Digital News

ఎమర్జెన్సీ సమయాల్లో డబ్బు అవసరమైనప్పుడు మొబైల్ లోన్ యాప్స్ ఎంతో సులభంగా లోన్స్ అందిస్తుననట్లు కనిపిస్తాయి. కొన్ని క్లిక్స్, ప్రాథమిక వ్యక్తిగత వివరాలు అందించగానే నిమిషాల్లో నగదు జమ చేస్తామనే ఆకర్షణీయమైన ఆఫర్లు చాలా మందిని ప్రశ్నలు అడగకుండా అప్పు తీసుకునేలా చేశాయి. అయితే అసలు సమస్య ఇక్కడే మొదలవుతుంది. ప్రస్తుతం అనేక లోన్ యాప్స్ తక్షణ ఆమోదం, తక్కువ వడ్డీ రేట్లు, ఎలాంటి కాగిత పత్రాలు అవసరం లేదనే ప్రచారాలతో వినియోగదారులను వలలో వేసుకుంటున్నాయి. దీని వల్ల ఆర్థికంగా నష్టపోవడమే కాకుండా పర్సనల్ ఇన్ఫర్మేషన్ సైబర్ నేరగాళ్ల చేతుల్లోకి వెళ్లే ప్రమాదం ఉంది.కడప రైతు కిరాక్ ప్లాన్! యూట్యూబ్ చూసి లక్షల లాభాలు.. ప్రధాని ప్రశంసలుఅప్పు కాదు.. ముందు అప్పు ఇచ్చే సంస్థ గురించి తెలుసుకోండి.. రుణం ఎంత త్వరగా వస్తుందనే దానికంటే అసలు మీకు రుణం ఇస్తున్నది ఎవరు అనే విషయాన్ని తెలుసుకోవడం చాలా ముఖ్యం. స్పష్టత లేని రుణదాత వివరాలు, వడ్డీ రేట్లు, చార్జీలపై సమాచారం లేకపోవడం, ఫోన్ లోని అనవసరమైన సమాచారానికి అనుమతులు అడగడం, ఎటువంటి క్రెడిట్ పరిశీలన లేకుండా తక్షణ ఆమోదం తెలపడం వంటివి నకిలీ యాప్స్ ప్రధాన లక్షణాలు. అద్భుతమైన డిజైన్ లేదా తక్షణ రుణం అని చెప్పినంత మాత్రాన ఆ సంస్థ నిజమైనదని నమ్మకూడదు.యాప్ స్టోర్ వివరాలను సరిచూసుకోండి.. ఏదైనా యాప్ గూగుల్ ప్లే స్టోర్ లేదా ఆపిల్ యాప్ స్టోర్ లో లభ్యమైనంత మాత్రాన దానిని వెంటనే నమ్మలేం. యాప్‌ను డౌన్‌లోడ్ చేసే ముందు దాని డెవలపర్ పేరు, వివరణ, ప్రైవసీ పాలసీ, కస్టమర్ కేర్ వివరాలు, వినియోగదారుల రివ్యూలను క్షుణ్ణంగా పరిశీలించాలి. ముఖ్యంగా ఈ వివరాలన్నీ ఆ రుణదాత అధికారిక వెబ్‌సైట్‌లోని వివరాలతో సరిపోలుతున్నాయో లేదా చూసుకోవాలి. యాప్ డెవలపర్ వివరాలకు, అధికారిక వెబ్‌సైట్ కు తేడా ఉంటే ఈ యాప్‌కు దూరంగా ఉండటమే మంచిది.నియంత్రణ సంస్థల అనుమతులు ఉన్నాయా?మీకు రుణం

ప్రతీ గ్రామ పంచాయతీకి డిజిటల్‌ ప్రొఫైల్‌ జనాభా నుంచి నీటి వనరుల వరకు సమాచార సేకరణ గ్రామాభివృద్ధి కోసం మూడేళ్ల ప్రణాళికలు జిల్లాలో మొదలైన డిజిటలైజేషన్‌ ప్రక్రియ ఈ నెలాఖరులోగా పూర్తి చేయాలని ఆదేశాలు వరంగల్‌ సిటీ: గ్రామాల్లో డిజిటలైజేషన్‌ ప్రక్రియ మొదలైంది. జీపీలకు సంబంధించిన సమగ్ర సమాచారం డిజిటల్‌ ప్రొఫైల్‌లో నమోదు చేస్తున్నారు. గ్రామం అభివృద్ధి చెందాలంటే అక్కడి అవసరాలు, వనరులు, సమస్యలపై సమగ్ర సమాచారం అందుబాటులో ఉండాలనే ఉద్దేశంతో ఈ ప్రక్రియ చేపట్టారు. ఇప్పటివరకు వివిధ ప్రభుత్వ శాఖల వద్ద విడివిడిగా ఉన్న సమాచారాన్ని ఒకే వేదికపైకి తీసుకొచ్చేందుకు ప్రభుత్వం డిజిటల్‌ విధానానికి శ్రీకారం చుట్టింది. ఇందులో భాగంగా గ్రామపంచాయతీ ల సమగ్ర అభివృద్ధి ప్రణాళికలో భాగంగా ప్రతీ పంచాయతీ కి ప్రత్యేక డిజిటల్‌ ప్రొఫైల్‌ను రూపొందిస్తోంది. గ్రామానికి సంబంధించిన సమగ్ర సమాచారం తోపాటు ప్రస్తుత అభివృద్ధి పనులు, వాటి పురోగతి, భవిష్యత్‌ ప్రణాళికలను సైతం ఇందులో పొందుపరుస్తారు. వరంగల్‌ జిల్లాలోని 317 గ్రామ పంచాయతీల్లో కార్యదర్శులు డిజిటలైజేషన్‌ ప్రక్రియకు శ్రీకారం చుట్టారు. దీంతో జనాభా, సామాజిక, ఆర్థిక పరిస్థితి, కుటుంబాల సంఖ్య, వ్య వసాయ భూములు, సాగునీటి వనరులు, రహదారుల పరిస్థితి, పాఠశాలలు, అంగన్‌వాడీ కేంద్రాలు, ఆరోగ్య కేంద్రాలు, స్వయం సహాయక సంఘాలు, ఉపాధి కూలీలు వంటి వివరాలన్నీ ఒకే చోట తెలుసుకునే అవకాశం ఉంటుంది. పంచాయతీ ఆదాయ, వ్యయాలు, ప్రస్తుత పనులు, భవిష్యత్‌ అభివృద్ధి కార్యక్రమాలకు సంబంధించిన వివరాలనూ డిజిటల్‌ ప్రొఫైల్లో పొందు పరుస్తున్నారు. ఇందుకోసం పంచాయతీరాజ్‌, గ్రామీణాభివృది శాఖ ఆధ్వర్యంలో ఇటీవల హైదరాబాద్‌లో నిర్వహించిన కార్యక్రమంలో మంత్రులు సీతక్క, తుమ్మల నాగేశ్వరరావు, వాకిటి శ్రీహరి ఈ డిజిటల్‌ పోస్టర్లను ఆవిష్కరించారు. అన్ని వివరాలు ప్రొఫైల్‌లో.. గ్రామపంచాయతీ ప్రొఫైల్లో భౌగోళిక వివరాల నుంచి ప్రజాప్రతినిధులు, ఉద్యోగుల వరకు సమాచారం పొందుపరుస్తున్నారు. సర్పంచ్‌, వార్డు సభ్యులు, పంచాయతీ సిబ్బంది, వివిధ శాఖలకు చెందిన గ్రామస్థాయి ఉద్యోగులు, ఎంపీ, ఎమ్మెల్సీ, ఎమ్మెల్యే

భారత్‌ అభివృద్ధి ప్రయాణం ఇప్పుడు మరో దేశానికి పాఠంగా మారే స్థాయికి చేరుకుందని ప్రపంచ బ్యాంకు అధ్యక్షుడు అజయ్‌ బంగా అన్నారు. భారత్‌ సాధించిన అనుభవాలను ఇతర దేశాలతో పంచుకునే అవకాశాలు పెరిగాయని చెప్పారు. జీ20 ఆర్థిక మంత్రుల సమావేశం సందర్భంగా ఐఏఎన్‌ఎస్‌కు ఇచ్చిన ప్రత్యేక ఇంటర్వ్యూలో ఆయన ఈ వ్యాఖ్యలు చేశారు.భారత్‌ 2047 నాటికి ‘వికసిత్‌ భారత్‌’గా ఎదగాలన్న లక్ష్యంతో ముందుకు సాగుతోంది. ఈ ప్రయాణంలో దేశ ఆర్థిక వృద్ధి మాత్రమే కాకుండా ప్రపంచ ఆర్థిక, రాజకీయ వ్యవహారాల్లో భారత్‌ పొందే స్థానం కూడా కీలకమని బంగా చెప్పారు. పెద్ద ఆర్థిక వ్యవస్థగా ఎదగడంతో పాటు అంతర్జాతీయ స్థాయిలో ప్రభావాన్ని పెంచుకోవాల్సి ఉంటుందని పేర్కొన్నారు.భారత్‌ డిజిటల్‌ పబ్లిక్‌ ఇన్‌ఫ్రాస్ట్రక్చర్‌ను బంగా ప్రత్యేకంగా ప్రస్తావించారు. ఆధార్‌ నుంచి బ్యాంకు ఖాతాల వరకు ఏర్పడిన డిజిటల్‌ వ్యవస్థను ఇతర దేశాలు అధ్యయనం చేయవచ్చని చెప్పారు. వ్యవసాయంలో టెక్నాలజీ వినియోగం కూడా ప్రపంచానికి ఉపయోగపడే మరో నమూనా అని అన్నారు.తాను ఇటీవల ఉత్తరప్రదేశ్‌లో పర్యటించినప్పుడు చిన్న రైతులకు అవసరమైన వ్యవసాయ ఇన్‌పుట్స్‌ అందించేందుకు సహకార సంఘాలు, గూగుల్‌, ప్రపంచ బ్యాంకు కలిసి పనిచేస్తున్న విధానాన్ని చూశానని బంగా తెలిపారు. టెక్నాలజీ సాయంతో ఈ సేవలను పెద్ద సంఖ్యలో రైతులకు చేరువ చేయడం మంచి ప్రయత్నమని చెప్పారు.ప్రాథమిక ఆరోగ్య కేంద్రాలను డిజిటల్‌ వ్యవస్థలతో ప్రాంతీయ ఆసుపత్రులు, వైద్యులతో అనుసంధానించవచ్చని ఆయన వివరించారు. భౌతిక మౌలిక వసతులు, విద్య, నైపుణ్యాలు, ఆరోగ్యం, నియంత్రణ సంస్కరణలు, ప్రైవేటు పెట్టుబడుల సమీకరణ వంటి రంగాల్లో భారత్‌తో

Qutubullapur: 14 ఎకరాల ఆలయ భూమికి హద్దులు; రంగంలోకి రెవెన్యూ! Qutubullapur: జగద్గిరిగుట్ట వేంకటేశ్వరస్వామి ఆలయ భూముల పరి రక్షణకు రెవెన్యూ యంత్రాంగం శ్రీకారం చుట్టింది. మేడ్చల్ జిల్లా సర్వీ దేవాదాయ శాఖ కుత్బుల్లా పూర్ మండల రెవెన్యూ అధికారులు ఆలయ ప్రాంగ ణంలో స్థానిక నాయకులతో మంగళవారం సమా వేశం నిర్వహించారు. హైకోర్టు ఆదేశాల మేరకు ఆట యానికి కేటాయించిన Mఏకరాల 10 గుంటల స్థలం చుట్టూ పెన్సింగ్ ఏర్పాటు చేయడానికి అధికారులు ఏర్పాట్లు చేస్తున్నారు. ప్రభుత్వ రికార్డుల ప్రకారం 318/1లో గల స్థలానికి సరిహద్దులను పరిశీలిస్తు న్నారు. కబ్జా అయిన ఆలయ స్థలాన్ని గుర్తించడా వికీ డిజిటల్ సర్వే నిర్వహించాలని నిర్ణయించారు. ఆలయ ప్రాంగణంలో స్థానిక నాయకులతో సమావేశం నిర్వహిస్తున్న అధికారులు వినాయక చవితి వండగలోపు డిజిటల్ సర్వేచేసి సరిహద్దులు ఏర్పాటుచేయాలని, కళ్ళా అయిన స్థలాన్ని స్వాధీనం చేసుకోవాలని, కబ్జాదారులపై కేసులు నమోదు చేయాలని తీర్మానించారు. సర్వే దేవి ఆలయ భూములను రికార్డుల్లోకి ఎక్కిబడను వ్నట్లు అధికారులు. అదికారులు తెలిపారు. హైకోర్టు ఆదేశాల ప్రకారం 12 వారాల్లో సర్వేపూర్తి చేయాల్సి ఉన్నా స్థానిక రెవెన్యూ అధికారులు, ఆలయ ఎగ్జిక్యూటివ్ ఎగ్జిక్యూటివ్ కమిటీ సభ్యులకు వట్టాదారులతో ఉన్న మిబాబత్ వల్లనే ఇప్పటి వరకు సర్వే చేయకుండా తాత్సర్యం చేశారని నాయకులు ఆరోపించారు. కబ్జాదారుల నుంచి లక్షల రూపాయలు తీసుకున్న రెవెన్యూ అది కబ్జాదారుల గుండెల్లో గుబులు జగద్గిరిగుట్ట వేంకటేశ్వరస్వామి ఆలయ భూముల పరిరక్షణకు అధికారులు శ్రీకారం ముట్టడంతో కబ్జాదారుల గుండెల్లో గుబులు మొదలైంది. కుల సంఘాల ముసుగులో ఆలయ స్థలాన్ని కబ్జాచేసి గదులు కట్టి లక్షల రూపాయ బంచారు. రెవెన్యూ అధికారులు డిజిటల్ సర్వే చేస్తే కబ్జాల బాగోతం బయేట పడుతుందని ఆందోళన చెందుతున్నారు. తమపై కేసులు నమోదు అవుతాయని కంగారు పడుతున్నారు. దీంతో అధికారులు, నాయకుల మాటూ ప్రదక్షిణ చేయడం మొదలు పెట్టారు. కాదులు వారికి ఎప్పటికప్పుడు సమాచారం అందిస్తు న్నారని

రవితేజ ఇరుముడి సినిమా థియేటర్లలో విజయవంతంగా ప్రదర్శితమవుతోంది. రెండు వారాలు గడిచినా హౌస్‌ఫుల్స్‌తో దూసుకెళ్తోంది. ఈ నేపథ్యంలో సినిమా ఓటీటీ రిలీజ్ డేట్‌పై సోషల్ మీడియాలో చర్చ జరుగుతోంది. నెట్‌ఫ్లిక్స్ డిజిటల్ హక్కులను దక్కించుకుంది. థియేట్రికల్ రిలీజ్ అయిన నాలుగు వారాల తర్వాత స్ట్రీమింగ్ చేసేలా ఒప్పందం కుదిరినప్పటికీ, సెప్టెంబర్ 18 తర్వాతే ఓటీటీ రిలీజ్ ఉండవచ్చని తెలుస్తోంది

Gen Z: ఇప్పుడు ఎక్కడ చూసినా జెన్‌ జీపైనే చర్చ. అన్ని రంగాలు.. ఈ తరాన్ని ఆకట్టునేందుకు ప్రయత్నిస్తున్నాయి. ఈ క్రమంలో జెన్‌ జీ లైఫ్‌స్టైల్‌, ట్రెండ్స్‌ను అర్థం చేసుకోవడం చాలా ముఖ్యం. ఇదిగో ఇలా.. మైక్రో లగ్జరీ.. సాఫ్ట్‌ లివింగ్‌.. జెన్‌ జీ లైఫ్‌స్టైలే వేరు | Do you know about Gen Z lifestyle and trends

తెలంగాణ ఆర్టీసీ ప్రయాణికులకు మెరుగైన సౌకర్యాలు కల్పించడంపై ప్రధానంగా ఫోకస్ చేస్తుంది. ఇదే సమయంలో ఆదాయాన్ని పెంచుకునే అన్ని అవకాశాలను పరిశీలిస్తోంది. టికెట్‌ రహిత ఆదాయాన్ని పెంచుకునేందుకు తెలంగాణా ఆర్టీసీ మెట్రో రైలు తరహాలో కీలక నిర్ణయాన్ని తీసుకుంది. ఎలక్ట్రిక్‌ బస్సుల్లో డిజిటల్‌ స్క్రీన్స్ ను ఏర్పాటు చేస్తోంది. రూట్‌వేవ్‌ సంస్థతో ఒప్పందం కుదుర్చుకుని హయత్‌నగర్‌-2 డిపోకు చెందిన పది ఎలక్ట్రిక్‌ బస్సుల్లో పైలట్‌ ప్రాజెక్టును ప్రారంభించింది.డిజిటల్ స్క్రీన్స్ పై ఆర్టీసీ బస్సుల్లో వాణిజ్య ప్రకటనల ద్వారా ఆదాయానికి ప్లాన్ ఈ డిజిటల్‌ స్క్రీన్లపై వాణిజ్య ప్రకటనలతో పాటు రాబోయే బస్‌ స్టాప్‌ల వివరాలు, ఆర్టీసీ సేవలు, ప్రభుత్వ సంక్షేమ పథకాల సమాచారం ప్రదర్శించనున్నారు. ఈ డిజిటల్ స్క్రీన్స్ ఆర్టీసీ బస్సుల్లో వాణిజ్య ప్రకటనల ద్వారా ఆదాయాన్ని పెంపొందించుకునేలా ఏర్పాటు చేస్తున్నారు. అంతేకాదు మెట్రో రైలు తరహాలోనే ముందుగా స్టేజీల పేర్లు చూపించడం వల్ల నగరానికి కొత్తగా వచ్చినవారు, మార్గాలు తెలియని ప్రయాణికులు సులభంగా గమ్యస్థానం వద్ద దిగగలుగుతారు.ఒక ఆలోచనతో మూడు ప్రయోజనాలు అంతేకాదు ప్రభుత్వ సంక్షేమ పథకాలను ప్రచారం చేయటం ద్వారా ప్రజలకు ప్రభుత్వం ఏం చేస్తుందో చెప్పే అవకాశం కలుగుతుంది. ఈ మూడు ప్రయోజనాలను దృష్టిలో పెట్టుకుని ఆర్టీసీ ఈ నిర్ణయం తీసుకుంది. ముందు పైలట్‌ ప్రాజెక్టు కోసం హయత్‌నగర్‌-పటాన్‌చెరు రద్దీ మార్గాన్ని ఎంపిక చేశారు. పది బస్సుల్లో ఇప్పటికే స్క్రీన్లు అమర్చారు.హయత్ నగర్ పటాన్ చెరు రూట్ లో పైలట్ ప్రాజెక్ట్ ప్రయాణికుల స్పందన, ప్రకటనల ద్వారా వచ్చే ఆదాయం, సాంకేతిక పనితీరును పరిశీలించిన తర్వాత నగరంలోని ఇతర డిపోల ఎలక్ట్రిక్‌ బస్సులకు కూడా ఈ వ్యవస్థను విస్తరించే అవకాశం ఉంది. గతంలో డిజిటల్‌ స్క్రీన్లు ప్రధానంగా వినోదం, ప్రకటనలకే పరిమితమయ్యేవి. ఇప్పుడు ఇన్ఫోటైన్‌మెంట్‌ సదుపాయాలు జోడించి ప్రయాణికులకు ఉపయోగపడే సమాచార వేదికగా మారుస్తున్నారు.ఏపీలో పట్టణ ప్రాంతాలలో ఇల్లులేని వారికి తీపికబురు.. ఇక మొదలెట్టండి!పైలట్ ప్రాజెక్ట్ సక్సెస్ అయితే అన్ని

ఇది డిజిటల్‌ యుగం.. ఉదయం లేచింది మొదలు రాత్రి పడుకునే వరకు ప్రతి నిమిషం డిజిటల్‌ టెక్నాలజీతో ముడిపడి ఉంది. ఇక వాట్సాప్‌ వంటి మెసేంజర్‌లు ప్రతి ఒక్కరి జీవితంలో భాగమైపోయాయి. ఫ్రెండ్స్‌తో చాటింగ్ చేయడం, ఫొటోలు షేర్ చేసుకోవడం నుంచి మొదలుకొని.. ఆఫీస్ డాక్యుమెంట్లు పంపుకోవడం వరకు అన్నింటికీ వాట్సాపే మనకు ప్రధాన ఆధారం అయిపోయింది. అయితే, మీకొక షాకింగ్ నిజం చెప్పాలి. లోన్ అప్లై చేయాలన్నా, క్రెడిట్ కార్డ్ తీసుకోవాలన్నా, ప్రాపర్టీ కొనుగోలు చేయాలన్నా, లేదా ఏదైనా హోటల్‌లో రూమ్ బుక్ చేసుకోవాలన్నా.. నేడు ‘కేవైసీ’ అనేది తప్పనిసరి. ఈ క్రమంలో అవతలి వ్యక్తులు, ఏజెంట్లు లేదా సంస్థలు అడిగిన వెంటనే మనం మన పాన్ కార్డ్, ఆధార్ కార్డ్, బ్యాంక్ స్టేట్‌మెంట్స్ వంటి అత్యంత గోప్యమైన పత్రాలను క్షణం ఆలోచించకుండా వాట్సాప్‌లో ఫార్వర్డ్ చేసేస్తుంటాం. “ఫైల్ క్షణంలో అవతలి వాళ్లకు వెళ్లిపోతుంది కదా, పంపిస్తే తప్పేంటి?” అని మీరు తేలికగా తీసుకుంటున్నారా? అయితే మీరు రిస్క్‌లో పడినట్లే. మీ ఒక్క వాట్సాప్ మెసేజ్ మీ జీవితాన్నే తలక్రిందులు చేయగలదు. భవిష్యత్తులో మీరు ఊహించని తీవ్రమైన ఆర్థిక, చట్టపరమైన ఇబ్బందుల్లో పడే ప్రమాదం పొంచి ఉంది. చాలా మందికి ఒక భ్రమ ఉంటుంది. మనం వాట్సాప్‌లో ఒక డాక్యుమెంట్ పంపిస్తే, అవతలి వాళ్ళు చూసి డిలీట్ చేసేస్తారని అనుకుంటాం. కానీ అక్కడే అసలు ప్రమాదం పొంచి ఉంది. మనం వాట్సాప్‌లో పంపిన డాక్యుమెంట్లు కేవలం ఆ అవతలి వ్యక్తి వాట్సాప్ చాట్‌లోనే ఉండిపోవు. అవతలి వ్యక్తి ఆ ఫైల్‌ను తన ఫోన్ గ్యాలరీలోకి, లాప్‌టాప్‌లోకి లేదా కంప్యూటర్‌లోకి డౌన్‌లోడ్ చేసుకుంటాడు. అంతేకాదు, ఆ ఫోన్‌కు సంబంధించిన క్లౌడ్ బ్యాకప్ ఆటోమేటిక్‌గా ఆన్ అయి ఉంటే, మీ పత్రాల కాపీలు ఆటోమేటిక్‌గా క్లౌడ్‌లో సేవ్ అయిపోతాయి. ఒకసారి డాక్యుమెంట్ మీ ఫోన్ దాటి బయటికి వెళ్తే, దానిపై మీ నియంత్రణ పూర్తిగా కోల్పోయినట్టే!

