Inspirational story: జీవితంలో ఎదురయ్యే కష్టాలు, పేదరికం ఎవరి భవిష్యత్తునూ నిర్ణయించలేవు అనేందుకు ప్రముఖ రియల్టర్ విజయ్ వర్మ (Vijay Varma) ప్రయాణమే ఒక ప్రత్యక్ష ఉదాహరణ. రాజస్థాన్లోని ఒక చిన్న పల్లెటూరులో నిరుపేద కుటుంబంలో జన్మించిన ఆయన, చిన్నతనంలోనే తండ్రిని కోల్పోయి, రోజుకు కేవలం రూ.3 కూలీకి వంట పాత్రలు తోమడం, రూ.8లకు ఇసుక తీసుకెళ్లడం వంటి పనులు చేశారు. కానీ, ఆయనలోని పట్టుదల, కృషి ఆయనను నేడు రూ.160 కోట్ల విలువైన కన్స్ట్రక్షన్ కంపెనీ అధినేతగా నిలబెట్టాయి. విజయ్ వర్మ జీవితంలో ఎదుర్కొన్న సవాళ్లు, వ్యాపారవేత్తగా ఆయన సాధించిన విజయం గురించిన ఆసక్తికర విషయాలు తెలుసుకుందాం.రోజుకు రూ.3 కూలీ నుంచి మొదలురాజస్థాన్లోని ఝుంఝుంను జిల్లా బిసావు గ్రామంలో అక్టోబర్ నెల 1978లో విజయ్ వర్మ జన్మించారు. 10 ఏళ్ల వయసులోనే తన తాతమ్మలు చనిపోయారు. ఆ మరుసటి ఏడాదిలోనే తన తండ్రిని సైతం కోల్పోయారు. దీంతో వారి కుటుంబం తీవ్ర ఆర్థిక ఇబ్బందుల్లో పడింది. కుటుంబ భారం మొత్తం విజయ్ వర్మ తల్లిపై పడింది. ఆమె అడవి నుంచి ఎండుటాకులు, కట్టెలు సేకరించి కేవలం కొన్ని కిలోల పిండి కోసం వాటిని ఇచ్చేవారు.Read Also: ఛాయ్ బంక్: రూ. 50 వేలతో స్టార్ట్ చేసి.. 120 ఫ్రాంచైజీల స్థాయికి.. ఇద్దరు మిత్రుల సక్సెస్ స్టోరీకుటుంబ ఆర్థిక పరిస్థితిని చూసి 6వ తరగతిలోనే చదువును ఆపేసిన విజయ్ వర్మ పని కోసం తన అన్నతో కలిసి ముంబై, పుణే వంటి నగరాలకు వెళ్లారు. పుణే రైల్వే స్టేషన్ ప్రాంతంలో ఒక వడాపావ్ బండి వద్ద గిన్నెలు తోముతూ రోజుకు రూ.3 సంపాదించేవారు. ఆ తర్వాత ఒక నిర్మాణ సంస్థలో ఇసుక రవాణా పని చేస్తూ రోజుకు రూ.8 దినసరి కూలీగా మారారు. ఆ తర్వాత థియోటర్లు, భవనాల నిర్మాణ పనుల్లో టైల్స్ వేయడం, ప్లాస్టరింగ్, ఆర్సీసీ పనులన్నింటినీ స్వయంగా నేర్చుకుని భవన నిర్మాణ రంగంలో నైపుణ్యం సాధించారు.పుణే కేంద్రంగా కన్స్ట్రక్షన్ కంపెనీ షురూ2008లో పుణే కేంద్రంగా సాయి విజయ్ కన్స్ట్రక్షన్ (Sai Vijay Construction) అనే కంపెనీని స్థాపించారు. నాణ్యమైన నిర్మాణ పనులతో కొద్ది కాలంలోనే మంచి గుర్తింపు తెచ్చుకున్నారు. భారత్తో పాటు ఓమన్ (Oman), యెమెన్ (Yemen) వంటి విదేశాలలో సుమారు రూ.730 కోట్ల విలువైన అంతర్జాతీయ కన్స్ట్రక్షన్ ప్రాజెక్టులను విజయవంతంగా పూర్తి చేశారు. ఇప్పటి వరకు ఆయన 3800 మందికి పైగా కార్మికులకు శిక్షణ ఇచ్చారట. అందులో దాదాపు 3200 మంది ప్రస్తుతం సొంతంగా వ్యాపారాలు ప్రారంభించే స్థాయికి ఎదిగినట్లు సమాచారం.Read Also: Success Story: నెలకు రూ.2500 జీతం నుంచి.. రూ.6 కోట్ల సంపద వరకు! ఫార్మా సేల్స్మన్ అసాధారణ విజయగాథనేడు పుణేలో నాలుగు విలాసవంతమైన ఇళ్లకు యజమానిగా, రూ.160 కోట్ల విలువైన సంస్థకు అధిపతిగా విజయ్ వర్మ ఉన్నారు. ఆయన జీవిత ప్రయాణం ప్రతి ఒక్కరికీ ఆదర్శం. ఎంతటి క్లిష్ట పరిస్థితుల్లో ఉన్నా, నిరంతర శ్రమ, అవకాశాలను ఉపయోగించుకునే తెలివితేటలు ఉంటే ఉన్నత శిఖరాలను అధిరోహించవచ్చని ఆయన నిరూపించారు.
