Bonalu News

హైదరాబాద్‌లోని బోనాల పండుగలో భక్తిశ్రద్ధలతో పాల్గొన్న నటి ఫరియా అబ్దుల్లా, సోషల్ మీడియాలో తీవ్ర మతపరమైన ట్రోలింగ్‌ను ఎదుర్కొన్నారు. ముస్లిం అయి ఉండి హిందూ పండుగలో ఎలా పాల్గొంటావంటూ ఆమెను కాఫీర్ అని దూషించారు. ఈ విమర్శలతో మనస్తాపం చెందిన ఫరియా అబ్దుల్లా ఇన్‌స్టాగ్రామ్ లైవ్‌లో కన్నీళ్లు పెట్టుకున్నారు. తన వ్యక్తిగత నేపథ్యం గురించి వివరిస్తూ, తన తండ్రి ప్రేమతో ఇస్లాంను స్వీకరించారని, మతాన్ని ప్రేమతో చూసే వాతావరణంలో తాను పెరిగానని ఫరియా తెలిపారు. దేవుణ్ణి ప్రతిచోటా, ప్రతి జీవిలో చూడాలని, ద్వేషాన్ని ప్రేమతో జయించడమే తన తిరుగుబాటు, విప్లవం అని ఆమె శక్తివంతమైన సందేశం ఇచ్చారు. ఈ ఘటనపై టీ-బీజేపీ చీఫ్ రామ్ చంద్ర రావు, విశ్వహిందూ రక్షా పరిషత్ జాతీయ మహిళా అధ్యక్షురాలు యమునా పాఠక్, అయోధ్యకు చెందిన సాధువు పరమహంస ఆచార్యతో పాటు పలువురు ఫరియాకు మద్దతుగా నిలిచారు. దేశం బహుళత్వం, మత సామరస్యానికి నిలయం అని స్పష్టం చేస్తూ ట్రోలింగ్‌ను తీవ్రంగా ఖండించారు. ఫరియా సందేశం నెటిజన్ల నుంచి విశేష ప్రశంసలు పొందుతోంది

ప్రముఖ నటి, 'జాతి రత్నాలు' ఫేమ్ ఫరియా అబ్దుల్లా సోషల్ మీడియాలో భావోద్వేగానికి లోనయ్యారు. బోనాల పండుగలో పాల్గొన్నందుకు తనను ట్రోల్ చేస్తున్న వారిపై స్పందిస్తూ ఆమె కన్నీటిపర్యంతమయ్యారు. ద్వేషాన్ని ప్రేమతోనే జయిస్తానని, తన కుటుంబ నేపథ్యాన్ని వివరిస్తూ ఓ సుదీర్ఘ వీడియోను పోస్ట్ చేశారు.ఇటీవల హైదరాబాద్ పాతబస్తీలోని మీర్ ఆలం మండిలో ఉన్న శ్రీ మహాకాళేశ్వర అమ్మవారి ఆలయంలో జరిగిన బోనాల ఉత్సవాల్లో ఫరియా పాల్గొన్నారు. ఈ సందర్భంగా ఆమె సంప్రదాయ దుస్తుల్లో బంగారు బోనం ఎత్తుకొని, డప్పు చప్పుళ్లకు ఉత్సాహంగా నృత్యం చేశారు. తెలంగాణ సంస్కృతి, సంప్రదాయాలపై తనకున్న అభిమానాన్ని చాటుకున్నారు.అయితే, ముస్లిం నేపథ్యం ఉన్న ఫరియా హిందూ పండుగలో పాలుపంచుకోవడాన్ని సోషల్ మీడియాలోని కొందరు తీవ్రంగా వ్యతిరేకించారు. ఆమెను 'కాఫిర్' (మత విశ్వాసం లేని వ్యక్తి) అని సంబోధిస్తూ, మతానికి వ్యతిరేకంగా ప్రవర్తిస్తున్నారంటూ దారుణంగా ట్రోల్ చేశారు.ఈ ట్రోలింగ్‌పై ఫరియా తన ఇన్‌స్టాగ్రామ్ ఖాతాలో పోస్ట్ చేసిన వీడియోలో కన్నీళ్లు పెట్టుకున్నారు. "మా నాన్న (సంజయ్ అబ్దుల్లా) పుట్టుకతో హిందువు. ఆయన ఇస్లాం సిద్ధాంతాలు నచ్చి ఆ మతంలోకి మారారు. ఒక మతాన్ని అంతగా ఇష్టపడి స్వీకరించిన వ్యక్తి నన్ను పెంచినప్పుడు, నాకు అందులోని మంచి విషయాలే కనిపించాయి" అని ఆమె భావోద్వేగంగా చెప్పారు. "నన్ను 'కాఫిర్' అని పిలుస్తూ ద్వేషించే వారికి కూడా మంచి జరగాలనే కోరుకుంటాను. నేను ద్వేషాన్ని ప్రేమతోనే ఎదుర్కొంటాను" అని స్పష్టం చేశారు.ప్రకృతిలోని చెట్లు, పుట్టలు, సీతాకోకచిలుకలు.. ఇలా ప్రతి అంశంలో తాను దైవాన్ని చూస్తానని ఫరియా

ఫరియా భావోద్వేగ వీడియోపై విశ్వహిందూ పరిషత్ రియాక్షన్ 'జాతిరత్నాలు' సినిమా హీరోయిన్ ఫరియా అబ్దుల్లా సోషల్ మీడియాలో పోస్ట్ చేసిన ఓ ఎమోషనల్ వీడియో తీవ్ర చర్చనీయాంశమైంది. ఇటీవల హైదరాబాద్‌లో బోనాలు ఎత్తుకుని అమ్మవారిని దర్శించుకున్నందుకుగానూ కొందరు నెటిజన్లు ఆమెను 'కాఫిర్' అని ట్రోల్ చేశారు. దీనిపై స్పందిస్తూ ఫరియా కన్నీళ్లు పెట్టుకుని, తన కుటుంబం, ఇస్లాం మత విశ్వాసాలు, ప్రేమ గురించి భావోద్వేగంగా మాట్లాడారు. నన్ను ద్వేషించే వారికి కూడా నేను ప్రేమే పంచుతానంటూ స్పష్టం చేశారు. ఇక ఈ ఘటనపై వీహెచ్‌పీ (VHP) జాతీయ అధికార ప్రతినిధి వినోద్ బన్సల్ స్పందిస్తూ.. హిందూ పండుగల్లో పాల్గొనే ముస్లిం నటీమణులను టార్గెట్ చేసే మత ఛాందసవాదులపై తీవ్రస్థాయిలో విరుచుకుపడ్డారు. ఈ వార్తకు సంబంధించిన

Talakondapally: తలకొండపల్లిలో ఘనంగా ఈదమ్మ-మాడెలయ్య బోనాల పండుగ తలకొండపల్లి: రంగారెడ్డి జిల్లా తలకొండపల్లి మండలం సర్పంచుల సంఘం తలకొండపల్లి మండల అధ్యక్షులు తలకొండపల్లి సర్పంచ్ కటికెల శేఖర్ యాదవ్ తలకొండపల్లి మండల కేంద్రంలోని రజకుల కులదైవం ఈదమ్మ& మాడెలయ్య బోనాల పండుగ మహోత్సవంలో పాల్గొన్న తలకొండపల్లి సర్పంచ్ కటికెల శేఖర్ యాదవ్ .....! అమ్మవారిని దర్శించి ప్రత్యేక పూజలు నిర్వహించారు. అనంతరం రజకుల కులస్తులు సర్పంచ్ ఘనంగా సన్మానించారు... కార్యక్రమంలో గ్రామస్తుల గ్రామ ప్రజలు పెద్ద సంఖ్యలో పాల్గొన్నారు

Palakurthi: పాలకుర్తిలో ఘనంగా బోనాల పండుగ బోనమెత్తిన ఎర్రబెల్లి ఈ వార్తకు సంబంధించిన

Secunderabad: బాలంరాయి దండు మారెమ్మ ఫలహారం బండి ఊరేగింపు సికింద్రాబాద్: బాలంరాయి దండు మారెమ్మ దేవాలయం ఫలహారం బండి వద్ద రాష్ట్ర ప్రభుత్వ సలాదారుడు హనుమంతరావు, బాలీవుడ్ నటులు చేసిన నృత్యాలు చూపరులను ఎంతగానో ఆకట్టున్నాయి. కాంగ్రెస్ సీనియర్ నాయకుడు ప్రమోద్ ఆధ్వర్యంలో గత 29 సంవత్సరాలుగా ఘనంగా నిర్వహిస్తున్నారు. ఈ ఫలహారం బండి విద్యుత్ దీపాల మధ్య వివిధ వేషాధారణలు పోతరాజుల విన్యాసాలు ప్రజలను ఆకట్టుకునే విధంగా అంగరంగ వైభవంగా ప్రతి సంవత్సరం ఈ పలహారం బండి ఊరేగింపు నిర్వహిస్తున్నట్లు నిర్వాహకులు ప్రమోద్ కుమార్ తెలిపారు. ఈ కార్యక్రమానికి ముఖ్య అతిథులుగా రాష్ట్ర సలహాదారుడు విహెచ్ హనుమంతరావు బాలీవుడ్ నటులు కంటోన్మెంట్ ఎమ్మెల్యే శ్రీ గణేష్ కాంగ్రెస్ నాయకులు ఇతరులు ఫలహారం బండి ఊరేగింపులో భారీ ఎత్తున ప్రజలు పాల్గొని అమ్మవారికి పూజలు చేశారు

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. Faria Abdullah:ఇటీవల హైదరాబాద్‌లో జరిగిన బోనాల వేడుకల్లో ఫరియా పాల్గొంది. సంప్రదాయ దుస్తుల్లో కనిపించిన ఆమె పండుగలో ఎంతో ఉత్సాహంగా పాల్గొంది. అక్కడ తనకు లభించిన ప్రేమ, ఆదరణ చూసి ఫరియా భావోద్వేగానికి గురైంది. అయితే బోనాల వేడుకల్లో ఆమె పాల్గొనడాన్ని కొందరు తప్పుబట్టారు. ఫరియా ముస్లిం కుటుంబ నేపథ్యం నుంచి వచ్చిన కారణంగా, హిందూ పండుగలో ఎందుకు పాల్గొన్నావంటూ కొందరు సోషల్ మీడియాలో ఆమెను టార్గెట్ చేసినట్లు తెలుస్తోంది. అంతేకాదు, ఆమెపై వ్యక్తిగతంగా కూడా విమర్శలు చేస్తూ హేట్ మెసేజ్‌లు పంపినట్లు సమాచారం. తనను ‘ఇస్లాం ద్రోహి’ అంటూ కొందరు కామెంట్లు చేయడం ఫరియాను తీవ్రంగా బాధించింది. దీంతో స్వాతంత్ర్య దినోత్సవం సందర్భంగా ఫరియా ఒక ఎమోషనల్ వీడియోను సోషల్ మీడియాలో షేర్ చేసింది. ఆ వీడియోలో మాట్లాడుతున్న సమయంలో ఆమె కన్నీళ్లు పెట్టుకుంది. తన కుటుంబ నేపథ్యం గురించి కూడా వివరించింది. ఫరియా చెప్పిన వివరాల ప్రకారం, ఆమె తల్లి ముస్లిం కుటుంబంలో జన్మించి తర్వాత హిందూ మతాన్ని ఇష్టపడి స్వీకరించారు. ఆమె తండ్రి హిందూ కుటుంబంలో జన్మించి తర్వాత ఇస్లాం మతాన్ని స్వీకరించారు. తన తండ్రి ఇస్లాంలోని మంచి విషయాలను మాత్రమే తనకు నేర్పించారని ఫరియా తెలిపింది. తనకు ద్వేషించడం తెలియదని, ప్రేమించడం మాత్రమే తెలుసని ఫరియా చెప్పింది. తనపై విమర్శలు చేస్తున్న వారిని కూడా తాను ద్వేషించనని, వారు కూడా బాగుండాలని కోరుకుంటానని తెలిపింది. ప్రేమ, శాంతి, ఐక్యత కోసం తాను ఎప్పుడూ ప్రార్థిస్తానని ఫరియా

హీరోయిన్ ఫరియా అబ్దుల్లా మరోసారి సోషల్ మీడియాలో హాట్ టాపిక్‌గా మారారు. ఇటీవల హైదరాబాద్ పాతబస్తీ బోనాల వేడుకల్లో పాల్గొన్న ఫరియాను కొందరు నెటిజన్లు మతపరమైన అంశాలను ప్రస్తావిస్తూ ట్రోల్ చేశారు. తనపై వస్తున్న కామెంట్లపై స్పందించిన ఫరియా.. సెల్ఫీ వీడియో ద్వారా తన అభిప్రాయాలను వెల్లడించారు. ప్రస్తుతం ఈ వీడియో సోషల్ మీడియాలో వైరల్‌గా మారింది. ఇటీవల హైదరాబాద్‌ పాతబస్తీ లో జరిగిన బోనాల వేడుకల్లో ఫరియా అబ్దుల్లా పాల్గొన్నారు. ఈ సందర్భంగా ఆమె సందడి చేసిన వీడియోలు, ఫొటోలు సోషల్ మీడియాలో వైరల్ అయ్యాయి. అయితే ఆమె బోనాల వేడుకల్లో పాల్గొనడాన్ని తప్పుబడుతూ కొందరు నెటిజన్లు మతపరమైన కోణంలో కామెంట్లు చేశారు. దీంతో ఈ వ్యవహారంపై ఫరియా స్వయంగా స్పందించారు. తనను ట్రోల్ చేస్తున్న వారికి ఫరియా తనదైన శైలిలో సమాధానం ఇచ్చారు. ప్రతి మనిషిలో, ప్రతి జీవిలో దేవుడిని చూడడమే అసలైన భక్తి అని చెప్పారు. మనసులో ద్వేషాన్ని పెంచుకుంటూ దేవుడిని వెతికితే అది సరైన మార్గం కాదని అభిప్రాయపడ్డారు. దేవుడు ఒక ప్రాంతానికో, ఒక వర్గానికో పరిమితమైన వ్యక్తి కాదని.. ప్రతిచోటా విస్తరించి ఉండే దివ్యమైన వెలుగు అని ఫరియా పేర్కొన్నారు. అంతటి విశాలమైన మత భావనను సంకుచితమైన ఆలోచనలతో ఎలా పరిమితం చేస్తారని ప్రశ్నించారు. తనపై వస్తున్న ట్రోలింగ్‌తో బాధపడకుండా.. ద్వేషానికి ప్రేమతోనే సమాధానం ఇస్తానని ఫరియా స్పష్టం చేశారు. “నాపై ద్వేషం చిమ్మేవారికి నేను మరింత ప్రేమను పంచుతాను” అనే భావనతో ఆమె చేసిన వ్యాఖ్యలు ఇప్పుడు నెటిజన్ల మధ్య చర్చకు దారితీశాయి. సినిమాలతో పాటు తన డ్యాన్స్, ప్రత్యేకమైన స్టైల్‌తో సోషల్ మీడియాలో యాక్టివ్‌గా ఉండే ఫరియా అబ్దుల్లా.. ఇప్పుడు బోనాల వేడుకలు, ఆ తర్వాత వచ్చిన ట్రోలింగ్‌పై చేసిన వ్యాఖ్యలతో మరోసారి వార్తల్లో నిలిచారు. ఆమె సెల్ఫీ వీడియో సోషల్ మీడియాలో వైరల్ అవుతుండగా.. ఫరియా వ్యాఖ్యలపై నెటిజన్ల నుంచి భిన్నమైన స్పందనలు

హైదరాబాద్ బోనాల ఉత్సవాల్లో ఉత్సాహంగా పాల్గొన్న టాలీవుడ్ నటి ఫరియా అబ్దుల్లా (Faria Abdullah) ఇటీవల నెట్టింట ట్రోలింగ్‌ను ఎదుర్కొంది. అమ్మవారితో కలిసి బోనం ఎత్తి, పోతురాజులతో అడుగులేసిన ఆమెపై సోషల్ మీడియా వేదికగా కొందరు నెటిజన్లు విమర్శలు గుప్పించారు. దీంతో ఫరియా ఎమోషనల్ అయింది. ఇన్‌స్టాగ్రామ్ లో భావోద్వేగానికి లోనై, కన్నీళ్లు పెట్టుకుంది. కన్నీటి పర్యంతమైన ఫరియా తన కుటుంబ నేపథ్యం, మత విశ్వాసాల గురించి స్పష్టతనిచ్చింది. తన తండ్రి ఇస్లాం మతాన్ని స్వీకరించారని, ఆ మతంలోని సత్ప్రవర్తన, మంచి గుణాలనే తనకు నేర్పించారని ఆమె వెల్లడించింది. “అల్లా అన్నింటా ఉంటారు” అనే తన తల్లి మాటలను గుర్తుచేసుకుంటూ, ప్రతి ప్రాణిలోనూ దైవత్వాన్ని చూస్తానని తెలిపింది. తనను ‘కాఫిర్’ అంటూ ట్రోల్ చేస్తున్న వారిపై కూడా ఫరియా సానుకూలంగా స్పందించడం గమనార్హం. తనను ద్వేషించేవారికి కూడా ప్రేమనే పంచుతానని, వారి మంచి కోసమే ప్రార్థిస్తానని ఆమె పేర్కొంది. ‘అల్లా’ అంటే అర్థం తనకు తెలుసని, సర్వాంతర్యామి అని, అందరినీ ఏకం చేసే దివ్య వెలుగు అని ఫరియా చెప్పుకొచ్చింది. ప్రస్తుతం సోషల్ మీడియాలో ఈ వీడియో వైరల్ అవుతూ, పెద్ద చర్చకు దారితీసింది. మతాలకంటే మానవత్వం, ప్రేమ, ఐక్యతలే ముఖ్యమంటూ ఆమె వ్యక్తం చేసిన అభిప్రాయాలను చాలామంది సమర్థిస్తున్నారు. కాగా, ఫరియా అబ్దుల్లా నటించిన ‘సిగ్మా’ చిత్రం త్వరలోనే ప్రేక్షకుల ముందుకు రానుంది

‘జాతి రత్నాలు’ ఫేమ్ ఫరియా అబ్దుల్లా ఇటీవల తెలంగాణ సంప్రదాయ పండుగైన బోనాల ఉత్సవాల్లో పాల్గొనడంపై సోషల్ మీడియాలో తీవ్రస్థాయిలో ట్రోలింగ్ ఎదుర్కొంటోంది. ‘జాతి రత్నాలు’ ఫేమ్ ఫరియా అబ్దుల్లా (Faria Abdullah) ఇటీవల తెలంగాణ (Telangana) సంప్రదాయ పండుగైన బోనాల ఉత్సవాల్లో (Bonalu Festival) పాల్గొనడంపై సోషల్ మీడియాలో తీవ్రస్థాయిలో ట్రోలింగ్ ఎదుర్కొంటోన్న విషయం తెలియంది కాదు. ఒక వర్గం నెటిజన్లు ఆమె మతాన్ని ప్రస్తావిస్తూ తీవ్ర విమర్శలు చేయడంతో, వీటన్నింటికీ సమాధానమిస్తూ ఆమె ఇన్‌స్టాగ్రామ్ వేదికగా ఎమోషనల్ అవుతూ ఓ వీడియోను పంచుకున్నారు. కన్నీటి పర్యంతమవుతూ ఆమె మాట్లాడిన మాటలు ప్రస్తుతం నెట్టింట చర్చనీయాంశంగా మారాయి. ఈ వీడియోలో ఫరియా మాట్లాడుతూ.. ‘‘మా నాన్నగారు ఇస్లాం మతాన్ని ఇష్టపడి అందులోకి మారారు. ఒక మతంలోని మంచిని చూసి స్వీకరించిన వ్యక్తి నన్ను పెంచినప్పుడు, నా పెంపకం ఎలా ఉంటుంది? నేను ఎప్పుడూ ఇస్లాంలో ఉన్న మంచి భావనలనే చూస్తూ పెరిగాను. నన్ను ద్వేషిస్తూ, కాఫిర్ అని, తప్పు చేస్తున్నావని తిడుతున్న వారికి కూడా నేను మంచి జరగాలనే కోరుకుంటున్నాను. నాకు ప్రకృతిలోని చెట్లు, రాళ్ళు, సీతాకోకచిలుకలు.. ఇలా ప్రతి అణువులోనూ ప్రాణం, దైవత్వం కనిపిస్తాయి’’ అని భావోద్వేగానికి గురయ్యారు. (Faria Abdullah Emotional Video) చిన్నతనంలో తాను ‘అల్లాహ్’ అంటే ఏమిటని తల్లిని అడిగినప్పుడు, ‘అల్లాహ్ అంటే వెలుగు.. అంతటా, ఎల్లప్పుడూ నిండి ఉండే ఒక దివ్యశక్తి’ అని చెప్పారని ఆమె గుర్తుచేసుకున్నారు. అలాంటప్పుడు ప్రతిదానిలో ఉండే దైవాన్ని ఎలా వేరుచేసి చూడగలమని ఆమె ప్రశ్నించారు. ‘‘నేను ప్రేమ, శాంతి, ఐక్యత కోసం మాత్రమే ప్రార్థిస్తాను. నాపై ద్వేషం చూపిస్తున్న వారికి కూడా నా ప్రేమనే పంపుతాను’’ అని ఫరియా స్పష్టం చేశారు. మతపరమైన హద్దులు లేకుండా అన్ని సంస్కృతులను గౌరవించే తన దృక్పథాన్ని ఆమె ఈ వీడియో ద్వారా పంచుకోవడంతో పలువురు నెటిజన్లు ఆమెకు మద్దతుగా నిలుస్తున్నారు. SYG: సంక్రాంతి

సెలబ్రిటీలు ఎప్పటికప్పుడు ట్రోలింగ్ బారిన పడుతూనే ఉంటారు. కొందరు దీన్ని చూసిచూడనట్లు వదిలేస్తారు. మరికొందరు మాత్రం మనసులోకి తీసుకుని తెగ బాధపడిపోతుంటారు. ఇప్పుడు అలానే 'జాతిరత్నాలు' హీరోయిన్ ఫరియా అబ్దుల్లా కన్నీళ్లు పెట్టుకుంది. బోనాల్లో పాల్గొన్నందుకు తనని విపరీతంగా ట్రోల్ చేస్తున్నారని చెబుతూ గుక్కపెట్టి ఏడ్చేసింది. ఈ వీడియోని సోషల్ మీడియాలో పోస్ట్ చేసింది. కొన్నిరోజుల క్రితం హైదరాబాద్‌లో జరిగిన బోనాల పండుగలో ఫరియా సందడి చేసింది. వేరే మతం అయినప్పటికీ హిందూ మహిళలతో కలిసి బోనం ఎత్తుకుని ఊరేగింపులో పాల్గొంది. పోతురాజులతో కలిసి ఉత్సాహంగా డ్యాన్స్‌ కూడా చేసింది. అయితే ఇదంతా చూసిన కొందరు ముస్లిం నెటిజన్లు.. ఫరియాని 'కాఫిర్‌' అని, మతానికి మచ్చ తెస్తోందని కామెంట్లు చేశారు. ఈ విమర్శలపై స్పందించిన ఫరియా ఇన్‌స్టాలో ఓ వీడియో షేర్ చేసింది. 'నా తండ్రి ఇస్లాం మతాన్ని ఇష్టపడి ఇందులోకి మారారు. ఇస్లాం మతంలోని మంచి విషయాలన్నింటినీ నాకు చూపిస్తూ ఆయన నన్ను పెంచారు. నేను కూడా ఇస్లాంలో ఎప్పుడూ మంచినే చూశాను. మీరు కూడా మంచినే చూడాలని కోరుకుంటున్నాను బ్రో. నేను తప్పు చేస్తున్నానని, నేను కాఫిర్‌ అని అంటున్న ప్రతి ఒక్కరికీ కూడా మంచి జరగాలని కోరుకుంటున్నాను' 'నేను చెట్టు, రాయి, సీతాకోకచిలుక.. ఇలా ప్రతిదానిలోనూ జీవాన్ని చూస్తాను. అది మీకు అద్భుతంగా అనిపించకపోతే, దాని వల్ల దేవుడిపై మీ నమ్మకం పెరగకుండా దేవుడికి దూరమవుతున్నట్లయితే. మీరు దేవుడిని తప్పు మార్గంలో వెతుకుతున్నారని అర్థం. మీరు కలిసే ప్రతి మనిషిలో దేవుడిని చూడలేకపోతే కూడా మీరు తప్పు మార్గంలో ఉన్నట్టే. నేను ప్రేమ కోసం ప్రార్థిస్తాను. ఐక్యత కోసం ప్రార్థిస్తాను. శాంతి కోసం ప్రార్థిస్తాను. ఇకపైనా అలానే చేస్తాను. నాపై ద్వేషం చూపించే వారికి కూడా నేను మరింత ప్రేమని పంచుతాను. వారి మంచి కోసం ప్రార్థిస్తాను' 'నా మససు మంచిదని నాకు తెలుసు. నేను ప్రేమని అనుభవించాను. మంచితనాన్ని

Malkajgiri: బోనాల ఉత్సవాలు సక్సెస్: అధికారులకు ఘన సన్మానం! మల్కాజిగిరి: శ్రీ ఉజ్జయిని మహంకాళి అమ్మవారి బోనాల ఉత్సవాలను ఘనంగా, ప్రశాంత వాతావరణంలో నిర్వహించేందుకు కృషి చేసిన వివిధ శాఖల అధికారులను మల్కాజిగిరి 183 డివిజన్ కాంగ్రెస్ పార్టీ అధ్యక్షులు జీడి సంపత్ ఆధ్వర్యంలో ఘనంగా సన్మానించి కృతజ్ఞతలు తెలిపారు. ఈ సందర్భంగా పోలీస్ శాఖ ఏసీపీ యాదగిరి రెడ్డి, సీఐ విజయ్ కుమార్, మున్సిపల్ శాఖ డిప్యూటీ కమిషనర్ జకియా సుల్తానా, విద్యుత్ శాఖ ఏఈ గోపాల్ తదితర అధికారులను కలిసి సన్మానించారు.బోనాల ఉత్సవాలు సక్రమంగా, ప్రశాంతంగా జరిగేందుకు సహకరించిన డివిజన్, నియోజకవర్గ ప్రజలకు జీడి సంపత్ ప్రత్యేక ధన్యవాదాలు తెలిపారు. మైనంపల్లి హనుమంతరావు సహకారంతో మల్కాజిగిరి డివిజన్‌తో పాటు నియోజకవర్గాన్ని అభివృద్ధి పథంలో ముందుకు తీసుకెళ్లేందుకు కృషి చేస్తామని ఆయన పేర్కొన్నారు. ఈ కార్యక్రమంలో సీనియర్ నాయకులు రాజేష్ గౌడ్, గౌసుద్దిన్ భాయ్, మహేందర్ గౌడ్, భాస్కర్,నగేష్ గౌడ్, యూత్ కాంగ్రెస్ మల్కాజిగిరి అధ్యక్షులు జీడి చరణ్జిత్ గౌడ్, సంజయ్,రవీందర్, కుమార్ గౌడ్,పార్థసారథి తదితరులు పాల్గొన్నారు

తెలంగాణ సంస్కృతి, సంప్రదాయాలకు ప్రతీకైన బోనాల ఉత్సవాలు ఘనంగా జరిగాయి. సామాన్యులతో పాటు పలువరు సినీ, రాజకీయ ప్రముఖులు కూడా ఈ ఉత్సవాల్లో భాగమయ్యారు. అమ్మవారికి బోనాలు సమర్పిస్తూ మొక్కలు తీర్చుకున్నారు. ఈ క్రమంలో ప్రముఖ సీరియ‌ల్ న‌టి ప్రియాంక ప్రియాంక నల్కారీ కూడా బోన‌మెత్తింది. అమ్మవారికి మొక్కులు సమర్పించ ప్రత్యేక పూజలు చేసింది. అనంతరం ఇందుకు సంబంధించిన ఫోటోలను సోష‌ల్ మీడియాలో షేర్ చేసింది ప్రియాంక. బోనాల ఉత్సవాలకు సంబంధించి ప్రియాంక షేర్ చేసిన ఫొటోలు ఇప్పుడు నెట్టింట వైరల్ అవుతున్నాయి. వీటిని చూసిన నెటిజన్లు క్రేజీ కామెంట్స్ చేస్తున్నారు. కాగా తెలుగు టెలివిజన్ రంగంలో తనకంటూ ప్రత్యేకమైన గుర్తింపు తెచ్చుకున్న నటి ప్రియాంక నల్కారీ అని చెప్పవచ్చు. ఒకప్పుడు తెలుగులో పలు సీరియల్స్ లో నటించి మెప్పించిందీ ఈ తెలుగమ్మాయి. అలాగే కొన్ని టీవీ షోలకు హోస్ట్ గా కూడా వ్యవహరించింది. అయితే ఇప్పుడీ ముద్దుగుమ్మ తెలుగు ఇండస్ట్రీలో పెద్దగా కనిపించడంలేదు. ప్రస్తుతం తమిళ ఇండస్ట్రీలో బిజీ బిజీగా ఉంటోంది ప్రియాంక. అక్కడ వరుస గా సీరియల్స్ చేస్తూ బుల్లితెర ఆడియెన్స్ ను అలరిస్తోంది కాగా తెలుగులో కొన్ని సినిమాల్లోనూ నటించింది ప్రియాంక. 2010లో చంద్ర సిద్ధార్థ దర్శకత్వంలో వచ్చిన 'అందరి బంధువయా' సినిమాతో టాలీవుడ్‌లోకి ఎంట్రీ ఇచ్చింది. ఆ తర్వాత కిక్ 2, కాంచన 3, శివ మనసులో శృతి, హైపర్, నేనే రాజు నేనే మంత్రి వంటి సినిమాల్లో చిన్న చిన్న పాత్రలలో నటించిందీ అందాల తార

నోవై: మన అమెరికన్ తెలుగు అసోసియేషన్ (MATA) మిషిగన్ ఆధ్వర్యంలో బోనాలు జాతర 2026 కార్యక్రమం నోవైలోని శ్రీ వెంకటేశ్వర టెంపుల్ & కల్చరల్ సెంటర్‌లో అత్యంత ఘనంగా జరిగింది. ఈ వేడుకకు మిషిగన్‌లోని తెలుగు కుటుంబాలు, కమ్యూనిటీ సభ్యులు పెద్ద సంఖ్యలో హాజరై బోనాల పండుగ సంప్రదాయాన్ని భక్తిశ్రద్ధలతో జరుపుకున్నారు. ఈ కార్యక్రమంలో భాగంగా నిర్వహించిన ఘనమైన బోనాల ఊరేగింపు, మహాకాళీ మాతకు బోనం సమర్పణ, కుంకుమ పూజలు కన్నుల పండువగా సాగాయి. వీటితో పాటు అనేక సాంస్కృతిక కార్యక్రమాలు ప్రేక్షకులను అలరించగా, మహారాష్ట్ర మండల్ డెట్రాయిట్ (MMD)కు చెందిన షిలేదార్ ఢోల్ తాషా పథక్ ప్రదర్శించిన ప్రత్యేక డోలు ప్రదర్శన విశేషంగా ఆకట్టుకుంది. సభ్యుల ఉత్సాహభరితమైన భాగస్వామ్యంతో ఈ వేడుక ఆధ్యాత్మికంగా, సాంస్కృతికంగా ఎంతో ప్రత్యేకంగా నిలిచింది. ఈ వేడుకను మాటా మిషిగన్ రీజినల్ వైస్ ప్రెసిడెంట్ మనోజ్ బాతిని, రీజినల్ కోఆర్డినేటర్ సత్య మైనంపాటి, ఉమెన్స్ కో-చైర్ అమూల్య రామన్నగారి నాయకత్వంలో విజయవంతంగా నిర్వహించారు. వీరితో పాటు ప్రియ, అక్షర, మల్లేశం అనేక మంది మాటా మిషిగన్ కమ్యూనిటీ వాలంటీర్లు అందించిన అంకితభావంతో కూడిన సహకారం కార్యక్రమం విజయవంతం కావడంలో కీలక పాత్ర పోషించింది. బోనాల సంప్రదాయాన్ని, తెలుగు సంస్కృతిని కాపాడుతూ భావితరాలకు అందించేందుకు తమ కుటుంబాలతో కలిసి హాజరైన ప్రతి ఒక్కరికీ, వాలంటీర్లకు, కళాకారులకు, ఆలయ ప్రతినిధులకు , కమ్యూనిటీ సభ్యులందరికీ MATA మిషిగన్ హృదయపూర్వక కృతజ్ఞతలు తెలియజేసింది. ఈ వేడుక విజయవంతం కావడానికి విశేషంగా సహకరించిన స్పాన్సర్ కళ్యాణ్ తిరుమల గారికి, శ్రీ వెంకటేశ్వర టెంపుల్ & కల్చరల్ సెంటర్‌కు, పాల్గొన్న అన్ని సంస్థలు , ప్రదర్శన బృందాలకు ప్రత్యేక ధన్యవాదాలు తెలియజేశారు. తెలుగు కమ్యూనిటీని ఒక్కతాటిపైకి తీసుకురావడం , మన గొప్ప సాంస్కృతిక సంప్రదాయాలను పరిరక్షించడం పట్ల తమ నిబద్ధతను మాటా మిషిగన్ మరోసారి చాటుకుంది

హైదరాబాద్‌లో బోనాల వేడుకలు ఘనంగా జరిగాయి. ఆషాఢ మాస చివరి ఆదివారం కావడంతో భాగ్యనగరంలో బోనాల పండగ వాతావరణం అంబరాన్ని తాకింది. భక్తులు పెద్ద ఎత్తున తరలివచ్చి అమ్మవారిని దర్శించుకున్నారు. మీరాలంమండి శ్రీ మహంకాళేశ్వర ఆలయంలో జరిగిన బోనాల ఉత్సవాల్లో టాలీవుడ్ హీరోయిన్ ఫరియా అబ్దుల్లా సందడి చేశారు. ఆలయం బయట డప్పు చప్పుళ్లకు డాన్స్ చేసి భక్తుల్లో జోష్ నింపారు. ఈ సందర్భంగా తెలంగాణ కల్చర్ గురించి చెబుతూ ఫరియా ఎమోషనల్ అయ్యారు.పాతబస్తీలోని ప్రసిద్ధ మీరాలంమండి మహంకాళేశ్వర ఆలయంలో నిర్వహించిన బోనాల ఉత్సవాలకు ఫరియా అబ్దుల్లా అతిథిగా హాజరయ్యారు. బోనం ఎత్తుకొని, అమ్మవారికి ప్రత్యేక పూజలు నిర్వహించారు. అనంతరం ఆలయ ప్రాంగణంలో పోతురాజుల విన్యాసాలు, డప్పు చెప్పుల మధ్య ఫరియా మాస్ డాన్స్‌ చేసి భక్తులను ఉత్సాహపరిచారు. బోనాల వేడుకల్లో ఫరియా డాన్స్ వీడియోలు ప్రస్తుతం సోషల్ మీడియాలో వైరల్ అవుతున్నాయి.బోనాల ఉత్సవాల్లో పాల్గొన్న అనంతరం ఫరియా అబ్దుల్లా తెలంగాణ సంస్కృతి, సంప్రదాయాల గురించి మాట్లాడుతూ భావోద్వేగానికి లోనయ్యారు. తెలంగాణ సంస్కృతి ఎంతో గొప్పదని ప్రశంసించారు. ఎలాంటి భేషజాలు లేకుండా అందరూ కలిసికట్టుగా ఉంటారని కొనియాడారు. హైదరాబాద్ సంస్కృతిలో భాగమైనందుకు తనకెంతో గర్వంగా ఉందన్నారు. ''తెలంగాణ కల్చర్ అంటే ఇలానే ఉంటుంది. అందరినీ యాక్సెప్ట్ చేస్తారు. కలిసి మెలిసి ఉంటారు. ఇలాగే ఉండాలి.అదే బెస్ట్'' అంటూ ఫరియా కన్నీళ్లు పెట్టుకున్నారు. ఈ వీడియో కూడా నెట్టింట వైరల్ గా మారింది.\ఫరియా అబ్దుల్లా పక్కా హైదరాబాదీ అమ్మాయి. హైదరాబాదులోని బంజారాహిల్స్ లో ముస్లిం ఫ్యామిలీలో జన్మించారు. లయోలా కాలేజీలో మాస్ కమ్యూనికేషన్ పూర్తి చేశారు. ఆ సమయంలో 'నక్షత్ర' అనే షాట్ నటించారు. కాలేజీలో జరిగిన ఒక ఫంక్షన్ కి ముఖ్య అతిథిగా వచ్చిన దర్శకుడు నాగ్ అశ్విన్‌ దృష్టిలో పడి సినిమా ఛాన్స్ అందుకున్నారు. 'జాతిరత్నాలు' సినిమాతో హీరోయిన్ గా టాలీవుడ్ లో ఎంట్రీ ఇచ్చారు. చిట్టిగా తెలుగు ప్రేక్షకులను ఆకట్టుకున్న ఫరియా

ఆదివారం హైదరాబాద్ వ్యాప్తంగా బోనాల వేడుక సందడిగా జరిగింది. పలు దేవాలయాల్లో టాలీవుడ్ సెలబ్రిటీలైన విజయ్ దేవరకొండ, సందీప్ రెడ్డి వంగా తదితరులు కనిపించారు. ఇక మీరాలం మండి శ్రీ మహంకాళేశ్వర ఆలయంలో జరిగిన బోనాల ఉత్సవాలలో 'జాతిరత్నాలు' హీరోయిన్ ఫరియా అబ్దుల్లా పాల్గొంది. తీన్మార్ డ్యాన్స్ చేసి అలరించింది. అలానే తెలంగాణ కల్చర్ గొప్పతనం గురించి చెబుతూ ఎమోషనల్ అయింది. (ఇదీ చదవండి: 'ఇంద్రపుత్ర'గా అబ్బవరం పాన్ ఇండియా ప్రయత్నం) 'చాలా కొత్తగా ఉంది. తెలంగాణ కల్చర్ అంటే ఇలానే ఉంటది. అందరినీ అంగీకరిస్తారు. అందరితో కలిసి ఉంటారు. అది బెస్ట్' అని ఫరియా భావోద్వేగానికి గురైంది. ఇందుకు సంబంధించిన వీడియో కూడా సోషల్ మీడియాలో వైరల్ అవుతోంది. అలానే పోతురాజులతో కలిసి ఆకట్టుకునే డ్యాన్స్ కూడా చేసింది. ఈ వీడియోలు కూడా వైరల్ అవుతున్నాయి. వేరే మతానికి చెందిన అమ్మాయి అయినప్పటికీ బోనాల్లో పాల్గొని ఫరియా మతసామరస్యం చాటుకుంది. కెరీర్ విషయానికొస్తే.. జాతిరత్నాలు తర్వాత బంగార్రాజు, లైక్ షేర్ సబ్‌స్క్రైబ్, రావణాసుర, ఆ ఒక్కటి అడక్కు, కల్కి 2898 ఏడీ, మత్తు వదలరా 2, గుర్రం పాపిరెడ్డి, గాయపడ్డ సింహం చిత్రాల్లో నటించింది. (ఇదీ చదవండి: నేను ప్రేమలో పడటానికి కారణం 'ఇళయరాజా': హీరోయిన్ దుషార) 'హుషారు పిట్టలు' ట్రైలర్ లాంచ్ ఈవెంట్ (ఫొటోలు) ఆషిక బర్త్ డే సెలబ్రేషన్స్.. అక్క-బావ సర్‌ప్రైజ్ గిఫ్ట్ (ఫొటోలు) హీరోయిన్ హన్సిక బర్త్ డే సెలబ్రేషన్ (ఫొటోలు) అతని మీద ఎలాంటి కేసు పెట్టారంటే.. చింతాడ రవి అరెస్ట్ పై సంచలన నిజాలు పేపర్ లీక్ కావడంతో మనస్థాపానికి గురై మేఘన ఆత్మహత్య మా ఇంటి ఏకైక డాక్టర్.. చివరి ఫోన్‌కాల్ గుర్తుచేసుకుని కన్నీళ్లు అంత మొగోడివా నువ్వు... దమ్ముంటే జైల్లో పెట్టించు చూస్తా.. బంగారం ధరలకు బ్రేక్.. వారం తరువాత భారీగా పతనం

కేంద్ర మంత్రి బండి సంజయ్ బతుకంతా మతం పేరు చెప్పుకుని రాజకీయం చేయడమేనని ప్రభుత్వ విప్ ఆది శ్రీనివాస్ తీవ్రస్థాయిలో విమర్శించారు. తెలంగాణ సంస్కృతికి ప్రతీకగా నిలిచే బోనాల పండుగను కూడా బీజేపీ నాయకులు రాజకీయ ప్రయోజనాల కోసం వాడుకోవడం సరికాదని మండిపడ్డారు. రాష్ట్రవ్యాప్తంగా బోనాల పండుగను ప్రభుత్వం అత్యంత వైభవంగా నిర్వహించిందని, సీఎం రేవంత్ రెడ్డి స్వయంగా సికింద్రాబాద్ మహంకాళి అమ్మవారిని దర్శించుకుని పట్టు వస్త్రాలు సమర్పించారని గుర్తుచేశారు. బోనాల ఏర్పాట్లపై బండి సంజయ్ చేసిన వ్యాఖ్యలకు కౌంటర్ ఇస్తూ, కాంగ్రెస్ ప్రభుత్వం అన్ని మతాలను సమానంగా గౌరవించే లౌకిక ప్రభుత్వమని స్పష్టం చేశారు. హిందూ ధర్మాన్ని, ప్రాచీన ఆలయాలను కాపాడేందుకు రేవంత్ రెడ్డి ప్రభుత్వం ఏకంగా రూ.2,500 కోట్లు ఖర్చు చేస్తోందని ఆది శ్రీనివాస్ తెలిపారు. వేములవాడ పునర్నిర్మాణానికి రూ.250 కోట్లు, బాసరకు రూ.225 కోట్లు, భద్రాచలానికి రూ.351 కోట్లు, గోదావరి పుష్కరాల అభివృద్ధికి రూ.1,000 కోట్లు కేటాయించామని వివరించారు. అలాగే మొయినాబాద్, వేములవాడలలో రూ.197 కోట్లతో ఆధునిక గోశాలలను నిర్మిస్తున్నామని చెప్పారు. బీజేపీ పాలిత రాష్ట్రాల్లో ఆలయాల అభివృద్ధికి ఇంత భారీగా నిధులు కేటాయించారా? అని ప్రశ్నించిన ఆయన.. సంజయ్‌కి చేతనైతే కేంద్రం నుంచి నిధులు తీసుకువచ్చి మాట్లాడాలని సవాల్ విసిరారు

BJP MP Aid: సీఎంఆర్ ధాన్యం స్కాం కేసులో నిందితుడు కొండా ల‌క్ష్మ‌ణ్‌కు రెండు రోజుల్లోనే బెయిల్ వ‌చ్చింది. రూ.80 కోట్ల ధాన్యం కుంభ‌కోణంలో భాగ‌మైన ల‌క్ష్మ‌ణ్‌ బీజేపీ ఎంపీ అరవింద్ అనుచరుడు. ఇంకేముంది అత‌డికి రెండు రోజుల్లో బెయిల్ ల‌భించింది. ఆదివారం బోనాల ఉత్స‌వాల్లో ల‌క్ష్మ‌ణ్ డాన్స్ చేస్తున్న వీడియోలు బ‌య‌ట‌కొచ్చాయి. భారీ స్థాయిలో సీఎంఆర్ స్కాంకు పాల్ప‌డిన నిందితుడు కొండా ల‌క్ష్మ‌ణ్ బెయిల్‌పై బ‌య‌టకొచ్చాడు. రూ.87 కోట్ల ధాన్యం కుంభకోణం చేశాడని, బీజేపీ ఎంపీ అరవింద్ అనుచరుడైన‌ కొండా లక్ష్మణ్‌పై పోలీసులు కేసు నమోదు చేశారు. కేసు రిజిష్ట‌రైన వెంటనే పరారైన ల‌క్ష్మ‌ణ్‌, బెయిల్ రాగానే జగిత్యాల పట్టణంలో ప్ర‌త్య‌క్ష‌మ‌య్యాడు. బోనాల పండుగ సందర్భంగా చిందులేశాడు. సీఎంఆర్ ధాన్యం స్కాం కేసులో బీజేపీ ఎంపీ అరవింద్ అనుచరుడికి రెండు రోజుల్లోనే బెయిల్ రూ.87 కోట్ల ధాన్యం కుంభకోణం చేశాడని, బీజేపీ ఎంపీ అరవింద్ అనుచరుడు కొండా లక్ష్మణ్‌పై కేసు నమోదు చేసిన పోలీసులు కేసు నమోదైన వెంటనే పరారై, బెయిల్ రాగానే జగిత్యాల… — Telugu Scribe (@TeluguScribe) August 9, 2026

హిందువుల కోసం బరాబర్‌ ప్రశ్నిస్తానని కేంద్ర హోం శాఖ సహాయ మంత్రి బండి సంజయ్‌ అన్నారు. ‘రంజాన్‌ పండుగకు రాష్ట్ర ప్రభుత్వం రూ.30 కోట్లు ఇచ్చింది. రంజాన్‌కు 33 కోట్లు ఇచ్చిన రాష్ట్ర ప్రభుత్వం.. హిందువుల కోసం బరాబర్‌ ప్రశ్నిస్తా: సంజయ్‌ హైదరాబాద్‌/సైదాబాద్‌/చాంద్రాయణగుట్ట, ఆగస్టు 9(ఆంధ్రజ్యోతి): హిందువుల కోసం బరాబర్‌ ప్రశ్నిస్తానని కేంద్ర హోం శాఖ సహాయ మంత్రి బండి సంజయ్‌ అన్నారు. ‘రంజాన్‌ పండుగకు రాష్ట్ర ప్రభుత్వం రూ.30 కోట్లు ఇచ్చింది. వారికి ఎందుకిచ్చారని నేను అడగడం లేదు. కానీ 80 శాతం ఉన్న హిందువుల పండుగకు కేవలం రూ.20 కోట్లు విదిలిస్తారా? హైదరాబాద్‌లో 3,400 ఆలయాలుంటే ఈ నిధులు ఏం సరిపోతాయ’ని మండిపడ్డారు. బోనాల ఉత్సవాలకు ఆలయాల్లో కనీస సౌకర్యాలు సమకూర్చలేదని, అభివృద్ధి గురించి తాము మాట్లాడితే మతం రంగు పులుముతారా అని ప్రశ్నించారు. జెన్‌ జీల తీరు చూస్తుంటే ముచ్చటేస్తోందని, హిందూ సమాజం వారిని స్ఫూర్తిగా తీసుకోవాలని సూచించారు. జెన్‌ జీలు ఆకాశంలోకి రాకెట్లను పంపడమే కాదు, హిందూ సనాతన ధర్మం కోసం కూడా మాట్లాడుతున్నారన్నారు. బోనాల ఉత్సవాల సందర్భంగా ఆదివారం సంజయ్‌.. లాల్‌ దర్వాజా సింహవాహిని మహంకాళి, భాగ్యలక్ష్మి, ఉప్పుగూడ మహంకాళి, సైదాబాద్‌ కుర్మగూడలోని నల్లపోచమ్మ అమ్మవార్లను దర్శించుకున్నారు. బోనం ఎత్తి ప్రత్యేక పూజలు నిర్వహించారు. అనంతరం ఆయన మీడియాతో మాట్లాడుతూ లక్ష మంది భక్తులు సందర్శించుకునే లాల్‌ దర్వాజా అమ్మవారి ఆలయంలో బోనాల నిర్వహణకు కాంగ్రెస్‌ ప్రభుత్వం కేవలం రూ.5.50 లక్షలు మంజూరు చేయడం దారుణమని విమర్శించారు. ఒవైసీ బాధ పడతారనే ఈ ఆలయానికి ప్రభుత్వం నిధులు ఇవ్వడం లేదని ఆరోపించారు. హిందూ ధర్మమంటే కాంగ్రెస్‌, బీఆర్‌ఎస్‌లకు భయం పట్టుకుందన్నారు. ఇచ్చిన హామీలను అమలు చేయని మోసపూరిత చరిత్ర కాంగ్రెస్‌ది అని ధ్వజమెత్తారు. ‘నేను గత జీహెచ్‌ఎంసీ ఎన్నికలప్పుడు భాగ్యలక్ష్మి అమ్మవారిని దర్శించుకుంటే హేళన చేసిన కేటీఆర్‌ ఇప్పుడు అమ్మవారిని దర్శించుకున్నారు. కేటీఆర్‌లాంటి మూర్ఖుడికి కూడా జ్ఞానోదయం

ఆషాఢ మాస బోనాల సందర్భంగా లాల్‌దర్వాజా శ్రీ సింహవాహిని మహం కాళి అమ్మవారి ఆలయం వద్ద పోలీసులు పటిష్ఠ భద్రతా ఏర్పాట్లు చేశారు. ఆదివారం నగర పోలీస్‌ కమిషనర్‌ వీసీ సజ్జనర్‌, ఐపీఎస్‌ ఆలయ పరిసరా ల్లో భద్రతా ఏర్పాట్లను స్వయంగా పరిశీలించారు. అనంతరం అమ్మవారిని దర్శించుకుని ప్రత్యేక పూజలు నిర్వహించారు. ఈ సందర్భంగా సీపీ మాట్లాడుతూ.. బోనాల ఉత్సవాలను పురస్కరిం చుకుని ఆలయ పరిసర ప్రాంతాల్లో 48 గంటల పాటు పటిష్ఠ బందోబస్తు ఏర్పాటు చేసినట్లు తెలిపారు. భక్తుల సహకా రంతో ఉత్సవాలు ఎలాంటి అవాంఛనీయ ఘటనలకు తావులేకుండా ప్రశాంతంగా కొనసాగుతున్నాయని చెప్పారు. శాంతిభద్రతల పరిరక్షణలో అత్యాధునిక ఏఐ సాంకేతికతను వినియోగిస్తున్నామని సీపీ తెలిపారు. ముఖ్యంగా దొంగతనాలు, చైన్‌ స్నాచింగ్‌లకు పాల్పడే వ్యక్తులను త్వరగా గుర్తించేందుకు ఏఐ ఆధారిత కెమెరాలతో నిరంతరం పర్యవేక్షణ కొనసాగిస్తున్నట్లు వివరించారు.భద్రతా విధుల కోసం 2,400 మంది పోలీసు సిబ్బందిని రెండు షిఫ్టులుగా విభజించి విధులు కేటాయించినట్లు తెలిపారు. భక్తుల రక్షణ కోసం షీ టీమ్‌లు, క్రైమ్‌ టీమ్‌లను రంగంలోకి దించడంతో పాటు ఆలయాల వద్ద ప్రత్యేక పికెటింగ్‌ ఏర్పాటు చేసినట్లు చెప్పారు. ఆలయ ప్రాంగణాలతో పాటు బోనాల ఊరేగింపు సాగే మార్గాల్లో డ్రోన్లు, అదనపు సీసీ కెమెరాలు ఏర్పాటు చేసి భద్రతను పర్యవేక్షిస్తున్నట్లు సీపీ వెల్లడించారు. ఎలాంటి అవాంఛనీయ ఘటనలు చోటుచేసుకోకుండా పోలీసు బృందాలు నిరంతరం అప్రమత్తంగా ఉంటాయని తెలిపారు. భద్రతా ఏర్పాట్లను సమన్వయం చేసేందుకు లాల్‌దర్వాజా యూనియన్‌ బ్యాంక్‌ వద్ద ప్రత్యేక కంట్రోల్‌ రూమ్‌ ఏర్పాటు చేసినట్లు సీపీ తెలిపారు. భక్తులు పోలీసులకు సహకరించి బోనాల ఉత్సవాలను ప్రశాంత వాతావరణంలో నిర్వహించుకోవాలని ఆయన సూచించారు. ఆదివాసుల చరిత్రంతా పోరాటాల చరిత్రే : మంత్రి సీతక్క పెద్ది సుదర్శన్‌రెడ్డి కుటుంబానికి కేసీఆర్ పరామర్శ..!

