Fraud News

లేని భూమిని కాగితాల్లో సృష్టించిన రియల్‌ ముఠా డబ్బుతో అధికారులను ఏమార్చి.. నకిలీ పత్రాలతో రిజిస్ట్రేషన్‌ చేసి.. వాటిని బ్యాంకుల్లో తనాఖా పెట్టి ఏకంగా రూ. 4.11 కోట్లు రుణం తీసుకున్నారు. ఈ కేసులో ఇప్పటికే ఏడుగురిని అరెస్టు చేసిన పోలీసులు.. బుధవారం సబ్‌ రిజిస్ట్రార్‌ను సైతం అరెస్టు చేసి రిమాండ్‌కు తరలించారు. లేని భూమితో బ్యాంకు రుణాలు రూ.4.11 కోట్లు కొట్టేసి రియల్‌ వ్యాపారం హైదరాబాద్‌ సిటీ, సెప్టెంబరు 2(ఆంధ్రజ్యోతి): లేని భూమిని కాగితాల్లో సృష్టించిన రియల్‌ ముఠా డబ్బుతో అధికారులను ఏమార్చి.. నకిలీ పత్రాలతో రిజిస్ట్రేషన్‌ చేసి.. వాటిని బ్యాంకుల్లో తనాఖా పెట్టి ఏకంగా రూ. 4.11 కోట్లు రుణం తీసుకున్నారు. ఈ కేసులో ఇప్పటికే ఏడుగురిని అరెస్టు చేసిన పోలీసులు.. బుధవారం సబ్‌ రిజిస్ట్రార్‌ను సైతం అరెస్టు చేసి రిమాండ్‌కు తరలించారు. ఫిర్యాదు అందినా పట్టించుకోకుండా నిందితులకు సహకరించిన పోలీసులపైనా చర్యలు చేపట్టారు. కీసర పోలీస్‌ స్టేషన్‌ పరిధిలో జరిగిన ఈ ఘటనపై జవహర్‌నగర్‌ ఏసీపీ చక్రపాణి, కీసర సీఐ అంజనేయులతో కలిసి మల్కాజిగిరి డీసీపీ శ్రీధర్‌ వివరాలు వెల్లడించారు... ప్రస్తుతం చంపాపేట ఎస్‌ఆర్‌వోగా ఉన్న మహ్మద్‌ యూసఫ్‌ రహమాన్‌ గతంలో కీసరలో సబ్‌ రిజిస్ట్రార్‌గా పనిచేశారు. ఆ సమయంలో కొంతమంది రియల్‌ ఎస్టేట్‌ బ్రోకర్లు ఆయన్ను సంప్రదించారు. కేవలం కాగితాల్లోనే భూమిని సృష్టించి, వాటిని నిజమైన వ్యక్తులకు సంబంఽధించిన భూమి పత్రాలుగా రిజిస్ట్రేషన్‌ చేయించారు. అందుకుగాను సబ్‌ రిజిస్ట్రార్‌కు రూ. 5లక్షలు ముట్టజెప్పారు. తాను మంచివాడినని నిరూపించుకోవడానికి జరిగిన మోసంపై గతేడాది డిసెంబర్‌లో కీసర పోలీసులకు ఫిర్యాదు చేశాడు. అయితే కేవలం కంప్లైంట్‌ రావడమే తప్ప.. ఈఎంఐల విషయంలో గానీ, ఆర్థిక లావాదేవీల గురించి గానీ, బ్యాంకు అధికారుల నుంచి కూడా సమస్యలు లేకపోవడంతో.. అప్పట్లో కొంతమంది పోలీసులు ఈ ముఠాకు సహకరించారు. కాగా ఇటీవల కీసర పోలీస్‌ స్టేషన్‌లో కొంతకాలంగా పెండింగ్‌లో ఉన్న కేసులను ఇటీవల బాధ్యతలు

దేశవ్యాప్తంగా వివిధ రాష్ట్రాల్లో ఉన్న టోల్ ప్లాజాల్లో ( toll plaza) వాహనదారుల నుంచి ఫాస్టాగ్ ద్వారా కట్ అవుతున్న డబ్బుల్ని అక్రమ సాఫ్ట్ వేర్లు, యాప్ లు వాడి తమ ఖాతాలకు మళ్లిస్తున్న వైనం వెలుగుచూసింది. టోల్ ప్లాజాల్లో సాగుతున్న ఈ దోపిడీ ద్వారా (Toll Fraud ) మనీలాండరింగ్ సాగుతుందని గుర్తించిన ఎన్ ఫోర్స్ మెంట్ డైరెక్టరేట్ ( ఈడీ) రంగంలోకి దిగింది. ఇవాళ పలు రాష్ట్రాల్లో ఉన్న 14 టోల్ ప్లాజాల్లో తనిఖీలు చేపట్టింది. ఇందులో భారీగా అక్రమాలను గుర్తిస్తోంది. ఈ నేపథ్యంలో అక్రమ సాఫ్ట్ వేర్లను, సామాగ్రిని స్వాధీనం చేసుకుంటోంది. సుప్రీం సాక్షిగా కేంద్రంతో డీల్ ఓకే ..! కాక్రోచ్ జనతా పార్టీ కీలక నిర్ణయం..!జాతీయ రహదారుల ప్రాధికార సంస్థ (NHAI) పరిధిలోని వివిధ టోల్ ప్లాజాల వద్ద జరుగుతున్న భారీ ఆర్థిక అక్రమాలపై ఈడీ ఉక్కుపాదం మోపింది. మనీ లాండరింగ్ నిరోధక చట్టం కింద ఇవాళ ఉదయం నుంచి దేశవ్యాప్తంగా సోదాలు నిర్వహించింది. ఈడీ లక్నో జోనల్ కార్యాలయ అధికారులు వివిధ రాష్ట్రాల్లో ఏకకాలంలో తనిఖీలు చేపట్టారు. ఉత్తరప్రదేశ్, రాజస్థాన్, మహారాష్ట్ర, మధ్యప్రదేశ్, జమ్ముకశ్మీర్, పశ్చిమ బెంగాల్‌లోని కోల్‌కతా తో పాటు దేశ రాజధాని ప్రాంతం పరిధిలోని మొత్తం 14 కీలక ప్రదేశాలలో ఈ తనిఖీలు ఏకకాలంలో కొనసాగాయి. సీఎం విజయ్ తో వైఎస్సార్సీపీ ఎంపీ భేటీ..! తొలిసారి ఇలా..!మోసపూరిత మార్గాల్లో భారీ ఎత్తున టోల్ వసూళ్లు చేసి ప్రభుత్వ ఖజానాకు గండి కొడుతున్నారనే విశ్వసనీయ సమాచారం మేరకు అధికారులు రంగంలోకి దిగారు. నిందితుల నుంచి దొరికిన కీలక పత్రాలు, డిజిటల్ సాక్ష్యాధారాల సేకరణే లక్ష్యంగా ఈ దాడులు సాగాయి. ఈ ఏడాది జనవరి 22 నాటి ఎఫ్‌ఐఆర్, మే 19 నాటి ఈసీఐఆర్ ఆధారంగా కొనసాగుతున్న ఈ దర్యాప్తులో సంచలన నిజాలు వెలుగుచూశాయి. కొందరు నిందితులు అనధికారిక సాఫ్ట్‌వేర్ యాప్స్ ను వినియోగించి నకిలీ

Fake PhonePe Payment: హైదరాబాద్‌ అంబర్‌పేటలో ఏటీఎంల వద్ద అమాయక ప్రజలను లక్ష్యంగా చేసుకుని నకిలీ ఫోన్‌పే, గూగుల్‌పే యాప్‌లతో మోసాలకు పాల్పడుతున్న ముగ్గురు యువకులతో పాటు ఓ బాల నేరస్థుడిని పోలీసులు అరెస్ట్ చేశారు. నిందితుల నుంచి రెండు బైకులు, నాలుగు మొబైల్‌ ఫోన్లు, రూ.12,500 నగదును స్వాధీనం చేసుకున్నట్లు అంబర్‌పేట ఇన్‌స్పెక్టర్‌ కిరణ్‌ కుమార్‌ తెలిపారు. అంబర్‌పేట శివంరోడ్డులోని ఎస్‌బీఐ ఏటీఎం వద్ద నగదు తీసుకునేందుకు లేదా డిపాజిట్‌ చేసేందుకు వచ్చే వారిని నిందితులు టార్గెట్‌ చేసేవారని పోలీసులు తెలిపారు. మాటల్లో పెట్టి.. ఫోన్‌పే లేదా గూగుల్‌పే ద్వారా డబ్బులు పంపిస్తామని నమ్మించేవారు. బాధితుల నుంచి నగదు తీసుకున్న తర్వాత.. నకిలీ యాప్‌ ద్వారా తయారు చేసిన ‘ట్రాన్సాక్షన్‌ సక్సెస్‌’ స్క్రీన్‌ను చూపించి అక్కడి నుంచి పరారయ్యేవారని పోలీసులు వెల్లడించారు. ఇది కూడా చదవండి: House Construction: ఇంటి స్లాబ్‌పై లక్షలోపే రేకుల ఇల్లు నిర్మాణం.. దేనికి ఎంత ఖర్చు..! ఈ తరహా మోసాలకు సంబంధించి గత నెలలో అంబర్‌పేట పోలీసులకు నాలుగు ఫిర్యాదులు అందినట్లు ఇన్‌స్పెక్టర్‌ కిరణ్‌ కుమార్‌ తెలిపారు. అంబర్‌పేట ఎస్‌బీఐ పర్సనల్‌ బ్యాంకింగ్‌ బ్రాంచ్‌ చీఫ్‌ మేనేజర్‌ ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. దర్యాప్తులో నిందితులను గుర్తించి అరెస్ట్ చేసినట్లు పోలీసులు తెలిపారు. నిందితుల నుంచి రెండు ద్విచక్ర వాహనాలు, నాలుగు మొబైల్‌ ఫోన్లు, రూ.12,500 నగదును పోలీసులు స్వాధీనం చేసుకున్నారు. ఈ కేసులో నిందితుల పాత్రపై పోలీసులు మరింత దర్యాప్తు చేస్తున్నారు. ఫోన్‌పే, గూగుల్‌పే లావాదేవీల సమయంలో స్క్రీన్‌షాట్‌ లేదా ‘పేమెంట్‌ సక్సెస్‌’ మెసేజ్‌ను మాత్రమే నమ్మి నగదు ఇవ్వవద్దని పోలీసులు సూచించారు. డబ్బు నిజంగా తమ ఖాతాలో జమ అయ్యిందో లేదో బ్యాంక్‌ యాప్‌, ఖాతా బ్యాలెన్స్‌ లేదా ఇతర అధికారిక మార్గాల ద్వారా స్వయంగా ధృవీకరించుకున్న తర్వాతే నగదు ఇవ్వాలని ప్రజలకు సూచించారు. ఇది కూడా చదవండి

డేటింగ్ యాప్ ఓ యువకుడి కొంపముంచింది. యాప్‌లో అమ్మాయి ఫొటో చూసి డేటింగ్ మొదలెట్టిన ఆ యువకుడు స్కామ్‌కు గురయ్యాడు. నేరగాళ్లు తెలివిగా అతడి వద్ద నుంచి వేల రూపాయలు దోచేశారు. ఇంటర్‌నెట్ డెస్క్: డేటింగ్ యాప్ ఓ యువకుడి కొంపముంచింది. యాప్‌లో అమ్మాయి ఫొటో చూసి డేటింగ్ మొదలెట్టిన ఆ యువకుడు స్కామ్‌కు గురయ్యాడు. నేరగాళ్లు తెలివిగా అతడి వద్ద నుంచి వేల రూపాయలు దోచేశారు. ఈ సంఘటన బెంగళూరులో ఆలస్యంగా వెలుగు చూసింది. బాధిత యువకుడు రెడ్డిట్‌లో తనకు జరిగిన మోసంపై ఓ పోస్టు పెట్టాడు. ఆ పోస్టులో ఏం జరిగిందో వివరించాడు. ‘డేటింగ్ యాప్ ద్వారా షెల్లీ అనే అమ్మాయితో డేటింగ్ మొదలెట్టాను. కొన్ని రోజుల పాటు ఫోన్‌లో మాట్లాడుకున్నాము. ఆఫీస్ వర్క్ కారణంగా ఆమెను నేరుగా కలవలేకపోయాను. కానీ, తరచుగా ఫోన్‌లో మాట్లాడుకునే వాళ్లం. ఆఫీస్ వర్క్‌ నుంచి విరామం దొరకటంతో ఆమెను కలవాలని అనుకున్నాను. ఆమెకు ఫోన్ చేసి కలుద్దామన్నాను. ‘నేను ఓ సిగరెట్ ప్యాకెట్ ఆర్డర్ పెట్టాను. దాన్ని నువ్వు డెలివరీ తీసుకో’ అని ఆమె చెప్పింది. రాన్ అనే వ్యక్తి ఫోన్ నంబర్ ఇచ్చింది. అతడికి ఆన్‌‌లైన్‌లో డబ్బులు పంపిస్తే.. తాను స్వయంగా వచ్చి డబ్బులు ఇస్తానని ఆమె చెప్పింది. నాకు కొంచెం విచిత్రంగా అనిపింది’.. ‘మా అమ్మ బిజినెస్ చేస్తోంది. మా దగ్గర ఆన్‌లైన్ క్యాష్ కంటే నగదు ఎక్కువగా ఉంది’ అని చెప్పింది. నేను ఆమె మాటలు నమ్మక తప్పలేదు. ఆమె ఇచ్చిన నంబర్‌ను సంప్రదించాను. ఆన్‌లైన్ ద్వారా అతడికి కొంత డబ్బులు పంపాను. తర్వాతి నుంచి ఇద్దరూ నా నంబర్ బ్లాక్ చేశారు. నన్ను మోసం చేయడానికి చాలా పక్కాగా ప్లాన్ వేశారు. ఎంతో జాగ్రత్తగా వాళ్లు మనుషుల్ని ఫూల్స్ చేసి, డబ్బులు దోచేస్తున్నారు’ అంటూ ఆవేదన వ్యక్తం చేశాడు. బాబర్ ఆజమ్‌కు జ్వరం.. పాక్ జట్టులో మరింత గందరగోళం!

బెంగళూరులో ఓ 33 ఏళ్ల ప్రైవేట్ ఉద్యోగి డేటింగ్ యాప్ మోసానికి గురయ్యాడు. యాప్ ద్వారా పరిచయమైన మహిళ కలుద్దామని చెప్పి, నిర్మానుష్య ప్రాంతానికి తీసుకెళ్లింది. అక్కడ నలుగురు వ్యక్తులు బెదిరించి, అతని వద్ద నుంచి క్రెడిట్, డెబిట్ కార్డులు, నగదు కలిపి దాదాపు ₹3.5 లక్షలు దోచుకున్నారు. బాధితుడు పోలీసులను ఆశ్రయించగా, దర్యాప్తు కొనసాగుతోంది

చేపలకు ఆహారం వేస్తామని చెప్పి ఇంటికే టోకరా.. 6 ఏళ్ల తర్వాత బయటపడ్డ మోసం హైదరాబాద్‌లోని బాచుపల్లి పోలీస్ స్టేషన్ పరిధిలోని ప్రగతి నగర్‌లో సాఫ్ట్‌వేర్ ఉద్యోగి ఎం. నవీన్ కుమార్ కుటుంబం నివసిస్తోంది. మార్చి 2020లో కరోనా మొదటి వేవ్ సమయంలో వీరు తమ స్వగ్రామానికి వెళ్లేందుకు సిద్ధమయ్యారు. ఇదే అదనుగా భావించిన.. రామశర్మ, అతని భార్య ప్రమీలారాణి దంపతులు రంగంలోకి దిగారు. మీరు ఊరికి వెళ్తే ఇంట్లోని అక్వేరియం ఉంది కదా.. మరి ఆ చేపలకు ఫుడ్ ఎవరు వేస్తారు? అవి చనిపోతాయి కదా.. అంటూ అమాయకపు కన్నీరు కార్చారు. తాము ఎంతో నమ్మకంగా ఉంటామని చెప్పి బాధితుల ఇంటి తాళాలు తీసుకున్నారు. తాళాలు చేతికి చిక్కగానే ఆ దంపతులు తమ అసలు రంగు బయటపెట్టారు. ఇంట్లోని బీరువాలో ఉన్న బాధితురాలి ఆధార్ కార్డ్, పాన్ కార్డ్, కరెంట్ బిల్లులను దొంగిలించారు. ఆమె భర్తే తన సొంత ఇంటిని భార్యకు అద్దెకు ఇచ్చినట్లుగా ఫేక్ రెంటల్ అగ్రిమెంట్లు సృష్టించి.. ఆమె సంతకాన్ని ఫోర్జరీ చేశారు. ఆ పత్రాలతో ఆన్‌లైన్ పోర్టల్‌లో ఏకంగా శ్రీ గురుదత్త లక్ష్మీనరసింహ గురువాంబిక శక్తిపీఠం పేరుతో ఓ ఆధ్యాత్మిక పీఠాన్ని రిజిస్ట్రేషన్ చేయించారు. ఈ వార్తకు సంబంధించిన

