International Left Handers News

Left Handers: ఇటీవల అంతర్జాతీయ లెఫ్ట్ హ్యాండర్స్ డే సందర్భంగా క్రికెట్ ప్రపంచాన్ని శాసించిన ఆల్-టైమ్ లెఫ్ట్ హ్యాండ్ ఆటగాళ్లతో కూడిన డ్రీమ్ ఎలెవెన్ జట్టును ప్రకటించారు. ప్రపంచవ్యాప్తంగా దాదాపు పది శాతం మంది మాత్రమే లెఫ్ట్ హ్యాండ్ కలిగి ఉండగా, క్రికెట్ మైదానంలో మాత్రం ఈ విధ్వంసకర వీరులు చూపిన ప్రభావం అతీతమైనది. ఎడమచేతి వాటం బ్యాటర్లు క్రీజులో ఉంటే ప్రత్యర్థి బౌలర్ల లైన్ అండ్ లెంగ్త్ దెబ్బతింటుంది. ఈ ఆల్-టైమ్ టీమ్‌కు ఆస్ట్రేలియా దిగ్గజం మ్యాథ్యూ హేడెన్, శ్రీలంక లజెండ్ సనాత్ జయసూర్య ఓపెనర్లుగా ఎంపికయ్యారు. ఆరు అడుగుల రెండంగుళాల పొడవుండే హేడెన్ ప్రత్యర్థి బౌలర్లపై విరుచుకుపడుతూ అంతర్జాతీయ కెరీర్‌లో 15,000 పైగా పరుగులు సాధించాడు. మరోవైపు వన్డేల్లో పవర్ ప్లేల స్వరూపాన్నే మార్చివేసిన జయసూర్య 13,430 పరుగులు చేయడమే కాకుండా, తన ఎడమచేతి స్పిన్‌తో 300 కి పైగా వికెట్లు పడగొట్టి గొప్ప ఆల్‌రౌండర్‌గా నిలిచాడు. మూడో స్థానంలో శ్రీలంక దిగ్గజం కుమార సంగక్కర ఎంపికయ్యాడు. బ్యాటింగ్‌లో అద్భుతమైన టెక్నిక్స్ తో అంతర్జాతీయ మైదానాల్లో వేల పరుగులు సాధించాడు. నాలుగో స్థానంలో వెస్టిండీస్ దిగ్గజం బ్రయాన్ లారా నిలిచాడు. ఎంతటి కొండంత లక్ష్యాన్నైనా, అత్యుత్తమ బౌలింగ్ ఎటాక్‌నైనా తన టైమింగ్‌తో చీల్చిచెండాడే లారా ఖాతాలో అనేక రికార్డులు ఉన్నాయి. ఐదో స్థానంలో భారత విధ్వంసకర ఆల్‌రౌండర్ యుstyle సింగ్ చోటు దక్కించుకున్నాడు. ప్రపంచకప్ టోర్నీల్లో భారత్‌కు చారిత్రక విజయాలు అందించిన యువీ, తన సిక్సర్ల వర్షంతో మ్యాచ్ గమనాన్ని మార్చడంలో సిద్ధహస్తుడు. ఇది కూడా చదవండి : Devdutt Padikkal: ఏడాదిన్నర తపస్సుకు దక్కిన ఫలితం.. సెంచరీ తర్వాత కన్నీరు పెట్టుకున్న పడిక్కల్ ఆరో స్థానంలో ఆస్ట్రేలియా వికెట్ కీపర్ బ్యాటర్ ఆడమ్ గిల్‌క్రిస్ట్ నిలిచాడు. వికెట్ల వెనుక మెరుపు లాంటి కీపింగ్, క్రీజులోకి వస్తే బౌలర్లకు చుక్కలు చూపించే బ్యాటింగ్‌తో గిల్‌క్రిస్ట్ ప్రపంచకప్ విజయాల్లో కీలక పాత్ర పోషించాడు

ఆగస్టు 13న అంతర్జాతీయ ఎడమచేతి వాటం వారి దినోత్సవాన్ని నిర్వహిస్తారు. ఈ సందర్భంగా ఎడమచేతితో పనులు చేసే వారి ప్రత్యేకతలు, అలవాట్లు, ఆసక్తికరమైన విషయాల గురించి తెలుసుకుందాం.. ఇంటర్నెట్ డెస్క్: ప్రతి ఏడాది ఆగస్టు 13న అంతర్జాతీయ ఎడమచేతి వాటం వారి దినోత్సవాన్ని నిర్వహిస్తారు. ఎడమ చేతితో రాయడం, తినడం, ఇతర పనులు చేయడం అలవాటుగా ఉన్నవారు ప్రపంచ జనాభాలో సుమారు 10 శాతం మంది ఉన్నట్లు అంచనాలు చెబుతున్నాయి. ఈ రోజును ఎడమచేతి వాటం వారు ఎదుర్కొనే ఇబ్బందులు, వారి ప్రత్యేకతలపై అవగాహన కల్పించేందుకు నిర్వహిస్తారు. ప్రపంచంలోని చాలా వస్తువులు, పనిముట్లు కుడిచేతి వాటం వారికి అనుకూలంగా రూపొందించబడి ఉంటాయి. దీంతో ఎడమచేతి వాటం వారు కొన్ని సందర్భాల్లో ఇబ్బందులు ఎదుర్కొంటారు. అయినప్పటికీ వారు తమకు అనుకూలమైన విధంగా వాటిని ఉపయోగిస్తూ పనులను పూర్తి చేస్తారు. లెఫ్ట్-హ్యాండర్స్ క్లబ్ వ్యవస్థాపకుడు డీన్ ఆర్. క్యాంప్‌బెల్ 1976లో ఈ దినోత్సవాన్ని ప్రారంభించారు. కొన్ని అధ్యయనాల ప్రకారం.. ఎడమచేతి వాటం వారి ఆలోచనా విధానం, సృజనాత్మకతలో కొన్ని ప్రత్యేకతలు కనిపిస్తాయి. అయితే ఎడమచేతి వాటం ఉన్న ప్రతి ఒక్కరూ ఎక్కువ తెలివితేటలు లేదా అధిక ఐక్యూ కలిగి ఉంటారని చెప్పడానికి తగిన ఆధారాలు లేవు. వారిలో సృజనాత్మకత, సమస్యలను విభిన్నంగా పరిష్కరించే సామర్థ్యం, పరిస్థితులకు అనుగుణంగా మారే లక్షణాలు కనిపించవచ్చని కొన్ని పరిశోధనలు సూచిస్తున్నాయి. క్రికెట్, టెన్నిస్, బాక్సింగ్ వంటి క్రీడల్లో ఎడమచేతి వాటం ఆటగాళ్లు ప్రత్యర్థులకు భిన్నమైన సవాలుగా నిలుస్తారు. రఫెల్ నాదల్, డియెగో మారడోనా, బ్రియాన్ లారా, పీలే వంటి ప్రముఖ క్రీడాకారులు ఎడమచేతి వాటం వారిగా గుర్తింపు పొందారు. మొత్తంగా చూస్తే, ఎడమచేతి వాటం అనేది లోపం కాదు.. ఒక సహజమైన భిన్నత్వం. తమకు అనుకూలంగా లేని పరిస్థితులను అధిగమిస్తూ ప్రత్యేక గుర్తింపు సాధిస్తున్న ఎడమచేతి వాటం వారిని గౌరవించడమే ఈ దినోత్సవం ముఖ్య ఉద్దేశం. Note: ఇందులోని సమాచారం ఇంటర్నెట్‌లో