‌ను సిఫార్సు చేసింది. ఈ నిర్ణయాన్ని సెప్టెంబర్ 2న ఐసీసీ బోర్డు ఆమోదించింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఇంటర్నెట్ డెస్క్: భారత స్టార్ క్రికెటర్‌ విరాట్ కోహ్లీ (Kohli) తన కుటుంబంతో కలిసి కొన్నాళ్లుగా లండన్‌లో నివాసం ఉంటున్న సంగతి తెలిసిందే. టీమ్‌ఇండియా మ్యాచ్‌లు ఉన్నప్పుడు, ఐపీఎల్ సీజన్‌ సమయంలో మాత్రమే అతడు భారత్‌కు వస్తున్నాడు. దీంతో కోహ్లీ సోషల్ మీడియాలో విపరీతంగా ట్రోలింగ్‌కు గురయ్యాడు. అయితే, విరాట్ భారత్‌ను వీడి విరాట్ లండన్‌లో నివసించడానికి గల కారణాన్ని బాలీవుడ్ నటి మాధురీ దీక్షిత్‌ భర్త డా.శ్రీరామ్‌ నేనే తాజాగా బయటపెట్టారు. లండన్‌కు వెళ్లడానికి ముందు అనుష్క శర్మతో జరిపిన ఆసక్తికర సంభాషణను డా.శ్రీరామ్‌ యూట్యూబర్ రణవీర్ అల్లాబాడియాతో జరిగిన ఇంటర్వ్యూలో గుర్తుచేసుకున్నారు. తమకున్న స్టార్‌డమ్ కారణంగా భారత్‌లో కోహ్లీ-అనుష్క సాధారణ జీవితాన్ని గడపలేకపోతున్నారని, అందుకే లండన్‌లో స్థిర నివాసం ఏర్పరచుకున్నారని తెలిపారు. పబ్లిక్ అటెన్షన్‌కు దూరంగా ప్రశాంతమైన జీవితాన్ని గడిపేందుకు వారు ఈ నిర్ణయం తీసుకున్నట్లు చెప్పారు. కోహ్లీ దంపతులు తమ పిల్లలు వామికా, అకాయ్‌లను మీడియా దృష్టికి దూరంగా ఉంచి సాధారణంగా పెంచాలనుకుంటున్నారని తెలిపారు. మరోవైపు, టెస్టులు, టీ20లకు గుడ్‌ బై చెప్పిన కోహ్లీ.. వన్డే మ్యాచ్‌లు, ఐపీఎల్‌ మ్యాచ్‌ల సమయంలో భారత్‌కు వస్తున్నాడు. ఇక, 2018లో విడుదలైన ‘జీరో’ చిత్రం తర్వాత అనుష్క శర్మ నటనకు దాదాపు దూరంగా ఉన్నారు. ఆ తర్వాత ఆమె ‘చక్దా ఎక్స్‌ప్రెస్’లో నటించారు. ఇందులో అనుష్క మాజీ భారత క్రికెటర్ ఝులన్ గోస్వామి పాత్రను పోషించారు. అయితే, ఈ సినిమా ఇంకా విడుదల కాలేదు. ఆమె 2022లో తన నిర్మాణ సంస్థ ‘క్లీన్ స్లేట్ ఫిల్మ్స్’ బాధ్యతల నుంచి వైదొలిగి కుటుంబ బాధ్యతలు చూసుకుంటోంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు

ఇంటర్నెట్ డెస్క్: పాకిస్థాన్ క్రికెట్ బోర్డు మరోసారి వార్తల్లో నిలిచింది. లార్డ్స్ మైదానంలో ఇంగ్లాండ్ చేతిలో ఘోర పరాజయం తర్వాత ప్రధాన కోచ్ సర్ఫరాజ్ అహ్మద్, బౌలింగ్ కోచ్ ఉమర్ గుల్‌లను తొలగించి, ఏడుగురు ఆటగాళ్లను స్వదేశానికి పంపిన మరుసటి రోజే పీసీబీ మళ్లీ వార్తల్లోకెక్కింది. మొన్నటివరకు ఫీల్డింగ్ కోచ్‌గా ఉన్న షేన్ మెక్‌డెర్మాట్ పదవీకాలం జులైలో ముగిసింది. ప్రస్తుతం ఆ పదవి ఖాళీగా ఉంది. ఫీల్డింగ్ కోచ్ పదవిని భర్తీ చేయడానికి పాకిస్థాన్ దరఖాస్తులు ఆహ్వానించింది. అయితే, ఇందులో వింతేముంది అంటారా.. ఆగండి అసలు ట్విస్ట్ ఇక్కడే ఉంది మరి. కోచ్‌ నియమకానికి పీసీబీ ఏకంగా లింక్డ్‌ఇన్‌లో ఓపెన్ హైరింగ్ మొదలుపెట్టింది. పాకిస్థాన్ బోర్డు ఎంచుకున్న ఈ విధానాన్ని సోషల్ మీడియాలో నెటిజన్లు తెగ ట్రోల్ చేస్తున్నారు. తమదైన శైలిలో విమర్శలు, సెటైర్లతో ఆటాడుకుంటున్నారు. ‘‘నాకు ఆశ్చర్యంగా ఉంది! పీసీబీలో ఉద్యోగాల భర్తీ పూర్తిగా ప్రతిభ ఆధారంగానే జరుగుతోందా? ఇక్కడ సిఫార్సులు, పలుకుబడి ఏమీ పనిచేయవా?’’ అని ఓ యూజర్ వ్యంగ్యంగా స్పందించాడు. ‘‘దీన్ని ఇక్కడ ఎందుకు పోస్ట్ చేస్తున్నారు?ఆ పని కోసం నేరుగా ఏదైనా రిటైర్డ్ మిలిటరీ లేదా ఆర్మీ సిబ్బందిని సంప్రదించండి’’ అని మరో యూజర్ సెటైర్ వేశాడు. ‘‘దీనికి దరఖాస్తు చేద్దామని అనుకుంటున్నాను. గత 13 ఏళ్లుగా నేను ఇండస్ట్రియల్ ఆటోమేషన్ రంగంలో పనిచేశాను. ఏం జరుగుతుందో చూద్దాం’’ అని మరో నెటిజన్ కామెంట్ చేశాడు. ‘‘ఈ పదవి గురించి ఆసక్తిగా ఉంది.. మొన్న రెండు క్యాచ్‌లు డ్రాప్ చేశా’’ అని మరో యూజర్ వ్యంగ్యంగా అన్నాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత

ఇంటర్నెట్ డెస్క్‌: ఆస్ట్రేలియాపై తొలి టెస్టులో సంచలన విజయం సాధించిన బంగ్లాదేశ్‌కు (AUS vs BAN) రెండో టెస్టులో పెనుసవాల్ ఎదురైంది. మాక్నాయ్‌ మైదానంలో జరుగుతోన్న రెండో టెస్టు తొలి ఇన్నింగ్స్‌లో బంగ్లాదేశ్‌ 64 పరుగులకే కుప్పకూలింది. తొలి ఆరుగురు బ్యాటర్లు సింగిల్ డిజిట్‌కే పరిమితం కాగా.. అందులో నలుగురు డకౌట్‌ కావడం గమనార్హం. బంగ్లా ఆఖరి బ్యాటర్ షోరిఫుల్ ఇస్లామ్‌ (14*) టాప్‌ స్కోరర్. అతడితోపాటు మెహిదీ హసన్ (11), హసన్ మహ్ముద్‌ (10), తౌజుల్ ఇస్లామ్ (11*) మాత్రమే రెండంకెల స్కోరు చేశారు. చివరి వికెట్‌కు తౌజుల్ - షోరిఫుల్ 25 పరుగుల భాగస్వామ్యమే ఈ ఇన్నింగ్స్‌లో అత్యధికం. ఆసీస్‌ బౌలర్లలో మిచెల్ స్టార్క్ 6, కమిన్స్ 3, జోష్ హేజిల్‌వుడ్ ఒక వికెట్ తీశారు. తొలి టెస్టులో ఓటమితో తీవ్ర స్థాయిలో విమర్శలు ఎదుర్కొన్న ఆసీస్‌ టాస్ నెగ్గి ఫీల్డింగ్‌ ఎంచుకుంది. స్టార్ పేసర్ మిచెల్ స్టార్క్ (Starc) నిప్పులు చెరిగే బౌలింగ్‌తో బంగ్లాను బెంబేలెత్తించాడు. బంగ్లా కోల్పోయిన మొదటి నాలుగు వికెట్లను స్టార్క్‌ పడగొట్టాడు. తొలి బంతికే ఓపెనర్ షద్మాన్ (0)ను ఔట్ చేసిన స్టార్క్.. మరో ఓపెనర్ తన్జిద్ (0)ను కూడా డకౌట్‌ చేశాడు. మోమినల్ హక్ (9) కాస్త పోరాడినా అది సరిపోలేదు. స్టార్క్ బౌలింగ్‌లోనే వికెట్ సమర్పించుకున్నాడు. బంగ్లా కెప్టెన్ షాంటో (0)ను స్టార్క్ వికెట్ల ముందు దొరకబుచ్చుకున్నాడు. సీనియర్‌ ప్లేయర్ ముస్తాఫికర్ రహీమ్‌ (5) కమిన్స్ బౌలింగ్‌లో బౌల్డ్ కాగా.. లిటన్ దాస్ (5)ను స్టార్క్‌ ఎల్బీ చేశాడు. దీంతో 21 పరుగులకే 6 వికెట్లను కోల్పోయింది. కేవలం తాను వేసిన తొలి 22 బంతుల్లోనే ఫైఫర్ తీసి స్టార్క్ అదరగొట్టాడు. కనీసం 30 పరుగులైనా చేస్తుందా? లేదా? అనే పరిస్థితుల్లో ఉన్న బంగ్లాను (AUS vs BAN) మెహిదీ - హసన్‌, షోరిఫుల్ - తౌజుల్ భాగస్వామ్యాలు కాపాడాయి. మెహిదీ

శ్రీలంక (SL vs IND) పర్యటనను టీమ్‌ఇండియా (Team India) ఘనవిజయంతో ఆరంభించింది. రెండు టెస్టుల సిరీస్‌ తొలి మ్యాచ్‌ను శుభ్‌మన్‌సేన 165 పరుగుల తేడాతో చేజిక్కించుకుంది. 372 పరుగుల పెద్ద లక్ష్యంతో బరిలోకి దిగిన లంక.. మానవ్‌ సుతార్‌ (6/55) స్పిన్‌ ఉచ్చులో చిక్కుకుని 206 పరుగులకే ఆలౌటైంది. 84/4తో చివరి రోజు రెండో ఇన్నింగ్స్‌ను కొనసాగించిన ఆ జట్టు.. ఇంకో 122 పరుగులు జోడించి మిగతా 6 వికెట్లు కోల్పోయింది. ఈ మ్యాచ్‌ హైలైట్స్ చూసేయండి. ఈ వార్త చదివారా: మానవ్‌ మాయ