ప్రతీఒక్కరూ బ్యాంక్‌కు ఒక్కసారి అయినా వెళ్లి ఉంటారు. బ్యాంకులో డిపాజిట్ లేదా విత్ డ్రా ఫామ్ నింపి లావాదేవీలు నిర్వహించి ఉంటారు. ఈ ఫామ్స్ నింపేటప్పుడు అమౌంట్‌ను సంఖ్య రూపంలో రాయడమే కాకుండా పదాల రూపంలో కూడా వివరించాల్సి ఉంటుంది. ఉదాహరణకు రూ.10 వేలు డిపాజిట్ చేస్తున్నా లేదా విత్ డ్రా చేస్తుంటే.. టెన్ తౌజెండ్ రూపీస్ ఓన్లీ అని రాస్తూ ఉంటాం. చివరిలో ఓన్లీ అనేది తప్పనిసరిగా మెన్షన్ చేయాలి కానీ చివరిలో 'Only' అనేది రాయడం వెనుక అనేక కారణాలు ఉన్నాయి.“Ten Thousand” అని రాసిన తర్వాత ఖాళీగా వదిలేస్తే వేరే పదాలు రాయడానికి అవకాశం ఉంటుంది. అదే చివరిలో ఓన్లీ అనేది రాయడం వల్ల అక్కడితో వాక్యం పూర్తయిందని ఎవరికైనా అర్థమవుతుంది. దీని వల్ల వేరే పదం చేర్చే అవకాశం ఉండదని చెప్పవచ్చు. దీని వల్ల ఎలాంటి మోసాలు జరగవు. అయితే ఓన్లీ అనేది చివరిలో రాయకపోతే మీ చెక్కు లేదా డిపాజిట్, విత్ డ్రా ఫామ్ చెల్లదని కాదు. మీరు రాయకపోయినా అది చెల్లుతుంది. ఇందుకు సంబంధించి ఆర్బీఐ ఎలాంటి ప్రత్యేక నిబంధన విధించలేదు. కేవలం భద్రతాపరమైన కారణాల వల్ల చివరిలో ఓన్లీ అనేది రాయడం ఆనవాయితీగా వస్తూ ఉంది. మొత్తాన్ని స్పష్టంగా రాయడం, ఖాళీ స్థలం వదలకపోవడం అనేది భద్రత కోసమేనని చెప్పవచ్చు. బ్యాంక్ సిబ్బంది కూడా చివరిలో ఓన్లీ అనేది చేర్చాలని సూచిస్తూ ఉంటారు. కేవలం సాధారణంగానే దీనిని సూచిస్తూ ఉంటారు. ఇక బ్యాంక్ సిబ్బంది స్వీకరించిన తర్వాత అమౌంట్, పదాల్లో ఒకేలా ఉందా.. లేదా అనేది పరిశీలిస్తారు. అంకెల్లో అమౌంట్ ఒకలా.. పదాల్లో ఒకలా ఉంటే సులువుగా గుర్తు పడతారు. చెక్ ప్రాసెసింగ్ సమయంలో దీని వల్ల ఎలాంటి ఇబ్బంది ఉండదు. మీరు చెక్కు జమ చేసేటప్పుడు ఒకటికి రెండుసార్లు దీనిని పరిశీలించుకోవాలి. రెండు చోట్ల ఒకేలా ఉందా..లేదా అనేది చూసుకోవాలి. రెండు చోట్ల

ఉత్తర్‌ప్రదేశ్‌లోని పీఎన్‌బీ కరెన్సీ చెస్ట్‌లో భారీగా నకిలీ నోట్లు కలకలం రేపాయి. ఈ వ్యవహారంలో స్వీపర్ పాత్ర ఉన్నట్టు సీసీటీవీ కెమెరాల్లో గుర్తించిన అధికారులు.. పూర్తిస్థాయి దర్యాప్తు చేపట్టారు. ఇంటర్నెట్ డెస్క్: దేశంలోని ప్రముఖ ప్రభుత్వ రంగ బ్యాంకుల్లో ఒకటైన పంజాబ్‌ నేషనల్‌ బ్యాంక్‌(పీఎన్‌బీ) కరెన్సీ చెస్ట్‌లో భారీగా నకిలీ నోట్లు బయటపడ్డాయి. ఉత్తర్‌ప్రదేశ్‌ సహారన్‌పూర్‌లోని పీఎన్‌బీ కరెన్సీ చెస్ట్‌లో సుమారు రూ.7.40 కోట్ల విలువైన నకిలీ కరెన్సీ నోట్లు ఉన్నట్లు ఆడిట్‌లో తేలినట్టు తెలుస్తోంది. బ్యాంకు భద్రతా వ్యవస్థను దాటి నకిలీ నోట్లు కరెన్సీ చెస్ట్‌లోకి ఎలా వచ్చాయనే విషయం కలకలం రేపుతోంది. కరెన్సీ చెస్ట్‌లో భద్రపరిచిన అసలు నోట్లను మాయం చేసి, వాటి స్థానంలో నకిలీ నోట్లను ఉంచినట్లు అనుమానాలు వ్యక్తమవుతున్నాయి. కరెన్సీ చెస్ట్‌ నుంచి బ్యాంక్ ప్రధాన కార్యాలయానికి పంపిన సొమ్ములో సుమారు రూ.4.30 లక్షల వ్యత్యాసం కనిపించడంతో ఈ విషయం వెలుగులోకి వచ్చింది. దీంతో పీఎన్‌బీ నోడల్‌ అధికారి విచారణ ప్రారంభించారు. ఈ మేరకు విధి నిర్వహణలో నిర్లక్ష్యం వహించినట్లు ఆరోపణలు ఎదుర్కొంటున్న సీనియర్‌ డివిజనల్‌ మేనేజర్‌ సహా ఇద్దరు కరెన్సీ చెస్ట్‌ మేనేజర్లను బ్యాంక్ యాజమాన్యం సస్పెండ్‌ చేసినట్లు సమాచారం. అయితే.. ఆ నకిలీ నోట్లు ఎలా వచ్చాయి? అసలు నోట్ల స్థానంలో వాటిని ఎవరు ఉంచారు? ఈ వ్యవహారంలో మరెవరైనా ప్రమేయం ఉందా? అనే కోణాల్లో దర్యాప్తు సాగిస్తున్నారు అధికారులు. మరోవైపు.. కరెన్సీ చెస్ట్‌లోని నోట్ల కట్టల నుంచి అక్కడి స్వీపర్ నగదు తీస్తున్న దృశ్యాలు సీసీటీవీ కెమెరాల్లో నమోదైనట్టు అధికారులు గుర్తించారు. దీంతో సదరు నోడల్‌ అధికారి ఫిర్యాదు మేరకు స్థానిక పోలీస్‌ స్టేషన్‌లో బ్యాంకు అధికారులతో పాటు స్వీపర్‌పై కేసు నమోదైనట్లు సమాచారం. కేసు దర్యాప్తులో భాగంగా కరెన్సీ చెస్ట్‌లోని నగదు లెక్కలు, రికార్డులు, సీసీటీవీ ఫుటేజీ, నగదు తరలింపు వివరాలను పరిశీలిస్తున్నట్లు తెలుస్తోంది. ఈ వ్యవహారంలో అసలు బాధ్యులు ఎవరనేది దర్యాప్తులో

వీసాల విషయంలో జాగ్రత్తగా ఉండాలని యూఏఈలోని భారతీయులను అక్కడి ఇండియన్ ఎంబసీ అప్రమత్తం చేసింది. వీసాల విషయాల్లో సాయం చేస్తామని వచ్చే అనధికారిక ఏజెంట్లు, వ్యక్తులకు బయోమెట్రిక్ వివరాలు ఇవ్వవద్దని సూచించింది. ఇంటర్నెట్ డెస్క్: వీసాల విషయంలో జాగ్రత్తగా ఉండాలని యూఏఈలోని భారతీయులను అక్కడి ఇండియన్ ఎంబసీ అప్రమత్తం చేసింది. వీసాల విషయాల్లో సాయం చేస్తామని వచ్చే అనధికారిక ఏజెంట్లు, వ్యక్తులకు బయోమెట్రిక్ వివరాలు ఇవ్వవద్దని సూచించింది. వీసా రెగ్యులరైజేషన్, ఎమర్జెన్సీ సర్టిఫికేట్స్ జారీ, ఎగ్జిట్ పర్మిట్లు, ఎమిరేట్ ఐడీలు, ఉపాధి విషయాల్లో అవగాహనతో ఉండాలని సూచించింది. యూఏఈలో వెలుగు చూస్తున్న స్కామ్స్‌లో పలువురు బ్లూకాలర్ ఉద్యోగులు బాధితులుగా మారుతున్న విషయం తమ దృష్టికి వచ్చినట్టు ఎంబసీ వెల్లడించింది. మోసపూరితంగా బయోమెట్రిక్ వివరాలు సేకరిస్తున్న నిందితులు వాటితో ఆర్థిక అక్రమాలకు పాల్పడుతున్నారని చెప్పింది. బాధితులకు తెలియకుండానే వారి పేరిట బ్యాంకు ఖాతాలు తెరవడం, లోన్లు, క్రెడిట్ కార్డులు తీసుకోవడం వంటివి చేస్తున్నారని చెప్పింది. ఈ స్కామ్ బారిన పడితే అప్పులు మిగిలడంతో పాటు నిషేధానికి గురయ్యే అవకాశం ఉందని కూడా హెచ్చరించింది. ఈ స్కామ్స్ బారిన పడకుండా ఉండేందుకు భారతీయులు తమ బయోమెట్రిక్, పాస్‌పోర్టు వివరాలను అనధికారిక ఏజెంట్లు, వ్యక్తులతో పంచుకోవద్దని సూచించింది. యూఏఈ ప్రభుత్వ కేంద్రాలు, కౌంటర్లలోనే ఈ వివరాలను ఇవ్వాలని సూచించింది. భారతీయ పాస్‌పోర్టులు, ఎమర్జెన్సీ సర్టిఫికేట్ల జారీ కోసం భారతీయ కాన్సులేట్లు, లేదా ఎంబసీ బయోమెట్రిక్ వివరాలను కోరవని కూడా స్పష్టం చేసింది. బయోమెట్రిక్ వివరాలను ఎవరైనా అడిగితే వెంటనే ఎంబసీకి సమాచారం ఇవ్వాలని కూడా అధికారులు చెప్పారు. రష్యా సైన్యంలోని 51 మంది భారతీయుల మృతి.. విదేశాంగ శాఖ సెక్రటరీ వెల్లడి రైల్వే అభివృద్ధిలో తెలంగాణకు పెద్దపీట కేంద్ర మంత్రి కిషన్‌రెడ్డి

ఇది డిజిటల్‌ యుగం.. ఉదయం లేచింది మొదలు రాత్రి పడుకునే వరకు ప్రతి నిమిషం డిజిటల్‌ టెక్నాలజీతో ముడిపడి ఉంది. ఇక వాట్సాప్‌ వంటి మెసేంజర్‌లు ప్రతి ఒక్కరి జీవితంలో భాగమైపోయాయి. ఫ్రెండ్స్‌తో చాటింగ్ చేయడం, ఫొటోలు షేర్ చేసుకోవడం నుంచి మొదలుకొని.. ఆఫీస్ డాక్యుమెంట్లు పంపుకోవడం వరకు అన్నింటికీ వాట్సాపే మనకు ప్రధాన ఆధారం అయిపోయింది. అయితే, మీకొక షాకింగ్ నిజం చెప్పాలి. లోన్ అప్లై చేయాలన్నా, క్రెడిట్ కార్డ్ తీసుకోవాలన్నా, ప్రాపర్టీ కొనుగోలు చేయాలన్నా, లేదా ఏదైనా హోటల్‌లో రూమ్ బుక్ చేసుకోవాలన్నా.. నేడు ‘కేవైసీ’ అనేది తప్పనిసరి. ఈ క్రమంలో అవతలి వ్యక్తులు, ఏజెంట్లు లేదా సంస్థలు అడిగిన వెంటనే మనం మన పాన్ కార్డ్, ఆధార్ కార్డ్, బ్యాంక్ స్టేట్‌మెంట్స్ వంటి అత్యంత గోప్యమైన పత్రాలను క్షణం ఆలోచించకుండా వాట్సాప్‌లో ఫార్వర్డ్ చేసేస్తుంటాం. “ఫైల్ క్షణంలో అవతలి వాళ్లకు వెళ్లిపోతుంది కదా, పంపిస్తే తప్పేంటి?” అని మీరు తేలికగా తీసుకుంటున్నారా? అయితే మీరు రిస్క్‌లో పడినట్లే. మీ ఒక్క వాట్సాప్ మెసేజ్ మీ జీవితాన్నే తలక్రిందులు చేయగలదు. భవిష్యత్తులో మీరు ఊహించని తీవ్రమైన ఆర్థిక, చట్టపరమైన ఇబ్బందుల్లో పడే ప్రమాదం పొంచి ఉంది. చాలా మందికి ఒక భ్రమ ఉంటుంది. మనం వాట్సాప్‌లో ఒక డాక్యుమెంట్ పంపిస్తే, అవతలి వాళ్ళు చూసి డిలీట్ చేసేస్తారని అనుకుంటాం. కానీ అక్కడే అసలు ప్రమాదం పొంచి ఉంది. మనం వాట్సాప్‌లో పంపిన డాక్యుమెంట్లు కేవలం ఆ అవతలి వ్యక్తి వాట్సాప్ చాట్‌లోనే ఉండిపోవు. అవతలి వ్యక్తి ఆ ఫైల్‌ను తన ఫోన్ గ్యాలరీలోకి, లాప్‌టాప్‌లోకి లేదా కంప్యూటర్‌లోకి డౌన్‌లోడ్ చేసుకుంటాడు. అంతేకాదు, ఆ ఫోన్‌కు సంబంధించిన క్లౌడ్ బ్యాకప్ ఆటోమేటిక్‌గా ఆన్ అయి ఉంటే, మీ పత్రాల కాపీలు ఆటోమేటిక్‌గా క్లౌడ్‌లో సేవ్ అయిపోతాయి. ఒకసారి డాక్యుమెంట్ మీ ఫోన్ దాటి బయటికి వెళ్తే, దానిపై మీ నియంత్రణ పూర్తిగా కోల్పోయినట్టే!

ఇల్లు, ప్లాట్ లేదా వ్యవసాయ భూమి కొనుగోలు చేయడం చాలా మందికి ఒక పెద్ద ఆర్థిక నిర్ణయం. సంవత్సరాల పొదుపు, బ్యాంకు రుణం లేదా కుటుంబ ఆస్తులను ఉపయోగించి స్థిరాస్తిలో పెట్టుబడి పెడతారు. అయితే, ఈ రంగంలో సరైన సమాచారం లేకపోవడాన్ని ఆసరాగా చేసుకుని కొందరు మోసాలకు పాల్పడుతున్నారు. నకిలీ పత్రాల నుంచి ఒకే ఆస్తిని పలువురికి అమ్మడం వరకు వివిధ రకాల మోసాలు జరుగుతుంటాయి. అందువల్ల ఆస్తి కొనుగోలు చేసే ముందు జాగ్రత్తగా పరిశీలించడం అత్యంత ముఖ్యం. కొన్ని రకాల మోసాలను ఇక్కడ చూద్దాం. ఇది స్థిరాస్తిలో సాధారణంగా కనిపించే మోసాల్లో ఒకటి. మోసగాళ్లు నకిలీ రిజిస్ట్రేషన్ పత్రాలు, నకిలీ పట్టాదారు పాస్‌బుక్‌లు, గుర్తింపు పత్రాలు లేదా ఇతర భూ రికార్డులను సృష్టించి ఆస్తిని విక్రయించేందుకు ప్రయత్నించవచ్చు. కొన్నిసార్లు అసలు యజమాని సంతకాన్ని కూడా నకిలీ చేసే అవకాశం ఉంటుంది. అందువల్ల కొనుగోలుదారులు పత్రాలపై మాత్రమే ఆధారపడకుండా, సంబంధిత ప్రభుత్వ రికార్డుల్లో యాజమాన్య వివరాలను స్వతంత్రంగా పరిశీలించాలి. కొన్ని సందర్భాల్లో ఒకే ప్లాట్ లేదా ఫ్లాట్‌ను ఇద్దరు లేదా అంతకంటే ఎక్కువ మంది కొనుగోలుదారులకు విక్రయించే మోసాలు జరుగుతాయి. ముందస్తు బుకింగ్ లేదా అడ్వాన్స్ చెల్లింపుల సమయంలో కొనుగోలుదారులు పూర్తి వివరాలు తెలుసుకోకపోతే ఇలాంటి సమస్యలు ఎదురయ్యే అవకాశం ఉంటుంది. ప్రత్యేకంగా, అభివృద్ధి చెందుతున్న ప్రాంతాల్లో కొత్త లేఅవుట్లు లేదా అపార్ట్‌మెంట్ ప్రాజెక్టుల విషయంలో జాగ్రత్త అవసరం. ఒప్పందం చేసుకునే ముందు ఆ ఆస్తిపై ఇప్పటికే ఇతర హక్కులు, ఒప్పందాలు లేదా రుణాలు ఉన్నాయా అనే విషయాన్ని పరిశీలించాలి. చౌక ధరకు ప్లాట్లు అందిస్తున్నామని చెప్పి అనుమతి లేని లేఅవుట్లను విక్రయించే సంఘటనలు కూడా కనిపిస్తాయి. కొనుగోలు చేసిన తర్వాత అక్కడ ఇల్లు నిర్మించేందుకు అనుమతులు రాకపోవచ్చు లేదా అభివృద్ధి పనులు నిలిచిపోవచ్చు. రోడ్లు, డ్రైనేజీ, నీరు, విద్యుత్ వంటి సౌకర్యాలపై కూడా హామీలు మాత్రమే ఉండి, వాస్తవంగా అవి అందుబాటులో లేకపోవచ్చు

