Gen Z News

‘‘పుట్టామా..ఇంజినీరింగ్‌, మెడిసిన్‌, సీఏ లాంటి చదువులు చదివామా? మంచి ఉద్యోగం సంపాదించామా... జీవితం సక్సెస్‌’’ ఇది ఒకప్పటి బతుకు ఫిలాసఫీ. కానీ జెన్‌-జీలు ఇలా కాదంటోంది తాజా అధ్యయనం. అంతర్జాతీయ విద్యా సంస్థ ఎమిరైటస్‌ ‘‘ఇండియాస్‌ జెన్‌-జీ ఔట్‌లుక్‌ 2026: రీ కాల్కులేటింగ్‌ ఎడ్యుకేషన్‌, ఆంబీషన్‌ అండ్‌ సక్సెస్‌’’ పేరుతో నిర్వహించిన ఈ అధ్యయనం నవతరం గురించి పలు ఆసక్తికరమైన అంశాలను వెలుగులోకి తెచ్చింది. 1997- 2012 మధ్య పుట్టిన వాళ్లను మనం జెన్‌-జీ అని పిలుస్తున్నాం కదా.. వీరు దేశంలోని ప్రధాన మెట్రోల్లోని 15 - 28 ఏళ్ల మధ్య వయసున్న సుమారు వెయ్యి మందిని ప్రశ్నించి వారి ఆశలు, ఆశయాలు, విజయానికి నిర్వచనాలను సేకరించింది. ముందు తరం నడిచిన బాటను కాదని కొత్త అడుగులు వేస్తున్న వారి గురించి స్థూలంగా. మునుపటిలా చిన్న ఉద్యోగంతో మొదలుపెట్టి అంచలంచెలుగా పైకి ఎదగాలన్న సూత్రానికి వీరు విరుద్ధం. ఉద్యోగమిచ్చే మేనేజర్‌, జీఎం, వీపీ, ఛైర్మన్‌ వంటి హోదాల కంటే పనికి - జీవితానికి మధ్య బ్యాలెన్స్‌ ఉండాలనుకుంటున్న జెన్‌-జీలు సుమారు 74 శాతం. అసలు సక్సెస్‌ఫుల్‌ కెరియర్‌కు ఎగ్జిక్యుటివ్‌ లీడర్‌ కావాల్సిన అవసరమే లేదన్నది 65 శాతం మంది నమ్మకం. వీరి దృష్టిలో విజయం అంటే... నైపుణ్యాలు. అవసరానికి తగ్గట్టు మారిపోగలగడం. సంతృప్తినిచ్చే, అర్థవంతమైన పని లోకలే మేలు... ఒకప్పుడు ఎంతో పాప్యులర్‌ అయిన విదేశీ చదువులపై జెన్‌-జీకి పెద్ద ఆశలేం లేవు. పెరిగిపోతున్న ఖర్చులు, వీసా నిబంధనల్లో వస్తున్న మార్పులు, చదువు తరువాత ఉద్యోగాలు వస్తాయన్న గ్యారెంటీ లేకపోవడం వంటి కారణాల వల్ల నాణ్యమైన లోకల్‌ విద్యే మేలని 48 శాతం మంది అభిప్రాయపడ్డారు. కాలేజీ ముందునాటి చదువులు చదువుతున్న వారిలో 87 శాతం, కాలేజీల్లోకి అడుగుపెడుతున్న వారిలో 92 శాతం లోకల్‌ కోర్సులకు జై అంటున్నారు. విదేశీ విద్యా సంస్థలు స్థానికంగా అందించే కోర్సుల్లో చేరేందుకు అభ్యంతరం లేదని సుమారు 69

కాంగ్రెస్ అగ్రనేత రాహుల్ గాంధీ తన రాజకీయ శైలిని వేగంగా మార్చుకుంటున్నారు. సాంప్రదాయ భారీ బహిరంగ సభలు, సుదీర్ఘ ప్రసంగాలకు స్వస్తి పలికి యువతతో నేరుగా ముఖాముఖి సంభాషణలపై పూర్తి స్థాయిలో దృష్టి పెడుతున్నారు. ముఖ్యంగా Gen-Z, యువతుల సమస్యలనే తమ ముఖ్యమైన రాజకీయ అంశాలుగా మలచుకోవాలని నిర్ణయించారు. ఈ వ్యూహంలో భాగంగా ‘ఛాత్రోంకీ గూంజ్’ పేరుతో ప్రత్యేక కార్యక్రమాలను కాంగ్రెస్ పార్టీ విస్తృతంగా నిర్వహిస్తోంది. విద్యార్థుల మానసిక ఒత్తిడి, ప్రశ్నపత్రాల లీకేజీలు, విద్యా వ్యవస్థలో చోటుచేసుకుంటున్న జాప్యాలపై నేరుగా చర్చలు జరుపుతున్నారు. కోటా, డెహ్రాడూన్, ప్రయాగ్‌రాజ్‌లలో ప్రారంభమైన ఈ ప్రత్యేక సదస్సులు ఇప్పుడు దేశ వ్యాప్తంగా పలు ప్రాంతాలకు విస్తరించాయి. మరోవైపు పుణె వంటి నగరాల్లో జరిగిన భేటీలలో యువతుల ఎదుర్కొంటున్న సవాళ్లపై స్పష్టమైన క్లారిటీ ఇచ్చారు. కెరీర్ అడ్డంకులు, వ్యక్తిగత భద్రత, ఉద్యోగ ప్రదేశాల్లో వేధింపులు, సమాజ పరిమితులు, నైతిక పోలీసింగ్ వంటి అంశాలను ప్రముఖంగా ప్రస్తావిస్తున్నారు. మహిళా సహచరుల వ్యక్తిగత అనుభవాలను జోడిస్తూ చర్చను మరింత సమర్థవంతంగా ముందుకు తీసుకెళ్తున్నారు. దీంతో ఈ కార్యక్రమాలకు యువత నుంచి విశేష స్పందన లభిస్తోంది. కేవలం ప్రసంగాలు ఇవ్వడం కాకుండా రెండు వైపులా సాగే సంభాషణ వైపు ఈ మార్పు స్పష్టంగా కనిపిస్తోంది. యువత అసలు ఏ విధంగా ఆలోచిస్తోంది, ఎలాంటి సమస్యలు ఎదుర్కొంటోందనే విషయాలను క్షుణ్ణంగా తెలుసుకుంటున్నారు. ఈ అంశాలను జాతీయ రాజకీయ చర్చలోకి తీసుకురావాలన్నది ప్రధాన ఉద్దేశంగా కనిపిస్తోంది. ఈ నేపథ్యంలో కాంగ్రెస్ వ్యూహం యువ ఓటర్లపై ఏ రకమైన పెను ప్రభావం చూపుతుందనేది ఆసక్తికరంగా మారింది. రాహుల్ గాంధీ అనుసరిస్తున్న ఈ నయా ట్రెండ్ ఓటింగ్ శైలిని ప్రభావితం చేసే అవకాశం ఉందని రాజకీయ విశ్లేషకులు స్పష్టం చేస్తున్నారు. యువత సమస్యలను మాత్రమే టార్గెట్ చేయడం ద్వారా కాంగ్రెస్ పార్టీ సరికొత్త పునాదిని నిర్మించుకుంటోంది. ఈ వ్యూహాత్మక అడుగులు రాబోయే రాజకీయాల్లో పెద్ద మార్పులకు సంకేతంగా నిలుస్తున్నాయి

పెద్ద సభలు.. భారీ ప్రసంగాలు.. రాజకీయ నినాదాలు. ఇలాంటి సంప్రదాయ ప్రచారానికి భిన్నంగా కాంగ్రెస్‌ అగ్రనేత రాహుల్‌ గాంధీ ఇప్పుడు యువతతో నేరుగా మాట్లాడుతున్నారు. ముఖ్యంగా జనరేషన్‌-జెడ్‌ (జెన్‌-జీ), యువతులు ఎదుర్కొంటున్న సమస్యలపై వారితో ముఖాముఖి చర్చిస్తున్నారు. సోషల్‌ మీడియా వేదికగానూ అదే తరహా సంభాషణకు ప్రాధాన్యం ఇస్తున్నారు.విద్యార్థుల సమస్యల నుంచి..యువతను చేరుకునే ఈ ప్రయత్నం ‘ఛాత్రోంకీ గూంజ్‌’ కార్యక్రమంతో మరింత ఊపందుకుంది. పోటీ పరీక్షల ఒత్తిడి, పేపర్‌ లీకులు, విద్యా వ్యవస్థలో జాప్యం వంటి సమస్యలపై ఇందులో చర్చలు జరిగాయి. కోటా, డెహ్రాడూన్‌, ప్రయాగ్‌రాజ్‌ వంటి కేంద్రాల్లో మొదలైన ఈ కార్యక్రమం క్రమంగా విస్తరించింది.యువతులపై ప్రత్యేక దృష్టిఇటీవల పూణెలో జరిగిన కార్యక్రమాల్లో రాహుల్‌ గాంధీ యువతుల సమస్యలపై ప్రత్యేకంగా దృష్టి పెట్టారు. కెరీర్‌లో ఎదురయ్యే అడ్డంకులు, భద్రత, ఉద్యోగ ప్రదేశాల్లో పరిస్థితులు, కుటుంబం, సమాజం విధించే ఆంక్షలపై వారితో మాట్లాడారు.సమాజం తమను ఎలా చూస్తోంది? భయాన్ని ఎలా ఉపయోగిస్తున్నారు? ఎలాంటి హింసను ఎదుర్కొంటున్నారు? అది ఎక్కడ జరుగుతోంది? వంటి అంశాలపై యువతులు తమ అనుభవాలను పంచుకోవాలని రాహుల్‌ కోరారు.వ్యక్తిగత అనుభవాలే చర్చకు బాటమహిళా సహచరులు పంచుకున్న వ్యక్తిగత అనుభవాలను కూడా రాహుల్‌ గాంధీ చర్చకు తీసుకొచ్చారు. శ్రద్ధ పేరుతో నియంత్రణ, చిన్న వయసులో పెళ్లి, పితృస్వామ్య భావజాలం, నైతిక పోలిసింగ్‌, భద్రత, వైద్య సదుపాయాల కొరత, వ్యక్తిగత నిర్ణయాలపై ఆంక్షల వంటి అంశాలు చర్చకు వచ్చాయి.సోషల్‌ మీడియాలో కొత్త పంథాడిజిటల్‌ వేదికల్లోనూ ఇదే విధానాన్ని అనుసరిస్తున్నారు. ఇన్‌స్టాగ్రామ్‌లో ప్రశ్నలు-సమాధానాలు, రీల్స్‌ వంటి సులభమైన ఫార్మాట్లతో యువతను

