Dharman Movie News

కోలీవుడ్ సూపర్‌స్టార్ రజనీకాంత్ ప్రస్తుతం వరుస సినిమాలతో దూసుకుపోతున్నారు. త్వరలో ‘జైలర్ 2’ చిత్రంతో ఆయన ప్రేక్షకులను పలకరించనున్నారు. ఆ వెంటనే ‘ధర్మన్’ రానుంది. కోలీవుడ్ సూపర్‌స్టార్ రజనీకాంత్ (Super Star Rajinikanth) ప్రస్తుతం వరుస సినిమాలతో దూసుకుపోతున్నారు. ‘జైలర్’ (Jailer) మూవీతో సెన్సేషనల్ హిట్ కొట్టిన తలైవా, ప్రస్తుతం నెల్సన్ దిలీప్‌కుమార్ దర్శకత్వంలో ‘జైలర్-2’ (Jailer 2)లో నటిస్తున్నారు. అనిరుధ్ రవిచందర్ సంగీతం అందిస్తోన్న ఈ భారీ సీక్వెల్ అక్టోబర్ 15న ప్రేక్షకుల ముందుకు రాబోతోంది. దీనిపై ఇప్పటికే అంచనాలు ఆకాశాన్ని తాకుతుండగా... రజనీకాంత్ తన తదుపరి ప్రాజెక్ట్ అయిన ‘ధర్మన్’ను ‘డ్రాగన్’ ఫేమ్ అశ్విన్ మారిముత్తు దర్శకత్వంలో చేస్తున్నారు. లోకనాయకుడు కమల్ హాసన్ తన సొంత బ్యానర్ రాజ్ కమల్ ఫిల్మ్స్ ఇంటర్నేషనల్’ పై ఈ సినిమాను ఎంతో ప్రతిష్టాత్మకంగా నిర్మిస్తున్నారు. అయితే ఇప్పుడు ఈ ‘ధర్మన్’ సినిమాకు సంబంధించి సోషల్ మీడియాలో ఒక క్రేజీ అప్‌డేట్ వైరల్ అవుతోంది. అదేంటంటే... ఈ సినిమాలో సూపర్‌స్టార్ రజనీకాంత్ అల్లుడి పాత్రలో టాలీవుడ్ ఎనర్జిటిక్ స్టార్ రామ్ పోతినేని (Ram Pothineni) నటించబోతున్నారట. తమిళంతో పాటు తెలుగు, ఇతర భాషల్లో కూడా ఈ సినిమాపై భారీ హైప్ క్రియేట్ చేయాలనే ప్లాన్‌తో మేకర్స్ రామ్‌ను ఈ పవర్‌ఫుల్ రోల్ కోసం సంప్రదించారని సమాచారం. ఇప్పటికే రామ్ పోతినేనికి డైరెక్టర్ కథ చెప్పడం, ఆయనకు నచ్చడంతో వెంటనే గ్రీన్ సిగ్నల్ ఇచ్చేయడం కూడా జరిగిపోయాయని సినీ వర్గాల్లో టాక్ నడుస్తోంది. అయితే ఈ రోల్ విషయంలో మరొక ఆసక్తికరమైన వార్త కూడా బయటకు వచ్చింది. రామ్ కంటే ముందు ‘ధర్మన్’ మూవీ టీమ్ ఈ పవర్‌ఫుల్ రోల్ కోసం వర్సటైల్ నటుడు విక్రమ్‌ను సంప్రదించిందట. కానీ కొన్ని కారణాల వల్ల విక్రమ్ ఈ ఆఫర్‌ను తిరస్కరించడంతో, వెంటనే రామ్ పోతినేనిని ఖరారు చేశారని అంటున్నారు. ఇక ఈ సినిమా మామా-అల్లుళ్ల మధ్య జరిగే కక్షలు