పీఎం-మత్స్య సంపద యోజనలో భారీ అక్రమాలు చేపల చెరువులు తవ్వకుండానే తవ్వినట్లు రికార్డులు రెండేళ్లలో రూ.80 కోట్ల దుర్వినియోగం అక్రమాలను ధ్రువీకరించిన విచారణ బృందం వ్యవహారం బయటికి రాకుండా తొక్కిపెట్టిన వైనం మత్స్యశాఖ డైరెక్టరేట్‌లోని ఓ ఉన్నతాధికారి హస్తం! వరుసగా ఒకే సంస్థకు రొయ్య పిల్లల సరఫరా టెండర్లు హైదరాబాద్‌, ఆగస్టు 21 (ఆంధ్రజ్యోతి): ప్రధాన మంత్రి మత్స్య సంపద యోజన (పీఎం-ఎంఎ్‌సవై) పథకానికి ఎంపికయ్యారు.. చేపల చెరువులు తవ్వారు.. చేపలు పెంచుతున్నామంటూ భారీగా సబ్సిడీలు పొందారు.. కానీ వెళ్లి చూస్తే.. అక్కడ చెరువులూ లేవు.. చేపలూ లేవు.. కేవలం కాగితాలపైనే అన్నీ సృష్టించారు. కొందరు లబ్ధిదారుల పేరిట అధికారులే దండుకున్నారు. కోట్ల రూపాయలు వెనకేసుకున్నారు. గతం లోనే దీనిపై ఫిర్యాదులు రాగా, విచారణ జరిపిన కేంద్రం ఎన్నో అవకతవకలు ఉన్నట్టు తేల్చింది. ఇది జరిగి సుమారు మూడేళ్లయినా నివేదికను బయటపెట్టలేదు. సదరు అక్రమార్కులపై చర్యలు చేపట్టలేదు. అయితే ఈ వ్యవహారంలో రాష్ట్ర మత్స్యశాఖ డైరెక్టరేట్‌లోని ఒక ఉన్నతాధికారి హస్తం ఉన్నట్టు తాజాగా ప్రభుత్వానికి ఫిర్యాదులు అందడంతో.. అక్రమాల వ్యవహారం బయటికి వచ్చింది. రూ.80 కోట్ల మేర దుర్వినియోగం! కేంద్రం దేశవ్యాప్తంగా కొత్త చేపల చెరువుల తవ్వకానికి, చేపల పెంపకాన్ని ప్రోత్సహించేందుకు పీఎం-ఎంఎస్‌వై పథకాన్ని అమలు చేస్తోంది. రెండున్నర ఎకరాల విస్తీర్ణంలో తవ్విన చేపల చెరువును ఒక యూనిట్‌గా తీసుకుంటారు. ఒక్కో యూనిట్‌ విలువ రూ.11 లక్షలుకాగా.. అందులో 60 శాతం సబ్సిడీ కింద అందుతుంది. ఇక కోల్డ్‌ స్టోరేజీలు, బయో యూనిట్ల నిర్మాణానికి రూ.8 లక్షల చొప్పున రుణసాయం అందిస్తారు. ఇందులోనూ రూ. 3.20 లక్షలు సబ్సిడీ అందుతుంది. అయితే రాష్ట్రంలో ఈ పథకంలో భారీగా అక్రమాలు జరిగాయని, రెండేళ్ల వ్యవధిలో రూ.80 కోట్ల నిధులు దుర్వినియోగం అయ్యాయని కేంద్రానికి ఫిర్యాదులు అందాయి. దీనితో కేంద్రం విచారణకు ఆదేశించింది. రాష్ట్ర మత్స్యశాఖ డైరెక్టరేట్‌ నుంచి ఒక సీనియర్‌ అధికారి నేతృత్వంలోని బృందం క్షేత్రస్థాయిలో

దురిశెట్టి ధర్మరాజు జీ తెలుగు న్యూస్ (zee telugu news)లో సబ్ ఎడిటర్‌గా పనిచేస్తున్నారు. ఆయనకు దాదాపు జర్నలిజంలో ఐదు సంవత్సరాల పాటు అనుభవం ఉంది. ఇక్కడ సోషల్, ఆస్ట్రాలజీ, టెక్నాలజీ, ఆటోమొబైల్స్‌, బిజినెస్, జాతీయం అంశాలకు సంబంధించిన తాజా వార్తలతో పాటు విశ్లేషణ పూరితమైన కథనాలను అందిస్తారు. అలాగే ఆయనకు వెబ్‌సైట్‌కు సంబంధించిన వీడియో కంటెంట్‌పై కూడా అవగాహన ఉంది.. Yadadri Bhuvanagiri News: సమాజంలో పేదలకు అండగా ఉండాల్సిన ఓ ప్రజా నాయకుడు కామాంధుడిగా మారిపోయాడు.. ప్రభుత్వ పథకాలను ఆసరాగా చేసుకుని.. ఓ అభాగ్యురాలిపై లైంగిక దాడికి పాల్పడిన అత్యంత అమానవీయ ఘటన యాదాద్రి భువనగిరి జిల్లా ఆత్మకూరు (ఎం) మండలంలో చోటు చేసుకుంది.. ఇందిరమ్మ ఇల్లు ఇప్పిస్తానని నమ్మించి.. ఆపై బ్లాక్ మెయిల్ చేస్తూ.. ఓ మహిళపై కాంగ్రెస్ పార్టీ గ్రామశాఖ అధ్యక్షుడు అత్యాచారానికి ఒడిగట్టిన ఘటన స్థానికంగా తీవ్ర కలకలం రేపుతూ వస్తోంది.. వివరాల్లోకి వెళితే.. ఆత్మకూరు (ఎం) మండలం పుల్లాయగూడెం గ్రామానికి చెందిన కాంగ్రెస్ గ్రామశాఖ అధ్యక్షుడు కన్ను ఓ అమాయక మహిళపై పడిందట.. ఆమెకు ప్రభుత్వ పథకం కింద ఇందిరమ్మ ఇల్లు ఇప్పిస్తానని చాలా రోజుల నుంచి నమ్మించిన్నట్లు సమాచారం.. ఇల్లు మంజూరైన తర్వాత.. ఇంటి నిర్మాణానికి అవసరమైన సిమెంట్ బస్తాలు ఇస్తానని.. ఆశచూపి ఆమెను తన ఇంటికి పిలిపించుకున్నట్లు సమాచారం. ఇంట్లో ఎవరూ లేని సమయం చూసి.. ఆమెపై బలవంతంగా అత్యాచారానికి పాల్పడ్డారట.. ఈ దారుణం ఒక్క రోజుతో ఆగిపోలేదట.. జరిగిన విషయాన్ని బయటపెడితే.. పరువు పోతుందని బెదిరిస్తూ.. గత రెండు నెలలుగా ఆ మహిళపై అఘాయిత్యానికి పాల్పడుతున్నట్లు తెలుస్తోంది.. ఈ క్రమంలో భార్య తీవ్ర మానసిక క్షోభకు గురికావడంతో పాటు ఆమె ప్రవర్తనలో మార్పును గమనించిన భర్త అసలు విషయం ఆరా తీశాడట. ఆతను చేస్తున్న అఘాయిత్యాల గురించి.. భార్య కన్నీరుమున్నీరుగా విలపించడంతో బాధితురాలి భర్త ఈ విషయాన్ని గ్రామ పెద్దల దృష్టికి

వైసీపీ నేత, మాజీ మంత్రి కొడాలి నాని అనుచరుడు చిట్టిల పేరుతో మోసం చేశాడు. వైసీపీ నేతగా చలామణి అవుతున్న మండాది శ్రీనివాసరావు దంపతులు చీటిల ముసుగులో రూ.70 లక్షలు కాజేశారు. గుడివాడ, ఆగస్టు 21: వైసీపీ నేత, మాజీ మంత్రి కొడాలి నాని అనుచరుడు చిట్టిల పేరుతో మోసం చేశాడు. గుడివాడ ఎన్టీఆర్‌ కాలనీకి చెందిన మండాది మహాలక్ష్మి, శ్రీనివాసరావు దంపతులు చీటిల ముసుగులో రూ.70 లక్షలు కాజేశారు. గత 20 ఏళ్లుగా కాలనీలో మత్స్యకార కుటుంబాలకు చెందిన వారితో చీటీలు కట్టించారు. తమకు చెల్లించాల్సిన చీటీ పాటల నగదును చెల్లించకుండా ఎగవేస్తున్నారని గుడివాడ పోలీసులకు జులై 31న బాధితులు కొందరు ఫిర్యాదు చేశారు. ఈ ఘటనకు సంబంధించి పూర్తి సమాచారం కోసం పై వీడియోను వీక్షించండి. సుబ్రహ్మణ్యన్‌ చంద్రశేఖర్‌, ఉస్తాద్‌ బిస్మిల్లా ఖాన్‌ వర్ధంతి.. పవన్ కల్యాణ్ ఘన నివాళులు.. ఎంపీ అవినాశ్ రెడ్డికి షాక్.. ఇళ్లు, కార్యాలయాల్లో ఈడీ సోదాలు

భారత క్రికెట్‌ నియంత్రణ మండలి (బీసీసీఐ) అధ్యక్షుడు మిథున్‌ మన్హాస్‌ వివాదంలో చిక్కుకున్నాడు. జూనియర్‌ స్థాయిలో క్రికెట్‌ సెలక్షన్‌ ఎంపిక సమయంలో అతడు పుట్టిన తేదీని మార్చినట్లుగా ఆరోపణలు వచ్చాయి. ఈ మేరకు జమ్మూ కశ్మీర్‌ క్రికెట్‌ అసోసియేషన్‌ మాజీ సంయుక్త కార్యదర్శి, మాజీ డిప్యూటీ ఎస్పీ సుదర్శన్‌ మెహతా స్థానిక కోర్టులో పిటిషన్‌ వేశారు. ఈ క్రమంలో భారత న్యాయ సంహిత 2023లోని సెక్షన్‌ 175 (3) ప్రకారం.. చీటింగ్‌, ఫ్రాడ్‌, పుట్టిన తేదీ ఫోర్జరీ తదితర ప్రొవిజన్లకు అనుగుణంగా మన్హాస్‌పై నౌబాద్‌ పోలీస్‌ స్టేషన్‌లో ఎఫ్‌ఐఆర్‌ నమోదైంది. పిటిషనర్‌ అందించిన వివరాల ప్రకారం.. మిథున్‌ మన్హాస్‌ జూనియర్‌ లెవల్‌, నేషనల్‌ లెవల్‌లో క్రికెట్‌ ఆడే సమయంలో వేర్వేరు పుట్టిన తేదీలను నమోదు చేశారు. పోలీసులకు కోర్టు ఆదేశాలు సబ్‌ జూనియర్‌, జూనియర్‌ కేటగిరీలలో అర్హత పొందేందుకు ఈ మేరకు అక్రమాలకు పాల్పడ్డాడని పిటిషనర్‌ ఆరోపించారు. ఈ నేపథ్యంలో విచారణ చేపట్టిన స్థానిక కోర్టు సెప్టెంబరు 3లోగా ప్రాథమిక విచారణ పూర్తి చేసి.. నివేదిక సమర్పించాలని పోలీసులను ఆదేశించింది. ఢిల్లీ తరఫున కాగా 45 ఏళ్ల మిథున్‌ మన్హాస్‌ సొంత రాష్ట్రం జమ్మూ కశ్మీర్‌. అయితే, దేశవాళీ క్రికెట్‌లో అతడు ఎక్కువగా ఢిల్లీ జట్టుకు ఆడాడు. కెప్టెన్‌గానూ పనిచేశాడు. ఫస్ట్‌ క్లాస్‌ క్రికెట్‌లో మంచి అనుభవం ఉన్న మిథ/న్‌.. 157 మ్యాచ్‌లు ఆడి 9714 పరుగులు చేశాడు. ఇందులో 27 శతకాలు కూడా ఉన్నాయి. ఇక లిస్ట్‌-ఎ క్రికెట్‌లో 130 మ్యాచ్‌లలో కలిపి మిథున్‌ 4126 పరుగులు సాధించాడు. అదే విధంగా 91 టీ20 మ్యాచ్‌లు ఆడి 1179 పరుగులు రాబట్టాడు. ఐపీఎల్‌లోనూ ఢిల్లీ క్యాపిటల్స్‌, పూణే వారియర్స్‌, చెన్నై సూపర్‌ కింగ్స్‌ తదితర జట్లకు ప్రాతినిథ్యం వహించాడు. కెరీర్‌ చరమాంకంలో మిథున్‌ మన్హాస్‌ 2015లో జమ్మూ కశ్మీర్‌ క్రికెట్‌ సబ్‌ కమిటీ మెంటర్‌గా పనిచేశాడు. ఆ మరుసటి ఏడాది కెరీర్‌కు వీడ్కోలు

Nacharam: నాచారం ఉర్బేన్ నానో కాలేజీలో సైబర్ నేరాలపై అవగాహన నాచారం: నాచారం పోలీస్‌ స్టేషన్‌ పరిధిలోని ఉర్బేన్‌ నానో కాలేజీలో సైబర్‌ అవేర్‌నెస్‌ కార్యక్రమాన్ని నిర్వహించారు. ఎస్‌ఐ మైబెల్లీ, సైబర్‌ క్రైమ్‌ మల్కాజ్‌గిరి ఎస్‌ఐ శ్రీనివాస్‌, సైబర్‌ వారియర్‌ అనిల్‌ ఆధ్వర్యంలో అవగాహన కార్యక్రమాన్ని నిర్వహించారు. ఈ సందర్భంగా విద్యార్థులకు ఓటీపీ మోసాలు, డిజిటల్‌ అరెస్ట్‌ స్కామ్‌లు, హానికరమైన ఏపీకే లింకులు, మ్యాట్రిమోనియల్‌ మోసాలు, సెక్స్టార్షన్‌, ఆన్‌లైన్‌ ఉద్యోగ మోసాలు, లక్కీ డ్రా స్కామ్‌లు, లోన్‌ యాప్‌ మోసాలు, పెట్టుబడి మోసాలపై అవగాహన కల్పించారు. ఆన్‌లైన్‌ లావాదేవీల సమయంలో అప్రమత్తంగా ఉండాలని, గుర్తుతెలియని లింకులను క్లిక్‌ చేయవద్దని, ఓటీపీ, పాస్‌వర్డ్‌లు, బ్యాంకింగ్‌ వివరాలు, ఇతర వ్యక్తిగత రహస్య సమాచారాన్ని ఎవరికీ వెల్లడించవద్దని పోలీసులు విద్యార్థులకు సూచించారు. ఈ కార్యక్రమంలో విద్యార్థులు, కళాశాల ప్రిన్సిపాల్‌, బోధనా సిబ్బంది, పోలీసు సిబ్బంది పాల్గొన్నారు

సోషల్ మీడియాలో కనిపించే ప్రకటనలు ఎంత ప్రమాదకరమో తెలియజేసే ఘటన మధ్యప్రదేశ్‌లో వెలుగుచూసింది. గ్వాలియర్‌కు చెందిన ఓ కుటుంబం ఇన్‌స్టాగ్రామ్‌లో వచ్చిన యాడ్‌ను క్లిక్ చేసి, నిమిషాల వ్యవధిలోనే దాదాపు రూ.98,000 కోల్పోయింది. కేవలం ఒక్క క్లిక్‌తో సైబర్ నేరగాళ్లు వారి బ్యాంకు ఖాతాను ఖాళీ చేశారు.పురానీ ఛావనీ పోలీస్ స్టేషన్ పరిధిలోని రుద్రపుర ప్రాంతంలో ఈ ఘటన జరిగింది. జయ ప్రతాప్ సింగ్ బాథమ్ అనే వ్యక్తి పోలీసులకు ఫిర్యాదు చేశారు. ఆయన తెలిపిన వివరాల ప్రకారం, ఆగస్టు 11న తన భార్య రచన ఇన్‌స్టాగ్రామ్ చూస్తుండగా ఒక ప్రకటన కనిపించింది. దానిపై క్లిక్ చేయగానే ఆమె ఉపయోగించే మోటోరోలా ఫోన్ పూర్తిగా ఫ్రీజ్ అయిపోయింది.ఆ సమయంలో వారు పెద్దగా పట్టించుకోలేదు. కానీ అదే రోజు అర్ధరాత్రి బ్యాంకు నుంచి ఓ ఇన్‌స్టాల్‌మెంట్‌కు సంబంధించిన మెసేజ్ వచ్చింది. ఖాతా బ్యాలెన్స్ చెక్ చేయగా, మైనస్ రూ.2,970 చూపించడంతో వారు షాక్‌కు గురయ్యారు. మరుసటి రోజు బ్యాంకుకు వెళ్లి స్టేట్‌మెంట్ పరిశీలించగా, మూడు వేర్వేరు యూపీఐ లావాదేవీల ద్వారా రూ.70,000, రూ.20,000, రూ.8,000 చొప్పున మొత్తం రూ.98,000 బదిలీ అయినట్లు తేలింది.దీంతో బాధితులు ఆగస్టు 16న పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తును సైబర్ సెల్‌కు అప్పగించారు. సోషల్ మీడియాలో కనిపించే ఇలాంటి హానికరమైన ప్రకటనలు ఫోన్‌లలో మాల్‌వేర్‌ను ఇన్‌స్టాల్ చేస్తాయని, తద్వారా సైబర్ నేరగాళ్లు మనకు తెలియకుండానే యూపీఐ లావాదేవీలు జరుపుతారని నిపుణులు హెచ్చరిస్తున్నారు. తెలియని యాడ్స్‌పై క్లిక్ చేయవద్దని, అనుమానాస్పద

డేటింగ్‌ యాప్స్‌లో కల్పిత అమ్మాయిలు నవ్వించి, కవ్వించి లవ్వంటూ వలేస్తారు న్యూడ్‌ చాటింగ్‌ అంటూ ప్రేరేపిస్తారు అక్కడి నుంచి ఆ వీడియోలతో బ్లాక్‌మెయిల్‌ చేయడం ప్రారంభిస్తారు రోజు రోజుకూ పెరిగిపోతున్న బాధితులు.. అప్రమత్తతే దీనికి మందు రాష్ట్రంలో ఏడాది వ్యవధిలో 569 మంది బాధితులు వారి నుంచి రూ.2.81 కోట్లు కొల్లగొట్టిన సైబర్‌ నేరగాళ్లు బాధితుల్లో 61శాతం మంది 18 నుంచి 35 ఏళ్ల మధ్య వయస్కులే హైదరాబాద్‌ సిటీ: బాగా రీల్స్‌ చూసే అలవాటున్న ఓ యవకుడు ఓ డేటింగ్‌ యాప్‌ ప్రకటన కనబడితే డౌన్‌లోడ్‌ చేసుకొని ఓపెన్‌ చేశాడు. నిమిషాల్లోనే ఓ అమ్మాయి నుంచి మెసేజ్‌ వచ్చింది. సో అండ్‌ సో అంటూ తనను తాను పరిచయం చేసుకుంది. మాటల సందర్భంగా తన సొంతూరు సమీపంలోని టౌనుకు చెందిన పిల్లనే ఆమె అని అతడు తెలుసుకున్నాడు. ఆ టౌనులో ఫలానా మార్కెట్టు.. ఫలానా కూడలి అంటూ సరిగ్గా వివరాలూ చెప్పడం.. పైగా తన ఫోన్‌ నంబరు ఇవ్వాలని అడగడంతో వెనుకాముందు ఆలోచించకుండా ఇచ్చేశాడు. ఆ తర్వాత ఆమెనే చాటింగ్‌ మొదలు పెట్టింది. ఇద్దరూ మెసేజ్‌లు ఇచ్చిపుచ్చుకుంటుండటంతో అతడికి సమయమే తెలిసేది కాదు. ఒకసారి ఆమే చొరవ తీసుకొని.. ‘‘ఎన్నాళ్లిలా మాటలు? ఒకసారి కలుద్దాం’’ అనేసరికి అతడు మురిసిపోయాడు. కలిసేందుకు ఆమె చెప్పిన చోటుకు వెళ్లాడు. అక్కడికి వెళ్లేసరికి ఆమే ఫోన్‌ చేసి.. ‘‘సారీ, మా సమీప బంధువు ఆస్పత్రిలో ఉన్నాడు. అర్జెంటుగా వెళ్లాల్సి వచ్చింది’’ అని దాదాపు ఏడుస్తున్న గొంతుతో చెప్పింది. పైగా ‘‘చికిత్స కోసం ఓ యాభై వేలు కావాలి’’ అని ఆమె అడిగితే అతడు ఆన్‌లైన్‌లో పంపాడు. రెండ్రోజులకు ఆమే ఫోన్‌ చేసి.. ‘‘నీ హెల్ప్‌ మరిచిపోలేను’’ అంటూ డబ్బు పంపినందుకు థ్యాంక్స్‌ చెప్పింది. ఆ రోజు రాత్రి అతడికి వీడియో కాల్‌ చేసి మాటల్లో పెట్టి.. ఒంటిపై ఒక్కో వస్త్రాన్ని తొలగిస్తూ పూర్తిగా నగ్నంగా మారింది. అతడినీ

