Indian Sports News

న్యూఢిల్లీలోని ఇందిరా గాంధీ ఇండోర్ స్టేడియంలో జరిగిన బీడబ్ల్యూఎఫ్ వరల్డ్ ఛాంపియన్‌షిప్ మహిళల సింగిల్స్ ప్రీ-క్వార్టర్స్‌లో భారత స్టార్ షట్లర్ పివి సింధు ఓటమిపాలైంది. చైనాకు చెందిన ప్రపంచ నంబర్ 3 క్రీడాకారిణి వాంగ్ జి యితో జరిగిన హోరాహోరీ పోరులో సింధు నిరాశపరిచింది. సుమారు 90 నిమిషాల పాటు సాగిన ఈ మ్యాచ్‌లో సింధు 11-21, 21-15, 17-21 తేడాతో పరాజయం పాలైంది. వరల్డ్ ఛాంపియన్‌షిప్ చరిత్రలో చైనా షట్లర్లపై సింధుకు అద్భుతమైన అజేయ రికార్డు ఉండేది. గతంలో చైనా ఆటగాళ్లతో ఎదురైన 8 పోరుల్లోనూ సింధునే విజయం వరించింది. అయితే ఈ మ్యాచ్‌లో ఆ రికార్డు తొలిసారి తారుమారైంది. మ్యాచ్ నిర్ణయాత్మక మూడో గేమ్‌లో ఇరువురు 16-16 పాయింట్లతో సమంగా ఉన్నప్పుడు ఉత్కంఠ తీవ్రస్థాయికి చేరింది. దీంతో వాంగ్ జి యి మస్కుల్ పెయిన్ నెపంతో మెడికల్ టైమ్‌అవుట్ తీసుకుంది. ఇదిలా ఉండగా ఆ సుదీర్ఘ విరామం తర్వాత సింధు మైదానంలో తన ఏకాగ్రతను కోల్పోయింది. ఫలితంగా సింధు వరుసగా అనవసర తప్పిదాలు చేసి పాయింట్లను ప్రత్యర్థికి సమర్పించుకుంది. ఈ నేపథ్యంలో మ్యాచ్ ముగిసిన అనంతరం సింధు స్పందిస్తూ, ప్రత్యర్థి తీసుకున్న ఆ మెడికల్ టైమ్‌అవుట్ మైండ్ గేమ్‌లో భాగంగా వ్యూహాత్మకంగా చేసిందా అనే సందేహాన్ని వ్యక్తపరిచింది. ఈ పరాజయంతో ప్రపంచ ఛాంపియన్‌షిప్‌లో ఆరో పతకాన్ని ముద్దాడాలన్న సింధు కల నెరవేరలేదు. మరోవైపు మహిళల సింగిల్స్ విభాగంలో భారత్ తరఫున పోరాటం పూర్తిగా ముగిసింది. అయితే డబుల్స్ విభాగంలో భారత్‌కు పతక ఆశలు ఇంకా సజీవంగానే ఉన్నాయి. పురుషుల డబుల్స్‌లో సాత్విక్-చిరాగ్ జంట, మహిళల డబుల్స్‌లో ట్రీసా-గాయత్రి జోడీలు క్వార్టర్ ఫైనల్స్‌కు చేరుకుని ముందంజ వేశాయి

కామన్వెల్త్‌ గేమ్స్‌ 2026లో పతకాలు సాధించిన భారత క్రీడాకారులను ప్రధానమంత్రి నరేంద్ర మోదీ అభినందించారు. ఆదివారం సీడబ్ల్యూజీ పతక విజేతలతో మోదీ సమావేశమై వారి ప్రదర్శనను ప్రశంసించారు. ఇంటర్నెట్ డెస్క్: కామన్వెల్త్‌ గేమ్స్‌ 2026లో పతకాలు సాధించిన భారత క్రీడాకారులను ప్రధానమంత్రి నరేంద్ర మోదీ అభినందించారు. ఆదివారం సీడబ్ల్యూజీ పతక విజేతలతో మోదీ సమావేశమై వారి ప్రదర్శనను ప్రశంసించారు. అంతర్జాతీయ వేదికపై దేశానికి ప్రాతినిధ్యం వహించేందుకు వారు చూపిన పట్టుదల, కృషిని కొనియాడారు. దేశంలో క్రీడా సంస్కృతిని మరింత బలోపేతం చేయాల్సిన అవసరం ఉందని మోదీ పేర్కొన్నారు. అన్ని క్రీడల్లోని క్రీడాకారులను ప్రోత్సహించాలని.. యువత మరింత మంది క్రీడల వైపు వచ్చేలా వాతావరణాన్ని కల్పించాలని పిలుపునిచ్చారు. ‘జో ఖేలేగా వో ఖిలేగా. భారత్‌కు ఎప్పుడూ మద్దతుగా నిలవండి. భారత్‌ మాతా కీ జై!’ అంటూ మోదీ ఇన్‌స్టాగ్రామ్‌లో పోస్టు చేశారు. యువత క్రీడల్లో పాల్గొనాల్సిన అవసరాన్ని తెలియజేస్తూ గతంలోనూ ఆయన ‘జో ఖేలేగా వో ఖిలేగా’ నినాదాన్ని పలుమార్లు ప్రస్తావించిన సంగతి తెలిసిందే. ప్రధానితో సమావేశమైన బాక్సింగ్‌ స్వర్ణ పతక విజేత సాక్షి చౌదరి ఈ భేటీపై ఆనందం వ్యక్తం చేశారు. ‘కామన్వెల్త్‌ గేమ్స్‌ పతక విజేతలందరినీ ప్రధానమంత్రి ఆహ్వానించారు. ఆయనను కలవడం ఎంతో గర్వంగా, సంతోషంగా అనిపించింది. ప్రధానమంత్రి చాలా సౌమ్యంగా ఉంటారు. ఆయనతో మాట్లాడటం అద్భుతమైన అనుభవం’ అని సాక్షి తెలిపింది. గ్లాస్గోలో జరిగిన కామన్వెల్త్‌ గేమ్స్‌లో భారత పతకాల వేటలో బాక్సింగ్‌ కీలక పాత్ర పోషించింది. భారత బాక్సర్లు మొత్తం 10 పతకాలు సాధించగా.. అందులో ఏడు స్వర్ణాలు ఉన్నాయి. కామన్వెల్త్‌ గేమ్స్‌ చరిత్రలో భారత బాక్సింగ్‌కు ఇదే అత్యుత్తమ ప్రదర్శనగా నిలిచింది. ముఖ్యంగా భారత మహిళా బాక్సర్లు అదరగొట్టారు. ఏడు స్వర్ణాల్లో ఐదు మహిళల ఖాతాలోనే చేరాయి. శ్రీలంక ఎలెవన్‌తో వార్మప్ మ్యాచ్.. టీమిండియా ఘన విజయం బంగ్లాదేశ్‌ పర్యటనకు టీమిండియా.. కేంద్రం అనుమతి కోరనున్న బీసీసీఐ!