రూ.350కే డిజిటల్ లోకల్ పాస్ 121 టోల్ ప్లాజాల్లో అమలు ఆన్‌లైన్‌లోనే సులభంగా దరఖాస్తు NHAI: జాతీయ రహదారులపై తరచుగా ప్రయాణించే స్థానిక వాహనదారులకు నేషనల్ హైవేస్ అథారిటీ ఆఫ్ ఇండియా (NHAI) తీపి కబురు అందించింది. టోల్ ప్లాజాల సమీపంలో నివసించే ప్రజల సౌకర్యార్థం 'డిజిటల్ లోకల్ పాస్' సేవలను దేశవ్యాప్తంగా 121 టోల్ ప్లాజాల వద్ద అందుబాటులోకి తీసుకొచ్చింది. టోల్ ప్లాజాకు 20 కిలోమీటర్ల పరిధిలో నివసించే స్థానిక నివాసితులు ఇకపై ప్రతిసారీ పూర్తి టోల్, చెల్లించాల్సిన అవసరం లేకుండా ఈ పాస్ ద్వారా ప్రయాణించవచ్చు. కేవలం రూ.350 రుసుముతో లభించే ఈ సౌకర్యం సొంత, వాణిజ్యేతర వాహనాలకు మాత్రమే వర్తిస్తుందని అధికారులు స్పష్టం చేశారు. Gachibowli Tragedy: గచ్చిబౌలిలో ఘోర ప్రమాదం.. కుప్పకూలిన ఏడంతస్తుల భవనం.. ఇద్దరు మృతి హైవే ట్రావెల్ యాప్ ద్వారా సులభంగా ఆన్‌లైన్ దరఖాస్తు: ఈ డిజిటల్ పాస్ కోసం అర్హులైన వాహనదారులు ఎలాంటి భౌతిక పత్రాలు సమర్పించాల్సిన అవసరం లేకుండా హైవే ట్రావెల్ యాప్ ద్వారా నేరుగా ఆన్‌లైన్‌లోనే దరఖాస్తు చేసుకోవచ్చు. దరఖాస్తు ప్రక్రియలో భాగంగా డిగీ లాకర్ ద్వారా చిరునామాను, వాహన్ డేటాబేస్ ద్వారా వాహన వివరాలను, అనుసంధానమైన ఫాస్టాగ్ వివరాలను ఆన్‌లైన్‌లోనే క్షణాల్లో ధృవీకరిస్తారు. దీనివల్ల టోల్ ప్లాజా వద్దకు వెళ్లి అధికారులను కలవాల్సిన శ్రమ, సమయం రెండూ ఆదా అవుతాయి. బ్యారియర్‌లెస్ టోలింగ్‌కు తొలి అడుగు.. ఇ-నోటీసుల సమస్యకు పరిష్కారం: భవిష్యత్తులో అమలు చేయనున్న మల్టీ లేన్ ఫ్రీ ఫ్లో (MLFF), బ్యారియర్‌లెస్ టోలింగ్ వ్యవస్థల్లో స్థానిక వాహనదారులకు ఎదురవుతున్న ఇ-నోటీసుల సమస్యను పరిష్కరించడంలో ఈ డిజిటల్ పాస్ అత్యంత కీలక పాత్ర పోషించనుంది. వాహనాలు బూత్‌ల వద్ద ఆగకుండా ప్రయాణించే వీలుండటంతో పాటు స్థానికులకు సులువైన చెల్లింపుల ప్రక్రియ అందుబాటులోకి వచ్చింది. స్థానిక వాహనదారులు ఎన్‌హెచ్‌ఏఐ అధికారిక యాప్ ద్వారా తమ వివరాలను సరిచూసుకుని ఈ పాస్‌ను పొందవచ్చని

పాకిస్థాన్ టెక్నాలజీ రంగంలో కీలక పరిణామం చోటుచేసుకుంది. ప్రపంచ టెక్ దిగ్గజం గూగుల్ అధికారికంగా పాకిస్థాన్‌లో తన మొట్టమొదటి కార్యాలయాన్ని ప్రారంభించింది. స్వయంగా పాక్ ప్రధాని షెహబాజ్ షరీఫ్ ఈ కొత్త ఆఫీసును ప్రారంభించడంతో పాటు గూగుల్ ఉన్నత స్థాయి ప్రతినిధి బృందంతో చర్చలు జరిపారు. దేశ డిజిటల్ ఆర్థిక వ్యవస్థను పరుగులు పెట్టించేందుకు, స్థానిక యువతకు అత్యాధునిక టెక్నాలజీ నైపుణ్యాలు అందించేందుకు ఈ కార్యాలయం ఒక గేమ్ చేంజర్‌గా మారనుందని ప్రభుత్వం ఆశాభావం వ్యక్తం చేస్తున్నది. పాకిస్థాన్‌లో సరికొత్త అధ్యాయం: గూగుల్ తొలి కార్యాలయం పాకిస్థాన్‌లో గూగుల్ తన కార్యకలాపాలను విస్తరిస్తూ తొలి కార్యాలయాన్ని ప్రారంభించింది. ప్రధాని షెహబాజ్ షరీఫ్ సమక్షంలో జరిగిన ఈ ప్రారంభోత్సవంలో గూగుల్ ప్రతినిధులతో ద్వైపాక్షిక చర్చలు జరిగాయి. దేశంలో సాంకేతికత, డిజిటల్ రంగాలను ప్రోత్సహించడమే ప్రధాన లక్ష్యంగా ఈ ముందడుగు పడింది. ముఖ్యంగా ఐటీ, ఆర్టిఫిషియల్ ఇంటెలిజెన్స్ (ఏఐ)విభాగాలలో స్థానిక యువతకు ప్రత్యేక శిక్షణ ఇచ్చేందుకు ప్రాధాన్యత ఇవ్వనున్నారు. పాకిస్థాన్ ప్రభుత్వం దీనిని దేశ డిజిటల్ ఎకానమీ అభివృద్ధిలో ఒక చారిత్రక మైలురాయిగా భావిస్తోంది. కార్యాలయం లోపల లుక్ ఎలా ఉంది? ఈ సరికొత్త గూగుల్ ఆఫీస్ సాధారణ ప్రభుత్వ కార్యాలయాల మాదిరిగా కాకుండా, అత్యంత ఆధునిక శైలిలో రూపుదిద్దుకుంది. గూగుల్ అంతర్జాతీయ ప్రమాణాలకు అనుగుణంగా ఓపెన్ వర్క్‌స్పేస్, టీమ్ కొలాబరేషన్ ఏరియాలు, హైటెక్ మీటింగ్ రూమ్‌లతో ఈ కార్యాలయాన్ని సిద్ధం చేశారు. లోపలి పూర్తి దృశ్యాలు ఇంకా అధికారికంగా విడుదల కానప్పటికీ, సోషల్ మీడియాలో చక్కర్లు కొడుతున్న ఫోటోల ఆధారంగా ఇది చాలా స్టైలిష్, ప్రీమియం టెక్ లుక్‌తో కనిపిస్తోంది. యువత డిజిటల్ నైపుణ్యాలే లక్ష్యం పాకిస్థాన్ వేగంగా డిజిటల్ పరివర్తన వైపు అడుగులు వేస్తోందని ప్రధాని షెహబాజ్ షరీఫ్ తెలిపారు. ప్రభుత్వ సేవలు, ఆర్థిక వ్యవస్థను డిజిటలైజ్ చేయడంలో భాగంగా స్థానిక యువతకు కృత్రిమ మేధ (ఏఐ), ఐటీ నైపుణ్యాలను నేర్పించే కార్యక్రమాలను ప్రభుత్వం

Tata Mutual Fund: బంగారంలో మ్యూచువల్ ఫండ్ ద్వారా పెట్టుబడి పెట్టాలనుకునే ఇన్వెస్టర్లకు టాటా మ్యూచువల్ ఫండ్ తీపి కబురు అందించింది. తమ టాటా గోల్డ్ ఈటీఎఫ్ (Tata Gold ETF), టాటా గోల్డ్ ఈటీఎఫ్ ఫండ్ ఆఫ్ ఫండ్ (Tata Gold ETF FoF) స్కీమ్‌లలో పెద్ద ఇన్వెస్టర్లకు లంప్ సమ్ రూపంలో చేసే పెట్టుబడులపై విధించిన పరిమితులను ఎత్తివేస్తున్నట్లు ప్రకటించింది. ఈ నిర్ణయంతో ఇన్వెస్టర్లు మళ్లీ ఒకేసారి పెద్ద మొత్తంలో నిధులను బంగారంపై పెట్టుబడి పెట్టే వెసులుబాటు కలిగింది.పెట్టుబడులు పునః ప్రారంభంగతంలో మార్కెట్ హెచ్చుతగ్గులు, అంతర్జాతీయంగా పసిడి సరఫరా, ధరల అస్థిరత కారణంగా పెద్ద ఇన్వెస్టర్లు ఒకేసారి రూ.2 లక్షలు లేదా అంతకంటే ఎక్కువ మొత్తాన్ని గోల్డ్ ఈటీఎఫ్ లేదా గోల్డ్ ఈటీఎఫ్ ఫండ్ ఆఫ్ ఫండ్లలో ఇన్వెస్ట్ చేయడంపై పరిమితులు విధించారు. అయితే, ప్రస్తుతం పసిడి మార్కెట్లో నెలకొన్న పరిస్థితులను సమీక్షించిన అనంతరం, టాటా మ్యూచువల్ ఫండ్ యాజమాన్యం ఈ సబ్‌స్క్రిప్షన్లను తిరిగి యథాతథంగా అనుమతించాలని నిర్ణయించింది.సవరించిన కొత్త నిబంధనలు ఆగస్టు 21, 2026 నుంచే అమలులోకి తీసుకొచ్చినట్లు టాటా మ్యూచువల్ ఫండ్ (Tata Mutual Fund) తెలిపింది. తదుపరి నోటీసు ఇచ్చే వరకు ఈ కొత్త నిబంధనలు అమలులో ఉంటాయని తెలిపింది. మార్కెట్ పరిస్థితులు సాధారణ స్థాయికి వచ్చిన క్రమంలో ఈ మార్పులు చేసినట్లు వెల్లడించింది.జూన్ 5న, టాటా మ్యూచువల్ ఫండ్ చేసిన ప్రకటన ప్రకారం.. రూ. 25 కోట్ల పెట్టుబడితో టాటా గోల్డ్ ఈటీఎఫ్ (Tata Gold ETF)లో నేరుగా పెట్టుబడులు పెట్టే భారీ పెట్టుబడిదారుల సబ్‌స్క్రిప్షన్ లావాదేవీలపై జూన్ 8, 2026 నుంచి తాత్కాలికంగా ఆంక్షలు విధించారు. Tata Gold ETF అనేది దేశీయ బంగారం ధరను అనుసరించే ఒక ఓపెన్-ఎండెడ్ ఎక్స్ఛేంజ్-ట్రేడెడ్ ఫండ్. Tata Gold ETF FOF అనేది Tata Gold ETFలో పెట్టుబడి పెట్టే ఒక ఓపెన్-ఎండెడ్ 'ఫండ్-ఆఫ్-ఫండ్స్' పథకం.ఇన్వెస్టర్లకు కలిగే

TCS Laptop Monitoring : మార్కెట్ విలువ పరంగా చూస్తే భారతదేశంలో అతిపెద్ద ఐటీ కంపెనీ టాటా కన్సల్టెన్సీ సర్వీసెస్ (TCS) కీలక ప్రకటన చేసింది. తాము ఉద్యోగుల వ్యక్తిగత యాక్టివిటీని ట్రాక్ చేయట్లేదంటూ క్లారిటీ ఇచ్చింది. ఇటీవల ల్యాప్‌టాప్స్‌లో కొన్ని మానిటరింగ్ టూల్స్ ఏర్పాటు చేసి, ఉద్యోగుల పనితీరు, ఇతర కార్యకలాపాలపై నిఘా పెట్టిందని ఆరోపణలు ఎదుర్కొంటోంది. పలు ఆంగ్ల మీడియాల్లో దీనిపై కథనాలు వచ్చాయి. ఇటీవల విస్తృత చర్చకు దారితీశాయి. ఉద్యోగులు ఏయే అప్లికేషన్లు ఉపయోగిస్తున్నారు? వాటిపై ఎంత సమయం గడుపుతున్నారు వంటి పలు వివరాల్ని ఈ టూల్స్ ద్వారా తెలుసుకునే అవకాశం ఉందని కథనాలు కూడా వచ్చాయి. ఈ క్రమంలోనే ఉద్యోగుల ప్రైవసీ గురించి ప్రశ్నలు తలెత్తాయి.ఈ ఆరోపణలపై తాజాగా స్పందించిన టీసీఎస్ అవన్నీ నిరాధారమైనవని ఖండించింది. తాము ఉద్యోగుల వ్యక్తిగత కార్యకలాపాల్ని ట్రాక్ చేయడం లేదని స్పష్టం చేసింది. ఉద్యోగులపై నిఘా పెట్టేందుకు TCS మానిటరింగ్ సాఫ్ట్‌వేర్‌ను ఉపయోగిస్తుందంటూ వచ్చిన వార్తలు నిరాధారమైనవి, అవాస్తవమైనవని కంపెనీ పేర్కొంది.టీసీఎస్ వివరాల ప్రకారం- ఉద్యోగుల ల్యాప్‌టాప్‌లలో ఉపయోగించే డిజిటల్ టూల్స్ ముఖ్యంగా నెట్‌వర్క్ పనితీరును పర్యవేక్షించేందుకు, సిస్టమ్స్ భద్రత కోసం, ఉద్యోగులకు మరింత మెరుగైన డిజిటల్ అనుభవాన్ని అందించేందుకు ఉపయోగిస్తారు. ఉద్యోగుల వ్యక్తిగత కార్యకలాపాల్ని (యాక్టివిటీని) ట్రాక్ చేయడం తమ ఉద్దేశం కాదని టీసీఎస్ స్పష్టం చేసింది. ఉద్యోగుల గోప్యతను తాము గౌరవిస్తామని తెలిపింది.ఇన్ఫోసిస్ ఉద్యోగులకు అలర్ట్.. ఇంట్లో విద్యుత్ లెక్కలు చెప్పాలని కంపెనీ మెయిల్.. అసలు కారణమిదేమానిటరింగ్ టూల్స్ ఏం చేస్తాయి?సాధారణంగా పెద్ద పెద్ద సంస్థలు తమ కంప్యూటర్ నెట్‌వర్క్, అప్లికేషన్స్, పరికరాలు సరిగా పనిచేస్తున్నాయా లేదా తెలుసుకునేందుకు డిజిటల్ మానిటరింగ్ టూల్స్ ఉపయోగిస్తాయి. ఉదాహరణకు నెట్‌వర్క్‌లో సమస్య ఎక్కడ వస్తుంది? ఏమైనా అప్లికేషన్ సరిగా పనిచేయట్లేదా?, సిస్టమ్ పనితీరులో ఏమైనా ఇబ్బందులున్నాయా? వంటి విషయాల్ని గుర్తించేందుకు ఇవి ఉపయోగపడతాయి. ఇంకా సైబర్ దాడులు, అనుమానాస్పద నెట్‌వర్క్ కార్యకలాపాలు, డేటా

భారత్‌లో స్టార్‌లింక్ సేవలపై స్పేస్‌ఎక్స్ వ్యవస్థాపకుడు ఎలాన్ మస్క్ మరోసారి కీలక వ్యాఖ్య చేశారు. దేశంలోని అత్యంత తక్కువ సేవలు అందుతున్న ప్రజలకు, ముఖ్యంగా గ్రామీణ ప్రాంతాలకు స్టార్‌లింక్ సహాయపడుతుందని పేర్కొన్నారు. గ్రామీణ భారతంలో ఇంటర్నెట్ సౌకర్యాలపై పేర్కొన్న గణాంకాలతో కూడిన ఒక ఎక్స్ పోస్టుకు స్పందిస్తూ మస్క్ ఈ అభిప్రాయం వెల్లడించారు. దీంతో భారత్‌లో స్టార్‌లింక్ కమర్షియల్ సేవల ప్రారంభంపై మరోసారి ఆసక్తి పెరిగింది. ఆగస్టు 20 రాత్రి డోగ్‌డిజైనర్ అనే ఎక్స్ ఖాతా గ్రామీణ ఇంటర్నెట్ అంతరంపై వివరాలతో పోస్ట్ చేసింది. మే 2026 నాటికి దేశంలోని 11,256 జాబితా గ్రామాలకు ఇంకా 4జీ కవరేజీ లేదని అందులో పేర్కొంది. మార్చి 2026 నాటికి భారత్‌లో 1.093 బిలియన్ ఇంటర్నెట్ సబ్‌స్క్రిప్షన్లు ఉండగా, గ్రామీణ ప్రాంతాల వాటా 440.87 మిలియన్లుగా తెలిపింది. ప్రతి 100 మందికి గ్రామీణ సబ్‌స్క్రిప్షన్ సాంద్రత 48.31గా ఉంటే, పట్టణాల్లో అది 126.80గా ఉన్నట్లు వివరించింది. భారత్‌నెట్ కింద ఇప్పటికే 8.5 లక్షల కిలోమీటర్లకు పైగా ఫైబర్ ఏర్పాటు చేసినట్లు ఆ పోస్టులో పేర్కొన్నారు. సుమారు 2.21 లక్షల గ్రామ పంచాయతీలను సేవలకు సిద్ధం చేసినప్పటికీ, జూన్ 2026 నాటికి 80,472 ప్రాంతాల్లోనే అనుసంధాన కేంద్రాలు పనిచేస్తున్నట్లు తెలిపింది. దీంతో కఠిన భూభాగాలు, కొండ ప్రాంతాలు, దీవులు, మారుమూల గ్రామాల్లో చివరి మైలు అనుసంధానం ప్రధాన సవాలుగా కొనసాగుతోంది. ఇలాంటి ప్రాంతాల్లో స్టార్‌లింక్ ఉపగ్రహ ఆధారిత ఇంటర్నెట్ పూరక సేవగా ఉపయోగపడుతుందనే వాదన ముందుకొచ్చింది. ఇదిలా ఉండగా స్టార్‌లింక్ తన రెండో తరం ఉపగ్రహ నెట్‌వర్క్‌కు అనుమతి కోరుతూ ఇన్-స్పేస్‌కు తాజా దరఖాస్తు సమర్పించినట్లు నివేదికలు పేర్కొన్నాయి. దాదాపు 30,000 ఉపగ్రహాలతో పాటు ప్రత్యక్ష పరికర అనుసంధాన సాంకేతికతకు కూడా ఆమోదం కోరుతున్నట్లు సమాచారం. గతంలో రెండో తరం దరఖాస్తు తిరస్కరణకు గురికాగా, 2025 జూలైలో సుమారు 4,408 ఉపగ్రహాల మొదటి తరం వ్యవస్థకు అనుమతి లభించింది

భారత్‌లో ఇంటర్నెట్‌ సదుపాయం అంతగా లేని ప్రాంతాలకు స్టార్‌లింక్‌ ఉపయోగపడుతుందని స్పేస్‌ఎక్స్‌ అధినేత ఎలాన్‌ మస్క్‌ అన్నారు. ముఖ్యంగా గ్రామీణ ప్రాంతాలకు శాటిలైట్‌ ఇంటర్నెట్‌ మేలు చేస్తుందని పేర్కొన్నారు. భారత్‌లో స్టార్‌లింక్‌ వాణిజ్య సేవలు ఇంకా ప్రారంభం కాలేదు. అనుమతుల ప్రక్రియ కొనసాగుతోంది.‘ఎక్స్‌’లో ఓ పోస్ట్‌కు స్పందిస్తూ మస్క్‌ ఈ వ్యాఖ్యలు చేశారు. 2026 మే నాటికి దేశంలో 11,256 గ్రామాలకు 4జీ సదుపాయం లేదని ఆ పోస్ట్‌లో పేర్కొన్నారు. గ్రామీణ, పట్టణ ప్రాంతాల మధ్య ఇంటర్నెట్‌ వినియోగంలో భారీ తేడా ఉందని వివరించారు.2026 మార్చి నాటికి భారత్‌లో 109.3 కోట్ల ఇంటర్నెట్‌ సబ్‌స్క్రిప్షన్లు ఉన్నాయి. ఇందులో గ్రామీణ ప్రాంతాల వాటా 44.087 కోట్లు. గ్రామీణ ప్రాంతాల్లో 100 మందికి 48.31 ఇంటర్నెట్‌ కనెక్షన్లు ఉన్నాయి. పట్టణాల్లో ఈ సంఖ్య 126.80గా ఉంది.మారుమూల గ్రామాలు, పర్వత ప్రాంతాలు, దీవులు, విపత్తుల ప్రభావిత ప్రాంతాల్లో శాటిలైట్‌ ఇంటర్నెట్‌ ఉపయోగపడే అవకాశం ఉంది. ఇలాంటి చోట్ల భౌగోళిక పరిస్థితులు, మౌలిక వసతుల కొరత వల్ల సంప్రదాయ టెలికాం సేవలు అందించడం కష్టంగా ఉంటుంది. దేశంలో భారత్‌నెట్‌ ద్వారా 8.5 లక్షల రూట్‌ కిలోమీటర్లకు పైగా ఫైబర్‌ వేశారు. సుమారు 2.21 లక్షల గ్రామ పంచాయతీలను సేవలకు సిద్ధం చేశారు. స్టార్‌లింక్‌ సేవలు ప్రారంభం కావాలంటే నియంత్రణ అనుమతులు, స్పెక్ట్రమ్‌ కేటాయింపు పూర్తి కావాలి. ఈ ప్రక్రియ పూర్తయితే మారుమూల ప్రాంతాల్లో హైస్పీడ్‌ ఇంటర్నెట్‌ అందుబాటులో వచ్చే అవకాశం ఉంది

ఉద్యోగులకు ఇచ్చిన ఆఫీసు ల్యాప్‌టాప్‌లలో టీసీఎస్‌ ప్రత్యేక మానిటరింగ్‌ సాఫ్ట్‌వేర్‌ను అమర్చినట్లు సమాచారం. ఉద్యోగులు ఏయే అప్లికేషన్లు వాడుతున్నారు? వాటిపై ఎంత సమయం గడుపుతున్నారు? వంటి వివరాలను ఈ టూల్‌ ద్వారా తెలుసుకునే అవకాశం ఉందని మనీకంట్రోల్‌ తన కథనంలో పేర్కొంది.ఈ సాఫ్ట్‌వేర్‌ను ‘డిజిటల్‌ యూజర్‌ ఎక్స్‌పీరియన్స్‌ మానిటరింగ్‌ టూల్‌’గా అభివర్ణిస్తున్నారు. కంపెనీ ల్యాప్‌టాప్‌లలో జరిగే కార్యకలాపాలపై ఎక్కువ సమాచారం పొందేందుకు దీనిని ఉపయోగిస్తున్నట్లు తెలుస్తోంది. అయితే దీనిపై టీసీఎస్‌ ఇప్పటి వరకు అధికారికంగా స్పందించలేదు.సంస్థకు చెందిన రహస్య సమాచారం బయటకు వెళ్లకుండా అడ్డుకోవడం, అనుమానాస్పద కార్యకలాపాలను గుర్తించడం, సైబర్‌ భద్రతను పెంచడం వంటి అవసరాల కోసం ఇలాంటి టూల్స్‌ను కంపెనీలు వాడుతుంటాయి. అదే సమయంలో ఉద్యోగుల వ్యక్తిగత గోప్యతపై కూడా ప్రశ్నలు తలెత్తుతున్నాయి.టీసీఎస్‌ ఏ సాఫ్ట్‌వేర్‌ను వాడుతోందన్న విషయం ఇంకా బయటకు రాలేదు. ఏయే వివరాలను సేకరిస్తోంది? ఆ సమాచారాన్ని ఎవరు చూడగలరు? ఈ నిఘా ఎంత వరకు ఉంటుందన్న అంశాలపై స్పష్టత లేదు.ఉద్యోగులపై డిజిటల్‌ నిఘా ఐటీ రంగంలో కొత్త విషయం కాదు. ఇటీవల మెటా కూడా ఉద్యోగుల కంప్యూటర్‌ వినియోగం, కీబోర్డ్‌ స్ట్రోక్స్‌, మౌస్‌ కదలికలను నమోదు చేసే వ్యవస్థపై విమర్శలు ఎదుర్కొంది. తీవ్ర వ్యతిరేకత రావడంతో డేటా సేకరణను తాత్కాలికంగా నిలిపివేసే అవకాశం కల్పించింది.ఇలాంటి వ్యవస్థలు కంపెనీ భద్రతకు ఉపయోగపడతాయా? లేక ఉద్యోగుల వ్యక్తిగత స్వేచ్ఛపై నిఘా పెంచుతాయా? అన్న చర్చ ఇప్పుడు మరోసారి మొదలైంది

ప్రభుత్వ డిజిటల్ పంచాయతీల ప్రారంభం అన్ని జిల్లాలకు వెబ్‌సైట్ల విస్తరణ గ్రామ సమాచారం వేలిముద్రల్లో లభ్యం Telangana Govt: తెలంగాణలోని ప్రతి గ్రామాన్ని డిజిటల్ వైపు నడిపిస్తూ, సమగ్ర సమాచారాన్ని ప్రపంచానికి అందించేందుకు ప్రభుత్వం శ్రీకారం చుట్టింది. 'రైజింగ్ తెలంగాణ-2047' లక్ష్యంలో భాగంగా పంచాయతీరాజ్, గ్రామీణాభివృద్ధి శాఖ ఆధ్వర్యంలో ఈ మహత్తర కార్యక్రమం వేగంగా సాగుతోంది. ఇందులో భాగంగా ఈ నెల 21న తొలిదశ కింద జిల్లాకు ఒకటి చొప్పున మొత్తం 31 గ్రామ పంచాయతీల ప్రత్యేక వెబ్‌సైట్లను మంత్రి సీతక్క చేతుల మీదుగా ప్రారంభించేందుకు అధికారులు(Telangana Govt) సర్వం సిద్ధం చేశారు. YS Jagan: డీఎస్సీలో అక్రమాలు జరగడం నిజం.. వాళ్ళు కూడా అంగీకరించారు.. వైఎస్ జగన్ సంచలన కామెంట్స్ నెలాఖరుకు నియోజకవర్గానికి ఒకటి.. సెప్టెంబర్ నాటికి 12,760 గ్రామాలు; మొదటి విడత అనంతరం ఈ నెలాఖరు నాటికి శాసనసభ నియోజకవర్గానికి ఒక వెబ్‌సైట్ చొప్పున అందుబాటులోకి తెస్తారు. అలాగే సెప్టెంబరు మాసాంతం నాటికి రాష్ట్రవ్యాప్తంగా ఉన్న మొత్తం 12,760 గ్రామ పంచాయతీలకు సొంత వెబ్‌సైట్లను అందుబాటులోకి తేనున్నారు. భద్రాద్రి కొత్తగూడెం జిల్లాలోని లక్ష్మిదేవిపల్లి వంటి గ్రామ సమాచారం కూడా ఇకపై ప్రపంచంలో ఎక్కడి నుంచైనా వీక్షించవచ్చు. ఈ ప్రాజెక్ట్ కోసం గ్రామాల్లో కంప్యూటర్లు, ఆప్టికల్ ఫైబర్, హైస్పీడ్ ఇంటర్నెట్ సౌకర్యాలను కల్పిస్తున్నారు. సమగ్ర వివరాలు, అభివృద్ధి ప్రణాళికలు ప్రజాక్షేత్రంలో: ఈ వెబ్‌సైట్లలో గ్రామం వైశాల్యం, జనాభా, గృహాలు, రేషన్ కార్డులు, పెన్షనర్లు, దివ్యాంగుల వివరాలతో పాటు ప్రజాప్రతినిధులు, అధికారుల ఫోన్ నంబర్లు అందుబాటులో ఉంటాయి. అంతేకాకుండా రోడ్లు, తాగునీటి వసతులు, వీధిదీపాలు, స్వయం సహాయక సంఘాల డేటాను పొందుపరుస్తారు. మూడేళ్ల కాలానికి సంబంధించిన గ్రామ అభివృద్ధి ప్రణాళికలు, వార్షిక బడ్జెట్ అంచనాలు, చేపట్టబోయే పనుల వివరాలను పారదర్శకంగా వెబ్‌సైట్లలో ఉంచనున్నట్లు పంచాయతీరాజ్ శాఖ ప్రత్యేక ప్రధాన కార్యదర్శి దానకిశోర్ వెల్లడించారు

ఒకప్పుడు ఆరుబయట కేరింతలు, తోటి పిల్లలతో ఆటలు, అమ్మమ్మల కథలతో సాగిన బాల్యం నేడు నాలుగు గోడల మధ్య డిజిటల్ తెరలకు పరిమితమైపోయింది. మారుతున్న జీవనశైలి, ఉద్యోగ వ్యాపారాల్లో తల్లిదండ్రుల నిరంతర బిజీ జీవితాలు పిల్లల పెంపకంపై తీవ్ర ప్రభావం చూపుతున్నాయి. తల్లిదండ్రులు పిల్లలకు సమయం కేటాయించలేకపోవడం, వారిని అల్లరి చేయకుండా నిద్రపుచ్చడానికో లేదా అన్నం తినిపించడానికో చేతికి స్మార్ట్‌ఫోన్ ఇవ్వడం ఒక అలవాటుగా మారింది. ఈ చిన్న అలవాటే నేడు పిల్లలను తీవ్రమైన ‘ఇంటర్నెట్/స్క్రీన్ అడిక్షన్’ వైపు నెట్టివేస్తోంది. సామాజిక సంబంధాలు: గతంలో పిల్లలు వీధుల్లో కలిసి ఆడుకోవడం ద్వారా వస్తువులు పంచుకోవడం, ఓర్పు, నాయకత్వ లక్షణాలు నేర్చుకునేవారు. నేటి పిల్లలు సోషల్ మీడియా, ఆన్‌లైన్ గేమింగ్‌ ప్రపంచంలో వర్చువల్ స్నేహాలకే పరిమితమవుతున్నారు. భౌతిక-మానసిక ఆరోగ్యం: పూర్వం శారీరక శ్రమతో కూడిన ఆటల వల్ల పిల్లలు దృఢంగా ఉండేవారు. కానీ నేడు గంటల తరబడి స్క్రీన్ల ముందు కూర్చోవడం వల్ల స్థూలకాయం, దృష్టి లోపాలు, నిద్రలేమి, ఏకాగ్రత లోపించడం, చిన్న వయసులోనే మానసిక ఒత్తిడికి గురవుతున్నారు. చేజారుతున్న సృజనాత్మకత: ప్రకృతితో గడపడం, పుస్తకాలు చదవడం తగ్గడంతో సొంతంగా ఆలోచించే శక్తి క్షీణిస్తుంది. డిజిటల్ కంటెంట్ అందించే గైడ్లపైనే ఆధారపడుతున్నారు. ఇంట్లో భోజనం చేసేటప్పుడు, పడుకునే ముందు (కనీసం ఒక గంట ముందు) స్మార్ట్‌ఫోన్లు, ట్యాబ్‌లను పూర్తిగా దూరంగా ఉంచాలి. బెడ్‌రూమ్‌లలో గ్యాడ్జెట్లకు చోటు ఇవ్వకూడదు. ప్రపంచ ఆరోగ్య సంస్థ మార్గదర్శకాల ప్రకారం.. రెండేళ్ల లోపు పిల్లలకు అసలు స్క్రీన్ చూపకూడదు. 2-5 ఏళ్ల పిల్లలకు రోజుకు అరగంట కంటే ఎక్కువ సమయం ఇవ్వకూడదు. పిల్లలు మాటల కంటే తల్లిదండ్రుల ప్రవర్తననే ఎక్కువగా అనుకరిస్తారు. పిల్లల ముందు తల్లిదండ్రులు అనవసరంగా ఫోన్ ఉపయోగించడం తగ్గించాలి. రోజువారీ పనుల్లో ఎంత బిజీగా ఉన్నా రోజుకు కనీసం ఒక గంట పిల్లలతో ప్రత్యక్షంగా మాట్లాడటం, వారి రోజువారీ విశేషాలు తెలుసుకోవడం, ఇండోర్/అవుట్‌డోర్ ఆటలు ఆడటం అలవాటు చేసుకోవాలి

డిజిటల్ మోసాలు, ఆర్థిక నేరాలకు అడ్డుకట్ట వేసేందుకు కేంద్ర టెలికాం విభాగం (డీఓటీ) కీలక నిర్ణయం తీసుకుంది. సిమ్ కార్డుల జారీ, వినియోగంపై నిబంధనలను మరింత కఠినతరం చేసింది. ఇందులో భాగంగా, ఒక వ్యక్తి గరిష్ఠంగా 9 సిమ్ కార్డులు మాత్రమే కలిగి ఉండాలన్న నిబంధనను పటిష్ఠంగా అమలు చేయాలని ఆదేశించింది. ఈ మేరకు ఆగస్టు 17న టెలికాం కంపెనీలకు సర్క్యులర్ జారీ చేసింది.ఈ నూతన నిబంధనల అమలు కోసం 'డిజిటల్ ఇంటెలిజెన్స్ ప్లాట్‌ఫామ్' (డీఐపీ) అనే ప్రత్యేక వ్యవస్థను ప్రవేశపెట్టారు. ఎవరైనా తొమ్మిది సిమ్‌ కార్డుల పరిమితిని మించితే, వారి ఫొటోను ఈ ప్లాట్‌ఫామ్‌లో అప్‌లోడ్ చేస్తారు. ఆగస్టు 23 నుంచి ఈ వ్యవస్థ అందుబాటులోకి రానుంది. టెలికాం కంపెనీలు కొత్త సిమ్ జారీ చేసే ముందు కస్టమర్ ఫొటోను ఈ డీఐపీ డేటాతో తప్పనిసరిగా సరిపోల్చుకోవాలి. ఒకవేళ పరిమితికి మించి సిమ్‌ కార్డులు ఉన్నట్లు తేలితే, సదరు వ్యక్తికి కొత్త సిమ్ జారీని నిరాకరించాలి.ఆగస్టు 24 నుంచి టెలికాం ఆపరేటర్లు ఈ డీఐపీ వెబ్‌సైట్‌ను ఎప్పటికప్పుడు నవీకరించాల్సి ఉంటుంది. నవంబర్ 30 నాటికి ఈ ప్రక్రియ అంతా రియల్‌ టైమ్‌లో పనిచేసేలా చూడాలని డీఓటీ స్పష్టం చేసింది. నిర్ణీత పరిమితికి మించి సిమ్‌ కార్డులు కలిగి ఉన్న వినియోగదారులు వాటిని స్వచ్ఛందంగా సరెండర్ చేయాలని సూచించింది. లేనిపక్షంలో, సంబంధిత టెలికాం కంపెనీలే వాటిని నిలిపివేస్తాయి.ఇదిలా ఉండగా, ఒక వ్యక్తి పేరు మీద ఎన్ని సిమ్ కార్డులు యాక్టివ్‌గా ఉన్నాయో తెలుసుకునేందుకు ప్రభుత్వం 'సంచార్ సాథీ'

Nacharam: నాచారం ఉర్బేన్ నానో కాలేజీలో సైబర్ నేరాలపై అవగాహన నాచారం: నాచారం పోలీస్‌ స్టేషన్‌ పరిధిలోని ఉర్బేన్‌ నానో కాలేజీలో సైబర్‌ అవేర్‌నెస్‌ కార్యక్రమాన్ని నిర్వహించారు. ఎస్‌ఐ మైబెల్లీ, సైబర్‌ క్రైమ్‌ మల్కాజ్‌గిరి ఎస్‌ఐ శ్రీనివాస్‌, సైబర్‌ వారియర్‌ అనిల్‌ ఆధ్వర్యంలో అవగాహన కార్యక్రమాన్ని నిర్వహించారు. ఈ సందర్భంగా విద్యార్థులకు ఓటీపీ మోసాలు, డిజిటల్‌ అరెస్ట్‌ స్కామ్‌లు, హానికరమైన ఏపీకే లింకులు, మ్యాట్రిమోనియల్‌ మోసాలు, సెక్స్టార్షన్‌, ఆన్‌లైన్‌ ఉద్యోగ మోసాలు, లక్కీ డ్రా స్కామ్‌లు, లోన్‌ యాప్‌ మోసాలు, పెట్టుబడి మోసాలపై అవగాహన కల్పించారు. ఆన్‌లైన్‌ లావాదేవీల సమయంలో అప్రమత్తంగా ఉండాలని, గుర్తుతెలియని లింకులను క్లిక్‌ చేయవద్దని, ఓటీపీ, పాస్‌వర్డ్‌లు, బ్యాంకింగ్‌ వివరాలు, ఇతర వ్యక్తిగత రహస్య సమాచారాన్ని ఎవరికీ వెల్లడించవద్దని పోలీసులు విద్యార్థులకు సూచించారు. ఈ కార్యక్రమంలో విద్యార్థులు, కళాశాల ప్రిన్సిపాల్‌, బోధనా సిబ్బంది, పోలీసు సిబ్బంది పాల్గొన్నారు

