World Organ Donation Day News

Bodhan: అవయవ దానంతో మరొకరికి పునర్జన్మ: బోధన్ ఆర్డీవో విజయకుమారి! బోధన్: అవయవ దానంతో ఒక జీవితాన్ని కాపాడవచ్చు అని బోధన్ ఆర్డివో విజయకుమారి పేర్కొన్నారు. బోధన్ పట్టణంలో లైన్స్ క్లబ్, అవయవదాన సంస్థ ఆధ్వర్యంలో గురువారం నిర్వహించిన అంతర్జాతీయ అవయవ దాన దినోత్సవం కార్యక్రమంలో ఆర్డీవో పాల్గొన్నారు. ఈ సందర్భంగా ఆమె మాట్లాడుతూ అవయవదానంతో ఒక వ్యక్తికి పునర్జన్మను ఇచ్చిన వారవుతామని ఆమె పేర్కొన్నారు. చనిపోయిన వ్యక్తి తన అవయవాలను దానం చేయడంతో మరుజన్మల సైతం ప్రపంచాన్ని చూడగలుగుతారని ఆమె ఆకాంక్షించారు. ప్రతి ఒక్కరూ అవయవదానాలపై పూర్తిస్థాయిలో అవగాహన కలిగి ఉండాలన్నారు. ఈ సదస్సులో లైన్స్ క్లబ్ చైర్మన్ బసవేశ్వర రావు, ఇందూర్ విద్యాసంస్థల అధినేత కొడాలి కిషోర్, అవయవ దాన సంస్థ చైర్మన్ కాట్రగడ్డ భారతి, లైన్స్ క్లబ్ మాజీ చైర్మన్ శ్యాంసుందర్ పహాడే పలు విద్యాసంస్థల ప్రతినిధులు పాల్గొన్నారు

ప్రపంచ అవయవదాన దినోత్సవం సందర్భంగా అవయవదానంపై ప్రజల్లో విస్తృత అవగాహన కల్పించాలని ఆంధ్రప్రదేశ్ ఉప ముఖ్యమంత్రి పవన్ కల్యాణ్ పిలుపునిచ్చారు. ఈ మేరకు గురువారం ఆయన 'ఎక్స్' (ట్విట్టర్) వేదికగా ఒక సందేశాన్ని విడుదల చేశారు. అవయవాలను దానం చేయాలనే ఒక చిన్న నిర్ణయం మరొకరికి పునర్జన్మను ప్రసాదిస్తుందని, ఇది అత్యంత శక్తివంతమైన చర్య అని ఆయన పేర్కొన్నారు.అవయవదానం ప్రాముఖ్యతను ప్రజల్లోకి విస్తృతంగా తీసుకెళ్లాలని, తద్వారా మరింత మంది పౌరులు అవయవదాతలుగా మారేలా స్ఫూర్తిని నింపాలని పవన్ కల్యాణ్ కోరారు. "ఒక వ్యక్తి తన జీవిత కాలాన్ని పొడిగించుకోలేని స్థితిలో, మరొకరికి ప్రాణదానం చేయడం ద్వారా తన జీవితానికి ఒక సార్థకతను చేకూర్చుకోవచ్చు" అని ఆయన వ్యాఖ్యానించారు.ప్రతి దానం ఒక నిరీక్షణకు భరోసా అని, ప్రతి దాత తమ మరణానంతరం ఒక గొప్ప వారసత్వాన్ని విడిచి వెళ్తారని పవన్ పేర్కొన్నారు. సమాజంలో అవయవదానం పట్ల ఉదారతను పెంపొందించే సంస్కృతిని అందరం కలిసి నిర్మిద్దామని ఆయన పిలుపునిచ్చారు. "ప్రాణదానం చేయండి.. ఆశను నింపండి, జీవితాలను కాపాడండి" అంటూ తన సందేశంలో పేర్కొన్నారు

ప్రపంచ అవయవ దాన దినోత్సవం సందర్భంగా, మరొక మానవునికి జీవన దానాన్ని అందించగల ఒక నిర్ణయం అపారమైన శక్తిని ఇస్తోందనే విషయాన్ని మనం గుర్తించాలని ఆంధ్రప్రదేశ్ ఉప ముఖ్యమంత్రి పవన్ కల్యాణ్ వ్యాఖ్యానించారు. అమరావతి, ఆగస్టు 13 (ఆంధ్రజ్యోతి): ప్రపంచ అవయవ దాన దినోత్సవం సందర్భంగా, మరొక మానవునికి జీవన దానాన్ని అందించగల ఒక నిర్ణయం అపారమైన శక్తిని ఇస్తోందనే విషయాన్ని మనం గుర్తించాలని ఆంధ్రప్రదేశ్ ఉప ముఖ్యమంత్రి పవన్ కల్యాణ్ (AP Deputy CM Pawan Kalyan) వ్యాఖ్యానించారు. అవయవ దానంపై మరింత అవగాహనను కల్పిద్దామని పేర్కొన్నారు. దాతలుగా మారడానికి అవగాహనతో కూడిన నిబద్ధతను కనబరిచేలా ఎక్కువ మంది పౌరులను ప్రేరేపిద్దామని తెలిపారు. ఒకరి జీవితాన్ని పొడిగించలేనప్పుడు, మరొకరికి జీవితాన్ని ఇవ్వడం ద్వారా దానికి కొత్త అర్థాన్ని ఇవ్వవచ్చని డిప్యూటీ సీఎం వ్యాఖ్యానించారు. ప్రతి దానం ఒక ఆశకు వాగ్దానంగా మారేలా, ప్రతి దాత చిరకాలం నిలిచిపోయే వారసత్వాన్ని వదిలి వెళ్లేలా మనం ఉదారత సంస్కృతిని నిర్మిద్దామని తెలిపారు. జీవితాన్ని దానం చేయాలని.. ఆశను ఇవ్వండి, ప్రాణాలను కాపాడండి అని పవన్ కల్యాణ్ పిలుపునిచ్చారు. చట్టాన్ని చేతుల్లోకి తీసుకునే వారిపై కఠినంగా వ్యవహరించాలి: సీఎం చంద్రబాబు అమరావతి అభివృద్ధిలో మరో ముందడుగు.. సీడ్ యాక్సిస్ రోడ్డు, రెండు స్టీల్ బ్రిడ్జిల ప్రారంభం