క్రిప్టోకరెన్సీ పేరుతో భారీ లాభాలు వస్తాయని నమ్మించడం.. సోషల్ మీడియాలో పరిచయం పెంచుకోవడం.. ఆ తర్వాత డీల్ మాట్లాడుకుందామంటూ ఓ ప్రాంతానికి పిలిపించడం.. అక్కడికి వెళ్లాక బెదిరించి చేతిలో ఉన్న డబ్బు గుంజేయడం..! హైదరాబాద్‌లో ఓ ముఠా చేస్తున్న అరాచకాలపై పోలీసులు ప్రత్యేకంగా నిఘా ముఠా సభ్యులను అరెస్టు చేశారు..రూ.7 లక్షలు వసూలు చేసిన కేసులో నలుగురిని పోలీసులు అరెస్ట్ చేయగా, మరో నిందితుడి కోసం గాలిస్తున్నారు. ఫేస్‌బుక్‌లో పరిచయం.. క్రిప్టో పేరుతో వల! బేగంబజార్‌కు చెందిన జె.ఆర్. చౌదరిని నిందితులు సోషల్ మీడియా ద్వారా సంప్రదించారు. క్రిప్టోకరెన్సీ లావాదేవీలు, పెట్టుబడుల పేరుతో ఆయనకు నమ్మకం కలిగించారు. భారీ మొత్తంలో లాభాలు పొందవచ్చని చెప్పి క్రిప్టో డీల్ కోసం కలుద్దామని ప్రత్యేక సమావేశం ఏర్పాటు చేశారు. ఈ క్రమంలో ఆగస్టు 15న బండ్లగూడ పోలీస్ స్టేషన్ పరిధిలోని ఇస్మాయిల్‌నగర్‌కు చౌదరిని పిలిపించినట్లు పోలీసులు తెలిపారు. అక్కడికి వెళ్లిన తర్వాత పరిస్థితి ఒక్కసారిగా మారిపోయింది. నిందితులు బెదిరింపులకు పాల్పడి ఆయన వద్ద నుంచి రూ.7 లక్షల నగదు బలవంతంగా తీసుకున్నట్లు ఫిర్యాదులో పేర్కొన్నారు. బాధితుడి ఫిర్యాదుతో బండ్లగూడ పోలీసులు కేసు నమోదు చేసి దర్యాప్తు ప్రారంభించారు. సాంకేతిక ఆధారాలు, విశ్వసనీయ సమాచారం ఆధారంగా నిందితుల కదలికలపై నిఘా పెట్టారు. ఆగస్టు 17న చాంద్రాయణగుట్టలోని కింగ్స్ స్నూకర్ వద్ద నిందితులు ఉన్నట్లు సమాచారం రావడంతో ప్రత్యేక పోలీస్ బృందం అక్కడికి చేరుకుని నలుగురినీ అరెస్టు చేశారు. ఫిట్‌నెస్ ట్రైనర్ నుంచి విద్యార్థుల వరకు.. అరెస్టయిన వారిని కాంచన్‌బాగ్‌కు చెందిన ఫిట్‌నెస్ ట్రైనర్ సబేర్ బిన్ అహ్మద్ హద్రానీ అలియాస్ సైఫ్ (A-1), కర్వాన్‌కు చెందిన విద్యార్థి మహమ్మద్ అబుల్ సలామ్ (A-2), రాజేంద్రనగర్‌కు చెందిన విద్యార్థి మహమ్మద్ అనస్ (A-3), పహాడీషరీఫ్‌కు చెందిన డ్రైవర్ *మహమ్మద్ ఆసిఫ్ (A-4)*గా పోలీసులు గుర్తించారు. ఈ కేసులో A-5గా పేర్కొన్న మరో ఆసిఫ్ పరారీలో ఉన్నట్లు పోలీసులు తెలిపారు. అతడి

కొద్దిపాటి డబ్బుకు ఆశపడి సైబర్ మోసగాళ్లకు తమ బ్యాంకు ఖాతాలను అద్దెకిచ్చిన ముగ్గురు యువకులను పాట్నా పోలీసులు అరెస్ట్ చేశారు. ఈ ఖాతాల ద్వారా సుమారు రూ.25 కోట్ల విలువైన లావాదేవీలు జరిగినట్లు గుర్తించారు. ఈ ఘటన సైబర్ నేరాల్లో కొత్త తరహా మోసాలను వెలుగులోకి తెచ్చింది.వివరాల్లోకి వెళితే.. ప్రభాకర్, అమిత్, దీపక్ అనే ముగ్గురు యువకులు సైబర్ మోసగాళ్లతో చేతులు కలిపారు. నిందితుల్లో ఇద్దరు ర్యాపిడో బైక్-ట్యాక్సీ రైడర్లుగా పనిచేస్తుండగా, మరొకరు ఇదే తరహా నెట్‌వర్క్‌లో పనిచేస్తున్నాడు. మోసగాళ్లు దొంగిలించిన డబ్బును వీరి ఖాతాల్లోకి జమ చేసి, అక్కడి నుంచి వేరే ఖాతాలకు బదిలీ చేసేవారు. ఇలా జరిగిన ఒక్కో లావాదేవీకి వీరికి రూ.3,000 నుంచి రూ.5,000 వరకు కమీషన్ అందేది.ఈ వ్యవహారంపై దేశంలోని పలు రాష్ట్రాల నుంచి బాధితులు నేషనల్ సైబర్ క్రైమ్ రిపోర్టింగ్ పోర్టల్ (ఎన్‌సీఆర్‌పీ)లో ఫిర్యాదు చేయడంతో పోలీసులు దర్యాప్తు చేపట్టారు. పాట్నా సైబర్ పోలీస్ స్టేషన్ ఇన్‌ఛార్జ్ డీఎస్పీ సంగీతా కుమారి నేతృత్వంలో దర్యాప్తు జరిపి నిందితులను గుర్తించారు. ఇద్దరిని పాట్నాలో, మూడో వ్యక్తిని బీహార్‌లోని బక్సర్ జిల్లాలో అరెస్ట్ చేసినట్లు ఆమె తెలిపారు.ఈ లావాదేవీల వెనుక ఉన్న అంతర్రాష్ట్ర సైబర్ క్రైమ్ ముఠాను గుర్తించేందుకు పోలీసులు ప్రయత్నిస్తున్నారు. ఈ ముఠాకు ఇంకా ఎవరెవరు తమ బ్యాంకు ఖాతాలను అద్దెకు ఇచ్చారనే కోణంలో కూడా విచారణ జరుపుతున్నారు

3 కేసుల్లో 33.98 లక్షలు లూటీ.. నిర్మలా సీతారామన్‌ పేరుతో ఏఐ ప్రకటన హైదరాబాద్‌ సిటీ: హైదరాబాద్‌ సిటీ కమిషనరేట్‌ పరిధిలో సోమవారం ఒక్కరోజే సైబర్‌ నేరగాళ్లు రూ. 33.98 లక్షలు కొల్లగొట్టారు. బాధితుల్లో ఇద్దరు రిటైర్డ్‌ ప్రభుత్వ ఉద్యోగులు ఉండగా.. ఒక దినసరి కూలీ ఉన్నట్లు పోలీసులు గుర్తించారు. సిటీ సైబర్‌ క్రైమ్‌ పోలీసులు కేసు నమోదు చేసి దర్యాప్తు చేస్తున్నారు. కేంద్ర మంత్రి వాయిస్‏తో... కేంద్ర ఆర్థిక శాఖ మంత్రి నిర్మలా సీతారామన్‌ వాయి్‌సతో.. ఏఐ (ఆర్టిఫీషియల్‌ ఇంటలీజెన్స్‌) వీడియోను తయారు చేసిన సైబర్‌ నేరగాళ్లు ఆన్‌లైన్‌ వ్యాపారాల్లో పెట్టుబడులు పెడితే అధిక లాభాలంటూ బురిడీ కొట్టించారు. నగరానికి చెందిన 80 ఏళ్ల రిటైర్డ్‌ అసిస్టెంట్‌ కమాండెంట్‌ (సీఆర్‌పీఎఫ్‌) నుంచి రూ.3.85 లక్షలు దోచేశారు. ఒక గుర్తుతెలియని వ్యక్తి ఫోన్‌ చేసి ఇన్వెస్టిమెంట్‌ ప్లాన్స్‌, అధిక లాభాల గురించి వివరించాడు. పెట్టుబడి పెట్టడానికి సమ్మతించడంతో ఆధార్‌, పాన్‌, బ్యాంకు డిటెయిల్స్‌ తీసుకొని రిజిస్టర్‌ చేశారు. తర్వాత ప్రారంభంలో రూ.20వేలు మాత్రమే పెట్టుబడి పెట్టించి మంచి లాభాలు వచ్చినట్లు డాలర్స్‌లో (యూఎ్‌సడీ) చూపించారు. ప్రారంభంలో మంచి లాభాలు అందుకున్న బాధితుడిని మెల్లగా ఇన్వెస్ట్‌ మెంట్‌ ఊబిలోకి దింపారు. విడతల వారీగా పెట్టుబడులు పెట్టించి రూ.3.85 లక్షలు దోచేశారు. ఏపీకే ఫైల్స్‌తో రూ.30 లక్షలు.. ఏపీకే ఫైల్స్‌ పంపి.. వాటిని క్లిక్‌ చేయగానే ఫోన్‌ హ్యాక్‌ చేస్తున్న సైబర్‌ క్రిమినల్స్‌.. నగరంలో ఒక రిటైర్డ్‌ ప్రభుత్వ ఉద్యోగి, మరో దినసరి కూలీ నుంచి రూ. 30 లక్షలు దోచేశారు. బుద్వేల్‌కు చెందిన 63 ఏళ్ల రిటైర్డ్‌ ఉద్యోగి యూనియన్‌ బ్యాంక్‌ ఆఫ్‌ ఇండియా పేరుతో ఏపీకే ఫైల్‌ మెసేజ్‌ వచ్చింది. మీరు ఖాతాకు కేవైసీ అప్‌డేట్‌ చేయలేదని అందుకే ఖాతాను బ్లాక్‌ చేస్తున్నట్లు అందులో ఉంది. వెంటనే అప్‌డేట్‌ కోసం లింకును డౌన్‌లోడ్‌ చేసుకోవాలని చెప్పడంతో బాధితుడు ఆ ఫైల్‌ను ఇన్‌స్టాల్‌ చేశాడు. అంతే

"మీ పాన్, ఆధార్, లేటెస్ట్ బ్యాంక్ స్టేట్‌మెంట్ వాట్సాప్ చేయండి" ఈ మాట మనకు తరచుగా వినిపిస్తూనే ఉంటుంది. లోన్ ఏజెంట్, ప్రాపర్టీ బ్రోకర్ లేదా హోటల్ రిసెప్షనిస్ట్ వెరిఫికేషన్ కోసం అడిగినప్పుడు, మనం ఏమాత్రం ఆలోచించకుండా మన కీలక పత్రాలను పంపేస్తాం. కానీ, ఈ చిన్నపాటి నిర్లక్ష్యం మన అత్యంత సున్నితమైన వ్యక్తిగత, ఆర్థిక సమాచారాన్ని తీవ్రమైన ప్రమాదంలోకి నెడుతోందని నిపుణులు హెచ్చరిస్తున్నారు.సమస్య ఎక్కడ మొదలవుతుంది?మీరు వాట్సాప్‌లో డాక్యుమెంట్లు పంపినప్పుడు, అవి కేవలం అవతలి వ్యక్తికి చేరడమే కాదు, వారి వ్యక్తిగత ఫోన్, ల్యాప్‌టాప్ లేదా క్లౌడ్ బ్యాకప్‌లో శాశ్వతంగా నిల్వ ఉండిపోతాయి. ఇక్కడే అసలు సమస్య మొదలవుతుంది. అవతలి వ్యక్తి ఉద్దేశపూర్వకంగా దుర్వినియోగం చేయకపోయినా, వారి డివైజ్ భవిష్యత్తులో హ్యాకింగ్‌కు గురైతే లేదా వారి అకౌంట్ పాస్‌వర్డ్ చోరీకి గురైతే, మీ డాక్యుమెంట్లు నేరగాళ్ల చేతికి చిక్కుతాయి. ఒక్కసారి పంపిన సమాచారంపై మన నియంత్రణ పూర్తిగా పోతుంది."ప్రజలు తమ డాక్యుమెంట్లను ఒక కంపెనీకి లేదా హోటల్‌కు పంపుతున్నామని అనుకుంటారు. కానీ వాస్తవానికి, వారు ఒక వ్యక్తిగత ఫోన్‌కు పంపి, తమ డేటాపై పూర్తి నియంత్రణ కోల్పోతున్నారు" అని డిజిటల్ ట్రస్ట్ ప్లాట్‌ఫామ్ 'డిజియో' సహ వ్యవస్థాపకుడు, సీఈఓ అభినవ్ పరాశర్ వివరించారు.ఆర్థిక మోసాలకు ఆస్కారంముఖ్యంగా ఆర్థిక రంగంలో పనిచేసే డైరెక్ట్ సెల్లింగ్ ఏజెంట్లు (డీఎస్ఏలు) కస్టమర్ల నుంచి కేవైసీ పత్రాలను తమ వ్యక్తిగత ఫోన్ నంబర్ల ద్వారా సేకరిస్తుంటారు. ఇది చాలా ప్రమాదకరం. ఇలా చేయడం వల్ల ఆ సమాచారం కంపెనీ సైబర్ భద్రతా

Hyderabad: నకిలీ లక్ష్మీదేవి విగ్రహం విక్రయ యత్నం ఆరుగురి అరెస్ట్ ఈ వార్తకు సంబంధించిన

గుడివాడ ఎన్టీఆర్ కాలనీలో చిట్టీల పేరుతో సుమారు రూ.70 లక్షల మేర మోసం జరిగినట్లు ఆరోపణలు వస్తున్నాయి. ఈ సంఘటన స్థానికంగా కలకలం రేపుతోంది. కృష్ణాజిల్లా, ఆగస్టు 16 (ఆంధ్రజ్యోతి): గుడివాడ ఎన్టీఆర్ కాలనీలో చిట్టీల పేరుతో సుమారు రూ.70 లక్షల మేర మోసం జరిగినట్లు ఆరోపణలు వస్తున్నాయి. ఈ సంఘటన స్థానికంగా కలకలం రేపుతోంది. గత 20 ఏళ్లుగా చిట్టీలు నిర్వహిస్తున్న దంపతులు.. పేదలు కష్టపడి దాచుకున్న డబ్బులను ఎగ్గొట్టి ఇల్లు ఖాళీ చేసి పారిపోయేందుకు ప్రయత్నించారని బాధితులు ఆరోపిస్తున్నారు. ఈ క్రమంలో వారిని బాధితులు పట్టుకుని పోలీసులకు అప్పగించారు. రోడ్డు పక్కన చేపలు అమ్ముకునే వారు, ఇళ్లలో పనిచేసే వారు, ఇతర రోజువారీ కూలీలు, పేద కుటుంబాలే ఈ చిట్టీలకు ప్రధానంగా డబ్బులు చెల్లించినట్లు బాధితులు చెబుతున్నారు. ఎన్నో ఏళ్లుగా నమ్మకంగా చిట్టీలు నిర్వహిస్తూ తమ నుంచి డబ్బులు వసూలు చేశారని, ఇప్పుడు చిట్టీ డబ్బులు తిరిగి ఇవ్వకుండా తప్పించుకునే ప్రయత్నం చేశారని ఆరోపించారు. చిట్టీ డబ్బులు అడిగిన సమయంలో నిర్వాహకుల కుటుంబ సభ్యులు తమతో గొడవకు దిగేవారని బాధితులు తెలిపారు. తమకు జరిగిన మోసంపై సుమారు 15 రోజుల క్రితమే గుడివాడ వన్‌టౌన్ పోలీస్ స్టేషన్‌లో ఫిర్యాదు చేసినట్లు చెప్పారు. అయినప్పటికీ సమస్య పరిష్కారం కాకపోవడంతో తాజాగా నిర్వాహకులు ఇల్లు ఖాళీ చేసి వెళ్లేందుకు ప్రయత్నించిన సమయంలో వారిని అడ్డుకున్నామని బాధితులు తెలిపారు. తమ వద్ద నుంచి సేకరించిన చిట్టీ డబ్బులతో శ్రీకాకుళం, విజయనగరం ప్రాంతాల్లో ఆస్తులు కొనుగోలు చేసినట్లు సమాచారం ఉందని బాధితులు ఆరోపిస్తున్నారు. అయితే ఈ ఆరోపణలకు సంబంధించిన పూర్తి వివరాలు పోలీసుల దర్యాప్తులో తేలాల్సి ఉంది. చిట్టీల పేరుతో పేదల నుంచి భారీ మొత్తంలో డబ్బులు సేకరించి మోసం చేశారనే ఆరోపణలపై పోలీసులు దర్యాప్తు చేపట్టాల్సి ఉంది. తమ డబ్బులు తిరిగి ఇప్పించాలని బాధితులు కోరుతున్నారు. దమ్ముంటే వైసీపీ ఎమ్మెల్యేలు అసెంబ్లీకి రావాలి: యరపతినేని ‘నిబంధనల