వాహనదారులకు గుడ్ న్యూస్ 121 టోల్ ప్లాజాల్లో లోకల్ పాస్ అందుబాటులోకి ఏపీలో 12 టోల్స్, తెలంగాణలో 3 టోల్స్ టోల్ ప్లాజాల చుట్టూ తిరగాల్సిన పనిలేదు ఇంట్లో నుంచే ఆన్‌లైన్‌లో అప్లయ్ చేయొచ్చు FASTag Local Pass : వాహనదారులకు అదిరిపోయే వార్త.. ఈ అర్హత ఉన్న వాహనదారులు లోకల్ పాస్ తీసుకోవచ్చు. 121 టోల్ ప్లాజాలకు డిజిటల్ లోకల్ పాస్ విస్తరించారు. 20 కి.మీ పరిధిలోని అర్హత ఉన్న స్థానికులు ఆన్‌లైన్‌లో నెలవారీ పాస్‌కు అప్లయ్ చేసుకోవచ్చు. లోకల్ వాహనదారులకు అందించే డిజిటల్ (FASTag Local Pass) సదుపాయాన్ని దేశవ్యాప్తంగా 121 టోల్ ప్లాజాలకు నేషనల్ హైవేస్ అథారిటీ ఆఫ్ ఇండియా (NHAI) విస్తరించింది. దాంతో ప్రతిరోజూ ఒకే టోల్ ప్లాజా మీదుగా ప్రయాణించే వాహనదారులకు బిగ్ రిలీఫ్ అనే చెప్పాలి. ఇకపై అర్హత ఉన్న వాహనదారులు ఆన్‌లైన్‌లోనే నెలవారీ లోకల్ పాస్ కోసం అప్లయ్ చేసుకోవచ్చు. గతంలో ఈ పాస్ కోసం టోల్ ప్లాజాకు స్వయంగా వెళ్లి అడ్రస్ వెరిఫికేషన్ కోసం డాక్యుమెంట్లను సమర్పించాల్సి వచ్చేది. కొత్త డిజిటల్ విధానంతో ఈ ఇబ్బందులకు చెక్ పడనుంది. 20 కిలోమీటర్ల రేంజ్ కీలకం : అర్హత ఉన్న వాహనదారులకు టోల్ ప్లాజా నుంచి 20 కిలోమీటర్ల దూరంలో ఉంటే చాలు.. ఈ లోకల్ పాస్ కోసం అప్లయ్ చేయొచ్చు. పాస్ వచ్చాక నిబంధనల లోబడి ఆ నెలలో టోల్ ప్లాజా మీదుగా ఎన్నిసార్లు అయినా ప్రయాణించవచ్చు. ఇందులో భాగంగా DigiLocker, VAHAN వంటి ప్రభుత్వ డిజిటల్ ప్లాట్‌ఫామ్‌లతో ఇండి అడ్రస్, వాహనం, ఫాస్టాగ్ వివరాలను ధృవీకరిస్తారు. జీఐఎస్ ఆధారిత వెరిఫికేషన్ ద్వారా రిజిస్టర్ అడ్రస్ టోల్ ప్లాజా నుంచి 20 కి.మీ రేంజ్ ఉందో లేదో కూడా చెక్ చేస్తారు. 121 టోల్ ప్లాజాలకు విస్తరణ: ఫస్ట్ టైమ్ డిజిటల్ లోకల్ పాస్ విధానాన్ని 2026 జూలైలో ఢిల్లీలోని మండ్కా బక్కర్

సర్గం రవి కుమార్‌. జీ తెలుగు డిజిటల్ మీడియాలో సబ్ ఎడిటర్‌గా పని చేస్తున్నారు. ఇక్కడ 2024 నుంచి రాజకీయాలు, స్పోర్ట్స్, వినోదం, క్రైమ్, జాతీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Zee Media Q1 Results: ఆర్థిక సంవత్సరంలో మొదటి త్రైమాసిక ఫలితాలు వచ్చేశాయి. క్వార్టర్‌ 1 ఫలితాల్లో జీ మీడియా అదరగొట్టింది. రూ.190.85 కోట్ల ఆదాయం పొందడం విశేషం. ఏఐ, డిజిటల్‌లో దూసుకెళ్తున్న భారత మీడియా దిగ్గజం జీ నెట్‌వర్క్‌ తదుపరి ప్రణాళికలు, లక్ష్యాలు ఏమిటో జీ బిజినెస్ మేనేజింగ్ ఎడిటర్ అనిల్ సింఘ్వీ తెలిపారు. క్యూ1 ఫలితాలపై అతడు స్పందిస్తూ జీ మీడియా నెట్‌వర్క్‌కు సంబంధించి ప్రణాళికలను వెల్లడించారు. సాంప్రదాయ ప్రకటనలపై మాత్రమే ఆధారపడే మీడియా సంస్థ స్థాయి నుంచి విభిన్న ఆదాయ మార్గాలు కలిగిన టెక్-మీడియా కంపెనీగా జీ మీడియా రూపాంతరం చెందుతోందని నెట్‌వర్క్ సీఈవో రక్తిమ్ దాస్ తెలిపారు. క్యూ1 ఆర్థిక ఫలితాల అనంతరం జీ బిజినెస్ మేనేజింగ్ ఎడిటర్ అనిల్ సింఘ్వీతో ప్రత్యేక ఇంటర్వ్యూలో ఆయన మాట్లాడుతూ.. డిజిటల్ ప్లాట్‌ఫామ్‌లలో వృద్ధి, ఆర్టిఫిషియల్ ఇంటెలిజెన్స్ ఆధారిత న్యూస్‌రూమ్‌లు, రీజినల్ నెట్‌వర్క్ విస్తరణే తమ ప్రధాన లక్ష్యాలని వెల్లడించారు. జీ మీడియా కార్పొరేషన్ లిమిటెడ్ (జెడ్‌ఎంసీఎల్‌) ఆర్థిక ఫలితాలు, సంస్థ డిజిటల్ వ్యూహం, భవిష్యత్ విస్తరణపై జీ ప్రత్యేకంగా మాట్లాడారు. ఆర్థిక పనితీరు – కీలక గణాంకాలు ఆదాయం: ప్రస్తుత ఆర్థిక సంవత్సరం మొదటి త్రైమాసికంలో (క్యూ1) జీ మీడియా ఏకీకృత ఆదాయం రూ.190.85 ( రూ.1,908.5 మిలియన్లు) కోట్లుగా నమోదైంది. ఆపరేటింగ్ ఖర్చులు: నెట్‌వర్క్ నిర్వహణ ఖర్చులు రూ.174.59 కోట్లు (1,745.9 మిలియన్లు)గా ఉన్నాయి. వ్యూహాత్మక మైలురాయి: క్యూ1 పనితీరు సంస్థ తదుపరి వృద్ధి ప్రయాణానికి బలమైన పునాది వేసింది. సరికొత్త ఆదాయం వైపు మార్పు సాంప్రదాయ ప్రకటనలపై మాత్రమే ఆధారపడే న్యూస్

మనం రోజూ వాడుతున్న బ్యాంకింగ్ వ్యవస్థలో విప్లవాత్మక మార్పులు వస్తున్నాయి. డిజిటల్ చెల్లింపులు, యూపీఐ లావాదేవీల యుగంలోకి అడుగుపెట్టిన మన దేశంలో.. బ్యాంకింగ్ సాక్ష్యాల కోసం ఇప్పటివరకు 1891 నాటి అంటే ఏకంగా 135 ఏళ్ల నాటి పాత చట్టాన్నే వాడుతున్నామంటే ఆశ్చర్యం కలగక మానదు. బ్రిటిష్ కాలంలో పేపరు ఖాతాలు, పెద్ద పెద్ద రిజిస్టర్లను ఉద్దేశించి చేసిన ఆ పాత చట్టానికి కాలం చెల్లిందని గుర్తించిన కేంద్ర ప్రభుత్వం సరికొత్త నిర్ణయం తీసుకుంది. పార్లమెంట్‌లో ఇటీవలే బ్యాంకర్స్ బుక్స్ ఎవిడెన్స్ బిల్లు 2026ను ఆమోదించి, డిజిటల్ రికార్డులకు చట్టబద్ధమైన పవర్ ఇచ్చింది.ఫోన్ పే, గూగుల్ పే లావాదేవీలు కోర్టులో పక్కా ప్రూఫ్!ఈ కొత్త చట్టం తెచ్చిన అతిపెద్ద మార్పు ఏంటంటే.. బ్యాంకుల్లో నిర్వహించే ఎలక్ట్రానిక్, డిజిటల్ రికార్డులను కోర్టు విచారణల్లో పూర్తిస్థాయి సాక్ష్యాలుగా గుర్తిస్తారు. ఒకప్పుడు చేతితో రాసిన పుస్తకాలను మాత్రమే సాక్ష్యంగా తీసుకునేవారు. కానీ ఇకపై బ్యాంకులు భద్రపరిచే కంప్యూటర్ రికార్డులు, ఆన్‌లైన్ స్టేట్‌మెంట్లు న్యాయస్థానాల్లో నేరుగా ఆధారాలుగా నిలుస్తాయి. అయితే ఇవి హ్యాకింగ్ కాకుండా, సమాచారం తారుమారు కాకుండా ఉండేలా బ్యాంకులు కచ్చితమైన రక్షణ వ్యవస్థలను ఏర్పాటు చేసుకోవాల్సి ఉంటుంది.ఒరిజినల్ బుక్స్ అక్కర్లేదు.. సర్టిఫైడ్ కాపీ ఉంటే చాలు!సాధారణంగా ప్రతి చిన్న కేసుకు బ్యాంకు ఒరిజినల్ రికార్డులను, సర్వర్లను కోర్టుకు మోసుకొని రావడం సాధ్యం కాదు. ఈ సమస్యను నివారించడానికి బ్యాంకులు ఇచ్చే సర్టిఫైడ్ కాపీ ని ఆధారంగా స్వీకరించేలా వెసులుబాటు కల్పించారు. దీనివల్ల న్యాయస్థానాల్లో కేసుల విచారణ వేగవంతమవుతుంది. అలాగే బ్యాంకు అధికారులు అనవసరంగా రోజుకో కేసుకు కోర్టు మెట్లు ఎక్కాల్సిన పనిలేకుండా వారికి రక్షణ కల్పించారు. రికార్డులపై ఏమైనా అనుమానాలు ఉన్నప్పుడు మాత్రమే కోర్టు వారిని నేరుగా హాజరుకావాలని ఆదేశిస్తుంది.బ్యాంకుల రూపురేఖలు చేంజ్: నిర్మలా సీతారామన్ బిగ్ అనౌన్స్‌మెంట్!పోలీసులకు డైరెక్ట్ యాక్సెస్.. ప్రైవసీపై కొత్త చర్చ!ఈ చట్టంలో అందరి దృష్టిని ఆకర్షిస్తున్న కీలక అంశం.. దర్యాప్తు సంస్థలు

బస్సుల్లో ప్రయాణం అంటే ఉదయాన్నే రద్దీ, కండక్టర్ చిల్లర ఇవ్వండి అనడం, ఆపై జేబుల్లో కాయిన్స్ కోసం వెతుక్కోవడం ప్రతి ఒక్కరికీ అనుభవమే. వీటితో పాటు మహాలక్ష్మీ పథకం ద్వారా మహిళలకు ఫ్రీ బస్ ప్రయాణం కూడా అమలువుతున్న నేపథ్యంలో పీక్ అవర్స్ లో ఆర్టీసీ బస్సులో విపరీతమైన రష్ ను మనం ఎదుర్కుంటున్నాం. చాలా సార్లు కండక్టర్ మన కాళ్లు తొక్కుకుంటూ టికెట్ ఇవ్వడానికి వెళ్తున్న ఇబ్బందికర పరిస్థితులను కూడా చూశాం.అయితే, ఈ రోజువారీ తిప్పలకు త్వరలోనే చెక్ పడనుంది. హైదరాబాద్ నగర రవాణాను సరికొత్త డిజిటల్ బాట పట్టించేందుకు తెలంగాణ రాష్ట్ర రోడ్డు రవాణా సంస్థ మరో అడుగు ముందుకు వేసింది. మెట్రో రైలు తరహాలోనే.. ఇప్పుడు ఆర్టీసీ బస్సు ఎక్కడానికి ముందే ప్రయాణికులు తమ మొబైల్ ఫోన్ల ద్వారా అడ్వాన్స్ టికెట్ బుక్ చేసుకునే సౌకర్యాన్ని మీ టికెట్ (Mee Ticket) యాప్ రూపంలో అందుబాటులోకి తెస్తోంది.ఈ కొత్త విధానంతో రద్దీ సమయాల్లో బస్సుల్లో నిలబడి, ఊపిరి ఆడని జనం మధ్య కండక్టర్ దగ్గరికి వెళ్లాల్సిన అవసరం ఉండదు. ప్రయాణికులు తమ మొబైల్ యాప్‌లో ఎక్కే బస్ స్టాప్, దిగే ప్రాంతాన్ని సెలెక్ట్ చేసుకుని యూపీఐ, డెబిట్ లేదా క్రెడిట్ కార్డుల ద్వారా ముందే చెల్లింపులు చేయవచ్చు. టికెట్ బుక్ అవ్వడమే కాకుండా, బస్సు ప్రస్తుతం ఎక్కడుందో లైవ్ లొకేషన్ ట్రాక్ చేస్తూ సమయానికి డిజిటల్ ప్రయాణం చేయవచ్చు. అంతేకాకుండా ఆర్టీసీ, మెట్రో, ఆటో, క్యాబ్ వంటి సేవలను ఒకే గొడుగు కిందకు తెస్తూ ప్రయాణాన్ని మరింత సులభతరం చేయడమే ఈ యాప్ ముఖ్య ఉద్దేశం.నైరుతి బైబై?.. పసిడి నేలను పలకరించకుండానే వీడ్కోలు..ఈ సదుపాయం రావడం వల్ల ప్రయాణికుల సమయం ఆదా అవ్వడమే కాకుండా, కండక్టర్లపై పనిభారం గణనీయంగా తగ్గుతుంది. ప్రతిరోజూ నగరంలో తిరిగే 3200కు పైగా బస్సుల్లో సుమారు 26 లక్షల మంది ప్రయాణిస్తుండగా, ఇప్పటికే 23 శాతం

ఆంధ్రప్రదేశ్ అసెంబ్లీ వర్షాకాల సమావేశాలు నేటి నుంచి ప్రారంభం కానున్నాయి. నాలుగు రోజుల పాటు సాగే అవకాశం కనిపిస్తున్న ఈ సభా సమరంలో సర్కార్‌ను కార్నర్ చేసేందుకు ప్రతిపక్షం, వైసీపీ దాడిని తిప్పికొట్టేందుకు కూటమి ప్రభుత్వం వ్యూహప్రతివ్యూహాలు సిద్ధమయ్యాయి. మొదటిరోజే సభలో అసలైన రాజకీయం నడవనుంది. నిరుద్యోగులు కళ్లల్లో ఒత్తులు వేసుకుని చూస్తున్న మెగా డీఎస్సీ-2025పై విద్యాశాఖ మంత్రి నారా లోకేష్ తొలిరోజే సభలో సంచలన ప్రకటన చేయనుండటంతో రాజకీయ ప్రాధాన్యం సంతరించుకుంది. దీనికితోడు ఎల్-నినో ప్రభావంపై లఘు చర్చతో సభను మొదటిరోజే రసవత్తరంగా మార్చేందుకు కూటమి సర్కార్ సిద్ధమైంది.గైర్హాజరైతే జీతాలు కట్.. స్పీకర్ సంచలన అస్త్రం!సభకు రాకుండా జారుకునే ఎమ్మెల్యేలకు స్పీకర్ అయ్యన్నపాత్రుడు ఊహించని షాక్ ఇచ్చారు. ఇకపై సభలో దొంగ హాజరులకు ఆస్కారమే లేదని తేల్చిచెప్పారు. సభ్యులు తమకు కేటాయించిన స్థానాల్లో స్వయంగా కూర్చుంటేనే ఆర్టిఫిషియల్ ఇంటెలిజెన్స్ ఐ-కెమెరాలు ఆటోమేటిక్‌గా ఆన్ అయి హాజరును రికార్డు చేసేలా డిజిటల్ కెమెరా టెక్నాలజీని తీసుకొచ్చారు. ఇంతటితో ఆగకుండా, ప్రజాధనాన్ని వృథా చేస్తూ సభకు గైర్హాజరయ్యే ప్రజాప్రతినిధుల జీతభత్యాలను వెనక్కి తీసుకునేలా పార్లమెంట్ పరిధిలోనే కఠిన చట్టం తేవాలని కేంద్రానికి లేఖ రాసినట్లు ప్రకటించి సంచలనం సృష్టించారు. ప్రజలు గెలిపించింది సభలో కూర్చుని మాట్లాడటానికేనని, జగన్ బాధ్యతాయుతంగా అసెంబ్లీకి రావాల్సిందేనని తేల్చిచెప్పారు.జగన్ సీట్లో కూర్చుంటేనే అటెండెన్స్! అసెంబ్లీకి రాకపోతే జీతం కట్గత అక్రమాలపై అటాక్.. నాలుగు రోజుల పొలిటికల్ డ్రామా!నాలుగు రోజుల పాటు సాగే ఈ సమావేశాల్లో కూటమి ప్రభుత్వం పాత సర్కార్ పాపాలను ఎండగట్టేందుకు పక్కా అజెండాతో వస్తోంది. ఆగస్టు 18న స్థానిక సంస్థల బీసీ రిజర్వేషన్ల డెడికేటెడ్ కమిషన్ నివేదికపై చర్చ జరగనుండగా.. మూడో రోజు వైసీపీ హయాంలో జరిగిన గ్రూప్-1 నియామకాల స్కామ్ను బయటపెట్టేందుకు వ్యూహం రచించింది. రాష్ట్రంలో లా అండ్ ఆర్డర్, నాలుగో రోజు పెట్టుబడులతో పాటు సూపర్‌-6 హామీల అమలుపై సుదీర్ఘంగా చర్చించనుంది. మొత్తం 6 కీలక

జెన్ జీ స్టైల్లో ప్రధాని మోదీ పూర్తిగా సోషల్ మీడియాపై ఫోకస్ పెట్టారు. ఇటీవల ఆయన చేస్తున్న ఇన్స్టాగ్రామ్ పోస్టులు ఇందుకు నిదర్శనం. తాజాగా సోషల్ మీడియా స్టార్లు తమ డైలీ రొటీన్ ను పోస్ట్ చేసినట్లు మోదీ కూడా తన దినచర్యలో కీలక ఘట్టాన్ని మనముందుకు తీసుకువచ్చారు. స్వాతంత్య్ర దినోత్సవం సందర్భంగా ఎర్రకోటపై త్రివర్ణ పతాకాన్ని ఎగురవేసి జాతిని ఉద్దేశించి ప్రసంగించడానికి కొద్ది నిమిషాల ముందు, ప్రధానమంత్రి నరేంద్ర మోదీ తన అధికారిక నివాసంలో అత్యంత ఆత్మీయమైన క్షణాలను గడిపారు.7 లోక్ కల్యాణ్ మార్గ్‌లోని తన నివాస ప్రాంగణంలో రోజూవారీ దినచర్యలో భాగంగా నెమళ్లు, ఆవులకు ఆహారం తినిపిస్తున్న అరుదైన దృశ్యాలను ఆయన సామాజిక మాధ్యమ వేదికగా పంచుకున్నారు. దేశవ్యాప్తంగా ఘనంగా జరుగుతున్న 80వ స్వాతంత్య్ర వేడుకల వేళ ఈ భావోద్వేగపూరిత వీడియో నెటిజన్ల మనసులను అమితంగా ఆకట్టుకుంటోంది.రాజ్యతంత్రంలో రాచఠీవి.. మన నెమళ్లు ఇక ఐక్యరాజ్యసమితిలో ముందే గుర్తుపట్టి ఆత్మీయంగా వీడ్కోలు పలికిన మూగజీవాలు!తన నివాసంలోని మూగజీవాలు తన కుటుంబ సభ్యులతో సమానమని ప్రధాని మోదీ తరచూ చెబుతుంటారు. ప్రతిరోజూ ఉదయాన్నే వాటికి దాణా అందించడం ఆయన నిత్యకృత్యం. అయితే, స్వాతంత్య్ర దినోత్సవం కావడంతో ఎప్పటికంటే ముందే ఆయన ఎర్రకోటకు బయలుదేరాల్సి వచ్చింది. ఈ మార్పును గ్రహించినట్లుగా ఆవులు, అందమైన నెమళ్లు ఆయన కంటే ముందే దగ్గరకు వచ్చి వీడ్కోలు పలికాయని మోదీ పేర్కొన్నారు. నా మిత్రులకు ఆహారం అందించడం రోజూ చేసేదే.. కానీ నిన్న ఉదయం నేను తొందరగా వెళ్తున్నానని గ్రహించి అవి నన్ను కలిసేందుకు వచ్చాయి అంటూ ఆయన ఇన్స్టాగ్రామ్‌లో రాసుకొచ్చారు.రీల్స్‌పై మోదీ తీవ్ర వ్యాఖ్యలు! యూత్ కు సీరియస్ మెసేజ్ప్రత్యేక ఆకర్షణగా పుంగనూరు జాతి ఆవులు!పీఎం నివాసంలో కనిపిస్తున్న పశువులలో ఆంధ్రప్రదేశ్ ప్రాచీన, అరుదైన రకానికి చెందిన పుంగనూరు జాతి ఆవులు కూడా ఉండటం గమనార్హం. వీటితో పాటు అందమైన నెమళ్లకు ఆయన సొంత చేతులతో ధాన్యాన్ని, దానాను

‘పోస్ట్‌’ అనే మాట ఈకాలంలో చాలా అరుదుగా వినిపిస్తోంది. చాలా ఏళ్లుగా ఉత్తరాలకు బదులు వాట్సాప్‌ మెసేజ్‌లతోనే ప్రపంచం సమాచారాన్ని ఇచ్చిపుచ్చుకుంటోంది. ‘పోస్ట్‌’ అనే మాట ఈకాలంలో చాలా అరుదుగా వినిపిస్తోంది. చాలా ఏళ్లుగా ఉత్తరాలకు బదులు వాట్సాప్‌ మెసేజ్‌లతోనే ప్రపంచం సమాచారాన్ని ఇచ్చిపుచ్చుకుంటోంది. అయితే జెన్‌ జీ మాత్రం ‘పోస్ట్‌’ అనే మాటను సరికొత్తగా వినాలని కోరుకుంటోంది. వాట్సాప్‌, ఫేస్‌బుక్‌ కాకుండా ఉత్తరాల అనుభూతిని ఆస్వాదించాలని ఆరాటపడుతోంది. వారి అభిరుచికి తగ్గట్టుగా ‘స్నెయిల్‌ మెయిల్‌’ క్లబ్బులు పుట్టుకొస్తున్నాయి. వీటిల్లో సభ్యత్వం తీసుకున్నవారికి పోస్ట్‌లో లేఖలు పంపించడం లేటెస్ట్‌ ట్రెండ్‌గా మారింది. అమెజాన్‌, స్విగ్గీ, జెప్టో, బ్లింకిట్‌, బిగ్‌బాస్కెట్‌... వీటిల్లో ఏదైనా బుక్‌ చేస్తే... నిమిషాల్లో ఇంటి దగ్గరకు తీసుకొచ్చి అందిస్తున్నాయి. వాట్సాప్‌, జీమెయిల్‌ వంటివి సమాచారాన్ని క్షణాల్లో చేరవేస్తున్నాయి. ఇన్‌స్టా, స్నాప్‌చాట్‌ వంటివి వీడియోలను అందిస్తున్నాయి. ఒకరకంగా ఈ ఇన్‌స్టంట్‌ సంస్కృతి జెన్‌ జీ తరానికి నచ్చడం లేదు. పోస్టులో వచ్చే ఉత్తరం కోసం వేచి చూసే అనుభూతిని వాళ్లు కోరుకుంటున్నారు. ఇందుకోసం ప్రత్యేకంగా ఏర్పాటైన ‘స్నెయిల్‌ మెయిల్‌’ క్లబ్‌లలో సభ్యత్వం తీసుకుంటున్నారు. ఇంతకీ ఏం చేస్తారంటే... ‘స్నెయిల్‌ మెయిల్‌’ క్లబ్‌లో సభ్యత్వం తీసుకుంటే ప్రతీ నెలా ఇంటికి అందంగా అలంకరించిన లెటర్లు పంపిస్తారు. వాటిలో చేతితో రాసిన ఉత్తరం, స్టిక్కర్లు ఉంటాయి. ఇన్‌స్టాలో ‘స్నెయిల్‌ మెయిల్‌’ అని వెతికితే రంగురంగుల కవర్లు, చేత్తో రాసిన ఉత్తరాలు, పాతకాలపు స్టాంపులు, పూలతో అలంకరించిన లేఖలు కనిపిస్తాయి. ఇలాంటి క్లబ్బులు పాశ్చాత్య దేశాల్లో చాలాకాలంగా ఉన్నాయి. మన దగ్గర ఈ మధ్యకాలంలో వేగంగా పెరుగుతున్నాయి. ఈ కొత్త తరహా క్లబ్బుల్లో సభ్యత్వాలు తీసుకునేవారి సంఖ్య గణనీయంగా పెరుగుతోందని వీటి నిర్వాహకులు అంటున్నారు. ఎప్పుడూ ఒకేలా కాకుండా ప్రతీ నెల ఒక థీమ్‌ను ఎంచుకుంటారు. కథలు, సందేశాలు, జోక్స్‌ లెటర్స్‌, చిన్నచిన్న కానుకలు.. ఇలా లేఖలు తమ వినియోగదారులను ఆశ్చర్యానికి గురిచేసేలా ఉంటాయి. లేఖలో ఏముంటుందో

UPI Payment Alert : డిజిటల్‌ చెల్లింపులు మన రోజువారీ జీవితంలో భాగమైపోయాయి. చిన్న మొత్తాల నుంచి పెద్ద చెల్లింపుల వరకు ఇప్పుడు ఎక్కువగా యూపీఏ ద్వారానే లావాదేవీలు చేస్తున్నాం. అయితే, యూపీఏలో వేగంగా చెల్లింపు పూర్తవడం ఎంత సౌకర్యమో.. అదే సమయంలో పొరపాటున తప్పుడు వ్యక్తికి డబ్బులు పంపితే అంతే టెన్షన్‌ కూడా ఉంటుంది. తప్పు యూపీఏ ఐడీ, మొబైల్‌ నంబర్‌ లేదా కాంటాక్ట్‌ను ఎంపిక చేయడం వల్ల డబ్బు వేరొకరి ఖాతాలోకి వెళ్లిపోవచ్చు. అయితే, పొరపాటున తప్పు వ్యక్తికి యూపీఐ ద్వారా డబ్బు పంపినంత మాత్రాన ఆ మొత్తం పూర్తిగా పోయినట్లే కాదు. కొన్ని సందర్భాల్లో ఫిర్యాదు చేసి డబ్బును తిరిగి పొందేందుకు ప్రయత్నించవచ్చు. భారత దేశంలో డిజిటల్‌ చెల్లింపుల వినియోగం రోజురోజుకూ పెరుగుతోంది. ఈ ఏడాది జూలై నెలలో యూపీఐ లావాదేవీల పరిమాణం 4.1 శాతం, విలువ 3.3శాతం పెరిగాయి. ఎప్పుడూ లేనివిధంగా 29.88 ట్రిలియన్ల విలువైన లావాదేవీలు జరిగాయి. ఇంత భారీ స్థాయిలో లావాదేవీలు జరుగుతున్న నేపథ్యంలో.. పొరపాటున తప్పు వ్యక్తికి డబ్బు పంపే ఘటనలు కూడా ఎదురవుతున్నాయి. తప్పు యూపీఐ ఐడీకి డబ్బులు పంపితే ఏం చేయాలి? పొరపాటున వేరే వ్యక్తికి డబ్బు పంపినట్లు గుర్తించిన వెంటనే ఆందోళన చెందకుండా వీలైనంత త్వరగా ఫిర్యాదు చేయాలి. అందుకోసం ముందుగా మీరు.. UPI యాప్‌లో Help ఆప్షన్‌ చూడండి. మీరు చెల్లింపు చేసిన యూపీఐ యాప్‌ను ఓపెన్‌ చేసి Help / Support ఆప్షన్‌ను ఎంచుకోవాలి. మీ సమస్యను అక్కడ ఉన్న చాట్‌ అసిస్టెంట్‌ లేదా ఫిర్యాదు విభాగంలో నమోదు చేయాలి. సంబంధిత లావాదేవీ వివరాలను యాప్‌ చూపించినప్పుడు.. తప్పుగా జరిగిన ట్రాన్సాక్షన్‌ను ఎంపిక చేసుకోవాలి. లావాదేవీని రిపోర్టు చేయండి.. తప్పుగా జరిగిన లావాదేవీని ఎంచుకున్న తర్వాత.. అందుబాటులో ఉన్న Report / Raise Complaint ఆప్షన్‌ ద్వారా ఫిర్యాదు నమోదు చేయాలి. ఫిర్యాదు చేసిన తర్వాత వచ్చే

భారత మార్కెట్లలో పెట్టుబడులను ప్రోత్సహించడం, నియంత్రణ నిబంధనలను సులభతరం చేయడమే లక్ష్యంగా మూలధన మార్కెట్ల నియంత్రణ సంస్థ సెబీ కీలక నిర్ణయం తీసుకుంది. ప్రవాస భారతీయులు (ఎన్‌ఆర్‌ఐ), విదేశీ భారతీయ పౌరులు (ఓసీఐ), ఇతర విదేశీ పౌరుల కోసం డిజిటల్ ‘నో యువర్ కస్టమర్’(కేవైసీ) ప్రక్రియను మరింత సరళతరం చేయాలని సెబీ ప్రతిపాదించింది. ప్రస్తుతం ఉన్న నిబంధనల ప్రకారం, విదేశీ పెట్టుబడిదారులు డిజిటల్ ఆన్‌బోర్డింగ్ ప్రక్రియను పూర్తి చేయడానికి ప్రత్యక్షంగా భారత్‌లోనే ఉండాల్సి వస్తోంది. అయితే, నూతన మార్గదర్శకాల ప్రతిపాదన ప్రకారం.. ఫైనాన్షియల్ యాక్షన్ టాస్క్ ఫోర్స్ (ఎఫ్‌ఏటీఎఫ్‌) నిబంధనలకు కట్టుబడి ఉండే దేశాల్లో నివసిస్తున్న అభ్యర్థులు విదేశాల్లో ఉంటూనే పూర్తి డిజిటల్ కేవైసీని పూర్తి చేసుకోవచ్చు. ఈ సంస్కరణల ద్వారా ఆన్‌లైన్ అప్లికేషన్లు, ఎలక్ట్రానిక్ సంతకాలు, డిజిటల్ డాక్యుమెంట్ల సమర్పణ సులభతరం కానుంది. అంతేకాకుండా, దరఖాస్తుదారులు డిజిటల్ పద్ధతిలో క్రాప్ చేసిన సంతకం దాఖలు చేయవచ్చు. అనంతరం ‘వీడియో ఇన్-పర్సన్ వెరిఫికేషన్’ సమయంలో ఒరిజినల్ వెట్ సిగ్నేచర్‌(లైవ్‌లో సంతకం చేయిస్తారు)ను పరిశీలిస్తారు. ఇదే కాకుండా, ఎన్‌ఆర్‌ఐ కస్టమర్ల కేవైసీ రికార్డులను ప్లాట్‌ఫారమ్‌ల మధ్య మార్చుకునేలా సెబీ డిస్కషన్ పేపర్‌లో ఆమోదం తెలిపింది. కేవైసీ నమోదు ఏజెన్సీలు అధికారిక డేటాబేస్‌ల ద్వారా వివరాలను సరిచూసుకుని ధ్రువీకరించినది(వెరిఫైడ్‌)గా ట్యాగ్ చేస్తాయి. స్టాక్ బ్రోకర్లు, డిపాజిటరీ పార్టిసిపెంట్లకు ఈజ్ ఆఫ్ డూయింగ్ బిజినెస్‌ను పెంచేందుకు ఈ చర్యలు ఉపయోగపడతాయని సెబీ పేర్కొంది. మార్కెట్ వాటాదారులు, విదేశీ పెట్టుబడిదారుల విజ్ఞప్తులను పరిగణనలోకి తీసుకుని రూపొందించిన ఈ బ్లూప్రింట్‌పై ఆసక్తి కలిగిన వర్గాలు సెప్టెంబర్ 4 నాటికి తమ సలహాలు, సూచనలను అందజేయాలని సెబీ కోరింది. నిబంధనల సరళీకరణతో భారత సెక్యూరిటీల మార్కెట్లోకి విదేశీ నిధుల ప్రవాహం వచ్చే అవకాశముందని ఆర్థిక నిపుణులు భావిస్తున్నారు. ఇది చదవండి: ఒరిజినల్‌ ఆస్తి పత్రాలు పోతే ఏం చేయాలి? ఆదిలాబాద్ లో సందడి చేసిన ఐశ్వర్య రాజేష్,హెబ్బా పటేల్ (ఫొటోలు) ‘వణక్కం జెన్‌జీ’

డిజిటలైజేషన్‌ వ్యవస్థలో భాగంగా రాష్ట్ర ప్రభుత్వం సరికొత్తగా తీసుకొచ్చిన రేషన్‌ స్మార్ట్‌కార్డులు నేటి నుంచి అందుబాటులోకి వస్తున్నాయి. హైదరాబాద్‌ సిటీ: డిజిటలైజేషన్‌ వ్యవస్థలో భాగంగా రాష్ట్ర ప్రభుత్వం సరికొత్తగా తీసుకొచ్చిన రేషన్‌ స్మార్ట్‌కార్డులు నేటి నుంచి అందుబాటులోకి వస్తున్నాయి. స్వాతంత్య్ర దినోత్సవాన్ని పురస్కరించుకుని శనివారం సంగారెడ్డిలో ముఖ్యమంత్రి రేవంత్‌రెడ్డి అధికారికంగా పంపిణీ చేసిన తర్వాత.. జిల్లాల వారీగా కార్యక్రమాన్ని ప్రారంభించనున్నారు. గ్రేటర్‌ పరిధిలోని హైదరాబాద్‌ జిల్లాలో 8.39 లక్షలు, రంగారెడ్డిలో 6.53 లక్షలు, మేడ్చల్‌లో 6.49 లక్షల మంది లబ్ధిదారులకు పంపిణీ చేయనున్నారు. తొలివిడతగా మండలానికి వెయ్యి చొప్పున అందజేసి, మిగతా కార్డులను డీలర్ల ద్వారా ఇవ్వనున్నట్లు అధికారులు తెలిపారు. మొత్తం గ్రేటర్‌లో 21.41 లక్షల మందికి స్మార్ట్‌కార్డులు అందనున్నట్లు వారు చెప్పారు. రేషన్‌ కార్డులపై సీఎం, మంత్రి ఫొటోలెందుకు?

టెలివిజన్ ఛానెళ్ల ప్రసారాల్లో ప్రకటనల సమయంపై ఉన్న కీలక నిబంధనను కేంద్ర ప్రభుత్వం తొలగించింది. గంటకు 12 నిమిషాలు మాత్రమే ప్రకటనలు ప్రసారం చేయాలన్న పరిమితిని ఎత్తివేస్తూ శుక్రవారం నిర్ణయం తీసుకుంది. టీవీ, డిజిటల్ మీడియా మధ్య సమాన పోటీని ప్రోత్సహించడం, వ్యాపార సౌలభ్యాన్ని పెంచడమే లక్ష్యంగా ఈ చర్యలు తీసుకున్నట్లు కేంద్ర సమాచార, ప్రసార మంత్రిత్వ శాఖ ఒక ప్రకటనలో స్పష్టం చేసింది.1994 నాటి కేబుల్ టెలివిజన్ నెట్‌వర్క్ నిబంధనల కింద 2006లో ఈ 12 నిమిషాల ప్రకటనల పరిమితిని ప్రవేశపెట్టారు. అయితే, అప్పటి నుంచి ఇప్పటివరకు టీవీ ప్రసార రంగంలో భారీ మార్పులు చోటుచేసుకున్నాయని మంత్రిత్వ శాఖ వివరించింది. 2006లో దేశంలో కేవలం 62 టీవీ ఛానెళ్లు మాత్రమే ఉండగా, ప్రస్తుతం వాటి సంఖ్య 900కు పైగా ఉందని గుర్తు చేసింది.ఆ రోజుల్లో అనలాగ్ పద్ధతిలో ఉన్న కేబుల్ టీవీ ప్రసారాల వల్ల ఛానెళ్ల సంఖ్య పరిమితంగా ఉండేది. కానీ, ఇప్పుడు కేబుల్ టీవీ రంగం పూర్తిగా డిజిటలైజ్ అయింది. డీటీహెచ్, కేబుల్ టీవీ, ఐపీటీవీ వంటి డిజిటల్ ప్లాట్‌ఫామ్‌లు 300 నుంచి 500కు పైగా ఛానెళ్లను అందిస్తూ ప్రేక్షకులకు విస్తృత ఎంపికలు కల్పిస్తున్నాయి. దీనివల్ల మార్కెట్‌లో పోటీతత్వం గణనీయంగా పెరిగిందని ప్రభుత్వం పేర్కొంది.భారత్‌లో టీవీ రంగం 'పే' లేదా 'ఫ్రీ-టు-ఎయిర్' ఛానెల్ అనే దానితో సంబంధం లేకుండా ప్రకటనల ఆదాయంపైనే ఎక్కువగా ఆధారపడి ఉంది. మరోవైపు, డిజిటల్ మీడియా, ఓటీటీ ప్లాట్‌ఫామ్‌లలో ప్రకటనలపై ఎలాంటి కాలపరిమితి నిబంధన లేదు. ఈ అసమాన పోటీ

దేశవ్యాప్తంగా చేపట్టనున్న జనగణన-2027పై కేంద్ర హోంశాఖ కీలక నోటిఫికేషన్ విడుదల చేసింది. స్వాతంత్య్రం అనంతరం తొలిసారిగా సమగ్ర కుల గణన చేపట్టేందుకు కేంద్ర ప్రభుత్వం రంగం సిద్ధం చేసింది. న్యూఢిల్లీ, ఆగస్టు 14: దేశవ్యాప్తంగా చేపట్టనున్న ‘జనగణన-2027’పై కేంద్ర హోంశాఖ కీలక నోటిఫికేషన్ విడుదల చేసింది. స్వాతంత్య్రం అనంతరం తొలిసారిగా సమగ్ర కుల గణన చేపట్టేందుకు కేంద్ర ప్రభుత్వం రంగం సిద్ధం చేసింది. జనగణనలో పౌరులను అడిగే 40 ప్రశ్నలతో కూడిన జాబితాను రిజిస్ట్రార్ జనరల్ ఆఫ్ ఇండియా నోటిఫై చేసింది. జనగణన ప్రశ్నావళిలోని 10వ ప్రశ్నగా ఎస్సీ, ఎస్టీ, కులానికి సంబంధించిన వివరాలను నమోదు చేసేందుకు ప్రత్యేక అవకాశం కల్పించారు. దేశంలోనే తొలిసారిగా యాప్‌లు, డిజిటల్ సాధనాల ద్వారా జనాభా లెక్కల సేకరణ చేపట్టనున్నారు. 15 రోజుల పాటు స్వయంగా వివరాలను నమోదు చేసుకునే అవకాశాన్ని కల్పించనున్నారు. రూ.11,718.24 కోట్ల అంచనా వ్యయంతో జనగణన-2027ను రెండు దశల్లో నిర్వహించనున్నారు. తొలి దశలో 2026 ఏప్రిల్ నుంచి సెప్టెంబర్ మధ్య గృహాల నమోదు, వసతులకు సంబంధించిన వివరాల సేకరణ చేపట్టనున్నారు. రెండో దశలో 2027 ఫిబ్రవరిలో జనాభా, విద్య, ఉపాధి, కులానికి సంబంధించిన వివరాల సేకరణ ప్రక్రియను పూర్తి చేయనున్నారు. జనగణనలో పౌరులు అందించే వ్యక్తిగత వివరాలకు చట్టపరమైన రక్షణ కల్పించారు. సెన్సస్ యాక్ట్, 1948లోని సెక్షన్ 15 ప్రకారం పౌరుల వ్యక్తిగత సమాచారానికి పూర్తి చట్టబద్ధ రహస్య రక్షణ ఉంటుంది. కరూర్ తొక్కిసలాట బాధితులకు ప్రభుత్వ జాబ్స్.. హైకోర్టు తీర్పుపై సుప్రీం స్టే రాహుల్ గాంధీకి ఊరట.. పరువు నష్టం కేసును కొట్టేసిన సుప్రీం

