Temple News News

Ayodhya Ram Mandir: అయోధ్య రామాలయ తొలి సీఈవోగా విశ్రాంత ఎయిర్‌మార్షల్‌ జితేంద్ర మిశ్ర ఎంపిక! Ayodhya Ram Mandir: ఉత్తర్‌ప్రదేశ్‌లోని పవిత్ర పుణ్యక్షేత్రమైన అయోధ్య శ్రీరామ మందిరానికి తొలి చీఫ్ ఎగ్జిక్యూటివ్ ఆఫీసర్ (CEO) నియామకం ఖరారైంది. రామమందిర తొలి సీఈవోగా విశ్రాంత ఎయిర్‌మార్షల్‌ జితేంద్ర మిశ్ర ఎంపికయ్యారు. భారతీయ వాయుసేనలో దాదాపు 39 ఏళ్లపాటు సుదీర్ఘంగా సేవలు అందించిన జితేంద్ర మిశ్ర, అత్యున్నత రక్షణ రంగ అనుభవాన్ని కలిగి ఉన్నారు. అయోధ్య రామాలయంలో కానుకలు మరియు విరాళాల నిర్వహణపై పలు ఆరోపణలు వెల్లువెత్తిన నేపథ్యంలో, ఈ కీలక పోస్టుకు పారదర్శకతను తీసుకువచ్చేలా నియామక ప్రక్రియను చేపట్టారు. సీఈవో పోస్టు కోసం ఎంపిక కమిటీ అత్యంత కఠినంగా వ్యవహరించి మొత్తం 5,585 దరఖాస్తులను పరిశీలించింది. ప్రాథమిక పరిశీలన అనంతరం 16 మంది అర్హులను ఇంటర్వ్యూలకు ఎంపిక చేశారు. ఇంటర్వ్యూల తర్వాత ముగ్గురి పేర్లతో కూడిన తుది జాబితాను శ్రీరామ జన్మభూమి తీర్థక్షేత్ర ట్రస్టుకు సమర్పించారు. ట్రస్ట్ పరిశీలన తర్వాత జితేంద్ర మిశ్ర నియామకం అధికారికంగా ఖరారైంది. వెబ్ జర్నలిస్ట్ గా నా కెరీర్ HMTV ద్వారా పదేళ్ల క్రితం ప్రారంభం అయింది. పదేళ్లుగా HMTV లోనే వెబ్సైట్ కు ఆర్టికల్స్ రాస్తున్నాను. దాదాపుగా అన్ని కేటగిరీల్లోనూ ముఖ్యంగా తెలంగాణ, ఆంధ్రప్రదేశ్ రాష్ట్రాల వార్తలతో పాటు వివిధ కేటగిరీల్లో అవసరాన్ని బట్టి ఆర్టికల్స్, బ్రేకింగ్ న్యూస్ ను ఇవ్వడం చేస్తున్నాను

తిరుమల శ్రీవారి ఆలయంలో భక్తుల రద్దీ భారీగా పెరిగింది. సర్వదర్శనం కోసం భక్తులు దాదాపు 18 గంటల పాటు క్యూలైన్లలో వేచి ఉండాల్సి వస్తోంది. వైకుంఠం క్యూ కాంప్లెక్స్‌లోని అన్ని కంపార్ట్‌మెంట్లు ఇప్పటికే పూర్తిగా నిండిపోయాయి. దీంతో భక్తులు ఆలయం వెలుపల శిలాతోరణం వరకు క్యూలైన్లలో వేచి ఉండాల్సిన పరిస్థితి నెలకొంది. ఇదిలా ఉండగా, టీటీడీ అధికారులు క్యూలైన్లలో ఉన్న భక్తులకు నిరంతరం అందుబాటులో ఉండి సౌకర్యాలు కల్పిస్తున్నారు. క్యూలైన్లలో ఉన్న భక్తులకు అవసరమైన తాగునీరు, అల్పాహారం వంటి వసతులను టీటీడీ సిబ్బంది అందిస్తున్నారు. ఫలితంగా బుధవారం ఒక్కరోజే 76,464 మంది భక్తులు శ్రీవారిని దర్శించుకున్నారు. ఈ నేపథ్యంలో 36,913 మంది భక్తులు తమ తలనీలాలను