Indiramma Indlu News

Indiramma Indlu: సొంత ఇంటి కల నెరవేర్చుకోవాలని చూస్తున్న తెలంగాణ పేద ప్రజలకు రేవంత్ సర్కార్ అదిరిపోయే గుడ్ న్యూస్ అందించింది. రెండో విడత ఇందిరమ్మ ఇళ్ల పథకం లబ్ధిదారుల ఎంపిక ప్రక్రియకు రంగం సిద్ధమైంది. రాబోయే సెప్టెంబర్ 15 నాటికి ప్రక్రియను వేగంగా పూర్తి చేసి లబ్ధిదారుల పేర్లను అధికారికంగా ప్రకటించేందుకు యంత్రాంగం వేగంగా అడుగులు వేస్తోంది. హైదరాబాద్‌ వ్యాప్తంగా నిరుపేద కుటుంబాలకు ఇందిరమ్మ ఇళ్ల నిర్మాణాన్ని ఇటీవల ప్రారంభించిన హౌసింగ్ కార్పొరేషన్, ఇప్పుడు రాష్ట్రవ్యాప్తంగా రెండవ విడత పనులను వేగవంతం చేసింది. సెప్టెంబర్ 15 నాటికి అర్హులైన పేదలను గుర్తించి, వారికి అధికారికంగా మంజూరు పత్రాలు అందజేయాలనే పట్టుదలతో అధికారులు పనిచేస్తున్నారు. వచ్చే ఏడాది మార్చి నాటికి రాష్ట్రవ్యాప్తంగా దాదాపు 2.5 లక్షల ఇళ్లను నిర్మించి నిరుపేదలకు పంపిణీ చేయాలని ప్రభుత్వం ఒక స్పష్టమైన లక్ష్యాన్ని నిర్దేశించుకుంది. గుడిసెల్లో నివసించే వారికి తొలి ప్రాధాన్యత ప్రభుత్వం నిర్వహించిన తాజా సర్వేలో రాష్ట్రవ్యాప్తంగా సుమారు 50 వేల కుటుంబాలు సరైన నివాసం లేక గుడిసెలకే పరిమితమైనట్లు తేలింది. ఈ దయనీయ స్థితిని దృష్టిలో ఉంచుకుని రెండో విడత లబ్ధిదారుల ఎంపికలో గుడిసెల ప్రజలకే ప్రథమ ప్రాధాన్యం ఇవ్వాలని హౌసింగ్ బోర్డు నిర్ణయించింది. హైదరాబాద్‌లోని 16 నియోజకవర్గాలను మినహాయించి, రాష్ట్రవ్యాప్తంగా మిగిలిన 100 నియోజకవర్గాల్లో ఒక్కో ప్రాంతానికి 2,500 ఇళ్ల చొప్పున కేటాయించి నిర్మాణాలు చేపట్టేలా ప్రణాళికలు రూపుదిద్దుకున్నాయి. ఇప్పటికే రేకుల ఇళ్లు, బండల ఇళ్లలో నివసిస్తూ పక్కా స్లాబ్ వేసుకోలేక తీవ్ర అవస్థలు పడుతున్న నిరుపేదల కోసం ప్రభుత్వం 'రూఫ్ పునఃప్రారంభం' అనే నూతన కార్యక్రమానికి శ్రీకారం చుట్టింది. ఈ ప్రత్యేక పథకం కింద రాష్ట్రవ్యాప్తంగా 70 వేల గృహాలకు పైకప్పు (స్లాబ్) నిర్మించి ఇచ్చేందుకు నిర్ణయం తీసుకున్నారు. సాధారణ పేదలతో పాటు ఇల్లు ఉండి స్లాబ్ వేసుకోలేని నిరుపేదలకు కూడా ఈ కొత్త నిర్ణయం ద్వారా కొండంత ఊరట లభించనుంది. మొత్తంగా

రెండో విడత ఇందిరమ్మ ఇండ్లు వచ్చే నెలలో కేటాయింపు ప్రక్రియ జీహెచ్‌ఎంసీ పరిధిలో లాటరీ పద్ధతి Indiramma Indlu: తెలంగాణలో సొంతింటి నిరీక్షణలో ఉన్న పేద ప్రజలకు రేవంత్ రెడ్డి ప్రభుత్వం మరో తీపి కబురు అందించింది. రాష్ట్రాన్ని గుడిసెలు లేని పచ్చని ప్రాంతంగా తీర్చిదిద్దడమే ధ్యేయంగా ప్రభుత్వం వేగంగా అడుగులు వేస్తోంది. అందులో భాగంగానే రెండో విడత ఇందిరమ్మ ఇండ్ల కేటాయింపు ప్రక్రియపై అధికార యంత్రాంగానికి స్పష్టమైన దిశానిర్దేశం చేసింది. ఈ విడతలో నిరుపేదలకు, ముఖ్యంగా ప్రస్తుతం గుడిసెలలో నివాసముంటున్న అర్హులకు మొదటి ప్రాధాన్యత ఇస్తూ ఇళ్లను (Indiramma Indlu)మంజూరు చేయాలని హౌసింగ్ కార్పొరేషన్ విసి మరియు ఎండీ గౌతమ్ అధికారులను ఆదేశించారు. Raipur Minor Girl: కన్న కూతురిపై తండ్రి అత్యాచారం.. గర్భందాల్చిన పాప.. రాయ్‌పూర్ ఆస్పత్రిలో అమానుషం వచ్చే నెల 15 నాటికి ప్రక్రియ పూర్తి: రెండో దశ ఇందిరమ్మ ఇండ్ల పంపిణీకి సంబంధించిన అన్ని రకాల ప్రాసెస్ ప్రక్రియను వచ్చే నెల 15వ తేదీ నాటికి పూర్తి చేయాలని అధికారులు గడువు విధించారు. క్షేత్రస్థాయిలో ఎలాంటి పొరపాట్లు జరగకుండా పారదర్శకంగా అర్హులను ఎంపిక చేసి ఇళ్లను కేటాయించేందుకు ముమ్మర ఏర్పాట్లు చేస్తున్నారు. జీహెచ్‌ఎంసీ పరిధిలో లాటరీ పద్ధతి ద్వారా ఎంపిక: గ్రేటర్ హైదరాబాద్ (GHMC) పరిధిలో ఇండ్ల కేటాయింపునకు ప్రత్యేక ప్రణాళిక రూపొందించారు. ఈ నెల 27వ తేదీ నుంచి రోజుకు నాలుగు నియోజకవర్గాల చొప్పున డ్రా తీయనున్నారు. అత్యంత పారదర్శకంగా లాటరీ పద్ధతి ద్వారా అర్హులైన లబ్ధిదారులను ఎంపిక చేసి ఇందిరమ్మ ఇళ్లను కేటాయిస్తామని అధికారులు వెల్లడించారు

కుమురం భీం ఆసిఫాబాద్ జిల్లా కేంద్రంలో రాష్ట్ర మంత్రి జూపల్లి కృష్ణారావు, స్థానిక బీఆర్ఎస్ ఎమ్మెల్యే కోవ లక్ష్మి మధ్య తీవ్ర వాగ్వాదం చోటుచేసుకుంది. మంగళవారం కలెక్టరేట్‌లో నిర్వహించిన ఓ ప్రభుత్వ కార్యక్రమంలో చోటుచేసుకున్న ఈ ఘటన, ఇరు పార్టీల మధ్య నెలకొన్న రాజకీయ వేడికి అద్దం పట్టింది.ఇందిరమ్మ మైనారిటీ మహిళా శక్తి పథకం కింద కుట్టు మిషన్ల పంపిణీతో పాటు, ఇందిరమ్మ ఇళ్ల రెండో విడత మంజూరు పత్రాల పంపిణీ కార్యక్రమానికి ఉమ్మడి ఆదిలాబాద్ జిల్లా ఇన్‌ఛార్జ్ మంత్రి జూపల్లి కృష్ణారావు ముఖ్య అతిథిగా హాజరయ్యారు. ఈ సందర్భంగా ఎమ్మెల్యే కోవ లక్ష్మి మాట్లాడుతూ, నియోజకవర్గంలో రూ. 2.50 కోట్లతో సమేల రోడ్డు, రూ. 1.50 కోట్లతో పాతగూడ రోడ్డు పనులకు శంకుస్థాపన చేసినప్పటికీ, పనులు ఎందుకు ప్రారంభం కాలేదని మంత్రిని ప్రశ్నించారు. స్వయంగా మంత్రి ప్రారంభించిన పనులకే ఈ పరిస్థితి ఎదురైతే అభివృద్ధి ఎలా సాధ్యమని ఆమె నిలదీశారు.దీనిపై మంత్రి జూపల్లి స్పందిస్తూ, 2018 నుంచి 2023 మధ్య కాలంలో ఆసిఫాబాద్ నియోజకవర్గంలో ఎన్ని ఇళ్లు నిర్మించారో చెప్పాలని ఎమ్మెల్యేను ఎదురు ప్రశ్నించారు. దీంతో ఇరువురి మధ్య మాటల యుద్ధం ముదిరింది. గత ప్రభుత్వ హయాంలో కల్యాణలక్ష్మి, రైతుబంధు వంటి ఎన్నో పథకాలను విజయవంతంగా అమలు చేశామని, మంత్రి వ్యాఖ్యలు సరికాదని కోవ లక్ష్మి కౌంటర్ ఇచ్చారు.అనంతరం మంత్రి జూపల్లి మాట్లాడుతూ, గత కేసీఆర్ ప్రభుత్వం రాష్ట్రాన్ని రూ. 8.25 లక్షల కోట్ల అప్పుల కుప్పగా మార్చిందని ఆరోపించారు. రాష్ట్ర ఖజానా నుంచి ప్రతి

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది. CM Revanth Independence Day 2026 Speech: జై తెలంగాణ' అంటూ ప్రసంగాన్ని ప్రారంభించిన సీఎం రేవంత్, ప్రజలందరికీ స్వాతంత్ర దినోత్సవ శుభాకాంక్షలు తెలిపారు. మహాత్మా గాంధీ అహింసా మార్గం, జవహర్లాల్ నెహ్రూ ప్రజాస్వామ్య పోరాటాలను, మహనీయుల త్యాగాలను స్మరించుకున్నారు. దేశంలో జరిగిన హరిత, శ్వేత, నీలి విప్లవాల అభివృద్ధిని ప్రస్తావించారు. గత 32 నెలల్లో దెబ్బతిన్న వ్యవస్థలను సరిచేస్తూ సంక్షేమ పథకాలను విస్తరిస్తున్నామని తెలిపారు. తెలంగాణ తలసరి ఆదాయం దేశ సగటుతో పోలిస్తే 91 శాతం ఉందనే సానుకూల అంశాన్ని వెల్లడించారు. వ్యవసాయ రంగం.. రైతుల సంక్షేమం.. రూ. 2 లక్షల వరకు పంట రుణాలు మాఫీ చేశామని, సన్న వడ్లకు క్వింటాకు రూ. 500 బోనస్ చెల్లిస్తున్నామని చెప్పారు. యాసంగిలో 8,500 కొనుగోలు కేంద్రాల ద్వారా 81,12,000 టన్నుల వరి ధాన్యాన్ని కొనుగోలు చేశామని, వ్యవసాయంలో తెలంగాణ పంజాబ్‌ను మించిందని స్పష్టం చేశారు. కృష్ణా, గోదావరి నదుల నీటి విషయంలో రాజీ పడే ప్రసక్తే లేదని, పెండింగ్ ప్రాజెక్టులను పూర్తి చేస్తామని హామీ ఇచ్చారు. మహిళా సాధికారత.. సంక్షేమ పథకాలు.. ఉచిత బస్సు ప్రయాణం ద్వారా ప్రతిరోజూ 34 లక్షల మంది మహిళలు ప్రయోజనం పొందుతున్నారని తెలిపారు. 200 యూనిట్ల ఉచిత విద్యుత్, రూ. 500లకే గ్యాస్ సిలిండర్, కల్యాణ లక్ష్మి, షాదీ ముబారక్ పథకాలను అందిస్తున్నట్లు వివరించారు. వడ్డీ లేని రుణాలు అందించడంతో పాటు ఉత్పత్తుల మార్కెటింగ్ కోసం హైటెక్ సిటీ, శిల్పారామం వేదికలుగా కల్పిస్తున్నామని చెప్పారు. ఇందిరమ్మ ఇళ్లు.. రేషన్ కార్డులు.. ఎన్నో ఏళ్లుగా రేషన్ కార్డుల కోసం ఎదురుచూస్తున్న వారికి స్మార్ట్ కార్డుల

హైదరాబాద్‌: నగరంలో పేద, మధ్యతరగతి కుటుంబాలకు సొంతింటి సౌకర్యం కల్పించే లక్ష్యంతో ప్రభుత్వం చేపట్టిన ఇందిరమ్మ ఇండ్ల టవర్స్‌ నిర్మాణానికి నేడు శ్రీకారం చుట్టనున్నారు. కేపీహెచ్‌బీ కాలనీలో సీఎం రేవంత్‌రెడ్డి ఇందిరమ్మ ఇండ్ల టవర్స్‌కు భూమిపూజ చేయనున్నారు. హైదరాబాద్‌ పరిధిలో మొత్తం లక్ష ఫ్లాట్ల నిర్మాణాన్ని ప్రభుత్వం లక్ష్యంగా పెట్టుకుంది. CURE పరిధిలో 12 వేల ఫ్లాట్ల నిర్మాణాన్ని పైలట్ ప్రాజెక్టుగా ప్రభుత్వం చేపడుతోంది. ఇందులో భాగంగా తొలి దశలో 18 ప్రాంతాల్లో 7,340 ఫ్లాట్లను నిర్మించేందుకు సిద్ధమైంది. హైదరాబాద్‌లోని 16 అసెంబ్లీ నియోజకవర్గాల పరిధిలో ఈ ప్రాజెక్టులను నిర్మించబోతున్నారు. ఇందుకోసం ప్రభుత్వం రూ.807.40 కోట్ల పరిపాలనా అనుమతులు మంజూరు చేసింది. ఈ పథకం కింద ఇందిరమ్మ ఫ్లాట్లలో ఒక్కో యూనిట్‌కు ప్రభుత్వం రూ.5 లక్షల సబ్సిడీ ఇవ్వనుంది. అంటే మోత్తం ఫ్లాట్ నిర్మాణారికి రూ.11లక్షలు కాగా.. లబ్ధిదారుడి వాటా రూ.6 లక్షలుగా నిర్ణయించారు. ఒక్కో ఫ్లాట్‌లో 400 చదరపు అడుగుల కార్పెట్ ఏరియా, 528 చదరపు అడుగుల బిల్టప్ ఏరియా ఉండేలా నిర్మాణం చేపట్టనున్నారు. ఈ ఇందిరమ్మ ఫ్లాట్లను పొందాలి అంటే లబ్ధిదారుడి కుటుంబ వార్షిక ఆదాయం రూ.6 లక్షలు దాటకూడదు. అలాగే దరఖాస్తుదారుడికి CURE పరిధిలో ఎలాంటి సొంత ఇల్లు, స్థలం లేదా ఫ్లాట్ ఉండకూడదు. ఒక ఫ్యామిలీకి కేవలం ఒక ఫ్లాట్ మాత్రమే కేటాయిస్తారు. దరఖాస్తుదారు ప్రస్తుతం నివసిస్తున్న అసెంబ్లీ నియోజకవర్గ పరిధిలోని ప్రాజెక్టుకే దరఖాస్తు చేసుకోవాల్సి ఉంటుంది. ఇందిరమ్మ ఫ్లాట్ల కోసం దరఖాస్తుల స్వీకరణకు ఆగస్టు 15 చివరి తేదీగా నిర్ణయించారు. అర్హతలను పరిశీలించిన అనంతరం లాటరీ విధానంలో ఫ్లాట్లను కేటాయిస్తారు. దరఖాస్తు సమయంలో సర్టిఫికెట్లు సమర్పించాల్సిన అవసరం లేదు. రూ.100 దరఖాస్తు ఫీజుతో పాటు రూ.10 వేల టోకెన్ అడ్వాన్స్ చెల్లించాలి. ఫ్లాట్ కేటాయింపు జరగకపోతే ఈ మొత్తాన్ని తిరిగి చెల్లిస్తారు. ఫ్లాట్ కేటాయిస్తే లబ్ధిదారుడి వాటాలో సర్దుబాటు చేస్తారు. ఫ్లాట్ల కేటాయింపులో వివిధ వర్గాలకు రిజర్వేషన్లు

హైదరాబాద్‌ పరిధిలో ఇందిరమ్మ ఇళ్ల కోసం దరఖాస్తు చేసుకునే వారికి తెలంగాణ ప్రభుత్వం మరో అవకాశం కల్పించింది. దరఖాస్తుల స్వీకరణ గడువును ఆగస్టు 15 వరకు పొడిగిస్తున్నట్లు రాష్ట్ర రెవెన్యూ, గృహనిర్మాణ శాఖల మంత్రి పొంగులేటి శ్రీనివాసరెడ్డి ప్రకటించారు. రెండో శనివారం, బోనాల పండుగ వంటి వరుస సెలవుల కారణంగా కొందరు దరఖాస్తుదారులు ఇబ్బందులు ఎదుర్కొనే అవకాశం ఉన్నందున ఈ నిర్ణయం తీసుకున్నట్లు మంత్రి తెలిపారు. గత నెల 21వ తేదీ నుంచి ఆగస్టు 10 వరకు దరఖాస్తులు స్వీకరించేందుకు ప్రభుత్వం అవకాశం కల్పించింది. అయితే సోమవారం సాయంత్రం వరకు హైదరాబాద్‌ పరిధిలో మొత్తం 46,121 దరఖాస్తులు అందినట్లు మంత్రి వెల్లడించారు. మరింత మంది అర్హులు దరఖాస్తు చేసుకునే అవకాశం కల్పించేందుకు గడువును మరో ఐదు రోజులు పెంచుతున్నట్లు తెలిపారు. ఆగస్టు 15తో దరఖాస్తుల స్వీకరణ ముగిసిన అనంతరం పరిశీలన ప్రక్రియను వేగవంతం చేసి, ఈ నెలాఖరు నాటికి ఇళ్ల కేటాయింపు ప్రక్రియను పూర్తి చేయాలని ప్రభుత్వం లక్ష్యంగా పెట్టుకుంది.ఇందిరమ్మ ఇళ్ల పథకం కింద అర్హత కలిగిన నిరుపేద కుటుంబాలకు ఇల్లు నిర్మించుకునేందుకు ప్రభుత్వం రూ.5 లక్షల ఆర్థిక సహాయం అందించేలా మార్గదర్శకాలు రూపొందించింది. తొలి దశలో రాష్ట్రవ్యాప్తంగా 4.50 లక్షల ఇళ్ల నిర్మాణాన్ని చేపట్టాలని ప్రభుత్వం నిర్ణయించింది. అర్హత నిర్ధారణలో కుటుంబ ఆర్థిక పరిస్థితి, సొంత స్థలం లేదా ప్రభుత్వ స్థలం, నివాస పరిస్థితులు తదితర అంశాలను పరిగణనలోకి తీసుకుంటారు. హైదరాబాద్‌ పరిధిలో నియోజకవర్గాల వారీగా చూస్తే కూకట్‌పల్లి నుంచి అత్యధికంగా 6,615 దరఖాస్తులు వచ్చాయి. కుత్బుల్లాపూర్‌లో 5,571, ఖైరతాబాద్‌లో 5,518 దరఖాస్తులు నమోదయ్యాయి. నాంపల్లిలో 4,372, మలక్‌పేటలో 3,609, శేరిలింగంపల్లిలో 3,488, అంబర్‌పేటలో 3,073 దరఖాస్తులు వచ్చాయి. ఇక కార్వాన్‌లో 2,184, రాజేంద్రనగర్‌లో 2,060, సికింద్రాబాద్‌ కంటోన్మెంట్‌లో 1,755, బహదూర్‌పురలో 1,706, మేడ్చల్‌లో 1,668, సనత్‌నగర్‌లో 1,404, మల్కాజిగిరిలో 1,333, ఇబ్రహీంపట్నంలో 1,031 దరఖాస్తులు అందాయి. మహేశ్వరం నుంచి 734 దరఖాస్తులు

Telangana Government : హైదరాబాద్ నగరంలో ఇండ్లులేని పేదలకు ఇందిరమ్మ ఇండ్ల పథకం ద్వారా సొంతింటి కలను సాకారం చేసేందుకు తెలంగాణ ప్రభుత్వం చర్యలు చేపట్టింది. ఇందులో భాగంగా హైదరాబాద్ కోర్ అర్బన్ రీజియన్ (CURE) పరిధిలో ఇందిరమ్మ ఇళ్ల టవర్స్ ను నిర్మించి ఇస్తోంది. 16 నియోజకవర్గాల్లో నిర్మిస్తున్న మొత్తం 7,340 ఇళ్ల కోసం ఆగస్టు 10వ తేదీ వరకు అధికారులు దరఖాస్తులు స్వీకరించారు. వీటికోసం భారీ సంఖ్యలో దరఖాస్తులు వచ్చాయి.స అయితే, వరుసగా సెలవులు రావడంతో చాలా మంది పేదలు ఇందిరమ్మ ఇళ్ల కోసం తమ దరఖాస్తులను గడువులోపు సమర్పి పోయారు. ఈ విషయాన్ని గుర్తించిన ప్రభుత్వం వారికి శుభవార్త చెప్పింది. వరుస సెలవులు రావడంతో గడువును ఈ నెల 15 వరకు పొడిగిస్తున్నట్లు హౌసింగ్‌ బోర్డు ప్రకటించింది. ఇదిలాఉంటే.. ఎల్‌ఐజీ ఇళ్ల కోసం సోమవారం వరకు సుమారు 46 వేల మంది దరఖాస్తు చేసుకున్నట్లు అధికారులు తెలిపారు. తొలి దశలో హైదరాబాద్‌లోని 16 అసెంబ్లీ నియోజకవర్గాల్లో ఇందిరమ్మ LIG ఫ్లాట్ల నిర్మాణానికి ప్రభుత్వం ప్రణాళిక రూపొందించింది. ఒక్కో ఫ్లాట్ విస్తీర్ణం సుమారు 525 చదరపు అడుగులు. ఒక్కో ఫ్లాట్ మొత్తం వ్యయం రూ.11 లక్షలుగా ఉండగా, ప్రభుత్వం రూ.5 లక్షల సబ్సిడీ భరిస్తుంది. లబ్ధిదారుడు మిగిలిన రూ.6 లక్షలను చెల్లించాల్సి ఉంటుంది