సురక్ష కా తిరంగా సైబర్ అవేర్‌నెస్ కార్యక్రమాన్ని తెలంగాణ ప్రభుత్వం ఈరోజు (శుక్రవారం) నిర్వహించింది. తెలంగాణ సైబర్ సెక్యూరిటీ బ్యూరో ఆధ్వర్యంలో ఈ అవగాహన కార్యక్రమం జరిగింది. హైదరాబాద్, ఆగస్టు 14 (ఆంధ్రజ్యోతి): సురక్ష కా తిరంగా సైబర్ అవేర్‌నెస్ కార్యక్రమాన్ని తెలంగాణ ప్రభుత్వం ఈరోజు (శుక్రవారం) నిర్వహించింది. తెలంగాణ సైబర్ సెక్యూరిటీ బ్యూరో ఆధ్వర్యంలో ఈ అవగాహన కార్యక్రమం జరిగింది. ఈ ప్రోగ్రాంకు ముఖ్య అతిథిగా ప్రముఖ నటుడు అక్కినేని నాగార్జున (Akkineni Nagarjuna) హాజరయ్యారు. స్వాతంత్య్ర దినోత్సవాన్ని పురస్కరించుకుని ప్రత్యేక సైబర్ అవేర్‌నెస్ క్యాంపెయిన్‌ను చేపట్టింది. తెలంగాణ వ్యాప్తంగా SPARK క్లబ్ విద్యార్థుల ప్రతినిధులు హాజరయ్యారు. రిటైర్డ్ ఎంప్లాయీస్ అసోసియేషన్ ప్రతినిధులతో కలిసి ఈ కార్యక్రమం నిర్వహించింది. సైబర్ నేరాలపై ప్రజల్లో అవగాహన కల్పించడమే ఈ కార్యక్రమ లక్ష్యమని అధికారులు తెలిపారు. బాధ్యతాయుతమైన డిజిటల్ పౌరసత్వంపై అవగాహన కల్పిస్తున్నట్లు తెలిపారు. సైబర్ మోసాల పట్ల అప్రమత్తంగా ఉండాలని సూచించారు. ‘Stay Alert , Stay Aware, Stay Safe & Secure’ నినాదంతో ఈ అవగాహన కార్యక్రమం నిర్వహిస్తున్నట్లు అధికారులు పేర్కొన్నారు. ఈసీఐ పేరుతో ఓటర్లకు మోసపూరిత సందేశాలు: సీఈవో సుదర్శన్ రెడ్డి ఢిల్లీ పేలుళ్ల వెనుక అల్‌ఖైదా కుట్ర.. యూఎన్ నివేదికలో కీలక విషయాలు జగన్ హయాంలో అదనపు నీటిని ఏపీ తరలిస్తుంటే బీఆర్ఎస్ నేతలు ఎందుకు ప్రశ్నించలేదు: యెన్నెం శ్రీనివాస్ రెడ్డి

డిజిటల్ యుగంలో స్మార్ట్‌ఫోన్ ఉన్న ప్రతి ఒక్కరి జీవితం యూపీఐతో ముడిపడిపోయింది. కూరగాయల షాపు నుంచి పెద్ద పెద్ద షాపింగ్ మాల్స్ వరకు ప్రతీచోట ఒక్క క్లిక్‌తో క్షణాల్లో డబ్బులు పంపేస్తున్నాం. అయితే, ఇదే వేగం ఒక్కోసారి పెద్ద చిక్కు తెచ్చిపెడుతుంది. తొందరపాటులోనో లేదా ఒక అక్షరం, అంకె తప్పుగా నొక్కడం వల్లనో మన డబ్బులు వేరే వ్యక్తి ఖాతాలోకి వెళ్లిపోతుంటాయి. అలాంటప్పుడు గుండెల్లో రైళ్లు పరిగెత్తడం సహజం. అయితే, యూపీఐ ద్వారా పొరపాటున ట్రాన్స్‌ఫర్ అయిన డబ్బును నేరుగా క్యాన్సిల్ చేసే ఆప్షన్ యాప్‌లలో లేకపోయినప్పటికీ.. సరైన సమయంలో స్పందిస్తే మన సొమ్మును తిరిగి పొందడం ఖచ్చితంగా సాధ్యమే.ముందుగా మీరు చేయాల్సిన పనులు ఇవే!పొరపాటు జరిగిందని గుర్తించిన మరుక్షణమే ఏమాత్రం ఆలస్యం చేయకుండా చర్యలు ప్రారంభించాలి. మీరు చేసిన లావాదేవీకి సంబంధించిన అన్ని వివరాలను సురక్షితంగా ఉంచుకోవాలి. ముఖ్యంగా ట్రాన్సాక్షన్ ఐడీ, యూటీఆర్ నంబరు, ఎంత మొత్తం పంపారు, ఏ తేదీన, ఏ సమయానికి పంపారనే వివరాలు చాలా కీలకం. ముందుగా మీరు వాడిన యూపీఐ యాప్ (గూగుల్ పే, ఫోన్ పే, పేటీఎం మొదలైనవి)లోనే సదరు లావాదేవీని ఎంచుకుని రైజ్ డిస్ప్యూట్ లేదా హెల్ప్ అండ్ సపోర్ట్ ద్వారా ఫిర్యాదు నమోదు చేయాలి. దానితో పాటు వెంటనే మీ బ్యాంకు కస్టమర్ కేర్‌కు ఫోన్ చేసి, తప్పుగా వేరే వ్యక్తికి నగదు వెళ్లినట్లు సమాచారం అందించాలి.బ్యాంకులు డబ్బులు వెనక్కి తెప్పిస్తాయా?ఒక్కసారి ట్రాన్సాక్షన్ పూర్తయ్యాక, మీ బ్యాంకు నేరుగా అవతలి వ్యక్తి ఖాతా నుంచి డబ్బులు లాగేసుకోలేదు. కానీ, మీ బ్యాంకు అధికారులు అవతలి వ్యక్తి ఉన్న బ్యాంకు అధికారులతో మాట్లాడి రికవరీ ప్రక్రియను ప్రారంభిస్తారు. ఇక్కడ సమయమే అత్యంత ముఖ్యం! పొరపాటు జరిగిన కొన్ని గంటల వ్యవధిలోనే మీరు ఫిర్యాదు చేస్తే డబ్బు తిరిగి వచ్చే అవకాశాలు చాలా ఎక్కువగా ఉంటాయి. ఒకవేళ పొరపాటున నగదు పొందిన వ్యక్తి మంచి మనసుతో

డిజిటల్ టెక్నాలజీ వేగంగా అభివృద్ధి చెందడంతో, ఆన్‌లైన్ లావాదేవీలు మన దైనందిన జీవితంలో ఒక అంతర్భాగంగా మారాయి. ఆన్‌లైన్‌లో షాపింగ్ చేయడం, నిధులను బదిలీ చేయడం లేదా వ్యాపారం చేయడం వంటి ఏ విషయంలోనైనా, డిజిటల్ లావాదేవీల సౌలభ్యం మనం ఆర్థిక కార్యకలాపాలు నిర్వహించే విధానంలో విప్లవాత్మక మార్పులు తెచ్చింది. ఆన్‌లైన్ లావాదేవీలలో మోసాలను నివారించడానికి డిజిటల్ సంతకాలు ఒక శక్తివంతమైన సాధనంగా ఆవిర్భవించాయి. ఎలక్ట్రానిక్ పత్రాల ప్రామాణికతను ధ్రువీకరించడానికి, సంతకం చేసేవారి గుర్తింపును నిర్ధారించడానికి సురక్షితమైన, ట్యాంపర్-ప్రూఫ్ పద్ధతిని అందించడం ద్వారా, ఆన్‌లైన్ లావాదేవీల భద్రత, విశ్వసనీయతను పెంచడంలో డిజిటల్ సంతకాలు కీలక పాత్ర పోషిస్తున్నాయి. ఆన్‌లైన్ లావాదేవీల్లో మోసాలను నివారించడానికి ఇవి ఎలా దోహదపడుతున్నాయో తెలుసుకుందాం. డిజిటల్‌ సంతకమనేది ఒక డిజిటల్‌ పత్రం లేదా సందేశానికి సంబంధించిన సమగ్రతను, ప్రామాణికతను ధ్రువీకరించడానికి ఉపయోగించే ఒక క్రిప్టోగ్రాఫిక్‌ పద్ధతి. ఒక వ్యక్తికి సంబంధించిన గుర్తింపును చేతితో రాసి తెలిపే సంప్రదాయ సంతకానికి భిన్నంగా, క్రిప్టోగ్రాఫిక్‌ కీలను ఉపయోగించి రూపొందించిన ఒక గణిత అల్గారిథమే డిజిటల్‌ సంతకం. సంతకం చేసే వ్యక్తికి సంబంధించిన ప్రైవేట్ కీతో పాటు, సంతకం చేస్తున్న పత్రం లేదా సందేశంలోని విషయానికి ఒక గణిత ఫంక్షన్‌ను వర్తింపజేయడం ద్వారా డిజిటల్ సంతకాలు సృష్టిస్తారు. ఆదాయపు పన్ను రిటర్నులను దాఖలు చేయడానికి, కార్పొరేట్ వ్యవహారాల మంత్రిత్వ శాఖకు సమర్పణలు చేయడానికి లేదా ఇ-టెండర్లలో పాల్గొనడానికి, అద్దె ఒప్పందాలు, ఉద్యోగ ఒప్పందాలు వంటి వ్యక్తిగత చట్టపరమైన పత్రాల కోసం డిజిటల్ సంతకాలను ఉపయోగించవచ్చు. పూర్తిగా ఎలక్ట్రానిక్ రూపంలో రూపొందించి, ప్రాసెస్ చేసిన పత్రాలకు ఇ-సంతకాలు ఉత్తమంగా సరిపోతాయి. ఇవి వేగం, భద్రత, చట్టపరమైన చెల్లుబాటును నిర్ధారిస్తాయి. వీలునామాలు, రిజిస్ట్రేషన్, భౌతిక సంతకాలు అవసరమయ్యే సేల్ డీడ్, గిఫ్ట్ డీడ్ వంటి కొన్ని ఆస్తి పత్రాలు, పవర్ ఆఫ్ అటార్నీ, ట్రస్ట్ డీడ్‌లు లాంటి వాటిలో వీటిని అంగీకరించరు. ఇంకా, కోర్టులు కేవలం క్రిప్టోగ్రాఫిక్

హైదరాబాద్ వేదికగా ‘ఏఐ హబ్ స్విట్జర్లాండ్’ డిజిటల్ ప్లాట్‌ఫామ్‌ను బీఆర్‌ఎస్ వర్కింగ్ ప్రెసిడెంట్ కే. తారకరామారావు (కేటీఆర్) అధికారికంగా ప్రారంభించారు. కృత్రిమ మేధస్సు (AI) రంగంలో వస్తున్న సమాచార విప్లవాన్ని సామాన్యులకు, పరిశ్రమలకు చేరవేయడమే ఈ వేదిక ప్రధాన లక్ష్యం. ఆగస్టు 12న జరిగిన ఈ కార్యక్రమంలో సంస్థ వ్యవస్థాపకుడు శ్రీధర్ గాండేతో పాటు పలువురు ప్రముఖులు పాల్గొన్నారు. ప్రపంచవ్యాప్తంగా టెక్నాలజీ రంగంలో వస్తున్న వేగవంతమైన మార్పులను పర్యవేక్షించేందుకు ఈ వేదికను రూపొందించారు. గతంలో సాంకేతికతకు సంబంధించి సరైన మార్గదర్శకాలు లేకపోవడంతో నిపుణులు ఇబ్బందులు పడేవారు. ఈ లోటును భర్తీ చేస్తూ, అత్యంత విశ్వసనీయమైన సమాచారాన్ని అందించేందుకు ఈ ప్లాట్‌ఫామ్ సిద్ధమైంది. ఇది కేవలం ఒక డైరెక్టరీ మాత్రమే కాకుండా, సమగ్రమైన ఏఐ రిఫరెన్స్ లేయర్‌గా పనిచేస్తుందని నిర్వాహకులు తెలిపారు. దీంతో ఏఐ హబ్ స్విట్జర్లాండ్‌లో 125కు పైగా ధృవీకరించిన ఏఐ టూల్స్, 15 కేటగిరీలలో అందుబాటులో ఉన్నాయి. అంతేకాకుండా, 50కి పైగా ఎంటర్‌ప్రైజ్ కేస్ స్టడీలను, 23 గ్లోబల్ గవర్నెన్స్ ఫ్రేమ్‌వర్క్‌లను ఈ ప్లాట్‌ఫామ్ ఒకే చోట చేరుస్తుంది. ఇదిలా ఉండగా, యూరోపియన్ యూనియన్ ఏఐ చట్టం, నిస్ట్ (NIST) ప్రమాణాల వంటి అంతర్జాతీయ నిబంధనలను కూడా ఇందులో పొందుపరిచారు. ఫలితంగా, ఏఐ హబ్ స్విట్జర్లాండ్ త్వరలోనే అంతర్జాతీయ స్థాయి థింక్ ట్యాంక్‌గా విస్తరించేందుకు ప్రణాళికలు సిద్ధం చేస్తోంది. ఈ నేపథ్యంలో యూకే ఎంపీ లార్డ్ ఉదయ్ నాగరాజు నేతృత్వంలోని ‘ఏఐ పాలసీ ల్యాబ్స్’తో వ్యూహాత్మక భాగస్వామ్యం కుదుర్చుకుంది. ఈ ఒప్పందం ద్వారా భారత్, యూకే, స్విట్జర్లాండ్ దేశాల మధ్య సాంకేతిక ఆవిష్కరణలను పంచుకునేందుకు మార్గం సుగమమైంది. భవిష్యత్తులో ఈ సంస్థ గ్లోబల్ కంట్రిబ్యూటర్ నెట్‌వర్క్ ద్వారా సాంకేతిక మూల్యాంకనాలు, శ్వేతపత్రాలను విడుదల చేయనుంది. హెల్త్‌కేర్, ఫిన్‌టెక్, ఎంటర్‌ప్రైజ్ ఆటోమేషన్ రంగాల్లో నిపుణుల కోసం ప్రత్యేక వర్కింగ్ గ్రూపులను ఏర్పాటు చేయనున్నారు. ఇవి ఓపెన్ యాక్సెస్ ప్లేబుక్స్‌ను రూపొందించి, పరిశ్రమల్లో ఏఐ వినియోగాన్ని

నేటితరంలో తగ్గిన పఠనాసక్తి సాంకేతికతకు అనుగుణంగా మారని గ్రంథాలయాలు నగరంలో ఒక్కటీ లేని డిజిటల్‌ లైబ్రరీ నేడు జాతీయ గ్రంథాలయ దినోత్సవం హైదరాబాద్‌ సిటీ: గ్రంథాలయాలు విజ్ఞాన భాండాగారాలంటారు. కళ్ల ముందు ప్రపంచాన్ని ఉంచుతుంది. ఆలోచనలను విశాలం చేస్తుంది. కొత్త మనిషిగా లోకానికి పరిచయం చేస్తుంది. మట్టికరిచిన మనిషిని సైతం పైకిలేపి నిలబెడుతుంది. ‘పుస్తకం మనిషిని ఉన్నతీకరిస్తుందని’ అంబేద్కర్‌ మహాశయుడు అందుకే అన్నాడేమో.! ఫేస్‌బుక్‌, ట్విట్టర్‌ ఖాతాలలో వేలకొద్దీ స్నేహితులున్నా దొరకని ఆత్మస్థైర్యాన్ని ఒక పుస్తకం ఇవ్వగలదు. ఓటీటీ, యూట్యూబ్‌లలో ఉర్రూతలూగించే వెబ్‌సిరీ్‌సలు చూసినా కలగని ఆనందాన్ని కూడా పుస్తకంతోనే పొందచ్చు. నగరంలో 83 పౌర గ్రంథాలయాలున్నాయి. ప్రతీ లైబ్రరీలో యువతీ, యువకుల సందోహమే! కాకపోతే వారంతా పోటీ పరీక్షలకు సన్నద్ధమవుతున్న విద్యార్థులు. ఈ తరంలో సాహిత్య పఠనాసక్తిని పెంపొందించడానికి మంచి అవకాశం. అయినా అందుకు నడుం కట్టేదెవ్వరు? అటెండర్లే గ్రంథ పాలకులు స్వాభిమాన పోరాటానికి దారి చూపిన గ్రంథాలయాలు ఈనాడు సోయి తప్పాయి. నగర గ్రంథాలయ సంస్థ పరిధిలోని పౌర గ్రంథాలయాలలో రెగ్యులర్‌ సిబ్బంది 21మంది మాత్రమే పనిచేస్తున్నారు. గ్రంథాలయాలను కొన్నిచోట్ల అటెండర్లు, స్వీపర్లే నిర్వహిస్తున్నారని చరిత్ర పరిశోధకుడు సంగిశెట్టి శ్రీనివాస్‌ ఆవేదన వ్యక్తం చేస్తున్నారు. కనీసంగా 60మంది లైబ్రేరియన్లనైనా ప్రభుత్వం నియమించడం ద్వారా మన జ్ఞాన భాండాగారాల స్ఫూర్తి నిలుస్తుందన్నది నిపుణుల అభిప్రాయం. కార్పొరేట్‌ సామాజిక బాధ్యత కింద కొండాపూర్‌లో కోఫోర్జ్‌ లైబ్రరీ నగరంలో కొత్త సంస్కృతికి నాంది పలికింది. తెలుగు, హిందీ, ఇంగ్లిషులో 15వేలకుపైగా పుస్తకాలతో ఉదయం నుంచి సాయంత్రం వరకు 365రోజులూ పాఠకులకు ఐటీ కారిడార్‌లోని ఆ గ్రంథాలయం ఆహ్వానం పలుకుతోంది. యువత, పిల్లలు ఈ బుక్స్‌, ఆడియో పుస్తకాలకన్నా అచ్చు పుస్తకాలు చదవడానికే అమితాసక్తి కనబరుస్తున్నారనడానికి కోఫోర్జ్‌ లైబ్రరీతో పాటు హైదరాబాద్‌ బుక్‌ఫెయుర్‌, హైదరాబాద్‌ లిటరరీ ఫెస్టివల్స్‌కు యువత నుంచి లభిస్తున్న ఆదరణే నిదర్శనం. ఏఐ యుగంలో లైబ్రరీ విశ్వనగరంగా ఖ్యాతికెక్కిన హైదరాబాద్‌లో ఒక్కటీ పూర్తి స్థాయి

ఎక్కడో ఉద్యోగాలు చేసుకుంటుంటారు.. చాలా పెద్ద స్థాయిలో, మంచి పొజిషన్‌లో సెటిలయిన వాళ్లు పండగకో, పబ్బానికో సొంత ఊరు వస్తుంటారు. అప్పుడు తాము పెరిగిన ఊరు ఇంకా ఇలానే ఉందేంటి.. ఎలాగైనా డెవలప్ చేయాలి అన్న ఆలోచన చాలా మందిలో వస్తుంది. తమ వంతు సాయంగా ఏదోకటి చేయాలి అనిపిస్తుంది. అలాంటి వారి కోసం కేంద్ర ప్రభుత్వం ఓ వినూత్న కార్యక్రమానికి శ్రీకారం చుట్టింది. మీ గ్రామానికి ఎంతోకొంత తిరిగి అందించండి అంటూ ఆహ్వానం పలుకుతుంది. ప్రత్యేకంగా ఒక యాప్ ద్వారా ఈ సేవా కార్యక్రమాలు చేయొచ్చు.ఈ కాన్సెప్ట్ వింటే శ్రీమంతుడు సినిమానే గుర్తొస్తుంది కదా. కరెక్టే.. ఆ సినిమాలో హీరో చేసిన విధంగా మనం పుట్టిన నేల కోసం ఎంతో కొంత చేస్తే మన కళ్ల ముందే మన గ్రామం అభివృద్ధి చెందుతుంది. అయితే, కేంద్ర ప్రభుత్వం నూతనంగా తీసుకొచ్చిన దాన్‌వీర్ ద్వారా మీ గ్రామాన్ని డిజిటలైజే చేసుకునే అవకాశం ఉంది.READ ALSO ఇలాంటి ద్రౌపదీ దేవి ఆలయం గురించి ఎక్కడా వినుండరు.. దక్షిణ భారతంలోనే ఏకైక గుడి, తెలుసుకోండి!భారత ప్రభుత్వ పంచాయతీ రాజ్ మంత్రిత్వ శాఖ ప్రారంభించిన ఈ వినూత్నమైన, పారదర్శకమైన దాన్‌వీర్ కార్యక్రమం ద్వారా పౌరులు, సంస్థలు, దాతృత్వ సంస్థలు నేరుగా గ్రామ పంచాయతీలకు కంప్యూటర్లు అందించేందుకు వీలు కల్పించారు. దాంతో గ్రామీణ ప్రాంతాల్లో డిజిటల్ మౌలిక సదుపాయాలను బలోపేతం చేస్తున్నారు. ఈ కార్యక్రమం కింద తమ సొంత గ్రామానికి పౌరులు, ముఖ్యంగా విదేశాల్లో ఉన్న వారు గ్రామ పంచాయతీల్లో డిజిటల్ సౌకర్యాలను బలోపేతం చేసేందుకు తమవంతు సహకారం అందించవచ్చు.మేరీ పంచాయత్ యాప్ ద్వారా గ్రామ పంచాయతీల మౌలిక సదుపాయాల అవసరాలకు అనుగుణంగా వ్యక్తులు, సంస్థలు స్వచ్ఛందంగా కంప్యూటర్లు అందించవచ్చు. పంచాయతీ నమోదు, సహకారం అందించడం నుంచి కంప్యూటర్ల ఏర్పాటు, వినియోగం వరకు మొత్తం ప్రక్రియను డిజిటల్‌గా ట్రాక్ చేయవచ్చు. ప్రజల భాగస్వామ్యం, సాంకేతికత, పారదర్శకతను కలుపుతూ దాన్‌వీర్ గ్రామ

