Iran Us News

ఇంటర్నెట్‌డెస్క్‌: పశ్చిమాసియా ఉద్రిక్తతలు మొదలైన దగ్గరి నుంచి అక్కడి సముద్ర జలాల్లో మోహరించి ఉన్న అమెరికా విమాన వాహకనౌక యూఎస్‌ఎస్ అబ్రహాం లింకన్ ఇప్పుడు తిరుగుపయనమైంది. అందులో 5000 మందివరకు యూఎస్ నావికులు, మెరైనర్లు విధులు నిర్వర్తిస్తున్నారు (US sailors Thailand). 200 రోజులకు పైగా వారు జలాల్లోనే ఉండటంతో కనీస సదుపాయాలు లేక తీవ్రంగా ఇబ్బందిపడ్డారు. కొందరు ఆత్మహత్యాయత్నానికి ప్రయత్నించినట్లూ ఇటీవల కథనాలు వెలువడ్డాయి. ప్రస్తుతం ఆ నౌక థాయ్‌లాండ్‌లోని పట్టాయాకు చేరనుంది. ఇలాంటి సమయంలో నగరంలోని సెక్స్‌వర్కర్లను (Pattaya sex workers) లక్ష్యంగా చేసుకుని అక్కడి పోలీసులు దాడులు చేయడం చర్చనీయాంశంగా మారింది. థాయ్‌ రాజధాని బ్యాంకాక్‌కు 150 కిలోమీటర్ల దూరంలో పట్టాయా నగరం ఉంటుంది. ఈ సిటీ నైట్‌లైఫ్, బీచ్‌లకు ఫేమస్‌. ఇప్పుడు దానికి కొన్ని కిలోమీటర్ల దూరంలోని లేమ్ చాబాంగ్‌ పోర్టు వద్ద యూఎస్‌ఎస్‌ అబ్రహాం లింకన్ లంగరు వేయనుంది. ఇంతకాలం గల్ఫ్‌జలాల్లో విధులు నిర్వర్తించడం ఆ నౌక చరిత్రలో ఇదే తొలిసారి. ఇప్పుడు అది వెనక్కి వచ్చిన తర్వాత నావికులు, మెరైనర్లు విశ్రాంతి తీసుకోవడానికి సమయం ఇవ్వనున్నారు (US Navy Thailand visit). దీంతో ఈ నగరంలో వ్యభిచార కార్యకలాపాలు పెరిగే అవకాశం ఉందని పోలీసులు అనుమానిస్తున్నారు. ఈ క్రమంలోనే బీచ్‌ల సమీపంలో, నైట్‌ లైఫ్ ఏరియాల్లో పెట్రోలింగ్‌ను పెంచారు. గత వారాంతంలో జరిపిన సోదాల్లో దాదాపు 50 మంది అనుమానిత సెక్స్‌వర్కర్లను అదుపులోకి తీసుకున్నారు. అయితే, నౌక వచ్చిన తర్వాత ఇక్కడి పరిస్థితి పూర్తిగా తమ నియంత్రణలోనే ఉంటుందని చెప్పడం కష్టమని పోలీసులు వెల్లడించారు (Pattaya crackdown). ఇలాంటి నౌకల రాకతో ఇదొక ప్రతికూల అంశమే అయినా.. ఆర్థికంగా పట్టాయాకు కలిసొస్తుందనే అంచనాలు ఉన్నాయి. ఆ నగరం ప్రధానంగా పర్యాటకం, వినోదరంగంపైనే ఆధారపడింది. అలాగే హోటళ్లు, రెస్టారంట్లు, బార్లు, దుకాణాలు, ఇతర వ్యాపారాలు మరింత లాభసాటిగా మారతాయని వ్యాపారవర్గాలు భావిస్తున్నాయి. వ్యభిచారం థాయ్‌లాండ్‌లో చట్టవిరుద్ధం. కానీ

మంగళవారం రాత్రి అమెరికా దాడులు చేయడంతో ఇరాన్ కూడా ప్రతీకార దాడులకు దిగింది. ఇందుకు సంబంధించి ఇరాన్ మీడియాలో పలు కథనాలు వెలువడ్డాయి. ఇంటర్నెట్ డెస్క్: మంగళవారం రాత్రి అమెరికా దాడులు చేయడంతో ఇరాన్ కూడా ప్రతీకార దాడులకు దిగింది. ఇందుకు సంబంధించి ఇరాన్ మీడియాలో పలు కథనాలు వెలువడ్డాయి. ఇరాక్, జోర్డాన్‌‌పై ఇరాన్ ప్రత్యేక సైనిక దళం ఐఆర్‌జీసీ దాడి చేసింది. కువైత్, బహ్రెయిన్‌లో కూడా పేలుళ్లు సంభవించాయి. సిరిక్ ప్రాంతంలో అమెరికా దాడి వల్ల ఓ పెళ్లింట విషాదం సంభవించిందని ఇరాన్ మీడియా పేర్కొంది. ఓ చిన్నారి సహా నలుగురు మృతి చెందారని, 50 మంది గాయపడ్డారని తెలిపింది. తమపై దాడులకు తెగబడుతున్న అమెరికా చివరకు పశ్చాత్తాపం చెందక తప్పదని ఇరాన్ సైనిక దళం ఐఆర్‌జీసీ హెచ్చరించింది. హోర్ముజ్‌లో కమర్షియల్ నౌకలపై ఇరాన్ దాడి చేసే ప్రయత్నం చేయడంతోనే తాము దాడులు చేయాల్సి వచ్చిందని యూఎస్ సెంట్రల్ కమాండ్ తెలిపింది. మంగళవారం అర్ధరాత్రి నుంచి బుధవారం తెల్లవారుజాము వరకూ దాడులు కొనసాగాయని పేర్కొంది. ఇక తమ భూభాగం వైపు వస్తున్న 13 బాలిస్టిక్ మిసైల్స్‌ను మార్గమధ్యంలోనే ధ్వంసం చేశామని జోర్డాన్ మిలిటరీ పేర్కొంది. మరో మూడు మిసైల్స్ నిర్మానుష్య ప్రాంతంలో కూలిపోయాయని తెలిపింది. ఇరాన్ దాడుల వల్ల ఎలాంటి ప్రాణనష్టం జరగలేదని చెప్పింది. బుధవారం ఉదయం ఇరాన్ ప్రయోగించిన పలు మిసైల్స్‌ను అడ్డుకున్నామని మరో ప్రకటనలో కువైట్ తెలిపింది. బహ్రెయిన్‌లో కూడా పేలుళ్లు సంభవించినట్టు తెలిసింది. అమెరికా దాడుల్లో చిన్నారి మరణించినట్టు ఇరాన్ మీడియాలో వార్తలు రావడంపై యూఎస్ సెంట్‌కామ్ ప్రతినిధి స్పందించారు. ఇరాన్ దళాల లాగా తాము సామాన్య పౌరులను ఏనాడు టార్గెట్ చేయలేదని స్పష్టం చేశారు. ఉక్రెయిన్‌పై రష్యా దాడిలో జగిత్యాల వాసి మృతి వియన్నా మ్యూజియంలో భారీ దోపిడీ.. రూ.38 కోట్ల విలువైన వజ్రాల హారం చోరీ

అమెరికా, ఇరాన్‌ దేశాల మధ్య ఉద్రిక్తతలు తీవ్రమవుతున్న నేపథ్యంలో యూఎస్‌ అధ్యక్షుడు డొనాల్డ్‌ ట్రంప్‌ మరోసారి కీలక వ్యాఖ్యలు చేశారు. ఇరాన్‌ ఒప్పందానికి రావాలని కోరుకుంటోందని, తాను సరైన ఒప్పందంగా పేర్కొంటున్న దానికి మాత్రం ఆ దేశం సిద్ధంగా లేదని ట్రంప్ పేర్కొన్నారు. వాషింగ్టన్‌: అమెరికా, ఇరాన్‌ దేశాల మధ్య ఉద్రిక్తతలు తీవ్రమవుతున్న నేపథ్యంలో యూఎస్‌ అధ్యక్షుడు డొనాల్డ్‌ ట్రంప్‌ మరోసారి కీలక వ్యాఖ్యలు చేశారు. ఇరాన్‌ ఒప్పందానికి రావాలని కోరుకుంటోందని ట్రంప్ తెలిపారు. అయితే, తాను సరైన ఒప్పందంగా పేర్కొంటున్న దానికి మాత్రం ఆ దేశం సిద్ధంగా లేదన్నారు. శుక్రవారం నాడు దక్షిణ కరోలినాలోని మిర్టిల్‌ బీచ్‌కు బయలుదేరే ముందు జాయింట్‌ బేస్‌ ఆండ్రూస్‌లో ట్రంప్‌ మీడియాతో మాట్లాడారు. ఈ సందర్భంగా ట్రంప్‌ మాట్లాడుతూ.. 'ఇరాన్‌ వద్ద డబ్బు లేదు. వారికి నౌకాదళం, వైమానిక దళం లేదు. ఇరాన్‌ తన సైనికులు, పోలీసులకూ జీతాలు చెల్లించడం లేదు. అక్కడ 350 శాతం ద్రవ్యోల్బణం ఉంది. హోర్ముజ్‌ జలసంధి మొత్తం ప్రాంతంపై మాకు పూర్తి నియంత్రణ ఉంది. ఇరుదేశాల మధ్య ఒప్పందానికి ఇరాన్‌ ఆసక్తిగా ఉంది. అయితే వాషింగ్టన్‌ కోరిన షరతులను ఇంకా అంగీకరించ లేదు. నా అభిప్రాయంలో సరైన ఒప్పందం చేసుకోవడానికి వారు సిద్ధంగా లేరు. భవిష్యత్తులో ఏం జరుగుతుందో చూద్దాం' అని పేర్కొన్నారు. కాగా, ఇటీవలే ఇరాన్‌పై అత్యంత తీవ్రమైన ఆర్థిక చర్యలను ట్రంప్ ప్రకటించారు. ఈ సందర్భంగా ఇరాన్‌ చమురు స్మగ్లింగ్‌ నెట్‌వర్క్‌లు, ఆర్థిక బదిలీలు, ఎక్స్ఛేంజ్‌ హౌస్‌లు, షిప్‌ రిజిస్ట్రీలు, ఫ్రంట్‌ కంపెనీలతో సహా ఆ దేశ ఆర్థిక జీవనాధారాలను లక్ష్యంగా చేసుకున్నట్లు పేర్కొన్నారు. టెహ్రాన్‌కు ఆర్థిక, వ్యాపార, ఇతర మార్గాల్లో ప్రభుత్వ మద్దతు అందిస్తున్న దేశాలు భారీ ఆర్థిక పరిణామాలను ఎదుర్కోక తప్పదని ఆయన హెచ్చరించారు. అలాగే, ఇరాన్‌ను ఏకాకిని చేసి ఓడించడానికి మిత్రదేశాలన్నీ అమెరికాకు అండగా నిలబడాలని కోరారు. ఇరాన్‌ వద్ద అణ్వాయుధాలు ఉండకూడదని ట్రంప్

అమెరికాతో నెలల తరబడి కొనసాగుతున్న యుద్ధానికి ముగింపు పలకాలని ఇరాన్ పిలుపునిచ్చింది. తాము శక్తిమంతమైన, గౌరవప్రదమైన స్థితిలో ఉన్నప్పుడే యుద్ధాన్ని ముగించడం మేలని ఇరాన్ అధ్యక్షుడు మసూద్ పెజెష్కియాన్ కీలక వ్యాఖ్యలు చేశారు.శుక్రవారం వైద్యులతో జరిగిన సమావేశంలో ఆయన మాట్లాడారు. "మనం శక్తిమంతంగా, గౌరవంగా ఉన్న ఈ సమయంలోనే యుద్ధానికి ముగింపు పలకడం ఉత్తమం" అని పెజెష్కియాన్ అన్నారు. ఈ పోరాటంలో ఇరాన్ విజయం సాధించిందని ప్రపంచం గుర్తించిందని ఆయన పేర్కొన్నారు. అంతర్జాతీయ నిబంధనలను ఉల్లంఘించి అమెరికా పాఠశాలలు, ఆసుపత్రులపై దాడులు చేస్తోందని, అందుకే ప్రపంచవ్యాప్తంగా అమెరికా పట్ల ద్వేషం పెరిగిపోయిందని ఆరోపించారు.ఈ ఏడాది ఆరంభంలో అమెరికా, ఇజ్రాయెల్ వైమానిక దాడులతో ప్రారంభమైన ఈ సంఘర్షణ, ప్రస్తుతం ప్రతిష్ఠంభనలో కొనసాగుతోంది. హర్మూజ్ జలసంధిలో ఇబ్బందులు, అమెరికా నౌకాదళ దిగ్బంధనం వంటి పరిణామాలు చోటుచేసుకున్నాయి. మరోవైపు, వాషింగ్టన్ ఆర్థిక ఒత్తిడిని తీవ్రతరం చేస్తూ కొత్త ఆంక్షలు విధించేందుకు సిద్ధమవుతోంది. చర్చలకు మార్గం సుగమం చేసేందుకు ఒమన్ మధ్యవర్తిత్వ ప్రయత్నాలు కొనసాగిస్తోంది.జూన్‌లో అమెరికాతో కుదిరిన అవగాహన ఒప్పందంలో ఇరాన్ లొంగిపోయినట్లు ఎలాంటి నిబంధనలు లేవని ఆయన స్పష్టం చేశారు. బెదిరింపులకు తలొగ్గేది లేదని, అవసరమైతే గట్టిగా బదులిచ్చేందుకు సిద్ధంగా ఉన్నామని హెచ్చరించారు. దేశంలో ఆర్థిక ఒత్తిళ్లు, అంతర్జాతీయంగా ఒంటరితనం పెరుగుతున్న నేపథ్యంలో, శక్తిమంతమైన స్థితి నుంచే తాము శాంతి చర్చలకు సిద్ధమనే సంకేతాలు పంపేందుకే టెహ్రాన్ ఈ వ్యాఖ్యలు చేసినట్లు విశ్లేషకులు భావిస్తున్నారు

