Independence Day Flag News

ఇంటర్నెట్‌డెస్క్‌: ఎర్రకోట వేదికగా ప్రధాని మోదీ (PM Modi) యువత లక్ష్యంగా పలు కార్యక్రమాలను ప్రకటించారు. కోటి మంది యువతకు ఏఐ (AI) నైపుణ్యాలలో శిక్షణ ఇస్తామని, పోటీ పరీక్షలకు ఉచిత ఆన్‌లైన్ కోచింగ్ అందిస్తామన్నారు. పేద, మధ్యతరగతి కుటుంబాలపై ఉన్న ఆర్థిక భారాన్ని తగ్గించడమే.. ఉచిత కోచింగ్‌ కార్యక్రమ లక్ష్యమని చెప్పారు. అలాగే ప్రస్తుతం దేశంలో జరుగుతోన్న జనగణన గురించి ప్రస్తావించారు. దానిలో చురుగ్గా పాల్గొనాలని మోదీ పిలుపునిచ్చారు. ‘‘నేను అందరినీ ఒక ఫేవర్ చేయాలని అడుగుతున్నాను. ఒక గంటా, రెండు గంటల సమయం కేటాయించండి. అది దేశానికి ఎంతో ఉపయోగపడుతుంది. ఆ మాత్రం సమయం దేశాన్ని ఎలా బలోపేతం చేస్తుందా..? అని యువత ఆలోచిస్తూ ఉండొచ్చు. వారి భాగస్వామ్యంతో ప్రతి ఇంట్లో జనాభా గణనకు ఒక అనుకూల వాతావరణం ఏర్పడేందుకు అవకాశం ఉంటుంది. గణన అంటే లెక్కలన్నీ ఒక దగ్గర రాసుకోవడం కాదు. జనాభా లెక్కల సమయంలో ప్రజలు ఇచ్చే వివరాల ఆధారంగానే జాతీయ విధానాలు, పథకాలు రూపుదిద్దుకుంటాయి. దేశ ప్రగతికి ఆ లెక్కలు సూచీగా ఉంటాయి. అందుకే కచ్చితమైన, స్పష్టమైన సమాచారం ఇవ్వడం అత్యంత కీలకం’’ అని మోదీ పేర్కొన్నారు. అలాగే ‘దిమాగీ నక్సల్స్‌’ గురించి మాట్లాడుతూ.. వారిని దేశానికి కొత్త శత్రువులుగా అభివర్ణించారు. ‘‘సంవత్సరాలుగా మావోయిస్టు భావజాలం ఉన్న వ్యక్తులు దేశంలో బలంగా పాతుకుపోయారు. అడవుల్లోని సాయుధ నక్సల్స్‌ను నిర్మూలించి, ఆ సంక్షోభం నుంచి దేశాన్ని విముక్తి చేయడంలో ప్రభుత్వం విజయం సాధించింది. సాయుధ నక్సల్స్ కనుమరుగైనా.. ‘దిమాగీ నక్సల్స్’ మిగిలి ఉన్నారు. వారు ఒక అవకాశం కోసం ఎదురుచూస్తున్నారు. సమాజాన్ని తప్పుడు మార్గంలోకి లాగడానికి వారు కొత్త ఎత్తుగడలు వేస్తున్నారు. మనం వారిని గుర్తించి..ఒంటరివాళ్లని చేయాలి’’ అని సూచించారు. తయారీ, వ్యవసాయం, సాంకేతికత, మౌలిక సదుపాయాలు, రక్షణ రంగం, గ్రీన్‌ అండ్‌ బ్లూ ఎకానమీ, ఇండియాస్ సాఫ్ట్‌ పవర్‌ కోసం ‘సప్తధార’ రోడ్‌మ్యాప్‌ను మోదీ ప్రకటించారు (Independence

ఇంటర్నెట్‌ డెస్క్‌: సాయుధ బలగాల్లో విశిష్ట సేవలు అందించిన సైనికులను (Indian Army) గుర్తించి, స్వాతంత్ర్య దినోత్సవ సందర్భంగా కేంద్ర ప్రభుత్వం వారికి పతకాలు అందిస్తున్న విషయం తెలిసిందే. ఈ క్రమంలో శౌర్య పురస్కారాలతో పాటు వివిధ ఆపరేషన్లలో తెగువ చూపిన వారిని మెన్షన్‌-ఇన్‌-డిస్పాచెస్‌ జాబితాలో చేర్చి గౌరవించింది. ఇందులో ఓ ప్రత్యేక ‘సైనికుడి’ పేరు ప్రత్యేక ఆకర్షణగా నిలిచింది. ఉగ్ర మూకలను వేటాడే ఆపరేషన్‌లో పాల్గొని, అసాధారణ ధైర్య సాహసాలను ప్రదర్శించిన ‘టైసన్‌’ (Tyson) అనే సైనిక జాగిలం ఈ గుర్తింపును సొంతం చేసుకోవడం విశేషం. భారత సైన్యానికి చెందిన ‘టైసన్‌’.. జర్మన్‌ షపర్డ్‌ జాతికి చెందిన శునకం. రీమౌంట్‌ వెటర్నరీ కోర్‌ విభాగానికి చెందిన ఈ జాగిలం.. ప్రస్తుతం 2 పారా ప్రత్యేక దళాల్లో సేవలందిస్తోంది. ఈ ఏడాది జనవరిలో జమ్మూ కశ్మీర్‌లో జరిగిన ఉగ్ర ఆపరేషన్‌లో కీలక పాత్ర పోషించింది. కిశ్త్‌వాఢ్‌ జిల్లాలోని చాత్రూలో జైషే మహ్మద్‌ ఉగ్రమూకలు (సీనియర్‌ కమాండర్‌ సైఫుల్లా సహా ముగ్గురు) ఉన్నట్లు భద్రతా దళాలకు సమాచారం అందింది. రంగంలోకి దిగిన సైన్యం.. జమ్మూపోలీస్‌, సీఆర్‌పీఎఫ్‌, తదితర విభాగాలతో కలిసి ఆపరేషన్‌ త్రాషి (Operation Trashi-I) చేపట్టింది. అటవీ ప్రాంతంలో ఉన్న ఓ ఇంటి దగ్గరకు చేరుకోగానే.. అందులో దాక్కున్న ఉగ్రమూకలు కాల్పులు జరిపారు. ఇందులో మొదటి బుల్లెట్‌ టైసన్‌ కాలులోకి దూసుకెళ్లింది. అయినా, ఎలాంటి బెరుకూ లేకుండా ఆ జాగిలం ముందుకే సాగింది. అనుసరించి వెళ్లిన భద్రతా దళాలు ఉగ్రవాదుల కదలికలను గుర్తించాయి. జైషే సీనియర్‌ కమాండర్‌ సైఫుల్లా సహా ముగ్గురు ఉగ్రవాదులను మట్టుపెట్టి ఆపరేషన్‌ను విజయవంతంగా పూర్తిచేశాయి. అయితే, తీవ్రంగా గాయపడిన టైసన్‌ను హెలికాప్టర్‌లో తీసుకొచ్చి చికిత్స అందించారు. అనంతరం కొన్ని రోజుల్లో ఆ జాగిలం పూర్తిగా కోలుకుంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో

ఇంటర్నెట్‌ డెస్క్‌: దేశంతో తనకు, తన కుటుంబానికి ఎంతో అనుబంధం ఉందంటున్నారు యూపీలోని లఖ్‌నవూకు చెందిన ఓ రిటైర్డ్‌ ఆర్మీ అధికారి సతీమణి. దేశానికి ప్రస్తుతం ఎంత వయసుందో తనకూ అంతే వయసంటూ చెబుతున్నారు. ఎందుకంటే.. 1947 ఆగస్టు 14 అర్ధరాత్రి దేశానికి స్వాతంత్ర్యం వచ్చిన సమయంలోనే తానూ జన్మించానని చెప్పారు. ‘‘బ్రిటిష్ వలస పాలన ముగింపును సూచిస్తూ.. భారత మొదటి ప్రధాని జవహర్‌లాల్ నెహ్రూ త్రివర్ణ పతాకాన్ని ఎగురవేసి ప్రసంగిస్తున్న సమయంలోనే వారణాసిలో పుట్టాను. అందుకే నాపేరు ‘విజయ’ కుమారి అని పెట్టారు. నా పుట్టిన రోజును దేశం మొత్తం సంబరంలా జరుపుకొంటారని చిన్నప్పుడు నా తల్లిదండ్రులు చెప్పేవారు. పెద్దయ్యాక దేశానికి సేవ చేసే సైనికుడిని వివాహం చేసుకున్నా. 1965 ఇండో-పాకిస్థాన్ యుద్ధంలో ఓ పేలుడు ఘటనలో ఆయన ఒక కాలును కోల్పోయారు. అయినప్పటికీ ఆయన చూపిన పరాక్రమానికి ప్రభుత్వం ఆయనను ‘వీరచక్ర’తో సత్కరించింది. ఆయనే మేజర్‌ ధీరేంద్ర నాథ్ సింగ్. దేశంపై ఉన్న ప్రేమతో 1966లో కృత్రిమ కాలు అమర్చుకొని మరీ లఖ్‌నవూలో విధులు నిర్వర్తించేవారు. కొన్నాళ్లకు వైద్యపరంగా అనర్హులుగా (medically unfit) ప్రకటించి ఆయన్ను విధుల నుంచి తొలగించారు. అయినప్పటికీ మేము బాధ పడలేదు. మా ఇద్దరు కుమారులను ఆర్మీలో చేర్పించాం. ఒక మనవడు ప్రస్తుతం సైన్యంలో సేవలందిస్తుండగా.. మరో మనవడు శిక్షణ పొందుతున్నాడు. గతేడాది నా భర్త చనిపోయారు. నా కుటుంబం అంతా దేశసేవలోనే గడుపుతోంది’’ అని ఆమె తన జీవితగాథను గుర్తుచేసుకున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి

Unsung heroes of India| ఇంటర్నెట్‌డెస్క్‌: భారత్‌ స్వాతంత్ర్యం సాధించుకోవడం ఓ ఎత్తు.. దానిని కంటికి రెప్పలా కాపాడుకోవడం మరో ఎత్తు. అవకాశం దొరికినప్పుడల్లా భారత్‌ను నాశనం చేయడానికి పాక్‌ ప్రయత్నిస్తూనే ఉంది. ఈ క్రమంలో భారత్‌-పాక్‌కు మధ్య మూడు యుద్ధాలు జరిగాయి. వీటిల్లో భారత త్రివిధ దళాలు, పోలీసులు, పౌరులు ఎన్నో త్యాగాలు చేసి భరతమాతకు విజయాన్ని అందించారు. వారిలో కొందరు హీరోలు తమ ప్రాణాలను పణంగా పెట్టి పాక్‌ను దెబ్బతీశారు. మూడు యుద్ధాలకు సంబంధించి అలాంటి యోధుల గురించి తెలుసుకుందాం.. 1947లో భారత్‌కు స్వాతంత్ర్యం వచ్చిన వెంటనే.. జమ్మూకశ్మీర్‌ విలీనం కాలేదు. ఆ ప్రాంత రాజు హరిసింగ్‌ విలీనానికి అంత సుముఖంగా లేరు. మరోవైపు ఇదే అవకాశంగా తీసుకున్న పాక్‌.. జమ్మూకశ్మీర్‌ ఆక్రమణ కోసం 1947 అక్టోబర్‌ 22న దాడులు మొదలుపెట్టింది. పష్తూన్‌ తెగ ఆదివాసుల ముసుగులో సైనికులను కూడా పంపింది. దీంతో వారు వేగంగా ముజఫరాబాద్‌, బారాముల్లా నగరాలను స్వాధీనం చేసుకున్నారు. మరోవైపు విలీనపత్రంపై రాజా హరిసింగ్‌ సంతకం చేయడంలో జాప్యం కావడంతో భారత్‌ సైన్యాన్ని పంపడం సాధ్యం కాలేదు. మరోవైపు అప్పటి నేషనల్‌ కాన్ఫరెన్స్‌ పార్టీ సభ్యుడైన 19 ఏళ్ల యువకుడు ముక్బూల్‌ షేర్వానీ దాదాపు 22 మంది వాలంటీర్లతో కలిసి స్థానికులను అప్రమత్తం చేశాడు. పాక్‌ కిరాయి దళాలు శ్రీనగర్‌వైపు