ఇంటర్నెట్ డెస్క్‌: శ్రీలంకతో తొలి టెస్టులో భారత్‌ ఘన విజయం సాధించింది. 372 పరుగుల లక్ష్య ఛేదనలో శ్రీలంక 206 పరుగులకే ఆలౌటైంది. దీంతో 165 పరుగుల తేడాతో టీమ్‌ఇండియా గెలిచింది. రెండు టెస్టుల సిరీస్‌లో 1-0 ఆధిక్యం సాధించింది. మానవ్‌ సుతార్ ఫైఫర్‌ (6/55) నమోదు చేశాడు. శ్రీలంక బ్యాటర్లలో సోనాల్ దినుష (84), ధనంజయ డిసిల్వా (59) హాఫ్ సెంచరీలతో రాణించారు. భారత బౌలర్లలో మానవ్ సుతార్ 6, ప్రసిద్ధ్‌ కృష్ణ 2.. సిరాజ్, జడేజా చెరో వికెట్ తీశారు. తొలి ఇన్నింగ్స్‌లో భారత్ 462 పరుగులు చేయగా.. శ్రీలంక 284 పరుగులకే పరిమితమైంది. రెండో ఇన్నింగ్స్‌లో టీమ్‌ఇండియా 193 పరుగులు చేసింది. రెండు ఇన్నింగ్స్‌ల్లో కలిపి మానవ్ సుతార్ 10 వికెట్లు పడగొట్టాడు. తొలి ఇన్నింగ్స్‌లో భారీ సెంచరీ చేసిన దేవదత్‌ పడిక్కల్‌కు ప్లేయర్ ఆఫ్ ది మ్యాచ్‌ అవార్డు వరించింది. ఇక డబ్ల్యూటీసీ పాయింట్ల పట్టికలో భారత్ స్థానం మారనప్పటికీ.. పర్సంటేజీని మాత్రం బాగా పెంచుకుంది. ప్రస్తుతం 53.33 శాతంతో ఐదో స్థానంలో ఉంది. భారత్ ఖాతాలో 60 పాయింట్లు ఉన్నాయి. యువ స్పిన్నర్ మానవ్ సుతార్ మరోసారి అద్భుతం చేశాడు. ఒకే ఓవర్‌లో (76వ) మూడు వికెట్లు తీశాడు. సోనాల్ దినుష (84), ప్రభాత్ జయసూర్య (0)ను వరుస బంతుల్లో ఔట్ చేసిన అతడు.. ఓవర్ చివరి బంతికి లాహిరు కుమార (0)ను పెవిలియన్‌కు చేర్చాడు. సోనాల్‌ క్యాచ్‌ను స్లిప్‌లో ధ్రువ్‌ జురెల్ అందుకొన్నాడు. ప్రభాత్‌ జయసూర్య బౌల్డ్ అయ్యాడు. ఇక లాహిరు ఇచ్చిన క్యాచ్‌ను వికెట్ కీపర్ పంత్ అందుకొన్నాడు. ప్రస్తుతం శ్రీలంక స్కోరు 199/9. శ్రీలంక బ్యాటర్లు వికెట్ ఇవ్వకుండా పట్టుదల ప్రదర్శిస్తున్నారు. భారత బౌలర్లు మాత్రం శతవిధాలా ఏడో వికెట్‌ కోసం ప్రయత్నిస్తున్నారు. లంచ్‌ బ్రేక్‌ తర్వాత ఆరు ఓవర్లపాటు ఆట జరిగింది. కేశర నువాంత (12*), సోనాల్ దినుష (80*) మాత్రం

ఇంటర్నెట్ డెస్క్‌: దిల్లీ ప్రీమియర్‌ లీగ్‌లో (DPL 2026) అనూహ్య ఘటన చోటు చేసుకుంది. బ్యాటర్‌ కొట్టిన బంతి నేరుగా అంపైర్ ముఖానికి తాకింది. దీంతో ఆయన అక్కడే కింద పడిపోవడంతో హుటాహుటిన ఆసుపత్రికి తరలించారు. పరిస్థితి మెరుగ్గా మారేందుకు అంపైర్‌ను ఐసీయూలో చేర్చినట్లు కథనాలు వస్తున్నాయి. డీపీఎల్‌లో ఈస్ట్‌ దిల్లీ రైడర్స్‌ - న్యూదిల్లీ టైగర్స్ మధ్య మ్యాచ్‌ జరిగింది. తొలుత బ్యాటింగ్‌ చేసిన ఈస్ట్‌ రైడర్స్‌ 20 ఓవర్లలో 192/7 స్కోరు చేసింది. అనంతరం లక్ష్య ఛేదనలో టైగర్స్ 156 రన్స్‌కే ఆలౌటైంది. టైగర్స్ ఇన్నింగ్స్‌లో 18వ ఓవర్‌ను ఆశిశ్‌ మీనా వేశాడు. బ్యాటర్ లక్ష్య ధారేజా స్ట్రెయిట్ డ్రైవ్‌ కొట్టగా.. అంపైర్‌ ధర్మేశ్‌ భరద్వాజ్‌కు నేరుగా తాకింది. బాధతో విలవిలాడిపోయారు. మరోవైపు ఏమవుతుందోనని లక్ష్య కంగారుపడిపోయాడు. వెంటనే ధర్మేశ్‌ను మైదానం నుంచి ఆసుపత్రికి తీసుకెళ్లారు. ఈ వీడియో ఇప్పుడు నెట్టింట వైరల్‌గా మారింది. ఆయనకు ఎలా ఉందని క్రికెట్‌ అభిమానులు కామెంట్లు పెడుతున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. శ్రీలంకతో తొలి టెస్టులో టీమ్‌ఇండియా తిరుగులేని స్థితిలో నిలిచింది

ఇంటర్నెట్ డెస్క్‌: టీమ్ఇండియా డాషింగ్‌ ఆటగాడు రిషభ్‌ పంత్ చరిత్ర సృష్టించాడు. భారత టెస్టు చరిత్రలో అరుదైన రికార్డు నెలకొల్పిన తొలి బ్యాటర్‌గా ఘనత సాధించాడు. ఇప్పటి వరకు ఎవరికీ సాధ్యం కాని ఫీట్‌ను ఖాతాలో వేసుకున్నాడు. అదేనండి.. టెస్టుల్లో భారత్‌ తరఫున శత సిక్స్‌ల వీరుడిగా నిలిచాడు. శ్రీలంకతో జరుగుతోన్న తొలి టెస్టులో పంత్‌ 66 పరుగులు చేశాడు. ఇందులో రెండు సిక్స్‌లు ఉన్నాయి. దీంతో 100 సిక్స్‌లు కొట్టిన తొలి భారత బ్యాటర్‌గా అవతరించాడు. అతడి తర్వాత మాజీ క్రికెటర్ వీరేంద్ర సెహ్వాగ్ (90), రోహిత్ శర్మ (88) ఉన్నారు. ప్రస్తుతం భారత్‌ తరఫున ఆడుతున్నవారిలో రవీంద్ర జడేజా (82) మాత్రమే కాస్త దగ్గరగా ఉన్నాడు. యువ ఆటగాళ్లు శుభ్‌మన్ గిల్ (47), యశస్వి జైస్వాల్ (45)కు ఈ మార్క్‌ను అందుకొనే అవకాశం ఉంది. అంతర్జాతీయంగా రిషభ్‌ పంత్ కంటే ముందు ముగ్గురు మాత్రమే ఈ ఫీట్‌ను సాధించారు. ఇంగ్లాండ్‌ మాజీ కెప్టెన్ బెన్ స్టోక్స్ (122 టెస్టుల్లో 138 సిక్స్‌లు), బ్రెండన్ మెక్‌కల్లమ్‌ (101 మ్యాచుల్లో 108), ఆడమ్ గిల్‌క్రిస్ట్ (96 టెస్టుల్లో 100) వంద సిక్స్‌ల మైలురాయిని దాటారు. అత్యంత వేగంగా ఈ ఫీట్‌ను సాధించిన బ్యాటర్‌ మాత్రం రిషభ్‌ పంత్‌నే. అతడు కేవలం 51వ టెస్టుల్లోనే నమోదు చేశాడు. మున్ముందు మెక్‌కల్లమ్‌తోపాటు బెన్‌ స్టోక్స్ అత్యధిక సిక్స్‌ల రికార్డును పంత్‌ బద్దలు కొట్టేందుకు ఎక్కువ అవకాశాలు ఉన్నాయి. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. శ్రీలంకతో

ఇంటర్నెట్ డెస్క్‌: ప్రత్యర్థులను తన ఆటతో కంగారు పెట్టించే ఆస్ట్రేలియా వెనుకడుగు వేసింది. బంగ్లాదేశ్‌ చేతిలో ఘోర ఓటమితో విమర్శలు ఎదుర్కొంది. దీంతో కీలక నిర్ణయం తీసుకుంది. ఫలితం ఎలా ఉన్నా స్క్వాడ్‌ను మార్చేందుకు ఆసీస్‌ మొగ్గు చూపదు. కానీ, బంగ్లాతో రెండు టెస్టుల సిరీస్‌లో 0-1తో ఆసీస్‌ వెనుకంజలోఉంది. రెండో టెస్టులోనైనా గెలిచి సిరీస్‌నను కోల్పోకుండా ఉండాలనేది ఆసీస్‌ ఆలోచన. అందుకోసం సెకండ్ టెస్టు కోసం తన తుది జట్టులో మార్పులు చేసింది. ఓపెనర్‌గా వచ్చిన జేక్ వెదర్లాడ్‌ను తప్పించింది. పాత ఓపెనర్ మాథ్యూ రెన్‌షాకు అవకాశం ఇచ్చింది. వెదర్లాడ్‌ తొలి టెస్టులో 23, 0కే పెవిలియన్‌ చేరాడు. దీంతో అతడిపై వేటుపడింది. వెదర్లాడ్ స్థానంలో వచ్చిన రెన్‌షా చివరిసారిగా ఆసీస్‌ తరఫున మూడేళ్ల కిందట టెస్టు మ్యాచ్‌ ఆడటం గమనార్హం. దిల్లీ వేదికగా భారత్‌తో 2023లో రెన్‌షా టెస్టు మ్యాచ్‌ ఆడాడు. సుదీర్ఘ ఫార్మాట్‌లో అవకాశాలు రాకపోయినా.. పరిమిత ఓవర్ల క్రికెట్‌ జట్టులో మాత్రం ప్లేస్ సంపాదిస్తున్నాడు. మరోవైపు బంగ్లాతో తొలి టెస్టు విఫలమైన స్టార్ ఆటగాడు మార్నస్ లబుషేన్ తన స్థానాన్ని నిలబెట్టుకున్నాడు. ఆగస్టు 22 నుంచి ఆస్ట్రేలియా - బంగ్లాదేశ్‌ జట్ల మధ్య రెండో టెస్టు ప్రారంభం కానుంది. రెండో టెస్టు కోసం ఆసీస్‌ స్క్వాడ్: పాట్ కమిన్స్ (కెప్టెన్), స్కాట్ బొలాండ్, అలెక్స్ కేరీ, కామెరూన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లబుషేన్, నాథన్ లయన్, మాథ్యూ రెన్‌షా, స్టీవ్ స్మిత్, మిచెల్ స్టార్క్, బ్యూ వెబ్‌స్టర్ గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు

భారత క్రికెట్‌లో రవీంద్ర జడేజాకు వారసుడు వచ్చేశాడు. శ్రీలంకతో టెస్టు సిరీస్‌ మొదటి మ్యాచ్‌లోనే సత్తా చాటాడు. ఏంటి అతడి రెండో టెస్టుకే ఓ నిర్ణయానికొచ్చేస్తారా? అనే సందేహం రాకమానదు. కానీ, టాలెంట్ ఉన్న ఆటగాడిని గుర్తించడానికి మరీ ఎక్కువ సమయం అవసరంలేదు కదా.. ఆ జాబితాలో చేరే బౌలర్‌ కమ్ బ్యాటర్‌ మానవ్ సుతార్(Manav Suthar). శ్రీలంకతో మొదటి టెస్టు (India vs Srilanka) తొలి ఇన్నింగ్స్‌లో ఫస్ట్‌ బంతికే వికెట్‌ తీసి తన ఉద్దేశం ఏంటో మానవ్ సుతార్ స్పష్టం చేశాడు. ఆ తర్వాత కూడా లంక బ్యాటర్లను కుదురుకోనీయలేదు. నాలుగు వికెట్లు తీసి సత్తా చాటాడు. అంతకుముందు బ్యాటింగ్‌లోనూ విలువైన 24 పరుగులు (43 బంతులు) రాబట్టాడు. ఇక వార్మప్‌ మ్యాచ్‌లోనూ లోయర్ ఆర్డర్‌లో పరుగులు చేసిన సంగతి తెలిసిందే. దీంతో రవీంద్ర జడేజాలా మరో నాణ్యమైన స్పిన్‌ ఆల్‌రౌండర్‌ దొరికాడంటూ ప్రశంసలు అందుకొంటున్నాడు. ఎప్పుడో టీ20లకు రిటైర్మెంట్ ప్రకటించిన జడేజా (Ravindra Jadeja) టెస్టులు, వన్డేల్లోనే కొనసాగుతున్నాడు. ప్రస్తుతం జడ్డూ వయసు 37 ఏళ్లు. మరో రెండు లేదా మూడేళ్ల వరకు మాత్రమే టెస్టులు ఆడగలడు. అతడి స్థానాన్ని భర్తీ చేయగల సమర్థత సుతార్‌లో ఉందనేది మాజీల వాదన. ఈ కుర్రాడి నైపుణ్యాలకు పదునుపెడితే మరింత రాటుదేలడం ఖాయం. ఇటీవల కాలంలో అంతర్జాతీయంగా స్పిన్‌ను ఆడటంలో బ్యాటర్లు ఆరితేరారు. వారిని బోల్తా కొట్టించాలంటే ప్రత్యేకమైన శైలి ఉండాలి. అలాంటి బౌలర్ సుతార్‌ (Suthar Bowling) అనడంలో సందేహం లేదు. ప్లైటెడ్ డెలివరీలను సంధించి ప్రత్యర్థి బ్యాటర్లను ఇబ్బంది పెడతాడు. ఆడదామా.. వద్దా అనే అనుమానం కలిగిస్తాడు. ఇలాంటిదే శ్రీలంకపై తన తొలి బంతికే వికెట్ తీసి అబ్బురపరిచాడు. చండిమాల్ డిఫెన్స్‌ ఆడేద్దామని అనుకొనేలోపే బంతి గ్లౌవ్స్‌ను తాకుతూ కీపర్‌ చేతిలో పడింది. ఆడుతోంది రెండో టెస్టు అయినాసరే.. ఓపికగా లైన్‌ అండ్‌ లెంగ్త్‌కు కట్టుబడే బౌలర్‌గా పేరొందాడు. బంతిని

