సూర్య(Suriya) హీరోగా వెంకీ అట్లూరి(venky atluri) దర్శకత్వంలో రూపొందిన ఫ్యామిలీ ఎమోషనల్ మూవీ విశ్వనాథ్ అండ్ సన్స్(Vishwanath & Sons) బాక్సాఫీస్ వద్ద మంచి ఓపెనింగ్స్ ను అందుకుంది. మొదటి రోజు నుంచే ఈ సినిమాకు పట్టణ ప్రాంతాలు, మల్టీప్లెక్స్లు, అలాగే ఓవర్సీస్ మార్కెట్లో విశేష స్పందన లభించినట్లు ట్రేడ్ వర్గాలు చెబుతున్నాయి. ముఖ్యంగా తెలుగు రాష్ట్రాల్లో సినిమా కలెక్షన్లు తమిళ వెర్షన్ కంటే మెరుగ్గా ఉండటం గమనార్హం. ఆడియన్స్ నుంచి వస్తున్న పాజిటివ్ టాక్ సినిమా కలెక్షన్లకు బలమైన ఊతంగా మారినట్లు తెలుస్తోంది. స్వాతంత్య్ర దినోత్సవం సందర్భంగా వచ్చిన హాలీడే కారణంగా రెండో రోజు మార్నింగ్ నుంచే అనేక ఏరియాల్లో ఆక్యుపెన్సీ పెరిగినట్లు సమాచారం. డిమాండ్ను దృష్టిలో పెట్టుకుని కొన్ని కేంద్రాల్లో ఎక్స్ట్రా షోలు కూడా ఏర్పాటు చేసినట్లు తెలుస్తోంది. విదేశీ మార్కెట్లోనూ తెలుగు వెర్షన్కు మంచి ఆదరణ లభిస్తుండగా, ఫ్యామిలీ ఎమోషన్స్ మరియు ఎంటర్టైన్మెంట్ కలగలిపిన కథనం ప్రేక్షకులను ఆకట్టుకుంటోందని సినీ వర్గాలు విశ్లేషిస్తున్నాయి. వెంకీ అట్లూరి రచన, దర్శకత్వం సినిమాకు ప్రధాన బలంగా నిలిచిందని ప్రేక్షకులు అభిప్రాయపడుతున్నారు. సూర్యతో పాటు రాధిక(Radhika), మమిత బైజు(Mamitha Byju) యాక్టింగ్ కు మంచి ప్రశంసలు దక్కుతున్నాయి. సితార ఎంటర్టైన్మెంట్స్(Sithara Entertainments) నిర్మాణ విలువలు కూడా సినిమాకు మరింత బలం చేకూర్చాయని ట్రేడ్ విశ్లేషకులు పేర్కొంటున్నారు. శని, ఆదివారాల్లో కూడా ఇదే ఊపు కొనసాగితే ఈ సినిమా ఫస్ట్ వీకెండ్ స్ట్రాంగ్ కలెక్షన్లు సాధించే అవకాశాలు ఉన్నాయని అంచనా వేస్తున్నారు
