Mutual Fund SIP Investments: చాలా మంది దీర్ఘకాలంలో మంచి రాబడి కోసం మ్యూచువల్ ఫండ్లలో ఇన్వెస్ట్ చేస్తుంటారు. చిన్న మొత్తంతోనూ పెట్టుబడులు ప్రారంభించి క్రమంగా దాన్ని పెంచుకుంటూ పోతే సంపద మరింత పెరుగుతుంది. ముఖ్యంగా మ్యూచువల్ ఫండ్లలో సిప్ ద్వారా పెట్టుబడులు పెట్టే వారికి ప్రతి ఏటా జీతం పెరుగుతున్న కొద్దీ సిప్ మొత్తాన్ని కొద్ది మొత్తం పెంచుతూ పోవడం ద్వారా మరింత మంచి ఫలితాలు సాధించే అవకాశం ఉంటుంది. ఇలా సిప్ మొత్తాన్ని ఏటా పెంచడాన్ని స్టెప్ అప్ సిప్ లేదా సిప్ టాప్ అప్గా వ్యవహరిస్తుంటారు. వైట్ఓక్ క్యాపిటల్ విశ్లేషణ ప్రకారం మనం ఇప్పుడు ఈ సిప్ లెక్కల్ని ఒక ఉదాహరణ ద్వారా తెలుసుకుందాం.ఇక్కడ నెలకు రూ. 10 వేల చొప్పున సిప్ పెట్టుబడిని ప్రారంభించి, ఇంకా ప్రతి ఏటా నెలవారీ పెట్టుబడిని రూ. 1000 చొప్పున పెంచుకుంటూ వెళ్తే 25 ఏళ్లలో దాదాపు రూ. 3.49 కోట్ల కార్పస్ను సాధించే అవకాశం ఉంది. అదే సమయంలో నెలకు రూ. 10 వేల చొప్పున ఎలాంటి పెంపు లేకుండా చూస్తే 25 ఏళ్లలో రూ. 2.30 కోట్ల కార్పస్ సమకూరుతుంది. అంటే ఇక్కడ ఏడాదికి రూ. 1000 చొప్పున పెంచితే అదనంగా 25 ఏళ్లలో ఏకంగా రూ. 1.19 కోట్ల మేర కార్పస్ సమకూరిందన్నమాట. ఇలా కచ్చితంగా రూ. 1000 పెంపు అని మాత్రమే కాదు. ఎంతైనా ఎవరి స్థోమతకు తగ్గట్లుగా వారు సిప్ మొత్తాన్ని పెంచుకోవచ్చు. ఇక్కడ కాంపౌండింగ్ ప్రభావం కారణంగానే సంపద వేగంగా పెరుగుతుంది.స్టెప్ అప్ సిప్ ఎలా చేయాలి?ఉదాహరణకు పెట్టుబడిదారు తొలి ఏడాది నెలకు రూ. 10 వేల చొప్పున సిప్ చేస్తే రెండో ఏడాది దీనిని రూ. 1000 పెంచుతారు. అప్పుడు సిప్ పెట్టుబడి రూ. 11 వేలు అవుతుంది. మూడో ఏడాదికి ఇది రూ. 12 వేలుగా మారుతుంది. ఇలా ఏటా రూ. 1000 చొప్పున పెరుగుతూ రూ. 13 వేలు, రూ. 14 వేలు, రూ. 15 వేలు ఇలా సిప్ చేయాల్సి ఉంటుంది. ఇలా 25వ ఏడాదికి చూస్తే ప్రతి నెలా సిప్ రూ. 34 వేలు అవుతుంది. అంటే మొదట్లో పెద్ద మొత్తంలో పెట్టుబడి పెట్టాల్సిన అవసరం లేకుండా ఆదాయం పెరిగే కొద్దీ పెట్టుబడిని క్రమంగా పెంచుకోవచ్చు.Read Also: ప్రతి నెలా రూ. 15 వేల సిప్ చేస్తే 30 ఏళ్లలో ఎంతొస్తుందో తెలుసా? భారీ సంపద.. లెక్కలివేస్టెప్ అప్ సిప్ ప్రయోజనం ఆరంభ సంవత్సరాల్లో పెద్దగా కనిపించకపోవచ్చు. పెట్టుబడి కాలం పెరిగేకొద్దీ సంపద పెరుగుతుంటుంది. ఉదాహరణకు ఐదేళ్ల తర్వాత సాధారణ సిప్, స్టెప్ అప్ సిప్ సంపదలో వ్యత్యాసం రూ. 1.25 లక్షలుగానే ఉంటుంది. పదేళ్లలో ఈ తేడా రూ. 7.38 లక్షలకు చేరుతుంది. 15 ఏళ్లలో రూ. 22.59 లక్షలు, 20 ఏళ్లలో రూ. 53.47 లక్షల వ్యత్యాసం ఉంటుంది. ఇదే 25 ఏళ్లలో చూస్తే ఈ ఐదేళ్లలో దాదాపు రెట్టింపై రూ. 1.19 కోట్లకు చేరుకుంటుంది.Disclaimer: పైన ఇచ్చిన లెక్కలు ఉదాహరణ మాత్రమే. మార్కెట్ పరిస్థితులు, ఫండ్ పనితీరు, పెట్టుబడి కాల వ్యవధి ఆధారంగా వాస్తవ రాబడి మారొచ్చు. పెట్టుబడి నిర్ణయాలు తీసుకునే ముందు మీ ఆర్థిక లక్ష్యాలు, రిస్క్ సామర్థ్యాన్ని పరిగణనలోకి తీసుకోవాలి. ఇంకా ఆర్థిక నిపుణుల సలహా తీసుకోవడం ముఖ్యం.