ప్రముఖ టెక్ దిగ్గజం యాపిల్ తన డిజిటల్ చెల్లింపుల సేవ 'యాపిల్ పే'ను భారత్‌లో ప్రవేశపెట్టేందుకు సిద్ధమవుతోంది. అక్టోబర్ నాటికి ఈ సేవలను ప్రారంభించే దిశగా కంపెనీ సన్నాహాలు చేస్తోంది. అయితే, ప్రారంభ దశలో ఈ ప్లాట్‌ఫామ్‌లో యూనిఫైడ్ పేమెంట్స్ ఇంటర్‌ఫేస్ (యూపీఐ) లావాదేవీలకు సపోర్ట్‌ లభించే అవకాశం లేదని తెలుస్తోంది.తొలి దశలో యాపిల్ వాలెట్ యాప్‌లో వీసా, మాస్టర్‌కార్డ్ నెట్‌వర్క్‌లకు చెందిన క్రెడిట్, డెబిట్ కార్డులను అనుసంధానించుకునే వెసులుబాటును కల్పించనున్నారు. దీని ద్వారా వినియోగదారులు తమ ఐఫోన్లు లేదా యాపిల్ వాచ్‌లను నియర్-ఫీల్డ్ కమ్యూనికేషన్ సదుపాయం ఉన్న పాయింట్-ఆఫ్-సేల్ టెర్మినల్స్ వద్ద ట్యాప్ చేయడం ద్వారా కాంటాక్ట్‌లెస్ చెల్లింపులు చేయవచ్చు. ఈ సేవల కోసం హెచ్‌డీఎఫ్‌సీ, ఐసీఐసీఐ, యాక్సిస్ వంటి ప్రధాన బ్యాంకులతో యాపిల్ ఇప్పటికే చర్చలు జరిపింది.అయితే, యూపీఐ అనుసంధాన ప్రక్రియ కొంత ఆలస్యం అయ్యే సూచనలు కనిపిస్తున్నాయి. భారత్‌లో యూపీఐ సేవలను ప్రారంభించాలంటే నేషనల్ పేమెంట్స్ కార్పొరేషన్ ఆఫ్ ఇండియా (ఎన్‌పీసీఐ) నుంచి అనుమతులు పొందడం తప్పనిసరి. బయోమెట్రిక్ వెరిఫికేషన్ విధానంపై యాపిల్, ఎన్‌పీసీఐ మధ్య భిన్నాభిప్రాయాలు ఉన్నట్లు నివేదికలు వెల్లడిస్తున్నాయి. యాపిల్ తన సొంత డివైజ్-లెవల్ సెక్యూరిటీకి ప్రాధాన్యతనిస్తుండగా, ఎన్‌పీసీఐ మాత్రం 'ఆధార్' ఆధారిత ప్రామాణీకరణ ఉండాలని స్పష్టం చేస్తోంది.దీనికి తోడు, లావాదేవీల రుసుము విషయంలోనూ బ్యాంకులతో చర్చలు కొనసాగుతున్నాయి. అంతర్జాతీయంగా ప్రతి లావాదేవీపై 0.15 శాతం నుండి 0.20 శాతం వరకు వసూలు చేసే యాపిల్, భారత్‌ మార్కెట్ పరిస్థితుల దృష్ట్యా ఆ వాటాను 0.10 శాతానికి తగ్గించాలని బ్యాంకులు

సామాన్యుడి జేబులోని చిల్లర నాణెం నుంచి దేశ ఆర్థిక శక్తిని ప్రపంచ పటంలో సగర్వంగా నిలబెట్టే ప్రతీక వరకు.. మన రూపాయి సాగించిన ప్రయాణం ఒక అద్భుతమైన అధ్యాయం. భారతదేశం 80వ స్వాతంత్ర్య దినోత్సవ సంబరాలకు సిద్ధమవుతున్న ఈ చారిత్రక తరుణంలో, మన చేతుల్లో మెదిలే కరెన్సీ ప్రయాణాన్ని ఒక్కసారి వెనక్కి తిరిగి చూస్తే ఆసక్తికరమైన ఎన్నో సత్యాలు వెలుగులోకి వస్తాయి.ఒకప్పుడు సంస్థానాల రాజముద్రలతో, వేర్వేరు పరిమాణాల్లో చెలామణి అయిన రాగి నాణేలు, వెండి నాణేల స్థానంలో.. నేడు స్మార్ట్‌ఫోన్ స్క్రీన్‌పై డిజిటల్ సంతకంగా మారిన డిజిటల్ రూపాయి వరకు మన రూపాయి సాధించిన పురోగతి అసాధారణం.రాజభవంతుల నాణేల నుంచి ఏకీకృత వ్యవస్థ వైపు..1947కి పూర్వం భారతదేశం ఆర్థికంగా, భౌగోళికంగా ఎన్నో ముక్కలుగా ఉండేది. హైదరాబాద్ నైజాం నాణేల నుంచి మరాఠాల కరెన్సీ వరకు ప్రతి రాచరిక ప్రాంతానికి సొంత నాణేల వ్యవస్థ ఉండేది. అయితే, దేశానికి స్వాతంత్ర్యం సిద్ధించే క్రమంలో ఆర్థిక సమగ్రత అత్యంత కీలకమైన అంశంగా మారింది.1935లో రిజర్వ్ బ్యాంక్ ఆఫ్ ఇండియా ఆవిర్భావంతో కరెన్సీ జారీ హక్కులన్నీ ఒకే కేంద్రీకృత వ్యవస్థ కిందకు వచ్చాయి. అంతకుముందు ప్రైవేటు బ్యాంకులు, ప్రెసిడెన్సీ బ్యాంకులు ముద్రించే నోట్లకు చరమగీతం పడుతూ, 1861 నాటి పేపర్ కరెన్సీ యాక్ట్ ద్వారా ప్రభుత్వమే నేరుగా నోట్లను చలామణిలోకి తెచ్చింది.ఒక్క రూపాయి నోటు వెనుక ఉన్న అసలు కథ!మనదేశంలో చలామణి అయ్యే ప్రతి నోటుపైనా ఆర్బీఐ గవర్నర్ సంతకం ఉంటుంది.. కానీ, ఒకే ఒక్క రూపాయి నోటుపై మాత్రం కేంద్ర ఆర్థిక శాఖ కార్యదర్శి సంతకం ఉంటుంది. దీని వెనుక ఒక ఆసక్తికరమైన చరిత్ర ఉంది. మొదటి ప్రపంచ యుద్ధ సమయంలో తీవ్రమైన వెండి కొరత ఏర్పడింది. నాణేలను ముద్రించడం సాధ్యం కాక, బ్రిటన్‌లో ఐదో జార్జ్ రాజు చిత్రంతో మొదటిసారిగా కాగితపు రూ.1 నోటును ముద్రించారు.స్వాతంత్ర్యం వచ్చాక 1949లో బ్రిటీష్ రాజు బొమ్మ స్థానంలో సారనాథ్

చేతిలో స్మార్ట్‌ఫోన్‌ ఉంటే చాలు.. క్షణాల్లో ప్రపంచం పిల్లల ముందుకొచ్చేస్తోంది. రీల్స్‌.. చాటింగ్‌.. నోటిఫికేషన్లు.. లైక్‌లు.. ఇలా సోషల్‌ మీడియా వారి రోజువారీ జీవితంలో భాగమైపోయింది. అయితే పిల్లలను సోషల్‌ మీడియాలోకి ఎప్పుడు అనుమతించాలన్నదే ఇప్పుడు అసలు ప్రశ్న. చిన్న వయసులోనే ఈ అలవాటు మొదలైతే చదువుపై ప్రభావం పడొచ్చని తాజా అధ్యయనం హెచ్చరిస్తోంది.11 ఏళ్లకే మొదలైతే..ఇటలీలో ఐదు వేల మందికిపైగా విద్యార్థులపై ఈ పరిశోధన జరిగింది. 11, 12 ఏళ్లకే సోషల్‌ మీడియా అకౌంట్‌ తెరిచిన పిల్లల పరీక్ష ఫలితాలను.. 14 ఏళ్ల తర్వాత అకౌంట్‌ తెరిచిన వారితో పోల్చారు. 13-14 ఏళ్ల వయసులోనే గణితం, ఇటాలియన్‌ భాషలో వీరి స్కోర్లు తక్కువగా కనిపించాయి.ఆరు నెలల చదువు తేడా!15-16 ఏళ్లకు చేరేసరికి ఈ వ్యత్యాసం మరింత స్పష్టమైంది. ముఖ్యంగా గణితంలో తేడా పెరిగింది. ఇటాలియన్‌ భాషలోనూ ప్రభావం కనిపించింది. మొత్తం వ్యత్యాసం దాదాపు ఆరు నెలల పాఠశాల విద్యకు సమానంగా ఉందని పరిశోధకులు అంచనా వేశారు. అయితే సోషల్‌ మీడియా వాడకమే దీనికి నేరుగా కారణమని అధ్యయనం నిరూపించలేదు.అసలు సమస్య ఇదే..ఫోన్‌ను ఎంతసేపు వాడుతున్నారనే దానికంటే.. ఎన్నిసార్లు చెక్‌ చేస్తున్నారన్నది ముఖ్యమని పరిశోధకులు చెబుతున్నారు. నోటిఫికేషన్లు, మెసేజ్‌లు, లైక్‌ల కోసం పదేపదే ఫోన్‌ చూడటం ఏకాగ్రతను దెబ్బతీయొచ్చు. చదువుతున్న సమయంలోనూ దృష్టి సోషల్‌ మీడియా వైపు మళ్లుతుంది. దీంతో ఎక్కువసేపు ఒక విషయంపై దృష్టి పెట్టడం కష్టమవుతుంది.తల్లిదండ్రులు ఇలా చేయండిపిల్లలకు సోషల్‌ మీడియాను పూర్తిగా నిషేధించాల్సిన అవసరం లేదని పరిశోధకులు స్పష్టం చేశారు. వీలైతే అకౌంట్‌

భారతీయ ఆర్థిక వ్యవస్థ వేగంగా డిజిటలైజ్ అవుతున్న తరుణంలో రిజర్వ్ బ్యాంక్ ఆఫ్ ఇండియా (ఆర్‌బీఐ) దేశీయ బ్యాంకింగ్ రంగానికి అత్యంత ప్రాధాన్యత కలిగిన దిశానిర్దేశం చేసింది. వాణిజ్య బ్యాంకులు, ఇతర ఆర్థిక సంస్థలు తమ కార్యకలాపాల్లో ఆర్టిఫిషియల్ ఇంటెలిజెన్స్, మెషిన్ లెర్నింగ్ సాంకేతికతలను విస్తరించేందుకు సంబంధిత డిజిటల్ మౌలిక సదుపాయాలపై తమ వ్యయాన్ని వేగవంతం చేయాలని కేంద్ర బ్యాంకు పిలుపునిచ్చింది. సాంకేతిక పరివర్తన.. వ్యూహాత్మక ప్రాధాన్యం ప్రస్తుత ఆధునిక బ్యాంకింగ్‌లో సాంకేతిక వ్యయం అనేది కేవలం ఒక సాధారణ నిర్వహణ ఖర్చు కాదని, అది బ్యాంకుల భవిష్యత్తు మనుగడకు, స్థిరత్వానికి అవసరమైన వ్యూహాత్మక మూలధన పెట్టుబడి అని ఆర్‌బీఐ స్పష్టం చేసింది. రుణ అర్హతల సమగ్ర విశ్లేషణ (క్రెడిట్‌ రిస్క్‌ అసెస్‌మెంట్‌), తక్షణ రుణాల మంజూరు, సైబర్ దాడుల ముందస్తు గుర్తింపు, ఆన్‌లైన్ మోసాల నివారణ, ఖాతాదారులకు అనుగుణమైన సేవలను వేగంగా అందించడంలో ఏఐ కీలక పాత్ర పోషిస్తోంది. సాంకేతికత వాడకం పెరిగే కొద్దీ దానితో పాటు వచ్చే వ్యవస్థాగత సవాళ్లను కూడా బ్యాంకులు సమానంగా పరిగణనలోకి తీసుకోవాలి. జనరేటివ్ ఏఐ సాధనాల వినియోగంలో డేటా ప్రైవసీ (సమాచార గోప్యత), సైబర్ సెక్యూరిటీ లోపాలు తలెత్తకుండా అప్రమత్తంగా ఉండాలి. బిగ్-టెక్ సంస్థలు, థర్డ్-పార్టీ ఫిన్‌టెక్ ప్లాట్‌ఫామ్‌లపై మితిమీరిన ఆధారపడటం వ్యవస్థాగత ప్రమాదాలకు దారితీయవచ్చని ఆర్‌బీఐ గుర్తుచేసింది. అందుకే బాధ్యతాయుతమైన ఏఐ విధానాలను అమలు చేస్తూ పారదర్శకమైన అంతర్గత నియంత్రణ చట్రాన్ని రూపొందించుకోవడం అనివార్యం. ఇదీ చదవండి: ఆకాశమే హద్దుగా పసిడి ధరలు.. ఒక్కరోజే ఇంతలా.. కిరణ్ అబ్బవరం క్యూట్ ఫ్యామిలీ.. వెకేషన్ (ఫొటోలు) కొలంబియాను కుదిపేసిన రాకాసి భూకంపం..(ఫొటోలు) ‘అగధ’ మూవీ ప్రీ రిలీజ్‌ ఈవెంట్ లో మెరిసిన నటి కామాక్షి భాస్కర్ల (ఫొటోలు) ‘పళ్ళ బురుసు’ ప్రీ-రిలీజ్ ప్రెస్ మీట్..ముఖ్య అతిథిగా నాగార్జున (ఫొటోలు) ఆడపిల్లలు సవాల్ చేస్తుంటే ముడుచుకున్నావ్ లోకేష్ పరువు తీసేసిన RK రోజా ప్రశ్నిస్తే చాలు దాడులు

డిజిటల్ విప్లవం మరియు వేగవంతమైన ఇంటర్నెట్ సదుపాయాలు నేడు మనుషుల జీవితాల్లో, వ్యాపార రంగంలో మరియు వ్యక్తిగత ఆశయ సాధనలో ఊహించని మార్పులను తీసుకువస్తున్నాయి. ఇటీవల బ్రిటన్‌లో నిర్వహించిన ఒక సమగ్ర సర్వేలో వెల్లడైన విశేషాలు ప్రపంచవ్యాప్తంగా ప్రతీ ఒక్కరినీ ఆకట్టుకుంటున్నాయి. బ్రిటన్‌లోని ప్రముఖ టెలికాం సంస్థ వోడాఫోన్ చేపట్టిన ఈ అధ్యయనంలో తేలిన వివరాల ప్రకారం, నేడు ప్రజలు తమ కలలను, ఆశయాలను నెరవేర్చుకోవడంలో డిజిటల్ కనెక్టివిటీ అత్యంత కీలక పాత్ర పోషిస్తోంది. ఈ పరిశోధన ప్రకారం, బ్రిటన్‌లో దాదాపు 85 శాతం మంది ప్రజలు తమ జీవితంలో ఏదో ఒక పెద్ద ఆశయాన్ని లేదా లక్ష్యాన్ని సాధించే దిశగా నిరంతరం కృషి చేస్తున్నారు. నేటి ఆధునిక సాంకేతిక యుగంలో తమ కలలను సాకారం చేసుకోవడానికి గతంలో కంటే మెరుగైన అవకాశాలు లభిస్తున్నాయని, దాదాపు 40 శాతం మంది ప్రజలు తాము మునుపెన్నడూ లేనంత ఆశయంతో, ఉత్సాహంతో ఉన్నామని స్పష్టంగా తెలిపారు. ఈ డిజిటల్ యుగంలో అవకాశాలను వెతుక్కోవడం మరియు పట్టుకోవడం చాలా సులభతరమైందని సర్వేలో పాల్గొన్న 55 శాతం మంది అభిప్రాయపడ్డారు. సాంకేతికత అందుబాటులోకి రావడంతో తమ నైపుణ్యాలను పెంపొందించుకోవడం, కొత్త విషయాలు నేర్చుకోవడం, డిజిటల్ నెట్‌వర్కింగ్ పెంచుకోవడం ఎంతో తేలికైందని వారు భావిస్తున్నారు. అయితే, తమ ఆశయాల వైపు అడుగులు వేయడం కొంచెం త్వరగా ప్రారంభించి ఉంటే బాగుండేదని 20 శాతం మంది ఆవేదన వ్యక్తం చేశారు. మెరుగైన డిజిటల్ కనెక్టివిటీ మరియు హై-స్పీడ్ ఇంటర్నెట్ తమ లక్ష్యాలను చేరుకోవడంలో సానుకూల ప్రభావాన్ని చూపిస్తుందని 42 శాతం మంది విశ్వసిస్తున్నారు. అంతేకాకుండా, ఐదు లేదా పదేళ్ల క్రితంతో పోలిస్తే నేడు తాము తమ కలలను నెరవేర్చుకోవడానికి ఎంతో అనుకూలమైన వాతావరణంలో ఉన్నామని 49 శాతం మంది ధీమాగా చెబుతున్నారు. ఇది డిజిటల్ విప్లవం తీసుకొచ్చిన గొప్ప మార్పుకు స్పష్టమైన నిదర్శనంగా నిలుస్తోంది. ప్రజలలో ఆశయాలు ఎంత ఎక్కువగా ఉన్నప్పటికీ, వాటి

ఒకప్పుడు గ్రంథాలయాలు ఎంత కళకళలాడుతుండేవో కదా. రిటైర్డ్ అయిన వాళ్లు, ఉద్యోగాల కోసం ఎదురుచూసే వారు.. ఇలా అందరూ ఆ గ్రంథాలయాల్లోనే కనిపించేవారు. అయితే, మొబైల్ చేతికొచ్చాక ఇక గ్రంథాలయాల మొహం చూసే వారే తగ్గిపోయారు. దాంతో మారుతున్న కాలానికి అనుగుణంగా గ్రంథాలయాలు కూడా డిజిటల్ బాట పట్టాయి. పుస్తక పఠనానికి ఎక్కువ మందిని అలవాటు చేసే దిశగా గ్రంథాలయాల శాఖ ఓ వినూత్న ఆలోచన చేసింది.ప్రతి గ్రంథాలయం వద్ద ప్రత్యేక క్యూ ఆర్ కోడ్ ఏర్పాటు చేసి.. దాన్ని స్కాన్ చేస్తే నచ్చిన పుస్తకాన్ని చదువుకునే అవకాశాన్ని కల్పిస్తోంది. ఏ గ్రంథాలయంలో ఎలాంటి పుస్తకాలు ఉన్నాయి.. తాము కోరుకున్న పుస్తకం అందుబాటులో ఉందా? లేక జిల్లాలోని ఏ గ్రంథాలయంలో లభిస్తుందనే వివరాలతో పాటు వాటి సేవలపై సమగ్ర సమాచారం డిజిటల్ విధానంలో ఆగస్టు 1వ తేదీ నుంచి అందుబాటులోకి వచ్చింది.READ ALSO వైజాగ్‌లో మారథాన్.. గెలిస్తే రూ. 12 లక్షల బహుమతిఉమ్మడి గుంటూరు జిల్లాలయిన గుంటూరు, పల్నాడు, బాపట్లలోని 98 గ్రంథాలయాల్లో క్యూ ఆర్ కోడ్‌తో పుస్తక పఠనానికి అవకాశం కల్పించారు. ఆయా గ్రంథాలయాల్లోని పుస్తకాలన్నింటినీ డిజిటలైజేషన్ చేస్తున్నారు. పోటీ పరీక్షలు, చరిత్ర, సాహిత్యానికి సంబంధించినవి ఆన్‌లైన్‌లో లభ్యమవుతున్నాయి.యువతను గ్రంథాలయాల బాట పట్టించేందుకు ఏపీ గ్రంథాలయ యాప్‌ను ప్రత్యేకంగా రూపొందించారు. గ్రంథాలయాల వద్ద క్యూ ఆర్ కోడ్‌ను అతికించారు. గ్రంథాలయాల వద్ద ఉండే వారి నుంచి లింకు తీసుకున్ని దాన్ని ఫోన్‌లో ఇన్‌స్టాల్ చేసుకోవాలి.. విజిటర్స్ లాగిన్‌పై క్లిక్ చేసి బార్ కోడ్ స్కాన్ చేయాలి. ఆ తర్వాత మళ్లీ కోడ్ స్కాన్ చేస్తే సక్సెస్ మెసెజ్ వస్తుంది. రోజుకు ఎంతమంది గ్రంథాలయానికి వచ్చి పుస్తకాలు చదివి వెళ్తున్నారనే వివరాలు దీని ద్వారా తెలుసుకోవచ్చు.యాప్‌లో అన్ని వివరాలు ఉంటాయి. రచయితలు, అంశాల వారీగా పుస్తకాల వివరాలు తెలుసుకునే అవకాశం క్యూ ఆర్ కోడ్‌తో ఉంది. తాము వెతుకుతున్న పుస్తకం అందుబాటులో ఉందా? లేదా?

