Nda Alliance News

ఆంధ్రప్రదేశ్ (Andhra Pradesh) రాజకీయాల్లో టీడీపీ (TDP), జనసేన (Jana Sena), బీజేపీ (BJP) కలిసి ఏర్పాటు చేసిన ఎన్డీఏ కూటమి (NDA Alliance) ప్రస్తుతం అధికారంలో ఉంది. 2024 ఎన్నికల సమయంలో మూడు పార్టీలు కలిసి పనిచేయడంతో కూటమికి ప్రజల నుంచి మంచి మద్దతు లభించింది. అయితే ప్రభుత్వం ఏర్పడిన తర్వాత కూడా స్థానిక స్థాయిలో కొన్ని సందర్భాల్లో టీడీపీ, జనసేన నాయకులు, కార్యకర్తల మధ్య అభిప్రాయ భేదాలు బయటపడుతూనే ఉన్నాయి. అధినేతలు మాత్రం ఇలాంటి సమస్యలను పక్కన పెట్టి సమన్వయంతో ముందుకు సాగాలని పదేపదే సూచిస్తున్నారు. ఇలాంటి పరిస్థితుల్లో జనసేన ఎమ్మెల్యే పంతం నానాజీ (Pantham Nanaji) చేసిన వ్యాఖ్యలు ఇప్పుడు రాజకీయ చర్చకు కారణమయ్యాయి. ఓ కార్యక్రమంలో మాట్లాడిన ఆయన.. టీడీపీకి కాపు కాయడానికి జనసేన పార్టీ పెట్టారా? అంటూ ప్రశ్నించారు. జనసేన ఆవిర్భావం వెనుక ఉన్న లక్ష్యం వేరని, పవన్ కల్యాణ్ (Pawan Kalyan)ను ముఖ్యమంత్రిగా చూడాలన్నదే తమ పార్టీ కార్యకర్తల ఆకాంక్ష అని ఆయన వ్యాఖ్యానించారు. అయితే ప్రస్తుతం ఎలాంటి రాజకీయ ఉచ్చుల్లో పడకుండా జనసైనికులు సంయమనం పాటించాలని కూడా సూచించారు. నానాజీ వ్యాఖ్యలకు సంబంధించిన వీడియో సోషల్ మీడియాలో విస్తృతంగా చక్కర్లు కొడుతోంది. కొందరు జనసేన కార్యకర్తలు ఆయన మాటలను సమర్థిస్తుండగా, మరికొందరు మాత్రం కూటమి ప్రభుత్వం కొనసాగుతున్న సమయంలో ఇలాంటి వ్యాఖ్యలు చేయడం సరికాదని అభిప్రాయపడుతున్నారు. ముఖ్యంగా మూడు పార్టీల మధ్య సమన్వయం అవసరమైన సమయంలో బహిరంగ విమర్శలు కూటమి ప్రతిష్టపై ప్రభావం చూపే అవకాశం ఉందని రాజకీయ పరిశీలకులు చెబుతున్నారు. వాస్తవానికి టీడీపీ, జనసేన, బీజేపీ నాయకత్వాలు ఇప్పటికే తమ పార్టీ నేతలు పరస్పరం విమర్శలు చేసుకోవద్దని స్పష్టమైన సూచనలు చేశాయి. కూటమి ఐక్యతను కాపాడుకోవాలని, చిన్నచిన్న విభేదాలను చర్చల ద్వారా పరిష్కరించుకోవాలని అధినేతలు చెబుతున్నారు. వైసీపీ (YSR Congress Party)కి కూటమిలోని విభేదాలను రాజకీయంగా ఉపయోగించుకునే అవకాశం ఇవ్వకూడదన్నదే వారి ప్రధాన

