Palnadu News News

వినుకొండ : పరిశుభ్రమైన పరిసరాలే ఆరోగ్యవంతమైన సమాజానికి పునాది అని, స్వచ్ఛతను ప్రతి ఒక్కరూ బాధ్యతగా తీసుకుని ఉద్యమంగా మార్చాలని ప్రభుత్వ చీఫ్ విప్ జీవీ ఆంజనేయులు పిలుపునిచ్చారు. శనివారం పల్నాడు జిల్లా వినుకొండ పట్టణం ఓబయ్య కాలనీలో నిర్వహించిన ‘స్వచ్ఛాంధ్ర - స్వర్ణాంధ్ర’ కార్యక్రమంలో ఆయన పాల్గొని మాట్లాడారు. ఈ సందర్భంగా వార్డులో ఇంటింటికీ తిరుగుతూ తడి, పొడి చెత్త వర్గీకరణపై ప్రజలకు అవగాహన కల్పించారు. అలాగే, ప్రతి ఇంటిపై సోలార్ విద్యుత్ ప్లాంట్‌ ఏర్పాటు ప్రాముఖ్యతను వివరించారు. ఆయన వెంట డీసీసీబీ ఛైర్మన్ మక్కెన మల్లికార్జున రావు, నాయకులు, అధికారులు తదితరులు ఉన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

మాచవరం : వైకాపా నేత బొంత గురవయ్యతోపాటు మరో నలుగురిపై ఈ నెల 6వ తేదీన స్థానిక పోలీస్ స్టేషన్లో కేసు నమోదయింది. దర్యాప్తులో భాగంగా వారందరిని శుక్రవారం స్టేషన్‌కు పిలిపించి 41 నోటీసు అందజేసి, ఇంటికి పంపించారు. స్థానిక పోలీసులు వారిని ఎటువంటి వేధింపులకు గురి చేయలేదని గురజాల డీఎస్పీ ఉమామహేశ్వరరావు తెలిపారు. వచ్చే నెల 9న లోక్ అదాలత్‌ ఉండటంతో గతంలో నమోదైన ఒక కేసుకు సంబంధించి రాజీ చేసుకోవాలని సలహా ఇచ్చారన్నారు. అంతేగాని ఎలాంటి ఒత్తిళ్లు, ఇబ్బందులకు గురి చేయలేదని చెప్పారు. ఉద్దేశపూర్వకంగానే వారు స్థానిక ఎస్సై, పోలీసులపై ఆరోపణ చేస్తున్నారని మండిపడ్డారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

మల్లమ్మ సెంటర్‌ (నరసరావుపేట): నరసరావుపేట పట్టణంలో భారీ అగ్నిప్రమాదం చోటుచేసుకుంది. వినుకొండ రోడ్డులోని ఎన్‌ఎస్‌బీ కార్‌ డెక్కర్‌లో సిబ్బంది వెల్డింగ్ పని చేస్తుండగా ప్రమాదవశాత్తూ కారుకు మంటలు అంటుకున్నాయి. ఒక్కసారిగా మంటలు ఎగసిపడటంతో సిబ్బంది కార్‌ సర్వీసింగ్‌ సెంటర్‌ నుంచి బయటకు వచ్చేశారు. మూడు కార్లకు మంటలు వ్యాపించాయి. పరిసర ప్రాంతాల్లో దట్టమైన పొగలు అలుముకున్నాయి. స్థానికులు ఇచ్చిన సమాచారం మేరకు ఆరుగురు సీఐలు, పోలీసు సిబ్బంది, అగ్నిమాపక సిబ్బంది మంటలను అదుపులోకి తీసుకువచ్చారు. ఘటనలో సుమారు రూ.50 లక్షలకు పైగా ఆస్తి నష్టం వాటిల్లినట్లు అగ్నిమాపక సిబ్బంది అంచనా వేస్తున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు