అటు ఆసీస్ .. ఇటు టీమిండియాకు దిమ్మతిరిగే షాక్.. ఫైనల్ నుంచి ఔట్
WTC Points Tables Update: డార్విన్ వేదికగా ఆస్ట్రేలియాపై బంగ్లాదేశ్ సాధించిన చారిత్రక విజయంతో ప్రపంచ టెస్ట్ ఛాంపియన్షిప్ పాయింట్ల పట్టిక ఒక్కసారిగా తలకిందులైంది. కంగారూ జట్టు అగ్రస్థానానికి గండిపడగా, బంగ్లాదేశ్ తన స్థానాన్ని మరింత పటిష్టం చేసుకుంది. మరోవైపు భారత జట్టు అవకాశాలపై ఈ ఫలితం పెను ప్రభావాన్ని చూపుతోంది. తాజా సమీకరణాల పూర్తి వివరాలు తెలుసుకుందాం. కంగారూల గడ్డపై బంగ్లా చారిత్రక సరికొత్త చరిత్ర.. డార్విన్లోని మర్రారా మైదానంలో ముగిసిన తొలి టెస్టు పోరులో బంగ్లాదేశ్ అద్భుత ప్రదర్శనతో కదం తొక్కింది. టాస్ గెలిచి ముందుగా బౌలింగ్ ఎంచుకున్న పాట్ కమిన్స్ సారథ్యంలోని ఆస్ట్రేలియా జట్టును ఆదిలోనే గట్టి దెబ్బ కొట్టింది. ఓపెనర్ తాంజిద్ హసన్ అద్భుత శతకంతో కదం తొక్కగా, నిప్పులు చెరిగే పేస్తో బౌలర్ హసన్ మహ్మద్ ఆరు వికెట్లు పడగొట్టి ప్రత్యర్థి బ్యాటింగ్ లైనప్ను కుప్పకూల్చాడు. తొలి ఇన్నింగ్స్లో ఏకంగా 228 పరుగుల భారీ ఆధిక్యాన్ని సాధించిన బంగ్లా పులులు మ్యాచ్పై సంపూర్ణ ఆధిపత్యాన్ని చెలాయించాయి. కేవలం నాలుగు రోజుల్లోనే ముగిసిన ఈ సమరంలో ఆస్ట్రేలియాను తొమ్మిది వికెట్ల తేడాతో చిత్తు చేసి సరికొత్త చరిత్ర లిఖించింది. ఆసీస్ గడ్డపై బంగ్లాదేశ్కు ఇదే మొట్టమొదటి టెస్ట్ విజయం కావడం విశేషం. గతంలో జులై 2003లో ఇదే మైదానంలో తొలిసారి టెస్ట్ ఆడిన బంగ్లా జట్టు, ఇప్పటివరకు అక్కడ మూడు మ్యాచ్లు ఆడింది. ఆస్ట్రేలియా నేలపై అత్యంత వేగంగా తొలి టెస్టు గెలిచిన జట్లలో బంగ్లాదేశ్ సంయుక్తంగా రెండో స్థానాన్ని దక్కించుకుంది. చరిత్రను పరిశీలిస్తే.. ఇంగ్లండ్ 1877లో తమ రెండో మ్యాచ్లోనే అక్కడ తొలి విజయాన్ని అందుకోగా, దక్షిణాఫ్రికా 1910లో తమ మూడో మ్యాచ్లో ఈ ఘనత సాధించింది. ఇప్పుడు బంగ్లాదేశ్ సైతం కేవలం మూడో టెస్టులోనే విజయం సాధించి దక్షిణాఫ్రికా శతాబ్దపు రికార్డును సమం చేసింది. పాయింట్ల పట్టికలో దూకుడు.. ఆసీస్కు గట్టి దెబ్బ.. ఈ చిరస్మరణీయ