ఇంటర్నెట్ డెస్క్‌: యువ స్పిన్నర్ మానవ్ సుతార్ అద్భుతం చేశాడు. తాను వేసిన తొలి బంతికే వికెట్ తీసి అబ్బురపరిచాడు. ఎనిమిదో ఓవర్‌ను వేస్తోన్న అతడు మొదటి బంతికే చండిమాల్ (4)ను పెవిలియన్‌కు చేర్చాడు. అద్భుతంగా టర్న్ అయిన బంతి చండిమాల్‌ గ్లౌవ్‌ను తాకుతూ వికెట్‌ కీపర్ రిషభ్‌ పంత్ చేతిలో పడింది. దీంతో 27 పరుగుల వద్ద శ్రీలంక రెండో వికెట్‌ను నష్టపోయింది. తొలి ఓవర్‌లోనే వికెట్‌ను కోల్పోయిన శ్రీలంక ఆ షాక్‌ నుంచి కాస్త తేరుకుంది. బ్యాటర్లు ఉదారా (18*), చండిమాల్ (4*) మరో వికెట్‌ పడనీయకుండా ఆచితూచి ఆడుతున్నారు. ప్రస్తుతం 7 ఓవర్లు ముగిసేసరికి శ్రీలంక స్కోరు 27/1. అంతకుముందు టీమ్‌ఇండియా 462 పరుగులకు ఆలౌటైన సంగతి తెలిసిందే. శ్రీలంక - భారత్‌ (IND vs SL) జట్ల మధ్య తొలి టెస్టు మూడో రోజు ఆట మొదలైంది. ఓవర్‌ నైట్‌ స్కోరుకు అదనంగా రెండు పరుగులను మాత్రమే జోడించిన టీమ్‌ఇండియా 462 పరుగులకు ఆలౌటైంది. చివరి వికెట్‌గా ప్రసిద్ధ్‌ కృష్ణ (2) పెవిలియన్‌కు చేరాడు. అనంతరం బ్యాటింగ్‌ ప్రారంభించిన శ్రీలంకకు తొలి ఓవర్‌లోనే షాక్‌ తగిలింది. ఓపెనర్‌ మదుష్క (0)ను సిరాజ్‌ ఔట్ చేశాడు. రెండో బంతికే స్లిప్‌లో ఉన్న పడిక్కల్‌కు మదుష్క క్యాచ్‌ ఇచ్చాడు. గత రెండు రోజులు వర్షం కారణంగా దాదాపు 60 ఓవర్ల వరకూ ఆట రద్దయిన సంగతి తెలిసిందే. దీంతో ఇవాళ ఓ పావుగంట ముందుగానే మ్యాచ్‌ మొదలైంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర

ఇంటర్నెట్ డెస్క్: చెన్నై సూపర్‌ కింగ్స్‌ (CSK)కు 18 ఏళ్లపాటు కోచ్‌గా ఉన్న స్టీఫెన్ ఫ్లెమింగ్ ఇటీవల ఆ బంధానికి ముగింపు పలికిన సంగతి తెలిసిందే. ఇప్పుడు సీఎస్కేకు కొత్త హెడ్‌గా ఎవరొస్తారనే దానిపై క్రికెట్ వర్గాల్లో జోరుగా చర్చ జరుగుతోంది. మొన్నటివరకు ఇంగ్లాండ్ కోచ్‌గా ఉన్న బ్రెండన్ మెక్‌కల్లమ్‌ (Brendon McCullum) చెన్నై కోచ్‌గా వస్తాడని వార్తలొచ్చాయి. ఇంగ్లాండ్ మాజీ కెప్టెన్ ఇయాన్ మోర్గాన్ (Eoin Morgan) కోచ్‌ పదవి రేసులో ఉన్నాడని సీఎస్కే మాజీ బౌలర్ రవిచంద్రన్ అశ్విన్ పేర్కొన్నాడు. ఈ నేపథ్యంలో చెన్నై కోచ్‌ అంశంపై టీమ్ఇండియా మాజీ బ్యాటర్ క్రిస్ శ్రీకాంత్ (Kris Srikkanth) స్పందించాడు. ఇయాన్ మోర్గాన్‌ కోచ్ పదవిపై దృష్టిపెట్టకుండా కామెంటేటరీకి పరిమితమైతే మంచిదని పేర్కొన్నాడు. అలాగే, బ్రెండన్‌ మెక్‌కల్లమ్‌ను కూడా కోచ్‌గా నియమించుకోవద్దని సీఎస్కేకు సూచించాడు. బయట వ్యక్తులను కాకుండా ఇప్పుడున్న కోచింగ్ స్టాఫ్‌లో ఓ వ్యక్తికి హెడ్‌ కోచ్‌గా పగ్గాలు అప్పగించాలన్నాడు. ‘‘నేనైతే ఇయాన్ మోర్గాన్‌ను చెన్నై కోచ్‌గా ఎంచుకోవద్దని చెబుతా. అతడు ఇంగ్లాండ్ తరపున మంచి ఆటగాడిగా, మంచి కెప్టెన్‌గా రాణించాడు. కానీ, కోచ్‌గా మాత్రం అతడిని పరిగణనలోకి తీసుకోను. ఐపీఎల్‌లో కేకేఆర్ కెప్టెన్‌గా కూడా మోర్గాన్‌ గొప్ప ప్రదర్శనేమీ చేయలేదు. అతడు కామెంటరీకే పరిమితమైతే మంచిది. అలాగే, బ్రెండన్ మెకల్లమ్‌ను హెడ్ కోచ్‌గా నియమించుకోవద్దు. ఇప్పుడు ఇంగ్లాండ్ వన్డే, టీ20 జట్టుకు కోచ్‌గా ఉన్నాడు. ఇలాంటి తరుణంలో మెక్‌కల్లమ్‌ను కోచ్‌గా నియమించుకుంటే సీఎస్కేకు ఇబ్బందులు తప్పవు. మోర్గాన్, మెక్‌కల్లమ్ ఇద్దరినీ ఆ ఫ్రాంఛైజీ పక్కనపెట్టాలి. తమ వద్ద ‘మిస్టర్ క్రికెట్’ (మైకేల్ హస్సీ) ఉన్నప్పుడు సీఎస్కేకు బయటి వ్యక్తుల అవసరం లేదు. మైకేల్ హస్సీనే ఆటోమేటిక్‌గా ప్రధాన కోచ్‌ కావాలి. అతడే అత్యుత్తమ ఎంపిక కూడా. ఇకపై సీఎస్కేలో ధోనీ పాత్ర ఏంటి? ముందుగా ఆ విషయంపై స్పష్టత రావాలి. అప్పుడే మిగిలిన విషయాలన్నీ ఒక కొలిక్కి వస్తాయి’’ అని

ఇంటర్నెట్ డెస్క్: గత ఏడు ఇన్నింగ్స్‌ల్లో ఒక్క అర్ధ శతకం కూడా చేయలేకపోయిన భారత బ్యాటర్ ధ్రువ్ జురెల్ (Dhruv Jurel) మళ్లీ ఫామ్ అందుకున్నాడు. శ్రీలంకతో జరుగుతున్న తొలి టెస్టులో మొదటి ఇన్నింగ్స్‌లో జురెల్ (51; 68 బంతుల్లో 4 ఫోర్లు, 1 సిక్స్‌) అర్ధ శతకంతో రాణించాడు. ఫామ్‌లో లేకున్నా తాను ఎలాంటి ఒత్తిడికి లోను కాలేదని జురెల్ అన్నాడు. ఫామ్ కోల్పోయిన ఈ దశలో హెడ్ కోచ్ గౌతమ్ గంభీర్, కెప్టెన్ శుభ్‌మన్ గిల్‌ తనకు మద్దతుగా నిలిచి ఆత్మవిశ్వాసం నింపారని తెలిపాడు. లంకతో మ్యాచ్‌లో రెండో రోజు ఆట ముగిసిన అనంతరం ధ్రువ్ విలేకరులతో మాట్లాడాడు. ‘‘నిజాయతీగా చెప్పాలంటే ఫామ్‌లో లేకున్నా నాపై ఎలాంటి ఒత్తిడీ లేదు. భారత్‌కు ప్రాతినిధ్యం వహించే అవకాశం లభించినందుకు ఎంతో కృతజ్ఞుడిని. ఆ గౌరవం కోసమే ఆడతాను. కెప్టెన్, హెడ్ కోచ్‌తో మాట్లాడినప్పుడల్లా వారు పరిస్థితులను వివరించి ఏం చేయాలో చెబుతుంటారు. అందుకు తగ్గట్టుగా ఆడాలని సూచిస్తారు. బ్యాటింగ్‌కు వెళ్లే ముందు నేను ఎలాంటి వ్యక్తిగత మైలురాళ్ల గురించి ఆలోచించను. కేవలం మైదానంలోకి వెళ్లి జట్టుకు ఏం అవసరమో అదే చేస్తాను. మేం 10 రోజుల ముందే ఇక్కడికి వచ్చాం. కొలంబోలో ప్రాక్టీస్ చేశాం. అంతకుముందు ‘ఇండియా ఎ’ తరఫున ఆడాం. ఇలాంటి పిచ్‌లపై సాధ్యమైనంత ఎక్కువగా బ్యాటింగ్ చేయడంపైనే నా దృష్టి ఉంది. దీని వల్ల నా బ్యాటింగ్‌ మెరుగుపడటమేకాక ఇక్కడి వాతావరణం, పరిస్థితులపై అవగాహన వస్తుంది. వర్షం కారణంగా ఔట్ ఫీల్డ్ తడిగా మారింది. చాలా ఓవర్లు నష్టపోయాం. అయినప్పటికీ నిలకడగా ఆడుతూ సాధ్యమైనన్ని ఎక్కువ పరుగులు చేయడం, లోయర్ ఆర్డర్‌లో మంచి భాగస్వామ్యాలను నెలకొల్పడం మా ప్లాన్. పిచ్‌ ఇంకా బ్యాటింగ్‌కు అనుకూలంగా ఉంది. శ్రీలంక బౌలర్ల మాదిరిగానే భారత బౌలర్లు కూడా సుదీర్ఘ సమయం పాటు బౌలింగ్ చేయాల్సి ఉంటుందని అనుకుంటున్నా. మేం మ్యచ్‌ గెలవాలంటే పట్టుదలతో