స్వామివారికి సమర్పించుకున్నారని గణాంకాలు స్పష్టం చేస్తున్నాయి. వారాంతం సమీపిస్తున్న నేపథ్యంలో భక్తుల రద్దీ మరింత పెరిగే అవకాశం ఉందని అధికారులు అంచనా వేస్తున్నారు. తిరుమల శ్రీవారి దర్శనం కోసం వచ్చే భక్తులు ఈ రద్దీని దృష్టిలో ఉంచుకోవాలని సూచిస్తున్నారు. ఆలయ హుండీ ఆదాయం బుధవారం రోజున ₹4.94 కోట్లుగా నమోదైంది. భక్తులు తమ ప్రయాణ ప్రణాళికలను రద్దీకి అనుగుణంగా మార్చుకోవడం ఉత్తమమని టీటీడీ అధికారులు కోరుతున్నారు

Tondavada: తొండవాడ అగస్త్యేశ్వర ఆలయంలో గోశాల, అన్నదాన భవనాలకు భూమిపూజ! Tondavada: అగస్త్యేశ్వర స్వామి ఆలయంలో గోశాల, అన్నదాన భవనాలకు భూమిపూజ ఉదయం 3:30 గంటలకు గోశాల నిర్మాణానికి శంకుస్థాపన, భూమిపూజ కార్యక్రమాన్ని ఆలయ ధర్మకర్త మొగిలి ఇందుమౌళి రెడ్డి వేద పండితుల సమక్షంలో నిర్వహించారు. అనంతరం ఉదయం 9:30 గంటలకు అన్నదాన భవన నిర్మాణానికి వేద పండితుల ఆధ్వర్యంలో భూమిపూజ కార్యక్రమం నిర్వహించారు. అనంతరం ఉదయం 10 గంటల నుంచి శ్రీ అగస్త్య మహాముని–లోపముద్ర దేవి ఆలయంలో మండల పూజా కార్యక్రమాలు వేద పండితుల ఆధ్వర్యంలో శాస్త్రోక్తంగా నిర్వహించారు. ఈ కార్యక్రమాల్లో ఆలయ ధర్మకర్త మొగిలి ఇందుమౌళి రెడ్డితో పాటు తొండవాడ గ్రామస్తులు, భక్తులు పెద్ద సంఖ్యలో పాల్గొని స్వామివారి ఆశీస్సులు పొందారు. ఆలయంలో గోశాల, అన్నదాన భవన నిర్మాణ కార్యక్రమాలు ప్రారంభం కావడం పట్ల భక్తులు, గ్రామస్తులు హర్షం వ్యక్తం చేశారు

Nellore: నరసింహకొండలో శేషవాహన సేవ, గిరి ప్రదక్షిణ ఉత్సవం! ఈ వార్తకు సంబంధించిన

14 మందికి తీవ్రగాయాలు శ్రావణ సోమవారం, నాగపంచమి కావడంతో బిహార్‌లోని అశోక్‌ధామ్‌ గుడికి పోటెత్తిన జనం మృతుల కుటుంబాలకు రూ. 4లక్షల పరిహారం బిహార్‌ సీఎం సమ్రాట్‌ చౌదరి ప్రకటన ఉజ్జయినిలోనూ తోపులాట.. 13మందికి గాయాలు లఖిసరాయ్‌, ఆగస్టు 17: శ్రావణ సోమవారం వేళ బిహార్‌లోని ప్రముఖ శైవ క్షేత్రం వద్ద విషాదం చోటు చేసుకుంది. లఖిసరాయ్‌ జిల్లాలోని అశోక్‌ధామ్‌ ఆలయానికి కొద్ది దూరంలో ఉన్న రైల్వే స్టేషన్‌ వద్ద జరిగిన తొక్కిసలాటలో ఏడుగురు భక్తులు దుర్మరణం పాలయ్యారు. మరో 14 మంది తీవ్రంగా గాయపడ్డారు. శ్రావణ సోమవారంతో పాటు నాగపంచమి ఒకే రోజు రావడంతో పరమశివుడికి జలాభిషేకం చేసేందుకు ఊహించని రీతిలో భక్తులు పోటెత్తారని అధికారులు తెలిపారు. ఉదయం 6:30 గంటల ప్రాంతంలో భారీ జనసందోహం కారణంగా బారికేడ్లు విరిగి భక్తులు ఒకరిపై ఒకరు పడటంతో ప్రమాదం జరిగిందని వివరించారు. బిహార్‌ సీఎం సామ్రాట్‌ చౌదరి మృతుల కుటుంబాలకు రూ.4లక్షల చొప్పున ఆర్థికసాయం ప్రకటించారు. ఉజ్జయినిలోనూ తొక్కిసలాట శ్రావణ సోమవారం, నాగుల చవితి పర్వదినాలు పురస్కరించుకుని మధ్యప్రదేశ్‌లోని ఉజ్జయినిలోనూ భక్తులు భారీ సంఖ్యలో పోటెత్తారు. ఏడాదికి ఒక్కసారి మాత్రమే తెరుచుకునే నాగచంద్రేశ్వర ఆలయాన్ని దర్శించుకునేందుకు లక్షలాది మంది తరలి రావడంతో పరిస్థితి అదుపు తప్పింది. హరిసిద్ధి ఆలయం వద్ద ఏర్పాటు చేసిన బారికేడ్ల నుంచి కరెంట్‌ షాక్‌ వస్తోందంటూ ఒక్కసారిగా వదంతులు వ్యాపించడంతో తొక్కిసలాట జరిగిందని ప్రత్యక్ష సాక్షులు పేర్కొన్నారు. పశ్చిమబెంగాల్‌లోని తారాపీఠ్‌లో కాళీ ఆలయంలో దర్శనానికి వచ్చిన భక్తులు బస చేసిన హోటల్‌లో అగ్ని ప్రమాదం జరిగి ఎనిమిది మంది చనిపోయారు. ఇవి కూడా చదవండి పేదల ఆరోగ్యం.. మా బాధ్యత: సీఎం రేవంత్‌రెడ్డి స్వీట్ షాపు లైసెన్స్ పునరుద్ధరణలో జాప్యం.. ఎఫ్‌డీఏపై హైకోర్టు గుస్సా

పరేష్ జీ తెలుగు డిజిటల్ మీడియాలో సబ్ ఎడిటర్‌గా పనిచేస్తున్నారు. ఇక్కడ 2024 నుంచి నేషనల్, సోషల్ మీడియా వైరల్ న్యూస్, క్రైమ్, తెలంగాణ, ఏపీ రాజకీయాలు, ఆస్ట్రాలజీ, లైఫ్ స్టైల్ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Ttd chairman br naidu big alert to Tirumala devotees: కలియుగ దైవం, తిరుమల శ్రీవారిని దర్శించుకొవడానికి భక్తులు భారీగా తరలి వస్తున్నారు. ఒకవైపు సెలవులు, లాంగ్ వీకెండ్ కూడా కలిసి రావడంతో తిరుమలలో భారీగా భక్తుల రద్దీ ఒక్కసారిగా పెరిగిపోయింది. ప్రస్తుతం శిలాతోరణం వరకు భక్తులు క్యూలైన్ లలో వేచి ఉన్నారు. ఈ నేపథ్యంలో విపరీతమైన భక్తులు రద్దీతో టీటీడీ కట్టుదిట్టమైన చర్యలు చేపట్టింది. భక్తులకు ఎలాంటి అసౌకర్యం కలగకుండా చర్యలు చేపట్టిందని టీటీడీ చైర్మన్ బీఆర్ నాయుడు ఒక ప్రకటనలో వెల్లడించారు. తిరుమలలో భక్తుల రద్దీ గణనీయంగా పెరిగిన నేపథ్యంలో .. భక్తులు తిరుమల రద్దీని దృష్టిలో ఉంచుకుని, తమ యాత్రను ముందుగా ప్లాన్ చేసుకొవాలన్నారు. దర్శన సమయంలో సంయమనం పాటిస్తూ, టీటీడీ సిబ్బందికి సహకరించాలని కోరారు. వీకెండ్ కావడంతో కంపార్ట్ మెంట్ లు అన్ని భక్తులతో నిండిపోయి, వెలుపల శిలాతోరణం వరకు బారులు తీరాయన్నారు. ప్రస్తుతం దర్శన టికెట్లు, టోకెన్లు లేని సర్వదర్శనం భక్తులకు శ్రీవారిని దర్శించుకోవడానికి సుమారు 18 నుంచి 20 గంటల సమయం పడుతోందని వెల్లడించారు. భక్తులకు అవసరమైన అన్నప్రసాదం, తాగునీరు, వైద్య సేవలుశ్రీవారి సేవకులతో టీటీడీ నిరంతరాయంగా అందిస్తోందన్నారు. కేవలం మూడు రోజుల్లో దాదాపు 33 వేల వాహనాలు తిరుమలకు వచ్చాయని టీటీడీ చైర్మన్ పేర్కొన్నారు. దీంతో కాలుష్య నియంత్రణ అత్యంత అవసరమని టీటీడీ భావిస్తోందన్నారు. Read more: Manasa Varanasi: హీరోయిన్‌తో సెల్ఫీల కోసం ఎగబడ్డ భక్తులు.. ఒకర్ని మరోకరు నెట్టుకుంటూ.. వీడియో వైరల్... టీటీడీ దాతల సహకారంతో తిరుమలలో మరో

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Sabarimala Temple Schedule 2026: ప్రసిద్ధ పుణ్యక్షేత్రమైన శబరిమల శ్రీ ధర్మశాస్త్ర అయ్యప్ప ఆలయం మరోసారి తెరుచుకోనుంది. మలయాళ కేలండర్ ప్రకారం పవిత్రమైన 'చింగం' మాస పూజా కార్యక్రమాల నిమిత్తం ట్రావెన్‌కోర్ దేవస్థానం బోర్డు (టీడీబీ) ఈ ప్రకటన చేసింది. ఈ సందర్భంగా శబరిమల అయ్యప్ప ఆలయం తెరిచి, మూసివేసే షెడ్యూల్ తాజాగా విడుదలైంది. ఆలయ తెరిచే సమయం, షెడ్యూల్ కేరళంలోని శబరిమల అయ్యప్ప ఆలయం ఆదివారం అనగా ఆగస్టు 16న సాయంత్రం సరిగ్గా 5:00 గంటలకు ప్రధాన పూజారి ఆలయ గర్భగుడి తలుపులను తెరుస్తారు. మలయాళ నూతన సంవత్సరం ప్రారంభం కానున్న ఈ నెల 17వ తేదీ ఉదయం 5:00 గంటల నుంచి భక్తులను స్వామివారి దర్శనానికి అనుమతిస్తారు. చింగం మాస పూజల ముగింపు సందర్భంగా అనగా ఈ నెల 21వ తేదీ రాత్రి 10:00 గంటలకు చింగం మాస పూజలు ముగియనుండటంతో ఆలయ గర్భగుడిని మూసివేస్తారు. చింగం మాస పూజల అనంతరం, ఆ రాష్ట్రంలో పెద్దఎత్తున జరుపుకొనే ఓనం పండుగ ప్రత్యేక పూజల కోసం ఆగస్టు 24వ తేదీన శబరిమల అయ్యప్ప ఆలయం తిరిగి తెరుచుకోనుంది. భక్తుల కోసం ప్రత్యేక ఏర్పాట్లు ఈ ప్రత్యేక పూజా సమయాల్లో శబరిమలకు విచ్చేసే అయ్యప్ప భక్తులకు ఎలాంటి అసౌకర్యాలు కలగకుండా టీడీబీ అధికారులు, కేఎస్‌ఆర్‌టీసీ (KSRTC) సిబ్బంది సమన్వయంతో ఏర్పాట్లు చేస్తున్నారు. భక్తుల రద్దీకి తగినట్లుగా ప్రత్యేక బస్సు సర్వీసులు ఏర్పాటు చేశారు. యాత్రికులకు మెరుగైన వసతులు, భద్రతా చర్యలు కల్పించేలా ప్రణాళికలు రూపొందించారు. భక్తుల

రాష్ట్ర ప్రభుత్వం నిర్దేశించుకున్న విజన్‌-2047కు అనుగుణంగా యాదగిరిగుట్ట దేవస్థానం అభివృద్ధికి ఆలయ ధర్మకర్తల మండలి(ట్రస్టు బోర్డు) కీలక నిర్ణయాలు తీసుకుంది. సొంత నిధులు ఇస్తానన్న బోర్డు చైర్మన్‌ సత్యనారాయణరెడ్డి ఆ డబ్బుతో దీక్షాపరుల మండపం, నిత్యకల్యాణ మండపం,వరంగల్‌-హైదరాబాద్‌ హైవేపై స్వాగత తోరణాల నిర్మాణం కొండపై శంఖు, చక్ర, నామాలతో విద్యుత్‌ బోర్డు ఏర్పాటుకు రూ.85లక్షలు ఇస్తానన్న కొణిదెల సురేఖ ఆలయ అభివృద్ధికి ట్రస్టు బోర్డు పలు కీలక నిర్ణయాలు యాదాద్రి, ఆగస్టు 14 (ఆంధ్రజ్యోతి): రాష్ట్ర ప్రభుత్వం నిర్దేశించుకున్న విజన్‌-2047కు అనుగుణంగా యాదగిరిగుట్ట దేవస్థానం అభివృద్ధికి ఆలయ ధర్మకర్తల మండలి(ట్రస్టు బోర్డు) కీలక నిర్ణయాలు తీసుకుంది. చైర్మన్‌ మన్నె సత్యనారాయణరెడ్డి అధ్యక్షతన ట్రస్టు బోర్డు సమావేశమైంది. ఇందులో పలు తీర్మానాలను ఆమోదించారు. ఆ వివరాలను సత్యనారాయణరెడ్డి విలేకరుల సమావేశంలో వెల్లడించారు. మండల దీక్షలు చేపట్టే భక్తుల కోసం కొండపై విష్ణుపుష్కరిణి వద్ద దీక్షాపరుల మండపం, స్వామివారి నిత్యకల్యాణ మండపం, హైదరాబాద్‌-వరంగల్‌ హైవేపై రాయిగిరి వద్ద స్వాగత తోరణ నిర్మాణాలను రూ.55.95కోట్లతో చేపట్టడానికి ట్రస్ట్‌ బోర్టు ఆమోదించింది. ఈ మూడు నిర్మాణాలకు ట్రస్ట్‌ బోర్డు చైర్మన్‌ సత్యనారాయణరెడ్డి తన సొంత నిధులను అందిస్తున్నట్లుగా ప్రకటించారు. కొండపై శంఖు, చక్ర, నామాల విద్యుత్‌ బల్బుల బోర్డును పునరుద్ధరించాలని నిర్ణయించారు. దీనికోసం రూ.85లక్షలను సమకూర్చడానికి ధర్మకర్త కొణిదెల సురేఖ ముందుకు వచ్చారు. మరోవైపు, పెద్దగుట్ట టెంపుల్‌ సిటీపై వేదపాఠశాల, విశ్వవిద్యాలయంతో పాటు 40ఎకరాల్లో మోడల్‌ గోశాల నిర్మాణం చేపట్టాలని నిర్ణయించారు. స్వామివారి భక్తులకు ప్రస్తుతం అందిస్తున్న అన్నప్రసాదాన్ని 2వేల మందికి పెంచారు. తిరుమల తరహాలో టీసీఎస్‌ సహకారలంతో ఆన్‌లైన్‌ సేవలు, టికెట్‌ వ్యవస్థను రూపొందించాలని నిర్ణయించారు. ఇక ఆలయ అభివృద్ధి ప్రణాళికలను రూపొందించడం కోసం ఐఎస్‌బీఇండియన్‌ స్కూల్‌ ఆఫ్‌ బిజినెస్‌) సంస్థను కన్సల్టెంట్‌గా నియమించడానికి ట్రస్టు బోర్డు ఆమోదం తెలియజేసింది. దేవస్థాన విద్యుత్‌ వినియోగ వ్యయభారం తగ్గింపు కోసం 4 మెగావాట్ల సోలార్‌ గ్రిడ్‌ ఏర్పాటు చేయాలని నిర్ణయించారు

Varalakshmi Vratam Arrangments In Tiruchanur: శ్రావణమాసం నేటి నుంచి ప్రారంభమైంది.. ఈ నేపథ్యంలో ఈ మాసంలో అత్యంత విశేషమైన పండుగలు వస్తాయి. అయితే, ఈ నెలలో రెండో శుక్రవారం ఆగష్టు 21వ తేదీ వరలక్ష్మీవ్రతం నిర్వహిస్తున్నారు. తిరుచానూరు శ్రీ పద్మావతి ఆలయంలో వరలక్ష్మీ వ్రతం ఏర్పాట్లకు తిరుమల తిరుపతి దేవస్థానం అన్నీ ఏర్పాట్లను చేస్తోంది. దీనికి సంబంధించిన టిక్కెట్లను కూడా ఆగష్టు 13వ తేదీ ఆన్‌లైన్‌లో విడుదల చేస్తున్నారు. ఆ పూర్తి వివరాలు తెలుసుకుందాం. తిరుచానూరులో శ్రీ పద్మావతి ఆలయంలో అమ్మవారి ఆలయంలో ఆగష్టు 21న నిర్వహించనున్నారు. తిరుమల తిరుపతి దేవస్థానం వరలక్ష్మీ వ్రతం అంగరంగ వైభవంగా నిర్వహించనున్నారు. ఈ నేపథ్యంలో టీటీడీ భక్తులకు ఎలాంటి ఇబ్బందులు కలుగకుండా తగిన ఏర్పాట్లు చేస్తోంది. బుధవారం చంద్రగిరి ఎమ్మెల్యే శ్రీ పులివర్తి నానితో కలిసి టీటీడీ జేఈఓ శరత్‌ కుమార్ సమావేశం నిర్వహించారు. ఆగష్టు 21న శుక్రవారం ఉదయం 10 గంటల నుంచి మధ్యాహ్నం 12 గంటల వరకు వరలక్ష్మీ వ్రతం వైభవంగా జరగనుంది. ఇక అదే రోజు సాయంత్రం అమ్మవార్లను స్వర్ణరథంపై నాలుగు మాఢవీధుల్లో విహరించి భక్తులను కనువిందు చేయనున్నారు. వరలక్ష్మీ వ్రతం సందర్భంగా మహిళా భక్తులు పెద్ద ఎత్తున వచ్చే అవకాశం ఉంది. భక్తులకు ఎలాంటి ఇబ్బంది కలుగకుండా ఆస్థానమండంపం పరిసరాలను పుష్పాలు, విద్యుద్దీపాలతో అలంకరించి, పారిశుద్ధ్య, భద్రతా సిబ్బంది, పార్కింగ్‌ సమస్యలు ఇబ్బందులు లేకుండా చూసుకోవాలని జేఈఓ ఆదేశించారు. వరలక్ష్మీ వ్రతానికి సంబంధించిన ఈరోజు ఉదయం 10 గంటలకే విడుదల చేయనున్నారు. అదేవిధంగా ఆఫ్‌లైన్‌ టిక్కెట్లు ఒక రోజు ముందు విడుదల చేస్తారు. శ్రావణపౌర్ణమి ముందు వచ్చే శుక్రవారం ఈ వరలక్ష్మీవ్రతం ఆచరిస్తారు

జగిత్యాల జిల్లా లో ప్రముఖ పుణ్యక్షేత్రమైన కొండ గట్టు ఆంజనేయ స్వామి దేవస్థానం హుండీలో డమ్మీ 500 నోట్లు కనబడడం సంచలనంగా మారింది. సుమారుగా రెండు లక్షల 50 వేల డమ్మీ నోట్లను గుర్తు తెలియని వ్యక్తులు హుండీలో వేసినట్లు స్థానిక అధికారులు గుర్తించారు. వెంటనే ఈ హుండీలో నుంచి ఆ డమ్మీ నోట్లోనే తీసి పక్కకు పెట్టారు. ఎవరో కావాలనే డమ్మీ నోట్లు హనుమాన్ హుండీలో వేసినట్లు అధికారులు భావిస్తున్నారు. ఇలా ఎందుకు వేసి ఉంటారనే కోణంలో విచారణ చేపడుతున్నారు. అంతేకాకుండా ఈ నాలుగు ఐదు రోజుల్లో సిసి ఫుటేజ్ ని కూడా పరిశీలిస్తున్నారు. ఇప్పటివరకు అయితే ఆ డమ్మీ నోట్లువేసిన వ్యక్తిని గుర్తుపట్టలేదు. అయితే హుండీ భద్రత పైన భక్తుల్లో కలవరం మొదలైంది. హుండీ సమీపంలో సీసీ కెమెరాలు ఉండడంతో, ఈ వ్యక్తిని గుర్తుపట్టే అవకాశం ఉంటుందని అధికారులు భావిస్తున్నారు. ఎప్పుడు రద్దీగా ఉండే ఈ ఆలయంలో కావాలనే డమ్మీ నోట్లు వేశారని తెలుస్తుంది. అయితే.. హుండీ ని పూర్తిస్థాయిలో లెక్కించిన తర్వాత.. ఈ డమ్మీ వ్యవహారం పైన పోలీసులకు ఫిర్యాదు చేస్తామని దేవస్థానం అధికారులు చెబుతున్నారు. మొట్ట మొదటిసారిగా హుండీలో డమ్మీ 500 నోట్లు రావడం కలకలంగా మారింది. ఈ విధంగా హుండీలో 500 డమ్మీ నోట్లు వేసి. భక్తుల మనోభావాలను దెబ్బతీశారని అభిప్రాయం వ్యక్తం అవుతుంది. అధికారులు తక్షణమే స్పందించి.. డమ్మీ నోట్లు వేసిన వ్యక్తుల పైన కఠిన చర్యలు తీసుకోవాలని భక్తులు కోరుతున్నారు. అదేవిధంగా ఇలాంటి సంఘటనలు పునరావృతం కాకుండా చర్యలు తీసుకోవాలని ప్రభుత్వానికి విజ్ఞప్తి చేస్తున్నారు

అయోధ్య రామమందిర వ్యవహారాలను పర్యవేక్షించే సీఈఓ ఎంపిక కోసం ప్రస్తుతం ఇంటర్వ్యూలు జరుగుతున్నాయి. అభ్యర్థులను ఇంటర్వ్యూ పానల్ వివిధ రకాల ప్రశ్నలను అడిగినట్టు జాతీయ మీడియాలో కథనాలు వెలువడ్డాయి. ఇంటర్నెట్ డెస్క్: అయోధ్య రామమందిర వ్యవహారాలను పర్యవేక్షించే సీఈఓ ఎంపిక కోసం ప్రస్తుతం ఇంటర్వ్యూలు జరుగుతున్నాయి. అయోధ్య రామ మందిర ప్రాంగణంలో నిన్న (మంగళవారం) మొదలైన ఇంటర్వ్యూలు నేడూ కొనసాగనున్నాయి. ఇంటర్వ్యూల సందర్భంగా అభ్యర్థులు తమ పరిపాలనా దక్షతకు, అనుభవం, కుటుంబ వివరాలు, మత విశ్వాసాలకు సంబంధించి పలు ప్రశ్నలు ఎదుర్కొన్నట్టు జాతీయ మీడియాలో కథనాలు వెలువడ్డాయి. మంగళవారం మొత్తం 10 మందికి ఇంటర్వ్యూలు జరిగినట్టు జాతీయ మీడియాలో కథనాలు వెలువడ్డాయి. వృత్తిపరమైన అనుభవం, మతవిశ్వాసాలు, వ్యక్తిగత జీవితానికి సంబంధించి వివరాలను గూగుల్ ఫార్మ్‌లో నింపాలని అభ్యర్థులను ఇంటర్వ్యూ పానల్ కోరిందని తెలుస్తోంది. అభ్యర్థులు తమ సీవీలో పేర్కొన్న వివరాల ఆధారంగా ఇంటర్వ్యూ సాగిందని సమాచారం. మీరు శిఖ పెట్టుకుంటారా? జంధ్యం ధరిస్తారా? మీరు శాకాహారులా? మాంసాహారులా అన్న ప్రశ్నలను ఇంటర్వ్యూ ప్యానల్ అడిగినట్టు తెలుస్తోంది. అభ్యర్థులకు మద్యం సేవించే అలవాటు ఉందా? అని ప్యానల్ అడిగినట్టు సమాచారం. గత పని అనుభవం, కుటుంబ నేపథ్యం, దేవాలయంలో భక్తుల రద్దీ నిర్వహణకు సంబంధించి అనేక ప్రశ్నలు అడిగారు. రామమందిరానికి ఉన్న మతపరమైన, సామాజికపరమైన ప్రాముఖ్యం గురించి కూడా ప్యానల్ ప్రశ్నలు అడిగినట్టు తెలిసింది. అభ్యర్థుల పరిపాలన దక్షత, నాయకత్వ సామర్థ్యాలు, దేవాలయ భవిష్యత్తు విషయంలో వారి ఆలోచనలు తెలుసుకునేలా ఇంటర్వ్యూ సాగినట్టు జాతీయ మీడియాలో కథనాలు వెలువడ్డాయి. నిన్న 10 మంది అభ్యర్థుల ఇంటర్వ్యూలు పూర్తిగా కాగా నేడు మిగిలిన 8 మందికి ఇంటర్వ్యూలు నిర్వహించనున్నారు. మాజీ న్యాయమూర్తి జస్టిస్ ప్రమోద్ కోహ్లీ, లెఫ్టినెంట్ జనరల్ విష్ణుకాంత్ చతుర్వేదీ, షిరిడీ సాయిబాబా ట్రస్టు మాజీ చైర్మన్ సురేశ్ హవారే ఈ ఇంటర్వ్యూ పానల్‌లో సభ్యులుగా ఉన్నారు. నిన్న ఉదయం 9 గంటలకు ప్రారంభమైన ఇంటర్వ్యూలు

బోనాల పర్వదినం వేళ హైదరాబాద్‌లోని జూబ్లీహిల్స్‌ పెద్దమ్మతల్లి ఆలయంలో దొంగతనం కలకలం రేపుతోంది. ఆలయానికి వచ్చిన ఓ భక్తురాలి బ్యాగ్‌ను దుండగుడు చోరీ చేశాడు. హైదరాబాద్‌: బోనాల పర్వదినం వేళ జూబ్లీహిల్స్‌ పెద్దమ్మతల్లి ఆలయంలో దొంగతనం కలకలం రేపుతోంది. ఆలయానికి వచ్చిన ఓ భక్తురాలి బ్యాగ్‌ను దుండగుడు చోరీ చేశాడు. బాధిత మహిళ పూజలు చేస్తున్న సమయంలో ఆమె బ్యాగ్‌ను చాకచక్యంగా కత్తిరించాడు. ఆపై అందులోని పౌచ్‌ను అపహరించి అక్కడి నుంచి ఉడాయించాడు. పౌచ్‌లో ఐదు వెండి బిస్కెట్లు, రూ.5 వేలు ఉన్నట్లు బాధితురాలు వాపోయింది. బోనాల సందర్భంగా ఆలయంలో భక్తుల రద్దీ అధికంగా ఉండటాన్ని ఆసరాగా చేసుకున్న దుండగుడు చోరీకి పాల్పడినట్లు తెలుస్తోంది. కాగా, ఘటనపై జూబ్లీహిల్స్‌ పోలీసులను బాధిత భక్తురాలు ఆశ్రయించింది. కేసు నమోదు చేసిన పోలీసులు.. ఆలయంలోని సీసీ కెమెరాల దృశ్యాలను పరిశీలిస్తున్నారు. వాటి ఆధారంగా నిందితుడి కోసం గాలింపు చర్యలు చేపట్టారు. బోనాల సందర్భంగా పెద్దమ్మగుడికి భారీగా భక్తులు వస్తున్నా.. భద్రతా చర్యలు తగినంతగా లేకపోవడంపై పలువురు ఆందోళన వ్యక్తం చేస్తున్నారు. ఆలయం సహా పరిసర ప్రాంతాల్లో నిఘా పెంచాలని భక్తులు విజ్ఞప్తి చేస్తున్నారు. అనుమానాస్పద వ్యక్తుల కదలికలను నిరంతరం పర్యవేక్షించాలని కోరుతున్నారు. పెద్ది సుదర్శన్ రెడ్డి కుటుంబానికి రూ.2.25 కోట్ల చెక్కు అందజేసిన కేసీఆర్ కుమురం భీమ్ ఆశయాల సాధనకు అందరూ ఐక్యంగా కృషి చేయాలి: మంత్రి సీతక్క