బోనాల పండుగ సందర్భంగా హీరో విజయ్ దేవరకొండ, ఆనంద్ దేవరకొండ, దర్శకుడు సందీప్ రెడ్డి వంగా లాల్ దర్వాజా మహంకాళి అమ్మవారిని దర్శించుకుని ప్రత్యేక పూజలు నిర్వహించారు. బోనాల పండుగ సందర్భంగా హైదరాబాద్‌లోని ప్రముఖ లాల్‌దర్వాజా మహంకాళి అమ్మవారి ఆలయం భక్తులతో కిటకిటలాడుతోంది. పండుగ వేళ అమ్మవారిని దర్శించుకునేందుకు సామాన్య భక్తులతో పాటు సినీ ప్రముఖులు కూడా ఆలయాలకు తరలివస్తున్నారు. ఈ క్రమంలో టాలీవుడ్‌ హీరో విజయ్ దేవరకొండ (Vijay Deverakonda), ఆయన సోదరుడు, హీరో ఆనంద్ దేవరకొండ (Anand Deverakonda), దర్శకుడు సందీప్ రెడ్డి వంగా (Sandeep Reddy Vanga) లాల్‌దర్వాజా మహంకాళి (Lal Darwaza Mahankali Temple) అమ్మవారిని దర్శించుకున్నారు. ఆలయంలో ప్రత్యేక పూజలు నిర్వహించిన విజయ్ దేవరకొండ, ఆనంద్ దేవరకొండ, సందీప్ రెడ్డి వంగా అమ్మవారి ఆశీస్సులు తీసుకున్నారు. బోనాల పండుగ సందర్భంగా ఆలయంలో ప్రత్యేకంగా ఏర్పాటు చేసిన పూజా కార్యక్రమాల్లో పాల్గొని మొక్కులు చెల్లించుకున్నారు. అనంతరం ఆలయ అర్చకులు వారికి తీర్థప్రసాదాలు అందించారు. విజయ్ దేవరకొండ ఆలయానికి వచ్చిన విషయం తెలుసుకున్న అభిమానులు పెద్ద సంఖ్యలో అక్కడికి చేరుకున్నారు. దర్శనం పూర్తి చేసుకుని ఆలయం నుంచి బయటకు వచ్చిన విజయ్‌ను చూసేందుకు యువత, అభిమానులు ఆసక్తి చూపించారు. ఆయనను తమ మొబైల్ ఫోన్లలో ఫొటోలు, వీడియోలు తీసుకునేందుకు పోటీ పడ్డారు. విజయ్ కూడా అభిమానుల వైపు చేతులు ఊపుతూ వారిని పలకరించారు. దీంతో కొద్దిసేపు ఆలయ పరిసరాల్లో సందడి వాతావరణం నెలకొంది. విజయ్ దేవరకొండతో పాటు ఆనంద్ దేవరకొండ, సందీప్ రెడ్డి వంగా కనిపించడంతో అభిమానుల ఉత్సాహం మరింత పెరిగింది. వారిని చూసేందుకు వచ్చిన అభిమానులతో ఆలయం చుట్టుపక్కల సందడిగా మారింది

పరేష్ జీ తెలుగు డిజిటల్ మీడియాలో సబ్ ఎడిటర్‌గా పనిచేస్తున్నారు. ఇక్కడ 2024 నుంచి నేషనల్, సోషల్ మీడియా వైరల్ న్యూస్, క్రైమ్, తెలంగాణ, ఏపీ రాజకీయాలు, ఆస్ట్రాలజీ, లైఫ్ స్టైల్ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Malla reddy daughter in law Preethi reddy dance in bonalu: తెలంగాణ వ్యాప్తంగా ఎక్కడచూసిన బోనాల సందడి కన్పిస్తుంది. ఊరువాడ, పల్లెపట్నం అని తేడాలేకుండా బోనాల పండుగ సంబురాలు అంబరాన్నితాకాయని చెప్పుకొవచ్చు. ముఖ్యంగా హైదరాబాద్ లో ఏ గల్లి చూసిన, రోడ్లు చూసిన బోనాల సందడి కన్పించింది. శివసత్తుల పూనకాలు, పోతురాజుల విన్యాసాలతో బోనాల వేడుక కన్నుల పండగలా మారింది. ఇక బోనాలకు సిటీపోలీసులు ప్రత్యేకంగా ఏర్పాట్లు చేశారు. ట్రాఫిక్ సమస్యలు లేకుండా చూశారు. అనేక ఆలయాల వద్ద ప్రత్యేకంగా బారికెడ్లను ఏర్పాటు చేశారు. అయితే.. .ఓల్డ్ సిటీలోని బోనాల జాతరలో మాజీ మంత్రి మల్లారెడ్డి కోడలు పాల్గొన్నారు. అమ్మవారికి బోనం సమర్పించారు. హైదరాబాద్ లోప్రతి ఆదివారం కూడా పలు ఆలయాల్లో బోనాలు జరుగుతున్నాయి.ఈరోజు కూడా ఎక్కడ చూసిన నగరంవ్యాప్తంగా బోనాలు పండగతో ఎక్కడ చూసిన సందడిగా కన్పిస్తుంది. ఈ నేపథ్యంలో.. పాతబస్తీ మీరాలం మండి మహంకాళేశ్వర ఆలయంలో బోనాల వేడుకలు ఘనంగా జరుగుతున్నాయి. ఈ ఆలయంకు మాజీ మంత్రి మల్లారెడ్డి కోడలు ప్రీతి రెడ్డి అమ్మవారిని సందర్శించి ప్రత్యేక పూజలు నిర్వహించారు. బోనాలు, ఓడిబియ్యం సమర్పించుకున్నారు.అయితే.. దర్శనం అనంతరం ఆలయ పరిసరాల్లో భక్తులతో కలిసి గ్రామీణ శైలిలో ఆమె వేసిన మాస్ డ్యాన్స్ అందరినీ ఆకట్టుకుంది. బోనాల ట్రెడిషన్ సాంగ్ కు ప్రీతిరెడ్డి కోడలు అదిరిపోయే స్టెప్పులు వేశారు. దీంతో అక్కడున్నవారు ఫిదా అయ్యారు. Read more; Hyderabad: హైదరాబాద్ ఘనంగా కొనసాగుతున్న బోనాల సంబరాలు.. పలు ఆలయాల్ని దర్శించుకున్న కేటీఆర్.. నార్మల్ గా మాజీ మంత్రి మల్లారెడ్డి

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. Vijay Deverakonda:బోనాల సందర్భంగా లాల్ దర్వాజ మహంకాళి ఆలయాన్ని సందర్శించిన విజయ్ దేవరకొండ, తన భార్య రష్మిక మందన్న క్షేమంగా ఉండాలని అమ్మవారిని కోరుతూ ప్రత్యేక పూజలు చేశారు. దీంతో ఆలయంలో విజయ్ చేసిన ప్రార్థనలకు సంబంధించిన వీడియోలు సోషల్ మీడియాలో వైరల్‌గా మారాయి. హైదరాబాద్‌లో బోనాల వేడుకలు వైభవంగా జరుగుతున్న వేళ పలువురు సినీ ప్రముఖులు అమ్మవారిని దర్శించుకున్నారు. నటి నిహారిక కొణిదెల బంగారు బోనం సమర్పించిన అనంతరం విజయ్ దేవరకొండ, ఆయన సోదరుడు ఆనంద్ దేవరకొండ, దర్శకుడు సందీప్ రెడ్డి వంగా లాల్ దర్వాజ సింహవాహిని మహంకాళి ఆలయానికి వెళ్లారు. విజయ్ దేవరకొండ ఆలయానికి వచ్చారని తెలియడంతో పెద్ద సంఖ్యలో అభిమానులు, భక్తులు అక్కడికి చేరుకున్నారు. అమ్మవారి దర్శనం అనంతరం బయటకు వచ్చిన విజయ్‌తో ఫొటోలు, వీడియోలు తీసుకునేందుకు అభిమానులు ఆసక్తి చూపించారు. ఈ సందర్భంగా విజయ్ మాట్లాడుతూ లాల్ దర్వాజ మహంకాళి అమ్మవారిని తాను తొలిసారి దర్శించుకున్నట్లు తెలిపారు. తన భార్య రష్మిక మందన్న క్షేమంగా ఉండాలని, ఆమె త్వరగా కోలుకోవాలని అమ్మవారి ఆశీస్సులు కోరినట్లు విజయ్ తెలిపారు. అలాగే తమ సందీప్ రెడ్డి వంగా ప్రొడక్షన్ హౌస్‌కు కూడా భద్రకాళి పేరు పెట్టిన విషయాన్ని గుర్తుచేసుకున్నారు. విజయ్ దేవరకొండ రష్మిక కోసం ప్రత్యేకంగా ప్రార్థించిన దృశ్యాలు ఇప్పుడు సోషల్ మీడియాలో వైరల్‌గా మారాయి. బోనాల వేళ భార్య కోసం విజయ్ చేసిన ఈ ప్రత్యేక ప్రార్థన అభిమానులను ఆకట్టుకుంటోంది. స్థానికం నుంచి అంతర్జాతీయం వరకు.. క్రీడలు

Bandi Sanjay: హైదరాబాద్ వ్యాప్తంగా ఎక్కడ చూసిన బోనాలు సంబరాలు కన్పిస్తున్నాయి. ఈ నేపథ్యంలో కేంద్రమంత్రి బండి సంజయ్ ఓల్డ్ సిటీలోని లాల్ దర్వాజ సింహవాహిని అమ్మవారి బొనాల్లో పాల్గొన్నారు. కాంగ్రెస్, బీఆర్‌ఎస్ పాలనలో ఆలయ నిధుల కేటాయింపుల్లో అన్యాయం జరిగిందన్నారు. లాల్ దర్వాజ ఉజ్జయిని మహంకాళి ఆలయంకు రూ.20 కోట్లు ఇస్తానని కేసీఆర్ మోసం చేశారన్నారు. లాల్ దర్వాజ బోనాల నిర్వహణకు కాంగ్రెస్ ప్రభుత్వం రూ.5.50 లక్షలు మాత్రమే కేటాయించిందన్నారు. అలాగే ఛార్మినార్ వద్ద ఉన్న భాగ్యలక్ష్మి అమ్మవారి ఆలయాన్ని గోల్డెన్ టెంపుల్ తరహాలో తీర్చిదిద్దుతామని బండి సంజయ్ తెల్చి చెప్పారు

Jogini Shayamala Devi: జోగిని శ్యామల దేవీ లాల్ దర్వాజ సింహవాహిని అమ్మవారి ఆలయంలో నిర్వహించే బోనాల ఉత్సవంలో పాల్గొనేందుకు వెళ్లారు.ఈ నేపథ్యంలో ఆమె వాహనాన్ని పోలీసులు ఆపడంతో కాలినడకనే అమ్మవారి ఆలయం వద్దకు చేరుకున్నారు. ప్రభుత్వంపై తనను టార్గెట్ చేసినట్లు అన్పిస్తుందని మండిపడ్డారు. మొన్న సికింద్రాబాద్, ఇప్పుడు లాల్ దర్వాజ వద్ద తనకు అవమానం జరిగిందని భావొద్వేగంకు గురయ్యారు. జోగినిలను అవమాన పర్చడం సీఎం రేవంత్ సర్కారుకు మంచిది కాదన్నారు

Kadthal: రావిచేడ్‌లో వైభవంగా బీరప్ప మహంకాళి బోనాలు – పాల్గొన్న సర్పంచ్! కడ్తాల్: గారెడ్డి జిల్లా కడ్తాల్ మండలం రావిచేడ్ గ్రామంలో తెలంగాణ సంస్కృతి, సాంప్రదాయాలకు ప్రతీక బోనాల ఉత్సవాలు అని జిల్లా సర్పంచుల సంఘం ఉపాధ్యక్షుడు రావిచేడ్ సర్పంచ్ బొప్పిడి గోపాల్ పేర్కొన్నారు. ఆదివారం కడ్తాల్ మండలం రావిచేడ్ గ్రామంలో కురుమ సంఘం ఆధ్వర్యంలో బీరప్ప మహంకాళి బోనాలు ఘనంగా నిర్వహించారు. ఈ వేడుకల్లో జిల్లా సర్పంచుల సంఘం ఉపాధ్యక్షుడు రావిచేడ్ సర్పంచ్ బొప్పిడి గోపాల్ పాల్గొన్నారు. ఈ సందర్భంగా సర్పంచ్ గోపాల్ మాట్లాడుతూ.. ఎల్ నినో ప్రభావంతో రాష్ట్రంలో వర్షాభావ పరిస్థితులు ఏర్పడి రైతులు, ప్రజలు ఇబ్బందులు పడుతున్నారని అన్నారు. పుష్కలంగా వర్షాలు కురవాలని పంటలు పాడిపంట చల్లగా ఉండాలని అమ్మవారిని ప్రార్ధించినట్లు చెప్పారు. కార్యక్రమంలో ఉప సర్పంచ్ బందరి యాదయ్య వార్డు సభ్యులు రవికుమార్ బీఆర్ఎస్ పార్టీ అధ్యక్షుడు రమేష్ యాదవ్, మాజీ ఉప సర్పంచ్ వెంకటేష్, నాయకులు బండ లింగం, జితేందర్ రెడ్డి, శ్రీనివాస్, రమేష్, వెంకటేష్, పరశురాం, రాములు, సాయికుమార్, మహేష్, తదితరులున్నారు