ప్రపంచ వ్యాప్తంగా జరిగే వివిధ సంఘటనల అప్‌డేట్స్‌ను ఎప్పటికప్పుడు ఇక్కడ చదవండి. పాకిస్థాన్‌ మాజీ ప్రధాని ఇమ్రాన్‌ ఖాన్‌కు వైద్య పరీక్షలు చికిత్స కోసం బారీ భద్రత నడుమ ఆసుపత్రికి తరలింపు ఇస్లామాబాద్‌లోని షిఫా ఇంటర్నేషనల్‌ హాస్పిటల్‌కు తరలింపు సగయింగ్ రీజియన్‌లోని ఒక బౌద్ధ ఆశ్రమంపై సైన్యం వైమానిక దాడి ధ్యాన కార్యక్రమంలో పాల్గొన్న 14 మంది మృతి, 20 మందికి గాయాలు

ఇంటర్నెట్ డెస్క్‌: ఇరాన్‌పై సైనిక దాడులు కొనసాగిస్తోన్న అమెరికా.. ఇప్పుడు ఆ దేశ ఆర్థిక జీవనాధారంపై దెబ్బకొట్టేందుకు సిద్ధమైంది. టెహ్రాన్‌ను ఏకాకిని చేయడమే లక్ష్యంగా మరో కొత్త ఎత్తుగడతో (US-Iran War) రంగంలోకి దిగింది. ఇరాన్‌కు సాయం చేసే దేశాలు ఆర్థికంగా తీవ్ర పరిణామాలు ఎదుర్కోవాల్సి వస్తుందని స్వయంగా అమెరికా అధ్యక్షుడు ట్రంప్‌ (Donald Trump) హెచ్చరించారు. మరి ఈ బెదిరింపుల ప్రభావం భారత్‌పై ఏ మేర ఉంటుంది..? ఇరాన్‌తో మన వాణిజ్యం ఎలా ఉంది..? ఏ దేశంపైనా ఇప్పటివరకు చేపట్టని అత్యంత తీవ్రమైన ఆర్థిక చర్యను తాను ఈ రోజు ఇరాన్‌ (Iran)పై ప్రకటిస్తున్నట్లు ట్రంప్‌ వెల్లడించారు. ‘‘ఒప్పందం విషయంలో ఇరాన్‌కు నేనిచ్చినంత గొప్ప అవకాశం ఎవరూ ఇవ్వలేదు. కానీ, డీల్‌ చేసుకోవడంలో వారు విఫలమయ్యారు. అందుకే, ఈ రోజు నేను ఆ దేశంపై ఆర్థిక యుద్ధం ప్రకటిస్తున్నా. ఇరాన్‌ను ఒంటరిని చేయడమే మా లక్ష్యం. ఇప్పటికే ఆ దేశ నౌకాదళం నాశనమైంది, వాయుసేన ధ్వంసమైంది. సైనిక కర్మాగారాలు శిథిలమయ్యాయి. వారి కరెన్సీ విలువ దారుణంగా పడిపోయింది. ఇక, ఇప్పుడు వారికి ఆర్థికంగానూ ఇబ్బందులు తప్పవు. ఏ దేశమైనా తమ ఆర్థిక సంస్థలు, వ్యాపారాలు, విమానాశ్రయాలు, ప్రభుత్వ సంస్థల ద్వారా ఇరాన్‌కు జీవనాధారాన్ని అందిస్తే గనుక.. ఆ దేశం తీవ్రమైన ఆర్థిక పరిణామాలు ఎదుర్కోవాల్సి ఉంటుంది. చమురు స్మగ్లింగ్, నగదు బదిలీలు, ఎక్స్ఛేంజ్ హౌస్‌లు, షిప్ రిజిస్ట్రీలు, ఫ్రంట్ కంపెనీలు.. ఇవన్నీ ఇప్పుడే ఆగిపోవాలి. అవన్ని ఎవరు చేస్తున్నారో అందరికీ తెలుసు. ఇరాన్ ముప్పును ఎదుర్కోడానికి, దాన్ని ఏకాకిని చేసి, ఓడించడానికి అమెరికా మిత్రదేశాలన్నీ మాతో కలిసి నిలబడాలి. ఇరాన్‌ ఎప్పటికీ అణ్వాయుధం కలిగి ఉండకూడదు’’ అని ట్రంప్‌ తన ట్రూత్‌ సోషల్‌లో రాసుకొచ్చారు. ఇరాన్‌తో వ్యాపార సంబంధాలు సాగించే దేశాలన్నింటికీ ట్రంప్‌ ఈ హెచ్చరికలు చేశారు. టెహ్రాన్‌కు భారత్‌ కీలకమైన వాణిజ్య భాగస్వామిగా (India-Iran Trade) ఉంది. ఇరాన్‌తో మనది మిగులు

ఇరాన్‌కు సహాయం చేసే కార్యకలాపాలను వెంటనే నిలిపివేయాలని దాని మిత్రదేశాలకు అమెరికా అధ్యక్షుడు డొనాల్డ్ ట్రంప్ వార్నింగ్ ఇచ్చారు. అలా చేయని పక్షంలో భారీ ఆర్ధిక మూల్యం చెల్లించక తప్పదని స్పష్టం చేశారు. ఇంటర్నెట్ డెస్క్: కొంతకాలం నుంచి ఇరాన్, అమెరికా మధ్య యుద్ధం జరుగుతున్న సంగతి తెలిసిందే. ఈ నేపథ్యంలోనే పశ్చిమాసియాలో ఉద్రిక్తతలు నెలకున్నాయి. వాటిని తగ్గించేందుకు మధ్య మధ్యలో శాంతి చర్చలు జరిగినప్పటికీ అవి సఫలం కాలేదు. ఇదే సమయంలో ఇరాన్, అమెరికా దేశాలు పరస్పరం హెచ్చరికలు చేసుకుంటున్నాయి. తాజాగా ఇరాన్ మిత్ర దేశాలకు అమెరికా అధ్యక్షుడు డొనాల్డ్ ట్రంప్ కీలక హెచ్చరికలు జారీ చేశాడు. ఆ దేశానికి సహయం చేస్తే.. భారీగా ఆర్ధిక మూల్యం తప్పదని స్పష్టం చేశాడు. ఇరాన్‌కు సహాయం చేసే కార్యకలాపాలను వెంటనే నిలిపివేయాలని దాని మిత్రదేశాలకు ట్రంప్ వార్నింగ్ ఇచ్చారు. ' నా కంటే గొప్ప ఒప్పందం కుదుర్చుకోవడానికి ఇరాన్‌కు నాకంటే గొప్ప అవకాశాన్ని మరెవరూ ఇవ్వలేదు. దాన్ని వారు సద్వినియోగం చేసుకోలేదు. అందుకే నేను ఏ దేశంపైనా కూడా ఇప్పటి వరకు చేపట్టిని అత్యంత కఠిన ఆర్థిక చర్యలు తీసుకుంటున్నాను. దీంతో ఇరాన్ ఊహించని స్థాయిలో ఏకాకిగా మారుతుంది' అని ట్రంప్ తన ట్రూత్ సోషల్ పోస్ట్ లో పేర్కొన్నారు. 'ఏ దేశమైనా తమ ఆర్థిక సంస్థలు, వ్యాపారాలు, విమానాశ్రయాలు లేదా ప్రభుత్వ సంస్థల ద్వారా ఇరాన్‌కు ఏ విధమైన ఆర్థిక సాయానికి అనుమతిస్తే, ఆ దేశం కూడా తీవ్రమైన ఆర్థిక పరిణామాలను ఎదుర్కోక తప్పదు. నేను హెచ్చరిస్తుంది ఏ దేశాలనో పేరు చెప్పలేదు కానీ వారు ఎవరో వారికే తెలుసు. ఇరాన్‌ను ఒంటరి చేసి ఓడించడానికి మన మిత్రదేశాలన్నీ అమెరికాకు మద్దతుగా నిలబడాలి. ఈ ఇప్పటికే ఉన్మాదులు(ఇరాన్) బలహీనపడ్డారు. ఈ చరిత్రాత్మక చర్యలు వారిని, ప్రపంచవ్యాప్తంగా వారు సృష్టించే భయోత్పాత సామర్థ్యాన్ని దెబ్బతీస్తాయి. ఇరాన్‌ వద్ద ఎప్పటికీ అణ్వాయుధం ఉండదు' అని ట్రంప్

అమెరికా–ఇరాన్‌ మధ్య ఉద్రిక్తతలు మరోసారి తీవ్రస్థాయికి చేరుతున్నాయి. ఇప్పటికే యుద్ధం, సముద్ర దిగ్బంధనం, చమురు ఎగుమతులపై ఆంక్షలతో సతమతమవుతున్న ఇరాన్‌పై మరిన్ని కఠినమైన ఆర్థిక ఆంక్షలు విధించేందుకు అమెరికా సిద్ధమవుతోంది. గతంలో ఎన్నడూ లేనంత కఠినమైన చర్యలు తీసుకుంటామని అమెరికా ట్రెజరీ కార్యదర్శి స్కాట్‌ బెసెంట్‌ హెచ్చరించారు. ఈ పరిస్థితిని ముందే అంచనా వేసిన ఇరాన్‌ ప్రభుత్వం.. ఎలాంటి ముందస్తు చర్యలు చేపట్టింది? ఇక మీదట ఎలాంటి వ్యూహాన్ని అనుసరించబోతోంది? అనేది ఇప్పుడు ఆసక్తికరంగా మారింది. ఇరాన్‌పై అమెరికా ఇప్పటికే విస్తృతమైన ఆంక్షలు అమలు చేస్తోంది. 2025 ఫిబ్రవరి నుంచి ఇప్పటివరకు వెయ్యికి పైగా ఇరాన్‌కు చెందిన వ్యక్తులు, నౌకలు, విమానాలపై ఆంక్షలు విధించింది. ఇప్పుడు ఈ జాబితాను మరింత విస్తరించేందుకు వాషింగ్టన్‌ సిద్ధమవుతోంది. ముఖ్యంగా ఇరాన్‌ చమురు వ్యాపారానికి సహకరిస్తున్న సంస్థలు, ఆర్థిక లావాదేవీలు, రవాణా వ్యవస్థలను లక్ష్యంగా చేసుకునే అవకాశం ఉంది. ఇరాన్‌ చమురుకు చైనా ప్రధాన కొనుగోలుదారు. దీంతో అక్కడి చిన్న రిఫైనరీలపై అమెరికా ఇప్పటికే ద్వితీయ ఆంక్షలు విధించింది. ఇరాన్‌తో లావాదేవీలు నిర్వహించే పెద్ద చైనా బ్యాంకులపైనా చర్యలు తీసుకునే అవకాశముందన్న సంకేతాలు వెలువడుతున్నాయి. అదే జరిగితే ఇరాన్‌ చమురు ఆదాయానికి మరింత గండి పడటమే కాకుండా అమెరికా–చైనా సంబంధాలపైనా ప్రభావం పడే అవకాశం ఉంది. హర్ముజ్‌ మూసుకుపోతే.. ఇరాన్‌ ఆర్థిక వ్యవస్థకు మరో కీలక సమస్య హర్ముజ్‌ జలసంధి. ప్రపంచ చమురు, సహజవాయువు రవాణాలో యుద్ధానికి ముందు దాదాపు ఐదో వంతు ఈ మార్గం గుండా సాగేది. ఇప్పుడు యుద్ధం, దిగ్బంధనం కారణంగా నౌకల రాకపోకలు తీవ్రంగా దెబ్బతిన్నాయి. ఫలితంగా ఇరాన్‌కు మాత్రమే కాకుండా అంతర్జాతీయ ఇంధన మార్కెట్‌కూ ఆందోళన మొదలైంది. అయితే హర్ముజ్‌ను తెరిచే విషయంలో ఇరాన్‌ కూడా తన షరతులను స్పష్టం చేస్తోంది. అమెరికా దిగ్బంధనం ఎత్తివేయడం, స్తంభింపజేసిన ఇరాన్‌ ఆస్తులను విడుదల చేయడం, చమురు ఆంక్షలు తొలగించడం, సైనిక చర్యలను నిలిపివేయడం వంటి