ఇంటర్నెట్ డెస్క్‌: జస్‌ప్రీత్ బుమ్రా, సాయి సుదర్శన్, వాషింగ్టన్ సుందర్, నితీశ్ కుమార్‌ రెడ్డి, హర్షిత్‌ రాణా.. ఇదీ గాయాలతో సెంటర్ ఆఫ్‌ ఎక్స్‌లెన్స్‌ బాట పట్టిన భారత క్రికెటర్లు. ఇంజూరీ మేనేజ్‌మెంట్‌పై తీవ్ర స్థాయిలో ఆందోళన వ్యక్తమవుతోంది. ప్రధాన కోచ్ గౌతమ్ గంభీర్, చీఫ్‌ సెలక్టర్ అజిత్ అగార్కర్, సీవోఈపై ప్రశ్నలు తలెత్తుతున్నాయి. ఈ క్రమంలో క్రికెట్ దిగ్గజం సునీల్ గావస్కర్ (Sunil Gavaskar) కీలక వ్యాఖ్యలు చేశారు. ఫిజియోలు ఇలా వార్తల్లో నిలవడం బాధాకరమని తెలిపారు. అలాగే ప్లేయర్ల ట్రైనింగ్‌ రొటీన్స్‌ను మార్చాల్సి ఉందని అభిప్రాయపడ్డారు. ‘‘జస్‌ప్రీత్ బుమ్రా(Jasprit Bumrah)కి మోకాలి గాయం ఉంది. మిగతా ప్లేయర్లలో చాలా మందిలో కండరాలు పట్టేయడం చూస్తున్నాం. వారికి ఇస్తున్న ట్రైనింగ్‌లో ఏదో పొరపాటు ఉందనిపిస్తోంది. అందుకే పదేపదే గాయాలు తిరగబెడుతున్నాయి. భారత్‌ జట్టుకు ఆడుతున్నప్పుడే గాయపడుతున్నారు. దురదృష్టవశాత్తూ బీసీసీఐ సెంటర్ ఆఫ్‌ ఎక్స్‌లెన్స్‌ (CoE) ఫిజియోలను బ్లేమ్ చేయాల్సిన పరిస్థితి ఎదురైంది. మరీ ముఖ్యంగా బయోమెకానిక్స్‌ పేరుతో నెట్స్‌లో బౌలర్లను పరిమిత సంఖ్యలోనే బంతులు వేయాలనే విధానం సందేహాస్పదంగా మారింది. ఐపీఎల్‌లోనూ కొందరు విదేశీ ఫిజియోలు నెట్స్‌లో 20 బంతులు కంటే ఎక్కువ వేయనివ్వకుండా చూస్తారని తెలిసింది. టీ20ల్లో బౌలర్ కనీసం 24 బంతులు విసరాలి. కానీ, నెట్స్‌లో అంతకంటే తక్కువ బంతులు ప్రాక్టీస్ చేయడం వల్ల ఏం ప్రయోజనం?’’ అని గావస్కర్ ప్రశ్నించారు. ‘‘గాయాలు ఎందుకు పునరావృతం అవుతున్నాయనేది తెలుసుకోవాలి. అందుకు పరిష్కారం కనుగొనాలి. జిమ్‌ ఫిట్‌నెస్‌ కంటే మ్యాచ్‌ ఫిట్‌నెస్ ముఖ్యం. అయితే, నేను ఫిట్‌నెస్ విషయంలో భిన్నమైన అభిప్రాయాలున్న తరానికి చెందినవాడిని కావచ్చు కానీ.. మ్యాచ్‌ ముఖ్యమని భావిస్తా’’ అని సునీల్ గావస్కర్ స్పష్టం చేశారు. ఇప్పటికే ఆటగాళ్ల గాయాలపై సెంటర్ ఆఫ్‌ ఎక్స్‌లెన్స్‌ ఫిజియోల నుంచి బీసీసీఐ (BCCI) కార్యదర్శి దేవజిత్‌ సైకియా వివరణ అడిగారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు

ఇంటర్నెట్ డెస్క్: శ్రీలంక - భారత్‌ జట్ల మధ్య తొలి టెస్టు రెండో రోజు ఆట మొదటి సెషన్‌ వర్షార్పణమైంది. ప్రస్తుతం వర్షం ఆగింది. అయితే, మైదానాన్ని సిద్ధం చేసేందుకు సమయం పట్టనుంది. దీంతో 12 గంటలకు ఉండాల్సిన లంచ్‌ బ్రేక్‌ను 11.40 గంటలకే ఇచ్చారు. మైదానం సిద్ధమైతే రెండో సెషన్ ఆట 12.20 గంటలకు మొదలుకానుంది. గాలె వేదికగా శ్రీలంక - భారత్ (IND vs SL) తొలి టెస్టు మ్యాచ్‌కు వరుణుడు అడ్డుగా మారాడు. దీంతో రెండో రోజు ఆట ఇంకా మొదలే కాలేదు. షెడ్యూల్ ప్రకారం ఉదయం 10 గంటలకే ప్రారంభం కావాల్సి ఉంది. కానీ, వర్షం ఆగకపోవడంతో మైదానమంతా కవర్లతో కప్పి ఉంది. టాస్‌ నెగ్గిన భారత్ బ్యాటింగ్‌ ఎంచుకున్న సంగతి తెలిసిందే. తొలి రోజు ఆట ముగిసేసమయానికి టీమ్‌ఇండియా స్కోరు 288/2. క్రీజ్‌లో దేవదత్ పడిక్కల్ (131*), రిషభ్‌ పంత్ (27*) ఉన్నారు. అంతకుముందు యశస్వి జైస్వాల్ (32), శుభ్‌మన్ గిల్ (16) పరుగులు చేయగా.. కేఎల్ రాహుల్ (77*) రిటైర్డ్ హర్ట్‌గా డగౌట్‌కు వెళ్లాడు. తొలి రోజు కూడా వర్షం కారణంగా 73 ఓవర్ల ఆట మాత్రమే సాధ్యమైంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. శ్రీలంకతో జరుగుతున్న తొలి టెస్టు మొదటి రోజు ఆటలో భారత్‌ హవా సాగింది

ఇంటర్నెట్ డెస్క్: భారత యువ ఆటగాడు యశస్వి జైస్వాల్ (Team India Yashasvi Jaiswal) ఓ ఘనతను తన ఖాతాలో వేసుకున్నాడు. దిగ్గజ క్రికెటర్ సచిన్ తెందుల్కర్ సరసన చేరాడు. శ్రీలంకతో జరుగుతోన్న తొలి టెస్టులో యశస్వి 32 పరుగుల వద్ద రనౌట్‌గా వెనుదిరిగాడు. యశస్వికిది కెరీర్‌లో 30వ టెస్టు మ్యాచ్. మొత్తం 55 ఇన్నింగ్స్‌లు ఆడాడు. ప్రస్తుతం అతడి ఖాతాలో 2,567 పరుగులు ఉన్నాయి. ఈ క్రమంలో సచిన్‌తోపాటు మాజీ క్రికెటర్ సంజయ్‌ మంజ్రేకర్‌ సాధించిన ఘనతను యశస్వి కూడా నమోదు చేయడం గమనార్హం. కెరీర్‌లో తొలి 30 టెస్టులను భిన్నమైన వేదికల్లో ఆడిన భారత (Team India) ప్లేయర్లు మొన్నటి వరకూ ఇద్దరే ఉండేవారు. ఇప్పుడు మూడో ప్లేయర్ ఆ జాబితాలో చేరాడు. సంజయ్‌ మంజ్రేకర్ వరుసగా 33 టెస్టులను వేర్వేరు వేదికల్లో ఆడాడు. అయితే, అతడి కెరీర్‌లో మొత్తం టెస్టులు 37 మాత్రమే ఉండటం గమనార్హం. ఇక ఆ తర్వాత సచిన్‌ 32 టెస్టులను వేర్వేరు వేదికల్లో ఆడగా.. ఇప్పుడు యశస్వి 30 టెస్టులను పూర్తి చేసుకున్నాడు. సచిన్ (Sachin Tendulkar) తన కెరీర్‌లో మొత్తం 200 టెస్టులు ఆడాడు. ఈ జాబితాలో తొలి స్థానంలో ఉన్న సంజయ్‌ ఘనతను అధిగమించే అవకాశం యశస్వికి ఉంది. ఇప్పుడు శ్రీలంకతో రెండో టెస్టుకు కొలంబో వేదిక. ఆ తర్వాత న్యూజిలాండ్‌తో టెస్టు సిరీస్‌ ఉంది. అప్పుడు యశస్వి (Yashasvi Jaiswal) ఆ రికార్డును బ్రేక్‌ చేసే అవకాశం ఉంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో

ఇంటర్నెట్ డెస్క్: టీమ్ఇండియా బ్యాటర్లు కొన్నాళ్లుగా స్పిన్ బౌలింగ్‌ను సమర్థవంతంగా ఎదుర్కొలేక తడబడుతున్న సంగతి తెలిసిందే. అయితే, శ్రీలంకతో జరుగుతున్న తొలి టెస్టులో వన్‌డౌన్‌లో దిగిన దేవదత్‌ పడిక్కల్ (Devdutt Padikkal) స్పిన్‌ను అలవోకగా ఆడేస్తున్నాడు. తొలి రోజు ఆటలో పడిక్కల్ (131*; 178 బంతుల్లో 12 ఫోర్లు, 1 సిక్స్‌) సెంచరీ బాదేశాడు. తాను ఎదుర్కొన్న తొలి బంతినే బౌండరీకి పంపిన ఈ లెప్ట్ హ్యాండర్.. ప్రభాత్ జయసూర్య బౌలింగ్‌లో క్రీజు వదిలేసి ముందుకు వచ్చి లాంగాన్‌ మీదుగా సిక్సర్ బాదాడు. అతని ఆత్మవిశ్వాసం చూస్తుంటే టెస్టుల్లో తన శతకాన్నే డబుల్ సెంచరీగా మలిచేలా కనిపిస్తున్నాడు. ఈ నేపథ్యంలో పడిక్కల్‌పై భారత మాజీ ఆటగాడు సంజయ్‌ మంజ్రేకర్ (Sanjay Manjrekar) ప్రశంసలు కురిపించాడు. ప్రస్తుత పరిస్థితుల్లో ఈ ఆటగాడు టీమ్ఇండియాకు దేవుడిచ్చిన వరమని అభిప్రాయపడిన మంజ్రేకర్.. సాయి సుదర్శన్ తిరిగి జట్టులోకి వచ్చినప్పటికీ పడిక్కల్‌నే మూడో స్థానంలో కొనసాగించాలని టీమ్‌ మేనేజ్‌మెంట్‌ను కోరాడు. ‘‘భారత జట్టులో దేవదత్ పడిక్కల్ రూపంలో ఒక కీలకమైన మార్పు కనిపించింది. జట్టు ఎంపిక ఎంత అద్భుతంగా ఉందంటే పడిక్కల్ క్రీజులోకి వచ్చి స్పిన్ బౌలింగ్‌ను ఎంతో సునాయాసంగా ఎదుర్కోవడం చూస్తుంటే అది స్పష్టమవుతోంది. స్పిన్‌ను డిఫెన్స్ చేయడంలోనూ ఫీల్డర్లు దూరంగా ఉన్నప్పుడు సులభంగా సింగిల్స్, డబుల్స్ తీస్తున్నాడు. అలాగే స్లో, టర్నింగ్ పిచ్‌లపై బ్యాక్‌ఫుట్ నుంచే దూకుడుగా షాట్లు ఆడుతున్నాడు. ఇది చాలా అద్భుతమైన విషయం. ఇలాంటి పిచ్‌పై స్పిన్‌ను ఎదుర్కోవడానికి ఇదే ఉత్తమ మార్గం. పడిక్కల్ క్రీజు వదిలి ముందుకు వచ్చి బౌలర్‌ తలమీదుగా షాట్లు కూడా కొట్టగల సమర్థుడు. కాబట్టి స్పిన్‌కు అనుకూలించే పిచ్‌లపై సాయి సుదర్శన్ జట్టులోకి తిరిగి వచ్చినా దేవదత్‌ను మూడో స్థానంలోనే బ్యాటింగ్ చేయించాలి. ఎందుకంటే స్పిన్ బౌలింగ్‌ను ఎదుర్కోవడంలో అతను అత్యంత సమర్థవంతమైన ఆటగాడిగా కనిపిస్తున్నాడు. మూడో స్థానంలో ఇలాంటి ఆటగాడు దొరకడం టీమ్‌ఇండియాకు దేవుడిచ్చిన వరం అని

ఇంటర్నెట్ డెస్క్: టీమ్ఇండియా బ్యాటర్ దేవదత్ పడిక్కల్ అరుదైన ఘనత సాధించాడు. శ్రీలంకతో జరుగుతున్న తొలి టెస్టు మొదటి ఇన్నింగ్స్‌లో పడిక్కల్ సెంచరీ చేశాడు. టెస్టుల్లో అతడికిది తొలి శతకం. అంతేకాదు ఈ ఇన్నింగ్స్‌కు మరో ప్రత్యేకత ఉంది. భారత క్రికెట్‌ చరిత్రలో స్వాతంత్ర్య దినోత్సవం రోజున టెస్టుల్లో శతకం చేసిన తొలి బ్యాటర్‌గా పడిక్కల్ రికార్డు సృష్టించాడు. ఇక.. స్వాతంత్ర్య దినోత్సవం రోజున సెంచరీ చేసిన తొలి భారత బ్యాటర్ విరాట్ కోహ్లీ. అతను 2019లో వెస్టిండీస్‌తో జరిగిన మ్యాచ్‌లో విరాట్ (114*; 99 బంతుల్లో) శతకం చేశాడు. పోర్ట్ ఆఫ్ స్పెయిన్‌ వేదికగా జరిగిన ఆ మ్యాచ్‌ ఆగస్టు 14న ప్రారంభమైనప్పటికీ భారత కాలమానం ప్రకారం ఆగస్టు 15 తెల్లవారుజామున కోహ్లీ ఈ సెంచరీని పూర్తి చేశాడు. గణతంత్ర దినోత్సవం రోజున టెస్టుల్లో తొలి సెంచరీ చేసిన రికార్డు కూడా కోహ్లీ పేరిటే ఉంది. 2012లో ఆస్ట్రేలియాపై ఈ ఘనత సాధించాడు. ఇక, శ్రీలంకతో తొలి టెస్టు విషయానికొస్తే.. మొదటి ఇన్నింగ్స్‌లో భారత్ 63 ఓవర్లు ముగిసేసరికి 239/2 స్కోరుతో ఉంది. పడిక్కల్ (107*; 147 బంతుల్లో), రిషభ్‌ పంత్ (3*) క్రీజులో ఉన్నారు. కేఎల్ రాహుల్ (77) రిటైర్డ్ హర్ట్‌గా మైదానం వీడాడు. ఓపెనర్ యశస్వి జైస్వాల్ (32) పరుగులు చేశాడు. కెప్టెన్ శుభ్‌మన్ గిల్ (16) నిరాశపర్చాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

మూడు ఐసీసీ ట్రోఫీలను నెగ్గిన సారథి.. భారత జట్టును ఉన్నత స్థాయికి తీసుకెళ్లిన కెప్టెన్‌. వికెట్ కీపర్‌గానూ చురుకైన పాత్ర. మరి ఇలాంటి ప్లేయర్‌కు ఎంతటి ఘనమైన వీడ్కోలు అందాలి. కానీ, అవేవీ తనకు అవసరం లేదని భావించాడీ ‘కెప్టెన్ కూల్‌’ (Captain Cool). అంతర్జాతీయంగా తన ‘7’వ నంబర్‌ జెర్సీకి చడీచప్పుడు లేకుండా గుడ్‌బై చెప్పేసి ఆరేళ్లైనా ఇప్పటికీ ‘ధోని’ ఘనతలను మరువలేం. అదీనూ భారత స్వాతంత్ర్య దినోత్సవం రోజునే వీడ్కోలు చెప్పడం విశేషం. ఇటీవల అజింక్య రహానే తన రిటైర్మెంట్‌పై సోషల్ మీడియా వేదికగా ఓ పోస్టు పెట్టాడు. ఆటకు వీడ్కోలు పలుకుతున్నానని చెప్పాడు. అంతకుముందు కూడా కొందరు ప్లేయర్లు ఇలానే చెప్పారు. విరాట్, రోహిత్ అయితే టీ20, టెస్టులకు గుడ్‌బై చెప్పేశారు. కానీ, పెద్దగా ప్రచారం కోరుకోని ధోని (MS Dhoni) మాత్రం ఓ ఆసక్తికరమైన పోస్టుతో తన నిర్ణయాన్ని ప్రకటించాడు. అమితాబ్‌ బచ్చన్ నటించిన కభికభీ సినిమాలోని సాంగ్‌ను బ్యాక్‌గ్రౌండ్‌లో పెట్టాడు. ‘‘ఇవాళ రాత్రి 19:29 గంటల నుంచి అంతర్జాతీయ క్రికెట్‌ నుంచి రిటైర్మెంట్‌ తీసుకున్నట్లు పరిగణనలోకి తీసుకోండి’’ అని 2020 ఆగస్టు 15న అభిమానుల కోసం పోస్టు పెట్టాడు. డిసెంబర్ 2019లో బోరియా మజుందార్‌తో ఓ షోలో ధోని ఆ పాటను రెండు లైన్లు పాడటం విశేషం. సాధారణంగా ఎవరైనా ప్లేయర్‌ తాము అంతర్జాతీయ క్రికెట్‌ నుంచి వైదొలుగుతున్నామని జట్టు మేనేజ్‌మెంట్‌కు చెప్పడం సహజం. ఫేర్‌వెల్‌ మ్యాచ్‌ను ఆడించి ఘనమైన వీడ్కోలు పలకడం ఆనవాయితీ. కానీ, ధోని మాత్రం ఇలాంటివి కోరుకోలేదు. భారత్‌ తరఫున తన చివరి మ్యాచ్‌ను 2019 జులైలో ఆడాడు. దాదాపు 13 నెలల తర్వాత అంటే 2020 ఆగస్టు 15న ఆటకు గుడ్‌బై చెప్పి అందర్నీ ఆశ్చర్యపరిచాడు. ‘‘మాట కాదు.. పనే మాట్లాడాలి’ అన్నట్లుగా ధోని (Dhoni Records) సాధించిన ఘనతలు ఎప్పటికీ నిలిచిపోతాయి. ధోనితోపాటు సురేశ్ రైనా కూడా ఇదే రోజున

ఇంటర్నెట్ డెస్క్‌: శ్రీలంకతో మొదటి టెస్టులో భారత్‌ 47 పరుగుల వద్ద తొలి వికెట్‌ను కోల్పోయింది. నాణ్యమైన ఆటతీరుతో ఆకట్టుకున్న యశస్వి జైస్వాల్ (32: 37 బంతుల్లో 5 ఫోర్లు) రనౌట్ రూపంలో పెవిలియన్‌కు చేరాడు. కేశర నువాంత బౌలింగ్‌లో (10.6వ ఓవర్) కేఎల్ రాహుల్ ఆడిన బంతి నాన్‌స్ట్రైకర్‌ వైపు వెళ్లింది. అయితే, బంతిని ఆపేందుకు ప్రయత్నించిన నువారా యశస్విని తగిలాడు. దీంతో యశస్వి పట్టు తప్పి కిందపడ్డాడు. మరోవైపు కేఎల్ రాహుల్ (14*) సింగిల్ కోసం ఇటు వైపు వచ్చాడు. కానీ, యశస్వి స్ట్రైకింగ్‌కు వెళ్లలేకపోయాడు. దీంతో ఫీల్డర్ ప్రభాత్ జయసూర్య విసిరిన బంతిని తీసుకుని కీపర్ డిక్వెల్లా వికెట్లను పడగొట్టాడు. దీంతో నిరాశగా యశస్వి పెవిలియన్‌కు చేరాడు. అనంతరం క్రీజ్‌లోకి దేవదత్ పడిక్కల్ వచ్చాడు. ప్రస్తుతం టీమ్‌ఇండియా స్కోరు 12 ఓవర్లకు 47/1. టాస్‌ గెలిచి బ్యాటింగ్‌ ఎంచుకున్న భారత్‌ తొలి సెషన్‌లో ఆచితూచి ఆడుతోంది. పిచ్‌ నుంచి పేసర్లకు కాస్త సహకారం లభిస్తుండటంతో షాట్లు కొట్టేందుకు టీమ్‌ఇండియా ఓపెనర్లు సాహసం చేయడంలేదు. యశస్వి జైస్వాల్ (18*) మాత్రం వీలుచిక్కినప్పుడల్లా బౌండరీలు కొడుతున్నాడు. కేఎల్ రాహుల్ (6*) కూడా ఒక ఫోర్ రాబట్టాడు. ఎడాపెడా షాట్లు కాకుండా నిలకడగా ఆడుతూ పరుగులు రాబడుతున్నారు. ప్రస్తుతం భారత్ స్కోరు 7 ఓవర్లకు 25/0. శ్రీలంకతో తొలి టెస్టులో భారత్‌ (India vs Srilanka) టాస్ నెగ్గి బ్యాటింగ్‌ ఎంచుకుంది. తుది జట్టులో సర్ఫరాజ్ ఖాన్‌కు అవకాశం దక్కలేదు. భారత్ ముగ్గురు ఎడమచేతివాటం స్పిన్నర్లతోనే బరిలోకి దిగుతోంది. టీమ్‌ఇండియా టెస్టు చరిత్రలో ఇది 600వ మ్యాచ్. ఈ మార్క్‌ను అందుకొన్న మూడో టీమ్‌గా భారత్ నిలిచింది. ఇంగ్లాండ్ (1083), ఆస్ట్రేలియా (883) ముందున్నాయి. మరోవైపు గాలె వేదికగా ఇది 50వ టెస్టు కావడం గమనార్హం. భారత్: యశస్వి జైస్వాల్, కేఎల్ రాహుల్, శుభ్‌మన్ గిల్ (కెప్టెన్), దేవదత్ పడిక్కల్, రిషభ్‌ పంత్ (వికెట్

ఇంటర్నెట్ డెస్క్‌: పన్నెండేళ్ల కిందట రంజీల్లోకి అరంగేట్రం చేసిన సారాంశ్ జైన్‌కు ఇప్పుడు టీమ్ఇండియా (Team India Test Cricket) టెస్టు జట్టులోకి ఎంట్రీ దక్కింది. శ్రీలంకతో రెండు టెస్టుల సిరీస్‌లో భాగంగా శనివారం నుంచి మొదటి మ్యాచ్‌ ప్రారంభం కానుంది. ఈ క్రమంలో మరో ఆటగాడు అకిబ్ నబీతో కలిసి సారాంశ్ చిట్‌చాట్ చేశాడు. అకిబ్ అఫ్గాన్‌తో టెస్టు సిరీస్‌కు ఎంపికైనా తుది జట్టులో మాత్రం చోటు దక్కలేదు. ఇప్పుడు శ్రీలంకతో వీరిద్దరూ ఆడే అవకాశం ఉంది. ఈ క్రమంలోనే వీరి చిట్‌చాట్‌ వీడియోను బీసీసీఐ తాజాగా తన సోషల్ మీడియాలో పోస్టు చేసింది. ‘‘ఓసారి నేను గుడిలో ఉన్నప్పుడు ఫోన్ వచ్చింది. అక్కడి నుంచి వస్తూ డ్రైవింగ్‌ చేస్తుండగా మళ్లీ కాల్ వచ్చింది. మెసేజ్‌లు కూడా వచ్చాయి. అప్పుడే నేను టీమ్‌ఇండియా(Team India)కు ఎంపికైనట్లు తెలిసింది. ఇక్కడికి వచ్చాక నాకేమీ కొత్తగా లేదు. ఎందుకంటే రంజీ ట్రోఫీలో ఎలా ఉంటుందో అలానే ఉంది. వార్మప్‌ మ్యాచ్‌కు మూడు రోజుల ముందే జట్టుతో చేరా. ఇక్కడ ఉన్న 80 శాతం ప్లేయర్లతో దేశవాళీలో ఆడిన అనుభవం ఉంది. అందువల్ల వారితో సులువుగానే కలిసిపోయా’’ అని సారాంశ్‌ (Saransh Jain) వెల్లడించాడు. ‘‘టెస్టు క్రికెట్‌లోకి అడుగు పెట్టాలంటే ఓర్పు అత్యంత ముఖ్యం. నా కెరీర్‌ మొదలైనప్పటి నుంచి నేను ఇలానే ఉన్నా. 2014-15 సీజన్‌లో రంజీ ట్రోఫీలోకి అడుగు పెట్టా. ఇక్కడికి చేరుకొనేందుకు చాలా కష్టపడ్డా. ఎన్నో త్యాగాలు చేశా. ఎప్పటికైనా భారత జట్టుకు ఆడతానని కలలు కన్నా. ఇప్పుడు అవకాశం వచ్చింది. దీని వెనుక నా కుటుంబం పాత్ర వెలకట్టలేనిది. మా నాన్న కూడా రంజీ ప్లేయరే. సహనంతో ఉండాలని ఆయనే చెప్పేవారు. అప్పుడే పరిస్థితులు మనకు అనుకూలంగా మారతాయని అనేవారు. ఇప్పుడు ఆ మాటలు నిజమయ్యాయి’’ అని సారాంశ్‌ తెలిపాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు

ఇంటర్నెట్ డెస్క్‌: తన కెరీర్‌ నిలబడేందుకు ఐపీఎల్‌లో చేసిన ఓ సెంచరీనే కారణమని దక్షిణాఫ్రికా ఆటగాడు డేవిడ్ మిల్లర్ (David Miller) వ్యాఖ్యానించాడు. తాజాగా ఓ ఇంటర్వ్యూలో పలు విషయాలపై అతడు మాట్లాడాడు. వచ్చే ఏడాది స్వదేశంలో జరిగే ప్రపంచ కప్‌ను గెలిచి ఆటకు వీడ్కోలు పలకాలని ఉందని చెప్పాడు. ఇక ఐపీఎల్‌లో గుర్తుండిపోయే ఇన్నింగ్స్‌ల గురించి ప్రస్తావించాడు. ‘‘రాయల్ ఛాలెంజర్స్‌ జట్టుపై 2013 ఐపీఎల్‌ సీజన్‌లో 101 పరుగుల ఇన్నింగ్స్ ఆడా. పంజాబ్‌ కింగ్స్‌ తరఫున బరిలోకి దిగిన నాకు అదే ఫస్ట్ టీ20 సెంచరీ. చాలా గుర్తింపు తీసుకొచ్చింది. నా కెరీర్‌లో ఒక్కసారిగా ఊపు వచ్చింది. అంతర్జాతీయ క్రికెట్‌లో ఆస్ట్రేలియాపై ఆడిన ఇన్నింగ్స్‌ మరిచిపోలేను.. డర్బన్‌ వేదికగా ఆసీస్‌ ఛేజింగ్‌లో శతకం కొట్టా. ఇప్పుడ నేను చెప్పిన ఆ రెండు సెంచరీలు తీవ్ర ఒత్తిడిలో ఆడినవే. అందుకే, నా దృష్టిలో అవి ఉత్తమం. బ్యాటర్‌గా నా కెరీర్‌ను మ్యాచులను ఫినిష్‌ చేసే స్థాయికి తీసుకెళ్లా. నేను మంచి ఫినిషర్‌ అని భావిస్తా. ఆ విషయంలో గర్వంగా ఫీలవుతా. కానీ, ఇప్పటికీ నేర్చుకోవడం మాత్రం ఆపలేదు. సుదీర్ఘకాలం కెరీర్‌ను కొనసాగించాలంటే మాత్రం తప్పిదాల నుంచి నేర్చుకోవాలి. ఛేజింగ్‌లో నాణ్యమైన ఆటతీరు ప్రదర్శించేందుకు ప్రయత్నిస్తా. అలాంటి సవాళ్లను ఇష్టపడతా’’ అని మిల్లర్ (Miller) వెల్లడించాడు. 37 ఏళ్ల డేవిడ్ మిల్లర్ 2010లో అంతర్జాతీయ క్రికెట్‌లోకి అడుగు పెట్టాడు. ఇప్పటి వరకు 178 వన్డేల్లో 4,611 పరుగులు, 140 టీ20ల్లో 2,806 పరుగులు చేశాడు. ఐపీఎల్‌లో (IPL) 152 మ్యాచులు ఆడిన మిల్లర్ 3,288 రన్స్‌ రాబట్టాడు. మిడిలార్డర్‌లో విలువైన ఇన్నింగ్స్‌లు ఆడటంలో గుర్తింపు సాధించాడు. అయితే, అతడి కెరీర్‌లో ఒక్క టెస్టు మ్యాచ్‌ కూడా ఆడకపోవడం గమనార్హం. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు

ఇంటర్నెట్ డెస్క్‌: వచ్చే నెలలో తమతో సిరీస్‌ ఆడేందుకు టీమ్‌ఇండియా వస్తుందని ఇప్పటి వరకూ ఆశలు పెట్టుకున్న బంగ్లాదేశ్‌ (Bangladesh Cricket Team) జట్టుకు షాక్‌ తగిలింది. బంగ్లా పర్యటనకు వెళ్లడం లేదని భారత్ పరోక్షంగా చెప్పింది. సెప్టెంబర్‌లో అఫ్గానిస్థాన్‌తో మూడు టీ20ల సిరీస్‌ షెడ్యూల్‌ను బీసీసీఐ సోషల్ మీడియాలో పోస్టు చేసింది. నిన్న అఫ్గాన్‌ క్రికెట్ బోర్డు సీఈవో నసీబ్‌ ఖాన్‌ చెప్పినట్లుగానే దిల్లీ వేదికగా మూడు టీ20ల సిరీస్‌ (IND vs AFG) జరగనుంది. అఫ్గాన్‌ జట్టుకు దిల్లీ హోం గ్రౌండ్‌గా వ్యవహరించనుంది. గత జూన్‌లో భారత్ - అఫ్గానిస్థాన్‌ జట్ల మధ్య ఏకైక టెస్టు, మూడు వన్డేల సిరీస్‌ జరిగిన సంగతి తెలిసిందే. ‘‘భారత క్రికెట్‌ బోర్డు ఎల్లవేళలా అఫ్గానిస్థాన్‌కు బాసటగా ఉంటుంది. అఫ్గాన్‌ క్రికెట్‌ వృద్ధి కోసం మద్దతు ఇస్తాం. అత్యున్నత స్థాయిలో పోటీపడేలా వారికి అవసరమైన సదుపాయాలను కల్పిస్తాం. అందులో ద్వైపాక్షిక సిరీస్‌లూ ముఖ్యమైన భాగమే. నాణ్యమైన జట్లతో ఆడటం వల్ల వెలకట్టలేని అనుభవం వస్తుంది. భారత్‌తో (Team India) టీ20 సిరీస్‌ కోసం అఫ్గానిస్థాన్‌ను ఆహ్వానిస్తున్నాం’’ అని బీసీసీఐ (BCCI) అధ్యక్షుడు మిథున్ మన్హాస్ తెలిపారు. ‘‘భారత్‌ వేదికగా అఫ్గానిస్థాన్‌ క్రికెట్ బోర్డు ఆతిథ్యం ఇస్తోన్న సిరీస్‌కు బీసీసీఐ మద్దతు ఇస్తోంది. మైదానంలో ఇరు జట్ల మధ్య పోరు చాలా ఆసక్తికరం. నాణ్యమైన క్రికెటర్లు ఉన్నారు. భారత్‌లోనూ అఫ్గాన్‌ ఆటగాళ్లకు అభిమానులు ఉన్నారంటే వారి ఆటతీరే కారణం. ఇటీవల ఒక టెస్టు, వన్డే సిరీస్‌ జరిగింది. మూడు ఫార్మాట్లలోనూ ఇరు జట్లు తలపడేందుకు ఉన్న అవకాశాలను ఏమాత్రం వదులుకోం’’ అని బీసీసీఐ కార్యదర్శి దేవజిత్ సైకియా (Devjit Saikia) స్పష్టం చేశారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా

ఇంటర్నెట్ డెస్క్‌: భారత జట్టులోని ఆటగాళ్లకు గాయాల బెడద వెంటాడుతుంటే.. సెంటర్ ఆఫ్ ఎక్స్‌లెన్స్‌ (CoE)కు స్పోర్ట్స్‌ సైన్స్‌ నిపుణుల కొరత వేధిస్తోంది. ఇదే విషయాన్ని ఇటీవల ఓ ప్రెస్‌మీట్‌లో సీవోఈ హెడ్ వీవీఎస్ లక్ష్మణ్‌ తెలిపిన సంగతి తెలిసిందే. ఈ క్రమంలో టీమ్‌ఇండియా మాజీ క్రికెటర్ మహ్మద్ కైఫ్ కీలక వ్యాఖ్యలు చేశాడు. అత్యంత సంపన్నమైన బీసీసీఐ బోర్డు పర్యవేక్షణలోని సీవోఈలో పనిచేసేందుకు ఇబ్బంది ఏంటని ప్రశ్నించాడు. ‘‘వీవీఎస్ లక్ష్మణ్ (VVS Lakshman) స్టేట్‌మెంట్ చూశా. నిపుణుల కోసం చాలా మందిని అప్రోచ్ అయినట్లు చెప్పారు. చివరి నిమిషంలో వారు వెనక్కి తగ్గుతున్నట్లు లక్ష్మణ్‌ అన్నారు. ఎందుకు అలా జరుగుతుందో విశ్లేషించుకోవాలి. నేనేమీ నిపుణుడిని కాదు. బీసీసీఐ నియమించిన నిపుణులు వారి కర్తవ్యం నిర్వర్తించాలి. సాధారణంగా బీసీసీఐతో కలిసి పనిచేసేందుకు చాలా మంది ఆసక్తి చూపిస్తారు. ప్రపంచంలోనే అత్యంత సంపన్నమైన బోర్డు. కానీ, నిపుణులు ముందుకు రాకపోవడం నన్ను ఆశ్చర్యానికి గురి చేసింది. ఎందుకంటే, ప్లేయర్లనే తీసుకోండి.. తమ దేశాల మ్యాచులను పక్కన పెట్టి మరీ ఐపీఎల్‌లో ఆడేందుకు ఆసక్తి చూపిస్తున్నారు. ఎందుకంటే ఇక్కడ వచ్చే ఆర్జన ఆ స్థాయిలోనే ఉంటుంది. కానీ, ప్రపంచంలోనే అత్యుత్తమ ఫిజియోథెరపిస్ట్‌లు, మెడికల్ ప్రొఫెషనల్స్‌ బీసీసీఐతో కలిసి పనిచేసేందుకు ముందుకు రావడం లేదు. వారి కోసం మనం పెద్ద మొత్తంలో చెల్లించగలం. మంచి కాంట్రాక్ట్‌లను ఇవ్వగలం. ఇక్కడికి వచ్చి పనిచేసిన వారు పెద్ద మొత్తంలో డబ్బును తమతోపాటు తీసుకెళ్తారు. మిగతా బోర్డులతో పోలిస్తే ఎక్కువగా బీసీసీఐనే చెల్లిస్తుంది’’ అని కైఫ్ వ్యాఖ్యానించాడు. ‘‘మనం గాయాలను చాలా తక్కువగా అంచనా వేస్తున్నాం. ఇంగ్లాండ్‌తో లార్డ్స్‌ వేదికగా బుమ్రా మ్యాచ్ ఆడలేదు. దీంతో భారత్ 387 పరుగులను సమర్పించింది. అదీనూ సిరీస్‌ విజేతను తేల్చే మ్యాచ్. కీలకమైన ప్లేయర్లు గాయాల బారిన పడితే ఎంతటి నష్టం వస్తుందో ఆ మ్యాచ్‌ ఫలితాన్ని చూస్తేనే అర్థమైపోతుంది. మేనేజ్‌మెంట్ ఈ విషయంపై దృష్టిసారించి

ఇంటర్నెట్ డెస్క్: శ్రీలంక, భారత్ (SL vs IND) మధ్య ఆగస్టు 15 నుంచి రెండు టెస్టుల సిరీస్‌ ప్రారంభంకానుంది. గాయం కారణంగా స్టార్ పేసర్ జస్‌ప్రీత్ బుమ్రా అందుబాటులో లేకపోవడం టీమ్ఇండియాకు ఇబ్బందికరంగా మారింది. అయితే, గుర్నూర్‌ బ్రార్ (Gurnoor Brar) భారత జట్టుకు ఎక్స్‌-ఫ్యాక్టర్ కాగలడని శ్రీలంక మాజీ ఆల్‌రౌండర్ ఫర్వేజ్‌ మహరూఫ్‌ (Farveez Maharoof) అభిప్రాయపడ్డాడు. ప్రసిద్ధ్‌ కృష్ణ, అకిబ్ నబీ, గుర్నూర్‌లతో కూడిన పేస్ దళానికి సిరాజ్ నాయకత్వం వహిస్తాడు. తుది జట్టులో గుర్నూర్‌కు చోటు దక్కుతుందా? లేదా అనేది ఆసక్తికరంగా మారింది. ‘‘బుమ్రాకు రివర్స్ స్వింగ్ చేయగల సామర్థ్యం ఉంది. ముఖ్యంగా పాత బంతితో అద్భుతంగా రివర్స్ స్వింగ్ రాబడతాడు. అతను లేకపోవడం భారత్‌కు పెద్దలోటు కానుంది. సిరాజ్ (Mohammed Siraj) మంచి బౌలరే. కానీ బుమ్రాతో పోల్చి చూసినప్పుడు మాత్రం కొంత తేడా కనిపిస్తుంది. వార్మప్‌ మ్యాచ్‌లో గుర్నూర్ బ్రార్ బౌలింగ్ చేసిన తీరు ఆకట్టుకుంది. అతను టీమ్ఇండియాకు ఎక్స్-ఫ్యాక్టర్ అవుతాడని అనుకుంటున్నా. అతని బౌలింగ్‌లో మంచి వేగం, బౌన్స్ ఉన్నాయి. గుర్నూర్‌లో పోరాట పటిమ ఉంది. అవసరమైతే దూకుడును ప్రదర్శించగలడు. నేను గనుక భారత జట్టు వ్యూహకర్తల బృందంలో ఉండి ఉంటే గుర్నూర్‌కు కచ్చితంగా ఒక అవకాశం ఇవ్వాలనుకునేవాడిని. అతను భారత్ తరపున కేవలం వైట్‌బాల్ క్రికెట్ మాత్రమే ఆడాడని నాకు తెలుసు. కానీ, అతని బౌలింగ్‌లో ప్రత్యేకత ఉంది. బ్యాటర్ లయను దెబ్బతీయాల్సిన సందర్భాల్లో అతను వేసే చిన్నపాటి స్పెల్స్ అత్యంత ప్రమాదకరమైన ఆయుధంగా మారగలవు. రవీంద్ర జడేజా, కుల్‌దీప్ యాదవ్‌లకుతోడుగా మూడో స్పిన్నర్‌గా మానవ్ సుతార్‌ను తీసుకునే అవకాశముంది. రిషభ్‌ పంత్ విషయంలో శ్రీలంక జాగ్రత్తగా ఉండాలి’’ అని ఫర్వేజ్‌ మహరూఫ్‌ సూచించాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన

ఇంటర్నెట్ డెస్క్: టీమ్ఇండియా స్టార్ బ్యాటర్ విరాట్ కోహ్లీపై భారత మాజీ ఫీల్డింగ్ కోచ్ టి.దిలీప్ (T Dilip) ప్రశంసలు కురిపించాడు. అతడు ఫీల్డింగ్‌లో చూపించే ఎనర్జీ అద్భుతమని.. ప్రాక్టీస్‌లో చూపించే ఉత్సాహాన్ని మ్యాచ్‌లోనూ ప్రదర్శిస్తాడని పేర్కొన్నాడు. విరాట్ ప్రభావం జట్టులోని మిగతా ఆటగాళ్లపై ఉంటుందని మాజీ ఫీల్డింగ్ కోచ్ తెలిపాడు. ‘‘కోహ్లీ (Virat Kohli) ఫీల్డింగ్‌లో రాజీపడడు. పవర్ ప్లేలో కవర్స్, షార్ట్ మిడ్ వికెట్‌లో డైవ్‌లు చేస్తూ బంతిని ఆపే విధానం అద్భుతంగా ఉంటుంది. బంతి తనవైపు రానప్పుడు కూడా అతడి ఫీల్డింగ్ ప్రయత్నాలు ఆగవు. ఇది నన్ను ఎంతగానో ఆకట్టుకుంది. టెస్టులు, టీ20లకు వీడ్కోలు పలికిన కోహ్లీ.. ఈ దశలోనూ చివరి ఓవర్లలో లాంగాన్‌లో ఫీల్డింగ్ చేస్తాడు. అక్కడి నుంచి పరుగెత్తుకొస్తాడు. కోహ్లీతో కలిసి ఫీల్డింగ్ చేస్తున్నప్పుడు.. అతడిని స్ఫూర్తిగా తీసుకుని తమ సామర్థ్యాలకు మించి రాణించిన ఆటగాళ్లు కూడా ఉన్నారు. అది విరాట్ లెవల్’’ అని దిలీప్ వివరించాడు. ‘‘నా కెరీర్‌లో అత్యుత్తమ క్షణం గురించి ఆలోచిస్తే 2024 టీ20 ప్రపంచ కప్ గుర్తుకొస్తుంది. కేవలం ఆ ట్రోఫీ మాత్రమే కాదు, ఆ తర్వాత డ్రెస్సింగ్ రూమ్‌లో నెలకొన్న వాతావరణం. గత నాలుగేళ్లుగా ఆ కుర్రాళ్లు పడ్డ కఠిన శ్రమను నేను గ్రహించగలిగాను. ఆ అనుభూతిని ఎప్పటికీ నా మనసులో భద్రపరుచుకుంటాను’’ అని దిలీప్ తెలిపాడు. నవంబర్‌ 2021లో భారత జట్టులో చేరిన దిలీప్ ఇటీవల కోచ్ పదవికి రాజీనామా చేశాడు. అతను ఫీల్డింగ్ కోచ్‌గా ఉన్నప్పుడు టీమ్ఇండియా రెండు టీ20 ప్రపంచ కప్‌లు (2024, 2026), ఛాంపియన్స్ ట్రోఫీ (2025), రెండు ఆసియా కప్‌లు (2023, 2025) సాధించింది. 2023 వన్డే ప్రపంచ కప్, డబ్ల్యూటీసీలో రన్నరప్‌గా నిలిచింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన

ఇంగ్లాండ్ మాజీ కెప్టెన్ కెవిన్ పీటర్సన్ (Kevin Pietersen) తన యూట్యూబ్ ఛానల్‌లో బ్యాటింగ్ ఛాలెంజ్‌లు, క్రికెటర్లతో సరదా ఇంటర్వ్యూలు నిర్వహిస్తున్న సంగతి తెలిసిందే. ఇందులో భాగంగా తాజాగా భారత మహిళా క్రికెటర్ స్మృతి మంధాన (Smriti Mandhana)కు ఓ ఛాలెంజ్ విసిరాడు. ఇప్పటివరకు తయారైన ప్రతి ఒక్క క్రికెట్ బ్యాట్‌తో బ్యాటింగ్ చేసి వాటికి రేటింగ్ ఇవ్వమని కోరాడు. మరి మంధాన ఏ బ్యాట్‌తో ఎన్ని పరుగులు చేసింది, ఎంత రేటింగ్ ఇచ్చిందో ఈ వీడియోలో చూసేయండి

ఇంటర్నెట్ డెస్క్: గత కొద్ది రోజులుగా సెంటర్ ఆఫ్ ఎక్స్‌లెన్స్‌ (CoE) పేరు మార్మోగుతోంది. ఆటగాళ్ల గాయాల విషయంలో సరైన చర్యలు తీసుకోవడం లేదనే విమర్శలు వస్తున్నాయి. తాజాగా ఈ సీవోఈను బీసీసీఐ అధ్యక్షుడు మిథున్ మన్హాస్, కార్యదర్శి దేవజిత్ సైకియా, బోర్డు అధికారులు సందర్శించారు. సీవోఈ హెడ్ వీవీఎస్‌ లక్ష్మణ్‌తో ప్రత్యేకంగా భేటీ అయ్యారు. క్రీడాకారులకు అన్ని సదుపాయాలను కల్పించడంలో లక్ష్మణ్‌ కృషి అభినందనీయం. అయితే, దాదాపు 40 ఎకరాల బంజరు భూమిని సకల సదుపాయాలతో కూడిన ‘సెంటర్‌ ఆఫ్‌ ఎక్స్‌లెన్స్‌’గా తీర్చిదిద్దడంలో బీసీసీఐ మాజీ కార్యదర్శి.. ప్రస్తుత ఐసీసీ ఛైర్మన్ జై షా పాత్ర అత్యంత కీలకం. ఇదే విషయాన్ని తాజాగా బీసీసీఐ కార్యదర్శి సైకియా, సీవోఈ హెడ్ లక్ష్మణ్‌ గుర్తు చేసుకున్నారు. ‘‘సీవోఈ ఇంత స్థాయిలో అభివృద్ధి కావడానికి జై షా వేసిన అడుగులే కారణం. కార్యదర్శిగా ఉన్నప్పుడు.. బీసీసీఐ అపెక్స్‌ కౌన్సిల్‌లో అందరితో చర్చించి ఈ నిర్ణయం తీసుకోవడం వెనుక ఆయనదే కీలక పాత్ర. యుద్ధ ప్రాతిపదికన చేపట్టాలని పట్టుబట్టారు. పాత జాతీయ క్రికెట్ అకాడమీ స్థానంలో అద్భుతమైన సదుపాయాలు కలిగిన ఎక్స్‌లెన్స్‌ సెంటర్‌ను నిర్మించాం. ప్రాజెక్టును ప్రారంభించే క్రమంలో చాలా నిబంధనలను పాటించాల్సి వచ్చింది. ఈ క్రమంలో ఎదురైన చట్టపరమైన అడ్డంకులను తొలగించడానికి జై షా (Jay Shah) వ్యక్తిగతంగా చాలాసార్లు ఇక్కడికి వచ్చారు. దాదాపు 40 ఎకరాల బీడు భూమిని క్రమబద్ధీకరించుకొనే క్రమంలో సవాళ్లు ఎదురయ్యాయి. నిరుపయోగంగా ఉన్న ఈ భూమిని తిరిగి తీసుకోవాలని కొందరు స్థానికులు భావించారు. మేం అనుకొన్న సమయానికి పనిని ప్రారంభించడానికి ల్యాండ్‌ ప్రక్రియ అడ్డంకిగా మారింది. అప్పుడు జై షా కృషి మరువలేనిది. అందరినీ ఏకతాటిపైకి తీసుకొచ్చి ఇబ్బందులను తొలగించి మార్గం సుగమం చేశారు’’ అని దేవజిత్ (Davjit Saikia) గుర్తు చేసుకున్నారు. ‘‘కేవలం రెండేళ్లలోనే అత్యుత్తమ మౌలిక సదుపాయాలతో కూడిన సెంటర్ ఆఫ్ ఎక్స్‌లెన్స్‌ సెంటర్‌ సిద్ధం చేయగలిగాం

ఇంటర్నెట్ డెస్క్‌: దేశవాళీలో నిలకడగా ప్రదర్శన చేస్తున్నప్పటికీ వెటరన్ పేసర్ షమీ (Shami) వైపు టీమ్‌ఇండియా సెలక్టర్లు మాత్రం దృష్టిసారించడం లేదు. వచ్చే వన్డే ప్రపంచ కప్‌ సన్నద్ధత కోసం ఇప్పటికే 15 మందితో కూడిన యువ బౌలర్ల జాబితాను మేనేజ్‌మెంట్ సిద్ధం చేసినట్లు వార్తలు వచ్చాయి. అందులో షమీకి చోటు దక్కలేదని సమాచారం. స్టార్ బౌలర్ జస్‌ప్రీత్ బుమ్రా గైర్హాజరీలోనైనా షమీకి ఛాన్స్ వస్తుందనుకుంటే వీలుపడటం లేదు. పలు సందర్భాల్లో షమీ కూడా దీనిపై తీవ్ర అసహనం వ్యక్తం చేశాడు. ఈ క్రమంలో భారత మాజీ పేసర్ జహీర్ ఖాన్ ఆసక్తికర వ్యాఖ్యలు చేశాడు. మేనేజ్‌మెంట్ ఆలోచనలు భిన్నంగా ఉన్నా.. ఆశలు వదులుకోవాల్సిన అవసరం లేదని షమీకి సూచించాడు. అలాగే యువ క్రికెటర్లకూ కీలక సూచనలు ఇచ్చాడు. ‘‘క్రికెటర్‌గా ఎలా ముందుకు వెళ్లాలనేది మీ నిర్ణయం. మ్యాచులు ఆడుతూ.. అందులో రాణిస్తూ ఉంటే సెలక్షన్‌కు అందుబాటులో ఉన్నట్లే. నేను చూసే విధానం ఎప్పుడూ ఇలానే ఉంటుంది. మేనేజ్‌మెంట్‌ ఆలోచన భిన్నంగా ఉండొచ్చు. కానీ, మీరు ఎలా ఆలోచిస్తారనేదే ముఖ్యం. జట్టులో భాగస్వామి కావాలనుకోవడంలో తప్పు లేదు. అందుకోసం ఏం చేయాలి? షమీలా కష్టపడుతూ ఉండాలి. ఇప్పటికీ అతడు ఆడుతూనే ఉన్నాడు. జాతీయ జట్టులో (Team India) అవకాశం వచ్చినా రాకపోయినా పోరాటం మాత్రం ఆపలేదు. ఛాన్స్‌ రాలేదని ఆశలు వదులుకోవాల్సిన అవసరం లేదు’’ అని జహీర్ (Zaheer Khan) వ్యాఖ్యానించాడు. ‘‘క్రీడల్లో ఆటగాళ్లకు (Players Injuries) గాయాలు కావడం సహజం. ప్రతి ప్లేయర్ ప్రయాణంలో అవి తప్పవు. ఇప్పుడు చాలా మంది వర్క్‌లోడ్ గురించి మాట్లాడుతున్నారు. కానీ.. టోర్నీలు, మ్యాచులకు తగినట్టుగానే ప్రణాళికలు సిద్ధం చేయాలి. ఎవరైనా పేసర్ గాయం కారణంగా ఇబ్బందిపడుతుంటే వెంటనే చర్యలు తీసుకోవాలి. గాయానికి గల కారణాలను విశ్లేషించాలి. ఏం చేస్తే మళ్లీ ఇలాంటి పరిస్థితులు తలెత్తకుండా ఉంటాయో ఆలోచన చేయాలి. మన చేతుల్లో ఉండే వాటిని నియంత్రించొచ్చు’’