యోగా గురువు బాబా రామ్‌దేవ్‌కు బీజేపీ ఎంపీ, నటి కంగనా రనౌత్‌ స్ట్రాంగ్ కౌంటర్‌ ఇచ్చారు. తనకు వ్యక్తిత్వం గురించి పాఠాలు చెప్పాల్సిన అవసరం లేదంటూ సోషల్‌ మీడియా వేదికగా తీవ్రంగా స్పందించారు. ఇంటర్నెట్ డెస్క్: జెన్‌ జీపై చేసిన వ్యాఖ్యల విషయంలో నటి, బీజేపీ ఎంపీ కంగనా రనౌత్‌, యోగా గురువు బాబా రామ్‌దేవ్‌ మధ్య మాటల యుద్ధం కొనసాగుతోంది. తన వ్యాఖ్యలను విమర్శించిన రామ్‌దేవ్‌కు కంగనా సోషల్‌ మీడియా వేదికగా ఘాటుగా సమాధానం ఇచ్చారు. తన వ్యక్తిగత జీవితం, యవ్వనం గురించి వ్యాఖ్యానించడం సరికాదని స్పష్టం చేశారు. ఇన్‌స్టాగ్రామ్‌ స్టోరీస్‌లో రామ్‌దేవ్‌ను ఉద్దేశిస్తూ కంగనా తీవ్ర వ్యాఖ్యలు చేశారు. తన యవ్వనం, వ్యక్తిగత జీవితం గురించి ఊహాగానాలు చేయొద్దని సూచించారు. పుకార్లు, గాసిప్‌ల ఆధారంగా ఒక వ్యక్తి వ్యక్తిత్వాన్ని అంచనా వేయడం సరికాదని పేర్కొన్నారు. తనకు వ్యక్తిత్వం గురించి పాఠాలు చెప్పాల్సిన అవసరం లేదని 'నాది మీ కంటే మంచి క్యారెక్టర్‌ అంటూ' రామ్‌దేవ్‌పై విమర్శలు చేశారు. ఈ సందర్భంగా పతంజలి సంస్థకు సంబంధించిన గత వివాదాలను కూడా ఆమె ప్రస్తావించారు. ఢిల్లీలోని జంతర్‌ మంతర్‌ వద్ద నీట్‌ పరీక్షకు సంబంధించిన అంశంపై జరిగిన నిరసనల వీడియోలు సోషల్‌ మీడియాలో వైరల్‌ కావడంతో కంగనా వాటిపై స్పందించారు. నిరసనల్లో పాల్గొన్న కొందరు యువత ప్రవర్తనను ఆమె తీవ్రంగా విమర్శిస్తూ వివాదాస్పద వ్యాఖ్యలు చేశారు. యువతలోని ఒక వర్గం స్వేచ్ఛను దుర్వినియోగం చేస్తోందని, బాధ్యత లేకుండా వ్యవహరిస్తోందని ఆమె ఆరోపించారు. ఈ వ్యాఖ్యలపై సోషల్‌ మీడియాలో పెద్ద ఎత్తున విమర్శలు వచ్చాయి. కంగనా వ్యాఖ్యలపై బాబా రామ్‌దేవ్‌ కూడా స్పందించారు. యువతను అవమానించేలా ‘జనరేషన్‌ గట్టర్‌’ వంటి పదాలను ఉపయోగించడం సరైన విధానం కాదని ఆయన అభిప్రాయపడ్డారు. కంగనా.. గతంలో ఎలా ఉండేవారని, ఆమె యవ్వనం ఎలా సాగిందని రామ్‌దేవ్‌ ప్రశ్నలు లేవనెత్తినట్లు వార్తలు వచ్చాయి. దీంతో రామ్‌దేవ్‌ వ్యాఖ్యలకు కంగనా తాజాగా

లద్దాఖ్‌లోని మినామార్గ్‌ చెక్‌పోస్టు వద్ద ఓ పర్యాటకురాలు భద్రతా సిబ్బందితో వాగ్వాదానికి దిగిన వీడియో సోషల్‌ మీడియాలో వైరల్‌గా మారింది. ఈ ఘటనపై మాజీ ఆర్మీ చీఫ్‌ జనరల్‌ వీకే సింగ్‌ స్పందిస్తూ, సైనికులపై విమర్శలు చేసే ముందు వాస్తవాలు తెలుసుకోవాలని సూచించారు. ఇంటర్నెట్ డెస్క్: లద్దాఖ్‌లోని మినామార్గ్‌ చెక్‌పోస్టు వద్ద ఓ పర్యాటకురాలు భద్రతా సిబ్బందితో వాగ్వాదానికి దిగిన వీడియో సోషల్‌ మీడియాలో వైరల్‌గా మారింది. వాహనాలను చాలాసేపు నిలిపివేయడంపై ఆమె అసంతృప్తి వ్యక్తం చేస్తూ సిబ్బందిని ప్రశ్నించినట్లు వీడియోలో కనిపిస్తోంది. తాము జెన్‌ జీ తరానికి చెందినవారమని పేర్కొంటూ, ఇలాంటి పరిస్థితులను అంగీకరించబోమని ఆమె ఆగ్రహం వ్యక్తం చేసినట్లు తెలుస్తోంది. ఈ ఘటనపై మాజీ ఆర్మీ చీఫ్‌, కేంద్ర మాజీ మంత్రి జనరల్‌ వీకే సింగ్‌ స్పందించారు. సాయుధ బలగాలు దేశానికి రక్షణ కవచంలా పనిచేస్తున్నాయని పేర్కొన్నారు. సైనికులపై విమర్శలు చేసే ముందు అక్కడి పరిస్థితులు, వాస్తవాలను పూర్తిగా తెలుసుకోవాలని సూచించారు. ఎలాంటి ఆధారాలు లేకుండా సైనికులపై ఆరోపణలు చేయడం సరికాదని అన్నారు. దేశ రక్షణ కోసం విధులు నిర్వర్తిస్తున్న సైనికులకు ప్రజలు అండగా నిలవాలని ఆయన పేర్కొన్నారు. అసలు మినామార్గ్‌ చెక్‌పోస్టు వద్ద ఏం జరిగింది? లద్దాఖ్‌లోని మినామార్గ్‌ ప్రాంతంలో వాహనాలను గంటల పాటు నిలిపివేయడంతో పర్యాటకురాలు భద్రతా సిబ్బందిని ప్రశ్నించినట్లు సమాచారం. కుటుంబాలతో, చిన్న పిల్లలతో ప్రయాణిస్తున్న వాహనాలను ఎందుకు ఎక్కువసేపు ఆపారని ఆమె నిలదీసినట్లు వైరల్‌ వీడియోలో కనిపిస్తోంది. ఆ సమయంలో భద్రతా కాన్వాయ్‌ అక్కడికి చేరుకోవడంతో రహదారి పక్కకు వెళ్లాలని సిబ్బంది ఆమెకు సూచించినట్లు తెలుస్తోంది. దీంతో రహదారిని కేవలం వీఐపీ కాన్వాయ్‌ కోసం మాత్రమే నిలిపివేశారని ఆమె ఆరోపించినట్లు సమాచారం. అయితే ఈ ఆరోపణలకు సంబంధించి పూర్తి వివరాలు, అధికారిక వివరణ ఇంకా స్పష్టంగా వెలువడాల్సి ఉంది. లద్దాఖ్‌లోని పర్వత ప్రాంతాల్లో ప్రతికూల వాతావరణం, రహదారి పరిస్థితులు, భద్రతా కారణాల దృష్ట్యా వాహనాల రాకపోకలను

ముంబైలో జరిగిన జెన్ జీ ఆందోళనల్లో ఒక్కసారిగా అందరి దృష్టిని ఆకర్షించిన మోడల్ రియా అహిర్, ఇప్పుడు పోలీసులను ఒక విజ్ఞప్తి చేసి వార్తల్లో నిలిచింది. తనపై నమోదైన ఎఫ్‌ఐఆర్‌ను వెంటనే వెనక్కి తీసుకోవాలని, సోషల్ మీడియాలో తనకు వస్తున్న బెదిరింపులు, నీచమైన కామెంట్స్‌పై కఠిన చర్యలు తీసుకోవాలని ఆమె ముంబై పోలీసులను కోరింది. జూలై 22న దాదర్‌లోని శివాజీ పార్క్‌లో వర్షంలో జరిగిన నిరసన మహారాష్ట్ర వ్యాప్తంగా పెద్ద హాట్ టాపిక్‌గా మారింది. ఆ సమయంలో అరెస్ట్ చేసిన నిరసనకారులను తీసుకెళ్తున్న పోలీస్ వ్యాన్ ముందుకు వచ్చి, గ్రే కలర్ హూడీతో గట్టిగా నిలబడిన రియా అహిర్ ఫొటోలు, వీడియోలు సోషల్ మీడియాలో విపరీతంగా వైరల్ అయ్యాయి. దాంతో ఆమె ఒక్కసారిగా ఈ జెన్ జీ ప్రొటెస్ట్‌కు ముఖచిత్రంగా మారింది. ఈ వివాదంపై ముంబై యూత్ కాంగ్రెస్ ప్రతినిధి బృందం జాయింట్ కమిషనర్ ఆఫ్ పోలీస్ (లా అండ్ ఆర్డర్) మనోజ్ శర్మను కలిసి మాట్లాడింది. రియా అహిర్‌పై వేసిన ఎఫ్‌ఐఆర్, ఆమె ఎదుర్కొంటున్న ఆన్‌లైన్ వేధింపులపై తీవ్ర ఆందోళన వ్యక్తం చేసింది. ఈ ప్రతినిధి బృందంలో యూత్ కాంగ్రెస్ జాతీయ కార్యదర్శి హర్గున్ సింగ్, ముంబై యూత్ కాంగ్రెస్ అధ్యక్షురాలు జీనత్ శబ్రీన్ ఉన్నారు. నిరసనలో పాల్గొన్న విద్యార్థులపై కేసులు ఎత్తివేస్తూ ఇప్పటికే నోటిఫికేషన్ ఇచ్చారని, మరి ఈ ఎఫ్‌ఐఆర్‌ల ఉపసంహరణలో ఎందుకు ఆలస్యం జరుగుతోందని హర్గున్ సింగ్ ప్రశ్నించారు. యూత్ కాంగ్రెస్ నాయకులు తెలిపిన వివరాల ప్రకారం, రియాపై ఉన్న ఎఫ్‌ఐఆర్‌ను ఉపసంహరించుకునే ప్రక్రియను త్వరలోనే ప్రారంభిస్తామని జాయింట్ సీపీ మనోజ్ శర్మ వారికి హామీ ఇచ్చారు. అలాగే, రియాకు సోషల్ మీడియా లో బెదిరింపు మెసేజ్‌లు పంపుతున్న అకౌంట్లపై విచారణ జరిపి చర్యలు తీసుకుంటామని చెప్పినట్లు సమాచారం. జాయింట్ సీపీతో సమావేశం తర్వాత రియా అహిర్ మాట్లాడుతూ.. తన నిరసన వీడియో వైరల్ అయినప్పటి నుండి ఆన్‌లైన్ వేధింపులు

తమిళనాడు ముఖ్యమంత్రి సీ. జోసెఫ్ విజయ్ నేతృత్వంలోని ప్రభుత్వం విద్యార్థులు మరియు యువతపై విధించిన వివాదాస్పద నిషేధ ఆదేశాలను వెనక్కి తీసుకుంటూ సంచలన నిర్ణయం ప్రకటించింది. ఎడమపక్ష పార్టీలు మరియు కాక్రోచ్ జనతా పార్టీ నిర్వహించే నిరసనల్లో విద్యార్థులు పాల్గొనకూడదంటూ జారీ చేసిన ఆదేశాలను ఆగస్టు 19న రద్దు చేసింది. జెన్ జీ వర్గాల నుంచి తీవ్ర వ్యతిరేకత ఎదురుకావడంతో విజయ్ ప్రభుత్వం ఈ నిర్ణయం తీసుకోవడం రాజకీయ వర్గాల్లో తీవ్ర చర్చనీయాంశమైంది. విద్యార్థుల ప్రజాస్వామ్య హక్కులను కాలరాస్తున్నారనే విమర్శలు వెల్లువెత్తడంతో ప్రభుత్వం చివరికి దిగిరాక తప్పలేదు. ఈ వివాదానికి సంబంధించిన నేపథ్యాన్ని పరిశీలిస్తే ఆగస్టు 14న స్కూల్ ఎడ్యుకేషన్ మరియు హయ్యర్ ఎడ్యుకేషన్ విభాగాలకు ప్రభుత్వం కొన్ని సూచనలు ఇచ్చింది. ప్రతిపక్షాలు మరియు విపక్ష విద్యార్థి సంఘాల నిరసనలకు యువత లొంగకుండా విద్యా శాఖలు, పోలీసులు, జిల్లా పరిపాలన యంత్రాంగం నిరోధించాలని ఆ ఉత్తర్వుల్లో స్పష్టం చేసింది. దీనికి కొనసాగింపుగా ఆగస్టు 17న కాలేజియేట్ ఎడ్యుకేషన్ డైరెక్టరేట్ ప్రిన్సిపాల్స్‌కు లేఖ రాస్తూ ఆగస్టు 20లోగా నివేదిక సమర్పించాలని కోరింది. అత్యవసరంగా పంపిన ఈ కమ్యూనికేషన్ బయటకు రావడంతో తమిళనాడు వ్యాప్తంగా ఆగ్రహజ్వాలలు వ్యక్తమయ్యాయి. దీంతో విద్యాసంస్థలు మరియు విద్యార్థి సంఘాల నుంచి పెద్ద ఎత్తున నిరసనలు వ్యక్తమై వాతావరణం వేడెక్కింది. ఇదిలా ఉండగా జూలై 28న జరిగిన లా అండ్ ఆర్డర్ సమావేశంలో చీఫ్ సెక్రటరీ ఇచ్చిన సూచనల మేరకే విద్యాశాఖ ఈ చర్యలు చేపట్టినట్లు కథనాలు వెలువడ్డాయి. ప్రత్యేకంగా కొన్ని రాజకీయ సంస్థలను లక్ష్యంగా చేసుకుని నిరోధించడం రాజ్యాంగ హక్కుల ఉల్లంఘనేనని విద్యార్థి లోకం భగ్గుమంది. 2026 అసెంబ్లీ ఎన్నికల్లో జెన్ జీ మద్దతుతోనే టీవీకే పార్టీ అధికారంలోకి వచ్చిందనే విషయాన్ని యువత గుర్తుచేస్తూ సోషల్ మీడియా వేదికగా తీవ్ర నిరసనలు తెలిపింది. ఫలితంగా ప్రభుత్వంపై తీవ్ర స్థాయిలో ఒత్తిడి పెరిగి రాజకీయంగా రచ్చ సాగింది. ఈ నేపథ్యంలో ఆగస్టు 19న

కార్గిల్‌లో భద్రతా సిబ్బందితో ఒక మహిళా పర్యాటకురాలు వాగ్వాదానికి దిగిన వీడియో సోషల్ మీడియాలో వైరల్ కావడంతో జమ్మూకశ్మీర్ ముఖ్యమంత్రి ఒమర్ అబ్దుల్లా ఘాటుగా స్పందించారు. "మేం జెన్-జీ" అంటూ ఆ యువతి చేసిన వ్యాఖ్యను, గతంలో హోదాను ప్రదర్శించేందుకు వాడే "నా తండ్రి ఎవరో తెలుసా?" అనే అహంకారపూరిత మాటతో ఆయన పోల్చారు.బుధవారం 'ఎక్స్' వేదికగా ఒమర్ అబ్దుల్లా స్పందిస్తూ, "నా తండ్రి ఎవరో తెలుసా' అనే మాట స్థానంలో ఇప్పుడు 'మేం జెన్-జీ' అనే కొత్త పదం వచ్చి చేరింది. చిన్న చిన్న విషయాలకే ఇలా 'జెన్-జీ' అంటూ బెదిరింపులకు దిగితే, ఆ తరం పట్ల సమాజంలో ఉన్న సద్భావనను వేగంగా దెబ్బతీయడమే అవుతుంది" అని తన పోస్ట్‌లో పేర్కొన్నారు.అసలేం జరిగింది?లద్దాఖ్‌లోని కార్గిల్‌లో ఉన్న మినీమార్గ్‌ చెక్‌పాయింట్ వద్ద ఈ ఘటన చోటుచేసుకుంది. జులై 25న కార్గిల్ విజయ్ దివస్‌కు ఒక రోజు ముందు, వాతావరణం అనుకూలించకపోవడంతో రక్షణ మంత్రి రాజ్‌నాథ్ సింగ్, ఆర్మీ చీఫ్ జనరల్ ధీరజ్ సేథ్ రోడ్డు మార్గంలో ప్రయాణించాల్సి వచ్చింది. వారి కాన్వాయ్ సజావుగా సాగేందుకు జోజిలా-గుమ్రి మార్గంలో ట్రాఫిక్‌ను అధికారులు తాత్కాలికంగా నిలిపివేశారు.ఈ ఆంక్షలపై ఆగ్రహం వ్యక్తం చేసిన ఓ యువతి, భద్రతా సిబ్బందితో వాగ్వాదానికి దిగింది. "మేం జెన్-జీ, ఇలాంటి అర్థం లేని పనులను సహించం. ఇప్పటివరకు కశ్మీరీలతోనే ఇలా ప్రవర్తించేవారు, ఇప్పుడు పర్యాటకులతో కూడా మొదలుపెట్టారా?" అని ఆమె ప్రశ్నించడం వీడియోలో రికార్డయింది. ఈ ఘటన జులై 25న జరగ్గా, ఆగస్టు 19న ఈ

మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. PM Modi's video: భారత 80వ స్వాతంత్ర్య దినోత్సవ వేడుకల వేళ ఒక ఇంట్రెస్టింగ్.. గుండెను హత్తుకునే సన్నివేశం నెట్టింట్లో హల్ చల్ చేస్తోంది. ఎర్రకోట వద్ద జాతీయ జెండాను ఆవిష్కరించి.. జాతిని ఉద్దేశించి ప్రసంగించే ముందు భారత ప్రధాని నరేంద్ర మోదీ తన లోక్ కల్యాణ్ మార్గ్ నివాసంలో నెలకున్న ఒక ఆహ్లాదకరమైన ఘట్టాన్ని ఆయన సోషల్ మీడియా ద్వారా షేర్ చేశారు. ప్రతిరోజూ ఉదయాన్నే తన నివాసంలోని మూగజీవాలు, పశువులకు మేత వేయడం ప్రధాని మోదీకి అలవాటు. అయితే ఆగస్టు 15వ తేదీన ఎర్రకోట దగ్గర వేడుకల కోసం ఆయన ఉదయాన్నే బయలు దేరాల్సి వచ్చింది. ఈ క్రమంలో జరిగిన అనుభవాన్ని ప్రధాని ఇన్ స్టాగ్రామ్ లో గుర్తు చేసుకుంటూ.. రోజూ ఉదయం నా మిత్రులకు మేత పెట్టడం నా దినచర్య. కానీ నిన్న ఉదయం నేను తొందరగా బయలుదేరుతున్నానని గ్రహించి కావచ్చు..నేను ఎర్రకోటకు వెళ్లే ముందు నన్ను కలిసేందుకు వచ్చాయి అని పేర్కొన్నారు. ఈ ఫొటోలను షేర్ చేస్తే స్పెషల్ యాస్ ఆల్ వేస్ అని ముగించారు. ఇక మోదీ ఎర్రకోట వేడుకల కోసం ప్రత్యేకంగా ధరించిన సాంప్రదాయ ఆఫ్ వైట్ కుర్తా పైజామా, బ్రౌన్ కలర్ జాకెట్, రెడ్ కలర్ బాంధానీ స్టైల్ తలపాగాతో మోదీ ఆకట్టుకున్నారు. పండగ వాతావరణంలో ప్రసంగానికి వెళ్లే ముందు ఎంతో ప్రశాంతంగా ఆవులకు గడ్డి, నెమళ్లకు గింజలు వేస్తూ గడిపిన ద్రుశ్యాలు ఆయన ప్రక్రుతి ప్రేమికుడనే విషయాన్ని మరోసారి చాటిచెప్పాయి. ప్రధాని నివాసంలో ఆంధ్రాకు చెందిన అరుదైన పుంగనూరు జాతి ఆవులు కూడా ఉన్న విషయం తెలిసిందే. ప్రధాని మోదీ తన సోషల్