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. Rajinikanth:సూపర్‌స్టార్ రజనీకాంత్‌ ప్రధాన పాత్రలో తెరకెక్కుతున్న ధర్మన్ సినిమాపై ఇప్పటికే భారీ అంచనాలు ఉన్నాయి. ఓరి దేవుడా, డ్రాగన్ చిత్రాల దర్శకుడు అశ్వత్ మారిముత్తు ఈ సినిమాను తెరకెక్కిస్తున్నారు. తాజాగా ఈ ప్రాజెక్ట్‌లో టాలీవుడ్ ఎనర్జిటిక్ స్టార్ రామ్ పోతినేని కీలక పాత్రలో నటిస్తున్నట్లు సమాచారం రావడంతో సినిమాపై ఆసక్తి మరింత పెరిగింది. ధర్మన్ లో రామ్ పోతినేని రజనీకాంత్‌కు అల్లుడి పాత్రలో కనిపించనున్నట్లు ప్రచారం జరుగుతోంది. అంతేకాదు, సినిమాలో ఆయన పాత్ర నెగెటివ్ షేడ్స్‌తో పవర్‌ఫుల్‌గా ఉంటుందని తెలుస్తోంది. హీరోగా వరుస సినిమాలు చేస్తున్న రామ్.. తొలిసారి ఇలాంటి విభిన్నమైన పాత్రలో కనిపించబోతున్నారనే వార్త అభిమానుల్లో ఆసక్తిని పెంచుతోంది. ఇది కేవలం అతిథి పాత్ర కాదని, కథను కీలక మలుపు తిప్పే స్థాయిలో ఉంటుందని టాక్ వినిపిస్తోంది. సినిమాలో రజనీకాంత్ కుమార్తె పాత్రలో రాశీ ఖన్నా నటిస్తున్నట్లు సమాచారం. ఆమె ప్రేమించిన యువకుడిగా, అనంతరం ఆమెను వివాహం చేసుకున్న వ్యక్తిగా రామ్ పోతినేని కనిపించనున్నట్లు తెలుస్తోంది. దీంతో రజనీకాంత్, రామ్ మధ్య మామా అల్లుళ్లుగా సాగే సన్నివేశాలు సినిమాకు ప్రధాన ఆకర్షణగా నిలిచే అవకాశం ఉంది. ముఖ్యంగా ఇద్దరి మధ్య వచ్చే ఘర్షణలు భారీ యాక్షన్ ఎపిసోడ్లకు దారితీస్తాయని ప్రచారం జరుగుతోంది. ఈ పాత్ర కోసం ముందుగా ధృవ్ విక్రమ్‌ను సంప్రదించినట్లు కూడా సమాచారం. అయితే ఆయన ఈ ఆఫర్‌ను అంగీకరించకపోవడంతో రామ్ పోతినేనిని సంప్రదించినట్లు తెలుస్తోంది. కథ, పాత్ర నచ్చడంతో రామ్ ఈ ప్రాజెక్ట్‌కు ఓకే చెప్పినట్లు టాక్

సూపర్‌స్టార్ రజనీకాంత్, ఉస్తాద్ రామ్ పోతినేని కాంబినేషన్‌లో ఒక సినిమా వస్తే ఎలా ఉంటుంది? ఈ ఊహే అభిమానులకు పూనకాలు తెప్పిస్తోంది. ఇప్పుడు ఈ క్రేజీ కాంబినేషన్‌కు సంబంధించి ఒక ఆసక్తికర వార్త కోలీవుడ్, టాలీవుడ్ వర్గాల్లో జోరుగా చక్కర్లు కొడుతోంది. రజనీకాంత్ కథానాయకుడిగా, లోకనాయకుడు కమల్ హాసన్ నిర్మాణంలో తెరకెక్కుతున్న ప్రతిష్ఠాత్మక చిత్రం ‘ధర్మన్’లో రామ్ పోతినేని ఒక కీలకపాత్రలో నటించనున్నారని సమాచారం.