UPI Payment Alert : డిజిటల్‌ చెల్లింపులు మన రోజువారీ జీవితంలో భాగమైపోయాయి. చిన్న మొత్తాల నుంచి పెద్ద చెల్లింపుల వరకు ఇప్పుడు ఎక్కువగా యూపీఏ ద్వారానే లావాదేవీలు చేస్తున్నాం. అయితే, యూపీఏలో వేగంగా చెల్లింపు పూర్తవడం ఎంత సౌకర్యమో.. అదే సమయంలో పొరపాటున తప్పుడు వ్యక్తికి డబ్బులు పంపితే అంతే టెన్షన్‌ కూడా ఉంటుంది. తప్పు యూపీఏ ఐడీ, మొబైల్‌ నంబర్‌ లేదా కాంటాక్ట్‌ను ఎంపిక చేయడం వల్ల డబ్బు వేరొకరి ఖాతాలోకి వెళ్లిపోవచ్చు. అయితే, పొరపాటున తప్పు వ్యక్తికి యూపీఐ ద్వారా డబ్బు పంపినంత మాత్రాన ఆ మొత్తం పూర్తిగా పోయినట్లే కాదు. కొన్ని సందర్భాల్లో ఫిర్యాదు చేసి డబ్బును తిరిగి పొందేందుకు ప్రయత్నించవచ్చు. భారత దేశంలో డిజిటల్‌ చెల్లింపుల వినియోగం రోజురోజుకూ పెరుగుతోంది. ఈ ఏడాది జూలై నెలలో యూపీఐ లావాదేవీల పరిమాణం 4.1 శాతం, విలువ 3.3శాతం పెరిగాయి. ఎప్పుడూ లేనివిధంగా 29.88 ట్రిలియన్ల విలువైన లావాదేవీలు జరిగాయి. ఇంత భారీ స్థాయిలో లావాదేవీలు జరుగుతున్న నేపథ్యంలో.. పొరపాటున తప్పు వ్యక్తికి డబ్బు పంపే ఘటనలు కూడా ఎదురవుతున్నాయి. తప్పు యూపీఐ ఐడీకి డబ్బులు పంపితే ఏం చేయాలి? పొరపాటున వేరే వ్యక్తికి డబ్బు పంపినట్లు గుర్తించిన వెంటనే ఆందోళన చెందకుండా వీలైనంత త్వరగా ఫిర్యాదు చేయాలి. అందుకోసం ముందుగా మీరు.. UPI యాప్‌లో Help ఆప్షన్‌ చూడండి. మీరు చెల్లింపు చేసిన యూపీఐ యాప్‌ను ఓపెన్‌ చేసి Help / Support ఆప్షన్‌ను ఎంచుకోవాలి. మీ సమస్యను అక్కడ ఉన్న చాట్‌ అసిస్టెంట్‌ లేదా ఫిర్యాదు విభాగంలో నమోదు చేయాలి. సంబంధిత లావాదేవీ వివరాలను యాప్‌ చూపించినప్పుడు.. తప్పుగా జరిగిన ట్రాన్సాక్షన్‌ను ఎంపిక చేసుకోవాలి. లావాదేవీని రిపోర్టు చేయండి.. తప్పుగా జరిగిన లావాదేవీని ఎంచుకున్న తర్వాత.. అందుబాటులో ఉన్న Report / Raise Complaint ఆప్షన్‌ ద్వారా ఫిర్యాదు నమోదు చేయాలి. ఫిర్యాదు చేసిన తర్వాత వచ్చే

జగిత్యాల జిల్లాలో సైబర్ మోసం కలకలం రేపుతోంది. స్నేహితుడి నంబర్‌తో వచ్చిన ఓ మెస్సేజ్‌ను ఓపెన్ చేసిన వెంటనే దాదాపు నాలుగు లక్షల నగదు మాయమవడం సంచలనం సృష్టిస్తోంది. జగిత్యాల, ఆగస్టు 15: జిల్లాలో సైబర్ మోసం కలకలం రేపుతోంది. స్నేహితుడి నంబర్‌తో వచ్చిన ఓ మెస్సేజ్‌ను ఓపెన్ చేసిన వెంటనే దాదాపు నాలుగు లక్షల నగదు మాయమవడం సంచలనం సృష్టిస్తోంది. అశోక్ అనే వ్యక్తి వాట్సాప్‌‌కు APK ఈ-చలాన్ మెసేజ్ వచ్చింది. స్నేహితుడి నంబర్ నుంచి రావడంతో ఆ లింక్‌ను ఓపెన్ చేశాడు బాధితుడు. ఆ వెంటనే అతడి బ్యాంక్ ఖాతా నుంచి నగదు బదిలీ అయ్యింది. రెండుసార్లు దాదాపు రూ.4.15 లక్షలను కేటుగాళ్లు దోచేశారు. ఒకసారి రూ.3.99 లక్షలు, మరోసారి రూ.15వేల చొప్పున సైబర్ నేరగాళ్లు కాజేశారు. లింక్ ఓపెన్ చేసిన వెంటనే ఖాతా నుంచి డబ్బులు మాయమవడంతో బాధితుడు షాక్‌కు గురయ్యాడు. వెంటనే సైబర్ క్రైమ్ పోలీసులను ఆశ్రయించాడు. అశోక్ ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. APK లింకులు, అనుమానాస్పద మెసేజ్‌లపై అప్రమత్తంగా ఉండాలని పోలీసులు సూచిస్తున్నారు. తెలంగాణలో సంక్షేమమే మా ప్రభుత్వ లక్ష్యం: సీఎం రేవంత్ రెడ్డి నెలాఖరులోగా మారేళ్లపాడు ఎత్తిపోతల పథకం పూర్తి: మంత్రి తుమ్మల నాగేశ్వరరావు

అక్రమ మార్గంలో అమెరికా వెళ్లాలన్న ప్రయత్నం ఒక పంజాబీ యువకుడి జీవితాన్ని ఛిన్నాభిన్నం చేసింది. ఏజెంట్లను నమ్మి 'డంకీ రూట్'ను ఎంచుకొని తీవ్రంగా మోసపోయానని, దయచేసి ఎవరూ ఈ తప్పు చేయవద్దంటూ అతడు కన్నీటి పర్యంతమవుతూ విడుదల చేసిన వీడియో ప్రస్తుతం సామాజిక మాధ్యమాల్లో వైరల్‌గా మారింది.సదరు వీడియోలో ఒక సిక్కు యువకుడు మెక్సికోలోని ఓ గదిలో మంచంపై పడుకుని విలపిస్తూ కనిపించాడు. ఏజెంట్లు తనను మోసం చేశారని, వారి నుంచి తప్పించుకోవడానికి ప్రయత్నించగా తనపై అమానుషంగా దాడి చేశారని అతడు వాపోయాడు. ఈ దాడిలో తీవ్రంగా గాయపడటంతో కనీసం నడవలేని స్థితికి చేరుకున్నానని ఆవేదన వ్యక్తం చేశాడు. "నేను చేసిన తప్పును దయచేసి ఎవరూ చేయకండి.. ఈ మార్గంలో ఇక్కడికి రావద్దు" అంటూ అతడు పదేపదే విజ్ఞప్తి చేయడం చూపరులను కలచివేస్తోంది.అమెరికా, కెనడా, యూకే వంటి అభివృద్ధి చెందిన దేశాలకు సరైన వీసాలు లేకుండా అక్రమంగా వలస వెళ్లే నెట్‌వర్క్‌ను 'డంకీ రూట్' అని పిలుస్తారు. నిరుద్యోగుల నుంచి భారీ మొత్తంలో నగదు వసూలు చేసే ఏజెంట్లు, నకిలీ పత్రాలను సృష్టించి పలు దేశాల మీదుగా అత్యంత ప్రమాదకర పరిస్థితుల్లో వారిని తరలిస్తుంటారు. ఈ క్రమంలో ఎందరో ప్రాణాపాయ స్థితిలోకి వెళ్లడం లేదా ఏజెంట్ల చేతిలో మోసపోవడం నిత్యకృత్యంగా మారింది.ఆగస్టు 13-14 తేదీల మధ్య సామాజిక మాధ్యమాల్లో ప్రత్యక్షమైన ఈ వీడియో, మెరుగైన జీవితం కోసం విదేశాలకు వెళ్లాలనుకునే వారికి ఒక హెచ్చరికగా నిలుస్తోంది. ఏజెంట్ల తప్పుడు వాగ్దానాలను నమ్మితే ఎలాంటి పెను ప్రమాదాలు పొంచి

సురక్ష కా తిరంగా సైబర్ అవేర్‌నెస్ కార్యక్రమాన్ని తెలంగాణ ప్రభుత్వం ఈరోజు (శుక్రవారం) నిర్వహించింది. తెలంగాణ సైబర్ సెక్యూరిటీ బ్యూరో ఆధ్వర్యంలో ఈ అవగాహన కార్యక్రమం జరిగింది. హైదరాబాద్, ఆగస్టు 14 (ఆంధ్రజ్యోతి): సురక్ష కా తిరంగా సైబర్ అవేర్‌నెస్ కార్యక్రమాన్ని తెలంగాణ ప్రభుత్వం ఈరోజు (శుక్రవారం) నిర్వహించింది. తెలంగాణ సైబర్ సెక్యూరిటీ బ్యూరో ఆధ్వర్యంలో ఈ అవగాహన కార్యక్రమం జరిగింది. ఈ ప్రోగ్రాంకు ముఖ్య అతిథిగా ప్రముఖ నటుడు అక్కినేని నాగార్జున (Akkineni Nagarjuna) హాజరయ్యారు. స్వాతంత్య్ర దినోత్సవాన్ని పురస్కరించుకుని ప్రత్యేక సైబర్ అవేర్‌నెస్ క్యాంపెయిన్‌ను చేపట్టింది. తెలంగాణ వ్యాప్తంగా SPARK క్లబ్ విద్యార్థుల ప్రతినిధులు హాజరయ్యారు. రిటైర్డ్ ఎంప్లాయీస్ అసోసియేషన్ ప్రతినిధులతో కలిసి ఈ కార్యక్రమం నిర్వహించింది. సైబర్ నేరాలపై ప్రజల్లో అవగాహన కల్పించడమే ఈ కార్యక్రమ లక్ష్యమని అధికారులు తెలిపారు. బాధ్యతాయుతమైన డిజిటల్ పౌరసత్వంపై అవగాహన కల్పిస్తున్నట్లు తెలిపారు. సైబర్ మోసాల పట్ల అప్రమత్తంగా ఉండాలని సూచించారు. ‘Stay Alert , Stay Aware, Stay Safe & Secure’ నినాదంతో ఈ అవగాహన కార్యక్రమం నిర్వహిస్తున్నట్లు అధికారులు పేర్కొన్నారు. ఈసీఐ పేరుతో ఓటర్లకు మోసపూరిత సందేశాలు: సీఈవో సుదర్శన్ రెడ్డి ఢిల్లీ పేలుళ్ల వెనుక అల్‌ఖైదా కుట్ర.. యూఎన్ నివేదికలో కీలక విషయాలు జగన్ హయాంలో అదనపు నీటిని ఏపీ తరలిస్తుంటే బీఆర్ఎస్ నేతలు ఎందుకు ప్రశ్నించలేదు: యెన్నెం శ్రీనివాస్ రెడ్డి

డిజిటల్ యుగంలో స్మార్ట్‌ఫోన్ ఉన్న ప్రతి ఒక్కరి జీవితం యూపీఐతో ముడిపడిపోయింది. కూరగాయల షాపు నుంచి పెద్ద పెద్ద షాపింగ్ మాల్స్ వరకు ప్రతీచోట ఒక్క క్లిక్‌తో క్షణాల్లో డబ్బులు పంపేస్తున్నాం. అయితే, ఇదే వేగం ఒక్కోసారి పెద్ద చిక్కు తెచ్చిపెడుతుంది. తొందరపాటులోనో లేదా ఒక అక్షరం, అంకె తప్పుగా నొక్కడం వల్లనో మన డబ్బులు వేరే వ్యక్తి ఖాతాలోకి వెళ్లిపోతుంటాయి. అలాంటప్పుడు గుండెల్లో రైళ్లు పరిగెత్తడం సహజం. అయితే, యూపీఐ ద్వారా పొరపాటున ట్రాన్స్‌ఫర్ అయిన డబ్బును నేరుగా క్యాన్సిల్ చేసే ఆప్షన్ యాప్‌లలో లేకపోయినప్పటికీ.. సరైన సమయంలో స్పందిస్తే మన సొమ్మును తిరిగి పొందడం ఖచ్చితంగా సాధ్యమే.ముందుగా మీరు చేయాల్సిన పనులు ఇవే!పొరపాటు జరిగిందని గుర్తించిన మరుక్షణమే ఏమాత్రం ఆలస్యం చేయకుండా చర్యలు ప్రారంభించాలి. మీరు చేసిన లావాదేవీకి సంబంధించిన అన్ని వివరాలను సురక్షితంగా ఉంచుకోవాలి. ముఖ్యంగా ట్రాన్సాక్షన్ ఐడీ, యూటీఆర్ నంబరు, ఎంత మొత్తం పంపారు, ఏ తేదీన, ఏ సమయానికి పంపారనే వివరాలు చాలా కీలకం. ముందుగా మీరు వాడిన యూపీఐ యాప్ (గూగుల్ పే, ఫోన్ పే, పేటీఎం మొదలైనవి)లోనే సదరు లావాదేవీని ఎంచుకుని రైజ్ డిస్ప్యూట్ లేదా హెల్ప్ అండ్ సపోర్ట్ ద్వారా ఫిర్యాదు నమోదు చేయాలి. దానితో పాటు వెంటనే మీ బ్యాంకు కస్టమర్ కేర్‌కు ఫోన్ చేసి, తప్పుగా వేరే వ్యక్తికి నగదు వెళ్లినట్లు సమాచారం అందించాలి.బ్యాంకులు డబ్బులు వెనక్కి తెప్పిస్తాయా?ఒక్కసారి ట్రాన్సాక్షన్ పూర్తయ్యాక, మీ బ్యాంకు నేరుగా అవతలి వ్యక్తి ఖాతా నుంచి డబ్బులు లాగేసుకోలేదు. కానీ, మీ బ్యాంకు అధికారులు అవతలి వ్యక్తి ఉన్న బ్యాంకు అధికారులతో మాట్లాడి రికవరీ ప్రక్రియను ప్రారంభిస్తారు. ఇక్కడ సమయమే అత్యంత ముఖ్యం! పొరపాటు జరిగిన కొన్ని గంటల వ్యవధిలోనే మీరు ఫిర్యాదు చేస్తే డబ్బు తిరిగి వచ్చే అవకాశాలు చాలా ఎక్కువగా ఉంటాయి. ఒకవేళ పొరపాటున నగదు పొందిన వ్యక్తి మంచి మనసుతో

డిజిటల్ టెక్నాలజీ వేగంగా అభివృద్ధి చెందడంతో, ఆన్‌లైన్ లావాదేవీలు మన దైనందిన జీవితంలో ఒక అంతర్భాగంగా మారాయి. ఆన్‌లైన్‌లో షాపింగ్ చేయడం, నిధులను బదిలీ చేయడం లేదా వ్యాపారం చేయడం వంటి ఏ విషయంలోనైనా, డిజిటల్ లావాదేవీల సౌలభ్యం మనం ఆర్థిక కార్యకలాపాలు నిర్వహించే విధానంలో విప్లవాత్మక మార్పులు తెచ్చింది. ఆన్‌లైన్ లావాదేవీలలో మోసాలను నివారించడానికి డిజిటల్ సంతకాలు ఒక శక్తివంతమైన సాధనంగా ఆవిర్భవించాయి. ఎలక్ట్రానిక్ పత్రాల ప్రామాణికతను ధ్రువీకరించడానికి, సంతకం చేసేవారి గుర్తింపును నిర్ధారించడానికి సురక్షితమైన, ట్యాంపర్-ప్రూఫ్ పద్ధతిని అందించడం ద్వారా, ఆన్‌లైన్ లావాదేవీల భద్రత, విశ్వసనీయతను పెంచడంలో డిజిటల్ సంతకాలు కీలక పాత్ర పోషిస్తున్నాయి. ఆన్‌లైన్ లావాదేవీల్లో మోసాలను నివారించడానికి ఇవి ఎలా దోహదపడుతున్నాయో తెలుసుకుందాం. డిజిటల్‌ సంతకమనేది ఒక డిజిటల్‌ పత్రం లేదా సందేశానికి సంబంధించిన సమగ్రతను, ప్రామాణికతను ధ్రువీకరించడానికి ఉపయోగించే ఒక క్రిప్టోగ్రాఫిక్‌ పద్ధతి. ఒక వ్యక్తికి సంబంధించిన గుర్తింపును చేతితో రాసి తెలిపే సంప్రదాయ సంతకానికి భిన్నంగా, క్రిప్టోగ్రాఫిక్‌ కీలను ఉపయోగించి రూపొందించిన ఒక గణిత అల్గారిథమే డిజిటల్‌ సంతకం. సంతకం చేసే వ్యక్తికి సంబంధించిన ప్రైవేట్ కీతో పాటు, సంతకం చేస్తున్న పత్రం లేదా సందేశంలోని విషయానికి ఒక గణిత ఫంక్షన్‌ను వర్తింపజేయడం ద్వారా డిజిటల్ సంతకాలు సృష్టిస్తారు. ఆదాయపు పన్ను రిటర్నులను దాఖలు చేయడానికి, కార్పొరేట్ వ్యవహారాల మంత్రిత్వ శాఖకు సమర్పణలు చేయడానికి లేదా ఇ-టెండర్లలో పాల్గొనడానికి, అద్దె ఒప్పందాలు, ఉద్యోగ ఒప్పందాలు వంటి వ్యక్తిగత చట్టపరమైన పత్రాల కోసం డిజిటల్ సంతకాలను ఉపయోగించవచ్చు. పూర్తిగా ఎలక్ట్రానిక్ రూపంలో రూపొందించి, ప్రాసెస్ చేసిన పత్రాలకు ఇ-సంతకాలు ఉత్తమంగా సరిపోతాయి. ఇవి వేగం, భద్రత, చట్టపరమైన చెల్లుబాటును నిర్ధారిస్తాయి. వీలునామాలు, రిజిస్ట్రేషన్, భౌతిక సంతకాలు అవసరమయ్యే సేల్ డీడ్, గిఫ్ట్ డీడ్ వంటి కొన్ని ఆస్తి పత్రాలు, పవర్ ఆఫ్ అటార్నీ, ట్రస్ట్ డీడ్‌లు లాంటి వాటిలో వీటిని అంగీకరించరు. ఇంకా, కోర్టులు కేవలం క్రిప్టోగ్రాఫిక్

మైక్రోసాఫ్ట్ సహ వ్యవస్థాపకుడు, ప్రపంచ కుబేరుల్లో ఒకరైన బిల్ గేట్స్ కుమార్తె ఫోబీ గేట్స్‌కు చెందిన‌ షాపింగ్ స్టార్టప్ ‘ఫియా’ (Phia) తీవ్రమైన ఆరోపణలతో వివాదంలో చిక్కుకుంది. ‘కుకీ స్టఫింగ్’ అనే మోసపూరిత టెక్నిక్‌ను ఉపయోగించి అక్రమంగా ఆదాయం పొందిందనే ఆరోపణలు వెల్లువెత్తుతున్నాయి. అమెరికాలో ఈ తరహా చర్యలను తీవ్రమైన ‘ఫెడరల్ వైర్ ఫ్రాడ్’గా పరిగణిస్తారు. ఒకవేళ నేరం రుజువైతే గరిష్ఠంగా 20 ఏళ్ల వరకు జైలు శిక్ష పడే అవకాశం ఉంటుంది. అయితే, ఇప్పటివరకు ఈ కేసులో ఎలాంటి అధికారిక అభియోగాలు నమోదు కాలేదు.అసలేమిటీ ‘కూకీ స్టఫింగ్’?వినియోగదారులు ఒక వెబ్‌సైట్‌ను సందర్శించినప్పుడు, వారు ఆ సంస్థ అందించే కూపన్లు లేదా ఇతర సేవలను వాడకపోయినా సరే, వారి బ్రౌజర్‌లో బలవంతంగా ట్రాకింగ్ కుకీలను చొప్పించడాన్ని ‘కుకీ స్టఫింగ్’ అంటారు. దీనివల్ల ఆ తర్వాత యూజర్ ఏదైనా కొనుగోలు చేస్తే, ఆ అమ్మకానికి తామే కారణమని చెప్పి ఆన్‌లైన్ రిటైలర్ల నుంచి ఈ సంస్థ అక్రమంగా కమీషన్లు పొందుతుంది.బ్లూమ్‌బెర్గ్ ప్రచురించిన ఒక కథనం ప్రకారం.. ఫియా స్టార్టప్‌లో ఈ వ్యవహారం జరుగుతున్నట్లు సహ వ్యవస్థాపకులైన ఫోబీ గేట్స్, సోఫియా కియానీలకు కనీసం ఏడు నెలల ముందు నుంచే తెలుసని అంతర్గత సమాచారం సూచిస్తోంది. నైక్, గ్యాప్, నార్డ్‌స్ట్రామ్ వంటి ప్రముఖ రిటైలర్ల అమ్మకాలను ఈ విధానం ప్రభావితం చేసిందని, కంపెనీ చూపిన మొత్తం ఆదాయంలో అధిక భాగం దీని ద్వారానే వచ్చిందని ఆ నివేదిక పేర్కొంది.ఈ ఆరోపణలు బయటకు రావడంతో జులై 7న ఈ ఫీచర్‌ను నిలిపివేసినట్లు

‘‘జూన్‌ 30, 2026 నాటికి మొత్తం 3,718 మొబైల్‌ అప్లికేషన్లను దేశంలో నిషేధించాం. అనుమానాస్పద, నేరపూరిత కార్యకలాపాల్లో పోలీసులు గుర్తించిన 15.75లక్షలకు పైగా సిమ్‌ కార్డులు, 5,77లక్షల ఐఎంఈఐ నంబర్లను బ్లాక్‌ చేశాం. సైబర్‌ నేరాల కట్టడి కోసం ఏర్పాటు చేసిన ‘సిటిజన్‌ ఫైనాన్షియల్‌ సైబర్‌ ఫ్రాడ్‌ రిపోర్టింగ్‌ అండ్‌ మేనేజ్‌మెంట్‌ సిస్టమ్‌ (CFCFRMS)’కు అందిన 32.80లక్షలకు పైగా ఫిర్యాదులను పరిష్కరించి రూ.11,158 కోట్లను నేరగాళ్ల చేతికి వెళ్లకుండా కాపాడాం’’ అని కేంద్ర హోంశాఖ సహాయ మంత్రి బండి సంజయ్‌ కుమార్‌ తన లిఖితపూర్వక సమాధానంలో వెల్లడించారు. చోరీ చేసిన డబ్బును తరలించేందుకు సైబర్‌ నేరగాళ్లు ఉపయోగిస్తోన్న మ్యూల్‌ ఖాతాలపైనా చర్యలు ముమ్మరం చేసినట్లు కేంద్రం తెలిపింది. ఈ ఏడాది జూన్‌ 30 నాటికి 32.08 లక్షల అనుమానిత మ్యూల్‌ బ్యాంకు ఖాతాలను గుర్తించి, రూ.25,698 కోట్ల విలువైన అక్రమ లావాదేవీలను అడ్డుకున్నామని పేర్కొంది. పలు ప్రభుత్వ ఏజెన్సీలు, సాంకేతిక సంస్థల సహకారంతో ఈ చర్యలు చేపట్టినట్లు కేంద్రమంత్రి వివరించారు. ఆర్థిక మోసాలు, నకిలీ పెట్టుబడి పథకాలు, డిజిటల్‌ అరెస్ట్‌ స్కామ్‌లు, నకిలీ వెబ్‌సైట్లు, యాప్‌లతో దోపిడీలు, సోషల్‌ మీడియా నేరాల వంటి వాటిపై ఫిర్యాదు చేసేందుకు నేషనల్‌ సైబర్‌ క్రైమ్‌ రిపోర్టింగ్‌ పోర్టల్‌ ఎల్లప్పుడూ అందుబాటులో ఉంటుందని కేంద్రం ఈ సందర్భంగా మరోసారి వెల్లడించింది. 1930 హెల్ప్‌లైన్‌ నంబరుతోనూ పౌరులు ఈ సైబర్‌ మోసాల గురించి రిపోర్ట్‌ చేయొచ్చని తెలిపింది. ఇక, సైబర్‌ నేరాలపై ప్రజలకు అవగాహన కల్పించేందుకు ఎస్‌ఎంఎస్‌లు, టీవీ, రేడియో యాడ్స్‌, డిజిటల్‌ మాధ్యమాల్లో ఎప్పటికప్పుడు సందేశాలు పంపిస్తున్నట్లు పేర్కొంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల

వికారాబాద్ జిల్లా పరిగి నియోజకవర్గంలో నకిలీ డీఏపీ ఎరువును రైతులు పట్టుకున్నారు. వాటిని వ్యవసాయ శాఖ అధికారులకు అప్పగించారు. వికారాబాద్, ఆగస్టు12: రాష్ట్రంలో ఎరువుల కొరత తీవ్రంగా ఉంది. ఈ నేపథ్యంలో మార్కెట్‌లో నకిలీ ఎరువు వెల్లువెత్తింది. తాజాగా వికారాబాద్ జిల్లా పరిగి నియోజకవర్గంలో నకిలీ డీఏపీ ఎరువును రైతులు పట్టుకున్నారు. వాటిని వ్యవసాయ శాఖ అధికారులకు అప్పగించారు. దీంతో నకిలీ డీఏపీ ఎరువును వరంగల్‌లోని ఎఫ్‌సీవో ల్యాబ్‌‌ (FCO - Fertilizer Control Order)కు తరలించారు. ఈ నేపథ్యంలో ల్యాబ్ రిపోర్ట్‌లో సంచలన విషయాలు వెలుగులోకి వచ్చాయి. థర్మల్ విద్యుత్ కేంద్రాల్లో వెలువడే ఫ్లైయాష్, ఉప్పు ద్రావణంతో ఈ నకిలీ డీఏపీ ఎరువును తయారు చేస్తున్నట్లు ఎఫ్‌సీవో గుర్తించింది. 18 శాతం ఉండాల్సిన నైట్రోజన్ 1.12 శాతం, 46 శాతం ఉండాల్సిన ఫాస్పరస్ 0.77 శాతం మాత్రమే నమోదయినట్లు గుర్తించారు. ఎఫ్‌సీవో ల్యాబ్ పరీక్షల్లో ఈ నకిలీ డీఏపీ.. పూర్తిగా నాన్ స్టాండర్డ్‌ అని తేల్చారు. కేవలం వాసన కోసం రసాయనాలు కలిపి.. ఆ బస్తాల్లో ఫ్లైయాష్ నింపుతున్నట్లు కనుగొన్నారు. అయితే ఈ నకిలీ డీఏపీ మార్కెట్‌ను ముంచెత్తినా.. కేవలం ఇద్దరిపైన మాత్రమే పోలీసులు కేసు నమోదు చేశారు. అలాగే దీనిపై వ్యవసాయ శాఖ అధికారులు కూడా స్పందించడం లేదు. దీంతో పోలీసులు, ఉన్నతాధికారుల వైఖరిపై రైతులు మండిపడుతున్నారు. రైతులకు ప్రజాసంఘాలు సంపూర్ణ మద్దతు తెలిపాయి. ఈ నకిలీ దందా వెనుక ఉన్న అసలు సూత్రధారులను పట్టుకోవాలని ఈ సందర్భంగా ప్రభుత్వాన్ని ప్రజాసంఘాల డిమాండ్ చేస్తున్నాయి. అలాగే నకిలీ డీఏపీ కొనుగోలు చేసిన నష్టపోయిన రైతులను ఆదుకోవాలని ప్రభుత్వాన్ని కోరాయి. పంజాగుట్ట శ్మశాన వాటికలో పసికందు మృతదేహం మాయం.. దర్యాప్తు ముమ్మరం ఎల్బీనగర్ పీఎస్‌లో కానిస్టేబుల్ ఆత్మహత్య

తిరుమల తిరుపతి దేవస్థానానికి సంబంధించి టికెట్ల విషయంలో దళారులను నమ్మి మోసపోవద్దంటూ పోలీసులు, విజిలెన్స్ అధికారులు ఎన్నోసార్లు హెచ్చరికలు జారీ చేసినా.. భక్తులు మళ్లీ మళ్లీ మోసపోతూనే ఉన్నారు. తాజాగా శ్రీవారి సేవా టికెట్లు, టీటీడీలో ఉద్యోగం ఇప్పిస్తానంటూ సస్పెండ్ అయిన టీటీడీ ఉద్యోగి‌ని పోలీసులు అరెస్టు చేశారు. టికెట్లు, ఉద్యోగాల పేరుతో మొత్తం రూ. 10 లక్షల మేర మోసం చేసినట్లు దర్యాప్తులో తేలిందని పోలీసులు తెలిపారు.తిరుమల టూటౌన్ పోలీసులు తెలిపిన వివరాల మేరకు.. కోలా స్ట్రీట్‌కు చెందిన జలకర గిరిధర్ టీటీడీలో సబార్డినేట్‌ ఉద్యోగిగా పనిచేస్తూ ప్రస్తుతం సస్పెన్షనల్‌లో ఉన్నాడు. టీటీడీలో తాను పేష్కార్‌గా పనిచేస్తున్నానని చెప్పి శ్రీవారి సేవా టికెట్లు ఇప్పించగలనని భక్తులను నమ్మించేవాడు. భక్తులకు నమ్మకం కలిగించేందుకు టీటీడీ గుర్తింపు కార్డును కూడా పంపేవాడు. ఈ క్రమంలోనే ఈతముక్కల సుబ్రహ్మణ్యం నాయుడు అనే భక్తుడిని నమ్మించి, ఫోన్‌ పే నెంబర్‌కు పలు విడతల్లో రూ. 1,56,000 నగదు బదిలీ చేయించుకున్నాడు. ఆ తర్వాత ఫోన్ స్విచ్ఛాఫ్ చేసుకున్నాడు.READ ALSO ఇలాంటి ద్రౌపదీ దేవి ఆలయం గురించి ఎక్కడా వినుండరు.. దక్షిణ భారతంలోనే ఏకైక గుడి, తెలుసుకోండి!దాంతో తాను మోసపోయానని గుర్తించిన బాధితుడు సుబ్రహ్మణ్యం నాయడు పోలీసులను ఆశ్రయించాడు. విచారణలో శ్రీవారి సేవా టికెట్లు ఇప్పిస్తానని చెప్పి భక్తుల నుంచి నగదు తీసుకోవడంతో పాటు, తిరుపతికి చెందిన మరో వ్యక్తికి టీటీడీలో ఉద్యోగం ఇప్పిస్తానని చెప్పి రూ.3,60,000 తీసుకుని మోసం చేసినట్లు కూడా నిందితుడు వెల్లడించాడు. దర్యాప్తులో ఇప్పటివరకు వెలుగులోకి వచ్చిన వివరాల ప్రకారం, నిందితుడు వివిధ సందర్భాల్లో మొత్తం సుమారు రూ.10,00,000 మేర మోసాలకు పాల్పడినట్లు పోలీసులు గుర్తించారు. ఈ మోసాలకు సంబంధించి నమోదైన కేసులపై దర్యాప్తు కొనసాగుతోంది.నిందితుడు జలకర గిరిధర్‌ను అరెస్టు చేసిన పోలీసులు కోర్టులో హాజరుపరచగా.. న్యాయస్థానం 15 రోజుల పాటు జ్యుడీషియల్ రిమాండ్ విధించింది. తిరుపతి జిల్లా ఎస్పీ ఎల్. సుబ్బరాయుడు మాట్లాడుతూ తిరుమలకు

ఈపీఎఫ్‌ఓ సైబర్ ఫ్రాడ్ హెచ్చరిక నేపథ్యంలో కోట్లాది మంది ఉద్యోగులు తమ పిఎఫ్ ఖాతాల భద్రతపై తీవ్రంగా దృష్టి సారించాల్సిన అవసరం ఏర్పడింది. సైబర్ నేరగాళ్లు నకిలీ వెబ్‌సైట్లు మరియు ఫిషింగ్ లింకుల ద్వారా పిఎఫ్ చందాదారుల సున్నితమైన వ్యక్తిగత వివరాలను చోరీ చేస్తున్నారు. ఈపీఎఫ్‌ఓ సైబర్ ఫ్రాడ్ హెచ్చరిక ప్రకారం యూఏఎన్, ఆధార్, పాన్ మరియు బ్యాంక్ వివరాలను అపరిచిత వ్యక్తులకు ఇవ్వడం వల్ల ఖాతాలు ఖాళీ అవుతున్నాయి. ఆగస్టు 9న అధికారిక ఎక్స్ ఖాతా ద్వారా ఈపీఎఫ్‌ఓ సంస్థ తన సభ్యులను అప్రమత్తం చేస్తూ అత్యవసర సూచనలు జారీ చేసింది. ఆన్‌లైన్ సేవలను పొందే సమయంలో అనుమానాస్పద లింక్‌లపై క్లిక్ చేయవద్దని సంస్థ స్పష్టమైన ఆదేశాలను జారీ చేయడం విశేషం. ఈపీఎఫ్‌ఓ సైబర్ ఫ్రాడ్ హెచ్చరిక ద్వారా సామాజిక భద్రతా నిధులను రక్షించుకోవడానికి ప్రతి ఒక్కరూ వెబ్‌సైట్ యూఆర్‌ఎల్ స్పష్టంగా తనిఖీ చేయాలని సూచించారు. సైబర్ నేరస్థులు వాట్సాప్ మరియు ఎస్‌ఎంఎస్ ద్వారా కేవైసీ అప్‌డేట్ చేయాలంటూ మోసపూరితమైన మేసేజ్‌లను వినియోగదారుల ఫోన్లకు పంపుతున్నారు. దీంతో అమాయక పీఎఫ్ చందాదారులు అసలైన పోర్టల్‌ను పోలి ఉండే నకిలీ వెబ్‌సైట్లలో తమ లాగిన్ వివరాలను నమోదు చేసి మోసపోతున్నారు. ఇదిలా ఉండగా ఓటీపీ మరియు పాస్‌వర్డ్ వివరాలు హ్యాకర్ల చేతికి చిక్కితే ఖాతాలోని నిధులు క్షణాల్లో మాయమయ్యే ప్రమాదం పొంచి ఉంది. ఈపీఎఫ్‌ఓ సైబర్ ఫ్రాడ్ హెచ్చరిక అందుకున్న చందాదారులు అధికారిక వెబ్‌సైట్ అయిన epfindia.gov.in ద్వారా మాత్రమే సేవలను వినియోగించుకోవాలని అధికారులు తెలిపారు. ఫలితంగా నకిలీ డొమైన్‌ల బారిన పడకుండా ఉండటానికి బ్రౌజర్‌లో చిరునామాను స్వయంగా టైప్ చేయడం ఎంతో సురక్షితమైన మార్గమని నిపుణులు చెబుతున్నారు. ఈ నేపథ్యంలో ఏదైనా అనుమానాస్పద లింక్ కనిపిస్తే వెంటనే జాతీయ సైబర్ క్రైమ్ హెల్ప్‌లైన్ నంబర్ 1930కు ఫిర్యాదు చేయాలని కోరారు. భవిష్యత్తులో డిజిటల్ మోసాలను నివారించడానికి చందాదారులు ఉమాంగ్ యాప్ వంటి అధికారిక