వస్తుండటంతో అతడు తన బైక్‌పై వారున్న ప్రాంతానికి చేరుకున్నాడు. భారత్‌ దళాలు శ్రీనగర్‌కు చేరుకున్నాయనే వార్తను కిరాయి దళాల్లో వ్యాప్తి చేశాడు. వారు శ్రీనగర్‌ వైపు వెళ్లకుండా దాదాపు నాలుగు రోజులపాటు దారితప్పించి తిప్పాడు. అతడితోపాటు ఉన్న వాలంటీర్లు శ్రీనగర్‌ వెళ్లే మార్గంలో అడ్డంకులు సృష్టించారు. కిరాయి మూకలు శ్రీనగర్‌ విమానాశ్రయం చేరితే.. భారత దళాలు అక్కడికి రావడం కష్టమైపోయేది. ఈ ప్రయత్నమే అప్పట్లో శ్రీనగర్‌ను పాక్‌ బారినపడకుండా చేసింది. 26వ తేదీన కశ్మీర్‌ మహారాజు విలీన పత్రంపై సంతకం చేయడంతో.. భారత సైన్యం శ్రీనగర్‌

ఇంటర్నెట్‌డెస్క్‌: దేశవ్యాప్తంగా స్వాతంత్ర్య వేడుకలు ఘనంగా జరుగుతున్నాయి. ఆంధ్రప్రదేశ్‌లోని ఏలూరు రూరల్ పోలీస్‌ స్టేషన్‌కు చెందిన సబ్‌ ఇన్‌స్పెక్టర్‌ వి.వెంకటేశ్వరరావు (V Venkateswara Rao) వినూత్నంగా ఈ వేడుకల్ని నిర్వహించారు. ఐరోపా ఖండంలోనే ఎత్తైన శిఖరం మౌంట్‌ ఎల్‌బ్రస్‌ (Mount Elbrus) ను శనివారం ఉదయం 8 గంటలకు అధిరోహించిన ఆయన.. జాతీయ జెండాను ఎగురవేశారు. దాంతోపాటు 100 మీటర్ల పొడవైన జాతీయ జెండాను ప్రదర్శించారు. అనంతరం జాతీయ గీతాన్ని ఆలపించారు. ఈ సందర్భంగా విధి నిర్వహణలో ప్రాణాలు కోల్పోయిన పోలీసు సిబ్బందికి తన విజయాన్ని అంకితం ఇచ్చారు. ఈ శిఖరం రష్యాలో ఉంది. దాని ఎత్తు 5,642 మీటర్లు. ఎలబ్రస్‌ను విజయంతంగా అధిరోహించిన వెంకటేశ్వరరావు.. ఎవరెస్ట్‌ను నెక్ట్స్‌ టార్గెట్‌గా పెట్టుకోవడం విశేషం. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఇంటర్నెట్‌ డెస్క్‌: దేశవ్యాప్తంగా 80వ స్వాతంత్ర్య వేడుకలు ఘనంగా జరుగుతున్నాయి. మువ్వన్నెల జెండా రెపరెపలాడుతోంది. ఈసందర్భంగా సినీ తారలు సోషల్‌ మీడియా వేదికగా శుభాకాంక్షలు చెబుతున్నారు (Independence Day). దేశం కోసం త్యాగాలు చేసిన అమరవీరులకు, నాయకులకు పవన్ కల్యాణ్‌ (Pawan Kalyan) నివాళులు అర్పించారు. మనమంతా బాధ్యతతో వ్యవహరించాలన్నారు. దేశ పురోగతి, సాధించిన విజయాలను ప్రస్తావించారు. రక్షణ రంగం బలపడటం, ప్రపంచ ఆర్థిక శక్తిగా భారత్ నిలవడం వంటి అంశాలను పవన్‌ పేర్కొన్నారు. రాజకీయ, సామాజిక విభేదాలకు అతీతంగా ప్రతి పౌరుడు, ముఖ్యంగా యువత వికసిత్ భారత్‌ నిర్మాణానికి కృషి చేయాలని పిలుపునిచ్చారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. కొరియన్‌ కనకరాజు’ సినిమాతో విజయాన్ని అందుకున్నారు నటుడు వరుణ్‌ తేజ్‌