ఇంటర్నెట్‌ డెస్క్‌: హర్మూజ్‌ జలసంధి.. పశ్చిమాసియా యుద్ధానికి ఇప్పుడు మరింత ఆజ్యం పోస్తోన్న అంశం ఇది. ఈ జలమార్గంపై నియంత్రణ తమకే ఉందంటూ ఇరాన్‌, అమెరికా గత కొన్ని రోజులుగా వాదోపవాదాలు చేసుకుంటూనే ఉన్నాయి. అగ్రరాజ్య అధ్యక్షుడు ట్రంప్‌ ఒక అడుగు ముందుకేసి.. ‘హర్మూజ్‌ (Strait of Hormuz) ఇక మా భూభాగమే’ అని ప్రకటించుకున్నారు. దీన్ని ఇరాన్‌ ఖండిస్తున్నప్పటికీ.. తాజా పరిణామాలు చూస్తుంటే ఈ కీలక జలసంధి టెహ్రాన్‌ చేయి దాటిపోతున్నట్లే కన్పిస్తోంది. హర్మూజ్‌పై ఇరాన్‌ (Iran) 80శాతం పట్టు కోల్పోయినట్లేనని అమెరికా మీడియాలో కథనాలు వస్తున్నాయి. (US-Iran War) హర్మూజ్‌ జలసంధిలో ఇప్పుడు రెండు మార్గాల్లో నౌకల రాకపోకలు సాగుతున్నాయి. ఒకటి ఇరాన్‌ సూచించిన మార్గం కాగా.. రెండోది ఒమన్‌ ఉత్తర తీరం మీదుగా వెళ్లే షిప్పింగ్‌ ఛానెల్‌. ఇది అమెరికా సూచించిన ఐరాస అధీకృత రవాణా మార్గం. అయితే, హర్మూజ్‌ తమ నియంత్రణలోనే ఉందని చెబుతోన్న ఇరాన్‌.. ఒమన్‌ రూట్‌లో వెళ్తోన్న నౌకలపై పదే పదే దాడులు చేస్తోంది. అయినప్పటికీ.. చాలా నౌకలు ఇదే మార్గాన్ని ఎంచుకోవడం గమనార్హం. గత రెండు వారాలుగా ఒమన్‌ మార్గంలోనే 80శాతానికి పైగా నౌకలు హర్మూజ్‌ను దాటినట్లు షిప్‌ ట్రాకింగ్‌ సంస్థ కెప్లెర్‌ డేటా చెబుతోంది. ఇరాన్‌ దాడులు కొనసాగుతున్నప్పటికీ.. అమెరికా నౌకాదళాలు కల్పిస్తోన్న భద్రతతో ఈ నౌకలు ఒమన్‌ తీరం నుంచి ప్రయాణిస్తున్నాయని సదరు డేటా పేర్కొంది. దీన్ని బట్టి చూస్తుంటే హర్మూజ్‌ జలసంధిపై ఇరాన్‌ నియంత్రణ కోల్పోతున్నట్లు స్పష్టమవుతోందని కెప్లెర్‌ క్రూడాయిల్‌ అనాలిసిస్‌ హెడ్ హోమాయూన్‌ అభిప్రాయపడ్డారు. నెల క్రితం వరకు ఒమన్‌ మార్గంలో ఎలాంటి నౌకల ట్రాఫిక్‌ను కెప్లెర్‌ గుర్తించలేదు. కానీ, రెండు వారాల నుంచి ఈ రూట్‌లో రాకపోకలు గణనీయంగా పెరుగుతుండటం గమనార్హం. కువైట్‌, సౌదీ అరేబియా, యునైటెడ్‌ అరబ్‌ దేశాలు హర్మూజ్‌ మీదుగా పర్షియన్ గల్ఫ్‌ను దాటడానికి అతిపెద్ద క్రూడాయిల్‌ ట్యాంకర్లను వినియోగిస్తున్నాయి. తర్వాత గల్ఫ్‌ ఆఫ్‌

ప్రపంచ వ్యాప్తంగా జరిగే వివిధ సంఘటనల అప్‌డేట్స్‌ను ఎప్పటికప్పుడు ఇక్కడ చదవండి. నేడు నిందితులను కస్టడీకి తీసుకోనున్న పోలీసులు మద్యం మత్తులో ప్రియాంకను కారుతో ఢీకొట్టిన నిందితులు ప్రియాంక కేసులో నిందితులను ప్రశ్నించనున్న పోలీసులు హైదరాబాద్‌: ట్రైనీ IPS ఉదయ్‌ కృష్ణారెడ్డి కేసు నేడు రెండోరోజు పోలీసు కస్టడీకి ఉదయ్‌ కృష్ణారెడ్డి మహిళా IPSపై లైంగిక వేధింపుల కేసులో విచారణ నేడు నిజామాబాద్‌లో మహేష్‌గౌడ్‌, సీతక్క పర్యటన అనంతరం పార్టీ కేడర్‌తో మహేష్‌గౌడ్‌, సీతక్క మీట్‌ హనుమకొండ: నేడు కొండా సుస్మిత పటేల్‌ కీలక సమావేశం పరకాల నుంచి పోటీకి సిద్ధమైన సుస్మిత పటేల్‌ దక్షిణాఫ్రికాపై 6-1 తేడాతో భారత జట్టు గెలుపు రేపటి నుంచి సీఎం రేవంత్‌రెడ్డి విదేశీ పర్యటన ఆక్స్‌ఫర్డ్, కేంబ్రిడ్జ్ యూనివర్సిటీలను సందర్శించనున్న సీఎం లండన్ బిజినెస్ స్కూల్‌లో పర్యటించనున్న సీఎం రేవంత్‌రెడ్డి ఈనెల 23న లండన్ నుంచి అమెరికాకు సీఎం రేవంత్ హార్వర్డ్, MIT యూనివర్సిటీలను సందర్శించనున్న సీఎం వర్జీనియా టెక్ యూనివర్సిటీ బృందంతో భేటీకానున్న రేవంత్ న్యూయార్క్‌లో ఇండియన్ ఓవర్సీస్ కాంగ్రెస్ మీట్ & గ్రీట్ 29న న్యూయార్క్ నుంచి హైదరాబాద్‌కు తిరుగు ప్రయాణం 30న హైదరాబాద్‌ చేరుకోనున్న సీఎం రేవంత్‌రెడ్డి ఢిల్లీ: నేడు కాంగ్రెస్‌ వర్కింగ్‌ కమిటీ సమావేశం CWCకి హాజరుకానున్న సోనియా, రాహుల్‌, ప్రియాంక కాంగ్రెస్‌ పాలిత రాష్ట్రాల సీఎంలకు ఆహ్వానం CWC సమావేశానికి హాజరుకానున్న సీఎం రేవంత్‌ రెడ్డి విద్యార్థుల ఆందోళన మీద కేంద్రంపై ఒత్తిడికి వ్యూహం వచ్చే ఏడాది అసెంబ్లీ ఎన్నికలపై CWC సమీక్ష ఢిల్లీ: ఉదయం 11 గంటలకు కేంద్ర కేబినెట్‌ భేటీ ప్రధానమంత్రి నరేంద్రమోదీ అధ్యక్షతన కేంద్ర కేబినెట్‌ సమావేశం పార్టీ బలోపేతం, భవిష్యత్‌ కార్యాచరణపై చర్చ హైదరాబాద్‌: నేడు ఫిల్మ్‌ ఫెడరేషన్‌ జనరల్‌ కౌన్సిల్‌ భేటీ 24 క్రాప్ట్స్‌ అనుబంధ సంఘాల బైలాస్‌ సవరణపై చర్చ డ్యాన్సర్స్‌ అసోసియేషన్‌పై చర్యల అంశంపైనా చర్చ వరంగల్‌: నేడు నర్సంపేట

అమెరికా, ఇరాన్‌ల మధ్య వివాదం అంతకంతకూ ముదురుతోంది. హోర్ముజ్‌ మూసివేత కొనసాగుతుందని ఇప్పటికే ఇరాన్ ప్రకటించిన నేపథ్యంలో యూఎస్ అధ్యక్షుడు డొనాల్డ్ ట్రంప్ మరో సంచలనానికి తెరతీశారు. ఇంటర్నెట్ డెస్క్: అమెరికా, ఇరాన్‌ల మధ్య వివాదం అంతకంతకూ ముదురుతోంది. హోర్ముజ్‌ మూసివేత కొనసాగుతుందని ఇప్పటికే ఇరాన్ ప్రకటించిన నేపథ్యంలో యూఎస్ అధ్యక్షుడు డొనాల్డ్ ట్రంప్ మరో సంచలనానికి తెరతీశారు. హోర్ముజ్ యూఎస్‌కు చెందిన ప్రాంతమని చెప్పే మ్యాప్‌ను సోషల్ మీడియాలో షేర్ చేశారు. హోర్ముజ్‌ను యూఎస్‌కు చెందిన ప్రాంతంగా ప్రకటిస్తామని గత కొద్ది రోజులుగా చెబుతూ వస్తున్న ట్రంప్ చివరకు కొత్త మ్యాపుతో వివాదాన్ని మరో మలుపు తిప్పారు. హోర్ముజ్‌ పూర్తిగా తమ అధీనంలో ఉందని చాలా కాలంగా ట్రంప్ చెబుతున్నారు. ఈ విషయమై సోమవారం విలేకరులతో మాట్లాడుతూ హోర్ముజ్‌ను యూఎస్‌కు చెందిన ప్రాంతంగా ప్రకటించాలన్న ఆలోచన మంచిదేనని అన్నారు. ‘అది గొప్ప ఐడియానే. ఇప్పటికే హోర్ముజ్‌ చుట్టూ నిర్బంధాన్ని అమలు చేస్తున్నాము. పూర్తిగా అది మా అధీనంలో ఉంది. కాబట్టి యూఎస్‌కు చెందిన ప్రాంతంగా కూడా ప్రకటించవచ్చు’ అని ట్రంప్ అన్నారు. అంతకుముందు మరో సందర్భంలో ట్రంప్ మాట్లాడుతూ తాను త్వరలో హోర్ముజ్‌ను యూఎస్‌కు చెందిన ప్రాంతంగా ప్రకటిస్తానని చెప్పారు. ఈ నేపథ్యంలో తాజాగా ట్రంప్ షేర్ చేసిన మ్యాప్ కలకలం రేపుతోంది. అమెరికాతో చర్చల్లో పాల్గొంటున్న టాప్ ఇరాన్ నేత మొహమ్మద్ ఘాలిబాఫ్ మాత్రం హోర్ముజ్‌ను మూసే ఉంచామని స్పష్టం చేశారు. అమెరికా తన హామీలకు కట్టుబడి ఉండే వరకూ పరిస్థితి ఇలాగే ఉంటుందని స్పష్టం చేశారు. ‘గతంలో కుదిరిన అవగాహన ఒప్పందం ప్రకారం అమెరికా తన హామీలకు కట్టుబడే వరకూ హార్ముజ్‌ను తెరిచే ప్రసక్తే లేదు’ అని ఇరాన్ మీడియాకు ఇచ్చిన ఇంటర్వ్యూలో తెలిపారు. యూఎస్ తన నిర్బంధాన్ని ఎత్తివేయాలని, చమురు వాణిజ్యంపై ఆంక్షలు తొలగించి విదేశాల్లోని ఇరాన్ ఆస్తులను విడుదల చేయాలని డిమాండ్ చేశారు. ఇదిలా ఉంటే, మంగళవారం

ఇంటర్నెట్‌ డెస్క్‌: హర్మూజ్‌ జలసంధిపై పూర్తిగా నియంత్రణ తమకే ఉందని అమెరికా అధ్యక్షుడు డొనాల్డ్‌ ట్రంప్‌ వాదిస్తున్నారు. ఈ క్రమంలోనే తాజాగా ‘ట్రూత్‌ సోషల్‌’ వేదికగా కీలక పోస్టు పెట్టారు. ‘హర్మూజ్‌.. అమెరికా కొత్త ప్రదేశం’ అని ఆ జలసంధి మ్యాప్‌పై రాసి ఉన్న ఫొటోను షేర్‌ చేశారు. ప్రస్తుతం హర్మూజ్‌ను దిగ్బంధనం చేసిన అమెరికా.. ఇరాన్ నౌకలను అడ్డుకుంటున్న విషయం తెలిసిందే. భారత ఎన్నికల వ్యవస్థపై ట్రంప్‌ కీలక వ్యాఖ్యలు మరోవైపు.. తమ డిమాండ్లు నెరవేర్చే వరకు హర్మూజ్‌పై పట్టును కొనసాగిస్తామని ఇరాన్ పార్లమెంటరీ స్పీకర్ మహమ్మద్‌ బాఘేర్‌ గాలిబాఫ్‌ మంగళవారం స్పష్టం చేశారు. ‘‘ఒప్పందం ప్రకారం దిగ్బంధనాన్ని ఎత్తేయాలి. స్తంభింపజేసిన ఆస్తులను విడుదల చేయాలి. చమురుపై ఆంక్షలను తొలగించాలి. అదేవిధంగా సైనిక చర్యలకు ముగింపు పలకాలి. అప్పటివరకు హర్మూజ్ జలసంధిని తిరిగి తెరవబోం’’ అని స్పష్టంచేశారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఇంటర్నెట్‌ డెస్క్‌: ఇరాక్‌లోని కుర్దిస్థాన్‌(Kurdistan) ప్రాంతీయ ప్రభుత్వ ప్రధాని మస్రూర్‌ బర్జానీ (PM Barzani) కార్యాలయంపై సోమవారం రాత్రి డ్రోన్ల దాడి జరిగింది. ఈ దాడులకు ఇరానే కారణమని కుర్దిస్థాన్‌ భద్రతా సంస్థ ఆరోపించింది. ప్రధాని కార్యాలయంతో పాటు కుర్దిస్థాన్‌ భద్రత, నిఘా సంస్థ ‘పరాస్తిన్‌’ అధిపతి నివాసాన్ని కూడా డ్రోన్లు లక్ష్యంగా చేసుకున్నాయని తెలిపింది. ఈ దాడుల్లో ఎలాంటి ప్రాణనష్టం జరగలేదని పేర్కొంది. కీలక ప్రభుత్వ, భద్రతా వ్యవస్థలను లక్ష్యంగా చేసుకోవడం తీవ్ర ఆందోళన కలిగించే పరిణామమని తెలిపింది. కుర్దిస్థాన్ ప్రధాని మస్రూర్‌ బర్జానీ ఈ దాడిని తీవ్రంగా ఖండించారు. ఇది ఏమాత్రం ఆమోదయోగ్యం కాదని, చట్టవిరుద్ధమైన చర్య అని పేర్కొన్నారు. ఈ తరహా చర్యలు ప్రాంతీయ ఉద్రిక్తతలను మరింత పెంచుతాయని ఆగ్రహం వ్యక్తం చేశారు. ఇది కుర్దిస్థాన్ ప్రాంతీయ స్థిరత్వాన్ని దెబ్బతీసేందుకు ఇరాన్ చేసిన తీవ్రమైన చర్య అని ఆరోపించారు. కుర్దిస్థాన్‌ ఆరోపణలను ఇరాన్‌(iran) ఖండించింది. ఈ దాడులు తాము చేయలేదని స్పష్టం చేసింది. ఇరాన్‌పై నిందలు మోపేందుకు ఇతర శక్తులు కావాలనే ఇలాంటి చర్యలకు పాల్పడి ఉండొచ్చని ఆ దేశ విదేశాంగ మంత్రి అబ్బాస్‌ అరాగ్చీ (Abbas Araghchi) అనుమానం వ్యక్తం చేశారు. ఇరాక్‌(Iraq)లోని కుర్దిస్థాన్‌ ప్రాంతం ఇరాన్‌కు సమీపంలో ఉండటంతో గత కొంతకాలంగా ఇరు పక్షాల మధ్య ఉద్రిక్తతలు కొనసాగుతున్నాయి. ఇరాన్‌కు వ్యతిరేకంగా పనిచేస్తున్న సంస్థలు, బలగాలకు కుర్దిస్థాన్‌లో స్థావరాలు ఉన్నాయన్న ఆరోపణలూ ఉన్నాయి. తాజా ఘటనతో కుర్దిస్థాన్‌-ఇరాన్‌ మధ్య ఉద్రిక్తతలు మరింత పెరిగే అవకాశం ఉంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ

ఒమన్‌తో ఇరాన్ జరుపుతున్న చర్చలు కేవలం సాంకేతికపరమైన నావిగేషన్ మార్గాల ఖరారు కోసమేనని, హోర్ముజ్ జలసంధిని తెరవడానికి దీనికి సంబంధం లేదని ఇరాన్ విదేశాంగ మంత్రి అబ్బాస్ అరాగ్చీ స్పష్టం చేశారు. టెహ్రాన్, ఆగస్టు 16: ఒమన్‌తో ఇరాన్ జరుపుతున్న చర్చలు కేవలం సాంకేతికపరమైన నావిగేషన్ మార్గాల ఖరారు కోసమేనని, హోర్ముజ్ జలసంధిని తెరవడానికి దీనికి సంబంధం లేదని ఇరాన్ విదేశాంగ మంత్రి అబ్బాస్ అరాగ్చీ (Abbas Araghchi) స్పష్టం చేశారు. గతంలో ఉపయోగించిన సముద్ర రవాణా మార్గాలు ప్రస్తుతం పనిచేయడం లేదని, అందువల్ల నౌకల రాకపోకల కోసం తాత్కాలికంగా కొత్త రూట్‌ను డిజైన్ చేస్తున్నామని అరాగ్చీ తెలిపారు. ఒమన్‌తో జరుగుతున్న సంప్రదింపులు కేవలం నౌకల రాకపోకల కోసం మార్గాన్ని కేటాయించే సాంకేతిక చర్చలు మాత్రమే.. కొత్త సముద్ర మార్గాన్ని ఏర్పాటు చేసినంత మాత్రాన హోర్ముజ్ జలసంధిని వెంటనే తెరిచినట్లు కాదు. అమెరికా తనపై ఉన్న నిర్దిష్థ నిబంధనలు/షరతులను నెరవేర్చినప్పుడు మాత్రమే ఈ కీలక జలసంధి ద్వారా నౌకల రాకపోకలను పునఃప్రారంభించే అంశాన్ని పరిశీలిస్తామని అరాగ్చీ స్పష్టం చేశారు

అమెరికా-ఇరాన్ మధ్య కొనసాగుతున్న ఉద్రిక్తతలు మరింత ముదురుతున్న వేళ కీలక పరిణామం చోటుచేసుకుంది. హోర్ముజ్ జలసంధి గుండా ప్రయాణించే నౌకలకు సురక్షిత మార్గం కల్పించే అంశంపై ఇరాన్, ఒమన్ దేశాల మధ్య ఒప్పందం కుదిరింది. టెహ్రాన్: అమెరికా-ఇరాన్ మధ్య కొనసాగుతున్న ఉద్రిక్తతలు మరింత ముదురుతున్న వేళ కీలక పరిణామం చోటుచేసుకుంది. హోర్ముజ్ జలసంధి గుండా ప్రయాణించే నౌకలకు సురక్షిత మార్గం కల్పించే అంశంపై ఇరాన్, ఒమన్ దేశాల మధ్య ఒప్పందం కుదిరింది. హోర్ముజ్‌ను తమ భూభాగంగా వాషింగ్టన్ ప్రకటిస్తుందని అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యల నేపథ్యంలో ఈ పరిణామం ఆసక్తికరంగా మారింది. ఒప్పందంలో భాగంగా ఒమన్‌తో ఇతర అంశాలపై చర్చలు ఇంకా కొనసాగుతున్నప్పటికీ.. నౌకల సురక్షిత రాకపోకలకు సంబంధించిన ఏర్పాట్లు మాత్రం ప్రత్యేకంగా జరిగాయని ఇరాన్ విదేశాంగ శాఖ అధికార ప్రతినిధి ఇస్మాయిల్ బఘాయీ వెల్లడించారు. అయితే అమెరికా విధించిన ఆంక్షలు, నౌకాదళ దిగ్బంధం కారణంగా హోర్ముజ్ జలసంధిలో పూర్తి స్థాయి భద్రతను పునరుద్ధరించడం సాధ్యం కాదని ఆయన పేర్కొన్నారు. హోర్ముజ్‌ను అమెరికా భూభాగంగా ప్రకటిస్తా: ట్రంప్ మరోవైపు అమెరికా అధ్యక్షుడు డొనాల్డ్ ట్రంప్ ఇటీవల చేసిన వ్యాఖ్యలు హోర్ముజ్ వ్యవహారాన్ని మరింత వేడెక్కించాయి. శుక్రవారం నాడు న్యూయార్క్‌లో జరిగిన ఓ రాజకీయ ర్యాలీలో పాల్గొన్న ఆయన.. ఇరాన్‌పై జరుగుతున్న యుద్ధంలో అమెరికా విజయం సాధిస్తుందని ధీమా వ్యక్తం చేశారు. 'ఇరాన్‌ను పూర్తిగా ఓడించిన తర్వాత త్వరలోనే హోర్ముజ్ జలసంధిని అమెరికా భూభాగంగా ప్రకటిస్తా' అని ట్రంప్ వ్యాఖ్యానించారు. అయితే, ట్రంప్ ఆ వ్యాఖ్యలను సరదాగా చేసినట్లు వైట్‌హౌస్‌కు చెందిన ఓ అధికారి చెప్పినట్లు తెలుస్తోంది. ట్రంప్ వ్యాఖ్యలపై ఇరాన్ తీవ్రంగా స్పందించింది. ప్రపంచ చమురు రవాణాలో దాదాపు ఐదో వంతు కలిగిన ఈ జలసంధి తమ ఆధీనంలోనే ఉంటుందని ఇరాన్ పేర్కొంది. 'హోర్ముజ్ జలసంధి ఇరాన్‌దే.. ఇప్పుడు.. భవిష్యత్తులోనూ ఇరాన్‌దే. ఈ జలసంధిని మూసివేయడం, తెరవడం ఇరాన్ ఆదేశాల మేరకే

ప్రపంచ వ్యాప్తంగా జరిగే వివిధ సంఘటనల అప్‌డేట్స్‌ను ఎప్పటికప్పుడు ఇక్కడ చదవండి.. ఢిల్లీ: నేడు రాష్ట్రపతి భవన్‌లో అమృత్ ఉద్యాన్ ప్రారంభం నేటినుంచి సెప్టెంబర్‌ 19 వరకు ప్రజల సందర్శనార్థం రాష్ట్రపతి భవన్ గార్డెన్స్‌ ఓపెన్‌ నేడు ఖమ్మం జిల్లాలో మంత్రులు భట్టి, తుమ్మల పర్యటన పలు అభివృద్ధి కార్యక్రమాలకు శంకుస్థాపన, ప్రారంభోత్సవాలు నేడు ఉమెన్స్ హాకీ ప్రపంచకప్‌లో భారత్ Vs చైనా నెదర్లాండ్స్‌లో సాయంత్రం 4:30 గంటలకు మ్యాచ్‌ నేడు కామారెడ్డి, ములుగు, హన్మకొండ జిల్లాల్లో సీఎం రేవంత్‌రెడ్డి పర్యటన జుక్కల్ MLA కుమార్తె లక్ష్మీకాంతరావు కుమార్తె వివాహ విందులో పాల్గొననున్న సీఎం సమ్మక్క-సారలమ్మను దర్శించుకోనున్న సీఎం రేవంత్‌ పలు అభివృద్ధి పనులకు శంకుస్థాపన, ప్రారంభోత్సవాలు చేయనున్న సీఎం విజయవాడ: నేడు DSC-2025 ద్వారా ఎంపికైన టీచర్ల ఆత్మగౌరవ ర్యాలీ ఉ.10:30కు ఇందిరాగాంధీ మున్సిపల్‌ స్టేడియం నుంచి అంబేడ్కర్‌ విగ్రహం వరకు ర్యాలీ పాల్గొననున్న ఉమ్మడి ప్రకాశం, గుంటూరు, కృష్ణా, ప.గో. జిల్లాల టీచర్లు పశ్చిమ గోదావరి: ప్రమాదవశాస్తూ కాలువలోకి దూసుకుపోయిన కారు.. నలుగురి గల్లంతు పెరవలిలో పెళ్లికి వెళ్లివస్తుండగా ఇరగవరం మం. అయితంపూడి లాకుల వద్ద ఘటన 24 క్యారెట్ల 10గ్రా. బంగారం ధర రూ.1,55,130 22 క్యారెట్ల 10గ్రా. పసిడి ధర రూ.1,42,200

హోర్ముజ్ జలసంధిని అమెరికా భూభాగంగా ప్రకటిస్తానంటూ యూఎస్ అధ్యక్షుడు డొనాల్డ్ ట్రంప్ చేసిన వ్యాఖ్యలపై ఇరాన్ మండిపడింది. ట్వీట్లు లేదా సైనిక శక్తి ద్వారా హోర్ముజ్ జలసంధిని సొంతం చేసుకోవడం సాధ్యం కాదని, ఆ జలసంధి ఎప్పటికీ ఇరాన్ పరిధిలోనే ఉంటుందని పేర్కొంది. ఆంధ్రజ్యోతి, ఆగస్టు 15: హోర్ముజ్ జలసంధిపై అమెరికా-ఇరాన్ మధ్య మాటల యుద్ధం తారాస్థాయికి చేరింది. హోర్ముజ్ జలసంధి (Strait of Hormuz)ని అమెరికా భూభాగంగా ప్రకటిస్తానంటూ అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలపై ఇరాన్ తీవ్రస్థాయిలో విరుచుకుపడింది. ట్వీట్లు లేదా సైనిక శక్తి ద్వారా హోర్ముజ్ జలసంధిని సొంతం చేసుకోవడం సాధ్యం కాదని, ఆ జలసంధి ఎప్పటికీ ఇరాన్ పరిధిలోనే ఉంటుందని విదేశాంగ శాఖ సహాయ మంత్రి కాజెమ్ ఘరీబాబాది స్పష్టం చేశారు. డొనాల్డ్ ట్రంప్ సంచలన వ్యాఖ్యలు: న్యూయార్క్‌లోని ఓ కార్యక్రమంలో మాట్లాడిన ట్రంప్, 'ఇరాన్‌ను ఓడించిన వెంటనే హార్ముజ్ జలసంధిని అమెరికా భూభాగంగా ప్రకటిస్తాను' అని వ్యాఖ్యానించారు. అంతేకాకుండా, ఈ జలసంధిపై అమెరికాకు సంపూర్ణ నియంత్రణ ఉందని సోషల్ మీడియా వేదికగా పేర్కొన్నారు. ఇరాన్ కౌంటర్: 'హోర్ముజ్ జలసంధి గతంలోనూ, ఇప్పుడు, ఎప్పటికీ ఇరాన్ సొంతమే' అని ఘరీబాబాది తేల్చి చెప్పారు. ట్వీట్ల ద్వారా లేదా నౌకాదళ నౌకల బెదిరింపులతో దీనిని ఆక్రమించడం కుదరదని, తమ అనుమతి లేకుండా ఏ వాణిజ్య నౌక కూడా ఈ జలసంధి ద్వారా ప్రయాణించలేదని ఇరాన్ మిలిటరీ స్పష్టం చేసింది. వైట్ హౌస్ వివరణ: ట్రంప్ వ్యాఖ్యలు రాజకీయ దుమారం రేపడంతో, ఆయన ఆ వ్యాఖ్యలను సరదాగా (జోక్‌గా) అన్నారని ఒక ఉన్నతాధికారి వెల్లడించినట్లు వాల్ స్ట్రీట్ జర్నల్ పేర్కొంది. అమరావతిలో తొలిసారిగా స్వాతంత్ర్య వేడుకలు.. జెండా ఆవిష్కరించిన సీఎం చంద్రబాబు ఏపీ వ్యాప్తంగా ఘనంగా స్వాతంత్ర్య వేడుకలు.. ఊరూవాడా జాతీయ జెండా రెపరెపలు

ఇంటర్నెట్‌ డెస్క్‌: హర్మూజ్‌ జలసంధి (Strait of Hormuz)పై పూర్తి నియంత్రణ అమెరికాదేనని ట్రంప్‌ చేసిన వ్యాఖ్యలను ఇరాన్‌ (Iran) ఖండించింది. జలసంధి ఎప్పటికీ తమ నియంత్రణలోనే ఉంటుందని.. దానిని ఎవరూ ఆక్రమించుకోలేరని పేర్కొంది. హర్మూజ్‌ను మూసి ఉంచాలా? తెరవాలా? అనేది తమ నిర్ణయంపై ఆధారపడి ఉంటుందని ఇరాన్ ఉప విదేశాంగ మంత్రి కాజెమ్ (Kazem Gharibabadi) తెలిపారు. యుద్ధ నౌకల మోహరింపు ద్వారా జలసంధిని స్వాధీనం చేసుకోలేరని ఎక్స్‌ పోస్ట్‌లో పేర్కొన్నారు. అగ్రరాజ్యం తన భ్రమలను విడిచిపెట్టి.. ఓటమిని అంగీకరించే వరకు హర్మూజ్‌పై ఇరాన్ దిగ్బంధనాన్ని అమలు చేస్తూనే ఉంటుందని పేర్కొన్నారు. తాము బెదిరింపులకు భయపడబోమని.. సైనిక ప్రదర్శనలకు లొంగబోమని స్పష్టం చేశారు. హర్మూజ్‌ ద్వారా నౌకలు స్వేచ్ఛగా ప్రయాణిస్తున్నాయని అమెరికా చెబుతున్న మాటల్లో నిజం లేదని ఇరాన్ విదేశాంగ మంత్రి అబ్బాస్‌ అరాగ్చీ (Abbas Araghchi) పేర్కొన్నారు. గతంలో మాదిరిగానే.. జలసంధి పూర్తిగా తమ నియంత్రణలోనే ఉందన్నారు. తమ సాయుధ దళాల అనుమతి లేకుండా ఏ వాణిజ్య నౌక కూడా ఈ మార్గంలో ప్రయాణించబోదని స్పష్టం చేశారు. హర్మూజ్‌ విషయంలో అమెరికా తప్పుడు అంచనాలు వేస్తోందన్నారు. యుద్ధంలో ఇరాన్‌ను ఓడిస్తామని.. ఆ దేశం ఓటమిని చవిచూసిన అనంతరం హర్మూజ్‌ను అమెరికా భూభాగంగా ప్రకటిస్తామని శనివారం జరిగిన మీడియా సమావేశంలో ట్రంప్‌ (US President Trump) పేర్కొన్నారు. ఆ దేశం వద్ద అణ్వాయుధ సామర్థ్యం ఉండడం ఎప్పటికైనా ప్రమాదమేనని.. అందుకే దానిని నాశనం చేయాలనే లక్ష్యంతో యుద్ధానికి దిగినట్లు వెల్లడించారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో

మూడు రోజులుగా తగ్గుతూ వచ్చిన బంగారం ధరలకు ఒక్కసారిగా బ్రేక్ పడింది. అయితే ఇది కేవలం దేశీయ మార్కెట్‌లో డిమాండ్ పెరగడం వల్ల వచ్చిన పెరుగుదల కాదు. ప్రస్తుతం ప్రపంచ మార్కెట్లలో జరుగుతున్న పరిణామాలను గమనిస్తే.. బంగారం ధర వెనుక ఒకేసారి చాలా కారణాలు పనిచేస్తున్నాయి. ముఖ్యంగా అమెరికా-ఇరాన్ మధ్య పరిస్థితులు మళ్లీ కీలకంగా మారాయి. హోర్ముజ్ జలసంధిలో నౌకల రాకపోకలు గణనీయంగా తగ్గిపోయాయి. ఇరాన్‌పై అమెరికా ఒత్తిడి పెంచుతుండగా.. మరోవైపు హోర్ముజ్ మార్గంలో నౌకలపై దాడుల వార్తలు వస్తున్నాయి. ప్రపంచ చమురు సరఫరాలో దాదాపు ఐదో వంతు ఈ మార్గంపైనే ఆధారపడి ఉండటంతో మార్కెట్లలో ఆందోళన పెరుగుతోంది. దీని ప్రభావం నేరుగా ముడి చమురు ధరలపై పడుతోంది. ఆగస్టు 14న బ్రెంట్ క్రూడ్ బ్యారెల్‌కు 88 డాలర్లకు పైగా చేరగా.. వారంలోనే దాదాపు 6 శాతం పెరిగింది. చమురు ధరలు ఎక్కువకాలం ఇలాగే కొనసాగితే ప్రపంచవ్యాప్తంగా ద్రవ్యోల్బణం మళ్లీ పెరిగే అవకాశం ఉందన్న భయం మార్కెట్లను వెంటాడుతోంది. ప్రపంచంలో ఎక్కడైనా యుద్ధం, ఆర్థిక అనిశ్చితి, ద్రవ్యోల్బణం లేదా మార్కెట్‌లో భారీ ఒడిదుడుకులు కనిపిస్తే.. పెట్టుబడిదారులు సాధారణంగా సురక్షిత ఆస్తుల వైపు చూస్తారు. బంగారం అలాంటి ప్రధాన Safe Haven Asset. అందుకే భౌగోళిక ఉద్రిక్తతలు పెరిగిన ప్రతిసారీ పసిడికి డిమాండ్ పెరిగే అవకాశం ఉంటుంది. అమెరికా ఫెడరల్ రిజర్వ్ వడ్డీ రేట్ల విషయంలో మార్కెట్ అంచనాలు మారుతున్నాయి. తాజాగా వచ్చిన అమెరికా ద్రవ్యోల్బణం, ఉద్యోగాలకు సంబంధించిన డేటా కారణంగా సెప్టెంబర్‌లో వెంటనే రేటు పెంపు ఉండకపోవచ్చన్న అంచనాలు బలపడ్డాయి. డాలర్ కూడా కొంత బలహీనపడటంతో అంతర్జాతీయ మార్కెట్‌లో బంగారానికి డిమాండ్ లభించింది. అంతేకాదు.. సెంట్రల్ బ్యాంకులు కూడా బంగారాన్ని పెద్ద ఎత్తున కొనుగోలు చేస్తున్నాయి. రాయిటర్స్ విశ్లేషణ ప్రకారం 2026 రెండో త్రైమాసికంలో సెంట్రల్ బ్యాంకుల గోల్డ్ కొనుగోళ్లు 289 టన్నులకు చేరాయి. వచ్చే ఏడాదిలో తమ గోల్డ్ నిల్వలను పెంచాలని దాదాపు

అమెరికాతో జరుగుతున్న సైనిక సంఘర్షణను అధ్యక్షుడు డొనాల్డ్ ట్రంప్ పదవీకాలం ముగిసే వరకు ఉద్దేశపూర్వకంగా పొడిగించే అవకాశం ఉందని ఇరాన్ ఇస్లామిక్ రివల్యూషనరీ గార్డ్ కార్ప్స్ సీనియర్ సలహాదారు మొహమ్మద్ రెజా నఖ్దీ ప్రకటించారు. భవిష్యత్తులో ఇరాన్ జోలికి రావలంటే ఏ దేశమైనా భారీ మూల్యం చెల్లించుకోవాలనే భయాన్ని సృష్టించడమే తమ ప్రధాన వ్యూహమని ఆయన స్పష్టం చేశారు. పిబిఎస్ న్యూస్‌హవర్‌కు ఇచ్చిన ఒక ప్రత్యేక ఇంటర్వ్యూలో నఖ్దీ ఈ విషయాన్ని వెల్లడించారు. అమెరికా సైనిక శక్తులను సుదీర్ఘకాలం పాటు క్షిణతకు గురిచేయడం ద్వారా శాశ్వత నిరోధక శక్తిని సాధించవచ్చని ఇరాన్ ఐఆర్‌జీసీ విశ్వసిస్తోంది. 2026 నాటికి అమెరికా మరియు ఇరాన్ మధ్య సైనిక ఉద్రిక్తతలు అత్యున్నత స్థాయికి చేరుకున్నాయి. ముఖ్యంగా హార్ముజ్ జలసంధి నియంత్రణ, నౌకలపై విరుచుకుపడటం, క్షిపణి మరియు డ్రోన్ దాడులు ఈ యుద్ధంలో ప్రధానాంశాలుగా మారాయి. డొనాల్డ్ ట్రంప్ పరిపాలన ఈ కీలక జలమార్గం తమ సంపూర్ణ అదుపులో ఉందని ప్రకటిస్తున్నప్పటికీ, పరిస్థితులు మారే వరకు మార్గాన్ని తెరవబోమని ఇరాన్ కరాఖండిగా చెబుతోంది. గత ఐదు నెలల సైనిక పోరాటంలో అమెరికా ఆర్మీ అసలు సామర్థ్యం తమ అంచనాల కంటే చాలా తక్కువగా ఉందని ఇరాన్ ఐఆర్‌జీసీ గుర్తించింది. దీంతో వాషింగ్టన్ సైనిక వ్యూహంలో తీవ్ర గందరగోళం నెలకొందని, అమెరికా ప్రతి రెండు రోజులకు ఒకసారి తమ లక్ష్యాలను మారుస్తోందని ఇరాన్ విమర్శించింది. ఇదిలా ఉండగా ఇరాన్ నాయకత్వాన్ని కూల్చివేయడం మరియు దేశాన్ని ముక్కలు చేయడం లాంటి అమెరికా వ్యూహాలు పూర్తిగా విఫలమయ్యాయని నఖ్దీ పేర్కొన్నారు. ఖార్గ్ దీవిపై దాడి చేయడం లేదా హార్ముజ్ జలసంధిని బలవంతంగా తెరవడం లాంటి అమెరికా ప్రయత్నాలు క్షేత్రస్థాయిలో ఎలాంటి ఫలితాన్ని ఇవ్వలేకపోయాయని ఆయన స్పష్టం చేశారు. తమ క్షిపణి ఉత్పత్తి సామర్థ్యం రోజువారీ వినియోగం కంటే చాలా ఎక్కువగా ఉందని కూడా ఆయన వివరించారు. ఈ నేపథ్యంలో యుద్ధం అనేక సంవత్సరాల పాటు

USS Abraham Lincoln| ఇంటర్నెట్‌డెస్క్‌: పశ్చిమాసియా ఘర్షణలు ప్రపంచ దేశాలను ఇంధన సంక్షోభంలోకి నెడితే.. యుద్ధరంగంలోని సైనికులకు మానసిక క్షోభ మిగుల్చుతున్నట్లు కనిపిస్తోంది. గల్ఫ్ జలాల్లో కొన్ని నెలలపాటు యుద్ధ నౌకల్లో విధులు నిర్వర్తిస్తోన్న సైనికులు తీవ్ర మనోవేదనకు గురవుతున్నారు. ఆహారం, మంచినీటి కొరత, అపరిశుభ్ర మరుగుదొడ్లు వారిని కుంగదీస్తున్నాయి. దాంతో యూఎస్‌ఎస్‌ అబ్రహాం లింకన్ నౌకలోని అమెరికా నావికులు సముద్రంలోకి దూకి ఆత్మహత్యకు యత్నించారని అమెరికా పత్రిక మిలిటరీ టైమ్స్‌ కథనం పేర్కొంది. ఇరాన్‌తో యుద్ధం ప్రారంభం కావడానికి ముందే అమెరికా (USA) పలు యుద్ధ నౌకలను పశ్చిమాసియా జలాల్లో మోహరించిన సంగతి తెలిసిందే. అబ్రహాం లింకన్‌లో ఐదు వేలమంది నావికులు, మెరైన్లు విధులు నిర్వర్తిస్తున్నారు. రికార్డు స్థాయిలో 250 రోజులుగా అది సముద్రజలాల్లోనే ఉంది. సుదీర్ఘ మోపరింపు, కఠిన పరిస్థితులు, మానసిక ఒత్తిడి సిబ్బందిపై తీవ్ర ప్రభావాన్ని చూపుతోందని గతంలోనే వార్తలు వచ్చాయి. ఇరాన్‌-అమెరికా మధ్య కుదిరిన అవగాహన ఒప్పందం అటకెక్కడంతో యుద్ధం ఎప్పుడు ముగుస్తుందో తెలియని అనిశ్చితి కొనసాగుతోంది. మరోవైపు అబ్రహాం లింకన్ సహా ఇతర యుద్ధ నౌకలను ఉపయోగించి ఇరాన్ (Iran) ఓడరేవులను యూఎస్‌ మరోసారి దిగ్బంధించింది. ఈ పరిస్థితులతో వారి మానసిక స్థితిని మరింత దిగజారినట్లు కనిపిస్తోంది. అలాగే తమవారిని మళ్లీ ఎప్పుడు కలుసుకుంటామో తెలియని గందరగోళం నావికులు సముద్రంలో దూకడానికి కారణమై ఉంటుందనే విశ్లేషణలు వ్యక్తమవుతున్నాయి. మొత్తం ఆరుగురు నావికులు ఆత్మహత్యకు ప్రయత్నించినట్లు సమాచారం. అయితే ఈ కథనాలను అమెరికా నేవీ అధికారులు తోసిపుచ్చారు. అమెరికా అధ్యక్షుడు డొనాల్డ్ ట్రంప్ (Donald Trump) అధికారంలో ఉన్నంతకాలం యుద్ధం కొనసాగుతుందా..? ఐఆర్‌జీసీ (IRGC) చేసిన హెచ్చరిక ఇదే విషయాన్ని వెల్లడిచేస్తోంది. ఇరాన్ ఉద్దేశపూర్వకంగా అమెరికాతో యుద్ధాన్ని కొనసాగించొచ్చని ఐఆర్‌జీసీలోని సీనియర్ అడ్వైజర్ ఒకరు వ్యాఖ్యలు చేశారు. ‘‘యుద్ధాన్ని పొడిగించి ప్రత్యర్థిని బలహీనపర్చడం ఒక మార్గం. దీంతో ఇరాన్‌పై దాడి చేయాలనుకున్నవారు ఆలోచనలో పడతారు’’ అని పేర్కొన్నారు. గమనిక