Har Ghar Tiranga 2026: దేశభక్తికి డిజిటల్‌ గుర్తింపు... హర్‌ఘర్‌ తిరంగా సెల్ఫీ దిగండి... సర్టిఫికెట్‌ పొందండి ఈ వార్తకు సంబంధించిన

డిజిటల్ లావాదేవీల రంగంలో సంచలన మార్పులకు కేంద్ర ప్రభుత్వం సిద్ధమవుతోంది. యూపీఐ ద్వారా జరిగే చెల్లింపులపై కొత్తగా ‘మర్చంట్ డిస్కౌంట్ రేట్’ (ఎం.డి.ఆర్) వసూలు చేసే అంశంపై తీవ్రస్థాయిలో చర్చలు జరుగుతున్నాయి. ముఖ్యంగా 2 వేల రూపాయలు దాటిన లావాదేవీలకు మాత్రమే ఈ చార్జీలను వర్తింపజేయాలని ప్రభుత్వం యోచిస్తోంది. అయితే, ఈ ప్రతిపాదనపై ఇంకా ఎటువంటి తుది నిర్ణయం వెలువడలేదు. ప్రస్తుతం అమలులో ఉన్న డిజిటల్ చెల్లింపుల విధానాన్ని మరింత బలోపేతం చేసేందుకు ఈ మార్పులను పరిశీలిస్తున్నారు. ఇది కేవలం ఒక ప్రతిపాదన మాత్రమేనని, దీనిపై స్పష్టత రావాల్సి ఉందని అధికారులు చెబుతున్నారు. డిజిటల్ లావాదేవీలు రోజురోజుకూ పెరుగుతున్న నేపథ్యంలో, వ్యవస్థ నిర్వహణ వ్యయాన్ని సమతుల్యం చేసేందుకు ఈ చర్యలు అవసరమని ప్రభుత్వం భావిస్తోంది. దీంతో, సామాన్య ప్రజలు మరియు చిన్న తరహా వ్యాపారులకు ఎలాంటి అదనపు భారం ఉండదని ప్రభుత్వం భరోసా ఇస్తోంది. రోజువారీ కిరాణా కొనుగోళ్లు లేదా చిన్న మొత్తాల చెల్లింపులన్నీ పాత పద్ధతిలోనే ఉచితంగా కొనసాగుతాయి. ఇదిలా ఉండగా, అధిక విలువ కలిగిన డిజిటల్ లావాదేవీలపైనే ప్రత్యేక దృష్టి సారించనున్నారు. తద్వారా డిజిటల్ చెల్లింపుల వ్యవస్థలో పారదర్శకతను పెంచేందుకు ప్రయత్నాలు జరుగుతున్నాయి. ఈ నిబంధన అమలులోకి వస్తే ఆన్‌లైన్ షాపింగ్ సంస్థలు, ఇ-కామర్స్ వేదికలు మరియు డిజిటల్ సేవా సంస్థలపై దీని ప్రభావం స్పష్టంగా ఉంటుంది. ఫలితంగా, భారీ లావాదేవీలు జరిపే పెద్ద కంపెనీల నిర్వహణ ఖర్చులు పెరిగే అవకాశం ఉంది. డిజిటల్ సేవల ద్వారా లాభపడే పెద్ద సంస్థలే ఈ అదనపు చార్జీలను భరించాల్సి ఉంటుందని నిపుణులు విశ్లేషిస్తున్నారు. ఈ నేపథ్యంలో, సామాన్యులను ఆర్థిక ఇబ్బందుల నుండి కాపాడుతూనే, కార్పొరేట్ సంస్థల నుండి రుసుము వసూలు చేయడంపైనే ప్రభుత్వం దృష్టి పెట్టింది. వ్యవస్థపై భారం పడకుండా, లావాదేవీల సామర్థ్యాన్ని మెరుగుపరచడమే ఈ కొత్త విధానం వెనుక ఉన్న ప్రధాన ఉద్దేశ్యం. వినియోగదారుల ప్రయోజనాలను దెబ్బతీయకుండా, సంస్థల ఆర్థిక స్థితిగతులను

తొలిప్రేమ, సార్, లక్కీ భాస్కర్ వంటి సక్సెస్ ఫుల్ సినిమాలతో పాటు వరుస ప్రాజెక్ట్‌లతో స్టార్ డైరెక్టర్ గా మారాడు డైరెక్టర్ వెంకీ అట్లూరి. మరోవైపు టాలీవుడ్‌లో వరుస సినిమాలతో హల్ చల్ చేస్తుంది కథానాయకి మీనాక్షి చౌదరి. అలాగే వరుస ప్లాప్స్ తర్వాత కాస్త గ్యాప్ తీసుకున్నాడు స్టార్ బాయ్ సిద్దు జొన్నలగడ్డ. ఈ ముగ్గురు ఇప్పుడు డిజిటల్ వేదికపై ఒక భారీ ప్రయోగానికి శ్రీకారం చుట్టారు. ‘స్టార్ బాయ్’ సిద్ధు జొన్నలగడ్డ, గ్లామరస్ బ్యూటీ మీనాక్షి చౌదరి జంటగా వెంకీ అట్లూరి దర్శకత్వంలో ఒక మైండ్ బ్లోయింగ్ బ్యాంక్ హీస్ట్ థ్రిల్లర్ వెబ్ సిరీస్ రూపుదిద్దుకుంటోంది. ప్రముఖ నిర్మాణ సంస్థ సితార ఎంటర్‌టైన్‌మెంట్స్ అధినేత సూర్యదేవర నాగవంశీ ఈ సిరీస్‌ను నెట్‌ఫ్లిక్స్ సంస్థ కోసం నిర్మిస్తున్నారు. తెలుగులోనే అత్యంత భారీ బడ్జెట్‌తో తెరకెక్కుతున్న కాస్ట్‌లీయెస్ట్ వెబ్ సిరీస్‌గా ఇది రికార్డు సృష్టించనుంది. మీనాక్షి చౌదరిఈ వెబ్ సిరీస్‌తో ఓటీటీ స్పేస్‌లోకి తొలిసారి ఎంట్రీ ఇస్తున్నారు. ఇందులో కేవలం గ్లామర్‌కే పరిమితం కాకుండా విభిన్నమైన పాత్రలో కనిపించబోతుంది మీనాక్షి. సిద్ధు, మీనాక్షి మధ్య వచ్చే సన్నివేశాలు ఒక డిఫ్రెంట్ ఎక్స్ప్రిరియన్స్ ఇష్టమట. ప్రస్తుతం సూర్య కాంబినేషన్‌లో తెరకెక్కుతున్న ‘విశ్వనాథ్ అండ్ సన్స్’ వంటి భారీ చిత్రాన్ని పూర్తి చేసిన అనంతరం వెంకీ అట్లూరి ఈఓటీటీ ప్రాజెక్ట్‌పై దృష్టి పెట్టనున్నారు. అంతర్జాతీయ ప్రమాణాలతో, సరికొత్త కథాంశంతో రూపుదిద్దుకుంటున్న ఈ వెబ్ సిరీస్ ఓటీటీ ఆడియెన్స్ ను ఏ మేరకు మెప్పిస్తుందో లెట్స్ వెయిట్ అండ్ వాచ్

ఆన్‌లైన్ షాపింగ్, రీఛార్జ్‌లు, సబ్‌స్క్రిప్షన్ల హవా నడుస్తున్న నేటి డిజిటల్ యుగంలో బ్యాంకింగ్ సేవలు సైతం వేగంగా రూపాంతరం చెందుతున్నాయి. మన వ్యాలెట్‌లో ఉండే ప్లాస్టిక్ డెబిట్ కార్డుల స్థానంలో ఇప్పుడు బ్యాంకింగ్ యాప్‌లలోనే వర్చువల్ డెబిట్ కార్డ్ ప్రత్యక్షమవుతోంది. కార్డు నెంబర్, ఎక్స్‌పైరీ డేట్, సివీవీ వంటి అన్ని వివరాలు మీ ఫోన్‌లోని బ్యాంకింగ్ యాప్‌లోనే కనిపిస్తాయి. ఫిజికల్ కార్డు పొగొట్టుకుంటామనే భయం లేకుండా, అవసరమైనప్పుడు క్షణాల్లో వీటి ద్వారా డిజిటల్ చెల్లింపులు పూర్తి చేయవచ్చు. అయితే, ఎంత సౌకర్యంగా ఉన్నప్పటికీ వీటి వినియోగంలోనూ కొన్ని భద్రతాపరమైన ప్రమాదాలు ఉన్నాయని ఆర్థిక నిపుణులు హెచ్చరిస్తున్నారు.సౌకర్యంతో పాటు లభించే అదనపు నియంత్రణసాధారణంగా ఏదైనా కొత్త వెబ్‌సైట్‌లో కొనుగోలు చేసేటప్పుడు మన ప్రధాన బ్యాంక్ ఖాతాకు సంబంధించిన అసలు డెబిట్ కార్డ్ వివరాలను ఇవ్వడానికి చాలామంది భయపడతారు. అలాంటి సమయాల్లో ఈ వర్చువల్ కార్డులు ఎంతో ఉపయోగపడతాయి.అనేక బ్యాంకులు తమ మొబైల్ యాప్‌ల ద్వారా ఈ కార్డుల ఖర్చుల పరిమితిని స్వయంగా నిర్ణయించుకునే సదుపాయాన్ని ఇస్తున్నాయి. అంతేకాకుండా, అవసరం లేనప్పుడు కార్డును టెంపరరీ ఆఫ్ లేదా డిసేబుల్ చేసుకునే వెసులుబాటు కూడా ఉంటుంది. దీనివల్ల కార్డు వివరాలు బయటకు పొక్కే అవకాశం చాలావరకు తగ్గుతుంది.రూపాయి ఛార్జ్ పడదు! మా కస్టమర్లకు ఫ్రీగానే... ఫోన్‌పే సంచలన గ్యారెంటీభ్రమల్లో ఉండొద్దు... మోసాలకు ఇవీ మినహాయింపు కాదు!వర్చువల్ కార్డ్ వాడటం వల్ల సైబర్ మోసాలు అస్సలు జరగవు అనుకోవడం అపోహ మాత్రమే. ఇది మీ బ్యాంక్ ఖాతాకే నేరుగా లింకై ఉంటుంది కాబట్టి, ఇందులో చేసే ప్రతి చెల్లింపు మీ ఖాతా నుంచే కట్ అవుతుంది. ఫేక్ వెబ్‌సైట్లు, సైబర్ నేరగాళ్లు పంపే నకిలీ లింకులు లేదా ఓటీపీ మోసాల్లో పడి మనమే స్వయంగా సమాచారాన్ని అందిస్తే వర్చువల్ కార్డు కూడా రక్షణ ఇవ్వలేదు. ఆర్బీఐ మార్గదర్శకాల ప్రకారం బ్యాంకులు ఎంతటి కట్టుదిట్టమైన సెక్యూరిటీ వ్యవస్థను ఏర్పాటు చేసినప్పటికీ, వినియోగదారుల

ఫోన్‌లో ఇంటర్నెట్ లేకపోయినా UPI పేమెంట్స్ చేయొచ్చు.. సింపుల్ ప్రాసెస్..ఫోన్‌లో ఇంటర్నెట్ లేకపోయినా UPI పేమెంట్స్ చేయొచ్చు.. సింపుల్ ప్రాసెస్.. Venkatrao Lella Images: Pinterest 09 AUG 2026 నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఇంటర్నెట్ సదుపాయం లేకుండా UPI చెల్లింపులు చేయడానికి వీలు కల్పించే సేవను ప్రవేశపెట్టింది. మీరు ఆ సేవలను ఈ విధంగా ఉపయోగించుకోవచ్చు. మీ బ్యాంకుతో లింక్ అయిన మొబైల్ నంబర్ నుండి *99# నెంబర్‌కు ముందుగా డయల్ చేయండి. మీ ఫోన్ స్క్రీన్‌పై, సంబంధిత నంబర్‌ను ఎంచుకోవడం ద్వారా మీకు నచ్చిన భాషను ఎంచుకోండి. డబ్బు బదిలీ చేయడం, బ్యాలెన్స్‌లను తనిఖీ చేయడం లేదా లావాదేవీలను వీక్షించడం వంటి మీకు కావలసిన బ్యాంకింగ్ సదుపాయాన్ని ఎంచుకోండి. డబ్బు బదిలీ చేయడానికి, '1' అని టైప్ చేసి Sendనొక్కండి. ఆ తర్వాత మొబైల్ నంబర్, UPI ID, సేవ్ చేసిన కాంటాక్ట్ లేదా ఏ ఆప్షన్ ద్వారా డబ్బు పంపాలనుకుంటున్నారనేది ఎంచుకోండి మొబైల్ నంబర్ ఎంపికను ఉపయోగిస్తుంటే.. స్వీకర్త నంబర్‌ను నమోదు చేయండి. అనంతరం చెల్లింపు మొత్తాన్ని నమోదు చేసి పంపండి నొక్కండి. ఆ తర్వాత మీ చెల్లింపును కొనసాగించడానికి ఒక వ్యాఖ్యను జోడించండి. అనంతరం లావాదేవీని పూర్తి చేయడానికి మీ UPI PINను నమోదు చేయండి. ఈ విధానంలో మీ ఫోన్‌లో ఇంటర్నెట్ లేకపోయినా డబ్బులు సులువుగా పంపించవచ్చు. గ్రామీణ ప్రాంతాల్లో ఇంటర్నెట్ సదుపాయం ఉండదు. దీంతో ఈ విధానం ద్వారా డబ్బులు సులభంగా పంపించవచ్చు

ఫోన్‌పే తన ప్లాట్‌ఫామ్‌లో పలు బ్యాంకులు, ఎన్‌బీఎఫ్‌సీలతో భాగస్వామ్యం కుదుర్చుకుని ఫిక్స్‌డ్ డిపాజిట్ సేవలను ప్రారంభించింది. దీంతో వినియోగదారులు బ్యాంకుకు వెళ్లాల్సిన అవసరం లేకుండా యాప్‌లోనే వివిధ బ్యాంకుల FDలను పోల్చి చూసి తమకు నచ్చిన డిపాజిట్‌ను వెంటనే బుక్ చేసుకోవచ్చు. అంతేకాదు, ఒకటి కంటే ఎక్కువ బ్యాంకుల్లో చేసిన FDలను కూడా ఒకే యాప్‌లో సులభంగా నిర్వహించుకోవచ్చు. భాగస్వామ్య బ్యాంకుల్లో చేసిన FDలకు రిజర్వ్ బ్యాంక్ (RBI) నిబంధనల ప్రకారం డిపాజిట్ ఇన్సూరెన్స్ అండ్ క్రెడిట్ గ్యారంటీ కార్పొరేషన్ (DICGC) ద్వారా గరిష్టంగా రూ.5 లక్షల వరకు బీమా రక్షణ కూడా ఉంటుంది. ఫోన్‌పే ప్రవేశపెట్టిన డైలీ RD ప్రత్యేక ఆకర్షణగా నిలుస్తోంది. ఇందులో రోజుకు రూ.100 నుంచి రూ.1,000 వరకు ఆటోమేటిక్‌గా పొదుపు చేసుకునే అవకాశం ఉంటుంది. ఇది ముఖ్యంగా యువత, ఉద్యోగులు, చిన్న మొత్తాలతో సేవింగ్స్ ప్రారంభించాలనుకునే వారికి అనుకూలంగా ఉంటుంది. UPI ఆటోపే ద్వారా ప్రతిరోజూ నిర్ణయించిన మొత్తం ఆటోమేటిక్‌గా డెబిట్ అవుతుంది. వరుసగా 15 రోజుల వరకు డబ్బు జమ కాకపోయినా ఎలాంటి జరిమానా ఉండదు. అలాగే డిపాజిట్ చేసిన తర్వాత కేవలం 7 రోజులకే అవసరమైతే డబ్బు ఉపసంహరించుకునే అవకాశం కూడా కల్పించారు. కావాలంటే ఆటోపే మాండేట్‌ను ఎప్పుడైనా నిలిపివేయవచ్చు. ఫోన్‌పే యాప్‌లోని "Mutual Funds & Deposit" విభాగంలో Fixed Deposits లేదా Daily RD ఎంపికను ఎంచుకోవాలి. ఆ తర్వాత అందుబాటులో ఉన్న భాగస్వామ్య బ్యాంకు లేదా ఎన్‌బీఎఫ్‌సీని ఎంపిక చేయాలి. తర్వాత డిపాజిట్ కాలపరిమితిని 7 రోజుల నుంచి 10 సంవత్సరాల వరకు ఎంచుకుని పెట్టుబడి మొత్తాన్ని నమోదు చేయాలి. అనంతరం PAN, ఆధార్ ద్వారా డిజిటల్ ధ్రువీకరణ పూర్తి చేసి, నామినీ వివరాలు నమోదు చేయాలి. చివరగా PhonePe UPI లేదా నెట్‌బ్యాంకింగ్ ద్వారా చెల్లింపు చేస్తే వెంటనే FD పూర్తవుతుంది. డైలీ RD కోసం UPI ఆటోపే అనుమతిని

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. UPI Transaction Charges 2026: భారతదేశంలో డిజిటల్ విప్లవానికి ప్రతీకగా నిలిచిన యూనిఫైడ్ పేమెంట్స్ ఇంటర్‌ఫేస్ (UPI), నేడు సామాన్యుడి దైనందిన జీవితంలో ఒక ముఖ్యమైన భాగమైపోయింది. చిన్న కిరాణా కొట్టు నుండి పెద్ద వ్యాపార సంస్థల వరకు యూపీఐ ద్వారా చెల్లింపులు జరుగుతున్నాయి. అయితే, ఇటీవల కాలంలో యూపీఐ సేవలకు ఛార్జీలు విధిస్తున్నారంటూ సోషల్ మీడియాలో వస్తున్న కొన్ని వదంతులు వసూళ్లలో ఆందోళన కలిగిస్తున్నాయి. యూపీఐ ఛార్జీలపై క్లారిటీ.. సాధారణ వినియోగదారులు ఒకరికొకరు జరుపుకునే వ్యక్తిగత యూపీఐ డబ్బు బదిలీలపై (వ్యక్తిగత డబ్బు బదిలీలు) ఎలాంటి అదనపు రుసుములు విధించడం లేదు. సోషల్ మీడియాలో ప్రచారంలో ఉన్న ఇలాంటి అవాస్తవ ప్రచారాలను వినియోగదారులు నమ్మవద్దని అధికారులు స్పష్టం చేస్తున్నారు. ఏదైనా కొత్త రుసుము లేదా చెల్లింపు విధానంలో మార్పులను తీసుకువస్తే, దానిని నేషనల్ పేమెంట్ కార్పొరేషన్ ఆఫ్ ఇండియా (NPCI) లేదా సంబంధిత ప్రభుత్వ సంస్థలు అధికారికంగా ప్రకటిస్తాయి. కాబట్టి, వినియోగదారులు ఇటువంటి విషయాల్లో కేవలం అధికారికంగా మాత్రమే ప్రామాణికంగా తీసుకోవాలి మర్చంట్ డిస్కౌంట్ రేట్ (MDR)పై జరిగే విధానపరమైన చర్చలు, సాధారణ వినియోగదారు నుండి వసూలు చేసే యూపీఐ రుసుములను ఒకేలా గందరగోళానికి గురికాకూడదు. వ్యాపారులకు సంబంధించిన MDR చర్చలకు, సాధారణ వినియోగదారులు జరిపే రోజువారీ ఉచిత లావాదేవీలకు ఎటువంటి సంబంధం లేదు. 11 కంటే ఎక్కువ దేశాల్లో యూపీఐ సేవలు భారతదేశంలోనే కాకుండా యూపీఐ ఇప్పుడు అంతర్జాతీయంగా కూడా దూసుకుపోతోంది. అధికారిక ప్రకారం, యూపీఐ సేవలు 11 కంటే ఎక్కువ దేశాలలో