బోనాల పర్వదినం వేళ హైదరాబాద్‌లోని జూబ్లీహిల్స్‌ పెద్దమ్మతల్లి ఆలయంలో దొంగతనం కలకలం రేపుతోంది. ఆలయానికి వచ్చిన ఓ భక్తురాలి బ్యాగ్‌ను దుండగుడు చోరీ చేశాడు. హైదరాబాద్‌: బోనాల పర్వదినం వేళ జూబ్లీహిల్స్‌ పెద్దమ్మతల్లి ఆలయంలో దొంగతనం కలకలం రేపుతోంది. ఆలయానికి వచ్చిన ఓ భక్తురాలి బ్యాగ్‌ను దుండగుడు చోరీ చేశాడు. బాధిత మహిళ పూజలు చేస్తున్న సమయంలో ఆమె బ్యాగ్‌ను చాకచక్యంగా కత్తిరించాడు. ఆపై అందులోని పౌచ్‌ను అపహరించి అక్కడి నుంచి ఉడాయించాడు. పౌచ్‌లో ఐదు వెండి బిస్కెట్లు, రూ.5 వేలు ఉన్నట్లు బాధితురాలు వాపోయింది. బోనాల సందర్భంగా ఆలయంలో భక్తుల రద్దీ అధికంగా ఉండటాన్ని ఆసరాగా చేసుకున్న దుండగుడు చోరీకి పాల్పడినట్లు తెలుస్తోంది. కాగా, ఘటనపై జూబ్లీహిల్స్‌ పోలీసులను బాధిత భక్తురాలు ఆశ్రయించింది. కేసు నమోదు చేసిన పోలీసులు.. ఆలయంలోని సీసీ కెమెరాల దృశ్యాలను పరిశీలిస్తున్నారు. వాటి ఆధారంగా నిందితుడి కోసం గాలింపు చర్యలు చేపట్టారు. బోనాల సందర్భంగా పెద్దమ్మగుడికి భారీగా భక్తులు వస్తున్నా.. భద్రతా చర్యలు తగినంతగా లేకపోవడంపై పలువురు ఆందోళన వ్యక్తం చేస్తున్నారు. ఆలయం సహా పరిసర ప్రాంతాల్లో నిఘా పెంచాలని భక్తులు విజ్ఞప్తి చేస్తున్నారు. అనుమానాస్పద వ్యక్తుల కదలికలను నిరంతరం పర్యవేక్షించాలని కోరుతున్నారు. పెద్ది సుదర్శన్ రెడ్డి కుటుంబానికి రూ.2.25 కోట్ల చెక్కు అందజేసిన కేసీఆర్ కుమురం భీమ్ ఆశయాల సాధనకు అందరూ ఐక్యంగా కృషి చేయాలి: మంత్రి సీతక్క

హైదరాబాద్ పాతబస్తీలో లాల్‌దర్వాజా బోనాల ఉత్సవాలు అంగరంగ వైభవంగా కొనసాగుతున్నాయి. ఆషాఢ మాస బోనాల సందర్భంగా కేంద్రమంత్రి బండి సంజయ్ లాల్‌దర్వాజా సింహవాహిని మహంకాళి అమ్మవారిని దర్శించుకున్నారు. అమ్మవారికి బంగారు బోనం సమర్పించిన బండి సంజయ్ ప్రత్యేక పూజలు చేశారు. ఆ తర్వాత ఆయన కీలక వ్యాఖ్యలు చేశారు. తెలంగాణలో బీజేపీ అధికారంలోకి వస్తే చార్మినార్ వద్ద ఉన్న భాగ్యలక్ష్మి అమ్మవారి ఆలయాన్ని గోల్డెన్ టెంపుల్‌గా అభివృద్ధి చేస్తామని బండి సంజయ్ కీలక ప్రకటన చేశారు.పాతబస్తీలో బోనాల ఉత్సవాలను మరింత ఘనంగా నిర్వహించడంతో పాటు.. అవసరమైన మౌలిక సదుపాయాలు కల్పిస్తామని చెప్పారు. ఉత్సవాల నిర్వహణకు భారీగా నిధులు కేటాయిస్తామని తెలిపారు. ఈ క్రమంలోనే 2029లో తెలంగాణలో బీజేపీ ప్రభుత్వం ఏర్పడుతుందని ఆయన ధీమా వ్యక్తం చేశారు. ఈ సందర్భంగా బోనాలను రాష్ట్ర పండుగగా ప్రకటించిన ప్రభుత్వం.. ఉత్సవాల నిర్వహణకు తగిన స్థాయిలో నిధులు కేటాయించడం లేదని బండి సంజయ్ తీవ్రంగా విమర్శించారు. లాల్‌దర్వాజా బోనాలకు ప్రభుత్వం కేటాయించిన నిధులు సరిపోవని పేర్కొన్నారు. ఇతర పండుగలకు కేటాయించే నిధులతో పోలిస్తే బోనాలకు తక్కువ ప్రాధాన్యం ఎందుకు ఇస్తున్నారని ప్రశ్నించారు.అలాగే గత బీఆర్‌ఎస్ ప్రభుత్వ హయాంలో ఆలయాల అభివృద్ధికి ఇచ్చిన హామీలు అమలు కాలేదని బండి సంజయ్ ఆరోపించారు. కాంగ్రెస్, బీఆర్‌ఎస్ ప్రభుత్వాలు హిందూ సమాజం, ఆలయాల విషయంలో నిర్లక్ష్యంగా వ్యవహరిస్తున్నాయని ఆయన విమర్శించారు. అయితే ఇవన్నీ తన రాజకీయ విమర్శలేనని.. హిందూ సమాజానికి సంబంధించిన అంశాలపై మాట్లాడటం తన బాధ్యతగా భావిస్తున్నానని పేర్కొన్నారు. సనాతన ధర్మ పరిరక్షణకు యువత ముందుకు రావాలని బండి సంజయ్ పిలుపునిచ్చారు.ముఖ్యంగా జెన్‌జీ తరం ఆధ్యాత్మిక, సామాజిక అంశాలపై అవగాహన పెంచుకోవాల్సిన అవసరం ఉందని బండి సంజయ్ పేర్కొన్నారు. ఆలయాల పరిరక్షణ, గోరక్షణ, హిందువుల భద్రత వంటి అంశాలపై తాను నిరంతరం మాట్లాడుతానని స్పష్టం చేశారు. చరిత్రను వాస్తవ కోణంలో భావితరాలకు అందించాల్సిన అవసరం ఉందని కూడా తెలిపారు. తెలంగాణ సాయుధ

సర్గం రవి కుమార్‌. జీ తెలుగు డిజిటల్ మీడియాలో సబ్ ఎడిటర్‌గా పని చేస్తున్నారు. ఇక్కడ 2024 నుంచి రాజకీయాలు, స్పోర్ట్స్, వినోదం, క్రైమ్, జాతీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Bonalu Festival: 'బోనాలను రాష్ట్ర పండుగగా ప్రకటించారు సరే నిధులేవి? హైదరాబాద్‌లో 3,400 ఆలయాలు ఉంటే బోనాల ఉత్సవాలకు రూ.20 కోట్లు విదిలిస్తారా? రంజాన్ పండుగకు మాత్రం రూ.33 కోట్లు విడుదల చేస్తారా? బోనాల ఉత్సవాల్లో భక్తులకు కనీస సౌకర్యాలు కల్పించడం లేదు' అని కేంద్ర మంత్రి బండి సంజయ్‌ ఆగ్రహం వ్యక్తం చేశారు. వాస్తవాలు ప్రస్తావిస్తే మతం పేరుతో చిచ్చు పెట్టాలని మాట్లాడతారా? అని ప్రశ్నించారు. హైదరాబాద్‌లో అంగరంగ వైభవంగా జరిగిన బోనాల ఉత్సవాల్లో పాల్గొన్న కేంద్ర మంత్రి బండి సంజయ్‌ పలు ఆలయాల్లో పూజలు చేసిన అనంతరం మీడియాతో మాట్లాడారు. ఈ సందర్భంగా రేవంత్ రెడ్డి ప్రభుత్వంపై తీవ్ర ఆగ్రహం వ్యక్తం చేశారు. 'రంజాన్ పండుగకు రూ.33 కోట్లు ఇస్తే...80 శాతం మంది హిందువుల పండుగకు ఇంకెన్ని కోట్లు ఇవ్వాలి. విదేశాలు నిషేధించిన తస్లీమా జమాతే సంస్థ సభకు కూడా కాంగ్రెస్ రూ.2.40 కోట్లు విడుదల చేస్తారా? నేను హిందువుల కోసం బరాబర్ ప్రశ్నిస్తా' అని బండి సంజయ్‌ ప్రకటించారు. గోమాతను వధిస్తే ప్రశ్నించాలా? వద్దా? అని నిలదీశారు. హిందూ ఆలయాలను ధ్వంసం చేస్తే ప్రశ్నించాలా? వద్దా? అని ప్రశ్నించారు. 15 నిమిషాల టైమిస్తే హిందువులను నరికి చంపుతానంటే ప్రశ్నించవద్దా? తాను బరాబర్ సనాతన ధర్మం కోసం పని చేస్తానని బండి సంజయ్‌ కీలక ప్రకటన చేశారు. 'హిందువులంతా జాగృతం కావాలి. హిందువులారా జెన్‌జీలను స్పూర్తిగా తీసుకోండి. ఆకాశంలో రాకెట్లను పంపడమే కాదు హిందూ సనాతన ధర్మం కోసం మాట్లాడుతున్నారు. జెన్‌జీల తీరు చూస్తుంటే ముచ్చటేస్తోంది' అని కేంద్ర మంత్రి బండి సంజయ్‌ తెలిపారు. 'ఎన్నికలకు

సర్గం రవి కుమార్‌. జీ తెలుగు డిజిటల్ మీడియాలో సబ్ ఎడిటర్‌గా పని చేస్తున్నారు. ఇక్కడ 2024 నుంచి రాజకీయాలు, స్పోర్ట్స్, వినోదం, క్రైమ్, జాతీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Lal Darwaza Temple: ఆషాఢమాసంలో హైదరాబాద్‌లో జగన్మాత స్మరణలో మునిగింది. గల్లీ గల్లీ.. వాడా వాడ అంగరంగ వైభవంగా బోనాలు జరుగుతున్నాయి. ప్రధాన ఆలయం లాల్ దర్వాజా సింహవాహిని అమ్మవారి ఆలయం భక్తులతో కిటకిటలాడింది. ఇక హైదరాబాద్‌ మొత్తం కోలాహలంగా మారింది. బోనాల సందర్భంగా హైదరాబాద్ నగరంలో ఎక్కడ చూసినా డప్పు చప్పుళ్లు, పోతరాజుల విన్యాసాలు, అమ్మవారి ఘటాలు, భక్తుల సందడి కనిపిస్తోంది. లాల్‌దర్వాజ సింహవాహిని మహంకాళి అమ్మవారికి ప్రభుత్వం తరఫున మంత్రులు పొన్నం ప్రభాకర్, కొండా సురేఖ పట్టు వస్త్రాలు సమర్పించారు. సింహవాహిని మహంకాళి అమ్మవారి ఆలయంలో పీసీసీ చీఫ్ మహేష్ కుమార్ గౌడ్, రాజ్యసభ సభ్యులు అనిల్ కుమార్ యాదవ్ అమ్మవారిని దర్శించుకుని ప్రత్యేక పూజలు చేశారు. ఈ సందర్భంగా మంత్రి పొన్నం ప్రభాకర్ కీలక వ్యాఖ్యలు చేశారు. 'తెలంగాణ సంస్కృతి, సంప్రదాయాలకు ప్రతీక బోనాల పండుగ. తెలంగాణవాసుల ఆచార వ్యవహారాలకు, సంస్కృతి సంప్రదాయాలకు ప్రతీకగా నిలిచే ఆషాఢ మాస బోనాల వేడుకలు అత్యంత వైభవంగా జరుగుతున్నాయి. గోల్కొండ జగదాంబిక అమ్మవారి బోనాలతో ప్రారంభమై బల్కంపేట రేణుకా ఎల్లమ్మ కల్యాణం, సికింద్రాబాద్ ఉజ్జయిని మహంకాళి జాతర, లాల్ దర్వాజా సింహవాహిని అమ్మవారి బోనాలు సహా హైదరాబాద్ నగరంలోని వివిధ ప్రాంతాల్లో భక్తిశ్రద్ధలతో ఈ వేడుకలు కొనసాగుతున్నాయి' అని వివరించారు. 'వందల సంవత్సరాలుగా హైదరాబాద్ లో బోనాల ఉత్సవాలు కొనసాగుతున్నాయి..గతంలో నిజాం రాజు హయాంలో కూడా వేడుకలు నిర్వహించారు. అమ్మవారి ఆశీస్సులతో తెలంగాణ ప్రజలందరూ సుఖసంతోషాలతో, ఆయురారోగ్యాలతో ఉండాలని కోరుకుంటున్నా' అని మంత్రి పొన్నం ప్రభాకర్‌ తెలిపారు. రాష్ట్రంలో సమృద్ధిగా వర్షాలు కురిసి, పాడిపంటలు బాగా పండాలని

పరేష్ జీ తెలుగు డిజిటల్ మీడియాలో సబ్ ఎడిటర్‌గా పనిచేస్తున్నారు. ఇక్కడ 2024 నుంచి నేషనల్, సోషల్ మీడియా వైరల్ న్యూస్, క్రైమ్, తెలంగాణ, ఏపీ రాజకీయాలు, ఆస్ట్రాలజీ, లైఫ్ స్టైల్ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Fire accident in langar houz apartment in Hyderabad: హైదరాబాద్ వ్యాప్తంగా ఆషాడ బోనాల సంబురాలు అంబరాన్ని తాకాయి. ప్రతి ఒక్క గుడికి కూడా భక్తులు బొనాల కోసం అందంగా అలంకరించారు. పోతురాజుల విన్యాసాలు,శివసత్తుల పూనకాలు, ఫలహారం బండ్ల ఊరేగింపులు మొదలైన ఉత్సవాలతో బోనాల పండుగతో భాగ్యనగరంలో ఆధ్యాత్మిక శోభ వెల్లివెరిసింది. ఈ నేపథ్యంలో బోనాల వేళ ప్రజలు భక్తి భావనలతో బోనాలను పెట్టుకుని అమ్మవారి ఆలయాలకు వస్తున్నారు. ఈ క్రమంలో హైదరాబాద్ లోని లంగర్ హౌస్ లోని ఒక అపార్ట్ మెంట్ లో భారీ అగ్నిప్రమాదం చోటు చేసుకుంది. హైదరాబాద్ లోని లంగర్ హౌస్ లోని బాపునగర్ లో ఉండే కుటుంబం బోనాల సమర్పణకు దగ్గరలోని అమ్మవారి ఆలయంకు వెళ్లారు. వారు భక్తితో పూజలు చేసుకుని బోనాలను సమర్పించారు.ఆ తర్వాత వారు తిరిగి వచ్చే వరకు ఇంట్లో నుంచి నల్లని పొగలు బైటకు వస్తున్నాయి. అప్పుడు వెంటనే ఇంట్లో వెళ్లి చూడగా ఇల్లంత మంటలు అంటుకున్నాయి. వెంటనే ఫైర్ సిబ్బందికి సమాచారం అందించారు. వెంటనే రంగంలోకి దిగిన ఫైర్ సిబ్బంది మంటల్ని అదుపులోకి తీసుకొచ్చే ప్రయత్నాలుచేపట్టారు. అసలు మంటలు వ్యాపించడానికి షార్ట్ సర్క్యూట్ కారణామా..?..లేదా మరేదైన కారణం ఉందా..?.. అని సదరు కుటుంబం తలలు పట్టుకుంటున్నారు. Read more: Hyderabad: హైదరాబాద్ ఘనంగా కొనసాగుతున్న బోనాల సంబరాలు.. పలు ఆలయాల్ని దర్శించుకున్న కేటీఆర్.. దీనిపై పూర్తి వివరాలు తెలియాల్సి ఉంది. బోనాల పండగ రోజు ఈప్రమాదం జరగడంతో ఆ కుటుంబంలో మాత్రం తీవ్రవిచారంలో మునిగిపోయారు. స్థానికం నుంచి అంతర్జాతీయం వరకు

హైదరాబాద్ పాతబస్తీలోని చారిత్రాత్మక శ్రీ సింహవాహిని మహంకాళి ఆలయం ఆదివారం భక్తజన సంద్రమైంది. లాల్ దర్వాజా బోనాల ఉత్సవాలు అత్యంత వైభవంగా కొనసాగుతున్నాయి. తెల్లవారుజాము నుంచే వేలాది మంది భక్తులు అమ్మవారిని దర్శించుకుని మొక్కులు చెల్లించుకుంటున్నారు. ప్రకృతిని, అమ్మవారిని దైవంగా భావించే ఈ పురాతన సంప్రదాయం పాతబస్తీ వీధుల్లో ఆధ్యాత్మిక శోభను నింపింది. సాంప్రదాయ దుస్తుల్లో మహిళలు వేప ఆకులతో అలంకరించిన బోనం కుండలను నెత్తిన పెట్టుకుని ఊరేగింపుగా ఆలయానికి తరలివచ్చారు. అమ్మవారికి పట్టు వస్త్రాలు, నైవేద్యాలు సమర్పించి తమ కుటుంబాలకు ఆరోగ్యం, సకల సౌభాగ్యాలు ప్రసాదించాలని కోరుకున్నారు. పాథర్‌గట్టి పరిసరాలు పూర్తిగా భక్తి భావంతో నిండిపోయాయి. అమ్మవారి ఆశీస్సుల కోసం లక్షలాది మంది భక్తులు బారులు తీరారు. దీంతో, ఆలయ ప్రాంగణంలో భక్తుల రద్దీని దృష్టిలో ఉంచుకుని అధికారులు భారీ ఏర్పాట్లు పూర్తి చేశారు. సుమారు 5 లక్షల మంది భక్తులు వచ్చే అవకాశం ఉండటంతో 6 క్యూ లైన్లను ఏర్పాటు చేశారు. ఇదిలా ఉండగా, మహిళా భక్తుల కోసం ప్రత్యేక క్యూ లైన్ కేటాయించడం విశేషం. శాంతిభద్రతల పరిరక్షణ కోసం 2,500 మంది పోలీసు సిబ్బందిని రంగంలోకి దించారు. భక్తుల కదలికలను పర్యవేక్షించేందుకు 100 సీసీటీవీ కెమెరాలను నిరంతరం పర్యవేక్షిస్తున్నారు. మంత్రులు కొండా సురేఖ, పొన్నం ప్రభాకర్ అమ్మవారికి పట్టు వస్త్రాలు సమర్పించి ప్రత్యేక పూజలు నిర్వహించారు. హైదరాబాద్ జిల్లా కలెక్టర్ ప్రియాంక అల అమ్మవారికి బంగారు బోనం సమర్పించి మొక్కులు చెల్లించుకున్నారు. ఈ కార్యక్రమంలో నటులు విజయ్ దేవరకొండ, ఆనంద్ దేవరకొండ, దర్శకుడు సందీప్ రెడ్డి వంగా, గాయని మంగ్లీ పాల్గొన్నారు. మంత్రులు సీతక్క, అడ్లూరి లక్ష్మణ్, ఎంపీ అనిల్ యాదవ్, బీఆర్ఎస్ నేత కేటీఆర్, మాజీ మంత్రి తలసాని శ్రీనివాస్ యాదవ్ దర్శనం చేసుకున్నారు. ఫలితంగా, రాజకీయ ప్రముఖులతో ఆలయ ప్రాంగణం సందడిగా మారింది. ఈ నేపథ్యంలో, సాయంత్రం నిర్వహించిన శాంతి కల్యాణోత్సవం ఎంతో ప్రశాంతంగా, అద్భుతంగా సాగింది

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది. Laldarwaza Simhavahini Bonalu 2026: హైదరాబాద్ బోనాలు ఎంతో విశిష్టమైనవి, వీటిని ఆషాఢ బోనాల్లో చివరి ఘట్టంగా అత్యంత వైభవంగా నిర్వహిస్తారు. ఈరోజు హైదరాబాద్ లాల్ దర్వాజాలో సింహవాహిని అమ్మవారికి బోనాలు సమర్పిస్తున్నారు. రాత్రి నుంచే భక్తులు భారీ సంఖ్యలో అమ్మవారి దర్శనానికి వస్తున్నారు. ఈ సందర్భాన్ని పురస్కరించుకుని ప్రభుత్వం రేపు కూడా అధికారిక సెలవు ప్రకటించింది. ప్రతి ఏడాది ఆషాడ మాసంలో బోనాలను నిర్వహిస్తారు, ముఖ్యంగా చివరి ఆషాడ ఆదివారం లాల్ దర్వాజా బోనాలతో ముగుస్తుంది. నగరంలోని మొత్తం 3500 ఆలయాల్లో ఈరోజు బోనాల ఉత్సవాలు జరుగుతున్నాయి. భక్తుల సౌకర్యార్థం ప్రత్యేక ఏర్పాట్లు చేయడంతో పాటు భారీ బందోబస్తు, ట్రాఫిక్ నిబంధనలను కూడా అమలు చేశారు. అన్ని ఆలయాల వద్ద అమ్మవారి పాటలతో పండుగ వాతావరణం నెలకొంది. మహిళలు సాంప్రదాయ దుస్తుల్లో ముస్తాబై అమ్మవారికి బోనాలు సమర్పించడానికి పెద్ద ఎత్తున ఆలయాలకు చేరుతున్నారు. రేపు సెలవు.. హైదరాబాద్ బోనాల ఉత్సవాలు నగరవ్యాప్తంగా ఆది, సోమవారాల్లో బోనాల వేడుకలు నిర్వహించేందుకు ప్రభుత్వం అన్ని ఏర్పాట్లు చేసింది. బోనాల సందర్భంగా సోమవారం ప్రభుత్వ అధికారిక సెలవు దినంగా ప్రకటించింది. లాల్ దర్వాజా సింహవాహిని మహంకాళి ఆలయానికి బోనాలు సమర్పించడానికి పెద్ద సంఖ్యలో భక్తులు తరలి వచ్చే అవకాశం ఉన్నందున, అక్కడ ప్రత్యేకంగా క్యూ లైన్లు ఏర్పాటు చేశారు. ఘనంగా బలిహరణం.. ఆదివారం తెల్లవారుజామున అమ్మవారికి బలిహారణం దేవి అభిషేకం నిర్వహించారు. అనంతరం బోనాలు సమర్పించడం ప్రారంభమైంది. ఉత్సవాల నేపథ్యంలో ఆలయాలను ప్రత్యేకంగా అలంకరించగా, విద్యుత్ కాంతులతో మెరిసిపోతున్నాయి. లాల్ దర్వాజా సింహవాహిని మహంకాళి అమ్మవారికి సీఎం, డిప్యూటీ సీఎంతో పాటు మంత్రులు

హైదరాబాద్‌లో బోనాల సంబరాలు ఘనంగా జరుగుతున్నాయి. బోనాల పండుగ సందర్భంగా ఆలయాలు సందడిగా మారాయి. ప్రజలు పెద్దెత్తున అమ్మవారికి బోనాలు సమర్పిస్తున్నారు. సామాన్యులతో పాటు సెలబ్రెటీలు కూడా అమ్మవారిని దర్శించుకొని బోనాలు సమర్పిస్తున్నారు. తాజాగా స్టార్ హీరో విజయ్ దేవరకొండ అమ్మవారిని దర్శించుకున్నారు. లాల్ దర్వాజా అమ్మవారిని విజయ్ దేవరకొండ దర్శించుకున్నారు. విజయ్ తో పాటు దర్శకుడు సందీప్ రెడ్డి వంగ, అలాగే విజయ్ తమ్ముడు ఆనంద్ దేవరకొండ కూడా అమ్మవారిని దర్శించుకున్నారు. విజయ్ ను ఫోటోలు తీయడానికి అభిమానులు ఎగబడ్డారు. లాల్ దర్వాజా బోనాల్లో సందడి చేసిన విజయ్ దేవరకొండ

బోనాల పండుగ సందర్భంగా ఇంట్లో నాన్‌వెజ్‌ వంటకాలు చేసుకునేవారు చాలామందే ఉంటారు. ప్రతిసారి మటన్‌ కర్రీ కాకుండా కాస్త వెరైటీగా, స్పైసీగా ఏదైనా చేయాలనుకుంటే మటన్ సుక్కా మంచి ఎంపిక. మటన్‌ను మసాలాలతో బాగా ఉడికించి, చివర్లో తక్కువ నీటితో డ్రైగా వేయించడం వల్ల ఈ వంటకానికి అద్భుతమైన రుచి వస్తుంది. హోటల్‌ స్టైల్‌లో మసాలా ఘుమఘుమలాడే ఈ బోనాలు స్పెషల్ మటన్ సుక్కాను ఇంట్లో ఎలా తయారు చేసుకోవాలో చూద్దాం. అల్లం వెల్లుల్లి పేస్ట్ – 1 టేబుల్ స్పూన్ ముందుగా మటన్‌ను శుభ్రంగా కడిగి ఒక గిన్నెలోకి తీసుకోవాలి. అందులో పసుపు, ఉప్పు, అల్లం వెల్లుల్లి పేస్ట్ వేసి బాగా కలపాలి. తర్వాత ప్రెషర్ కుక్కర్‌లో మటన్ వేసి కొద్దిగా నీరు పోసి మెత్తగా ఉడికించాలి. ఇప్పుడు కడాయిలో నూనె వేసి వేడయ్యాక ఉల్లిపాయలు, పచ్చిమిర్చి, కరివేపాకు వేసి బాగా వేయించాలి. ఉల్లిపాయలు బ్రౌన్ కలర్‌లోకి వచ్చిన తర్వాత అల్లం వెల్లుల్లి పేస్ట్ వేసి పచ్చివాసన పోయే వరకు వేయించాలి. తర్వాత కారం, ధనియాల పొడి, గరం మసాలా, మిరియాల పొడి వేసి కలపాలి. ఇందులో ఉడికించిన మటన్ వేసి మసాలా మొత్తం మటన్‌కు బాగా పట్టేలా కలపాలి. మీడియం మంటపై నీరు పూర్తిగా ఇగిరిపోయే వరకు వేయించాలి. మటన్‌ డ్రైగా మారి మసాలా బాగా పట్టిన తర్వాత కొత్తిమీర చల్లి స్టవ్‌ ఆఫ్‌ చేయాలి. అంతే.. బోనాలు స్పెషల్ హోటల్‌ స్టైల్ మటన్ సుక్కా రెడీ. వేడి వేడి అన్నం, రోటీ లేదా రాగి సంగటితో సర్వ్‌ చేస్తే రుచి మరింత అదిరిపోతుంది! చిట్కా: మటన్‌ను ముందుగా మెత్తగా ఉడికించి, చివర్లో మసాలాలతో బాగా వేయించడం వల్ల సుక్కా మంచి డ్రై టెక్స్చర్‌తో, మసాలా రుచితో వస్తుంది

