బా బాబ్లాక్ షీప్’ సినిమా నుంచి ఫస్ట్ సాంగ్ విన్నారా..? దేవిశ్రీప్రసాద్ చేతుల మీదుగా విడుదల
Baa Baa Black Sheep : దోనేపూడి చక్రపాణి సమర్పణలో చిత్రాలయం స్టూడియోపై వేణు దోనేపూడి నిర్మాణంలో గుణి మంచికంటి దర్శకత్వంలో తెరకెక్కుతున్న న్యూ ఏజ్ క్రైమ్ కామెడీ సినిమా ‘బా బా బ్లాక్ షీప్’. టిను ఆనంద్, ఉపేంద్ర, జార్జ్ మరియన్, అక్షయ్ , విష్ణు, కార్తికేయ, విస్మయశ్రీ, మాళ్వీ మల్హోత్రా, కశ్యప్, రాజారవీంద్ర.. పలువురు కీలక పాత్రల్లో నటిస్తున్నారు. మేఘాలయ రాష్ట్రంలో పూర్తిగా షూటింగ్ చేసిన మొదటి సౌత్ సినిమా ఇదే కావటం విశేషం. ఇప్పటికే ఈ సినిమా నుంచు టీజర్ రిలీజ్ అవ్వగా తాజాగా ఓ సాంగ్ ని రిలీజ్ చేసారు. ఈ సినిమా నుంచి ఫస్ట్ లిరికల్ సాంగ్ ‘ఆజా మేరీ జాని’ సాంగ్ను రాక్స్టార్ దేవిశ్రీప్రసాద్ చేతుల మీదుగా రిలీజ్ చేసారు. ఈ సాంగ్ విని దేవిశ్రీప్రసాద్ చిత్ర యూనిట్ను అభినందించారు. ఇదొక పార్టీ సాంగ్. ఎలక్ట్రానిక్ కిలి, ఆనంద్ సంగీత సారథ్యంలో కిట్టు విస్సాప్రగడ ఈ పాటను రాయగా బెన్నీ దయాల్ పాడారు. ఇక ఈ సినిమాని దసరా సందర్బంగా అక్టోబర్ 9న రిలీజ్ చేస్తున్నట్లు ప్రకటించారు. సాంగ్ రిలీజ్ సందర్భంగా నిర్మాత వేణు దోనేపూడి మాట్లాడుతూ.. బా బా బ్లాక్ షీప్ సినిమా షూటింగ్ పూర్తి చేసి పోస్ట్ ప్రొడక్షన్ వర్క్ చేస్తున్నాం. దసరా సందర్భంగా అక్టోబర్ 9న ఈ సినిమా రిలీజ్ చేస్తున్నాం. మేఘాలయ రాష్ట్రంలో చిరపుంజితో పాటు అద్భుతమైన లొకేషన్స్లో చిత్రీకరించాం అని తెలిపారు