ఇంటర్నెట్‌ డెస్క్‌: అమెరికా అధ్యక్షుడు ట్రంప్‌ (US President Trump) ఇరాన్‌కు మరోసారి తీవ్ర హెచ్చరికలు జారీ చేశారు. ఆ దేశంతో జరుగుతోన్న చర్చలపై తమకు నమ్మకం లేదని.. వారు ఎప్పుడూ తనకు అబద్ధాలే చెబుతారని అన్నారు. హర్మూజ్‌ జలసంధి (Strait of Hormuz)పై సంపూర్ణ నియంత్రణ అమెరికాకే ఉందని పేర్కొన్నారు. ప్రస్తుతం జలసంధి తమ అధీనంలోనే ఉందన్నారు. ఈసారి చర్చల నుంచి వెనక్కి తగ్గినా.. దుందుడుకు చర్యలకు పాల్పడినా కఠిన ప్రతిస్పందన ఎదుర్కోవాల్సి వస్తుందని హెచ్చరించారు. హర్మూజ్‌ జలసంధి (Hormuz)లో ఒమన్‌ వద్ద ఓ నౌకపై అమెరికా దాడి చేసింది. ఇరాన్‌ రేవులపై తమ దిగ్బంధనాన్ని ఉల్లంఘించడంతో ఈ చర్యలు చేపట్టినట్లు తెలిపింది. పనామా జెండా కలిగిన ‘వేలా నోవా’ కార్గో నౌకపై నేవీ హెలికాప్టర్ రెండు హెల్‌ఫైర్ క్షిపణులను ప్రయోగించిందని యూఎస్ సెంట్రల్ కమాండ్ (CENTCOM) వెల్లడించింది. ఈ దాడిలో సిబ్బంది ఎవరైనా గాయపడ్డారా అనే విషయాన్ని వెల్లడించలేదు. హర్మూజ్‌ జలసంధిలో ఉద్రిక్తతలు కొనసాగుతుండడంతో పనామా కాల్వ (Panama Canal)లో నౌకల రద్దీ పెరిగినట్లు అంతర్జాతీయ మీడియా వర్గాలు వెల్లడించాయి. అదే సమయంలో ఎల్‌నినో ప్రభావం వల్ల కాలువలో నీటి మట్టం తగ్గుతున్నట్లు పేర్కొన్నాయి. దీంతో దానిగుండా ప్రయాణించే ఒక్కో వాణిజ్య నౌక నుంచి పనామా కాలువ అథారిటీ 4 మిలియన్‌ డాలర్లు వసూలు చేస్తున్నట్లు తెలిపాయి. ఓ భారీ నౌక పనామా దాటాలంటే 10 రోజుల వెయిటింగ్‌ పిరియడ్‌ ఉన్నట్లు తెలుస్తోంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

హోర్ముజ్ జలసంధి పూర్తిగా తమ నియంత్రణలో ఉందని అమెరికా అధ్యక్షుడు డొనాల్డ్ ట్రంప్ అన్నారు. ఇరాన్ రెచ్చగొట్టే చర్యలకు దిగితే గట్టిగా బదులిస్తామని హెచ్చరించారు. ఇంటర్నెట్ డెస్క్: హోర్ముజ్ జలసంధి పూర్తిగా తమ నియంత్రణలో ఉందని అమెరికా అధ్యక్షుడు డొనాల్డ్ ట్రంప్ అన్నారు. ఇరాన్ రెచ్చగొట్టే చర్యలకు దిగితే గట్టిగా బదులిస్తామని హెచ్చరించారు. ‘నేను ఇరాన్‌ను విశ్వసించను. వాళ్లు నిత్యం నాతో అబద్ధాలు ఆడుతూనే ఉన్నారు. ప్రస్తుతం హోర్ముజ్‌పై మాకు పూర్తి నియంత్రణ ఉంది. వాళ్లకు హోర్ముజ్‌పై కంట్రోల్ లేదు. అది మా సొంతం. వాళ్లు ఈ విషయంలో ఏదోకటి చేసేందుకు ప్రయత్నించి చివరకు తుత్తునియలు అవుతారు’ అని ట్రంప్ అన్నారు. ప్రస్తుతం పశ్చిమాసియాలో అమెరికా పటిష్ఠ స్థితిలో ఉందని కూడా చెప్పారు. ‘పశ్చిమాసియాలో ఇరుగుపొరుగును ఓ దేశం గత 50 ఏళ్లుగా బెదిరిస్తోంది. ఆ బెదిరింపులకు ఇక కాలం చెల్లిపోయింది’ అని ట్రంప్ అన్నారు. మరోవైపు, అమెరికా అన్యాయంగా, అవమానకరంగా తమపై ఆంక్షలు విధిస్తోందని ఇరాన్ విదేశాంగ శాఖ ప్రతినిధి ఆగ్రహం వ్యక్తం చేసినట్టు స్థానిక మీడియాలో కథనాలు వెలువడ్డాయి. ‘ప్రస్తుతం హోర్ముజ్‌లో పరిస్థితులకు అమెరికా, ఇజ్రాయెల్ కారణం. ఇప్పటికీ వారి దాడులు కొనసాగుతున్నాయి’ అని విదేశాంగ శాఖ ప్రతినిధి అన్నారు. ఇదిలా ఉంటే, హోర్ముజ్‌లో భద్రంగా రవాణా కొనసాగించే దిశగా ఇరాన్, ఒమాన్ మధ్య చర్చలు జరుగుతున్నట్టు అంతర్జాతీయ మీడియాలో వార్తలు వెలువడుతున్నాయి. ఇరాన్ ముప్పు నుంచి తప్పించుకునేందుకు అలా చేశా: డొనాల్డ్ ట్రంప్ ప్రయోగించిన 85 సెకన్లకే పేలిపోయిన చైనా రాకెట్.. వీడియో వైరల్

తుర్కియేలో నాటో సమావేశాల అనంతరం సీక్రెట్‌గా ఓ ప్లేన్‌లో అమెరికాకు వెళ్లిపోయిన విషయాన్ని ట్రంప్ తాజాగా అంగీకరించారు. ఇంటర్నెట్ డెస్క్: తుర్కియేలో నాటో సమావేశాల అనంతరం సీక్రెట్‌గా ఓ ప్లేన్‌లో స్వదేశానికి వెళ్లిపోయిన విషయాన్ని యూఎస్ అధ్యక్షుడు డొనాల్డ్ ట్రంప్ తాజాగా అంగీకరించారు. తనకు ఇరాన్ నుంచి ముప్పు పొంచి ఉన్న రీత్యా అలా చేయాల్సి వచ్చిందని చెప్పారు. తన లాంటి ప్రభావశీల అధ్యక్షులకు ఇలాంటి పరిస్థితులు ఎదురుకావడం సర్వసాధారణమని కూడా అన్నారు. శత్రుమూకలను తప్పుదారి పట్టించేందుకు అధ్యక్షుడు ట్రంప్‌ను అధికారిక ఎయిర్‌ఫోర్స్‌ వన్‌ విమానంలో కాకుండా మరో చిన్న విమానంలో తుర్కియే నుంచి తరలించినట్టు అమెరికా మీడియాలో తొలుత కథనాలు వెలువడ్డాయి. చివరి నిమిషంలో ఈ మార్పు జరిగినట్టు కూడా వెలుగులోకి వచ్చింది. విమానాశ్రయంలో ఎయిర్ ఫోర్స్ వన్ ఉన్న సమయంలోనే భద్రతా అధికారులు క్యాటరింగ్ ట్రక్‌లో (ఆహారాన్ని తరలించే ట్రక్) ట్రంప్‌ను సీక్రెట్‌గా మరో చిన్న మిలిటరీ విమానంలోకి తరలించి దేశాన్ని దాటించారు. ఈ ఉదంతంపై ట్రంప్ మాట్లాడుతూ భద్రతా అధికారుల సూచనలను యథాతథంగా అనుసరించానని చెప్పారు. తనకు ఎలాంటి ముప్పు ఉందనే విషయంపై వారిని ఎక్కువ ప్రశ్నలేవీ అడగలేదని చెప్పారు. ‘మరో విమానంలో వెళ్లాలని వాళ్లు చెప్పారు. వాళ్లు ఏం చెబితే నేను అదే చేస్తుంటా. ఈసారి కూడా ఎక్కువ ప్రశ్నలు అడగలేదు. అయితే, నాకు ఇలాంటి ముప్పు ఎప్పుడూ ఉంటూనే ఉంటుంది’ అని ట్రంప్ అన్నారు. కానీ తాను ప్రయాణించిన మిలిటరీ విమానంలోనే రిస్క్ ఎక్కువ అని అన్నారు. అలాంటి వాటినే శత్రుమూకలు అధికంగా టార్గెట్ చేస్తాయని చెప్పారు. అమెరికా అధ్యక్షులకు ఇలాంటి బెదిరింపులు రావడం ఒకరకంగా చూస్తే సాధారణమేనని కూడా అన్నారు. ‘నాకు ఇంకా ఇలాంటి అనేక సమస్యలు పొంచి ఉన్నాయి. వాటి గురించి చాలా మందికి తెలియదు. అయినా, నాలాంటి ప్రభావశీల అధ్యక్షులకు ఇది సర్వసాధారణం’ అని అన్నారు. ఫుడ్ ట్రక్కులో దాక్కుని తుర్కియే నుంచి

Hormuz Shipping Crisis: హోర్ముజ్‌ జలసంధిలో భారీగా పడిపోయిన రవాణా...చమురు సంక్షోభంతో అల్లాడిపోతున్న దేశాలు ఈ వార్తకు సంబంధించిన

యుద్ధంతో నష్టం జరిగినందుకు తమకు పరిహారం చెల్లించాలన్న ఇరాన్ డిమాండ్‌ను యూఎస్ అధ్యక్షుడు డొనాల్డ్ ట్రంప్ తోసిపుచ్చారు ఇంటర్నెట్ డెస్క్: యుద్ధంతో నష్టం జరిగినందుకు తమకు పరిహారం చెల్లించాలన్న ఇరాన్ డిమాండ్‌ను యూఎస్ అధ్యక్షుడు డొనాల్డ్ ట్రంప్ తోసిపుచ్చారు. ఇరాన్‌యే పరిహారం చెల్లించాలని అన్నారు. ఇరాన్ దాడుల్లో వేల మంది మరణించారని ఆయన అన్నారు. ‘ఇరాన్ ఐడియా ఆసక్తికరంగా ఉంది. కాబట్టి, ఇరాన్ కూడా పరిహారం చెల్లించాల్సిందే. వాళ్ల దాడుల్లో ఎంతో మంది చనిపోయారు. తీవ్రగాయాలపాలయ్యారు. రోడ్ సైడ్ బాంబులు, ఇతర వివాదాలకు ఇరాన్ వాళ్లు చాలా ఫేమస్. జనరల్ సులేమానీ నాయకత్వంలో అనేక దారుణాలు జరిగాయి. యూఎస్ఎస్ కోల్ యుద్ధనౌకపై దాడి సహా పలు సందర్భాల్లో అనేక మంది చనిపోయారు. మరణాలు వేల సంఖ్యలోనే ఉన్నాయి. గత 50 ఏళ్లుగా ఇరాన్ దాడులు చేస్తూనే ఉంది. గత ఐదు నెలల్లోనే 52 వేల మంది కన్నుమూశారు. కాబట్టి, భవిష్యత్తులో జరిగే చర్చల్లో ఇరాన్ చెల్లించాల్సిన పరిహారం కూడా ఒక భాగం కావాలి’ అని ట్రంప్ అన్నారు. ఇక హోర్ముజ్‌ను తెరిచేందుకు ఇరాన్ ఇప్పటికే పలు డిమాండ్ యూఎస్ ముందుంచిన విషయం తెలిసిందే. యుద్ధం వల్ల తమకు జరిగిన నష్టాన్ని భర్తీ చేసేందుకు 300 బిలియన్ డాలర్లు కోరినట్టు సమాచారం. దీంతో, పాటు విదేశాల్లోని 100 బిలియన్ డాలర్ల నిధులను కూడా విడుదల చేయాలని ఇరాన్ కోరింది. అమెరికా తమ డిమాండ్స్‌ను అంగీకరించే వరకూ హోర్ముజ్‌ మూసే ఉంటుందని ఇరాన్ సైనిక దళం ఇస్లామిక్ రెవల్యూషనరీ గార్డ్స్ ఆదివారం ఒక ప్రటకనలో తెలిపింది. లేని పక్షంలో హోర్ముజ్ యుద్ధ క్షేత్రంగా కొనసాగుతుందని స్పష్టం చేసింది. అమెరికా-ఇజ్రాయెల్, ఇరాన్ మధ్య ఫిబ్రవరి 28న యుద్ధం మొదలైన విషయం తెలిసిందే. హెచ్‌1బీ, ఎల్‌1 వీసా పొడిగింపు దరఖాస్తులకూ 9-11 ఫీజు బాదుడు

అమెరికా, ఇరాన్ మధ్య దాదాపు ఆరు నెలలుగా సాగుతున్న తీవ్ర ఉద్రిక్తతల వల్ల అంతర్జాతీయ మార్కెట్‌లో తీవ్ర అనిశ్చితి నెలకొంది. ఇటీవల ఒమన్ మధ్యవర్తిత్వంతో రెండు దేశాల నడుమ చర్చలు జరుగుతున్నాయనే వార్తలు రాగానే, గ్లోబల్ మార్కెట్‌లో క్రూడ్ ఆయిల్ ధరలు కాస్త తగ్గాయి. అయితే, ఈ హెచ్చుతగ్గుల మధ్య వారంలో మొదటి రోజే అంతర్జాతీయ మార్కెట్‌లో క్రూడ్ ఆయిల్ ధరలు మళ్లీ పైకి లేచాయి. దీనికి ప్రధాన కారణం ప్రసిద్ధ 'స్ట్రెయిట్ ఆఫ్ హోర్ముజ్' ను తిరిగి తెరిచే విషయంలో ఉన్న అయోమయమే. ఇరాన్ ప్రభుత్వం విడుదల చేసిన ప్రకటన ప్రకారం, కొత్త సముద్ర మార్గాన్ని ఖరారు చేసేందుకు ఒమన్‌తో ఒప్పందం చివరి దశలో ఉంది. కానీ, అమెరికా ముందుగా తమ మిగిలిన షరతులను నెరవేర్చాలని ఇరాన్ స్పష్టం చేసింది. ఈ పరిణామాల మధ్య అంతర్జాతీయ మార్కెట్‌లో బ్రెంట్ క్రూడ్ ఫ్యూచర్స్ 91 సెంట్లు అంటే 1.09 శాతం పెరిగి బ్యారెల్‌కు 84.46 డాలర్లకు చేరుకుంది. అలాగే, అమెరికాకు చెందిన వెస్ట్ టెక్సాస్ ఇంటర్మీడియట్ క్రూడ్ ఫ్యూచర్స్ కూడా 61 సెంట్లు అంటే 0.78 శాతం పెరిగి బ్యారెల్‌కు 78.79 డాలర్లుగా నమోదైంది. గత వారం ఇరాన్, ఒమన్ మధ్య ఒప్పందం కుదిరిందనే వార్తల తర్వాత ఆయిల్ ధరలు ఏకంగా 7 శాతానికి పైగా పడిపోయాయి. ఆ సమయంలో హోర్ముజ్ జలసంధి త్వరలోనే తెరుచుకుంటుందని అంతా భావించారు. సాధారణంగా, యుద్ధ పరిస్థితులకు ముందు ప్రపంచవ్యాప్త చమురు అవసరాలలో దాదాపు 20 శాతం ముడి చమురు ఈ హోర్ముజ్ మార్గం ద్వారానే రవాణా అయ్యేది. అయితే, ఆ తర్వాత ఇరాన్ ఇచ్చిన ఒక కొత్త ప్రకటన మార్కెట్ సమీకరణాలను పూర్తిగా మార్చేసింది. జూన్ దాడి వల్ల జరిగిన నష్టానికి అమెరికా పరిహారం చెల్లించడంతో పాటు, తమ మిగిలిన షరతులన్నింటినీ పాటిస్తేనే హోర్ముజ్‌ను తెరుస్తామని ఇరాన్ కుండబద్దలు కొట్టింది. ప్రస్తుతం మార్కెట్ విశ్లేషకులు, వ్యాపారులు కేవలం

ఇంటర్నెట్‌ డెస్క్‌: ఓవైపు తరిగిపోతున్న ఆయుధ నిల్వలు.. మరోవైపు మధ్యంతర ఎన్నికలు.. ఇటు ఇరాన్‌తో ఎంతకీ తెగని చర్చలు.. వీటన్నింటి మధ్య అమెరికాలో ట్రంప్‌ (Donald Trump) సర్కార్‌ నలిగిపోతోంది. పశ్చిమాసియాలో సుదీర్ఘ యుద్ధంతో లాభం కంటే నష్టమే ఎక్కువ కన్పిస్తుండటంతో సొంత దేశంలోనే అధ్యక్షుడు ట్రంప్‌నకు తీవ్ర వ్యతిరేకత ఎదురవుతోంది. దీంతో యుద్ధం (US-Iran War) నుంచి బయటపడేందుకు అగ్రరాజ్యం మార్గాలు వెతుకుతోంది. ఈ క్రమంలో ఆది నుంచి పట్టుబట్టిన ‘న్యూక్లియర్‌ డీల్‌’ను సైతం పక్కనబెట్టేందుకు ట్రంప్‌ సిద్ధమైనట్లు తెలుస్తోంది. అణు అంశాలు లేకుండానే టెహ్రాన్‌తో ఒప్పందం చేసుకోవాలని ఆయన భావిస్తున్నట్లు సమాచారం. ఈ మేరకు విశ్వసనీయ వర్గాలను ఉటంకిస్తూ అమెరికా మీడియా సంచలన కథనం ప్రచురించింది. ఇరాన్‌ (Iran) ఎలాంటి షరతులు లేకుండా హర్మూజ్‌ జలసంధిని (Strait of Hormuz) పూర్తిగా అందుబాటులోకి తెస్తే ఆ దేశంతో ఒప్పందం కుదుర్చుకుందామని ట్రంప్‌ తన సన్నిహిత వర్గాలకు ప్రైవేటుగా చెప్పినట్లు సమాచారం. అణు డీల్‌ లేకుండానే ఈ యుద్ధాన్ని ముగించేందుకు తాను సిద్ధంగా ఉన్నానని ఆయన పేర్కొన్నారట. శాంతి ఒప్పందం విషయంలో ఇటీవల అమెరికా-ఇరాన్‌ మధ్య జరిగిన చర్చలు ఫలించలేదు. మరోవైపు, పశ్చిమాసియాలో ఘర్షణలు ఎంతకాలమైనా కొనసాగించేందుకు టెహ్రాన్‌ సిద్ధంగా ఉన్నట్లు సంకేతాలు వెలువడ్డాయి. ఈ పరిణామాల నేపథ్యంలోనే ట్రంప్‌ అణు డీల్‌పై వెనక్కి తగ్గినట్లు తెలుస్తోంది. హర్మూజ్‌ జలసంధిని తెరిచే విషయంలో ఇరాన్‌ తన డిమాండ్లను స్పష్టంగా చెబుతోంది. అమెరికా దిగ్బంధనాన్ని వెంటనే ఎత్తివేయడంతో పాటు ఈ ప్రాంతం నుంచి అగ్రరాజ్య దళాలు వెళ్లిపోవాలని టెహ్రాన్ డిమాండ్‌ చేసింది. యుద్ధాన్ని శాశ్వతంగా ముగించేవరకూ హర్మూజ్‌ను తెరవబోమని కరాఖండీగా చెప్పింది. ఇవన్నీ చర్చలకు అడ్డంకిగా మారాయి. మరోవైపు, అమెరికాలో మధ్యంతర ఎన్నికలు దగ్గరపడుతున్నాయి. ఈ ఏడాది నవంబరులో అక్కడ ఎన్నికలు జరగనున్నాయి. ఇక, హర్మూజ్‌లో నౌకల రవాణాకు అంతరాయం కొనసాగుతుండటంతో చమురు ధరలు దిగిరావడట్లేదు. ఈ పరిణామాలను దృష్టిలో ఉంచుకుని యుద్ధం నుంచి

ప్రపంచ వ్యాప్తంగా జరిగే వివిధ సంఘటనల అప్‌డేట్స్‌ను ఎప్పటికప్పుడు ఇక్కడ చదవండి. రాష్ట్రవ్యాప్తంగా 3,38,26,448 మంది ఓటర్లు ఇప్పటివరకు 2,64,30,494 ఎన్యూమరేషన్ పూర్తి రాష్ట్రవ్యాప్తంగా 78.14 శాతం డిజిటలైజేషన్ నేడు నాగార్జునసాగర్‌లో సీఎం రేవంత్‌ 'వరుణ యాగం' రాష్ట్రంలో విస్తారంగా వర్షాలు కురవాలని ప్రత్యేక యాగం ఎల్‌నినో ప్రభావం తెలంగాణపై ఉండకూడదని ఆకాంక్ష యాదగిరిగుట్ట దేవస్థానం ఆధ్వర్యంలో యాగం నిర్వహణ 108 మంది రుత్వికులు, 11 హోమగుండాలతో మహాయాగం సౌదీ అరేబియా-హూతీ తిరుగుబాటుదారుల మధ్య ఘర్షణలు సౌదీలోని జజాన్‌లో అరామ్‌కో చమురు కేంద్రంపై హూతీల దాడులు తమ గగనతలంలోకి సౌదీ డ్రోన్లు చొరబడినందుకే ప్రతీకార దాడులున్న హూతీలు యెమెన్‌లోని మోఖా పోర్టుపై హూతీ రెబెల్స్‌ క్షిపణులు, డ్రోన్లతో దాడులు ఇరాన్‌ యుద్ధం నుంచి తప్పుకునేందుకు ట్రంప్‌ యత్నం అణు ఒప్పందం లేకున్నా హొర్ముజ్‌ను తెరిస్తే చాలనుకుంటున్న ట్రంప్‌ అమెరికా మధ్యంతర ఎన్నికల వేళ ట్రంప్ చర్యలు యుద్ధాన్ని శాశ్వతంగా ముగించి నౌకా దిగ్బంధం ఎత్తివేయాలని ఇరాన్ డిమాండ్‌ అమెరికా సైన్యాన్ని గల్ఫ్‌ నుంచి ఉపసంహరించుకోవాలని ఇరాన్ డిమాండ్‌ ఉద్రిక్తతలు తగ్గించుకోవాలని అమెరికాపై ఇజ్రాయెల్‌ ఒత్తిడి నేడు శ్రీశైలం ఎడమగట్టు జల విద్యుత్ కేంద్రంలో నాలుగో యూనిట్‌లో ట్రయల్‌ రన్‌ ఆరేళ్ల తర్వాత ఎడమగట్టు నాలుగో యూనిట్‌లో విద్యుత్ ఉత్పత్తి విజయవాడ: స్రబ్బర్స్‌ మార్కెటింగ్ మోసం కేసుపై దర్యాప్తునకు సిట్ ఏర్పాటు ప్రత్యేక దర్యాప్తు బృందం ఏర్పాటుచేసిన విజయవాడ సీపీ రాజశేఖర్‌బాబు క్రైమ్ DCP తిరుమలేశ్వరరెడ్డి నేతృత్వంలో సిట్ దర్యాప్తు స్రబ్బర్స్‌ మార్కెటింగ్ పేరుతో వేలాదిమంది నుంచి కోట్ల రూపాయల వసూళ్లు హైదరాబాద్‌: బాలాపూర్‌ RCI రోడ్డులో కారు బీభత్సం పలువురికి తీవ్ర గాయాలు, ఆస్పత్రికి తరలింపు డ్రైవర్ మద్యం మత్తులో ఉన్నాడని స్థానికుల ఆరోపణ నేడు విద్యార్థుల జార్ఖండ్‌ విధానసభ మార్చ్‌ పోటీ పరీక్షల్లో అక్రమాలకు నిరసనగా మార్చ్‌ నిర్వహణ గద్వాల జిల్లా అయిజ మండలం ఏక్లాన్‌పూర్‌‌లో అంత్యక్రియలు నేడు లోక్‌సభ ముందుకు ట్రైబ్యునల్‌

ఇరాన్ పై భారీ సైనిక చర్యలు చేపడతామని గర్జించిన అమెరికా అధ్యక్షుడు డొనాల్డ్ ట్రంప్.. ఇప్పుడు ఈ వివాదం నుంచి సురక్షితంగా బయటపడేందుకు దారులు వెతుకున్నట్లు తెలుస్తోంది. ఇరాన్ గనుక హార్ముజ్ జలసంధిని పూర్తికా తెరిస్తే.. అణు ఒప్పందం కుదరకపోయినా సరే దానినే పెద్ద విజయంగా ప్రదర్శించాలని డొనాల్డ్ ట్రంప్ భావిస్తున్నట్లు సమాచారం. ది వాల్ స్ట్రీట్ జర్నల్ కథనం ప్రకారం.. అణు ఒప్పందం లేకుండానే ఇరాన్ ఉద్రిక్తతల నుంచి వైదొలిగేలా డొనాల్డ్ ట్రంప్ తన సీనియర్ సహాయకులతో రహస్యంగా చర్చలు జరిపినట్లు తెలుస్తోంది.అమెరికాలో జన్మతః పౌరసత్వంపై ట్రంప్ తాజా షాక్..! ఇక వారందరికీ చెక్..!హార్ముజ్ జలసంధిపై ఇరాన్ పట్టు ప్రపంచ చమురు రవాణాలో ఎంతో ప్రాధాన్యత కలిగిన హార్ముజ్ జలసంధిని అడ్డుకోగలిగే సామర్థ్యం ఉండటం ఇరాన్ కు బలంగా మారింది. క్షిపణులు, డ్రోన్ దాడులకో వాణిజ్య నౌకలను అడ్డుకోవడం వల్ల అంతర్జాతీయ చమురు మార్కెట్లో తీవ్ర అస్థిరత ఏర్పడింది. నావికా దిగ్బంధనాలు, సుంకాలు విధించడం ద్వారా అమెరికాను డిఫెన్స్ లో పడేసేందుకు ఇరాన్ ప్రయత్నించగా.. దానికి అమెరికా అంగీకరించనప్పటికీ.. పరిస్థితి సంక్లిష్టంగా మారింది.ఇరాన్ పెట్టిన కఠినమైన షరతులు యుద్ధాన్ని ముగించి హార్ముజ్ జలసంధిని తెరవాలంటే అమెరికా కొన్ని కఠిన నిబంధనలను పాటించాలని ఇరాన్ స్పష్టం చేసింది. ఇరాన్ సుప్రీం నేషనల్ సెక్యూరిటీ కౌన్సిల్ సెక్రటరీ మహమ్మద్ బాకర్ మాట్లాడుతూ.. అమెరికా నావికా దిగ్బంధనాన్ని ఎత్తివేయాలని, ఆ ప్రాంతం నుంచి తమ సైనిక దళాలను పూర్తిగా ఉపసంహరించుకోవాలని డిమాండ్ చేశారు. అంతేకాకుండా ఆంక్షలు తొలగించి.. జప్తు చేసిన ఇరాన్ ఆస్తులను తిరిగి ఇవ్వడమే కాకుండా యుద్ధ నష్టపరిహారం కూడా చెల్లించాలని షరతులు విధించారు.రష్యా నుంచి భారత్‌కు నేరుగా రైలు? ఇక హార్ముజ్ ఇబ్బందులకు చెక్!అమెరికాపై పెరిగిన ఒత్తిడి మరోవై డొనాల్డ్ ట్రంప్ పై సొంతం దేశంలోనే తీవ్ర రాజకీయ ఒత్తిడి పెరుగుతోంది. అమెరికా మధ్యంతర ఎన్నికలకు కేవలం 3 నెలల సమయం మాత్రమే ఉండటం