School Holiday: ఆగస్టు 10, 2026 సోమవారం కొన్ని ప్రాంతాల్లో స్కూళ్లు, కాలేజీలు, విద్యాసంస్థలు, ప్రభుత్వ కార్యాలయాలకు సెలవు ప్రకటించారు. అయితే ఈ సెలవు దేశవ్యాప్తంగా ఉండదు. రాష్ట్రం, జిల్లా ఆధారంగా సెలవు పరిస్థితి మారుతుంది. తెలంగాణలో బోనాల పండుగ వేడుకలు కొనసాగుతున్న నేపథ్యంలో హైదరాబాద్‌తో పాటు కొన్ని పరిసర ప్రాంతాల్లో ఆగస్టు 10న సెలవు ఉండనుంది. బోనాల ఉత్సవాల్లో భాగంగా జరిగే రంగం కార్యక్రమం కూడా ఈ రోజున ప్రత్యేకంగా ఉంటుంది. దీంతో కొన్ని ప్రాంతాల్లో విద్యాసంస్థలు, ప్రభుత్వ కార్యాలయాలు మూసి ఉండనున్నాయి. ఆగస్టు 8 రెండో శనివారం కావడంతో ఇప్పటికే చాలా స్కూళ్లకు సెలవు ఉంటుంది. ఆగస్టు 9 ఆదివారం. ఇప్పుడు ఆగస్టు 10 సోమవారం కూడా కొన్ని ప్రాంతాల్లో సెలవు రావడంతో వరుసగా మూడు రోజులు సెలవులు వచ్చినట్లవుతుంది.దీంతో విద్యార్థులు, ఉపాధ్యాయులకు మూడు రోజుల లాంగ్ వీకెండ్‌గా మారనుంది. అయితే ప్రతి జిల్లాలో ఇదే పరిస్థితి ఉండకపోవచ్చు. విద్యార్థులు తమ స్కూల్ లేదా స్థానిక జిల్లా అధికారుల నుంచి వచ్చిన సమాచారాన్ని తప్పనిసరిగా చెక్ చేసుకోవాలి. మరోవైపు ఉత్తర భారతంలోని కొన్ని ప్రాంతాల్లో కూడా ఆగస్టు 10న స్కూళ్లు, కాలేజీలకు సెలవు కొనసాగుతోంది. ముఖ్యంగా ఉత్తరప్రదేశ్‌లోని ముజఫర్‌నగర్ వంటి కన్వర్ యాత్ర ఎక్కువగా జరిగే ప్రాంతాల్లో విద్యాసంస్థలకు ప్రత్యేక సెలవులు ప్రకటించారు. కన్వర్ యాత్ర సందర్భంగా భారీ సంఖ్యలో భక్తులు రోడ్లపై ప్రయాణిస్తారు. దీంతో ట్రాఫిక్ సమస్యలు, రద్దీ ఎక్కువగా ఉండే అవకాశం ఉంటుంది. భక్తుల భద్రత, ట్రాఫిక్ నియంత్రణను దృష్టిలో పెట్టుకుని ముజఫర్‌నగర్‌లో ఆగస్టు 3 నుంచి 10 వరకు స్కూళ్లు, కాలేజీలకు సెలవు ప్రకటించారు. అయితే ఆగస్టు 10న ఉత్తర భారతంలోని అన్ని రాష్ట్రాలకు సాధారణ సెలవు ప్రకటించలేదు. కన్వర్ యాత్ర ప్రభావం ఉన్న కొన్ని జిల్లాల్లో మాత్రమే స్థానికంగా విద్యాసంస్థలకు సెలవులు అమల్లో ఉన్నాయి. ఇతర ప్రాంతాల్లో స్కూళ్లు, కాలేజీలు, ప్రభుత్వ కార్యాలయాలు సాధారణంగానే పనిచేస్తాయి

చాంద్రాయణగుట్ట: ఆషాఢమాసం బోనాల జాతరలో ఆదివారం ప్రధాన ఘట్టానికి అంకురార్పణ జరగనుంది. లాల్‌దర్వాజా సింహవాహిని మహంకాళికి భక్తులు బోనాలు సమరి్పంచనున్నారు. అమ్మవారి ఆలయానికి రెండు వైపులా బోనాల క్యూ కోసం బారికేడ్లు ఏర్పాటు చేశారు. పరిసరాల్లో బాంబు, డాగ్‌స్కా్వడ్‌ బృందాలు తనిఖీలు చేపట్టాయి. సింహవాహిని ఆలయంలో ఆదివారం తెల్లవారుజామున 4 గంటలకు బలిహరణ, అనంతరం ఉదయం 6 గంటలకు రాజ్యసభ మాజీ సభ్యుడు దేవేందర్‌ గౌడ్‌ కుటుంబ సభ్యుల చేతుల మీదుగా దేవీ మహా అభిష్‌కం ఉంటుంది. అనంతరం బోనాల సమర్పణ ప్రారంభమవుతుంది. రాష్ట్ర ప్రభుత్వం తరఫున అమ్మవారికి మంత్రులు కొండా సురేఖ, పొన్నం ప్రభాకర్‌ పట్టు వ్రస్తాలు సమరి్పంచనున్నారు. రాత్రి 8 గంటలకు శాంతి కల్యాణం జరుపుతారు. లాల్‌దర్వాజా బోనాల జాతర ఉత్సవాలను పురస్కరించుకొని ఆలయం ఇప్పటికే పోలీస్‌ నిఘాలోకి వెళ్లిపోయింది. బాంబు, డాగ్‌ స్క్వాడ్, ఇంటెలిజెన్స్‌ వర్గాలు మోహరించాయి. ప్రెగ్నెన్సీతో సమంత.. ఆగస్టు ఎనర్జీతో ఇలా (ఫొటోలు) వేశ్య పాత్రలో అదరగొట్టిన వామికా గబ్బి.. ఈ బ్యూటీ బ్యాగ్‌గ్రౌండ్‌ తెలుసా? (ఫొటోలు) సూర్య ‘విశ్వనాథ్ అండ్ సన్స్’ మూవీ HD స్టిల్స్ హైదరాబాద్ : అమ్మవారికి బంగారు బోనం సమర్పించిన కొణిదెల నిహారిక .. ఫొటోలు వైరల్ హైదరాబాద్ లో సందడి చేసిన ‘కాంతారా’ ఫేమ్‌ రుక్మిణి వసంత్‌ (ఫొటోలు) నువ్వు బిరియాని కనిపెడితే ఇరానీలు ఏం చేసినట్లు? బాబుపై బుగ్గన సెటైర్లే సెటైర్లు షూస్ వేసుకొని వెంకన్న విగ్రహం తీసుకున్న కేంద్ర మంత్రి పెమ్మసాని దిశా చట్టాన్ని పేరు మార్చి అయినా చట్టాన్ని అమలు చెయ్.. అనితకు వరుదు కళ్యాణి సూచన

తెలంగాణ సాంస్కృతిక వైభవానికి ప్రతీకగా నిలిచే బోనాల పండుగ చరిత్ర నిన్నమొన్నటిది కాదని, దానికి వేల ఏళ్ల సుదీర్ఘ ప్రస్థానం ఉందని చారిత్రక ఆధారాలు వెల్లడిస్తున్నాయి. 1816లో హైదరాబాద్‌లో ప్లేగు వ్యాధి సోకినప్పుడు అమ్మవారిని శాంతింపజేయడానికి ఈ పండుగ మొదలైందని చాలామంది భావిస్తారు. కానీ, అంతకు కొన్ని వేల సంవత్సరాల ముందు నుంచే తెలంగాణ గడ్డపై ఈ సంప్రదాయం ఉందని పరిశోధనలు స్పష్టం చేస్తున్నాయి.చరిత్ర పరిశోధకుడు డాక్టర్ ద్యావనపల్లి సత్యనారాయణ ప్రకారం, సుమారు 3 వేల ఏళ్ల కిందటే ఆషాఢ మాసంలో అమ్మవారికి బోనం సమర్పించే ఆచారం ఉంది. దీనికి నిదర్శనంగా కామారెడ్డి జిల్లా మరంద్రాళ్ల తండా సమీపంలోని రాతి గుట్టల్లో స్త్రీలు నెత్తిన బోనం ఎత్తుకున్న శిల్పాలు కనుగొన్నారు. అంతేకాకుండా, సుమారు 1600 ఏళ్ల కిందటి విష్ణుకుండినుల కాలం నాటి 'గర్భాపాత్ర' కూడా మేడ్చల్ జిల్లా కీసరగుట్ట వద్ద లభించింది.కాకతీయుల పాలనలోనూ బోనాలు వైభవంగా జరిగాయి. కాకతీయ రాణి రుద్రమదేవి తన కుమార్తె ముమ్మడమ్మకు సంతానం కలగాలని మొగిలిచర్లలోని ఏకవీరాదేవికి బోనం సమర్పించినట్లు ఏకామ్రనాథుడి 'ప్రతాప చరిత్ర' గ్రంథంలో ఉంది. పండితారాధ్య చరిత్రలో కూడా ఈ ఉత్సవాల ప్రస్తావన కనిపిస్తుంది.బోనాల పండుగ గురించి అధికారికంగా ప్రస్తావించిన మొట్టమొదటి శిలాశాసనం శ్రీకృష్ణదేవరాయల కాలం నాటిది. క్రీ.శ. 1516 మే 4న వేయించిన ఈ శాసనం ప్రస్తుతం హైదరాబాద్‌లోని రాష్ట్ర పురావస్తు ప్రదర్శనశాలలో ఉంది. తెలంగాణ-కర్ణాటక సరిహద్దులోని గొబ్బూరులో లభించిన ఈ శాసనంలో, బోనాల పండుగ నిర్వహణ కోసం రాజ్యం నుంచి చెల్లించాల్సిన పన్నులను రద్దు చేస్తున్నట్లు స్పష్టంగా

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Lal Darwaza Bonalu 2026: హైదరాబాద్‌లో అత్యంత వైభవంగా జరిగే ఆషాఢ బోనాల ఉత్సవాలు ముగింపు దశకు చేరాయి. తెలంగాణ సంస్కృతి, ఆచార వ్యవహారాలకు ప్రతీకగా నిలిచే చారిత్రాత్మక లాల్ దర్వాజా శ్రీ సింహవాహిని మహంకాళి అమ్మవారి బోనాలు నేడు అనగా ఆగస్టు 9న అత్యంత భక్తిశ్రద్ధలతో ప్రారంభమయ్యాయి. ఈ 118వ వార్షిక జాతరకు నగరం నలుమూలల నుంచే కాకుండా చుట్టుపక్కల జిల్లాల నుంచి లక్షలాది మంది భక్తులు తరలివస్తున్నారు. భక్తుల రద్దీ, శాంతిభద్రతలను దృష్టిలో ఉంచుకుని హైదరాబాద్ పోలీసులు పటిష్ట ఏర్పాట్లు చేయడంతో పాటు వైన్ షాపులు బంద్, ట్రాఫిక్ ఆంక్షలను ప్రకటించారు. ఉత్సవాల వేడుకలు ఇలా: నేడు (ఆగస్టు 9): అమ్మవారికి బోనాల సమర్పణ, ప్రత్యేక పూజలు అత్యంత వైభవంగా జరుగుతాయి. రేపు (ఆగస్టు 10): ఘటం ఊరేగింపు, భవిష్యవాణి వినిపించే 'రంగం' కార్యక్రమం ఉంటుంది. ఈ ప్రధాన ఊరేగింపు లాల్ దర్వాజా, శాలిబండ, చార్మినార్, పత్తర్‌గట్టి మీదుగా మూసీ నది సమీపంలోని నయాపూల్ ఆలయం వరకు సాగుతుంది. మద్యం దుకాణాల మూసివేత.. ఉత్సవాలు ప్రశాంత వాతావరణంలో జరిగేలా చూడటానికి హైదరాబాద్ పోలీసు కమిషనర్ నగరంలోని పలు ప్రాంతాల్లో మద్యం దుకాణాలను మూసివేస్తూ ఉత్తర్వులు జారీ చేశారు. గోల్కొండ, రాజేంద్రనగర్ జోన్లలో ఆగస్టు 9 ఉదయం 10:00 గంటల నుంచి ఆగస్టు 10 ఉదయం 10:00 గంటల వరకు వైన్స్, కల్లు కాంపౌండ్లు, బార్లు మూసి ఉంటాయి. అదే విధంగా చార్మినార్ జోన్‌లో ఉత్సవాలు ప్రధానంగా జరిగే ఈ ప్రాంతంలో రెండు రోజుల