ఓ బ్యాంకు లాకర్‌లో దాచిన బంగారు, వెండి నగలు కనిపించకుండా పోయిన ఘటన ఉత్తరప్రదేశ్‌లో కలకలం రేపుతోంది. కొన్నేళ్ల కిందట బ్యాంకు ఖాతా తెరిచి రూ.50లక్షల విలువైన నగలను లాకర్‌లో దాచగా.. తాజాగా అవి అదృశ్యమయ్యాయి. కాన్పూర్‌: ఓ బ్యాంకు లాకర్‌లో దాచిన బంగారు, వెండి నగలు కనిపించకుండా పోయిన ఘటన ఉత్తరప్రదేశ్‌లో కలకలం రేపుతోంది. కొన్నేళ్ల కిందట బ్యాంకు ఖాతా తెరిచి రూ.50లక్షల విలువైన నగలను లాకర్‌లో దాచగా.. తాజాగా అవి అదృశ్యమయ్యాయి. లాకర్‌ తెరిచి చూసిన బాధితురాలికి తన ఆభరణాలు కనిపించకపోవడంతో షాక్‌ తిన్నారు. దీనిపై ఆమె పోలీసులను ఆశ్రయించగా.. బ్యాంకు యాజమాన్యం, సిబ్బందిపై కేసు నమోదైంది. కాన్పూర్‌లోని స్వరూప్‌నగర్‌కు చెందిన రష్మి అరోరా తన భర్తతో కలిసి 2003 ఫిబ్రవరి 26న అప్పటి స్టేట్‌ బ్యాంక్‌ ఆఫ్‌ ట్రావెన్‌కోర్‌ (ఎస్‌బీటీ)లో ఖాతా తెరిచింది. అదే సమయంలో వారికి లాకర్‌ నంబర్‌ 23ని బ్యాంకు సిబ్బంది కేటాయించారు. అందులో సుమారు రూ.50లక్షల విలువైన బంగారు, వెండి ఆభరణాలను భార్యాభర్తలు భద్రపరిచారు. కొంతకాలం పాటు ఆ దంపతులు క్రమం తప్పకుండా బ్యాంకుకు వెళ్లి లాకర్‌ను పరిశీలించేవారు. రష్మి భర్త మరణించిన తర్వాత ఆమె.. లక్నోలోని కుమార్తె ఇంట్లో ఉంటోంది. దూరం కారణంగా బ్యాంకుకు వెళ్లడం తగ్గిపోయింది. అయితే లాకర్‌ భద్రంగానే ఉంటుందని భావించింది. ఇదిలా ఉండగా ఎస్‌బీటీ.. స్టేట్‌ బ్యాంక్‌ ఆఫ్‌ ఇండియాలో (ఎస్‌బీఐ) విలీనమైంది. సుమారు నాలుగు నెలల కిందట కుమార్తెతో కలిసి బ్యాంకుకు వెళ్లగా రష్మి పేరుతో లాకర్‌ లేదని సిబ్బంది చెప్పడంతో ఆమె ఆశ్చర్యపోయింది. దీంతో పాత ఖాతా, లాకర్‌కు సంబంధించిన పత్రాలను తీసుకుని మరోసారి బ్యాంకుకు వెళ్లింది. అప్పుడు ఆమె ఖాతా నుంచి లాకర్‌ అద్దె ఆటోమేటిక్‌గా కట్‌ అవుతూ వచ్చిందని, దాంతో ఖాతాలోని నగదు మొత్తం ఖాళీ అయిందని బ్యాంకు మేనేజర్‌ తెలిపారు. ఈ కారణంగానే ఖాతా ఇన్‌యాక్టివ్ అయ్యిందని పేర్కొన్నారు. జులై 21న రష్మి

హైదరాబాద్‌: ఇంట్లో గుప్త నిధులు ఉన్నాయని నమ్మించి ఓ వ్యక్తి నుంచి రూ.7.5 లక్షలు తీసుకొని కనిపించకుండా పోయిన నలుగురిని పోలీసులు అరెస్టు చేశారు. పోలీసుల కథనం మేరకు.. గుడిమల్కాపూర్‌కు చెందిన మహ్మద్‌ మునావర్‌ అలియాస్‌ మున్నా (36), జవహర్‌ నగర్‌ ఫర్హాన్‌ నగర్‌కు చెందిన సయ్యద్‌ అలీ అష్రఫ్‌ (40), బాలాజీ నగర్‌కు చెందిన ఆటో డ్రైవర్‌ మహ్మద్‌ హాజీ (25), కీసర మండలం యాదగిరిపల్లికి చెందిన బైక్‌ మెకానిక్‌ మహ్మద్‌ సల్మాన్‌ (29)లు స్నేహితులు. మునావర్‌ పాత నేరస్థుడు. కార్ల పెయింటింగ్, డెంటింగ్‌ పనుల్లో వచ్చే ఆదాయం సరిపోక.. సులభంగా డబ్బు సంపాదించాలని కుట్రపన్నాడు. ఈ ఏడాది మార్చి 26న రాజేంద్రనగర్‌ పోలీస్‌స్టేషన్‌ పరిధిలో నివాసం ఉండే ఆసిఫ్‌ను నిందితులు కలిశారు. జగిత్యాలలో నివాసం ఉండే ఆసిఫ్‌ స్నేహితుడు ఇమ్రాన్‌ ఇంట్లో గుప్త నిధులు ఉన్నాయని నమ్మించారు. వాటిని తీయడానికి రూ.7.5 లక్షలు తీసుకొని కనిపించకుండా పోయారు. దీంతో ఆసిఫ్‌ ఈ నెల 7వ తేదీన రాజేంద్రనగర్‌ పోలీస్‌స్టేషన్‌లో ఫిర్యాదు చేశారు. కేసు నమోదు చేసుకున్న పోలీసులు ఆదివారం మహ్మద్‌ మునావర్, అష్రఫ్, మహ్మద్‌ హాజీ, మహ్మద్‌ సల్మాన్‌లను అరెస్ట్‌ చేశారు. వారి నుంచి రెండు కార్లు, ఆటో, రెండు మోటారు సైకిళ్లు, నాలుగు సెల్‌ఫోన్లను, నకిలీ బంగారు నాణేలు, బొగ్గును స్వా«దీనం చేసుకున్నారు. ఈ ముఠా సభ్యులు వివిధ ప్రాంతాల్లో 11 మందిని ఇలాగే మోసం చేసి రూ.కోటి వరకు వసూలు చేసినట్లు ఆధారాలు లభించాయి. శంషాబాద్‌ జోన్‌ టాస్‌్కఫోర్స్‌ ఇన్‌స్పెక్టర్‌ కె. రవి, సబ్‌ ఇన్‌స్పెక్టర్లు మన్సూర్‌ అలీ, నర్సింగ్‌ రావు, ఎస్‌. శేషు, టాస్క్‌ఫోర్స్‌ సిబ్బంది, రాజేంద్రనగర్‌ పోలీసుల సహకారంతో ఈ ముఠాను పట్టుకున్నారు. కిరణ్ అబ్బవరం క్యూట్ ఫ్యామిలీ.. వెకేషన్ (ఫొటోలు) కొలంబియాను కుదిపేసిన రాకాసి భూకంపం..(ఫొటోలు) ‘అగధ’ మూవీ ప్రీ రిలీజ్‌ ఈవెంట్ లో మెరిసిన నటి కామాక్షి భాస్కర్ల (ఫొటోలు) ‘పళ్ళ బురుసు’

బిగ్‌బాస్ విజేత, ప్రముఖ గాయకుడు రాహుల్ సిప్లిగంజ్‌‌తోపాటు మరో 15 మందిపై విశాఖపట్నంలోని ఎంవీపీ కాలనీ పోలీస్ స్టేషన్‌లో కేసు నమోదయింది. రాహుల్ సిప్లిగంజ్ బావమరిది పెళ్లి పేరుతో తనను మోసం చేశాడంటూ ఓ యువతి ఎంవీపీ కాలనీ పోలీసులను ఆశ్రయించింది. విశాఖపట్నం, ఆగస్టు11: బిగ్‌బాస్ విజేత, ప్రముఖ గాయకుడు రాహుల్ సిప్లిగంజ్‌‌తోపాటు మరో 15 మందిపై విశాఖపట్నంలోని ఎంవీపీ కాలనీ పోలీస్ స్టేషన్‌లో కేసు నమోదయింది. రాహుల్ సిప్లిగంజ్ బావమరిది పెళ్లి పేరుతో తనను మోసం చేశాడంటూ ఓ యువతి ఎంవీపీ కాలనీ పోలీసులను ఆశ్రయించింది. ఈ నేపథ్యంలో వారిపై పోలీసులు కేసు నమోదు చేశారు. ఈ కేసును మహిళా పోలీస్ స్టేషన్‌కు ఎంవీపీ కాలనీ పోలీసులు బదిలీ చేశారు. రాహుల్ సిప్లిగంజ్ బావమరిది కర్వారపు రాహుల్ రెడ్డిపై బాధితురాలు తీవ్ర ఆరోపణలు చేశారు. వివాహం చేసుకుంటానని నమ్మించి తనను శారీరకంగా వాడుకొని మోసం చేశాడని ఆ ఫిర్యాదులో స్పష్టం చేశారు. అలాగే బెదిరింపులు, పరువు నష్టం, దొంగతనంతోపాటు తన ప్రాణాలకు ముప్పు పొంచి ఉందంటూ ఆ ఫిర్యాదులో యువతి పేర్కొంది. ఇక ఈ కేసులో ప్రముఖ అడ్వకేట్ గీతా ప్రసన్న చందన, ఆమె భర్త శివ నారాయణ, జర్నలిస్టులు నరేష్, ఉదయ్‌, సాయిరాంతోపాటు సువర్ణ, హరిణ్య రెడ్డి, కార్తీక్, కేఆర్ రెడ్డిలపై కూడా కేసు నమోదు చేశారు. మరోవైపు 2026 మార్చి 10వ తేదీన కేవలం రాహుల్ రెడ్డిపై మాత్రమే నగర పోలీస్ కమిషనర్‌కు యువతి ఫిర్యాదు చేసింది. దాదాపు మూడు నెలల తర్వాత జూన్ 11వ తేదీన మరో 11 మంది పేర్లను చేర్చుతూ రెండో ఫిర్యాదు యువతి ఇచ్చింది. దీనిపై పలు అనుమానాలు వెల్లువెత్తుతున్నాయి. రాహుల్ రెడ్డి నుంచి బాధితురాలు రూ. కోటి డిమాండ్ నెరవేరక పోవడంతోనే ఈ ఫిర్యాదు చేశారంటూ ఆరోపణలు వెల్లువెత్తాయి. మూడు నెలల్లో నిందితుల సంఖ్య పెరగడంతోపాటు ప్రముఖుల పేర్లు వినిపించడంతో.. పోలీస్ వర్గాల్లో

ఉద్యోగాల పేరుతో మోసపోయి మయన్మార్‌లో చిక్కుకున్న ఆంధ్రప్రదేశ్ యువతకు రాష్ట్ర ప్రభుత్వం అండగా నిలుస్తుందని ఐటీ, విద్యాశాఖ మంత్రి నారా లోకేశ్‌ భరోసా ఇచ్చారు. బ్యాంకాక్‌లో ఉద్యోగాలంటూ నమ్మించి కొందరిని మయన్మార్‌కు తరలించిన నేపథ్యంలో బాధితులను సురక్షితంగా స్వస్థలాలకు రప్పించేందుకు చర్యలు తీసుకోవాలని ఆయన ఏపీ భవన్ అధికారులను ఆదేశించారు.వివరాల్లోకి వెళితే.. బ్యాంకాక్‌లో మంచి ఉద్యోగాలు ఇప్పిస్తామన్న సైబర్ నేరగాళ్ల మాటలు నమ్మిన పలువురు నిరుద్యోగ యువకులు మయన్మార్‌లో చిక్కుకుపోయారు. ఈ విషయంపై స్పందించిన మంత్రి లోకేశ్‌, బాధితులకు ప్రభుత్వం అన్ని విధాలా సహాయం అందిస్తుందని స్పష్టం చేశారు. వారిని సురక్షితంగా వెనక్కి తీసుకువచ్చేందుకు అవసరమైన అన్ని చర్యలు చేపడతామని హామీ ఇచ్చారు.ఈ సందర్భంగా మంత్రి లోకేశ్‌ యువతకు కీలక సూచనలు చేశారు. సైబర్ నేరగాళ్లు పన్నే ఉచ్చులో పడొద్దని, ఉద్యోగాల విషయంలో పూర్తిస్థాయిలో ఆరా తీయకుండా ఎవరినీ నమ్మవద్దని హితవు పలికారు. ఇలాంటి మోసాలపై యువత చైతన్యవంతులై అప్రమత్తంగా ఉండాలని ఆయన విజ్ఞప్తి చేశారు

హైదరాబాద్‌ పాతబస్తీలో ఓ వింత పెళ్లి ఘటన కలకలం రేపింది. ఉదయం పరిచయం అయిన యువతితో ఒక యువకుడు.. అదే రోజు మధ్యాహ్నం పెళ్లి తంతు కానిచ్చేశాడు. ఇక సాయంత్రం పూట షాపింగ్‌ చేసి.. రాత్రి డిన్నర్‌ కూడా చేశాడు. ఆ తర్వాత శోభనం కోసం వారిద్దరూ కలిసి ఒక హోటల్‌కు వెళ్లారు. అయితే ఆ నవవరుడికి తెల్లారేసరికి ఊహించని షాక్‌ ఎదురైంది. పెళ్లి చేసుకున్న యువతి కనిపించకుండా పోవడంతో చివరికి పోలీసులను ఆశ్రయించి అసలు విషయం చెప్పాడు. దీంతో కేసు నమోదు చేసిన బహదూర్‌పురా పోలీసులు.. ఆ యువతి ఆచూకీని కనిపెట్టే పనిలో పడ్డారు. ఈ ఘటన ప్రస్తుతం చర్చనీయాంశంగా మారింది.బాధిత యువకుడు చేసిన ఫిర్యాదు ప్రకారం.. తనకు మంచి సంబంధం వచ్చిందని చెప్పడంతో ఓ మహిళ ద్వారా యువతిని పరిచయం చేశారని తెలిపాడు. యువతిని కలిసిన కొద్దిసేపటికే తనను పెళ్లి చేసుకునేందుకు ఆమె అనుమతి తెలిపిందని పేర్కొన్నాడు. అదే రోజు వివాహం కూడా జరిపించినట్లు వెల్లడించాడు. పెళ్లికి ముందే వధువు పెళ్లి పేరుతో వరుడి డబ్బులతో వేల రూపాయల విలువైన షాపింగ్‌ చేసినట్లు ఫిర్యాదులో బాధితుడు పేర్కొన్నాడు. పెళ్లి తర్వాత కొత్త దంపతులు ఇద్దరూ కలిసి బయటికి వెళ్లి డిన్నర్‌ కూడా చేసినట్లు వివరించాడు.ఆ తర్వాత శోభనం కోసం ఓ హోటల్‌లో గది తీసుకున్నట్లు ఆ యువకుడు వెల్లడించాడు. అయితే గదిలో ఉన్న సమయంలో తనకు మూడ్‌ లేదని.. కొబ్బరి నీళ్లు తీసుకురావాలని చెప్పి వరుడిని.. వధువు బయటకు పంపినట్లు పోలీసులకు తెలిపాడు. అనంతరం కొద్దిసేపటి తర్వాత తనకు నడుము నొప్పిగా ఉందని.. ఇంటికి వెళ్లాలని చెప్పడంతో ఆమెను వరుడు కారులో పంపించినట్లు వివరించాడు.ఇంతలో వధువు అక్కగా పరిచయం చేసుకున్న ఓ మహిళ తనకు ఫోన్‌ చేసిందని నవవరుడు తెలిపాడు. ఇంట్లోనే శోభనం ఏర్పాట్లు చేశామని.. అక్కడికి రావాలని ఆమె సూచించింది. దీంతో ఆమె చెప్పిన అడ్రస్‌కు వరుడు వెళ్లగా.. అక్కడ

EPFO Alert: ఎంప్లాయీస్ ప్రావిడెంట్ ఫండ్ సంస్థ (ఈపీఎఫ్ఓ) తమ చందాదారులకు ఆన్‌లైన్ భద్రతపై కీలక హెచ్చరికలు జారీ చేసింది. ఇటీవలి కాలంలో పీఎఫ్ ఖాతాదారులను లక్ష్యంగా చేసుకుని సైబర్ నేరగాళ్లు మోసం చేస్తున్న సంగతి తెలిసిందే. వాట్సప్ సందేశాలు, ఎస్ఎంఎస్‌లు, సోషల్ మీడియా లింకుల ద్వారా మోసాలకు పాల్పడుతున్న దృష్ట్యా ఉద్యోగులను ఈపీఎఫ్ఓ అప్రమత్తం చేసింది. ఆన్‌లైన్ ద్వారా ఈపీఎఫ్ఓ సేవలు పొందే క్రమంలో ఫేక్ వెబ్‌సైట్ల విషయంలో జాగ్రత్త వహించాలని, వాటి బారిన పడొద్దని సూచించింది. ఉద్యోగుల వ్యక్తిగత సమాచారాన్ని తస్కరించేందుకు అధికారిక వెబ్‌సైట్లను పోలి ఉండే నకిలీ లింక్లను నేరగాళ్లు సృష్టిస్తున్నారని తెలిపింది.సోషల్ మీడియా ఎక్స్ వేదికగా ఓ పోస్ట్ చేసింది. వ్యక్తిగత సమాచారాన్ని దొంగలించే నకిలీ లింకులు, ఇ-మెయిల్స్ ను ఓపెన్ చేయవద్దని కోరింది. ఇటీవల ఈపీఎఫ్ఓ సిస్టమ్ అప్ గ్రెడేషన్ చేసింది. ఈ క్రమంలో ఆన్‌లైన్ ఈపీఎఫ్ఓ సేవల వినియోగం భారీగా పెరిగింది. ఇదే అదునుగా చేసుకుని సైబర్ నేరగాళ్లు కొత్త ఎత్తులు వేస్తున్నట్లు ఉద్యోగులకు తెలియజేసింది. సైబర్ మోసగాళ్ల బారిన పడకుండా ఉండేందుకు 6 ముఖ్యమైన సూచనలు చేసింది.సూచనలు ఇవే అధికారిక ఈపీఎఫ్ఓ వెబ్‌సైట్ మాత్రమే సందర్శించాలి సోషల్ మీడియా, ఎస్ఎంఎస్ లేదా ఇ-మెయిల్‌లో వచ్చే అనుమానాస్పద లింకులను క్లిక్ చేయవచ్చు. అధికారిక వెబ్‌సైట్లో కాకుండా ఇతర ఏ ప్లాట్ ఫామ్‌లో యూఏఎన్, పీపీఓ, పాస్‌వర్డ్, పాన్, ఆధార్, బ్యాంక్ అకౌంట్ వివరాలు, ఓటీపీలను ఇవ్వవద్దు అకౌంట్ లాగిన్ అయ్యో ముందే సైట్ యూఆర్ఎల్ స్పెల్లింగ్, డొమైన నేమ్ చెక్ చేయాలి అనుమానాస్పద సందేశాలు, ఎస్ఎంఎస్‌లు వస్తే ఈపీఎఫ్ఓ హెల్ప్ డెస్క్‌కు, సైబర్ సెక్యూరిటీకి రిపోర్ట్ చేయాలి. ఫోన్ కాల్స్, వాట్సప్ సందేశాలు, ఎస్ఎంఎస్, ఇ-మెయిల్ ద్వారా ఈపీఎఫ్ఓ ఎలాంటి ఓటీపీలు, లాగిన్ వివరాలు అడగదని గుర్తుంచుకోవాలి.అధికారిక వెబ్‌సైట్ లింకులు ఇవే..ఈపీఎఫ్ఓకు చెందిన మూడు అధికారిక వెబ్‌సైట్ లింకులను ప్రావిడెంట్ ఫండ్ సంస్థ పంచుకుంది. ఈపీఎఫ్ఇండియా

ఉద్యోగుల భవిష్య నిధి సంస్థ(ఈపీఎఫ్ఓ) చందాదారులను అప్రమత్తం చేసింది. నకిలీ వెబ్‌సైట్లు, లింక్‌లు, మోసపూరిత మెసేజ్‌ల పట్ల జాగ్రత్తగా ఉండాలని సూచించింది. ఇంటర్నెట్ డెస్క్: ఉద్యోగుల భవిష్య నిధి సంస్థ(ఈపీఎఫ్ఓ) చందాదారులను అప్రమత్తం చేసింది. నకిలీ వెబ్‌సైట్లు, లింక్‌లు, మోసపూరిత మెసేజ్‌ల పట్ల జాగ్రత్తగా ఉండాలని సూచించింది. ఈ మేరకు ఎక్స్ వేదికగా చందాదారులకు హెచ్చరికలు జారీ చేసింది. పీఎఫ్ సేవలు పొందే సమయంలో వెబ్ లింక్‌లను పరిశీలించి.. వ్యక్తిగత వివరాలను భద్రంగా ఉంచుకోవాలని పేర్కొంది. పీఎఫ్ సేవల కోసం అధికారిక ఈపీఎఫ్ఓ వెబ్‌సైట్‌ను మాత్రమే వినియోగించాలి. ఎస్ఎంఎస్, వాట్సాప్, సోషల్ మీడియా, ఈమెయిల్‌లో వచ్చే గుర్తు తెలియని లింక్‌లను క్లిక్ చేయొద్దు. లాగిన్ చేసే ముందు వెబ్‌సైట్ మినహా ఇతర సైట్లలో యూఏఎన్, పీపీఓ, పాస్‌వర్డ్, ఆధార్, పాన్, బ్యాంక్ వివరాలు, ఓటీపీ వంటి సమాచారాన్ని నమోదు చేయొద్దు లాగిన్ చేసే ముందు వెబ్‌సైట్ యూఆర్ఎల్‌ను జాగ్రత్తగా పరిశీలించాలి. అక్షరాల్లో స్వల్ప మార్పులు, అనుమానాస్పద డొమైన్ పేర్లు ఉన్నాయోమో చూడాలి. అనుమానాస్పద వెబ్‌సైట్లు, మెసేజ్‌లు కనిపిస్తే సంబంధిత అధికారులకు ఫిర్యాదు చేయాలి ఫోన్ కాల్, ఎస్ఎంఎస్, వాట్సాప్, సోషల్ మీడియా లేదా ఈమెయిల్ ద్వారా ఈపీఎఫ్ఓ ఎప్పుడూ ఓటీపీ, వ్యక్తిగత వివరాలు లేదా లాగిన్ సమాచారాన్ని అడగదని గుర్తుంచుకోవాలి. డిజిటల్‌ విధానంలో పీఎఫ్‌ సేవలను వినియోగించే వారి సంఖ్య పెరుగుతున్న నేపథ్యంలో సైబర్‌ మోసగాళ్లు నకిలీ వెబ్‌సైట్లు, లింక్‌లతో వినియోగదారులను మోసగించే అవకాశం ఉందని ఈపీఎఫ్‌వో పేర్కొంది. అధికారిక సైట్‌ నుంచే సేవలను పొందాలని సూచించింది. గుర్తుతెలియని సందేశాల్లో వచ్చే లింక్‌లను నమ్మకుండా.. ఈపీఎఫ్‌వో అధికారిక వెబ్‌సైట్‌ను స్వయంగా వెరిఫై చేసి సేవలను వినియోగించుకోవాలని స్పష్టం చేసింది. మోదీని నవ్వించిన బాక్సర్ నరేంద్ర బేర్వాల్.. ఇంతకీ ఏం జరిగిందంటే? రెస్టారెంట్‌లో భారత మ్యాప్‌పై లవ్లీనా అభ్యంతరం.. ఆమె చర్యను ప్రశంసించిన మోదీ

తెలంగాణా పోలీసులు ఇప్పుడు అతిపెద్ద సవాల్ ను ఎదుర్కొంటున్నారు. ఊహించని విధంగా శాంతి భద్రతలను పరిరక్షించటం కంటే అతి పెద్ద సమస్య పోలీసింగ్ కు సవాల్ గా మారుతుంది. ఒకప్పుడు నక్సలిజం పోలీసింగ్‌లో అతిపెద్ద సవాలైతే, ఇప్పుడు సైబర్ నేరాలు, మాదకద్రవ్యాలు, ఆర్థిక నేరాలు, రోడ్డు భద్రత ప్రధానసవాళ్లుగా మారాయని రాష్ట్ర డీజీపీ సి.వి. ఆనంద్ పేర్కొన్నారు. పోలీసింగ్‌లో సాంకేతికత ఎంత కీలకమైనా మౌలిక పోలీసింగ్‌ను విస్మరించరాదని అధికారులకు సూచించారు.సైబర్ మోసాలతో గతేడాది రూ.1,700 కోట్ల నష్టంగత ఏడాది తెలంగాణలో సైబర్ నేరాల వల్ల ప్రజలు సుమారు రూ.1,700 కోట్లు కోల్పోయారని డీజీపీ వెల్లడించారు. మోసపోయిన వెంటనే ఫిర్యాదు చేయకపోవడం వల్ల డబ్బు రికవరీ అవకాశాలు తగ్గుతున్నాయని చెప్పారు. అధిక లాభాల పేరుతో జరిగే పెట్టుబడి మోసాలపై ప్రజలు అప్రమత్తంగా ఉండాలని సూచించారు. సైబర్ నేరాల నియంత్రణలో ప్రధానమంత్రి ప్రగతి సమీక్షలో తెలంగాణకు దేశంలోనే తొలి స్థానం లభించిందని డీజీపీ తెలిపారు.మౌలిక పోలీసింగ్‌కే ప్రాధాన్యం సాంకేతికత పోలీసింగ్‌కు తోడ్పాటే కానీ ప్రత్యామ్నాయం కాదని స్పష్టం చేశారు. పోలీస్ స్టేషన్లలో ఫిర్యాదులను వెంటనే స్వీకరించి పరిష్కరించాలని, దర్యాప్తులు, కోర్టు కేసుల పర్యవేక్షణపై ప్రత్యేక దృష్టి పెట్టాలని ఆదేశించారు. డీసీపీలు, ఏసీపీలు, డీఎస్పీలు క్షేత్రస్థాయిలో ఎక్కువ సమయం గడుపుతూ ప్రజలకు అందుబాటులో ఉండాలని సూచించారు.యువత, చిన్నారులను లక్ష్యంగా డ్రగ్స్.. చాక్లెట్లు రూపంలో చిన్నారులను మాదకద్రవ్యాలకు అలవాటు చేసే ప్రయత్నాలు జరుగుతున్నాయని, అవి ఆందోళనకరమని డీజీపీ అన్నారు. ఇలాంటి నేరాలకు పాల్పడే వారిపై కఠిన చర్యలు తీసుకుంటామని హెచ్చరించారు. డ్రగ్స్ నివారణలో విద్యాసంస్థలు కీలక పాత్ర పోషించాలని సూచించారు. డ్రగ్స్ పైన కూడా ఉక్కుపాదం మోపేందుకు పని చేస్తున్నాం అన్నారు.హైడ్రాలో ఉద్యోగాలకు ఫిజికల్ టెస్టులు ఆగస్టు 11 వరకు పొడిగింపు!రైళ్లలో వచ్చి నేరాలకు పాల్పడుతున్న అంతర్రాష్ట్ర ముఠాలుబీహార్, ఛత్తీస్‌గఢ్, ఒడిశా రాష్ట్రాల నుంచి రైళ్లలో వచ్చి వరంగల్, కాజీపేట కేంద్రంగా చైన్‌స్నాచింగ్, బైక్ చోరీలకు పాల్పడి వెంటనే వెళ్లిపోతున్న

ఆన్‌లైన్ షాపింగ్, రీఛార్జ్‌లు, సబ్‌స్క్రిప్షన్ల హవా నడుస్తున్న నేటి డిజిటల్ యుగంలో బ్యాంకింగ్ సేవలు సైతం వేగంగా రూపాంతరం చెందుతున్నాయి. మన వ్యాలెట్‌లో ఉండే ప్లాస్టిక్ డెబిట్ కార్డుల స్థానంలో ఇప్పుడు బ్యాంకింగ్ యాప్‌లలోనే వర్చువల్ డెబిట్ కార్డ్ ప్రత్యక్షమవుతోంది. కార్డు నెంబర్, ఎక్స్‌పైరీ డేట్, సివీవీ వంటి అన్ని వివరాలు మీ ఫోన్‌లోని బ్యాంకింగ్ యాప్‌లోనే కనిపిస్తాయి. ఫిజికల్ కార్డు పొగొట్టుకుంటామనే భయం లేకుండా, అవసరమైనప్పుడు క్షణాల్లో వీటి ద్వారా డిజిటల్ చెల్లింపులు పూర్తి చేయవచ్చు. అయితే, ఎంత సౌకర్యంగా ఉన్నప్పటికీ వీటి వినియోగంలోనూ కొన్ని భద్రతాపరమైన ప్రమాదాలు ఉన్నాయని ఆర్థిక నిపుణులు హెచ్చరిస్తున్నారు.సౌకర్యంతో పాటు లభించే అదనపు నియంత్రణసాధారణంగా ఏదైనా కొత్త వెబ్‌సైట్‌లో కొనుగోలు చేసేటప్పుడు మన ప్రధాన బ్యాంక్ ఖాతాకు సంబంధించిన అసలు డెబిట్ కార్డ్ వివరాలను ఇవ్వడానికి చాలామంది భయపడతారు. అలాంటి సమయాల్లో ఈ వర్చువల్ కార్డులు ఎంతో ఉపయోగపడతాయి.అనేక బ్యాంకులు తమ మొబైల్ యాప్‌ల ద్వారా ఈ కార్డుల ఖర్చుల పరిమితిని స్వయంగా నిర్ణయించుకునే సదుపాయాన్ని ఇస్తున్నాయి. అంతేకాకుండా, అవసరం లేనప్పుడు కార్డును టెంపరరీ ఆఫ్ లేదా డిసేబుల్ చేసుకునే వెసులుబాటు కూడా ఉంటుంది. దీనివల్ల కార్డు వివరాలు బయటకు పొక్కే అవకాశం చాలావరకు తగ్గుతుంది.రూపాయి ఛార్జ్ పడదు! మా కస్టమర్లకు ఫ్రీగానే... ఫోన్‌పే సంచలన గ్యారెంటీభ్రమల్లో ఉండొద్దు... మోసాలకు ఇవీ మినహాయింపు కాదు!వర్చువల్ కార్డ్ వాడటం వల్ల సైబర్ మోసాలు అస్సలు జరగవు అనుకోవడం అపోహ మాత్రమే. ఇది మీ బ్యాంక్ ఖాతాకే నేరుగా లింకై ఉంటుంది కాబట్టి, ఇందులో చేసే ప్రతి చెల్లింపు మీ ఖాతా నుంచే కట్ అవుతుంది. ఫేక్ వెబ్‌సైట్లు, సైబర్ నేరగాళ్లు పంపే నకిలీ లింకులు లేదా ఓటీపీ మోసాల్లో పడి మనమే స్వయంగా సమాచారాన్ని అందిస్తే వర్చువల్ కార్డు కూడా రక్షణ ఇవ్వలేదు. ఆర్బీఐ మార్గదర్శకాల ప్రకారం బ్యాంకులు ఎంతటి కట్టుదిట్టమైన సెక్యూరిటీ వ్యవస్థను ఏర్పాటు చేసినప్పటికీ, వినియోగదారుల

ఉత్తరప్రదేశ్‌లో అధికార బీజేపీకి చెందిన ఓ శాసనసభ్యుడు దారుణంగా మోసపోయారు. సేవతా నియోజకవర్గ ఎమ్మెల్యే జ్ఞాన్ తివారీ అల్లుడు.. ఓ అంతర్రాష్ట్ర ఘరానా మోసగాడని, దేశవ్యాప్తంగా నకిలీ గుర్తింపులతో ఏకంగా 25 పెళ్లిళ్లు చేసుకుని కోట్ల రూపాయలు దండుకున్నాడని తేలింది. ఈ దారుణ మోసంపై ఎమ్మెల్యే ఫిర్యాదు చేయడంతో పోలీసులు నిందితుడైన అల్లుడు ప్రకార్ త్రివేది, అతడి తండ్రి అనుజ్ త్రివేదిని శనివారం అరెస్ట్ చేశారు.ఎమ్మెల్యే జ్ఞాన్ తివారీ 2024లో తన కుమార్తె ప్రజ్ఞ వివాహాన్ని మిశ్రిఖ్ ప్రాంతానికి చెందిన ప్రకార్ త్రివేదితో అంగరంగ వైభవంగా జరిపించారు. పెళ్లికి ముందు ప్రకార్ తండ్రి అనుజ్ త్రివేది, తమకు ముంబైలో వందల కోట్ల విలువైన రియల్ ఎస్టేట్ వ్యాపారం ఉందని నమ్మబలికారు. స్థానికంగా కూడా మంచి పేరున్నట్లు చిత్రీకరించడంతో ఎమ్మెల్యే ఈ సంబంధానికి అంగీకరించారు. తమ నేర చరిత్రను, కేసులను త్రివేది కుటుంబం ఆ సమయంలో అత్యంత లౌక్యంగా దాచిపెట్టింది.వివాహమైన రెండేళ్ల తర్వాత అసలు నిజం సోషల్ మీడియా ద్వారా వెలుగులోకి వచ్చింది. ప్రకార్ త్రివేది నకిలీ పేర్లు, ఫేక్ ఐడీ కార్డులు వాడుతూ మహారాష్ట్ర సహా పలు రాష్ట్రాల్లో సుమారు 25 మంది యువతులను పెళ్లి చేసుకున్నట్లు వెలుగులోకి వచ్చింది. పెళ్లి చేసుకున్న తర్వాత వారి కుటుంబాలను మోసం చేసి, కోట్ల రూపాయల డబ్బు, ఆభరణాలతో పరారవడం అతడికి అలవాటని తేలింది.ఈ మోసం గురించి తెలియగానే ఎమ్మెల్యే జ్ఞాన్ తివారీ తీవ్ర దిగ్భ్రాంతికి గురయ్యారు. ఆగస్టు 6న తన కుమార్తెతో కలిసి ఓ వీడియోను విడుదల చేశారు

సామాజిక మాధ్యమాలు, డేటింగ్ యాప్‌ల వేదికగా అమాయకులకు వలవేసి కోట్లాది రూపాయలు కొల్లగొడుతున్న సంచలన హనీట్రాప్ ముఠా గుట్టు ఉత్తరప్రదేశ్‌లో రట్టయింది. టిండర్ వంటి ప్రాచుర్యం పొందిన యాప్‌ల ద్వారా పరిచయాలు పెంచుకుని, ఆపై బ్లాక్‌మెయిలింగ్‌కు పాల్పడుతున్న పల్లవి సింగ్ రాజ్‌పుత్ అనే మహిళపై తీవ్ర ఆరోపణలు వెల్లువెత్తాయి. అత్యాచారం, హత్యాయత్నం వంటి తప్పుడు కేసులతో బెదిరించి బాధితుల నుంచి ఏకంగా రూ. 6 కోట్లకు పైగా వసూలు చేసినట్లు పోలీసు కేసు నమోదైంది. ప్రయాగ్‌రాజ్‌కు చెందిన ఓ హైకోర్టు న్యాయవాది అందించిన ఫిర్యాదుతో ఈ దందాను పోలీసులు బయటపెట్టారు. నిందితురాలు పల్లవి ముందుగా డేటింగ్ యాప్‌లలో పురుషులతో పరిచయం పెంచుకుని విందులు, వినోదాల పేరుతో చేరువయ్యేది. ఆ తర్వాత వారితో ఉన్న ప్రైవేట్ క్షణాలను, సంభాషణలను అత్యంత రహస్యంగా రికార్డు చేసేది. వీడియోలు, ఫొటోలు చేతికి దక్కిన వెంటనే తన అసలు రూపం బయటపెట్టేది. బాధితులు అడిగినంత మొత్తం ఇవ్వకపోతే తీవ్రమైన సెక్షన్ల కింద కేసులు పెడతానని భయభ్రాంతులకు గురిచేసేది. ఈ సైబర్ బెదిరింపులు, పోలీసు కేసుల భయంతో పలువురు బాధితులు తమ వద్ద ఉన్న సొమ్మును ఆమెకు అప్పగించక తప్పలేదు. పోలీసుల ప్రాథమిక విచారణలో నిందితురాలు 'స్వీటీ తివారీ' అనే నకిలీ పేరుతో ఈ మోసాలకు పాల్పడినట్లు తేలింది. ఈ కుట్ర వెనుక ఆమె ఒక్కతే కాకుండా ఇద్దరు మహిళలు, ఇద్దరు పురుషులతో కూడిన ముఠా సహకరించిందని గుర్తించారు. ఇప్పటికే ఈమె పెట్టిన తప్పుడు కేసుల కారణంగా ఐదుగురు నిర్దోషులు జైలుపాలు కావాల్సి వచ్చిందని ఫిర్యాదులో వెల్లడించారు. ప్రయాగ్‌రాజ్, లక్నో తదితర నగరాల్లో ఈ ముఠాపై అనేక కేసులు నమోదవడంతో ఈ వ్యవహారం స్థానికంగా తీవ్ర దుమారం రేపుతోంది. డేటింగ్ యాప్‌లను ఆసరాగా చేసుకుని జరుగుతున్న ఈ తరహా నేరాలపై చట్టపరమైన నిపుణులు, సామాజిక విశ్లేషకులు తీవ్ర ఆందోళన వ్యక్తం చేస్తున్నారు. చట్టాన్ని ఆయుధంగా మలచుకుని ప్రాణభయం కలిగించే క్రిమినల్ గ్యాంగ్‌లపై

Iragavaram: ఇరగవరంలో చిట్టీల పేరుతో మోసం – పోలీసులను ఆశ్రయించిన బాధితులు ఈ వార్తకు సంబంధించిన