వార్మప్ మ్యాచ్‌ విజయంతో అసలైన పరీక్షకు టీమ్‌ఇండియా సిద్ధమైంది. ‘స్పిన్‌’ ఎటాక్‌తో దెబ్బ కొట్టాలనే ఆతిథ్య జట్టు సవాల్‌కు టీమ్‌ఇండియా (Team India in SriLanka) ఎదురు నిలుస్తుందా? మరో ఐదు రోజుల్లోనే ప్రారంభమయ్యే తొలి టెస్టు నాటికి సరిచేసుకోవాల్సిన లోటుపాట్లు ఏమైనా ఉన్నాయా? ‘తొలి రోజు నుంచే శ్రీలంక సవాళ్లకు సమాధానం ఇస్తాం’.. ఇవీ భారత ప్రధాన కోచ్‌ గౌతమ్‌ గంభీర్‌ వ్యాఖ్యలు. అందుకు తగినట్టుగానే వార్మప్‌ మ్యాచ్‌లో భారత్‌ విజయం కూడా సాధించింది. ఆఖర్లో మహ్మద్ సిరాజ్‌ హ్యాట్రిక్‌ సిక్స్‌లు బాదేశాడు. ఇటు బ్యాటింగ్‌, అటు బౌలింగ్‌ విభాగాల్లో భిన్నమైన పరిస్థితులను సృష్టించుకొని మరీ భారత జట్టు గెలిచింది. వేలి గాయంతో ఇబ్బంది పడిన కెప్టెన్ శుభ్‌మన్ గిల్ ఎట్టకేలకు బ్యాటింగ్‌కు దిగి సత్తా చాటాడు. వచ్చే శనివారం నుంచే శ్రీలంక-భారత్ (India vs Sri lanka) జట్ల మధ్య తొలి టెస్టు ప్రారంభం కానుంది. సొంత గడ్డపై లంక జట్టును అడ్డుకోవడం తేలికేం కాదు. గాయం కారణంగా సాయి సుదర్శన్ సిరీస్‌ నుంచి వైదొలిగాడు. అతడి స్థానంలో సర్ఫరాజ్‌ ఖాన్‌ను సెలక్టర్లు ఎంపిక చేశారు. కానీ, అతడు జాతీయ జట్టుకు ఆడి చాన్నాళ్లవుతోంది. నేరుగా మూడో స్థానంలో ఆడించే అవకాశం లేదు. కానీ, తనదైన ఆటతో ‘నేనున్నానంటూ’ ముందుకొచ్చాడు దేవదత్ పడిక్కల్ (Devdutt Padikkal). వార్మప్ మ్యాచ్‌లో సెంచరీతో ఆకట్టుకున్నాడు. వన్‌డౌన్‌లో ఆడగలనని నిరూపించాడు. నిలకడ, దూకుడు, సమయోచిత ఇన్నింగ్స్‌తో అదరగొట్టాడు. ఇక తొలి ఇన్నింగ్స్‌లో డకౌట్‌ అయిన ఓపెనర్ యశస్వి జైస్వాల్.. రెండో ఇన్నింగ్స్‌నాటికి ఫామ్‌ అందుకొన్నాడు. హాఫ్ సెంచరీ సాధించాడు. రెండో ఇన్నింగ్స్‌లో భారత్‌ కేవలం 207 పరుగుల లక్ష్య ఛేదనకు దిగినప్పుడు పునాదిని బలంగా వేసింది యశస్వినే. తనదైన దూకుడుతో ప్రత్యర్థి బౌలర్లపై విరుచుకుపడ్డాడు. శ్రీలంక స్పిన్నర్లను సమర్థవంతంగానే ఎదుర్కొని భారత బ్యాటర్లు పరుగులు రాబట్టారు. దాదాపు పది నెలల నుంచి టెస్టు మ్యాచ్‌ బరిలోకి

ఇంటర్నెట్ డెస్క్: టీమ్ఇండియా బంగ్లాదేశ్‌ పర్యటనపై ప్రతిష్ఠంభన ఇంకా కొనసాగుతోంది. గతేడాది భారత జట్టు బంగ్లా టూర్‌కు వెళ్లాల్సి ఉండగా.. బిజీ షెడ్యూల్ కారణంగా ఈ ఏడాదికి వాయిదా వేశారు. ఆగస్టు 29 నుంచి సెప్టెంబరు 15 వరకు భారత్‌తో పరిమిత ఓవర్ల సిరీస్‌ కోసం బంగ్లాదేశ్ షెడ్యూల్‌ విండోను కేటాయించింది. ఇందులో మూడు వన్డేలు సెప్టెంబరు 1, 3, 6 తేదీల్లో.. మూడు టీ20లు 9, 12, 13 తేదీల్లో జరగాల్సి ఉంది. అయితే, కొన్నినెలల క్రితం ఇరుదేశాల మధ్య రాజకీయ ఉద్రిక్తతలు నెలకొనడంతో ఈ టూర్‌పై అనిశ్చితి నెలకొంది. ప్రస్తుత పరిస్థితుల్లో బోర్డు సొంతంగా ఎలాంటి నిర్ణయం తీసుకోలేదని, ఈ విషయమై తాము త్వరలో భారత ప్రభుత్వాన్ని సంప్రదించనున్నట్లు బీసీసీఐ ఉన్నతాధికారి ఒకరు జాతీయ మీడియాకు వెల్లడించారు. ప్రతిపాదిత పరిమిత ఓవర్ల సిరీస్‌ గురించి బీసీబీ లేఖ రాసిందని ఆయన పేర్కొన్నారు. రెండు దేశాల క్రికెట్ బోర్డుల మధ్య నిరంతరం సంప్రదింపులు జరుగుతున్నాయని, త్వరలో స్పష్టత వస్తుందని సదరు అధికారి తెలిపారు. బంగ్లాదేశ్‌ టూర్‌కు భారత ప్రభుత్వం అనుమతి ఇవ్వకపోతే సెప్టెంబర్‌లో అఫ్గాన్‌తో భారత్ మూడు టీ20లు ఆడనుందని సమాచారం. ఈ మ్యాచ్‌లు సెప్టెంబర్ 13, 15, 17 తేదీల్లో అరుణ్‌ జైట్లీ స్టేడియంలో జరిగే అవకాశముంది. అంతేకాదు ఈ టూర్‌కు అఫ్గానిస్థాన్ ఆతిథ్యదేశంగా ఉంటుందని సమాచారం. ఈ సిరీస్ గానుక జరిగితే భారత గడ్డపై మ్యాచ్‌లకు ప్రత్యర్థి జట్టు అధికారికంగా ఆతిథ్య ఇవ్వడం ఇదే తొలిసారి అవుతుంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో

ఇంటర్నెట్ డెస్క్: శ్రీలంక, భారత్ మధ్య ఆగస్టు 15 నుంచి రెండు టెస్టుల సిరీస్‌ ప్రారంభం కానుంది. ఈ మ్యాచ్‌లకు గాయం కారణంగా బ్యాటర్ సాయి సుదర్శన్ దూరమయ్యాడు. అతడి స్థానంలో సర్ఫరాజ్ ఖాన్‌కు జట్టులో చోటు కల్పించారు. సర్ఫరాజ్‌ త్వరలోనే భారత జట్టుతో కలుస్తాడని బీసీసీఐ ఓ ప్రకటన విడుదల చేసింది. శ్రీలంకతో తొలి టెస్టు గాలె ఆతిథ్యమివ్వనుంది. ఈ నెల 23 నుంచి కొలంబోలో రెండో టెస్టు జరగనుంది. శ్రీలంకతో టెస్టు సిరీస్‌కి అప్‌డేటెడ్ భారత జట్టు: శుభ్‌మన్ గిల్ (కెప్టెన్), కేఎల్ రాహుల్ (వైస్ కెప్టెన్), యశస్వి జైస్వాల్, రిషబ్ పంత్ (వికెట్‌కీపర్), ధ్రువ్ జురెల్ (వికెట్‌కీపర్), రవీంద్ర జడేజా, కుల్‌దీప్ యాదవ్, మానవ్ సుతార్, మహ్మద్ సిరాజ్, ప్రసిద్ధ్ కృష్ణ, గుర్నూర్ బ్రార్, దేవదత్ పడిక్కల్, సరాంశ్ జైన్, అకిబ్ నబీ, సర్ఫరాజ్ ఖాన్. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఇంటర్నెట్ డెస్క్‌: దేశవాళీలో అజింక్య రహానే (Captain Ajinkya Rahane) ముంబయి జట్టుకు కెప్టెన్‌గా బాధ్యతలు నిర్వర్తించాడు. అలాగే దులీప్‌ ట్రోఫీలో వెస్ట్‌ జోన్‌ సారథి కూడా అతడే. నాలుగేళ్ల కిందట భారత యువ ఆటగాడు యశస్వి జైస్వాల్‌పై నిషేధం పడకుండా అజింక్య రహానే తీసుకున్న నిర్ణయమే కాపాడింది. రహానే సమయస్ఫూర్తితో వ్యవహరించి జైస్వాల్‌ను రక్షించాడు. అప్పుడు జరిగిన ఓ ఘటనను తాజాగా రహానే వెల్లడించాడు. దులీప్‌ ట్రోఫీ 2022 ఫైనల్‌లో సౌత్‌ జోన్ - వెస్ట్‌ జోన్‌ తలపడ్డాయి. అప్పుడు వెస్ట్ జోన్‌కు రహానే (Ajinkya Rahane) కెప్టెన్‌గా ఉన్నాడు. కుర్రాడు యశస్వి జైస్వాల్ సత్తా చాటుతున్న రోజులవి. అయితే, క్రమశిక్షణ తప్పడంతో నాలుగు మ్యాచుల నిషేధం విధించేందుకు అంపైర్లు సిద్ధమయ్యారు. కానీ, రహానే తీసుకున్న నిర్ణయంతో యశస్వి బయటపడ్డాడు. సౌత్ జోన్ బ్యాటర్ రవితేజను పదేపదే స్లెడ్జ్‌ చేస్తూ యశస్వి (Yashasvi Jaiswal) రెచ్చగొడుతూ వచ్చాడు. అది మరీ ఎక్కువై.. ఇద్దరు ప్లేయర్లూ మాటామాటా అనుకొన్నారు. దీంతో రహానే వద్దకు అంపైర్లు వచ్చి మాట్లాడారు. వెంటనే పరిస్థితిని అదుపులోకి తీసుకొచ్చేందుకు జైస్వాల్‌ను మైదానం వీడాలని సూచించాడు. అప్పటికీ జైస్వాల్ స్లెడ్జింగ్‌ చేస్తూనే ఉండటం గమనార్హం. చివరికి కెప్టెన్‌ చెప్పడంతో అయిష్టంగానే జైస్వాల్ డగౌట్‌కు వెళ్లాడు. ‘‘గేమ్‌లో స్లెడ్జింగ్‌ అనేది సర్వసాధారణమే. ఒక్కోసారి ఆటకు ఫన్ తీసుకొస్తుంది. కానీ, అది శ్రుతి మించకూడదు. ఇలాగే వదిలేస్తే పరిస్థితి చేజారిపోతుందని అనిపించింది. బయటకు పంపించినందుకు యశస్వి కూడా బాధపడ్డాడు. కానీ, ముందు జరగబోయే పరిణామాలు ఎలా ఉంటాయో నాకు తెలుసు. కొందరు ఆటగాళ్లు నిషేధం ఎదుర్కొన్నారు. సమయం ఎలా మారిపోతుందో అంచనా వేయలేం. అవకాశం చేజారితే అందుకోవడం చాలా కష్టం. అందుకే అలా వ్యవహరించా. కెప్టెన్‌గా సహచరుడిని ఆపాల్సిన బాధ్యత నాపై ఉంది. ఆ మ్యాచ్‌ రిఫరీ వెంగలిల్ నారాయణన్‌ నేను చేసిన పనిని ఊహించలేకపోయారు. అప్పటికే నాలుగు మ్యాచులు నిషేధం విధించేందుకు సిద్ధమైపోయారు