ఆంధ్రప్రదేశ్‌లో రాబోయే స్థానిక సంస్థల ఎన్నికల్లో ఎన్డీయే కూటమి భాగస్వాములతో కలిసే బరిలోకి దిగుతామని బీజేపీ రాష్ట్ర అధ్యక్షుడు పీవీఎన్ మాధవ్ స్పష్టం చేశారు. విశాఖపట్నంలో జరిగిన పార్టీ నాయకులు, కార్యకర్తల కీలక సమావేశంలో మాట్లాడిన ఆయన, స్థానిక ఎన్నికల సమన్వయ బాధ్యతలను పర్యవేక్షించేందుకు రాష్ట్ర ఆరోగ్య శాఖ మంత్రి సత్యకుమార్ యాదవ్ నేతృత్వంలో ఒక ప్రత్యేక కమిటీని ఏర్పాటు చేసినట్లు వెల్లడించారు. కూటమి ధర్మాన్ని పాటిస్తూనే వార్డు స్థాయి నుంచి ప్రతి గ్రామంలోనూ కమలం జెండా ఎగిరేలా, స్థానిక పదవులను దక్కించుకునేలా ప్రణాళికలతో ముందుకెళ్లాలని ఆయన పిలుపునిచ్చారు. ప్రధాని మోదీ నాయకత్వంలో చేపడుతున్న అభివృద్ధి ఫలాలను, మన్ కీ బాత్ వేదికగా వ్యక్తమయ్యే సందేశాలను ప్రతి ఇంటా ప్రచారం చేయాలని సూచించారు. అలాగే విశాఖ అభివృద్ధి గురించి ప్రస్తావిస్తూ... దక్షిణ కోస్తా రైల్వే జోన్ సాధనతో పాటు విశాఖ ఉక్కు పరిశ్రమను కాపాడుకున్నామని, ప్రస్తుతం అది లాభాల దిశగా ప్రయాణిస్తోందని పేర్కొన్నారు. పోలవరం నీటిని విశాఖ ప్రాంతానికి అందించే పనులు కూడా వేగవంతమయ్యాయని వివరించారు

మహారాష్ట్ర రాజకీయాల్లో కొంతకాలంగా సాగుతున్న ఊహాగానాలకు నేషనలిస్ట్‌ కాంగ్రెస్‌ పార్టీ (ఎస్పీ) అధినేత శరద్‌ పవార్‌ తెరదించారు. తమ పార్టీ ఎన్డీయేలో చేరబోదని స్పష్టం చేశారు. ప్రతిపక్షంలోనే కొనసాగుతామని పార్టీ నేతలకు తేల్చి చెప్పారు. ప్రభుత్వాన్ని ఎదుర్కొనేందుకు క్షేత్రస్థాయిలో పార్టీని మరింత బలోపేతం చేయాలని ఆదేశించారు.వారాంతంలో జరిగిన రెండు రోజుల పార్టీ సమావేశంలో శరద్‌ పవార్‌ ఈ నిర్ణయాన్ని వెల్లడించారు. బీజేపీ నేతృత్వంలోని ఎన్డీయేలో చేరతారన్న ప్రచారాన్ని పట్టించుకోవద్దని పార్టీ శ్రేణులకు సూచించారు. మహారాష్ట్రతో పాటు జాతీయ స్థాయిలోనూ సమర్థమైన ప్రతిపక్షంగా పనిచేయాలని దిశానిర్దేశం చేశారు.అజిత్‌ పవార్‌ వర్గంతో మళ్లీ కలుస్తారన్న ప్రచారానికి కూడా తాజా నిర్ణయంతో తెరపడినట్లయింది. దీంతో మహారాష్ట్రలోని మహా వికాస్‌ అఘాడీ కూటమికి ఊరట లభించింది. శివసేన (ఉద్ధవ్‌ ఠాక్రే), కాంగ్రెస్‌తో కలిసి ప్రతిపక్ష పోరాటాన్ని కొనసాగించేందుకు మార్గం సుగమమైంది.ఇటీవల శరద్‌ పవార్‌ నేతృత్వంలోని ఎన్సీపీ ఎంపీలు ప్రధాని నరేంద్ర మోదీ, కేంద్ర హోంమంత్రి అమిత్‌ షాను కలిశారు. సుప్రియా సూలే, బజరంగ్‌ సోనావణే నేతృత్వంలో ఎనిమిది మంది లోక్‌సభ సభ్యులు ఈ భేటీలో పాల్గొన్నారు. శరద్‌ పవార్‌ కూడా ప్రభుత్వ పెద్దలను కలవడంతో పార్టీ ఎన్డీయే వైపు వెళుతుందన్న ప్రచారం ఊపందుకుంది.