ఈ సినిమాలో రజనీకాంత్ అల్లుడి పాత్రలో రామ్ కనిపించనున్నారని తెలుస్తోంది. కేవలం అల్లుడిగానే కాకుండా మామతో నిత్యం విభేదించే శక్తిమంతమైన పాత్రలో ఆయన నటిస్తున్నారని ప్రచారం జరుగుతోంది. వీరిద్దరి మధ్య వచ్చే సన్నివేశాలు సినిమాకు ప్రధాన ఆకర్షణగా నిలుస్తాయని అంటున్నారు. ఈ వార్త నిజమైతే, తెలుగు ప్రేక్షకులకు ఇది పండగే అని చెప్పొచ్చు. ‘ధర్మన్’ సినిమాపై అంచనాలు మరో స్థాయికి చేరడం ఖాయం.వాస్తవానికి ఈ సినిమా అనేక అడ్డంకులను దాటుకుని సెట్స్ పైకి వెళ్లింది. తొలుత వేరే దర్శకులతో చర్చలు జరిపినా, చివరికి ‘ఓ మై కడవులే’ ఫేమ్ అశ్వత్ మరిముత్తుకు దర్శకత్వ బాధ్యతలు అప్పగించారు. ప్రస్తుతం సినిమా రెండో షెడ్యూల్ చిత్రీకరణ జరుపుకుంటోంది. ఇందులో సిమ్రాన్, రాశీ ఖన్నా కీలక పాత్రల్లో నటిస్తున్నారు. యువ సంచలనం అనిరుధ్ రవిచందర్ ఈ చిత్రానికి సంగీతం అందిస్తున్నారు.భారీ తారాగణం, అగ్రశ్రేణి సాంకేతిక నిపుణులతో రూపుదిద్దుకుంటున్న ఈ సినిమాను 2027లో ప్రేక్షకుల ముందుకు తీసుకురావాలని చిత్రబృందం లక్ష్యంగా పెట్టుకుంది. రామ్ పోతినేని చేరికపై చిత్ర యూనిట్ నుంచి అధికారిక ప్రకటన వెలువడాల్సి ఉంది. ఈ వార్తపై

భారతీయ సినీ చరిత్రలో సూపర్‌స్టార్ రజనీకాంత్‌ది ప్రత్యేకమైన స్థానం. ఆగస్టు 15 ఆయన సినీ ప్రయాణంలో మరుపురాని రోజు. భారతీయ సినీ చరిత్రలో సూపర్‌స్టార్ రజనీకాంత్‌ది (Rajinikanth) ప్రత్యేకమైన స్థానం. ఆగస్టు 15 ఆయన సినీ ప్రయాణంలో మరుపురాని రోజు. 1975లో ఇదే రోజున రజనీకాంత్‌ నటించిన తొలి చిత్రం ‘అపూర్వ రాగంగళ్’ విడుదలైంది. ఈ సినిమాతోనే ఆయన తమిళ ప్రేక్షకులకు పరిచయమై.. ఆ తర్వాత దశాబ్దాల పాటు తనదైన స్టైల్‌, మేనరిజమ్స్‌, నటనతో భారతీయ చిత్రసీమలో తిరుగులేని సూపర్‌స్టార్‌గా ఎదిగారు. తొలి సినిమా విడుదలై 51 సంవత్సరాలు పూర్తయిన సందర్భంగా రజనీకాంత్‌ సినీ ప్రయాణాన్ని గుర్తుచేసుకుంటూ ‘ధర్మన్’ చిత్రబృందం ప్రత్యేక కార్యక్రమాన్ని నిర్వహించింది. సినిమా షూటింగ్‌ జరుగుతున్న సెట్స్‌లో రజనీకాంత్‌ సమక్షంలో కేక్‌ కటింగ్‌ చేసి ఆయనకు ఘనంగా సత్కారం చేశారు. ఈ వేడుకలో ‘ధర్మన్’ దర్శకుడు అశ్వత్ మారిముత్తు, కథానాయికలు సిమ్రన్, రాశీ ఖన్నాతో పాటు చిత్ర యూనిట్‌ సభ్యులు పాల్గొన్నారు. రజనీకాంత్‌తో కలిసి కేక్‌ కట్‌ చేసి ఆయన 51 ఏళ్ల అద్భుతమైన సినీ ప్రయాణాన్ని సెలబ్రేట్‌ చేసుకున్నారు. ఈ సందర్భంగా సెట్స్‌లో సందడి వాతావరణం నెలకొంది. ఈ చిత్రాన్ని రాజ్ కమల్ ఫిల్మ్స్ ఇంటర్నేషనల్, టర్మరిక్ మీడియా సంస్థలు సంయుక్తంగా నిర్మిస్తున్నాయి. ప్రముఖ నటుడు కమల్ హాసన్, ఆర్. మహేంద్రన్ నిర్మాతలుగా వ్యవహరిస్తుండటం ఈ సినిమాపై మరింత ఆసక్తిని పెంచుతోంది

వయస్సు అనేది కేవలం ఒక నంబర్ మాత్రమే అని చాలామంది అంటుంటారు. కానీ, దానిని ప్రాక్టికల్‌గా నిరూపించి చూపిస్తున్నారు సూపర్ స్టార్ రజనీకాంత్. వయస్సు అనేది కేవలం ఒక నంబర్ మాత్రమే అని చాలామంది అంటుంటారు. కానీ, దానిని ప్రాక్టికల్‌గా నిరూపించి చూపిస్తున్నారు సూపర్ స్టార్ రజనీకాంత్ (Super Star Rajinikanth). ప్రస్తుతం 75 ఏళ్ల వయసులో ఉన్న తలైవా వేగం చూస్తుంటే.. టాలీవుడ్, కోలీవుడ్ అనే తేడా లేకుండా కుర్ర హీరోలందరికీ మైండ్ బ్లాంక్ అవ్వాల్సిందే. ఈ ఏజ్‌లో ఆ స్పీడ్ ఏంటి తలైవా.. అంటూ అభిమానులు నోరెళ్లబెడుతున్నారు. ఏడాదికి కనీసం ఒక సినిమాతో బాక్సాఫీస్ వద్ద సందడి చేయాలనే క్లియర్ టార్గెట్‌తో దూసుకుపోతున్నారు రజనీకాంత్. గతేడాది ఆయన కథానాయకుడిగా వచ్చిన ‘కూలీ’ (Coolie) సినిమా బాక్సాఫీస్ దగ్గర మంచి కలెక్షన్లు రాబట్టినప్పటికీ.. టాక్ విషయంలో కాస్త మిశ్రమ ఫలితాలనే సాధించింది. అయితే, ఆ సినిమా టాక్ ఎలా ఉన్నా సరే, తలైవా రేంజ్, మేనియా మాత్రం తగ్గలేదని బాక్సాఫీస్ నంబర్స్ స్పష్టం చేశాయి. ఇక ‘కూలీ’ తర్వాత అభిమానుల చూపు మొత్తం ‘జైలర్ 2’ (Jailer 2) పైనే ఉంది. నెల్సన్ దిలీప్ కుమార్ దర్శకత్వంలో రూపుదిద్దుకుంటోన్న ఈ భారీ సీక్వెల్ ఈ ఏడాది అక్టోబర్‌లో థియేటర్లలోకి రావడానికి సిద్ధమవుతోంది. మొదటి భాగం సృష్టించిన సునామీతో పోలిస్తే.. పార్ట్-2 పై అంచనాలు ఆకాశాన్ని తాకుతున్నాయి. రజనీకాంత్ మార్క్ మాస్ యాక్షన్‌తో పాటు అనిరుధ్ ఇచ్చే బ్యాక్‌గ్రౌండ్ స్కోర్ ఈ సినిమాకు ప్రధాన ఆకర్షణగా నిలవబోతోంది. ఇక్కడితోనే రజనీ వేగం ఆగలేదు. ‘జైలర్ 2’ రిలీజ్ కాకముందే మరొక క్రేజీ ప్రాజెక్ట్‌ను జెట్ స్పీడ్‌తో ముందుకు తీసుకెళ్తున్నారు. ‘ఓ మై కడవులే, రిటర్న్ ఆఫ్ ది డ్రాగన్’ వంటి వైవిధ్యమైన సినిమాలతో ఆకట్టుకున్న దర్శకుడు అశ్వత్ మరిముత్తు దర్శకత్వంలో ‘ధర్మన్’ (Dharman) అనే చిత్రం తెరకెక్కుతోంది. విశ్వనటుడు కమల్ హాసన్ సొంత నిర్మాణ

సూపర్ స్టార్ రజినీకాంత్ నటిస్తున్న 173వ చిత్రం ధర్మన్ షూటింగ్ గురించి ప్రచారంలో ఉన్న వార్తలపై స్పష్టత వచ్చింది. ఈ సినిమా చిత్రీకరణ ఆగస్టు 11 నుంచి ప్రారంభమవుతుందని వార్తలు వస్తున్నప్పటికీ అసలు వాస్తవం వేరేలా ఉంది. ఈ భారీ ప్రాజెక్టు ప్రిన్సిపల్ ఫోటోగ్రఫీ జూన్ 25 నుంచే చెన్నైలో చాలా వేగంగా ప్రారంభమైంది. రాజ్ కమల్ ఫిల్మ్స్ ఇంటర్నేషనల్ బ్యానర్‌పై కమల్ హాసన్ నిర్మిస్తున్న ఈ చిత్రానికి అశ్వత్ మారిముత్తు దర్శకత్వం వహిస్తున్నారు. ఈ సినిమాలో రజినీకాంత్ మొదటిసారిగా ఒక శక్తివంతమైన డాక్టర్ పాత్రలో కనిపించి ప్రేక్షకులను అలరించనున్నారు. ఈ ప్రాజెక్ట్ జూన్ 24న అధికారిక టైటిల్ ప్రకటన, పూజా కార్యక్రమాలతో చెన్నైలో అత్యంత వైభవంగా ప్రారంభమైంది. దానికి మరుసటి రోజే అంటే జూన్ 25న ఒక ప్రత్యేకమైన పాట చిత్రీకరణతో షూటింగ్ శరవేగంగా మొదలైంది. ఇదిలా ఉండగా జూన్ 27న ప్రముఖ నటుడు కె. భాగ్యరాజ్ మరణించడంతో రజినీకాంత్ ఆయనకు చివరి నివాళులు అర్పించేందుకు వెళ్లారు. దీంతో కొన్ని రోజుల పాటు చిత్రీకరణ పనులకు తాత్కాలికంగా విరామం ఇవ్వాల్సి వచ్చింది. ఆ తర్వాత జూలై ప్రారంభంలోనే మొదటి షెడ్యూల్ పనులను చిత్రబృందం విజయవంతంగా పూర్తి చేసింది. ప్రస్తుతం ఆగస్టు నెలలో కూడా ఈ సినిమా షూటింగ్ అత్యంత వేగంగా కొనసాగుతోంది. ఈ క్రమంలో నటి రాశి ఖన్నా సెట్స్‌లో రజినీకాంత్‌తో పనిచేసిన అనుభవాన్ని పంచుకోగా, దర్శకుడు అశ్వత్ ఆయన పడయప్పా ఛార్మ్‌ను ప్రశంసించారు. ఫలితంగా ఈ సినిమాపై అభిమానుల్లో అంచనాలు ఒక్కసారిగా ఆకాశాన్ని తాకాయి. ఈ చిత్రంలో రజినీకాంత్ పడయప్పా మార్కు మేనరిజమ్స్, కమల్ హాసన్ వేట్టయాడు విళయాడు తరహా థ్రిల్లర్ అంశాలు పుష్కలంగా ఉంటాయని దర్శకుడు స్పష్టం చేశారు. ఈ నేపథ్యంలో విడుదలైన ఫస్ట్ లుక్ పోస్టర్ సినిమాపై మరింత ఉత్సుకతను పెంచేసింది. ఈ భారీ చిత్రంలో రజినీకాంత్ సరసన సిమ్రాన్, రాశి ఖన్నా కథానాయికలుగా నటిస్తుండగా యోగి బాబు