Tamil Nadu Government News

తమిళనాడు బంగారు ఉంగరాల పథకం టెండర్‌లో జాయలక్కాస్ జ్యువెల్లర్స్ చేసిన ₹0.01 కోట్ ఆసక్తికరంగా మారింది. ప్రభుత్వ ఆసుపత్రుల్లో పుట్టే శిశువులకు 1 గ్రాము 22 క్యారెట్ బంగారు ఉంగరం అందించేందుకు ఈ పథకం రూపొందించారు. బంగారం ధర కాకుండా మేకింగ్, హాల్‌మార్కింగ్, బీమా, రవాణా ఖర్చులన్నింటికీ జాయలక్కాస్ కేవలం ఒక్క పైసా కోట్ చేసింది. దీంతో టెండర్‌లో అత్యల్ప ధరదారుగా నిలవగా, కల్యాణ్ జ్యువెల్లర్స్ కూడా అదే ధరకు సరఫరా చేసేందుకు అంగీకరించింది. అయితే ఒక్క పైసాకే గ్రాము బంగారం ఇస్తున్నారనే అర్థం కాదు. అసలు బంగారం ధరను ప్రభుత్వమే మార్కెట్ రేటు ప్రకారం విడిగా చెల్లిస్తుంది. తమిళనాడు బంగారు ఉంగరాల పథకాన్ని ‘తాయ్‌మామన్ తంగ మోతిరం తిట్టం’ పేరుతో ప్రభుత్వం తీసుకొచ్చింది. తమిళ సంప్రదాయంలో మేనమామ శిశువుకు కానుక ఇచ్చే ఆచారాన్ని ఆధారంగా చేసుకుని ఈ పథకాన్ని రూపొందించారు. తమిళనాడు శాశ్వత నివాసుల కుటుంబాల్లో ప్రభుత్వ ఆసుపత్రులు, ప్రాథమిక ఆరోగ్య కేంద్రాల్లో పుట్టిన శిశువులకు ఉంగరం అందిస్తారు. సీఎం సి. జోసెఫ్ విజయ్ పుట్టినరోజైన 2026 జూన్ 22 నుంచి జన్మించిన పిల్లలకు పథకం వర్తిస్తుంది. అధికారికంగా 2026 సెప్టెంబర్ 15న పథకాన్ని ప్రారంభించేందుకు ప్రభుత్వం ఏర్పాట్లు చేస్తోంది. ప్రతి ఉంగరం 1 గ్రాము బరువుతో 22 క్యారెట్, 916 బీఐఎస్ హాల్‌మార్క్ ప్రమాణాలతో ఉండనుంది. తమిళనాడు బంగారు ఉంగరాల పథకం కోసం ప్రభుత్వం ఏటా సుమారు ₹755.83 కోట్లు కేటాయించింది. దాదాపు 4.41 లక్షల బంగారు ఉంగరాలను సరఫరా చేయాలనే లక్ష్యంతో తమిళనాడు మెడికల్ సర్వీసెస్ కార్పొరేషన్ టెండర్లు పిలిచింది. మొత్తం 11 కంపెనీలు పోటీపడగా, అసలు బంగారం ధర ఈ పోటీలో భాగం కాదు. దీంతో మేకింగ్ ఛార్జీలు, హాల్‌మార్కింగ్, ప్యాకింగ్, బీమా, రవాణా వంటి అదనపు ఖర్చులపైనే కంపెనీలు ధరలు సమర్పించాయి. ఇదిలా ఉండగా, ఇతర సంస్థలు వందల నుంచి వేల రూపాయల వరకు కోట్ చేయగా

తమిళనాడు ప్రభుత్వం విద్యార్థుల ఆందోళనలు, నిరసనలపై జారీ చేసిన వివాదాస్పద ఆదేశాలను వెనక్కి తీసుకుంది. ప్రభుత్వ కళాశాలల విద్యార్థులు, యువత వివిధ నిరసన కార్యక్రమాలు, ఆందోళనలలో పాల్గొనకుండా అడ్డుకునేందుకు చర్యలు చేపట్టాలంటూ జారీ చేసిన సర్క్యులర్‌ను రద్దు చేస్తున్నట్లు విజయ్ సర్కార్ ప్రకటించింది. ప్రభుత్వం జారీ చేసిన సర్క్యులర్‌లో ముఖ్యంగా లెఫ్ట్ పార్టీలు, కాక్రోచ్ జనతా పార్టీ చేపడుతున్న ఆందోళనల్లో విద్యార్థులు పాల్గొనకుండా తగిన చర్యలు తీసుకోవాలని ఆదేశించడంపై విద్యార్థి సంఘాలు, ప్రతిపక్షాల నుంచి తీవ్ర విమర్శలు వ్యక్తమయ్యాయి. రాజ్యాంగం కల్పించిన నిరసన తెలిపే ప్రాథమిక హక్కును కాలరాసేలా ప్రభుత్వం వ్యవహరిస్తోందని ఆరోపణలు వెల్లువెత్తాయి. దాంతో, ఈ వివాదం తీవ్ర రూపం దాల్చక ముందే స్పందించిన ప్రభుత్వం.. తన నిర్ణయాన్ని ఉపసంహరించుకుంటూ యు-టర్న్ తీసుకుంది