ఇంటర్నెట్‌ డెస్క్‌: ఇరాన్‌ సుప్రీం లీడర్‌ మొజ్తబా (Mojtaba Khamenei) ఖమేనీ పరిస్థితి విషమంగా ఉందని ఇజ్రాయెల్‌ మీడియాలో వస్తున్న వార్తలను ఇరాన్‌ తిప్పి కొట్టింది. సుప్రీం లీడర్‌ వీడియోను ప్రభుత్వ మీడియా సంస్థ విడుల చేసింది (Iran Releases Video). అందులో మొజ్తబా ఆరోగ్యంగా ఉన్నట్లు కనిపించారు. ఎటువంటి గాయాలు కానీ ఇబ్బంది పడుతున్న పరిస్థితులు కానీ కనిపించలేదు. అయితే, ఈ వీడియో ఎప్పుడు తీశారనే విషయాన్ని మాత్రం ఇరాన్‌ వెల్లడించలేదు. ఇజ్రాయెల్‌-అమెరికా దాడుల్లో తీవ్రంగా గాయపడినప్పటి నుంచి మొజ్తబా బహిరంగంగా కనిపించకపోవడంతో అసలు ఆయన బతికే ఉన్నారా..?అనే ప్రశ్న వినిపిస్తోంది. దాడుల అనంతరం అమెరికా అధ్యక్షుడు ట్రంప్ (Donald Trump) మాట్లాడుతూ.. మొజ్తాబా ఖమేనీ గుర్తుపట్టలేని రీతిలో తీవ్రంగా గాయపడ్డారని పేర్కొన్నారు. ఇక ఆయన 90శాతం చనిపోయినట్లేననన్నారు. ఇరాన్‌ మాజీ సుప్రీం లీడర్‌ ఆయతుల్లా అలీ ఖమేనీ (Ayatollah Ali Khamenei) అంత్యక్రియల్లోనూ మొజ్తబా కనిపించలేదు. అంతకు ముందు జరిగిన ఆయన సతీమణి అంత్యక్రియల్లోనూ సుప్రీం లీడర్‌ కనిపించకపోవడం గమనార్హం. అయితే, భద్రతా కారణాల వల్ల ఆయన హాజరుకావడం లేదని ఇరాన్‌ ప్రభుత్వ వర్గాలు వెల్లడించాయి. ఈ క్రమంలోనే మొజ్తబా ఆరోగ్యం తీవ్రంగా క్షీణించిందని, మరికొన్ని రోజుల్లో ఆయన మరణ వార్త విన్నా ఆశ్చర్యపోనక్కరలేదని శుక్రవారం ఇజ్రాయెల్‌ మీడియా కథనాలు వెల్లడించాయి. ఆ క్రమంలోనే ఇరాన్‌ మొజ్తబా వీడియో విడుదల చేసింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఇరాన్ తాజా ప్రకటనలో అమెరికాపై పలు కీలక డిమాండ్లు చేసింది. తమపై అమలులో ఉన్న అన్ని ఆర్థిక ఆంక్షలను పూర్తిగా ఎత్తివేయాలని, విదేశాల్లో నిలిపివేసిన ఇరాన్ నిధులను ఎలాంటి షరతులు లేకుండా విడుదల చేయాలని కోరింది. అలాగే, ఇరాన్ నౌకాశ్రయాలపై అమలులో ఉన్న దిగ్బంధనాన్ని తొలగించాలని, తమ భూభాగం సమీపంలోని అమెరికా సైనిక ఉనికిని తగ్గించి సైన్యాన్ని ఉపసంహరించుకోవాలని డిమాండ్ చేసింది. యుద్ధం కారణంగా జరిగిన నష్టానికి పూర్తి స్థాయి పరిహారం చెల్లించాలని కూడా స్పష్టం చేసింది. ఈ షరతులు అమలైన తర్వాతే హర్మూజ్ జలసంధిని పూర్తిస్థాయిలో తెరవడంపై నిర్ణయం తీసుకుంటామని తెలిపింది. ఇటీవల ఇరు దేశాల నడుమ జరిగిన చర్చల్లో కొన్ని అంశాలపై సూత్రప్రాయ అంగీకారం కుదిరినా, తుది ఒప్పందంపై ఇంకా స్పష్టత రాలేదు. అమెరికా ముందుగా హర్మూజ్ జలసంధి ద్వారా నౌకల రాకపోకలు సాధారణ స్థితికి రావాలని కోరుతోంది. ఆ తర్వాతే ఆంక్షల సడలింపు, నిధుల విడుదల వంటి అంశాలను పరిశీలిస్తామని భావిస్తోంది. అయితే ఇరాన్ మాత్రం ముందు తమ డిమాండ్లు అమలు చేయాల్సిందేనని పట్టుబడుతోంది. దీంతో రెండు దేశాల నడుమ చర్చలు ముందుకు సాగకుండా ప్రతిష్ఠంబన నెలకొంది. హర్మూజ్ జలసంధి నిర్వహణకు సంబంధించి ఒమన్‌తో సాంకేతిక స్థాయిలో చర్చలు కొనసాగుతున్నాయని ఇరాన్ తెలిపింది. అయితే అవి కేవలం నౌకల రాకపోకల నిర్వహణకు సంబంధించినవేనని, అమెరికాతో ఉన్న రాజకీయ, ఆర్థిక వివాదాలకు వాటికి సంబంధం లేదని స్పష్టం చేసింది. అమెరికా తమ షరతులను అంగీకరించే వరకు జలసంధిని పూర్తిగా తెరవబోమని మరోసారి ప్రకటించింది. అవసరమైతే చర్చల గడువును పొడిగించే అవకాశాన్ని కూడా ఇరు పక్షాలు పరిశీలిస్తున్నట్లు సమాచారం. హర్మూజ్ జలసంధి ప్రపంచ ఇంధన సరఫరాలో అత్యంత కీలకమైన సముద్ర మార్గంగా గుర్తింపు పొందింది. ప్రపంచంలో ఎగుమతి అయ్యే చమురులో గణనీయమైన భాగం ఈ మార్గం ద్వారానే రవాణా అవుతుంది. ఈ కారణంగా హర్మూజ్ జలసంధిపై ఏ చిన్న ఉద్రిక్తత ఏర్పడినా అంతర్జాతీయ

అమెరికాతో శాంతి చర్చల విషయంలో ఇరాన్ అధ్యక్షుడు మసూద్ పెజెష్కియాన్ కీలక వ్యాఖ్యలు చేశారు. ఇటీవల ఇరు దేశాల మధ్య కుదిరిన అవగాహన ఒప్పందం ప్రకారం తాము శాంతి మార్గంలోనే పయనిస్తామని, అయితే అందుకు అమెరికా ముందుగా తమపై నమ్మకాన్ని పెంచే వాతావరణాన్ని కల్పించాలని స్పష్టం చేశారు.శనివారం టెహ్రాన్‌లో జరిగిన మీడియా సమావేశంలో పెజెష్కియాన్ మాట్లాడారు. "అవగాహన ఒప్పందంలోని అంశాల ఆధారంగా మేం శాంతి మార్గంలో ముందుకు సాగడానికి ప్రయత్నిస్తున్నాం. దేశంలో ప్రస్తుతం ఐక్యత, శక్తి, సంఘీభావం ఉన్నాయి. కాబట్టి ఒప్పందాన్ని కుదుర్చుకోవడానికి ఇదే సరైన సమయం. అమెరికా సృష్టించిన అపనమ్మక వాతావరణాన్ని వీడి, విశ్వాసాన్ని కల్పిస్తే ఈ ఎంవోయూను ప్రాతిపదికగా చేసుకుని ముందుకు వెళ్లాలనే దృఢ సంకల్పంతో ఉన్నాం" అని వివరించారు.అమెరికాతో చర్చల విషయంలో తాము ఇచ్చిపుచ్చుకునే ధోరణితో ఉంటామని పెజెష్కియాన్ స్పష్టం చేశారు. అమెరికా ఒప్పందానికి ఎంతమేర కట్టుబడి ఉంటుందో, ఇరాన్ కూడా అదే స్థాయిలో తన నిబద్ధతను ప్రదర్శిస్తుందని తెలిపారు. ఒకవేళ అవతలి పక్షం బలప్రయోగానికి దిగితే తాము లొంగిపోయే ప్రసక్తే లేదని హెచ్చరించారు. అంతిమంగా ఇరాన్ చర్యలు సర్వోన్నత నాయకుడు మొజ్తబా ఖమేనీ నిర్ణయాల మేరకే ఉంటాయని ఆయన పేర్కొన్నట్లు జిన్హువా వార్తా సంస్థ తెలిపింది.అంతకుముందు, శుక్రవారం తన కార్యాలయ వెబ్‌సైట్‌లో ప్రచురితమైన ఒక ఇంటర్వ్యూలో కూడా పెజెష్కియాన్ ఇదే విషయాన్ని పునరుద్ఘాటించారు. దేశ హక్కుల పరిరక్షణ కోసం చర్చలకే కట్టుబడి ఉంటామని, అయితే ఎవరి ఒత్తిళ్లకు లొంగబోమని స్పష్టం చేశారు. అమెరికా తన హామీలను నెరవేర్చినంత కాలమే ఇరాన్ కూడా

పశ్చిమాసియాలో ఉద్రిక్తతలు కొనసాగుతున్న నేపథ్యంలో అంతర్జాతీయంగా ఎంతో కీలకమైన హార్ముజ్ జలసంధిని తిరిగి తెరవడంపై ఇరాన్ సంచలన ప్రకటన చేసింది. అమెరికా తన వైఖరిని మార్చుకునే వరకు ఈ జలసంధిని తెరిచే ప్రసక్తే లేదని ఇరాన్ సుప్రీం నేషనల్ సెక్యూరిటీ కౌన్సిల్ తేల్చి చెప్పింది. ఈ మేరకు రివల్యూషనరీ గార్డ్ కమాండర్, కౌన్సిల్ కార్యదర్శి మహమ్మద్ బాగేర్ జోల్గాదర్ ద్వారా ఇరాన్ ప్రభుత్వ ప్రసార మాధ్యమం ఓ ప్రకటనను విడుదల చేసింది. ఈ జలమార్గం, దానిపై జరిగే రవాణాను నిర్వహించే ఒప్పందంపై చర్చలను కుదిపేయగల కొత్త డిమాండ్లను కూడా ఇది జారీ చేసింది.ఫోన్ చేసి బతిమిలాడారు.. చివరి నిమిషంలో తప్పిన మహాయుద్ధం: ట్రంప్ సెన్సేషనల్ కామెంట్స్!ఇరాన్ విధించిన ప్రధాన షరతులు అమెరికా భవిష్యత్తులో ఇరాన్ ను ఎప్పుడూ బెదిరించకూడదని.. అలాగే ఇరాన్, ప్రాంతీయ భాగస్వామ్య దేశాలతో వివాదాలను అంతం చేయాలని ఇరాన్ డిమాండ్ చేసింది. దీంతో పాటు ఇరాన్ ఓడరేవులపై విధించిన నావికాదిగ్బంధానానని తక్షణమే ఎత్తివేసి ఆ ప్రాంతం నుంచి అమెరికా తన సైనిక బలగాలను ఉపసంహరించుకోవాలని స్పష్టం చేసింది. యుద్ధం వల్ల జరిగిన నష్టానికి పూర్తి పరిహారం చెల్లించడంతో పాటు ఆంక్షలను ఎత్తివేసి.. స్తంభింపజేసిన ఇరాన్ ఆస్తులను ఎటువంటి షరతులు లేకుండా విడుదల చేయాలని కౌన్సిల్ తన ప్రకటనలో పేర్కొంది. ఈ డిమాండ్లపై అమెరికా నుంచి ఇప్పటివరకు ఎటువంటి అధికారిక స్పందన రాకపోవడం గమనార్హం.ముమ్మరంగా ఇరాన్-ఒమన్ చర్చలు మరోవైపు ఇరాన్, ఒమన్ దేశాలు హార్ముజ్ జలసంధి నిర్వహణపై ఒప్పందం కుదుర్చుకోవడానికి పూర్తిగా సిద్ధమైనట్లు తెలుస్తోంది. గల్ఫ్ ప్రాంతంలో మధ్యవర్తిగా వ్యవహరిస్తున్న ఒమన్.. ఈ చర్చలు సానుకూల, నిర్మాణాత్మక వాతావరణంలో జరుగుతున్నాయని వెల్లడించింది. అదే సమయంలో ఈ మార్గంలో ప్రయాణించే వాణిజ్య నౌకలపై జరుగుతున్న దాడులను తీవ్రంగా ఖండించింది. ప్రస్తుతం ఇరు దేశాల మధ్య నౌకల రాకపోకలను సురక్షితంగా నిర్వహించడంపై చర్చలు పురోగతిలో ఉన్నాయి.25 పెళ్లిళ్లు.. బయటపడిన బీజేపీ ఎమ్మెల్యే వియ్యంకుడి బాగోతం!వాణిజ్య నౌకలపై