Solar Eclipse News

ఆంధ్రప్రదేశ్ లోని తిరుపతి జిల్లా, స్వర్ణముఖి నది ఒడ్డున వెలసిన పవిత్ర శైవ క్షేత్రం శ్రీకాళహస్తి. మన దేశంలో ఉన్న అత్యంత ప్రాచీన, మహిమాన్వితమైన ఆలయాల్లో ఇది ఒకటి. ఈ క్షేత్రాన్ని "దక్షిణ కైలాసం" లేదా "దక్షిణ కాశీ" అని ఎంతో భక్తితో పిలుస్తారు. పంచభూత క్షేత్రాలలో ఇది వాయులింగ క్షేత్రంగా ఎంతో ప్రసిద్ధి చెందింది. ఈ పవిత్ర క్షేత్రం వెనుక ఉన్న ఆసక్తికరమైన చరిత్ర, ఆధ్యాత్మిక విశేషాలు, శాస్త్రీయ రహస్యాలు మిమ్మల్ని షాక్ కు గురిచేస్తాయి. ఈ ఆలయానికి ఆ పేరు రావడం వెనుక ఒక అద్భుతమైన పురాణ కథ ఉంది. 'శ్రీ', 'కాళ', 'హస్తి' అనే మూడు పదాల కలయికతో శ్రీకాళహస్తి ఏర్పడింది. ఈ మూడు జీవులు తమ తమ రీతుల్లో శివలింగాన్ని పూజించి మోక్షాన్ని పొందాయి. సాలీడు తన నూలు గూడుతో, పాము రత్నాలతో, ఏనుగు స్వర్ణముఖి నది నీరు, పూలతో పరమశివుడిని ఆరాధించాయి. వీరి నిష్కల్మషమైన భక్తికి మెచ్చి పరమేశ్వరుడు మోక్షాన్ని ప్రసాదించాడు. అందుకే ఈ క్షేత్రానికి శ్రీకాళహస్తి అని పేరు వచ్చింది. శ్రీకాళహస్తి ఆలయం పంచభూత స్థలాలలో వాయు తత్వానికి ప్రతీక. గర్భగుడిలో ఉండే శివలింగం స్వయంభూ, చతురస్రాకారంలో తెల్లని వర్ణంలో ఉంటుంది. ఇక్కడి అత్యంత విచిత్రమైన విషయం ఏమిటంటే, గర్భగుడిలో గాలి వీచడానికి ఎలాంటి మార్గాలు లేకపోయినా, శివలింగానికి ఇరువైపులా ఉండే అఖండ జ్యోతుల జ్వాలలు నిరంతరం రెపరెపలాడుతూ ఊగుతుంటాయి. ఇది స్వామివారి వాయు స్వరూపానికి, ఉచ్ఛ్వాస నిశ్వాసలకు ప్రత్యక్ష నిదర్శనమని భక్తులు బలంగా నమ్ముతారు. అంతేకాకుండా ఇక్కడి మూలవిరాట్టును పూజారులు కూడా నేరుగా చేతులతో తాకరు. సాధారణంగా సూర్య గ్రహణం లేదా చంద్ర గ్రహణ సమయాల్లో దేశంలో ఉన్న అన్ని చిన్న, పెద్ద ఆలయాలను మూసివేస్తారు. కానీ శ్రీకాళహస్తి ఆలయం మాత్రం గ్రహణ సమయాల్లో కూడా తెరిచే ఉంటుంది. ఆ సమయంలో స్వామివారికి, అమ్మవారికి ప్రత్యేక అభిషేకాలు, పూజలు నిర్వహిస్తారు. గ్రహణ ప్రభావం పడని

బెర్లిన్‌: సూర్యగ్రహణాన్ని నేరుగా కళ్లతో చూడవద్దని డాక్టర్లు హెచ్చరికలు జారీ చేసిన మనం లెక్కచేయం.. ఏమవుతుందిలే అని నేరుగా గ్రహణాన్ని చూస్తుంటాం తాజా ఇలాంటి నిర్లక్షం వందల మందిని ఆసుపత్రి పాలు చేసింది. ఐరోపాలో ఇటీవల వచ్చిన సూర్యగ్రహణాన్ని నేరుగా చూడడం ద్వారా పెద్ద సంఖ్యలో జనం ఆసుపత్రికి క్యూ కట్టాల్సి వచ్చింది. అయితే వారికి పెద్ద ‍ప్రమాదమేది లేదని డాకర్లు చెప్పడంతో అంతా ఊపిరి పీల్చుకున్నారు. ఇటీవలే ఆగస్టు 12 న ఐరోపా ఖండంలో లో సూర్యగ్రహణం సంభవించింది. దీంతో అక్కడి స్థానిక ప్రభుత్వాలు సూర్యగ్రహాణాన్ని నేరుగా చూడవద్దంటూ సోలార్ ఎక్లిప్స్ గ్లాసెస్ (రక్షణ కళ్లద్దాలు) ధరించే దానిని వీక్షించాలని ఆదేశాలు జారీ చేశాయి. అయితే కొంతమంది ప్రజలు అత్యుత్సాహం, నిర్లక్షంతో నేరుగా సూర్యగ్రహణాన్ని చూశారు. దీంతోవారు తీవ్రమైన కంటి సమస్యలతో ఆసుపత్రులపాలయ్యారు. బాధితులు ప్రధానంగా కళ్లలో మంట, దృష్టి లోపాలు, కంటి చూపు మందగించడం, తలనొప్పి మరియు కళ్లు తిరగడం వంటి సమస్యలతో బాధపడుతూ పెద్దఎత్తున ప్రజలు అత్యవసర చికిత్స కోసం వచ్చారని వైద్య సిబ్బంది తెలిపారు. ఐరోపావ్యాప్తంగా వందల సంఖ్యలో ఇటువంటి కేసులు నమోదైనట్లు పేర్కొన్నారు. జర్మనీ బెర్లిన్‌ బెర్లిన్ నగరంలోని ప్రముఖ ఆసుపత్రులైన చారిటే, వివాంటెస్ వంటి వైద్య కేంద్రాల అత్యవసర విభాగాలకు బాధితులు వరుసకట్టారని అక్కడి వైద్యులు తెలిపారు. అయితే వారిలో చాలా మందికి తాత్కాలిక సమస్యలేనని తీవ్రమైన సమస్యలు ఏవరికి లేవని వైద్యులు పేర్కొన్నారు. మరోవైపు ముందస్తు ప్రభుత్వ హెచ్చరికల కారణంగా మెజారిటీ ప్రజలు తగిన జాగ్రత్తలు పాటించడంతో బాధితుల సంఖ్య పరిమితంగానే ఉండిపోయింది. అయినప్పటికీ, సరైన సోలార్ ఎక్లిప్స్ గ్లాసెస్ ధరించకుండా సూర్యుడిని నేరుగా చూడటం వల్ల కంటిలోని రెటీనా తీవ్రంగా దెబ్బతింటుందని, దీనివల్ల తాత్కాలికంగా లేదా శాశ్వతంగా చూపు కోల్పోయే ప్రమాదం ఉంటుందని వైద్య నిపుణులు తీవ్రంగా హెచ్చరిస్తున్నారు. భవిష్యత్తులో ఇలాంటి ఖగోళ అద్భుతాలను వీక్షించే సమయంలో ప్రజలు తప్పనిసరిగా సర్టిఫైడ్ సోలార్

ఉత్తరార్థ గోళంలోని పలు ప్రాంతాల్లో నిన్న‌ అద్భుతమైన ఖగోళ దృశ్యం ఆవిష్కృతమైంది. 2026 సంవత్సరంలో ఏకైక సంపూర్ణ సూర్యగ్రహణం యూర‌ప్‌లోని కొన్ని దేశాల్లో పగటిపూటనే చీకట్లను నింపింది. 1999 తర్వాత యూరప్ ప్రధాన భూభాగంలో సంపూర్ణ సూర్యగ్రహణం ఏర్పడటం ఇదే తొలిసారి కావడంతో ప్రజలు దీన్ని ఆసక్తిగా వీక్షించారు.భూమికి, సూర్యుడికి మధ్యగా చంద్రుడు అడ్డుగా రావడంతో ఈ సంపూర్ణ సూర్యగ్రహణం ఏర్పడింది. గ్రీన్‌లాండ్, ఐస్‌లాండ్, ఉత్తర రష్యా, స్పెయిన్, పోర్చుగల్‌లోని కొన్ని ప్రాంతాల్లో ఈ గ్రహణం సంపూర్ణంగా కనిపించింది. ఈ ప్రాంతాల్లో దాదాపు 2 నిమిషాల 18 సెకన్ల పాటు పగలే రాత్రిని తలపించేలా చిమ్మచీకట్లు అలముకున్నాయి. యూర‌ప్‌, వాయవ్య ఆఫ్రికా, ఈశాన్య ఉత్తర అమెరికాలోని చాలా ప్రాంతాల్లో పాక్షిక గ్రహణం దర్శనమిచ్చింది. పశ్చిమ యూర‌ప్‌లోని కొన్ని చోట్ల సూర్యాస్తమయం వేళ ఈ గ్రహణం ఏర్పడటంతో 'సన్‌సెట్ ఎక్లిప్స్' అనే అరుదైన దృశ్యం కనువిందు చేసింది.సాధారణంగా కనిపించని సూర్యుడి బాహ్య వాతావరణమైన 'కరోనా'ను అధ్యయనం చేసేందుకు ఈ గ్రహణం శాస్త్రవేత్తలకు ఒక సువర్ణావకాశాన్ని అందించింది. కాగా, ఈ గ్రహణం ఏర్పడిన సమయంలో భారత్‌లో రాత్రి కావడంతో ఇక్కడి ప్రజలకు కనిపించే అవకాశం లేకుండా పోయింది

నేడు (ఆగస్టు 12) యూరప్‌లోని పలు ప్రాంతాల్లో సంపూర్ణ సూర్యగ్రహణం ఆవిష్కృతం కానుంది. భారత కాలమానం ప్రకారం ఇది రాత్రి సమయంలో సంభవించనుండటంతో దేశంలో ఈ గ్రహణం కనిపించదు. ఈ అరుదైన ఖగోళ వింతను వీక్షించేందుకు ఖగోళ ప్రేమికులు ఆసక్తిగా ఎదురుచూస్తుండగా, పగటిపూట అకస్మాత్తుగా గాఢాంధకరం అలుముకోవడం మూగజీవాలను తీవ్ర గందరగోళానికి గురిచేస్తుంది. ఈ క్రమంలో అవి తమ సహజ ప్రవృత్తికి భిన్నంగా వింతగా ప్రవర్తిస్తాయి.