Independence Day| దిల్లీ: దేశవ్యాప్తంగా 80వ స్వాతంత్ర్య వేడుకలు ఘనంగా ప్రారంభమయ్యాయి. రాజధాని దిల్లీలో ఎర్రకోటపై ప్రధాని మోదీ జాతీయ జెండా ఎగురవేశారు. దేశ చరిత్రలో తొలిసారిగా వందేమాతరం గేయాన్ని (Vande Mataram) పూర్తిగా ఈ వేడుకల్లో ఆలపించారు. అనంతరం జాతీయ గీతం ‘జన గణ మన’ను ఆలపించారు. ఆ సమయంలో వాయుసేన పూలవర్షం కురిపించింది. ఒక హెలికాప్టర్ జాతీయ పతాకాన్ని.. మరొకటి ‘వందేమాతరం’ అని రాసి ఉన్న జెండాను మోసుకెళ్లాయి. ‘వందేమాతరం’ గేయానికి 150 ఏళ్లు పూర్తయిన సందర్భంగా గతేడాది నవంబర్‌ 7 నుంచి ఏడాది పాటు కేంద్ర ప్రభుత్వం ఆధ్వర్యంలో ప్రత్యేక కార్యక్రమాలు జరుగుతోన్న సంగతి తెలిసిందే. ఈ క్రమంలోనే జాతీయ గీతం ‘జన గణ మన’తో పాటు వందేమాతరానికి ప్రభుత్వం సమాన హోదా కల్పిస్తూ చట్టం చేసింది. ఈ చట్టం ప్రకారం.. ‘వందేమాతరం’ని (Vandemataram) అవమానించినా, ఆలపిస్తున్న సమయంలో ఆటంకం కలిగించినా ఇకపై చట్టరీత్యా నేరంగా పరిగణిస్తారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

Independence Day| దిల్లీ: దేశవ్యాప్తంగా 80వ స్వాతంత్ర్య దినోత్సవ వేడుకలు ఘనంగా ప్రారంభమయ్యాయి. రాజధాని దిల్లీలో ఎర్రకోటపై ప్రధాని మోదీ జాతీయ జెండా ఎగురవేశారు. దేశ చరిత్రలో తొలిసారిగా వందేమాతరం గేయాన్ని పూర్తిగా ఈ వేడుకల్లో ఆలపించారు. జెండా ఎగురవేయడానికి ముందు ప్రధాని మోదీ రాజ్‌ఘాట్ వద్ద మహాత్ముడికి నివాళులు అర్పించారు. అనంతరం ఎర్రకోట వద్ద గౌరవవందనం స్వీకరించి త్రివర్ణ పతాకాన్ని ఆవిష్కరించారు. ఈ వేడుకలు ప్రారంభమైన సమయంలో వాయుసేన పూలవర్షం కురిపించింది. స్వాతంత్ర్య దినోత్సవం రోజున మోదీ జెండా ఎగురవేయడం ఇది 13వసారి కావడం విశేషం. జెండా ఎగురవేసిన అనంతరం ఆయన దేశ ప్రజలను ఉద్దేశించి మాట్లాడారు. ‘‘ఈ రోజు మనమంతా 80వ స్వాతంత్ర్య దినోత్సవాన్ని జరుపుకొంటున్నాం. ప్రతి హృదయంలో 'వందేమాతరం' ధ్వనిస్తోంది. ప్రతి ఇంట్లో త్రివర్ణ పతాకం రెపరెపలాడుతోంది. కొత్త తీర్మానాలతో సరికొత్త ఉత్సాహంతో దేశం ముందుకు సాగుతోంది. గతంలో ఐదు బలహీన దేశాల జాబితాలో ఉన్న భారత్‌.. 12 ఏళ్ల తర్వాత ఇప్పుడు వేగంగా అభివృద్ధి చెందుతోన్న ఆర్థిక వ్యవస్థగా మారింది’’ అని మోదీ అన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు