Akkineni Nageswara Rao News

తెలుగు తెరపై కుటుంబ కథాచిత్రాలను తనదైన శైలిలో ఆవిష్కరించిన దర్శకుడు రేలంగి నరసింహారావు. కుటుంబంలోని బంధాలు .. అనుబంధాలను .. తన మార్క్ హాస్యాన్ని జోడిస్తూ ఆయన రూపొందించిన సినిమాలు ఎంతో ఆదరణ పొందేవి. ఆయన దర్శకుడిగా వ్యవహరించిన సినిమాలలో చాలావరకూ విజయాలను అందుకోవడం విశేషం. అలాంటి రేలంగి నరసింహారావు తాజాగా ఐ డ్రీమ్ వారికి ఇచ్చిన ఇంటర్వ్యూలో, అనేక విషయాలను గురించి ప్రస్తావించారు. "నేను ఎన్టీ రామారావుగారి సినిమాలకు .. అక్కినేని గారి సినిమాలకు పనిచేశాను. వాళ్లతో చాలా సన్నిహితంగా మసలుకున్నాను. సమయపాలన విషయంలో ఇద్దరూ ఇద్దరే అని చెప్పాలి. షూటింగ్ ఎక్కడ పెట్టినా .. ఏ వేళలో పెట్టినా చెప్పిన సమయానికంటే ముందుగానే అక్కడికి చేరుకునేవారు. వాళ్ల వైపు నుంచి ఎప్పుడూ ఎలాంటి ఆలస్యం ఉండేది కాదు. అంతగా వాళ్లు టైమ్ కి ప్రాధాన్యతను ఇచ్చారు. అలాంటి ఓ క్రమశిక్షణ ఈ కాలంలో చూడలేము" అని అన్నారు. "ఇప్పుడు పరిస్థితి ఎలా ఉందంటే, 9 గంటలకు కాల్షీట్ అంటే 10:30 .. 11:00 గంటలకు సెట్ కి వస్తున్నారు. ఇక షాట్ గ్యాప్ లో కారవాన్ లోకి వెళుతున్నారు. అలా వెళ్లడాన్ని నేను తప్పుబట్టడం లేదు. కానీ అసిస్టెంట్లు వెళ్లి పిలవగానే రావడం లేదు. కారవాన్ లో ఎవరితోనో మాట్లాడుతూ కూర్చోవడం వలన సమయం వృథా అవుతోంది. ఒకప్పుడు అందరం కలిసి ఒకేచోట కూర్చునే వాళ్లం. ఇక ఇప్పుడు స్క్రిప్ట్ వర్క్ పై సరైన కసరత్తు చేయకుండా సెట్ కి వెళ్లడం, అక్కడ టైమ్ వేస్టు చేయడం

నటరత్న యన్టీఆర్ నటనావైభవంతో అనేక చిత్రాలు తెలుగువారిని పులకింప చేశాయి. డెబ్బై ఏళ్ళ నాటి 'చిరంజీవులు' ఆ కోవకు చెందినదే. ఆ నాటి 'చిరంజీవులు' సినిమా విశేషాలను మననం చేసుకుందాం. నిర్మాత డి.యల్.నారాయణ, దర్శకుడు వేదాంతం రాఘవయ్య ఉత్తరాది కథలతో తెలుగు చిత్రాలను రూపొందించే ప్రయత్నం చేశారు. తమ వినోదా పతాకంపై వారు నిర్మించిన 'దేవదాసు' బెంగాలీ నవల ఆధారంగా తెరకెక్కి మంచి విజయం సాధించింది. తరువాత తెలుగునాట విశేషాదరణ చూరగొన్న గురజాడ అప్పారావు రచన 'కన్యాశుల్కం'ను సినిమాగా రూపొందించారు డి.యల్. ఈ చిత్రాన్ని పి. పుల్లయ్య దర్శకత్వంలో తెరకెక్కించారు. ఇందులో గిరీశంగా నటించిన యన్టీఆర్ నటునిగా మంచి మార్కులు సంపాదించారు. దాంతో యన్టీఆర్ హీరోగా ఓ విషాదాంత ప్రేమకథను నిర్మించాలని భావించారు డి.యల్. హిందీలో ఘనవిజయం సాధించిన దిలీప్ కుమార్ 'మేలా' చిత్రానికి కొన్ని మార్పులూ చేర్పులూ చేసి 'చిరంజీవులు' కథ తయారు చేశారు. ఇందులో యన్టీఆర్ సరసన జమున నాయికగా నటించారు. 1956 ఆగస్టు 15వ తేదీన 'చిరంజీవులు' చిత్రం విడుదలయింది. ఈ సినిమాకు అప్పట్లో మిశ్రమ స్పందన లభించింది. అయితే అంధునిగా యన్టీఆర్ అభినయాన్ని విమర్శకులు ఎంతగానో ప్రశంసించారు. తాము నిర్మించిన 'దేవదాసు' చిత్రంతో ఏయన్నార్ ను విషాదాంత ప్రేమికునిగా నిలిపారు వినోదావారు. అదే తీరున యన్టీఆర్ ను కూడా చూపించాలని నిర్మాత డి.యల్.నారాయణ తపన. 'దేవదాసు'లోలాగే చిన్నతనం నుంచీ ప్రేమించుకున్న అబ్బాయి- అమ్మాయి కారణాల వల్ల విడిపోవడం, వారి జీవితాల్లో విషాదం చోటు చేసుకోవడం జరుగుతుంది. హీరోకు ప్రమాదవశాత్తు కళ్ళు పోతాయి. ఆ కళ్ళకు ఆపరేషన్ చేసి బాగు చేసిన డాక్టర్ హీరో ప్రియురాలి భర్త కావడం విచిత్రం. చివరకు కళ్ళు వచ్చినా బ్రతుకు చాలించాలని హీరో తలుస్తాడు. నాయిక కూడా కన్నుమూస్తుంది. వారిద్దరి పార్థివదేహాలను డాక్టర్ ఒకచోట చేర్చడంతో కథ ముగుస్తుంది. ఈ చిత్రానికి మల్లాది రామకృష్ణ శాస్త్రి పాటలు, ఘంటసాల సంగీతం ప్రాణం పోశాయి. యన్టీఆర్

తెలుగు ఫిల్మ్ ఇండస్ట్రీలో మల్టీస్టారర్ సినిమాలను ఆడియన్స్ ఎప్పుడూ ఆధరిస్తూనే ఉన్నారు. ఎన్టీఆర్, ఎన్నార్, కృష్ణ, శోభన్ బాబు, కృష్ణంరాజు లాంటి అలనాటి తారల నుంచి నేటి రామ్ చరణ్, ఎన్టీఆర్ వరకు అద్భుతమైన మల్టీస్టారర్ మూవీస్ చేశారు. ఇద్దరు అగ్ర హీరోలు ఒకే తెరపై కనిపిస్తే అభిమానులకు పండగే. నట సామ్రాట్ అక్కినేని నాగేశ్వరరావు (ANR), సూపర్ స్టార్ కృష్ణ కాంబినేషన్‌లో వచ్చిన మల్టీస్టారర్ చిత్రం ‘హేమా హేమీలు’ సినిమా కూడా ఈ కోవలోకే వస్తుంది. 1979లో విడుదలైన ఈ సినిమా కేవలం ఇద్దరు స్టార్ హీరోల కలయిక మాత్రమే కాదు, దీని వెనుక చాలా పెద్ద కథ ఉంది. ‘హేమా హేమీలు’ సినిమాను సూపర్ స్టార్ కృష్ణ నిర్మించగా.. ఆయన భార్య విజయనిర్మల డైరెక్ట్ చేసింది. ఈ సినిమాలో మెయిన్ హీరోగా అక్కినేని నాగేశ్వరావును తీసుకున్నారు కృష్ణ. తానుకూడా తోడై.. ఈసినిమాలో నటించారు. హిందీలో వచ్చిన డాన్ సినిమా కథను ప్రేరణగా తీసుకుని.. అందులో కృష్ణ, విజయ నిర్మల పాత్రలను చేర్చి.. మహారథితో కొత్త స్క్రిప్ట్ రాయించారు కృష్ణ. అయితే ఈ సినిమా నిర్మించడానికి పరోక్షంగా శోభన్ బాబు కారణం అయ్యాడు. ఆయన మీద కోపంతోనే కృష్ణ ఈసినిమాను నిర్మించారు. ఒకసారి వరుస ప్లాప్ లతో ఇబ్బంది పడుతున్న శోభన్ బాబు.. కృష్ణతో సినిమా చేయాలని కబురు పంపించారు. వెంటనే కృష్ణ స్వయంగా వెళ్లి శోభన్ బాబకు 25 వేలు అడ్వాన్స్ ఇచ్చి.. ఇద్దరం సినిమా చేస్తున్నాం.. విజయనిర్మల డైరెక్ట్ చేస్తుంది అని చెప్పివచ్చారు. ఈలోపు శోభన్ బాబుకు మల్లెపువ్వు సినిమాతో హిట్ పడింది. దాంతో కృష్ణతో సినిమా చేయనని చెప్పి.. ఆ 25 వేలు అడ్వాన్స్ ను తిరిగి పంపించారు. దాంతో కృష్ణకు కోపం వచ్చింది. వెంటనే అక్కినేని నాగేశ్వరరావు దగ్గరకు వెళ్లి .. మీతో సినిమా చేస్తాను అన్నారు. అప్పటికే వారి మధ్య దేవదాసు సినిమా గొడవలు నడుస్తున్నాయి