తమిళనాడులో విద్యార్థులు రాజకీయ నిరసనలలో పాల్గొనకూడదంటూ విధించిన వివాదాస్పద ఆంక్షలను ఉపసంహరిస్తూ ముఖ్యమంత్రి విజయ్ ప్రభుత్వం కీలక నిర్ణయం తీసుకుంది. విద్యార్థులు రాజకీయ ఆందోళనలకు దూరంగా ఉండాలంటూ జారీ చేసిన సర్క్యులర్‌ను ప్రభుత్వం పూర్తిగా రద్దు చేసింది. ఈ ఆదేశాలను వెనక్కి తీసుకుంటున్నట్లు అధికారికంగా వెల్లడించింది. విద్యార్థులు, కాక్రోచ్ జనతా పార్టీ నుంచి వచ్చిన విమర్శలు, ప్రతికూల పరిస్థితులే దీనికి కారణమైనట్లు తెలుస్తోంది.విద్యాశాఖ జాయింట్ డైరెక్టర్ సింథియా సెల్వి ఈ విషయాన్ని వెల్లడించారు. కాక్రోచ్ జనతా పార్టీ తో పాటు లెఫ్ట్ పార్టీలు నిర్వహించే ఏ రాజకీయ నిరసనలలో విద్యార్థులు పాల్గొనకుండా నిరోధించాలంటూ గతంలో పంపిన విద్యాశాఖ ఆదేశాలను ఉపసంహరించుకున్నట్లు ఆమె స్పష్టం చేశారు. దీనికోసం ప్రత్యేకంగా ఓ సర్కులర్ ను అన్ని కళాశాలల ప్రిన్సిపాళ్లకు పంపించినట్లు వివరించారు. ఈ నిర్ణయంతో విద్యార్థుల ఆందోళనలపై ఉన్న ఈ ఆజ్ఞలు రద్దయినట్లయింది.తమిళనాడులోని అన్ని విశ్వవిద్యాలయాల రిజిస్ట్రార్లకు అలాగే ఉన్నత విద్యా సంస్థలకు తమిళనాడు ప్రభుత్వం ఈ సర్కులర్ ను పంపింది. పాఠశాలలు, కళాశాల విద్యార్థులు ఎలాంటి రాజకీయ ప్రదర్శనల్లో పాలుపంచుకోకుండా తగిన జాగ్రత్తలు తీసుకోవాలని ప్రిన్సిపాళ్లు, రిజిస్ట్రార్లను ఆదేశించింది. విద్య, పోలీస్ శాఖతో పాటు జిల్లా యంత్రాంగం అంతా కలిసి దీనిపై పూర్తిస్థాయి నిఘా ఉంచాలని సూచించింది.ఆనందం పట్టలేక.. నిండు సభలో విజయ్ పై పాట పాడిన మహిళా ఎమ్మెల్యే: సిగ్గుతో మెలికలు తిరిగిన సీఎంప్రభుత్వం తీసుకువచ్చిన ఈ వివాదాస్పద ఆంక్షలను విపక్ష కాక్రోచ్ జనతా పార్టీ తీవ్రంగా ఖండించింది. దీనిపై సౌరవ్ దాస్ ఘాటుగా స్పందించారు. ఈ నిబంధనలు పూర్తిగా రాజ్యాంగ విరుద్ధమని, విద్యార్థుల గొంతు నొక్కే ప్రయత్నమని అభివర్ణించారు. ప్రజాస్వామ్య సమాజంలో శాంతియుతంగా తమ అభిప్రాయాలను వ్యక్తపరిచే హక్కు ప్రతి ఒక్కరికీ ఉంటుందని, అలాంటి హక్కులను కాలరాయడం సరికాదని పేర్కొన్నారు. దీంతో సర్కారుపై రాజకీయ ఒత్తిడి పెరిగింది.సీఎం విజయ్ వరాల మూట: ఒక్కటి కాదు..: ప్రతి ఎమ్మెల్యేకూ ప్రభుత్వ కారు, రూ. 25

తమిళనాడులో జోసెఫ్ విజయ్ నేతృత్వంలోని ప్రభుత్వం సంచలన నిర్ణయం తీసుకుంది. రాష్ట్రంలోని మొత్తం 234 మంది ఎమ్మెల్యేలకు ప్రభుత్వ వాహనంతో పాటు భారీగా అలవెన్సులను ప్రకటించి అందరినీ ఆశ్చర్యపరిచింది. నియోజకవర్గ పనుల కోసం ఎమ్మెల్యేలకు ఒక కారు, దాని నిర్వహణకు అవసరమైన భత్యం, అధికారిక పనుల కోసం ఒక సెక్రటరీని నియమించుకునేందుకు గ్రాంట్‌ను అందిస్తున్నట్టు అసెంబ్లీలో ముఖ్యమంత్రి విజయ్ స్వయంగా ప్రకటించారు.ఈ నిర్ణయాన్ని సమర్థించుకుంటూ సీఎం విజయ్ మాట్లాడారు. "ప్రజల సమస్యలను పరిష్కరించేందుకు ఎమ్మెల్యేలు తమ నియోజకవర్గాల్లో తరచూ పర్యటించాల్సి ఉంటుంది. వారికి ప్రభుత్వ వాహనం కేటాయించడం ద్వారా పారదర్శకమైన, అవినీతి రహిత పాలనను అందించడానికి వీలవుతుంది" అని ఆయన వివరించారు. ప్రస్తుత అసెంబ్లీలో చాలా మంది ఎమ్మెల్యేలు మొదటిసారి ఎన్నికైన వారని, వారిలో కొందరు సాధారణ ఆర్థిక నేపథ్యం నుంచి వచ్చారని, ప్రజా ప్రతినిధులుగా తమ విధులు సమర్థవంతంగా నిర్వర్తించేందుకు వారికి కారు అవసరమని విజయ్ పేర్కొన్నారు.ప్రభుత్వ తాజా నిర్ణయం ప్రకారం.. ప్రతి ఎమ్మెల్యేకి కారు డ్రైవర్, ఇంధనం, నిర్వహణ ఖర్చుల కోసం నెలకు రూ.75,000 అలవెన్సు అందనుంది. అదనంగా అధికారిక పనుల కోసం ఒక సెక్రటరీని నియమించుకునేందుకు నెలకు రూ.25,000 రాష్ట్ర గ్రాంట్‌ను కూడా ప్రభుత్వం మంజూరు చేసింది. వీసీకే పార్టీ ఎమ్మెల్యే జ్యోతిమణి.. ఎమ్మెల్యేలు సమర్థవంతంగా పనిచేయడానికి అవసరమైన సౌకర్యాలు కల్పించాలని కోరిన నేపథ్యంలో ఈ ప్రకటన వెలువడింది.సీఎం ప్రకటనపై అధికార పక్ష ఎమ్మెల్యేలు హర్షం వ్యక్తం చేశారు. టీవీకే మిత్రపక్షమైన కాంగ్రెస్ ఎమ్మెల్యే తారగై కత్‌బర్ట్ మాట్లాడుతూ, ఈ నిర్ణయం తమకు

తమిళనాడు ప్రభుత్వం మహిళా ఉద్యోగుల సంక్షేమం దిశగా ఒక చారిత్రక నిర్ణయం తీసుకుంది. ప్రభుత్వ మహిళా ఉద్యోగులకు మూడో కాన్పు కోసం కూడా ప్రసూతి సెలవును 365 రోజులకు పెంచుతున్నట్లు ప్రకటించింది. ఇప్పటివరకు మొదటి రెండు కాన్పులకు మాత్రమే ఏడాది పాటు సెలవు సౌకర్యం ఉండగా, ఇప్పుడు దానిని మూడో కాన్పుకు కూడా వర్తింపజేస్తూ కీలక నిర్ణయం తీసుకుంది.ప్రస్తుతం అమల్లో ఉన్న నిబంధనల ప్రకారం.. ఇద్దరి కంటే తక్కువ పిల్లలు ఉన్న మహిళా ఉద్యోగులకు 365 రోజుల ప్రసూతి సెలవు లభిస్తోంది. అయితే, ఇద్దరు లేదా అంతకంటే ఎక్కువ పిల్లలు ఉన్నవారికి (అంటే మూడో కాన్పు కోసం) కేవలం 12 వారాల సెలవు మాత్రమే ఇస్తున్నారు. ఈ విధానంలో మార్పు చేస్తూ, మూడో కాన్పుకు కూడా పూర్తిస్థాయిలో ఏడాది సెలవు మంజూరు చేయనున్నట్లు ప్రభుత్వం స్పష్టం చేసింది.నిన్న‌ రాష్ట్ర అసెంబ్లీలో తన శాఖకు సంబంధించిన పద్దులపై జరిగిన చర్చలో మానవ వనరుల నిర్వహణ శాఖ మంత్రి డి. శరత్ కుమార్ ఈ ప్రకటన చేశారు. "తమిళనాడు ప్రభుత్వం సంక్షేమానికి, మహిళా సాధికారతకు అత్యంత ప్రాధాన్యత ఇస్తుంది. ఈ నేపథ్యంలోనే మూడో కాన్పు కోసం మహిళా ఉద్యోగులకు ప్రస్తుతం అందిస్తున్న 12 వారాల సెలవును 365 రోజులకు పెంచుతున్నాము" అని ఆయన సభకు వివరించారు.తమిళనాడులో ప్రసూతి సెలవులను పెంచడం ఇదే మొదటిసారి కాదు. గతంలో 90 రోజులుగా ఉన్న ఈ సెలవును 2011లో ఆరు నెలలకు, 2016లో తొమ్మిది నెలలకు పెంచారు. అనంతరం 2021 జులైలో అప్పటి ప్రభుత్వం

ప్రభుత్వ ఉద్యోగినులకు మాతృత్వ సెలవులు.. తమిళనాడు సర్కారు ప్రకటన చెన్నై, ఆగస్టు 18: ప్రభుత్వ మహిళా ఉద్యోగులకు మూడో సంతానానికి కూడా 365 రోజుల పాటు మాతృత్వ సెలవు ఇవ్వనున్నట్టు మంగళవారం తమిళనాడు ప్రభుత్వం ప్రకటించింది. ఇంతవరకు మొదటి, రెండు సంతానాలకే ఈ సౌకర్యం ఉండగా దాన్ని విస్తరించింది. ప్రస్తుతం మూడో సంతానానికి 12 వారాల సెలవు ఇస్తుండగా దాన్ని 365 రోజులకు పొడిగించింది. ఈ విషయాన్ని రాష్ట్ర మానవ వనరుల శాఖ మంత్రి డి.శరత్‌ కుమార్‌ అసెంబ్లీలో ప్రకటించారు. ఈ వార్తలనూ చదవండి: ఇమ్రాన్ ఖాన్‌ను ఆస్పత్రిలో చేర్పించి.. చికిత్స అందించాలి.. సుప్రీం కీలక ఆదేశాలు మీరు గట్టిగా మాట్లాడుతున్నారు.. నిశ్శబ్దంగా ఉండండి: వైట్ హౌస్‌లో విలేకరిపై ట్రంప్ ఆగ్రహం

తమిళనాడు ముఖ్యమంత్రి విజయ్ ప్రతిరోజూ సుమారు 20 గంటలు పాటు నిరంతరం శ్రమిస్తారని రాష్ట్ర మంత్రి ఆధవ్ అర్జున పేర్కొన్నారు. చెన్నైలో నిర్వహించిన 'ఇండియా టుడే' తమిళనాడు కాంక్లేవ్‌లో ఆయన ప్రసంగిస్తూ ముఖ్యమంత్రి పనితీరును ప్రశంసలతో ముంచెత్తారు.ముఖ్యమంత్రి విజయ్ దినచర్య తెల్లవారుజామున 4 గంటలకే ప్రారంభమవుతుందని ఆధవ్ అర్జున తెలిపారు. ఆ రోజు నిర్వహించాల్సిన కార్యక్రమాలు, శాఖాపరమైన అంశాలపై ఆయన మంత్రులతో చర్చిస్తారని వెల్లడించారు. అసెంబ్లీ ఎన్నికల్లో ఘనవిజయం సాధించిన అనంతరం వేడుకలకు దూరంగా ఉంటూ, పాలనపైనే పూర్తిస్థాయిలో దృష్టి సారించారని గుర్తుచేశారు. ప్రభుత్వం ఎదుర్కొంటున్న సవాళ్లను క్షుణ్ణంగా అధ్యయనం చేసేందుకు అధికారులతో ఆయన నిరంతరం సమీక్షలు నిర్వహిస్తారని వివరించారు.ప్రజల సమస్యల పరిష్కారం, మంత్రిత్వ శాఖల్లోని లోపాలను సరిదిద్దడమే ముఖ్యమంత్రి విజయ్ ప్రధాన లక్ష్యమని మంత్రి స్పష్టం చేశారు. కేవలం ప్రజాహితం కోసమే శ్రమించాలని, ప్రభుత్వ నిధుల దుర్వినియోగాన్ని అరికట్టడంతో పాటు పాలనలో పారదర్శకతను పెంపొందించాలని ముఖ్యమంత్రి తన బృందానికి నిరంతరం దిశానిర్దేశం చేస్తారని చెప్పారు.రాష్ట్రానికి అవినీతే అతిపెద్ద సమస్య అని ముఖ్యమంత్రి విజయ్ బలంగా విశ్వసిస్తారని ఆధవ్ అర్జున పేర్కొన్నారు. తమ ప్రభుత్వం అధికారంలోకి వచ్చిన మొదటి 100 రోజుల్లోనే ఆర్థిక లీకేజీలను అరికట్టేందుకు కఠిన చర్యలు తీసుకుందని తెలిపారు. అయితే, క్షేత్రస్థాయిలో ఇంకా అవినీతి కొనసాగుతోందని, త్వరలోనే దానిని కూడా పూర్తిగా నిర్మూలిస్తామని మంత్రి ధీమా వ్యక్తం చేశారు

TVK Vijay Government Completes 100 Days in Tamil Nadu : తమిళనాడులో జరిగిన అసెంబ్లీ ఎన్నికల్లో సినీ నటుడు విజయ్ సారథ్యంలోని తమిళగ వెట్రి కళగం (టీవీకే) పార్టీ సంచలన విజయాన్ని నమోదు చేసిన విషయం తెలిసిందే. అయితే, విజయ్‌కు అధికారం చేపట్టేందుకు పూర్తిస్థాయి మెజార్టీ రాకపోవటంతో కాంగ్రెస్‌సహా ఇతర పార్టీల మద్దతుతో ప్రభుత్వాన్ని ఏర్పాటు చేశారు. సీఎంగా విజయ్ బాధ్యతలు చేపట్టారు. కాగా.. విజయ్ తమిళనాడు ముఖ్యమంత్రిగా ప్రమాణ స్వీకారం చేసి 100 రోజులు పూర్తయింది. ఈ వంద రోజుల పాలనలో విజయ్ ఎలాంటి సంచలన నిర్ణయాలు తీసుకున్నారు.. ఏ మేరకు హామీలను అమలు చేశారు.. 100రోజుల విజయ్ పాలన ఎలా ఉందనే విషయాలను పరిశీలిద్దాం.. విజయ్ ప్రభుత్వం తొలి 100 రోజుల పాలన తమిళనాడు రాజకీయాల్లో కొత్త చర్చకు తెరలేపింది. సినిమాలో 100వ రోజు విజయానికి సంకేతమైతే.. రాజకీయాల్లో మాత్రం అది పాలనకు తొలి పరీక్ష. అయితే, ఈ వంద రోజుల పాలనలో సీఎం విజయ్ అవినీతి నిర్మూలపై ప్రత్యేక దృష్టిసారించారు. అవినీతి రహిత పాలన అందించడమే లక్ష్యంగా ప్రత్యేక కార్యాచరణను టీవీకే సర్కార్ చేపట్టింది. మంచి పాలన అంటే కేవలం ప్రభుత్వ పథకాలను అమలు చేయడం మాత్రమే కాదు. ప్రభుత్వ నిర్ణయాల్లో పారదర్శకత, అధికార వ్యవస్థలో జవాబుదారీతనం, ప్రజలకు ప్రభుత్వ సేవలు సులభంగా అందడం కూడా కీలకమే. ముఖ్యమంత్రి విజయ్ అవినీతిని అంతం చేసేందుకు తన వంతు ప్రయత్నం చేస్తున్నారనే చెప్పొచ్చు. ప్రభుత్వ కార్యాలయాల్లో అధికారులు ఎవరైనా కేవలం రూ. 1,000 లంచం డిమాండ్ చేసినా, ఆడియో లేదా వీడియో సాక్ష్యాలతో ఫిర్యాదు చేసే పౌరులకు రూ. 1,00,000 నగదు బహుమతి ప్రకటిస్తూ విజయ్ సంచలన ప్రకటన చేశారు. అంతేకాదు.. అవినీతి ఫిర్యాదుల స్వీకరణ కోసం 24 గంటలు పనిచేసేలా ప్రత్యేక టోల్‌ఫ్రీ నంబర్, వాట్సాప్ వేదికలను అందుబాటులోకి తెచ్చారు. అవినీతికి పాల్పడితే మంత్రులైనా, అధికారులైనా ఎలాంటి