స్వాతంత్ర్య దినోత్సవం సందర్భంగా ఎర్రకోట వేదికగా ప్రధాని నరేంద్ర మోదీ చేసిన 'దిమాగీ నక్సల్' (మేధో నక్సల్) వ్యాఖ్యలపై ప్రముఖ సినీ దర్శకుడు అనురాగ్ కశ్యప్ తీవ్రంగా స్పందించారు. యువతపై రాజకీయ ముద్రలు వేయడం కన్నా, వారికి విద్యాబుద్ధులు నేర్పడం, విమర్శనాత్మక ఆలోచనలను ప్రోత్సహించడం, అవసరమైతే థెరపీ ద్వారా వారిని అర్థం చేసుకోవడం ముఖ్యమని ఆయన అభిప్రాయపడ్డారు. ఈ వ్యాఖ్యలు సోషల్ మీడియాలో పెద్ద చర్చకు దారితీశాయి.సోషల్ మీడియా వేదికగా ప్రధాని వ్యాఖ్యలపై అనురాగ్ కశ్యప్ స్పందిస్తూ, నేటి రాజకీయ భాష యువతరం ఆందోళనలను, వారి ఆలోచనా విధానాన్ని ప్రతిబింబిస్తోందా అని ప్రశ్నించారు. "ఈ పెద్దవాళ్లకు ఇప్పటి పిల్లలు అస్సలు అర్థం కారు. 'దిమాగీ నక్సల్' అనగానే ఏదో బ్రహ్మాస్త్రం ప్రయోగించామని అనుకుంటున్నారు. అంకుల్.. ఇప్పటి పిల్లలకు నక్సల్ అంటే ఏంటో కూడా తెలియదు. ముందుగా పుస్తకాల్లోంచి తొలగించిన పాఠ్యాంశాలను మళ్లీ చేర్చండి. కానీ దాని కోసం స్కూళ్లను బాగుచేయాలి, టీచర్లను నియమించాలి" అని ఆయన తన పోస్టులో పేర్కొన్నారు.అంతటితో ఆగకుండా, నేటి తరాన్ని అర్థం చేసుకోవడానికి పాలకులకు కొన్ని సలహాలు కూడా ఇచ్చారు. "నా సలహా ఏంటంటే.. కాస్త థెరపీ తీసుకోండి. అది చాలా అవసరం. ఆ తర్వాత వాళ్లని ప్రభావితం చేయాలంటే జెన్-జెడ్ (Gen Z) భాష కూడా నేర్చుకోవాలి. దాని కోసం మీరు కూడా చదువుకోవాలి" అంటూ వ్యంగ్యాస్త్రాలు సంధించారు.ఆ తర్వాత తన ఇన్‌స్టాగ్రామ్ స్టోరీలో మరోసారి విమర్శలు గుప్పించారు. ఈసారి ఆన్‌లైన్ ట్రోల్స్‌ను ఉద్దేశించి.. "ఈసారి నా పోస్టుపై వెయ్యి మందికి

‘పోస్ట్‌’ అనే మాట ఈకాలంలో చాలా అరుదుగా వినిపిస్తోంది. చాలా ఏళ్లుగా ఉత్తరాలకు బదులు వాట్సాప్‌ మెసేజ్‌లతోనే ప్రపంచం సమాచారాన్ని ఇచ్చిపుచ్చుకుంటోంది. ‘పోస్ట్‌’ అనే మాట ఈకాలంలో చాలా అరుదుగా వినిపిస్తోంది. చాలా ఏళ్లుగా ఉత్తరాలకు బదులు వాట్సాప్‌ మెసేజ్‌లతోనే ప్రపంచం సమాచారాన్ని ఇచ్చిపుచ్చుకుంటోంది. అయితే జెన్‌ జీ మాత్రం ‘పోస్ట్‌’ అనే మాటను సరికొత్తగా వినాలని కోరుకుంటోంది. వాట్సాప్‌, ఫేస్‌బుక్‌ కాకుండా ఉత్తరాల అనుభూతిని ఆస్వాదించాలని ఆరాటపడుతోంది. వారి అభిరుచికి తగ్గట్టుగా ‘స్నెయిల్‌ మెయిల్‌’ క్లబ్బులు పుట్టుకొస్తున్నాయి. వీటిల్లో సభ్యత్వం తీసుకున్నవారికి పోస్ట్‌లో లేఖలు పంపించడం లేటెస్ట్‌ ట్రెండ్‌గా మారింది. అమెజాన్‌, స్విగ్గీ, జెప్టో, బ్లింకిట్‌, బిగ్‌బాస్కెట్‌... వీటిల్లో ఏదైనా బుక్‌ చేస్తే... నిమిషాల్లో ఇంటి దగ్గరకు తీసుకొచ్చి అందిస్తున్నాయి. వాట్సాప్‌, జీమెయిల్‌ వంటివి సమాచారాన్ని క్షణాల్లో చేరవేస్తున్నాయి. ఇన్‌స్టా, స్నాప్‌చాట్‌ వంటివి వీడియోలను అందిస్తున్నాయి. ఒకరకంగా ఈ ఇన్‌స్టంట్‌ సంస్కృతి జెన్‌ జీ తరానికి నచ్చడం లేదు. పోస్టులో వచ్చే ఉత్తరం కోసం వేచి చూసే అనుభూతిని వాళ్లు కోరుకుంటున్నారు. ఇందుకోసం ప్రత్యేకంగా ఏర్పాటైన ‘స్నెయిల్‌ మెయిల్‌’ క్లబ్‌లలో సభ్యత్వం తీసుకుంటున్నారు. ఇంతకీ ఏం చేస్తారంటే... ‘స్నెయిల్‌ మెయిల్‌’ క్లబ్‌లో సభ్యత్వం తీసుకుంటే ప్రతీ నెలా ఇంటికి అందంగా అలంకరించిన లెటర్లు పంపిస్తారు. వాటిలో చేతితో రాసిన ఉత్తరం, స్టిక్కర్లు ఉంటాయి. ఇన్‌స్టాలో ‘స్నెయిల్‌ మెయిల్‌’ అని వెతికితే రంగురంగుల కవర్లు, చేత్తో రాసిన ఉత్తరాలు, పాతకాలపు స్టాంపులు, పూలతో అలంకరించిన లేఖలు కనిపిస్తాయి. ఇలాంటి క్లబ్బులు పాశ్చాత్య దేశాల్లో చాలాకాలంగా ఉన్నాయి. మన దగ్గర ఈ మధ్యకాలంలో వేగంగా పెరుగుతున్నాయి. ఈ కొత్త తరహా క్లబ్బుల్లో సభ్యత్వాలు తీసుకునేవారి సంఖ్య గణనీయంగా పెరుగుతోందని వీటి నిర్వాహకులు అంటున్నారు. ఎప్పుడూ ఒకేలా కాకుండా ప్రతీ నెల ఒక థీమ్‌ను ఎంచుకుంటారు. కథలు, సందేశాలు, జోక్స్‌ లెటర్స్‌, చిన్నచిన్న కానుకలు.. ఇలా లేఖలు తమ వినియోగదారులను ఆశ్చర్యానికి గురిచేసేలా ఉంటాయి. లేఖలో ఏముంటుందో

నేటి యువతను ‘జెన్-జీ’ (Gen Z) లేదా ‘జెన్-ఆల్ఫా’ (Gen Alpha) అంటూ విదేశీ పదాలతో సంబోధించడంపై అసోం ముఖ్యమంత్రి డాక్టర్ హిమంత బశ్వ శర్మ అసంతృప్తి వ్యక్తం చేశారు. స్వాతంత్ర్య దినోత్సవం సందర్భంగా గౌహతి మాట్లాడిన ఆయన, ఇలాంటి వర్గీకరణలు యూరోపియన్ సంస్కృతి నుంచి వచ్చినవని తెలిపారు. మన సమాజంలో పిల్లలను ప్రేమగా ‘కొడుకులు, కూతుళ్లు’ అని పిలుచుకోవడమే మన భారతీయ సంస్కృతికి, గుర్తింపునకు నిజమైన ప్రతీక అని పేర్కొన్నారు. రాష్ట్రంలో యువత సంక్షేమం, వారి నైపుణ్యాలను మెరుగుపరచడం కోసం ఒక ప్రత్యేక ‘యువజన అభివృద్ధి, సాధికారత శాఖ’ను త్వరలోనే అందుబాటులోకి తెస్తామని ఈ సందర్భంగా ముఖ్యమంత్రి వెల్లడించారు. మన యువత పాశ్చాత్య భావనల ప్రభావంలో పడకుండా, అసోం సొంత సంస్కృతి, గొప్ప చరిత్ర నుంచి ప్రేరణ పొందుతూ స్వయంసమృద్ధి కలిగిన రాష్ట్ర నిర్మాణంలో భాగస్వాములు కావాలని ఆకాంక్షించారు. ఈ ప్రసంగంలో సీఎం హిమంత బిశ్వ శర్మ మరికొన్ని సంచలన ప్రకటనలు కూడా చేశారు. రాష్ట్రంలో బాల్య వివాహాలను పూర్తిగా అరికట్టేందుకు నవంబర్ 1వ తేదీ నుంచి నెల రోజుల పాటు పోలీసులు ప్రత్యేక కార్యాచరణ చేపడతారని స్పష్టం చేశారు. అలాగే 2026 నుంచి 2031 మధ్య కాలంలో అసోం మౌలిక వసతుల రంగాన్ని భారీగా ఆధునికీకరించేందుకు రూ. 1.5 లక్షల కోట్ల నిధులను కేటాయించనున్నట్లు ప్రకటించారు. పాలనా సౌలభ్యం కోసం 8 కొత్త సబ్-డిస్ట్రిక్ట్‌ల ఏర్పాటుతో పాటు, ప్రభుత్వ ఉద్యోగి తన మొదటి భార్యకు న్యాయబద్ధంగా విడాకులు ఇవ్వకుండా వదిలేస్తే, అతని నెలవారీ జీతంలో 50 శాతం మొత్తాన్ని నేరుగా ఆ భార్యకే అందజేసేలా చట్టపరమైన నిబంధనలు తీసురానున్నట్లు వెల్లడించారు

విలక్షణ నటుడు కమల్ హాసన్ సినీ రంగ ప్రవేశం చేసి 67 సంవత్సరాలు పూర్తయ్యాయి. ఈ సుదీర్ఘ ప్రయాణంపై ఆయన సోషల్ మీడియా వేదికగా స్పందిస్తూ ఆసక్తికరమైన విశ్లేషణ చేశారు. దశాబ్దాల అనుభవం ఉన్నప్పటికీ, మారుతున్న చిత్ర పరిశ్రమకు అనుగుణంగా నిరంతరం నేర్చుకుంటూనే ఉంటానని చెబుతూ.. తనను తాను సినిమా రంగంలోని "అత్యంత పెద్ద వయసు జెన్ Z" (Oldest of Gen Z) గా అభివర్ణించుకున్నారు.ఈ సందర్భంగా ఎక్స్ వేదికగా కమల్ హాసన్ తన అభిప్రాయాలను పంచుకున్నారు. "నా 67 ఏళ్ల సినీ ప్రస్థానానికి శుభాకాంక్షలు తెలిపిన ప్రతి ఒక్కరికీ ధన్యవాదాలు. ఈ 67 ఏళ్లలో నేను నిజంగా నేర్చుకున్నది కేవలం 20 సంవత్సరాలే అని భావిస్తున్నాను. మిగిలిన సమయం మురుగునీటి ప్రవాహంలో కొట్టుకుపోవడమే. కళాకారులు, ప్రేక్షకులు అందరం కలిసికట్టుగా సినిమా అనే సముద్రంలో కలిసేందుకు ప్రవహిస్తున్నాం. అదొక గొప్ప ఆశ" అని తనదైన తాత్విక ధోరణిలో పేర్కొన్నారు.అంతేకాదు, సినిమా చరిత్రను కూడా ఆయన గుర్తుచేశారు. "1895 డిసెంబర్‌లో లూమియర్ బ్రదర్స్ తొలిసారిగా చిత్రాన్ని ప్రదర్శించారు. అప్పటి నుంచి సినిమా పరిశ్రమకు సుమారు 130 ఏళ్ల చరిత్ర ఉంది. ఈ మొత్తం సినీ చరిత్రలో సగానికి పైగా, అంటే 67 ఏళ్లుగా నేను ఈ రంగంలోనే ఉన్నానని నా బృందం గుర్తు చేసింది. ఇది నమ్మశక్యం కాని ఆలోచన. అయినా నేను నేర్చుకున్నది 20 ఏళ్లే" అని ఆయన తన పోస్టులో వివరించారు.కమల్ హాసన్ కేవలం ఆరేళ్ల వయసులో "కళత్తూర్ కన్నమ్మ" చిత్రంతో బాలనటుడిగా వెండితెర

Off The Record: ఈసారి యువ నాయకులకే బీఆర్ఎస్ టిక్కెట్లు! Off The Record: తెలంగాణలో పదేళ్లపాటు అధికారంలో ఉన్నప్పుడు పార్టీని అంతగా పట్టించుకొని బిఆర్‌ఎస్ అధినాకత్వం ఇప్పుడు దూకుడుగా వెళ్తోందన్న టాక్ రీసౌండ్ చేస్తోంది. ఇది పొలిటికల్ సర్కిల్స్‌లో వినిపిస్తున్న మాట. గులాబీ పార్టీ అధిష్టానం కూడా ఆ దిశగా అడుగులు వేస్తోందన్న చర్చ లేకపోలేదు. ఈసారి ఎన్నికల్లో ఎవరెవరికి అవకాశాలు ఇవ్వాలి..? టికెట్లు కేటాయించకపోతే మిగతా కీలక పదువులు ఎలా కేటాయించాలి..? ఎవరెవరు పార్టీ కోసం పని చేస్తున్నారు..? రాబోయే రోజుల్లో ఎవరికి ఛాన్స్ ఇస్తే పార్టీని గెలిపిస్తారు..? ఎవరెవరు ప్రజల్లో మమేకం అవుతున్నారు..? ఇవే అంశాలు ప్రామాణికంగా కారు పార్టీ ఆలోచన చేస్తోందట. అయితే గత ఎన్నికల్లో లాగా కాకుండా.. పాత నేతలకు బీఆర్ఎస్ ఈసారి షాక్ ఇవ్వనుందన్న టాక్ బలంగానే వినిపిస్తోంది. తెలంగాణ రాష్ట్ర సాధన తర్వాత జరిగిన మొదటి ఎన్నికల్లో బీఆర్‌ఎస్ అధికారంలోకి వచ్చింది. ఆ తర్వాత బిఆర్‌ఎస్ నేతలకు పదవులు ఇస్తూ వచ్చింది. 2018 ఎన్నికల్లో ఏకంగా 88 స్థానాల్లో విజయ దుంధుబి మోగించి అధికారకలోకి దూసుకొచ్చింది కారు పార్టీ. కానీ.. 2023 ఎన్నికల్లో ప్రజల్లో వచ్చిన వ్యతిరేకతనో మరో కారణమో కానీ.. 39 స్థానాలకే పరిమితమై ప్రతిపక్షం కూర్చోవాల్సి వచ్చింది. జరిగిన నష్టాన్ని గుణపాఠంగా తీసుకుని.. గులాబీ శ్రేణుల్లో నూతనోత్సాహం నింపే దిశగా ఆ పార్టీ అధినేతలు ప్రయత్నిస్తునే ఉన్నారు. రాబోయే ఎన్నికల నాటికి పార్టీకి పూర్వ వైభవం తీసుకొచ్చేందుకు అవసరమైన సర్వ శక్తులూ ఒడ్డుతోంది పార్టీ హైకమాండ్. ఇదే క్రమంలో 2018 ఎన్నికల సమయంలో కారు పార్టీ 100కు పైగా స్థానాలు గెలుస్తుందని ఆశించినా.. 88 స్థానాలకే పరిమితమైంది. ఆ ఎన్నికల్లో ఓడిపోయిన అభ్యర్థులు జనంలో లేనట్టే లెక్క అని పార్టీ అధినేతలు ఎన్నో సందర్భాల్లో చెబుతూ వచ్చారు. అలా ఓటమి చవిచూసిన అభ్యర్థులకు మరోసారి ఛాన్స్ ఇవ్వకూడదని పార్టీ నిర్ణయించినట్టు తెలుస్తోంది

అడ్డదారులు ఎంచుకుంటే తీవ్ర నష్టం. రీల్స్ విడిచి మహనీయులను చదవండి. ప్రతిభతో కెరీర్‌పై దృష్టి పెట్టండి. Narendra Modi: మాజీ రాష్ట్రపతి రామ్‌నాథ్ కోవింద్ ఆత్మకథ ‘Triumph of the Indian Republic: My Life, My Struggles’ పుస్తకావిష్కరణ వేడుక ఢిల్లీలో వైభవంగా జరిగింది. ఈ కార్యక్రమంలో ముఖ్య అతిథిగా పాల్గొన్న ప్రధాని నరేంద్ర మోదీ(Narendra Modi), నేటి వేగవంతమైన డిజిటల్ యుగంలో పయనిస్తున్న జెన్‌జీ (Gen Z) యువతను ఉద్దేశించి సంచలన వ్యాఖ్యలు చేశారు. సాంకేతికత పెరిగిన ఈ రోజుల్లో యువత తమ లక్ష్యాలను సాధించడానికి ఎంచుకుంటున్న మార్గాలు, వారి ఆలోచనా దృక్పథంపై మోదీ ప్రత్యేకంగా దృష్టి సారించారు. TDR Filing: ట్రైన్ మిస్సైతే డబ్బులు వెనక్కి వస్తాయా? అదే టికెట్ తో వేరే ట్రైన్ లో జర్నీ చేయొచ్చా.. రైల్వే రూల్స్ ఇవే! షార్ట్‌కట్‌లు వద్దంటూ రైల్వే పాఠం: జీవితంలో వేగంగా ఉన్నత స్థానాలకు చేరుకోవడానికి అడ్డదారులు వెతికితే తీవ్ర పరిణామాలు ఎదుర్కోవాల్సి వస్తుందని ప్రధాని స్పష్టం చేశారు. రైల్వే స్టేషన్లలో తరచూ కనిపించే 'A shortcut will cut you short' అనే హెచ్చరిక బోర్డును ఈ సందర్భంగా ఆయన ఉదాహరణగా చెప్పారు. సమయం ఆదా చేసుకోవడానికి ఫుట్‌బ్రిడ్జ్ వాడకుండా రైలు పట్టాలు దాటే ప్రయత్నం చేయడం ఎంత ప్రమాదకరమో, కెరీర్‌లో అనుసరించే అడ్డదారులు కూడా అంతే ముప్పు తెస్తాయని హెచ్చరించారు. రీల్స్, ఇన్‌ఫ్లుయెన్సర్ల భ్రమల్లో పడకుండా మహనీయుల ఆత్మకథలు చదివి ప్రేరణ పొందాలని పిలుపునిచ్చారు. రీల్స్ దాటి కెరీర్‌పై దృష్టి పెట్టాలి: ఈ మధ్యకాలంలో యువతకు మరింత దగ్గరయ్యేందుకు మోదీ తన సోషల్ మీడియా విధానంలో మార్పులు తెచ్చిన సంగతి తెలిసిందే. ఇన్‌స్టాగ్రామ్‌లో సెల్ఫీ వీడియోలు పోస్ట్ చేస్తూ, నేటితరం వాడుక భాషలోనే వారితో కనెక్ట్ అవుతున్నారు. అయితే, కేవలం డిజిటల్ రీల్స్ చూడటానికి, చేయడానికి మాత్రమే కాలాన్ని పరిమితం చేయకుండా, తమలోని నిజమైన ప్రతిభను వెలికితీసి

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది. Mohan Bhagwat With Youth: రీసెంట్‌గా దేశ రాజధానిలో విద్యార్ధుల ఉద్యమంతో కేంద్రంలో నరేంద్ర మోడీ సర్కారు సింహాసనం కదిలింది. ఆ ఉద్యమం జరిగిన మరుసటిరోజు కేంద్ర ప్రభుత్వం దిద్దుబాటు చర్యలు అనాలో.. ఇతర విదేశీ, దేవ వ్యతిరేక శక్తులు అందులో ప్రవేశించినట్టు నివేధికలు అందడటంతో వెంటనే అప్రమత్తమై కేంద్ర విద్యాశాఖ మంత్రి ధర్మేంద్రప్రధాన్ రాజీనామా చేయించింది. ఓ రకంగా ప్రభుత్వం ఈ విషయంలో ఒక అడుగు వెనకడుగు వేసిందనే చెప్పాలి. ఈ నేపథ్యంలో తాజాగా ముంబై వేదికగా మోహన్ భగవత్ యువతరం మనోగతాన్ని తెలుసుకుని అభినందనలతో ముంచెత్తారు. ఆర్ఎస్ఎస్ ఆపరేషన్ తో పొలికల్ పార్టీలు పరేషానయ్యాయి. ఇంతకీ విద్యార్థుల మనోగతమేంటి? ఆర్ఎస్ఎస్ చీఫ్ విద్యార్దులతో భేటి వెనక ఏమైనా చాణక్యం ఉందా అని అందరు తలల పట్టుకుంటున్నారు. సీజేపీ ఆందోళనలతో కేంద్ర విద్యాశాఖ మంత్రి రాజీనామా.. బొద్దింకల జనతా పార్టీ కేంద్ర ప్రభుత్వాన్ని బెంబేలెత్తించింది. నీట్ ప్రశ్నా పత్రంలీక్ వ్యవహారంపై ప్రభుత్వ యంత్రాంగం నిర్లక్ష్యాన్ని ఎండగట్టిన కాక్రోచ్ జనతాపార్టీకి ఢిల్లీ వేదికగా యువతరం మద్ధతుగా నిలిచింది. దేశ చరిత్రలో ఎన్నడూ లేని విధంగా ఎలాంటి రాజకీయ నేపథ్యం లేకుండా కాక్రోచ్ జనతాపార్టీ ఆందోళనలు, నిరసన ప్రదర్శనలు సెన్సేషన్ క్రియేట్ చేశాయి. రాజకీయాలపై అవగాహన లేని విద్యార్థులు తమ సమస్యల పరిష్కారంకోసం బొద్ధింకల జనతాపార్టీని ప్రత్యామ్నాయంగా ఎంచుకున్నారు. అందులో విదేశీ శక్తులు ప్రవేశంతో అది వేరే మలుపు తిరిగింది. బొద్దింకల ఉద్యమంతో దేశంలో రాజకీయ పరిణామాలు మారిపోతూ

ప్రస్తుత కాలంలో చాలా మంది ఆరోగ్యంపై దృష్టి సారిస్తున్నారు. ముఖ్యంగా ఏం తినాలి, వెయిట్ లాస్ కోసం ఎలాంటి చర్యలు తీసుకోవాలి.. అనే విషయాలపై దృష్టిసారిస్తున్నారు. అంతేకాకుండా.. శరీరం ఆరోగ్యంగా, శక్తివంతంగా పనిచేయడానికి కావలసిన ముఖ్యమైన పోషకాలు, ఖనిజాలపై దృష్టిసారిస్తున్నారు. అయితే.. గతంతో పోలిస్తే జెన్‌జీ తరం ఆరోగ్యంపై దృష్టిసారించింది. ఇటీవలి సంవత్సరాలలో జెనరేషన్ Z వారిలో ప్రొటీన్ పౌడర్, ఇతర క్రీడా పోషకాహార ఉత్పత్తుల డిమాండ్ గణనీయంగా పెరిగినట్లు అధ్యయనాలు పేర్కొంటున్నాయి.. జెన్ Z కి ప్రోటీన్ పట్ల వ్యామోహం పెరగడానికి.. సోషల్ మీడియా వెల్నెస్ సంస్కృతి, నివారణ ఆరోగ్యం, దీర్ఘాయువు వైపు మళ్లడం, ఫంక్షనల్ ఫుడ్స్ వంటి వాటిపై దృష్టిసారిస్తున్నట్లు వైద్య నిపుణులు చెబుతున్నారు. కేవలం సాంప్రదాయ బాడీబిల్డింగ్ ఫలితాల కోసం పాకులాడకుండా, యువత అధిక ప్రోటీన్ ఆహారాలను శక్తి, మానసిక ఏకాగ్రత, రోజువారీ శ్రేయస్సు కోసం ఒక జీవనశైలి సూచికగా చూస్తున్నట్లు పేర్కొంటున్నారు. GEN-Z శారీరక, మానసిక వికాసానికి తోడ్పడే విటమిన్లు, స్థూల, సూక్ష్మ పోషకాలను తగినంతగా తీసుకోవడానికి ఇదే కారణమని పేర్కొంటున్నారు. అయితే, ప్రోటీన్ విషయంలో మార్కెట్ లో లభించే పదార్థాలను ఏది పడితే అవి తీసుకోవద్దని నిపుణులు సూచిస్తున్నారు. ముఖ్యంగా అధిక ప్రోటీన్ ఆహారంపై సమాజంలో అనేక అపోహలు ప్రచారంలో ఉన్నాయని.. అయితే శారీరక అవసరాలను తగినట్లు ప్రోటీన్ పదార్థాలను తీసుకోవాలని నిపుణులు సూచిస్తున్నారు. అధిక ప్రోటీన్ డైట్ల విషయంలో చాలా గందరగోళం నెలకొందని.. సరైన అవగాహనతోనే వీటిని పరిష్కరించవచ్చని పేర్కొంటున్నారు ఆరోగ్య నిపుణులు.. సోషల్ మీడియా ప్రచారం ద్వారా ఎలా పడితే అలా తీసుకోకుండా శారీరక అవసరాలను గుర్తించాలని సూచిస్తున్నారు. ఎక్కువ ప్రోటీన్ తీసుకుంటేనే కండరాలు పెరుగుతాయని, మాంసాహారం వల్లే ప్రొటీన్ వస్తుందని చాలా మంది నమ్ముతారు. కానీ శాకాహారంలో కూడా ప్రోటీన్ ఉంటుందని నిపుణులు చెబుతున్నారు. కేవలం ప్రోటీన్లు ఎక్కువగా తీసుకుంటే కండరాలు పెరగవు, సరైన వ్యాయామం కూడా అవసరమని నిపుణులు చెబుతున్నారు. మాంసాహారంతోపాటు

నటి, పార్లమెంట్ సభ్యురాలు కంగనా రనౌత్‌ జన్ జీ పై మరోసారి కీలక వ్యాఖ్యలు చేశారు. ఆమె తాజా వ్యాఖ్యలపై ఆర్.ఎస్.ఎస్. ఛీప్‌ మోహన్ జీ భగవత్‌ ప్రభావం ఉన్నట్టుగా అనిపిస్తోంది. ప్రముఖ నటి, బీజేపీ లోక్‌సభ సభ్యురాలు కంగనా రనౌత్‌ జన్ జీ విషయంలో యూటర్న్ తీసుకున్నారు. మరోసారి ఆమె వారి గురించి ఆసక్తికరమైన వ్యాఖ్యలు చేశారు. అయితే ఇప్పుడామె జన్ జీ పై ప్రశంసల జల్లు కురిపించారు. ఆ మధ్య జంతర్ మంతర్ లో జరిగిన నిరసనలపై కంగనా రౌనత్ తీవ్ర విమర్శలు చేశారు. అక్కడ చేరిన వారిని ఆమె మురికి కాలువతో పోల్చారు. జన్ జడ్ కు పనీ పాట లేదన్నట్టుగా వ్యాఖ్యానించారు. దాంతో ఆమెపై విమర్శలు వెల్లువెత్తాయి. అయితే ఇప్పుడు తన వ్యాఖ్యలను ఉప సంహరించుకోకుండానే కంగనా ఈ తరం యువతారాన్ని ఈ దేశపు బలమని వ్యాఖ్యానించారు. ఇటీవల ఆమె పీటీఐతో మాట్లాడుతూ, 'జన్‌ జీ ఈ దేశానికి ఎంతో బలం, అలానే వారి వల్ల ఈ దేశానికి ఎంతో మేలు జరుగుతుంది' అని కితాబిచ్చారు. అలానే ఈ దేశ సంస్కృతి, సంప్రదాయలను అక్కన చేర్చుకుంటున్న యువత ఎక్కువ కావడం కూడా ఎంతో సంతోషాన్ని కలిగిస్తోంద'ని ఆమె వ్యాఖ్యానించారు. ఇటీవల ఆర్.ఎస్.ఎస్. సర్ సంఘ చాలక్ మోహన్ జీ భగవత్ విద్యార్థులు చేసే నిరసనలు అర్థవంతమైన వని, వారి ఆవేదనను అర్థం చేసుకుని వాటి పరిష్కారం కోసం కృషి చేయాలని చెప్పారు. వారిని జాతి వ్యతిరేకులు అనే విధంగా చిత్రీకరించడం ఎంత మాత్రం సమంజసం కాదని ఆయన తెలిపారు. భావి తరాలకు ప్రతినిధులైన యువతరంతో చర్చలు జరపడం అనేది ఎంతో మంచిదని ఆయన అన్నారు. ఇదే విషయాన్ని కంగనా రనౌత్‌ ప్రస్తావిస్తూ, 'మోహన్ జీ భగవత్‌ చెప్పిన విషయాలను అర్థం చేసుకుని, ఆచరించే అవకాశం మాకు కలగడం ఆనందంగా ఉంది. ఆయన అనుభవం, జ్ఞానంతో తెలిపిన అంశాలను తప్పకుండా

జెన్ జీ (Gen Z) గురించి ఇప్పుడు దేశవ్యాప్తంగా చర్చ జరుగుతోంది. తమ సమస్యలు, ఆశలు, భవిష్యత్తుపై ఆందోళనలను బహిరంగంగా వ్యక్తం చేస్తున్న ఈ తరం వైపు రాజకీయ నాయకులు, సామాజిక వర్గాలు, వివిధ సిద్ధాంతాలకు చెందిన సంస్థలు కూడా దృష్టి సారిస్తున్నాయి. ముఖ్యంగా ఢిల్లీలోని జంతర్ మంతర్ (Jantar Mantar) వద్ద ఇటీవల జరిగిన ఆందోళన నేపథ్యంలో జెన్ జీ శక్తి, వారి అసంతృప్తికి గల కారణాలపై చర్చ మరింత పెరిగింది. ఈ నేపథ్యంలో మాజీ ఎంపీ, మాజీ వైఎస్సార్ కాంగ్రెస్ పార్టీ (YSR Congress Party) నేత విజయసాయి రెడ్డి (Vijayasai Reddy) జెన్ జీ తరానికి తన మద్దతు ప్రకటించడం రాజకీయ, సామాజిక వర్గాల్లో ఆసక్తిని కలిగిస్తోంది. యువత ఎదుర్కొంటున్న సమస్యలను అర్థం చేసుకోవాల్సిన అవసరం ఉందని ఆయన పేర్కొన్నారు. తనలాంటి వారు ఈ తరానికి అండగా నిలిచి వారి సమస్యలను సమాజం ముందుకు తీసుకురావాలని అభిప్రాయపడినట్లు తెలుస్తోంది. జెన్ జీ తరానికి ఎదురవుతున్న ప్రధాన సమస్యల్లో ఉద్యోగ భద్రత ఒకటని విజయసాయి రెడ్డి ప్రస్తావించారు. చదువు పూర్తయిన తర్వాత స్థిరమైన ఉపాధి దొరకడం చాలామందికి సవాలుగా మారుతోంది. ఉద్యోగం ఉన్నా భవిష్యత్తుపై నమ్మకం లేకపోవడం, పోటీ పెరగడం, జీవన వ్యయం అధికం కావడం వంటి అంశాలు యువతలో ఆందోళనకు కారణమవుతున్నాయి. మరోవైపు పర్యావరణ మార్పులు, సహజ వనరుల కొరత కూడా భవిష్యత్ తరాలపై ప్రభావం చూపే అంశాలుగా మారాయి. కుటుంబ వ్యవస్థలో వస్తున్న మార్పులు కూడా జెన్ జీ జీవితాలను ప్రభావితం చేస్తున్నాయని ఆయన అభిప్రాయం వ్యక్తం చేశారు. గత తరాలతో పోలిస్తే కుటుంబ బంధాలు, సామాజిక సంబంధాల స్వరూపం మారిపోయింది. సాంకేతికత అందుబాటులోకి వచ్చినప్పటికీ వ్యక్తిగతంగా ఒంటరితనం పెరుగుతోందనే చర్చ కూడా ఉంది. ఇలాంటి పరిస్థితుల్లో యువతలో ఉన్న అసంతృప్తిని కేవలం వారి ఆవేశంగా చూడకుండా, దాని వెనుక ఉన్న కారణాలను అర్థం చేసుకోవాల్సిన అవసరం ఉందనే

హిందువుల కోసం బరాబర్‌ ప్రశ్నిస్తానని కేంద్ర హోం శాఖ సహాయ మంత్రి బండి సంజయ్‌ అన్నారు. ‘రంజాన్‌ పండుగకు రాష్ట్ర ప్రభుత్వం రూ.30 కోట్లు ఇచ్చింది. రంజాన్‌కు 33 కోట్లు ఇచ్చిన రాష్ట్ర ప్రభుత్వం.. హిందువుల కోసం బరాబర్‌ ప్రశ్నిస్తా: సంజయ్‌ హైదరాబాద్‌/సైదాబాద్‌/చాంద్రాయణగుట్ట, ఆగస్టు 9(ఆంధ్రజ్యోతి): హిందువుల కోసం బరాబర్‌ ప్రశ్నిస్తానని కేంద్ర హోం శాఖ సహాయ మంత్రి బండి సంజయ్‌ అన్నారు. ‘రంజాన్‌ పండుగకు రాష్ట్ర ప్రభుత్వం రూ.30 కోట్లు ఇచ్చింది. వారికి ఎందుకిచ్చారని నేను అడగడం లేదు. కానీ 80 శాతం ఉన్న హిందువుల పండుగకు కేవలం రూ.20 కోట్లు విదిలిస్తారా? హైదరాబాద్‌లో 3,400 ఆలయాలుంటే ఈ నిధులు ఏం సరిపోతాయ’ని మండిపడ్డారు. బోనాల ఉత్సవాలకు ఆలయాల్లో కనీస సౌకర్యాలు సమకూర్చలేదని, అభివృద్ధి గురించి తాము మాట్లాడితే మతం రంగు పులుముతారా అని ప్రశ్నించారు. జెన్‌ జీల తీరు చూస్తుంటే ముచ్చటేస్తోందని, హిందూ సమాజం వారిని స్ఫూర్తిగా తీసుకోవాలని సూచించారు. జెన్‌ జీలు ఆకాశంలోకి రాకెట్లను పంపడమే కాదు, హిందూ సనాతన ధర్మం కోసం కూడా మాట్లాడుతున్నారన్నారు. బోనాల ఉత్సవాల సందర్భంగా ఆదివారం సంజయ్‌.. లాల్‌ దర్వాజా సింహవాహిని మహంకాళి, భాగ్యలక్ష్మి, ఉప్పుగూడ మహంకాళి, సైదాబాద్‌ కుర్మగూడలోని నల్లపోచమ్మ అమ్మవార్లను దర్శించుకున్నారు. బోనం ఎత్తి ప్రత్యేక పూజలు నిర్వహించారు. అనంతరం ఆయన మీడియాతో మాట్లాడుతూ లక్ష మంది భక్తులు సందర్శించుకునే లాల్‌ దర్వాజా అమ్మవారి ఆలయంలో బోనాల నిర్వహణకు కాంగ్రెస్‌ ప్రభుత్వం కేవలం రూ.5.50 లక్షలు మంజూరు చేయడం దారుణమని విమర్శించారు. ఒవైసీ బాధ పడతారనే ఈ ఆలయానికి ప్రభుత్వం నిధులు ఇవ్వడం లేదని ఆరోపించారు. హిందూ ధర్మమంటే కాంగ్రెస్‌, బీఆర్‌ఎస్‌లకు భయం పట్టుకుందన్నారు. ఇచ్చిన హామీలను అమలు చేయని మోసపూరిత చరిత్ర కాంగ్రెస్‌ది అని ధ్వజమెత్తారు. ‘నేను గత జీహెచ్‌ఎంసీ ఎన్నికలప్పుడు భాగ్యలక్ష్మి అమ్మవారిని దర్శించుకుంటే హేళన చేసిన కేటీఆర్‌ ఇప్పుడు అమ్మవారిని దర్శించుకున్నారు. కేటీఆర్‌లాంటి మూర్ఖుడికి కూడా జ్ఞానోదయం

ప్రస్తుతం ప్రపంచవ్యాప్తంగా జెన్‌జీ దే హవా కొనసాగుతోంది. ట్రెండ్ దగ్గరి నుంచి రాజకీయాలు, ప్రభుత్వాలను గద్దె దించేవరకు.. జెన్‌జీ కీలక పాత్ర పోషిస్తున్నారు. ప్రపంచ దేశాల్లో జెన్‌జీ ఏం చేసినా అది వార్తగానే మారుతోంది. ఈ నేపథ్యంలోనే యువత ఎక్కడ నివసించాలనుకుంటోంది.. ఉద్యోగం, కెరీర్‌తో పాటు ఎంజాయ్‌మెంట్, కొత్త అనుభవాలు, మంచి ఫుడ్, నైట్‌లైఫ్, కల్చర్.. ఇవన్నీ ఒకే నగరంలో దొరికితే ఎలా ఉంటుంది. ప్రస్తుతం Gen Zలో ఇదే అంశాలకు ప్రాధాన్యం పెరుగుతోంది. ఈ నేపథ్యంలో ప్రపంచవ్యాప్తంగా యువతకు అత్యంత ఇష్టమైన నగరాలపై నిర్వహించిన తాజా సర్వే ఆసక్తికరమైన ఫలితాలను వెల్లడించింది.ప్రతి ఏడాది ప్రపంచంలోని ప్రముఖ నగరాలపై ర్యాంకింగ్స్ విడుదల చేసే Time Out.. ఈసారి 30 ఏళ్లలోపు వేలాది మంది నుంచి అభిప్రాయాలను సేకరించింది. వారు నివసిస్తున్న నగరాల్లో జీవితం ఎలా ఉంది.. అక్కడ ఖర్చులు, ఎంటర్‌టైన్‌మెంట్, సంస్కృతి, సామాజిక జీవనం ఎలా ఉన్నాయి.. ఆ నగరాలు యువతకు ఎంతవరకు నచ్చుతున్నాయి.. అనే అంశాలపై వారి అభిప్రాయాలను పరిగణనలోకి తీసుకుంది. ఈ సర్వేలో గతేడాది నంబర్ వన్‌గా నిలిచిన బ్యాంకాక్‌ను వెనక్కి నెట్టి టోక్యో అగ్రస్థానాన్ని కైవసం చేసుకుంది.టోక్యో, జపాన్జపాన్ రాజధాని టోక్యో ఈసారి Gen Z ఫేవరెట్ సిటీగా నిలిచింది. పురాతన సంప్రదాయాలకు ఆధునిక లైఫ్‌స్టైల్‌ను జోడించిన ఈ టోక్యో నగరం యువతకు అనేక రకాల అనుభవాలను అందిస్తోంది. కలర్‌ఫుల్‌ షాపింగ్ ప్రాంతాలు, రద్దీగా ఉండే వీధులు, ఆలయాలు, పార్కులతో పాటు ఫ్యాషన్, మ్యూజిక్, యానిమే, గేమింగ్ వంటి యువతను ఆకట్టుకునే క్రియేటివ్ కల్చర్ ఇక్కడ స్పెషల్ అట్రాక్షన్‌గా నిలుస్తోంది. కొత్తదనం కోసం వెతికే వారికి టోక్యోలో ప్రతి అడుగులోనూ ఏదో ఒకటి కనిపిస్తూనే ఉంటుంది.పోర్టో, పోర్చుగల్జెన్‌జీ ఫేవరెట్‌ సిటీల్లో రెండో స్థానంలో పోర్చుగల్‌లోని పోర్టో నిలిచింది. వేగంగా పరుగులు పెట్టే మెట్రో నగర జీవితానికి భిన్నంగా ఇక్కడ ప్రశాంతమైన వాతావరణం కనిపిస్తుంది. చారిత్రక కట్టడాలు, నదీ తీరాలు, పార్కులు

ఏపీ రాజకీయాల్లో గతంలో యాక్టివ్ గా ఉండి, వైసీపీ ఎంపీ, పార్లమెంటరీ పార్టీ నేతగా కూడా పనిచేసిన విజయసాయిరెడ్డి (Vijayasai Reddy) ఆ తర్వాత ఆ పార్టీ అధికారం కోల్పోగానే రాజకీయాలకు గుడ్ బై చెప్పేశారు. అనంతరం బీజేపీలోకి వెళ్లేందుకు ప్రయత్నించి .. అది కూడా సాధ్యం కాక తిరిగి రాజకీయాల్లో సొంత పార్టీ ద్వారా ఎంట్రీ ఇచ్చేందుకు సాయిరెడ్డి ప్రయత్నాలు చేస్తున్నారు. ఈ నేపథ్యంలో సాధ్యమైనంత ఎక్కువ తనపై అటెన్షన్ ఉండేలా చూసుకుంటున్నారు.UPI పేమెంట్స్ పై ఛార్జీలు ? కేంద్రానికి సాయిరెడ్డి హెచ్చరికలు..!ఇదే క్రమంలో ఆయన ప్రస్తుతం దేశవ్యాప్తంగా హాట్ టాపిక్ గా ఉన్న జెన్ జీ(Gen Z)పై సానుభూతి ప్రదర్శించాల్సిన అవసరం ఉందంటూ ఓ ట్వీట్ చేశారు. ఇందుకు గల కారణాలను కూడా విజయసాయిరెడ్డి తన ట్వీట్ లో వెల్లడించారు. ఈ సందర్భంగా సాధారణంగా చర్చకు రాని పలు విషయాన్ని కూడా సాయిరెడ్డి బయటపెట్టారు. ఆయా కారణాలతో వారి మాటల్ని సానుభూతితో వినాల్సిన అవసరం ఉందని మాజీ ఎంపీ తేల్చేశారు. 2.5 లక్షలకు PPF లిమిట్ ?- ఆర్థికమంత్రికి సాయిరెడ్డి కీలక ప్రతిపాదన..!మనం మన Gen Z మాటలను సానుభూతితో వినాలని సాయిరెడ్డి కోరారు. వారు అనిశ్చిత ఉద్యోగాలు, అందుబాటులో లేని ఇళ్లు, క్షీణిస్తున్న పర్యావరణం, కొరతగా ఉన్న వనరులు, ఉమ్మడి కుటుంబం, స్నేహం వంటి బలహీనపడుతున్న మద్దతు వ్యవస్థలతో కూడిన ప్రపంచాన్ని వారసత్వంగా పొందుతున్నారని సాయిరెడ్డి తెలిపారు. వారికి ఆశ, అవకాశాలు, వారి ఆందోళనలను తీవ్రంగా పరిగణించే విధానకర్తలు అవసరమన్నారు. తాను ఆ గొంతుకలలో ఒకటిగా ఉండాలని కోరుకుంటున్నానని తన మనసులో మాటను కూడా సాయిరెడ్డి బయటపెట్టేశారు. తద్వారా తనను తాను జెన్ జీకి మద్దతుదారుడినని చెప్పుకునే ప్రయత్నం చేశారు

క్విట్ ఇండియా గొప్పతనాన్ని యువతరం తెలుసుకోవాల్సి ఉందని తెలంగాణ పీసీసీ అధ్యక్షుడు మహేష్ కుమార్ గౌడ్ అన్నారు. భారత స్వాతంత్ర్య ఉద్యమంలో క్విట్ ఇండియా కీలక ఘట్టమని అభివర్ణించారు. హైదరాబాద్, ఆగస్టు 09: క్విట్ ఇండియా గొప్పతనాన్ని యువతరం తెలుసుకోవాల్సి ఉందని తెలంగాణ పీసీసీ అధ్యక్షుడు మహేష్ కుమార్ గౌడ్ అన్నారు. భారత స్వాతంత్ర్య ఉద్యమంలో క్విట్ ఇండియా కీలక ఘట్టమని అభివర్ణించారు. ఆదివారం నాంపల్లిలోని గాంధీ భవన్‌లో టీపీసీసీ చీఫ్ మహేష్ కుమార్ గౌడ్ మాట్లాడుతూ.. ఆగస్టు 8వ తేదీన మహత్మా గాంధీ ఇచ్చిన పిలుపుతో యావత్ భారతదేశం కదం తొక్కిందని గుర్తు చేశారు. మహాత్మా గాంధీ, మాజీ ప్రధాని జవహర్‌లాల్ నెహ్రూతోపాటు సుభాష్ చంద్రబోస్.. ఈ క్విట్ ఇండియా ఉద్యమానికి స్ఫూర్తి అని తెలంగాణ పీసీసీ చీఫ్ గుర్తు చేశారు. బ్రిటిష్ వాళ్లు భారత్ విడిచి వెళ్ళిపోవడానికి ఈ ఉద్యమమే ప్రధాన కారణమని వివరించారు. కేంద్రం మొండి వైఖరికి వ్యతిరేకంగా జెన్ జీ ఉద్యమం చేపట్టిందని తెలిపారు. క్విట్ ఇండియా ఉద్యమం గురించి తెలుసుకోవాలని జెన్ జీ ఉద్యమ వీరులకు ఈ సందర్భంగా ఆయన సూచించారు. భారత స్వాతంత్ర్య ఉద్యమంలో వేలాది మంది సర్వం కోల్పోయి ప్రాణత్యాగాలు చేస్తేనే దేశానికి స్వాతంత్ర్యం వచ్చిందని గుర్తు చేశారు. అయితే ప్రస్తుతం దేశంలో మహాత్మా గాంధీ, మాజీ ప్రధాని నెహ్రూను మరిపించే ప్రయత్నం జరుగుతుందని పీసీసీ చీఫ్ మహేశ్ కుమార్ గౌడ్ ఆవేదన వ్యక్తం చేశారు. సర్దార్ పటేల్‌ను బీజేపీ సొంతం చేసుకునే ప్రయత్నం చేస్తుందని అసహనం వ్యక్తం చేశారు. రాజ్యాంగానికి తూట్లు పొడిచే వారికి క్విట్ చెప్పాల్సిన అవసరం ఉందని స్పష్టం చేశారు. ప్రజాస్వామ్యంలో ఎంతటి వారైనా మెడలు వంచక తప్పదని అన్నారు. దేశానికి స్వాతంత్ర్యం రావటానికి గల కారణాలను యువత అధ్యయనం చేయాలని అభిప్రాయపడ్డారు. దేశం ఆశ్చర్యం పోయేలా తెలంగాణలో అభివృది, సంక్షేమం జరుగుతున్నాయని పేర్కొన్నారు. బీఆర్ఎస్ పదేళ్ల అధికారంలో ఉందని

Dharmendra Pradhan NEET Resignation : దేశవ్యాప్తంగా సంచలనం సృష్టించిన నీట్ ప్రశ్నాపత్రాల లీకేజీ వివాదంపై కేంద్ర మాజీ విద్యాశాఖ మంత్రి, సంబల్‌పూర్ ఎంపీ, బీజేపీ సీనియర్ నాయకుడు ధర్మేంద్ర ప్రధాన్ తొలిసారిగా బహిరంగంగా స్పందించారు. ఈ నిరసనల సమయంలో 'జెన్ జీ'ని ఉద్దేశపూర్వకంగా తప్పుదోవ పట్టించే ప్రయత్నాలు జరిగాయని ఆవేదన వ్యక్తం చేశారు. ఆ వివాదం కారణంగానే తాను కేంద్ర విద్యాశాఖ మంత్రి పదవికి రాజీనామా చేయాల్సి వచ్చిందని ఆయన స్పష్టం చేశారు. ఢిల్లీలోని జంతర్ మంతర్ వద్ద నీట్ విద్యార్థుల భారీ నిరసనల మధ్య జూలై 25వ తేదీన ఆయన తన మంత్రి పదవి నుంచి తప్పుకున్న విషయం తెలిసిందే. సరిగ్గా రెండు వారాల తర్వాత భువనేశ్వర్‌లోని జీఎం విశ్వవిద్యాలయంలో ఉపాధ్యాయులు, విద్యార్థులను ఉద్దేశించి ప్రసంగిస్తూ ఆయన ఈ వ్యాఖ్యలు చేశారు.పదవి కన్నా యువత భవిష్యత్తే ముఖ్యం..!నీట్ అభ్యర్థులు, ప్రస్తుత తరం యువతను ఉద్దేశించి ధర్మేంద్ర ప్రధాన్ కీలక వ్యాఖ్యలు చేశారు. "ధర్నాలు చేసిన జెన్ జీలు కూడా మన పిల్లలే. కానీ కొందరు కావాలనే వారిని తప్పుదోవ పట్టించారు. అప్పట్లో నాకు ఎలాంటి వ్యక్తిగత సమస్యలు లేవు. భారత దేశంలో ప్రతి ఏడాదీ కనీసం రెండు కోట్ల మంది పిల్లలు జన్మిస్తున్నారు. గత పదేళ్ల లెక్కలు తీసుకుంటే 20 కోట్ల మంది పిల్లలు పుట్టారు. వారందరికీ ఎన్నో ఉన్నతమైన ఆకాంక్షలు ఉంటాయి. వారే భవిష్యత్తులో భారతదేశాన్ని విశ్వ గురుగా నిలబెడతారు. అందుకే నాకు పదవి ఏమాత్రం ముఖ్యం కాదు" అని ప్రధాన్ వివరించారు. ఈ పరిణామాల నేపథ్యంలోనే తాను స్వయంగా ప్రధానమంత్రి నరేంద్ర మోదీ వద్దకు వెళ్లి.. కేంద్ర మంత్రిమండలి నుంచి తన రాజీనామాను సమర్పించినట్లు ఆయనవెల్లడించారు.నవీన్ పట్నాయక్‌పై తీవ్ర విమర్శలు..!అనంతరం రైరాఖోల్‌లో జరిగిన మరో సమావేశంలో పాల్గొన్న ధర్మేంద్ర ప్రధాన్.. ఒడిశా మాజీ ముఖ్యమంత్రి, బిజూ జనతాదళ్ (బీజేడీ) అధినేత నవీన్ పట్నాయక్ లక్ష్యంగా తీవ్ర విమర్శలు గుప్పించారు

ఆభరణాలనగానే... నెక్లెస్‌, హారం, వడ్డాణం, కాసులపేరు, కంఠాభరణం, గాజులు, ఉంగరాల్లాంటివి కళ్ల ముందు కదలాడతాయి. పెళ్లిళ్లు, ఫంక్షన్లకు వాటిని ధరించి, ఆ తర్వాత లాకర్లలో భద్రపరుస్తారు. ఇప్పటిదాకా ఆడంబరాన్ని ప్రదర్శించే ఆభరణాలు మాత్రమే చూశాం. నవతరంలో ఆరోగ్యాన్ని పరిరక్షించే ఆభరణాలు తయారవుతున్నాయి. ముఖ్యంగా ఆందోళనను తగ్గించేందుకు ‘యాంటీ యాంగ్జయిటీ ఆభరణాలు’ జెన్‌ జీని విపరీతంగా ఆకర్షిస్తున్నాయి. ఇప్పుడు ఆభరణం అంటే ఆడంబరమే కాదు... ఆరోగ్యం కూడా... పోటీ పరీక్షల్లో ఆన్సర్‌ షీట్‌ తీసుకుంటుంటే చేతులు వణకడం, జాబ్‌ ఇంటర్వ్యూలలో నోట్లో తడి ఆరిపోవడం, స్టేజీ ఎక్కి మైకు పట్టుకోగానే నోరు పెగలక నీళ్లు నమలడం... ఇలా ఆందోళనకు లోనయ్యే సందర్భాలు చాలానే ఉంటాయి. ఆయా సందర్భాలను ఎదుర్కొనేందుకు జెన్‌ జీ కొన్నిరకాల ఆభరణాలను ఆశ్రయిస్తోంది. అవే ‘యాంటీ యాంగ్జయిటీ ఆభరణాలు’గా మార్కెట్‌లో లభిస్తున్నాయి. ఆభరణాలు... ఆటలాగా... ఆధునిక జీవనంలో ఒత్తిడి, ఆందోళన భాగం అయిపోయాయి. గుండెదడ పెరిగిన ప్రతీసారి మనసులో పది అంకెలు లెక్కబెట్టుకోవడం, కళ్లు మూసుకుని ప్రాణాయామం చేయడం, గట్టిగా నవ్వుకోవడం లాంటి సంప్రదాయ పద్ధతులు మామూలే. ఇంతకు ముందు ఆందోళనను తగ్గించేందుకు ఫిడ్జెట్‌ స్పిన్నర్స్‌, స్ట్రెస్‌ బాల్స్‌ వంటి సాధనాలు అందుబాటులో ఉండేవి. జెన్‌ జీలు మాత్రం తమ చేతి వేలి ఉంగరానికి ఉన్న గుండ్లను కదుపుతూ లేదా తమ హారానికి ఉన్న పెండెంట్‌ను నోట్లో పెట్టుకుని ఊదడం లాంటివి చేస్తూ ఒత్తిడిని, ఆందోళనను తగ్గించుకుంటున్నారు. ఇలాంటి కొత్తరకం సాధనాలన్నీ సోషల్‌ మీడియాలో పాపులరై ప్రపంచమంతా వ్యాపిస్తున్నాయి. ఆందోళన తగ్గించే ఆభరణాలలో కొన్ని... స్పిన్నర్‌ రింగ్‌లు: చూసేందుకు సాధారణ ఉంగరాల్లాగే ఉంటాయి. కానీ ఈ ఉంగరాల పైపొరలో గుండ్లు (రోలింగ్‌ బీడ్స్‌) అమర్చుతారు. అలాగే హారాల పెండెంట్లలో కూడా చుట్టూ తిరిగే గుండు పొదుగుతారు. ఈ గుండ్లను ముందుకూ వెనక్కి కదలించడం ద్వారా స్ట్రెస్‌ను తగ్గించుకోవచ్చన్నది సారాంశం. బ్రీతింగ్‌ పెండెంట్లు: వీటిని ఆయా హారాలలో పెండెంట్లుగా ధరిస్తారు. చిన్న స్ట్రా ఆకారంలో