సూర్యగ్రహణం ప్రభావంతో కొన్ని నిమిషాల పాటు పట్టపగలే రాత్రిని తలపించేలా చీకటి ఏర్పడుతుంది. ప్రకృతిలో సంభవించే ఈ అనూహ్య మార్పు గురించి జంతువులు, పక్షులకు తెలియదు. ఫలితంగా వాటి దినచర్య ఒక్కసారిగా అస్తవ్యస్తమవుతుంది. గ్రహణం ప్రారంభం కాగానే పక్షులు తమ కిలకిలారావాలను ఆపివేసి, రాత్రి అయ్యిందని భావిస్తూ గూళ్లకు చేరుకుంటాయి. అదే సమయంలో గుడ్లగూబల వంటి నిశాచర జీవులు నిద్ర మేల్కొని వేటకు బయలుదేరుతాయి. తేనెటీగలు వంటి కీటకాలు తమ సంచారాన్ని పూర్తిగా నిలిపివేస్తాయి. కొన్ని జాతుల కప్పలు రాత్రి సమయంగా భ్రమించి బెకబెకమంటూ అరవడం ప్రారంభిస్తాయి.గతంలో సంభవించిన గ్రహణాల సందర్భంగా జంతు ప్రదర్శనశాలల్లో చేపట్టిన పరిశోధనలు ఆసక్తికర విషయాలను వెల్లడించాయి. గ్రహణ సమయంలో ఏనుగులు రాత్రివేళ విశ్రమించే షెడ్ల వైపు వెళ్లగా, గొరిల్లాలు తీవ్ర ఆందోళనకు లోనై రక్షణ కవచాలుగా ఉన్న గాజు గోడలను బాదడం గమనించారు. జిరాఫీలు కంగారుగా అటూ ఇటూ పరుగెత్తాయి. యజమానుల ఆందోళనను గమనించే పెంపుడు కుక్కలు, పిల్లులు సైతం కొంతమేర అసహనానికి లోనయ్యే అవకాశం ఉంది. అయితే, ఈ ప్రవర్తన కేవలం కొద్ది నిమిషాల

సౌర కుటుంబంలో చోటుచేసుకునే ఖగోళ మార్పులకు జ్యోతిష్య శాస్త్రంలో అత్యంత ప్రాధాన్యత ఉంది. ముఖ్యంగా గ్రహణాల సమయంలో జరిగే గ్రహాల కదలికలు ద్వాదశ రాశులపై తీవ్రమైన ప్రభావం చూపుతాయి. ఆగస్టు 12న ఏర్పడుతున్న ఈ ఏడాది చివరి సూర్యగ్రహణం కొన్ని రాశుల వారికి విపరీతమైన అదృష్టాన్ని మోసుకొస్తోంది. పవిత్రమైన అమావాస్య తిథి నాడు ఏర్పడుతున్న ఈ గ్రహణం కారణంగా ముఖ్యంగా నాలుగు రాశుల వారికి లక్ష్మీదేవి కటాక్షం లభించి, ఆర్థిక సమస్యలన్నీ తొలగిపోనున్నాయని జ్యోతిష్య నిపుణులు చెబుతున్నారు.భారత కాలమానం ప్రకారం ఈ సూర్యగ్రహణం ఆగస్టు 12వ తేదీ రాత్రి 9:04 గంటలకు ప్రారంభమై, ఆగస్టు 13న తెల్లవారుజామున 1:27 గంటలకు ముగుస్తుంది. అయితే, మన దేశంలో ఈ గ్రహణం రాత్రి వేళ సంభవించడం వల్ల భారత్‌లో ఇది కనిపించదు. ఈ కారణంతోనే సూతక కాలం నిబంధనలు లేదా ఎలాంటి నియమాలు పాటించాల్సిన అవసరం లేదని పండితులు స్పష్టం చేస్తున్నారు. కానీ, గ్రహాల కదలికల ఆధారంగా ఈ 4 రాశుల వారి జాతకం మాత్రం ఊహించని విధంగా మారబోతోంది.తులారాశి, వృశ్చిక రాశి ఆగస్టు నెల జాతక ఫలంసింహ రాశిసింహ రాశికి అధిపతి స్వయంగా సూర్యభగవానుడే కావడంతో, ఈ గ్రహణ ప్రభావం వీరికి ఎంతో శుభప్రదంగా మారనుంది. ఆఫీసులో మీ నాయకత్వ నైపుణ్యాలకు, కష్టపడే తత్వానికి తగిన గుర్తింపు లభిస్తుంది. సమాజంలో హోదా, కీర్తి ప్రతిష్టలు రెట్టింపు అవుతాయి. వ్యాపారంలో ఉన్నవారికి అదృష్టం కలిసివచ్చి బంపర్ ప్రాఫిట్స్ తెచ్చే భారీ డీల్స్ కుదిరే అవకాశాలున్నాయి.ధనూ రాశిధనూ రాశి వారికి ఈ గ్రహణ సమయం విపరీతమైన పురోగతిని అందిస్తుంది. ఉద్యోగ వ్యాపార రీత్యా చేపట్టిన విదేశీ ప్రయాణాలు విపరీతమైన ధనలాభాలను, విజయాన్ని తెచ్చిపెడతాయి. ఆధ్యాత్మిక విషయాలపై ఆసక్తి పెరుగుతుంది. పోటీ పరీక్షలకు సిద్ధమవుతున్న విద్యార్థులు ఈ సమయంలో శుభవార్తలు వింటారు.మిథున రాశి, కర్కాటక రాశి ఆగస్టు నెల పూర్తి జాతక ఫలం వివరాలుమేష రాశిమేషరాశి వారికి ఈ సూర్యగ్రహణం

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. Surya Grahan 2026: 2026 సంవత్సరంలో రెండో, చివరి సూర్యగ్రహణం ఆగస్టు 12న ఏర్పడనుంది. ఈసారి ఏర్పడేది సంపూర్ణ సూర్యగ్రహణం. సూర్యుడు, చంద్రుడు, భూమి ఒకే సరళిలోకి వచ్చినప్పుడు సూర్యగ్రహణం ఏర్పడుతుంది. చంద్రుడు సూర్యుడికి, భూమికి మధ్యకు రావడంతో సూర్యుడి కాంతి కొంతసేపు భూమికి చేరకుండా ఆగిపోతుంది. అయితే ఈసారి భారతీయులకు ఆ అద్భుత దృశ్యాన్ని నేరుగా చూసే అవకాశం లేదు. సూర్యగ్రహణం ఎప్పుడు? భారత కాలమానం ప్రకారం ఈ గ్రహణం ఆగస్టు 12 రాత్రి ప్రారంభమై ఆగస్టు 13 తెల్లవారుజామున వరకు కొనసాగుతుంది. అందుబాటులో ఉన్న ఖగోళ వివరాల ప్రకారం భారతదేశంలో గ్రహణం సుమారు రాత్రి 9:45 గంటల నుంచి తెల్లవారుజామున 2:15 గంటల వరకు ఉండనుంది. అయితే ఆ సమయంలో భారత్‌లో సూర్యుడు అస్తమించి ఉంటాడు. అందుకే దేశంలో ఏ ప్రాంతం నుంచీ గ్రహణాన్ని ఆకాశంలో చూడలేం. భారత్‌లో కనిపించదా? అవును. 2026 ఆగస్టు 12న ఏర్పడే సంపూర్ణ సూర్యగ్రహణం భారత్‌లో కనిపించదు. నాసా ప్రకారం గ్రహణం ప్రధానంగా గ్రీన్‌లాండ్, ఐస్‌లాండ్, ఉత్తర రష్యా, స్పెయిన్ ప్రాంతాల్లో సంపూర్ణంగా కనిపిస్తుంది. పోర్చుగల్‌లోని కొంత భాగంలో కూడా సంపూర్ణ గ్రహణం కనిపిస్తుంది. యూరప్, కెనడా, అమెరికాలోని కొన్ని ప్రాంతాలు, వాయువ్య ఆఫ్రికాలో పాక్షిక గ్రహణం కనిపిస్తుంది. సూతక కాలం ఉంటుందా? సంప్రదాయ విశ్వాసాల ప్రకారం గ్రహణం కనిపించే ప్రాంతాల్లోనే సూతక కాలాన్ని పాటిస్తారు. భారత్‌లో ఈ గ్రహణం కనిపించకపోవడంతో ఇక్కడ సూతక కాలం వర్తించదని పలు జ్యోతిష్య వర్గాలు చెబుతున్నాయి

హిందూ సంప్రదాయంలో శ్రావణ మాసానికి ఎంతో విశిష్టత ఉంది. ఈ మాసంలో వచ్చే అమావాస్యను కర్ణాటకలో భీమన అమావాస్య, ఆటి అమావాస్య, ఉత్తరాదిన హరియాళీ అమావాస్య, శ్రావణ అమావాస్యగా జరుపుకొంటారు. శివారాధన, పితృ తర్పణాలు, దానధర్మాలకు ఈ రోజు ఎంతో ప్రశస్తమైనదిగా భావిస్తారు. ఇదే రోజున సూర్యగ్రహణం కూడా ఏర్పడబోతోంది. ఫలితంగా.. దీని ప్రాధాన్యత మరింత పెరిగింది. భక్తులు పుణ్యస్నానాల ఆచరిస్తోన్నారు. పూజాదికాలను నిర్వహిస్తోన్నారు.అర్ధరాత్రి దాటిన తర్వాత 1: 52 నిమిషాలకు అమావాస్య ప్రారంభమైంది. ఈ రాత్రి 11:06 నిమిషాలకు ముగుస్తుంది. ఇదే రోజున రాత్రి 9:04 నిమిషాల నుంచి 13వ తేదీ తెల్లవారుజామున 4:25 నిమిషాల వరకు సూర్యగ్రహణం సంభవించనుంది. ఇది మనదేశంలో కనిపించదు. దీనివల్ల సూతక కాల నియమాలు పాటించాల్సిన అవసరం లేదని పండితులు చెబుతున్నారు.ఈ పవిత్రమైన రోజున నదీ స్నానానికి అధిక ప్రాధాన్యత ఇస్తారు భక్తులు. ఆ వీలు లేకపోతే.. ఇంట్లోనే గంగాజలం కలుపుకొని స్నానం చేయవచ్చు. ఈ రోజున చేసే క్రతువులో మన పూర్వీకులు, పితృ దేవతల నుంచి ఆశీస్సులు లభిస్తాయనే విశ్వాసం ఉంది. సూర్యోదయం నుండి అమావాస్య తిథి ముగిసే వరకు పితృ తర్పణం, ఇతర ఆధ్యాత్మిక కార్యక్రమాలు చేయడానికి చాలా పవిత్రమైన సమయంగా భావిస్తారు.వాస్తు ప్రకారం మెట్ల కింద ఎంతమాత్రం ఉంచకూడని వస్తువులుశక్తి కొద్దీ నువ్వులు, అన్నం, వస్త్రాలు లేదా ధనాన్ని అవసరమైన వారికి దానం చేయడం వల్ల విశేష పుణ్యఫలం లభిస్తుందని, పితృ దేవతల ఆశీస్సులు లభిస్తాయని విశ్వసిస్తారు. రావి చెట్టు కింద దీపం వెలిగించి భక్తిశ్రద్ధలతో పూజలు చేయడం వల్ల విశేష ఫలితాలు లభిస్తాయి. వేప, ఉసిరి, తిప్పతీగ, మర్రి, రావి మొదలైన మొక్కలను నాటడం శుభప్రదంగా భావిస్తారు. ఇలా నాటడం వల్లే ఉత్తరాదిన ఈ అమావాస్యను హరియాళీగా పిలుస్తారు.పితృ శాంతి కోసం శ్రీమద్భగవద్గీతలోని ఏడవ అధ్యాయాన్ని పారాయణం చేయడం అత్యంత ప్రయోజనకరంగా భావిస్తారు. శ్రావణ మాసం శివుడికి అత్యంత ప్రీతికరమైనది. ఈ

జ్యోతిష్యశాస్త్రం ప్రకారం నవ గ్రహాలలో రాహువు, కేతువులను అశుభాలకు సంకేతంగా భావిస్తారు. సూర్యుడిని రాహువు మింగేసినప్పుడు సూర్య గ్రహణం ఏర్పడుతుందని, చంద్రుడిని కేతువు మింగినప్పుడు చంద్ర గ్రహణం ఏర్పడుతుందని జ్యోతిష్య నిపుణులు చెబుతారు. ఈ గ్రహణాలు ఏర్పడే సమయాన్ని అశుభానికి ప్రతీకగా భావిస్తారు. పురాణాల ప్రకారం, సూర్య,చంద్రులను రాహు, కేతువులు మింగినప్పుడే గ్రహణాలు ఏర్పడతాయని పండితలు చెబుతారు. గ్రహణం సమయంలో భూమిపై నేరుగా అతి నీల లోహిత కిరణాలు పడటం వల్ల మనకు చెడు ప్రభావం కలుగుతుందని పండితులు చెబుతున్నారు. అంతేకాదు ఈ సమయంలో దేవాలయంలోకి ప్రతికూల శక్తులు ప్రవేశించే అవకాశం ఎక్కువగా ఉంటుంది. దేవాలయాల్లోని విగ్రహాలు తమ శక్తిని కోల్పోయే అవకాశం ఉంటుంది. అందుకే ఈ సమయంలో దేవాలయాల తలుపులను పూర్తిగా మూసివేస్తారు. హిందూ గ్రంథాల ప్రకారం, గ్రహణాల సమయంలో సూర్య, చంద్రులు అసాధారణ ప్రతికూల శక్తిని విడుదల చేస్తారు. దీంతో ఆలయాలపై తీవ్ర ప్రభావం పడుతుంది. అందుకే ప్రతికూల ప్రభావం ఆలయంలో ప్రవేశించకుండా తలుపులను మూసివేస్తారు. ఇలా చేయడం వల్ల ప్రతికూల శక్తి బలహీనపడే అవకాశం ఉంటుందని నమ్ముతారు. పురాణాల ప్రకారం, అమృతం కోసం దేవతలు, రాక్షసులు క్షీరసాగర మదనం చేశారు. ఆ సమయంలో అసురులకు అమృతం దొరుకుతుంది. ఈ విషయం పసిగట్టిన శ్రీహరి మోహినీ అవతారంలో వెళ్లి రాక్షాసులను మాయ చేసి అమృతాన్ని దేవతలకు ఇస్తుంటాడు. ఇది కనిపెట్టిన రాహువు-కేతువులు కూడా సూర్య చంద్రుల మధ్య కూర్చుంటారు. ఇదే విషయాన్ని సూర్య చంద్రులు విష్ణువుకు వివరిస్తారు. రాహువు, కేతువుల కంఠం వరకు అమృతం చేరి ఉంటుంది. అయితే శ్రీ మహా విష్ణువు వారి శిరస్సులను ఖండిస్తాడు. వారు అమృతం స్వీకరించడంతో వారి తల భాగం అమరత్వంతో ఉండిపోతుంది. వారి శరీరం నశించిపోతుంది. తమ గురించి విష్ణువుకు వివరించిన సూర్య చంద్రులను రాహు, కేతువులు తాత్కాలికంగా మింగేస్తారు. సూర్యుడు, చంద్రుడు కనిపించని ఆ కాలాన్ని చెడు కాలంగా పరిగణిస్తారు. దీంతో రాహువు

ఆగస్టు 12, 2026న ఆకాశ ప్రేమికులకు ఒకే రోజు మూడు అరుదైన ఖగోళ ఘట్టాలు కనువిందు చేయనున్నాయి. జీపీ బిర్లా అస్ట్రానమీ ప్రతినిధి మృణాళిని ఈ విషయాన్ని వెల్లడించారు. తెల్లవారుజామున ఆరు గ్రహాలు ఒకే వరుసలో కనిపించడం, పగటి పూట సంపూర్ణ సూర్యగ్రహణం, రాత్రి వేళ పెర్సీడ్ ఉల్కాపాతం గరిష్ఠ స్థాయికి చేరడం ఈ మూడు సంఘటనలు ఒకే రోజులో 24 గంటల్లో జరగడం చాలా అరుదుగా జరుగుతుందని ఆమె చెప్పారు.రేపు ఆకాశంలో ఆరు గ్రహాల ప్లానెట్ పరేడ్ తెల్లవారుజామున జరిగే గ్రహాల అమరిక గురించి చెప్తూ బృహస్పతి, బుధుడు, కుజుడు, యురేనస్, శని, నెప్ట్యూన్ అనే ఆరు గ్రహాలు తూర్పు నుంచి పశ్చిమం వైపు ఒకేరేఖలో కనిపిస్తాయి. వీటిలో కుజుడు, శని కంటికి సులభంగా కనిపిస్తాయి. బృహస్పతి, బుధుడు కొంచెం కష్టంగానూ, యురేనస్, నెప్ట్యూన్‌ను చూడాలంటే టెలిస్కోప్ అవసరం అవుతుంది. సూర్యోదయానికి 45 నిమిషాల నుంచి గంట ముందు తూర్పు ఆకాశాన్ని చూస్తే ఈ ప్లానెట్ పరేడ్ స్పష్టంగా కనిపిస్తుంది.రేపు సంపూర్ణ సూర్య గ్రహణం.. భారత్ లో కనిపించని గ్రహణం హైదరాబాద్‌లో సూర్యోదయం సాధారణంగా ఉదయం 5:50-6:00 గంటల మధ్య జరుగుతుంది కాబట్టి ఉదయం 4:30 నుంచి 5:30 మధ్య మనం ఈ ప్లానెట్ పరేడ్ చూడవచ్చు. ఇక రేపే సంపూర్ణ సూర్యగ్రహణం. ఈ గ్రహణం గ్రీన్‌ల్యాండ్, ఐస్‌ల్యాండ్, స్పెయిన్, పోర్చుగల్, ఉత్తర రష్యా ప్రాంతాల్లో మాత్రమే సంపూర్ణంగా కనిపిస్తుంది. యూరప్, ఉత్తర అమెరికాలో కొన్ని ప్రాంతాల్లో పాక్షిక గ్రహణం కనిపిస్తుంది. కానీ భారతదేశంలో ఈ గ్రహణం రాత్రి వేళ జరగడం వల్ల ఎక్కడా కనిపించదు.పెర్సీడ్ ఉల్కాపాతంభారత సమయం ప్రకారం రాత్రి 9 గంటల నుంచి తెల్లవారుజాము వరకు గ్రహణం జరుగుతున్నా మనం వీక్షించలేం. కాబట్టి సూతక కాలం వంటి నియమాలు కూడా వర్తించవు.మూడవ, అత్యంత ఆసక్తికరమైన ఘట్టం పెర్సీడ్ ఉల్కాపాతం. కామెట్ స్విఫ్ట్-టటిల్ మిగిల్చిన ధూళి కణాలు భూవాతావరణంలోకి ప్రవేశించి మండిపోవడం

ఆకాశంలో అరుదైన అద్భుతం జగరబోతోంది. ఖగోళ ప్రేమికులకు, అంతరిక్షంపై ఆసక్తి ఉన్నవారికి ఇది నిజంగా ఒక పండగ లాంటి వార్త. సాధారణంగా ఏడాదికి ఒకటి లేదా రెండు అరుదైన ఖగోళ సంఘటనలు జరుగుతుంటాయి. కానీ, ఒకే రోజు ఏకంగా నాలుగు వేర్వేరు ఖగోళ వింతలు జరగడం చాలా అరుదు. ఆగస్టు 12న సరిగ్గా 24 గంటల వ్యవధిలో నాలుగు అంతరిక్ష సంఘటనలు ఒకేసారి జరగనున్నాయి. ఈ రోజున ఆకాశంలో సిక్స్ ప్లానెట్ పరేడ్, సంపూర్ణ సూర్యగ్రహణం, న్యూ మూన్ ఫేజ్, పెర్సీడ్ ఉల్కాపాతం ఒకదాని తర్వాత ఒకటి దర్శనమివ్వనున్నాయి. ప్రపంచవ్యాప్తంగా ఉన్న సైంటిస్టులు, స్కై వాచర్లు ఈ రోజు కోసం ఎంతో ఆసక్తిగా ఎదురుచూస్తున్నారు. ఆగస్టు 12న సూర్యోదయానికి ముందే ఆకాశంలో ఒక అద్భుతమైన దృశ్యం ఆవిష్కృతం కానుంది. మన సౌరకుటుంబంలోని గురుడు (Jupiter), బుధుడు (Mercury), అంగారకుడు (Mars), శని (Saturn), యురేనస్ (Uranus), నెప్ట్యూన్ (Neptune) అనే ఆరు గ్రహాలు ఆకాశంలో తూర్పు నుండి పడమర వరకు ఒకే వరుసలో వరుసకట్టి కనిపిస్తాయి. దీనినే ఖగోళ శాస్త్రంలో 'ప్లానెట్ పరేడ్' అని పిలుస్తారు. 'ఆస్ట్రోనామర్స్ వితౌట్ బోర్డర్స్' కమ్యూనికేషన్స్ మేనేజర్ ఆండ్రూ ఫజేకాస్ తెలిపిన వివరాల ప్రకారం, ప్లానెట్ పరేడ్ అనేది అధికారిక సైంటిఫిక్ టర్మ్ కాదు. గ్రహాలన్నీ ఆకాశంలో ఒకే ప్రాంతంలో దగ్గరగా కనిపించడాన్ని సాధారణంగా ఈ పేరుతో పిలుస్తారు. ఇందులో కుజుడు, శని, గురుడు, బుధుడు గ్రహాలను మనం సాధారణ కంటితోనే చూడవచ్చు. కానీ యురేనస్, నెప్ట్యూన్ వంటి దూరంలో ఉన్న గ్రహాలను చూడటానికి బైనాక్యులర్స్ లేదా టెలిస్కోప్ తప్పనిసరి. ప్లానెట్ పరేడ్ ముగిసిన కాసేపటికే మరో భారీ అంతరిక్ష సంఘటన జరగనుంది. అదే సంపూర్ణ సూర్యగ్రహణం. చంద్రుడు భూమికి, సూర్యుడికి మధ్య సరిగ్గా అడ్డంగా రావడం వల్ల సూర్యకాంతి భూమిపై పడకుండా పూర్తిగా మారిపోతుంది. దీంతో గ్రీన్లాండ్, ఐస్లాండ్, స్పెయిన్, పోర్చుగల్, ఉత్తర రష్యా ప్రాంతాల్లో పగటిపూటే

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది. Surya Grahanam 2026: ఆగష్టు 12న శ్రీ పరాభవ నామ సంవత్సరం ఆషాఢ అమావాస్య రోజున సూర్య గ్రహణం ఏర్పడుతుంది. ఇది భారత్‌లో ఎక్కడా కనిపించదు. ఈ గ్రహణం ఐరోపా ఖండంతో పాటు ఆసియా ఖండపు ఉత్తర భాగంతో పాటు ఆఫ్రికాలో ఉత్తర, పశ్చిమ భాగాల్లో ఉత్తర అమెరికా, పసిఫిక్ మహా సముద్రము, ఆర్కిటిక్, అంట్లాటిక్ ప్రాంతాల్లోకనిపించను. స్పెయిన్, ఐస్‌లాండ్, గ్రీన్‌లాండ్ దేశాల్లో సంపూర్ణ సూర్య గ్రహణం కనిపిస్తుంది. ఇక తెలుగు రాష్ట్రాల్లో ఆషాఢ అమావాస్యను చుక్కల అమావాస్యగా పిలుస్తారు. అటు డెన్మార్క్, పోలెండ్, నార్వే, స్వీడన్, కెనడా, నార్వే, గ్రీన్‌లాండ్‌లో కొన్ని ప్రాంతాల్లో ఈ గ్రహణం కనిపించనుంది. జర్మనీ, ఐర్లాండ్, నెదర్లాండ్, ఇటలీ, ఇంగ్లాండ్, బెల్జియం, ఫ్రాన్స్, స్విట్జర్లాండ్, పోర్చుగల్, అల్జీరియా దేశాల్లో పాక్షిక సూర్య గ్రహణం కనిపిస్తుంది. ఓవరాల్‌గా 55 దేశాల్లో కనిపించనుంది. సాయంత్రం 7 గంటలకు పాక్షికంగా సూర్య గ్రహణం ప్రారంభం కానుంది. సంపూర్ణ గ్రహణ ప్రారంభం.. రాత్రి దాదాపు 9.15 గంటలకు ప్రారంభం అవుతుంది. రాత్రి 11.17 నిమిషాలకు గ్రహణం ఓ మోస్తరు వరకు ఉండబోతుంది. రాత్రి సుమారు (ఆగష్టు 13) 1.20 గంటకు వరకు ుంటుంది. తెల్లవారుఝాము 3.30 గంటల వరకు ఉండబోతుంది. ఈ గ్రహణ సమయంలో కొన్ని ప్రాంతాల్లో సూర్యుడు రెండు నిమిషాలు కనిపించకుండా పోతాడు. మొత్తంగా చీకటి అలముకుంటుంది. ఆ తర్వాత సూర్యుడి బాహ్యవలయమైన ‘కరోనా’ క్లియర్‌గా కనిపిస్తుంది. యూరప్‌ ఖండాల్లో పాక్షిక గ్రహణం కొనసాగుతున్న సమయంలోనే

Solar eclipse 2026 | ఆగస్టు 12న (బుధవారం) అరుదైన సంపూర్ణ సూర్యగ్రహణం ఏర్పడనుంది. ఇదే రోజు ఆషాఢ బహుళ అమావాస్య (చుక్కల అమావాస్య) కూడా కావడం విశేషం. ఈ గ్రహణం భారతదేశంలో కనిపించకపోయినా, ప్రపంచంలోని అనేక దేశాల్లో ప్రత్యక్షమవుతుంది. అందువల్ల ఈ గ్రహణానికి సంబంధించిన శాస్త్రీయ, ధార్మిక, జ్యోతిషపరమైన అంశాలను తెలుసుకోవడం అవసరం. ఈ ఏడాదిలో సంభవించే తొలి సంపూర్ణ సూర్యగ్రహణం ఇదే కావడం విశేషం.ఈ గ్రహణం ప్రపంచంలోని 55 దేశాల్లో ఏదో ఒక రూపంలో కనిపిస్తుంది. వాటిలో స్పెయిన్, ఐస్‌లాండ్‌ దేశాల్లో మాత్రమే సంపూర్ణ సూర్యగ్రహణం ప్రత్యక్షమవుతుంది. మిగిలిన 53 దేశాల్లో పాక్షిక సూర్యగ్రహణం మాత్రమే దర్శనమిస్తుంది. ఈ సంపూర్ణ సూర్య గ్రహణంలో చంద్రుడు సూర్యబింబాన్ని పూర్తిగా కప్పివేయడంతో, కొన్ని ప్రాంతాల్లో సుమారు రెండు నిమిషాలకు పైగా సంపూర్ణ చీకటి ఏర్పడుతుంది. అదే సమయంలో సాధారణంగా కనిపించని సూర్యుని బాహ్య వాతావరణమైన ‘కరోనా (Corona)’ స్పష్టంగా దర్శనమిస్తుంది. ఈ అవకాశాన్ని ఉపయోగించుకొని ఖగోళ శాస్త్రవేత్తలు పరిశోధనలు నిర్వహిస్తారు. ఐరోపాలోని కొన్ని ప్రాంతాల్లో పాక్షిక గ్రహణం కొనసాగుతుండగానే సూర్యాస్తమయం జరుగుతుంది. దీనిని ‘గ్రస్తాస్తమయ గ్రహణం’ అని పిలుస్తారు. ఈ గ్రహణం భారతదేశంలో ఎక్కడా కనిపించదు. అందువల్ల భారతదేశ ప్రజలకు ప్రత్యక్ష గ్రహణ దర్శనం ఉండదు. ధర్మశాస్త్రాలలో ప్రధానంగా దృశ్యగ్రహణమే ఆచారానికి ప్రమాణం. అందువల్ల భారతదేశంలో కనిపించని ఈ గ్రహణానికి సాధారణంగా సూతకం, దేవాలయాల మూసివేత, ఆహార నియమాలు, ప్రత్యేక శాంతులు వంటి ఆచారాలు అవసరం లేదని అనేక పంచాంగ సంప్రదాయాలు పేర్కొంటున్నాయి. ఈ సంపూర్ణ సూర్యగ్రహణం కర్కాటక రాశిలోని ఆశ్లేషా నక్షత్రంలో కేతుగ్రస్త సూర్యగ్రహణంగా సంభవిస్తోంది. జ్యోతిష సంప్రదాయం ప్రకారం.. గ్రహణం ప్రత్యక్షంగా దర్శనమిచ్చే ప్రాంతాల్లో నివసించే ఆశ్లేషా నక్షత్రజాతకులు, కర్కాటక రాశివారు గ్రహణ శాంతి, జపం, దానం వంటి శాస్త్రోక్త పరిహారాలు ఆచరించడం శ్రేయస్కరంగా భావిస్తారు. భారతదేశంలో ఈ గ్రహణం కనిపించనందున మన దేశంలో నివసించే వారికి గ్రహణ శాంతులు అవసరం

అంతరిక్ష పరిశోధకులకు, ఆకాశాన్ని ఆసక్తిగా గమనించే వారికి ఆగస్టు 12వ తేదీ ప్రత్యేకమైన రోజుగా నిలవనుంది. ఇంటర్నెట్ డెస్క్: అంతరిక్ష పరిశోధకులకు, ఆకాశాన్ని ఆసక్తిగా గమనించే వారికి ఆగస్టు 12వ తేదీ ప్రత్యేకమైన రోజుగా నిలవనుంది. 24 గంటల వ్యవధిలో ఆరు గ్రహాల వరుస పరేడ్, సంపూర్ణ సూర్యగ్రహణం, అమావాస్య, ఉల్కావర్షం వంటి నాలుగు ఖగోళ పరిణామాలు చోటుచేసుకోనున్నాయి (August 12 2026 Sky Events). ఆగస్టు 12న సూర్యోదయానికి ముందు ఆకాశంలో ఆరు గ్రహాలు ఒకే ప్రాంతంలో వరుసగా కనిపించనున్నాయి. బృహస్పతి, బుధుడు, అంగారకుడు, శని, యురేనస్, నెప్ట్యూన్ తూర్పు నుంచి పడమర వైపు విస్తరించి వరుసగా కనిపిస్తాయి. వీటిలో అంగారకుడు, శని వంటి ప్రకాశవంతమైన గ్రహాలను సాధారణ కంటితోనే గుర్తించే అవకాశం ఉంటుంది. అయితే యురేనస్, నెప్ట్యూన్ వంటి గ్రహాలను చూడటానికి మాత్రం దూరదర్శిని అవసరం (Six Planet Parade). ఆగస్టు 12న సంపూర్ణ సూర్యగ్రహణం కూడా ఏర్పడనుంది. భూమికి, సూర్యుడికి మధ్యలో చంద్రుడు రాబోతున్నాడు. గ్రీన్‌లాండ్, ఐస్‌లాండ్, స్పెయిన్ దేశాల్లో ఈ సూర్యగ్రహణం కనిపిస్తుంది. యూరప్, ఆఫ్రికా, ఉత్తర అమెరికాలోని కొన్ని ప్రాంతాల నుంచి పాక్షిక సూర్యగ్రహణాన్ని వీక్షించవచ్చు. భారత్‌లో ఈ సూర్యగ్రహణం కనిపించదు. భారత కాలమానం ప్రకారం, ఆగస్టు 12 రాత్రి సుమారు 9:45 గంటల నుంచి ఆగస్టు 13 తెల్లవారుజామున 2:15 గంటల మధ్య గ్రహణ కాలం ఉంటుంది (Solar Eclipse 2026). సూర్యగ్రహణం ఎప్పుడూ అమావాస్య రోజునే ఏర్పడుతుందనే సంగతి తెలిసిందే. ఈ దశలో, భూమి వైపు ఉండే చంద్రుని భాగం సూర్యకాంతి లేకుండా ఉంటుంది. దీంతో రాత్రి ఆకాశం సాధారణం కంటే మరింత చీకటిగా ఉంటుంది. ఆకాశంలో అద్భుతాలను వీక్షించేందుకు ఈ చీకటి అనుకూల పరిస్థితులను కల్పిస్తుంది (New Moon August). ఆగస్టు 12న మరో ప్రధాన ఆకర్షణ పెర్సీడ్ ఉల్కావర్షం (Perseid Meteor Shower 2026). ప్రతి ఏడాది కనిపించే ఈ ఉల్కావర్షం