అయితే నియోజకవర్గాల అభివృద్ధి, రైతుల సమస్యలు, ప్రజా ప్రయోజనాల కోసమే ఇలాంటి భేటీలు జరుగుతున్నాయని ఎన్సీపీ (ఎస్పీ) స్పష్టం చేసింది. వీటికి పార్టీ రాజకీయ వైఖరితో సంబంధం లేదని తెలిపింది.పార్టీ మహారాష్ట్ర అధ్యక్షుడు శశికాంత్‌ షిండే కూడా తమ భవిష్యత్‌ కార్యాచరణను వెల్లడించారు. రాష్ట్రవ్యాప్తంగా పర్యటనలు, వర్క్‌షాప్‌లు, సమావేశాలు నిర్వహించనున్నట్లు

గొడ్డలి పార్టీ నాయకులు, కార్యకర్తలు ఫేక్‌ సోషల్‌ మీడియా అకౌంట్లతో కూటమి ఐక్యతకు విఘాతం కలిగించేలా వ్యవహరిస్తున్నారని ఎన్‌డీఏ సోషల్‌ మీడియా సమన్వయ కమిటీ తెలిపింది. అలాంటి వారి పట్ల అప్రమత్తంగా ఉండాలని టీడీపీ, జనసేన, బీజేపీ శ్రేణులకు సూచించింది. కూటమి శ్రేణుల ముసుగులో గొడ్డలి పార్టీ అరాచకం ఫేక్‌ అకౌంట్లతో ఐక్యతను దెబ్బతీసే యత్నాలు మిత్రపక్షాలను విమర్శించొద్దు.. నేతల దృష్టికి తెండి అమరావతి: గొడ్డలి పార్టీ నాయకులు, కార్యకర్తలు ఫేక్‌ సోషల్‌ మీడియా అకౌంట్లతో కూటమి ఐక్యతకు విఘాతం కలిగించేలా వ్యవహరిస్తున్నారని ఎన్‌డీఏ సోషల్‌ మీడియా సమన్వయ కమిటీ తెలిపింది. అలాంటి వారి పట్ల అప్రమత్తంగా ఉండాలని టీడీపీ, జనసేన, బీజేపీ శ్రేణులకు సూచించింది. ‘కొందరు గొడ్డలి పార్టీకి చెందినవారు.. కూటమిలోని ఏదో ఒక పార్టీ అభిమానులుగా నటిస్తూ కూటమిలోని మిత్రపక్షాలను విమర్శిస్తూ.. నేతలను దూషిస్తూ పోస్టులు, కామెంట్లు పెడుతున్నారు. దీంతో అసలైన కూటమి పార్టీల కార్యకర్తలు ఆవేశానికిలోనై మిత్రపక్షాలపై దాడులకు దిగుతున్నారు. చివరికి మనలో మనమే గొడవపడుతూ వైసీపీకి రాజకీయంగా ప్రయోజనం కలిగిస్తున్నాం. ఎన్‌డీఏ భాగస్వామ్య పక్షాలన్నీ కలిసికట్టుగా వైసీపీ వ్యూహాలను తిప్పికొట్టి, కూటమి ప్రభుత్వం చేస్తున్న అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లాల్సిన సమయంలో మనలో మనమే విభేదాలు సృష్టించుకోవడం మిత్రధర్మానికి విరుద్ధం. ఈ పరిస్థితికి స్వస్తి పలికేందుకు ఉమ్మడి కార్యాచరణకు నిర్ణయం తీసుకున్నారు. ఇకపై టీడీపీ, జనసేన, బీజేపీకి చెందిన సోషల్‌ మీడియా కార్యకర్తలెవరైనా మిత్రపక్షాల నేతలు, వారి కుటుంబసభ్యులపై వ్యక్తిగత విమర్శలు, దూ షణలు, పరస్పర కక్షపూరిత ప్రచారానికి పాల్పడితే.. వారు ఏ పార్టీకి చెందిన వారైనా కఠిన చర్యలు తీసుకుంటాం’ అని హెచ్చరించింది. ఈ నిర్ణయం ప్రధాన ఉద్దేశం.. కూటమి కార్యకర్తల ముసుగులో ఉన్న గొడ్డలి పార్టీ వ్యక్తులను గుర్తించి, వారి కుట్రలను అడ్డుకోవడమేనని స్పష్టం చేసింది. అసలైన కూటమి కార్యకర్తలు సంయమనం పాటించాలని సమన్వయ కమిటీ కోరింది

ఆంధ్రప్రదేశ్‌లో అధికారంలో ఉన్న ఎన్డీఏ కూటమి భాగస్వామ్య పార్టీలైన టీడీపీ, జనసేన, బీజేపీ కార్యకర్తలు, అభిమానులకు ముఖ్యగమనిక. సోషల్ మీడియా వేదికగా కార్యకర్తలు, అభిమానులు పరస్పర విమర్శలు చేసుకోవద్దని కూటమి తరఫున సోషల్ మీడియా కోఆర్డినేషన్ కమిటీ కోరింది. ఒకవేళ ఎవరైనా హద్దు మీరితే ఎంతటివారైనా కఠిన చర్యలు తీసుకుంటామని తేల్చి చెప్పారు. కూటమి నేతల మధ్య విభేదాలు సృష్టించేందుకు కొందరు ఫేక్ అకౌంట్లు, సూడో అభిమానులు కుట్ర పన్నుతున్నారని పేర్కొన్నారు. ఈ మేరకు ఒక ప్రకటనను విడుదల చేశారు.'ఇటీవల మన పార్టీ అభిమానులు, కార్యకర్తల ముసుగులో కొన్ని ఫేక్‌ అకౌంట్లు, సూడో అభిమానులుగా వ్యవహరిస్తున్న విషయం మన దృష్టికి వచ్చింది. వీరు ఒక పార్టీకి అభిమానుల్లా నటిస్తూ, మరో మిత్రపక్ష నాయకులను తీవ్రంగా విమర్శించడం, వ్యక్తిగతంగా దూషించడం లేదా వారి ప్రతిష్టకు భంగం కలిగించేలా పోస్టులు, కామెంట్లు చేస్తున్నారు. ఉదాహరణకు, టీడీపీ అభిమానిలా కనిపించే ఒక ఫేక్‌ అకౌంట్‌ చంద్రబాబును పొగుడుతూనే పవన్‌ కళ్యాణ్‌‌ను విమర్శించవచ్చు. జనసేన అభిమానిలా కనిపించే ఫేక్‌ అకౌంట్‌ చంద్రబాబును విమర్శించొచ్చు. దీంతో అసలైన కార్యకర్తలు ఆవేశానికి లోనై మిత్రపక్షాలపై పరస్పరం దాడులకు దిగుతున్నారు. చివరకు మనలో మనమే గొడవపడుతూ, వైఎస్సార్‌సీపీకి రాజకీయంగా, ప్రయోజనం కల్పిస్తున్నాం' అన్నారు.'ఎన్టీఏ భాగస్వామ్య పక్షాలన్నీ కలిసి వైఎస్సార్‌సీపీ వ్యూహాలను తిప్పికొట్టి, కూటమి ప్రభుత్వ అభివృద్ది, సంక్షేను కార్యక్రమాలను ప్రజల్లోకి తీసుకెళ్లాల్సిన సమయంలో, మనలో మనమే విభేదాలు సృష్టించుకోవడం మిత్ర ధర్మానికి విరుద్దం. ఈ పరిస్థితికి ముగింపు పలికేందుకు మూడు మిత్రపక్షాల నాయకత్వం ఉమ్మడి కార్యాచరణకు నిర్ణయం తీసుకుంది. ఇకపై టీదీపీ, జనసేన, బీజేపీకి చెందిన సోషల్‌ మీడియా కార్యకర్తలు ఎవరైనా మిత్రపక్ష నాయకులపై, వారి కుటుంబసభ్యులపై వ్యక్తిగత విమర్శలు, దూషణలు, పరస్పర కక్షపూరిత ప్రచారానికి పాల్పడితే, వారు ఏ పార్టీకి చెందిన వారైనా కఠిన చర్యలు తీసుకోవడం జరుగుతుంది' అని హెచ్చరించారు.'మా ప్రధాన ఉద్దేశ్యం సూడో వ్యక్తులను గుర్తించి, వారి కుట్రలను అడ్డుకోవడం