Nature News

అది అట్లాంటిక్ మహాసముద్రపు తీరం.. చుట్టూ దట్టమైన అడవి, పక్షుల కిలకిలా రావాలు, నీటి అలల సప్పుడు తప్ప మనుషుల అలికిడే ఉండదు. వినడానికి ఏదో హర్రర్ సినిమాలో సైలెంట్ ఐలాండ్ లా అనిపించినా.. ఇది అమెరికాలోని మైనే తీరంలో ఉన్న విచ్ ఐలాండ్ (Witch Island) కథ! సరిగ్గా 18 ఎకరాల వైశాల్యం ఉన్న ఈ చిన్న దీవి వెనుక నమ్మశక్యం కాని ఒక సుదీర్ఘ చరిత్ర ఉంది. ఒకప్పుడు సముద్రపు దొంగలు దాక్కునే స్థలంగా, ఆ తర్వాత దెయ్యాల దీవిగా ప్రచారంలోకి వచ్చి.. చివరకు ఒక రహస్య మహిళ చేతి నుంచి పక్షులు, వన్యప్రాణుల రక్షణ కేంద్రంగా ఎలా మారిందో తెలుసుకుంటే ఆశ్చర్యపోవాల్సిందే.1630ల కాలంలో డిక్సీ బుల్ అనే ప్రసిద్ధ సముద్రపు దొంగ తన దోపిడీ సొత్తును దాచడానికి ఈ దీవిని ఒక సీక్రెట్ స్థావరంగా వాడుకునేవాడని ఇక్కడ ప్రచారంలో ఉన్న పాత కథ. ఆ తర్వాత ఫ్రాన్స్, బ్రిటన్ దేశాల మధ్య యుద్ధం జరిగినప్పుడు శత్రువుల నుంచి తప్పించుకునేందుకు ఓడలు ఇక్కడే దాక్కునేవట. కాలక్రమేణా ఈ దీవి పలువురి చేతులు మారింది. అయితే 1887లో డానియల్, అన్నా చిట్టెండెన్ అనే దంపతులు వేలంలో ఈ దీవిని కొనుగోలు చేయడంతో దీని అసలు కథ ప్రారంభమైంది.ఎవరీ విచ్ ఆఫ్ వాల్ స్ట్రీట్?అన్నా అనే మహిళ జీవితం ఒక హాలీవుడ్ థ్రిల్లర్ సినిమాను తలపిస్తుంది. చిన్నతనంలోనే కష్టాలు అనుభవించి, నాటకరంగంలో రాణించి, ఒక భారీ ఓడ ప్రమాదం నుంచి ప్రాణాలతో బయటపడింది. ఆ తర్వాత స్టాక్ మార్కెట్‌లో షేర్ల ధరలు ఎలా పెరుగుతాయో ముందుగానే ఊహించి చెప్పే విచిత్ర శక్తి తన వద్ద ఉందంటూ వాల్ స్ట్రీట్‌లో అడుగుపెట్టింది. పెద్ద పెద్ద బ్యాంకర్లు, స్టాక్ బ్రోకర్లు ఆమె జోస్యాలు విని పెట్టుబడులు పెట్టేవారు. దీంతో ప్రతిఒక్కరూ ఆమెను ప్రేమగా, భయంగా విచ్ ఆఫ్ వాల్ స్ట్రీట్ (వాల్ స్ట్రీట్ మంత్రగత్తె) అని పిలవడం

ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ (Pawan Kalyan) త్వరలో కేరళ వెళ్లనున్నారు. ఆయన వెళ్తోంది సినిమా షూటింగ్ కోసం కాదు, రాజకీయాల కోసం అంతకంటే కాదు. ఆయన ప్రకృతి వైద్యం కోసం కేరళ వెళ్లాలని నిర్ణయించుకున్నారు. కొద్ది రోజుల కిందట ఆయన భుజానికి సర్జరీ చేయించుకున్నారు. ముంబయిలో ఈ సర్జరీ జరిగింది. ఈ ఆపరేషన్ విజయవంతమైనప్పటికీ, గాయం నుంచి పూర్తిగా కోలుకోవడానికి, చేతి కండరాలు సాధారణ స్థితికి రావడానికి డాక్టర్లు పూర్తి విశ్రాంతిని, కొన్ని ప్రత్యేక వ్యాయామాలను సూచించారు. దీంతో ఆయన కేరళ వెళ్లి ప్రకృతి వైద్యం తీసుకోవాలని నిర్ణయించుకున్నారు. ఈ పర్యటనలో భాగంగా ఆయన కేరళలోని ఒక ప్రఖ్యాత ఆయుర్వేద-ప్రకృతి వైద్య చికిత్సా కేంద్రంలో దాదాపు 20 రోజుల పాటు గడుపుతారు. ఎలాంటి రాజకీయ, అధికారిక టెన్షన్లు లేకుండా, పూర్తిగా ప్రకృతిలో ఉంటూ ప్రత్యేకమైన ఫిజియోథెరపీ సెషన్స్ తీసుకుంటారు. ఈ నిర్ణయం, పవన్ మరింత త్వరగా కోలుకోవడానికి ఉపకరిస్తుందని భావిస్తున్నారు. అయితే అక్కడితో అయిపోలేదు. కోలుకున్న వెంటనే, పవన్ మరో భుజానికి శస్త్రచికిత్స నిర్వహించాల్సి ఉంది. ఈ మొత్తం ప్రాసెస్ పూర్తవ్వడానికి కనీసం మరో 3 నెలలైనా పడుతుంది

బాలీవుడ్ మెగాస్టార్ అమితాబ్ బచ్చన్ నటనలోనే కాకుండా రియల్ ఎస్టేట్ రంగంలోనూ తనదైన ముద్ర వేస్తున్నారు. ముంబైలోని తన కమర్షియల్ ఆస్తుల ద్వారా భారీ ఆదాయాన్ని ఆర్జిస్తున్నారు. తాజాగా అంధేరి వెస్ట్‌లోని ఓ వాణిజ్య భవనంలోని మూడు అంతస్తులను ఓ ప్రముఖ కంపెనీకి లీజుకు ఇచ్చి మరోసారి వార్తల్లో నిలిచారు. ఈ ఒప్పందం ద్వారా ఆయనకు నెలకు రూ. 33 లక్షల అద్దె రానుంది.ముంబై అంధేరిలోని ఓషివారా లింక్ రోడ్‌లో ఉన్న 'సిగ్నేచర్' భవనంలో అమితాబ్‌కు చెందిన ఆఫీస్ స్పేస్ ఉంది. దీనిలోని మూడు పై అంతస్తులను న్యూట్రిషన్ ఉత్పత్తుల సంస్థ 'ట్రూనేటివ్ ఎఫ్&బి ప్రైవేట్ లిమిటెడ్'కు లీజుకు ఇచ్చారు. ఈ ఒప్పందం ఆగస్టు 15 నుంచి అమల్లోకి వచ్చింది. మొత్తం 8,428 చదరపు అడుగుల విస్తీర్ణం ఉన్న ఈ స్థలానికి ఐదేళ్ల పాటు లీజు కుదిరింది. ఈ ఐదేళ్ల కాలంలో అమితాబ్‌కు అద్దె రూపంలో మొత్తం రూ. 21.88 కోట్ల ఆదాయం లభించనుంది. ఒప్పందంలో భాగంగా ట్రూనేటివ్ సంస్థ రూ. 1.98 కోట్లను సెక్యూరిటీ డిపాజిట్‌గా చెల్లించింది. ఏటా అద్దెను 5 శాతం పెంచేలా నిబంధన చేర్చారు. దీంతో పాటు 9 కార్ల కోసం ప్రత్యేక పార్కింగ్ హక్కులను కూడా కల్పించారు.గతేడాది కూడా ఇదే 'సిగ్నేచర్' భవనంలోని నాలుగు ఆఫీస్ యూనిట్లను వార్నర్ మ్యూజిక్ ప్రైవేట్ లిమిటెడ్‌కు అమితాబ్ లీజుకు ఇచ్చారు. ఆ ఒప్పందం ద్వారా నెలకు రూ. 17.30 లక్షల అద్దె వస్తోంది.ముంబైలో అమితాబ్‌కు విలువైన ఆస్తులు అనేకం ఉన్నాయి. ఆయన కుటుంబంతో నివసించే

మనుషులకు ఉన్నట్టే చెట్లకు, మొక్కలకు కూడా ఒక డైలీ రూటీన్ ఉంటుంది. మనం ఉదయాన్నే లేవడం, తినడం, పనులు చేసుకోవడం, రాత్రికి నిద్రపోవడం ఎలాగో.. మొక్కల్లో కూడా అలాగే ఒక నిర్దిష్టమైన సైకిల్ నడుస్తుంది. పగటి సమయంలో మొక్కల ఆకులు సూర్యరశ్మి, కార్బన్ డై ఆక్సైడ్ ఆధారంగా ఫోటోసింథసిస్ ద్వారా షుగర్‌ను తయారు చేస్తాయి. అదే రాత్రి వేళల్లో ఈ ప్రక్రియ చాలా స్లో అవుతుంది లేదా పూర్తిగా ఆగిపోతుంది. మొక్కల ఎదుగుదల, ఇతర పనులు కూడా రోజులో సమయాన్ని బట్టి మారిపోతుంటాయి. చెట్లు పగలు, రాత్రిని బట్టి మారడానికి వాటి శరీరంలో ఉండే 24 గంటల సర్కేడియన్ క్లాక్ కారణం. జీవుల బాడీలోని మెటబాలిజం, బ్లడ్ ప్రెజర్, నిద్ర, హార్మోన్ల విడుదల వంటి ప్రక్రియలను ఈ గడియారమే కంట్రోల్ చేస్తుంది. అయితే సైంటిస్టులకు ఒక ఆసక్తికరమైన విషయం తెలిసింది. ఏదైనా ఒక మొక్కను పూర్తిగా చీకటిగా ఉండే గదిలో ఉంచినా కూడా, దాని పగలు-రాత్రి సైకిల్ కొన్ని రోజుల పాటు అలాగే నడుస్తుంది. అంటే మొక్కలు కేవలం సూర్యుడి వెలుగును చూసి మాత్రమే సమయాన్ని లెక్కించవు. వాటి బాడీ లోపల ఒక ప్రత్యేకమైన ఇంటర్నల్ క్లాక్ పనిచేస్తుంది. సూర్యరశ్మి ద్వారా మొక్కల్లో తయారయ్యే సుక్రోజ్ ఈ జెనెటిక్ క్లాక్‌ను రన్ చేయడంలో కీలక పాత్ర పోషిస్తుంది. చీకటిలో మొక్కల సర్కేడియన్ రిథమ్‌ను కాపాడటానికి షుగర్ అవసరం. అదే సమయంలో నిరంతరం వెలుతురు ఉంటే, ఈ షుగర్ సైకిల్ సమయాన్ని తగ్గిస్తుంది. అంటే మొక్కలు వెలుతురుతో పాటు తమలో తయారయ్యే షుగర్ ఆధారంగా కూడా పగలు, రాత్రిని గుర్తుపడతాయి. దీంతో పాటు మొక్కలు ఎథిలీన్ అనే గ్యాస్‌ను ఉత్పత్తి చేస్తాయి. దీనిని ఏజింగ్ హార్మోన్ అని పిలుస్తారు. పండ్లు త్వరగా పండటానికి ఇది ఉపయోగపడుతుంది. బాగా పండిన అరటిపండును ఎవోకాడో పక్కన పెడితే, దాని నుంచి వచ్చే ఎథిలీన్ గ్యాస్ వల్ల ఎవోకాడో కూడా

ఇటీవలి కాలంలో ప్రకృతి ప్రేమికుల సంఖ్య పెరిగింది. వీక్ మొత్తం బిజీ బిజీగా గడిపిన వాళ్లు వీకెండ్ లో అలా ప్రశాంతంగా ప్రకృతి రమణీయమైన ప్రదేశాల్లో సేద తీరాలని భావిస్తుంటారు. అందుకే ఇటీవలి కాలంలో పర్యటకుల సంఖ్య విపరీతంగా పెరిగిపోయింది. ఇక చాలామంది ఫ్యామిలీతో కలిసి ఆధ్యాత్మిక ప్రదేశాలు, పర్యాటక ప్రాంతాలను చుట్టిరావాలని అనుకుంటారు. తక్కువ బడ్జెట్ లోనే బీచ్ అందాలు, ప్రకృతి సోయగాల మధ్య హ్యాపీగా గడపాలని అనుకుంటారు. అయితే వారికి ఏ ప్రదేశాలకు వెళ్లాలో తెలియదు. ఇక తమిళనాడులో ఎన్నో పర్యాటక ప్రాంతాలు ఉన్నాయి. తమిళనాడులో హిల్ స్టేషన్లు, అందమైన బీచ్ లకు నిలయంగా ఉంది. తమిళనాడులో హిల్ స్టేషన్లు చాలానే ఉన్నాయి. ఊటీని హిల్ స్టేషన్స్ కు రాణిగా పిలుస్తుంటారు. అలాగే కొడైకెనాల్, ఏర్కాడ్ తదితర ప్రదేశాలు ఉన్నాయి. ఇక బీచ్ లు అయితే మహాబలిపురం, కన్యాకుమారి, రామేశ్వరం ఉన్నాయి. అయితే కొడైకెనాల్ లో కొడై సరస్సు, కోకర్స్ వాక్, పిల్లర్ రాక్స్ ప్రసిద్ధి చెందినవి. ఇక పూంబరై గ్రామం గురించి చాలామందికి తెలియదు. ఈ హిల్ విలేజ్ కు వెళ్తే ఇతర ప్రపంచానికి వెళ్లిన ఫీలింగ్ కలుగుతుంది. కొడైకెనాల్ కు సమీపంలోనే ఈ హిల్ విలేజ్ ఉంది. పచ్చని కొండలు, రంగు రంగుల ఇళ్లు, టెర్రేస్ ఫామ్స్ ఈ ప్రాంతంలో చాలా ప్రసిద్ధి చెందాయి. కొడైకెనాల్ కు వచ్చే పర్యటకులు తప్పనిసరిగా సందర్శించాల్సిన పర్యాటక ప్రాంతంగా ఇది ఉంది. పూంబరై పర్యటక ప్రాంతాన్ని సందర్శించాలని అనుకునేవారు కుజంతై వేలప్పర్ ఆలయం(మురుగన్ గుడి) ను సందర్శించాల్సి ఉంటుంది. ఇది మూడువేల సంవత్సరాల నాటి అత్యంత పురాతనమైన పుణ్యక్షేత్రం. ఇక్కడి మురుగన్ విగ్రహం చాలా ఫేమస్. అలాగే పూంబరై విలేజ్ వ్యూ పాయింట్ కూడా చాలా ప్రసిద్ధి చెందింది. ఇక్కడి నుంచి చూస్తే కొండల మధ్యలో మెట్ల ఆకారంలో సాగయ్యే పొలాలు, రంగురంగుల ఇళ్లు.. ఓ అద్భుతమైన పెయింటింగ్ మాదిరి కనిపిస్తుంటుంది

భారీ వర్షాలతో ఇగ్వాజు జలపాతం ఒక్కసారిగా ఉగ్రరూపం దాల్చింది. సముద్రపు అలలను తలపించేలా నీరు దూసుకొస్తున్నా.. కొందరు పర్యాటకులు మాత్రం వంతెనపై నిలబడి ఫొటోలు, వీడియోలు తీసుకున్నారు. ఈ భయానక దృశ్యాలు ఇప్పుడు సోషల్ మీడియాలో వైరల్‌గా మారాయి. ఇంటర్నెట్ డెస్క్: సోషల్ మీడియాలో వైరల్ అవుతున్న ఓ వీడియో ఇగ్వాజు జలపాతం వద్ద ప్రకృతి ఎంత శక్తివంతంగా మారుతుందో కళ్లకు కట్టినట్లు చూపిస్తోంది. భారీ వర్షాల అనంతరం ఇగ్వాజు జలపాతంలో నీటి ప్రవాహం ఒక్కసారిగా ఉధృతంగా మారింది. సాధారణంగా అందమైన పర్యాటక ప్రాంతంగా కనిపించే జలపాతం.. ఈసారి భారీ వరద ప్రవాహంతో భయానకంగా దర్శనమిచ్చింది. నీరు గోధుమ, తెలుపు రంగుల్లో అత్యంత వేగంగా కిందకు దూసుకెళ్తుండగా.. చుట్టూ ఎటుచూసినా భారీ నీటి ప్రవాహమే కనిపిస్తోంది. ఇంతటి ప్రమాదకర పరిస్థితుల్లోనూ కొంతమంది పర్యాటకులు వంతెనపై నిలబడి ఫొటోలు, వీడియోలు తీసుకుంటూ కనిపించడం వీక్షకులను మరింత ఆశ్చర్యానికి గురిచేసింది. అర్జెంటీనా-బ్రెజిల్ సరిహద్దులో ఉన్న ఇగ్వాజు జలపాతం ప్రపంచంలోని ప్రసిద్ధ జలపాత వ్యవస్థల్లో ఒకటి. ఇది ఒకే జలపాతం కాకుండా సుమారు 2.7 కిలోమీటర్ల పరిధిలో విస్తరించిన 275కు పైగా చిన్న, పెద్ద జలపాతాల సమాహారం. ఇందులో అత్యంత ప్రసిద్ధమైన భాగం ‘గార్గాంటా డెల్ డియాబ్లో’ లేదా ‘డెవిల్స్ థ్రోట్’. వర్షాకాలంలో ఇక్కడ నీటి ప్రవాహం భారీగా పెరుగుతుంది. భారీ వర్షాలు కురిసినప్పుడు ప్రశాంతంగా కనిపించే జలపాతం ఒక్కసారిగా ఉగ్రరూపం దాల్చుతుంది. ఈ వైరల్ వీడియోలోనూ నీటి ప్రవాహం సాధారణం కంటే అనేక రెట్లు బలంగా కనిపిస్తోంది. ఉధృతంగా ప్రవహిస్తున్న నీటిని చూస్తేనే ప్రకృతి శక్తి ఎంతటి ప్రమాదకర స్థాయికి చేరగలదో అర్థమవుతోంది. ఈ వీడియో @FLCons అనే సోషల్ మీడియా ఖాతా ద్వారా షేర్ చేశారు. వీడియోలో.. జలపాతం ఉగ్రరూపంలో ఉన్నప్పటికీ కొంతమంది పర్యాటకులు వంతెనలు, నడకదారుల వద్ద నిలబడి ఫొటోలు, వీడియోలు తీసుకుంటున్న దృశ్యాలు నెటిజన్లను ఆందోళనకు గురిచేస్తున్నాయి. నీటి ప్రవాహం అంత బలంగా

డిజిటల్ టెక్నాలజీ వేగంగా అభివృద్ధి చెందడంతో, ఆన్‌లైన్ లావాదేవీలు మన దైనందిన జీవితంలో ఒక అంతర్భాగంగా మారాయి. ఆన్‌లైన్‌లో షాపింగ్ చేయడం, నిధులను బదిలీ చేయడం లేదా వ్యాపారం చేయడం వంటి ఏ విషయంలోనైనా, డిజిటల్ లావాదేవీల సౌలభ్యం మనం ఆర్థిక కార్యకలాపాలు నిర్వహించే విధానంలో విప్లవాత్మక మార్పులు తెచ్చింది. ఆన్‌లైన్ లావాదేవీలలో మోసాలను నివారించడానికి డిజిటల్ సంతకాలు ఒక శక్తివంతమైన సాధనంగా ఆవిర్భవించాయి. ఎలక్ట్రానిక్ పత్రాల ప్రామాణికతను ధ్రువీకరించడానికి, సంతకం చేసేవారి గుర్తింపును నిర్ధారించడానికి సురక్షితమైన, ట్యాంపర్-ప్రూఫ్ పద్ధతిని అందించడం ద్వారా, ఆన్‌లైన్ లావాదేవీల భద్రత, విశ్వసనీయతను పెంచడంలో డిజిటల్ సంతకాలు కీలక పాత్ర పోషిస్తున్నాయి. ఆన్‌లైన్ లావాదేవీల్లో మోసాలను నివారించడానికి ఇవి ఎలా దోహదపడుతున్నాయో తెలుసుకుందాం. డిజిటల్‌ సంతకమనేది ఒక డిజిటల్‌ పత్రం లేదా సందేశానికి సంబంధించిన సమగ్రతను, ప్రామాణికతను ధ్రువీకరించడానికి ఉపయోగించే ఒక క్రిప్టోగ్రాఫిక్‌ పద్ధతి. ఒక వ్యక్తికి సంబంధించిన గుర్తింపును చేతితో రాసి తెలిపే సంప్రదాయ సంతకానికి భిన్నంగా, క్రిప్టోగ్రాఫిక్‌ కీలను ఉపయోగించి రూపొందించిన ఒక గణిత అల్గారిథమే డిజిటల్‌ సంతకం. సంతకం చేసే వ్యక్తికి సంబంధించిన ప్రైవేట్ కీతో పాటు, సంతకం చేస్తున్న పత్రం లేదా సందేశంలోని విషయానికి ఒక గణిత ఫంక్షన్‌ను వర్తింపజేయడం ద్వారా డిజిటల్ సంతకాలు సృష్టిస్తారు. ఆదాయపు పన్ను రిటర్నులను దాఖలు చేయడానికి, కార్పొరేట్ వ్యవహారాల మంత్రిత్వ శాఖకు సమర్పణలు చేయడానికి లేదా ఇ-టెండర్లలో పాల్గొనడానికి, అద్దె ఒప్పందాలు, ఉద్యోగ ఒప్పందాలు వంటి వ్యక్తిగత చట్టపరమైన పత్రాల కోసం డిజిటల్ సంతకాలను ఉపయోగించవచ్చు. పూర్తిగా ఎలక్ట్రానిక్ రూపంలో రూపొందించి, ప్రాసెస్ చేసిన పత్రాలకు ఇ-సంతకాలు ఉత్తమంగా సరిపోతాయి. ఇవి వేగం, భద్రత, చట్టపరమైన చెల్లుబాటును నిర్ధారిస్తాయి. వీలునామాలు, రిజిస్ట్రేషన్, భౌతిక సంతకాలు అవసరమయ్యే సేల్ డీడ్, గిఫ్ట్ డీడ్ వంటి కొన్ని ఆస్తి పత్రాలు, పవర్ ఆఫ్ అటార్నీ, ట్రస్ట్ డీడ్‌లు లాంటి వాటిలో వీటిని అంగీకరించరు. ఇంకా, కోర్టులు కేవలం క్రిప్టోగ్రాఫిక్

Amaravati Signature Bridge : ఏపీ రాజధాని అమరావతి రూపురేఖలను మార్చే మరో ప్రతిష్ఠాత్మక ప్రాజెక్టుకు సీఎం చంద్రబాబు నాయుడు సారథ్యంలోని కూటమి ప్రభుత్వం శ్రీకారం చుట్టబోతోంది. కృష్ణానదిపై ప్రకాశం బ్యారేజీకి దిగువన భారీ ‘బ్రిడ్జి’ నిర్మాణానికి ప్రణాళికలు సిద్ధమయ్యాయి. సుమారు 1.10 కిలోమీటర్ల పొడవుతో ఆరు వరుసలుగా ఈ వంతెనను నిర్మించనున్నారు. తద్వారా విజయవాడ–అమరావతి మధ్య రాకపోకలను మరింత సులభతరం చేయడంతో పాటు, రాజధానికి ఐకానిక్ గేట్‌వేగా తీర్చిదిద్దాలని భావిస్తున్నారు. అయితే, ఈ బ్రిడ్జికి అనేక ప్రత్యేకతలు ఉన్నాయి. కృష్ణా నదిపై బ్రిడ్జి నిర్మాణానికి ప్రభుత్వం, అమరావతి గ్రోత్‌ ఇన్‌ఫ్రాస్ట్రక్చర్‌ కార్పొరేషన్‌ (ఏజీఐసీఎల్‌) చర్యలు ప్రారంభించింది. అయితే, ఈ బ్రిడ్జికి ‘సిగ్నేచర్‌ బ్రిడ్జ్‌’గా పేరును ఖరారు చేశారు. ఇది రాజధాని అమరావతికి ఒక ప్రధాన గేట్‌వేగా, పర్యాటకులను ఆకర్షించే ఐకానిక్‌ నిర్మాణంగా తీర్చిదిద్దాలని కూటమి సర్కార్ భావిస్తోంది. ఈ బ్రిడ్జి ఆరు వరుసలతో అంతర్జాతీయ ప్రమాణాలకు అనుగుణంగా నిర్మించనున్నారు. వాహనాల రాకపోకలకు మాత్రమే కాకుండా పాదచారులు, సైక్లిస్టులకు కూడా సౌకర్యాలు కల్పించేలా ప్రత్యేక ఫుట్‌పాత్‌లు, సైకిల్‌ ట్రాక్‌లు ఏర్పాటు చేయాలని ప్రణాళికలో పేర్కొన్నారు. కొత్త బ్రిడ్జి ద్వారా అమరావతి సీడ్‌ యాక్సెస్‌ రోడ్డుకు మెరుగైన కనెక్టివిటీ లభించనుంది. హైదరాబాద్ – మచిలీపట్నం జాతీయ రహదారి (ఎన్‌హెచ్ – 65), విజయవాడ నగరాలతో అమరావతి అనుసంధానాన్ని మెరుగుపర్చనున్నారు. దీనికిగాను బ్యారేజీకి 300 మీటర్ల దిగువన, అంటే.. ప్రకాశం బ్యారేజీ, రైలు బ్రిడ్జిలకు మధ్యలో సిగ్నేచర్ బ్రిడ్జిని నిర్మిస్తారు. సీతానగరం ఘాట్ నుంచి కనకదుర్గ ప్లైఓవర్ ద్వారా, మచిలీపట్నం – హైదరాబాద్ జాతీయ రహదారిని (ఎన్‌హెచ్ -65) అనుసంధానిస్తూ ఈ ప్రాజెక్టును చేపట్టనున్నారు. ప్రస్తుతం ప్రకాశం బ్యారేజీపై ఉన్న ట్రాఫిక్‌ రద్దీని కూడా ఈ నూతన బ్రిడ్జి కొంతమేర తగ్గించే అవకాశం ఉంది. ఇదిలాఉంటే.. సిగ్నేచర్ బ్రిడ్జి డిజైన్‌కు సంబంధించి నాలుగు నమూనాలను ప్రజల అభిప్రాయాల కోసం అందుబాటులో ఉంచారు. వాటిలో ఒక నమూనాను ఎంపిక

అమరావతికి గేట్‌ వేగా ఐకానిక్‌ బ్రిడ్జ్‌ అంతర్జాతీయ ప్రమాణాలతో నిర్మాణం రూ.వెయ్యి కోట్ల మేరకు వ్యయ అంచనా మంగళవారం ముగిసిన ప్రీ-బిడ్‌ మీటింగ్‌ ఈ నెల 26 వరకు బిడ్‌ దాఖలుకు గడువు గుంటూరు(రాజధాని), ఆగస్టు 11(ఆంధ్రజ్యోతి): రాజధాని అమరావతిని విజయవాడతో అనుసంధానం చేస్తూ మరో ప్రతిష్ఠాత్మకపైన బ్రిడ్జి నిర్మాణానికి ప్రభుత్వం, అమరావతి గ్రోత్‌ ఇన్‌ఫ్రాస్ట్రక్చర్‌ కార్పొరేషన్‌(ఏజీఐసీఎల్‌) శ్రీకారం చుట్టాయి. బ్రిడ్జి నిర్మాణానికి సంబంధించిన ఫీజిబిలిటీ, సమగ్ర ప్రాజెక్టు నివేదిక కోరుతూ ఏజీఐసీఎల్‌ కొద్దిరోజుల క్రితం టెండర్లను ఆహ్వానించింది. ఈ నేపథ్యంలో మంగళవారం రాయపూడిలోని ఏజీఐసీఎల్‌ కార్యాలయంలో కన్సల్టెన్సీలతో ప్రీ-బిడ్‌ మీటింగ్‌ జరిగింది. ఈ సమావేశంలో బ్రిడ్జి నిర్మాణానికి సంబంధించి పలు అంశాలపై చర్చించారు. ఈ వంతెనను ప్రస్తుతం నిర్మించిన సీడ్‌ యాక్సిస్‌ రోడ్డుతో అనుసంధానించడం ద్వారా అమరావతికి మరింత మెరుగైన కనెక్టివిటీని కల్పించనున్నారు. ఏజీఐసీఎల్‌ టెండర్ల ప్రకారం కొత్తగా నిర్మిస్తున్న ఈ బ్రిడ్జికి ‘సిగ్నేచర్‌ బ్రిడ్జ్‌’గా పేరును ఖరారు చేశారు. హైదరాబాద్‌-మచిలీపట్నం జాతీయరహదారి(ఎన్‌హెచ్‌-65), విజయవాడ నగరాలతో అమరావతి అనుసంధానాన్ని మెరుగుపరచనున్నారు. దీనికిగాను బ్యారేజీకి 300 మీటర్ల దిగువన, అంటే ప్రకాశం బ్యారేజీ, రైలు బ్రిడ్జిలకు మధ్యలో సిగ్నేచర్‌ బ్రిడ్జిని నిర్మిస్తారు. సీతానగరం ఘాట్‌ నుంచి కనకదుర్గ ఫ్లై ఓవర్‌ ద్వారా, మచిలీపట్నం-హైదరాబాద్‌ జాతీయ రహదారిని(ఎన్‌హెచ్‌-65) అనుసంధానిస్తూ ఈ ప్రాజెక్టును చేపడతారు. రాజధానికి గేట్‌వేగా, ప్రముఖ పర్యాటక ఆకర్షణగా నిలిచేలా ఈ ప్రాజెక్టును 6 వరుసలతో అంతర్జాతీయ ప్రమాణాలతో నిర్మించేందుకు ప్రణాళికలు సిద్ధం చేశారు. ప్రయాణికుల సౌకర్యార్థం ఈ వంతెనను ఆరు వరుసల రహదారులతోపాటు, రెండువైపులా ప్రత్యేకంగా ఫుట్‌పాత్‌లు, సైకిల్‌ ట్రాక్‌లు ఏర్పాటు చేయనున్నారు. ఇంజనీరింగ్‌, ప్రొక్యూర్‌మెంట్‌, కన్‌స్ట్రక్షన్‌(ఈపీసీ) పద్ధతిలో చేపట్టనున్న ఈ ప్రాజెక్టు నిర్మాణం కోసం కాన్సెప్ట్‌, డిజైన్లు, వ్యయ అంచనాల ఆధారంగా ఎంపికైన కన్సల్టెన్సీ సంస్థ నిర్మిస్తుంది. ప్రాజెక్టు అధ్యయనం కోసం బిడ్‌లు దాఖలు చేయడానికి ఈ నెల 26 వరకు గడువు ఉంది. ఎంపికైన సంస్థ 3 నెలల్లోగా డీపీఆర్‌ను

తహసీల్దార్‌ నుంచి కలెక్టర్‌ దాకా గతంలో ఎన్‌వోసీలు జారీ చేసిన అధికారులు రికార్డుల్లో కనిపించని ఆ వివరాలు ఫోర్జరీ సంతకాలతోనూ ఎన్వోసీలు ప్రస్తుతం నిషేధిత జాబితాలోకి భూములు.. కార్యాలయాల చుట్టూ తిరుగుతున్న బాధితులు గత ప్రభుత్వ హయాంలో ఎక్కువగా ఈ తరహా ఎన్‌వోసీలు హైదరాబాద్‌, ఆగస్టు 9 (ఆంధ్రజ్యోతి): రాష్ట్రంలో నిషేధిత భూముల జాబితా (22ఏ)పై నెలకొన్న వివాదానికి నకిలీ ఎన్‌వోసీల వ్యవహారం కూడా సమస్యగా మారింది. గతంలో భూముల రిజిస్ట్రేషన్‌కు అనుమతించాలంటూ అధికారులు జారీ చేసిన నిరభ్యంతర పత్రాలు (ఎన్‌వోసీలు) రికార్డుల్లో ఉండకపోవడంతో.. ఆ భూములను ప్రస్తుతం నిషేధిత జాబితాలో చేర్చారు. అయితే అప్పట్లో ఎన్‌వోసీలు పొందిన బాధితులు మాత్రం వాటినే పట్టుకుని అధికారుల చుట్టూ తిరుగుతున్నారు. దీంతో ఏవి నిజమైన ఎన్‌వోసీలో, ఏవి నకిలీవో తెలియక అధికారులు తలపట్టుకుంటున్నారు. ఉదాహరణకు.. మేడ్చల్‌ మల్కాజిగిరి జిల్లా, మేడ్చల్‌ మండలం దబీర్‌పూర్‌ గ్రామంలో సర్వే నంబరు 67/ఏ, 67/ఏఏ పరిధిలో 10 ఎకరాల భూమిని 22ఏ జాబితా నుంచి తొలగించాలంటూ 2023 సెప్టెంబరు 13న అప్పటి కలెక్టర్‌ డి.అమోయ్‌కుమార్‌ స్టాంపులు, రిజిస్ట్రేషన్ల శాఖ ఐజీకి సిఫారసు చేశారు. కానీ, సిఫారసులకు సంబంధించిన ఫైలు మాత్రం కలెక్టరేట్‌లో లేదు. దీంతో 2025 డిసెంబరు 31న మేడ్చల్‌ జిల్లా అధికారులు తయారు చేసిన 22ఏ జాబితాలో ఈ సర్వే నంబరులో ఉన్న భూమిని కూడా చేర్చారు. ఒకవేళ కలెక్టర్‌ ఇచ్చిన ఉత్తర్వుల ప్రకారం రిజిస్ట్రేషన్‌ శాఖ అప్పట్లో రిజిస్ట్రేషన్‌కు అనుమతించి ఉంటే ఆ భూములు ఇప్పుడు నిషేధిత జాబితాలో ఉండేవికావు. బాధితులు మాత్రం ‘కలెక్టర్‌ అనుమతించారు.. నిషేధిత జాబితా నుంచి తొలగించండి’ అంటూ అధికారులపై ఒత్తిడి తెస్తున్నారు. ఈ తరహా కేసులు ఇప్పుడు రాష్ట్ర వ్యాప్తంగా, ముఖ్యంగా రాజధాని పరిధిలో ప్రభుత్వానికి తలనొప్పిగా మారాయి. ఎవరి స్థాయిలో వారు సిఫారసులు.. జిల్లా కలెక్టర్‌, ఆర్డీవో, అదనపు కలెక్టర్‌, తహసీల్దార్‌.. ఇలా ఎవరి స్థాయిలో వారు, ఏదో ఒక