ఎస్బీఐ ఖాతాదారులు తప్పక తెలుసుకోండి అక్టోబర్ 1, 2026 నుంచి కొత్త రూల్ అమల్లోకి 4 సార్లకు మించి డబ్బులు తీస్తే ఛార్జీలు తప్పవు డిజిటల్ క్యాష్ ట్రాన్సాక్షన్లపై కూడా బాదుడే SBI Cash Withdrawals : మీకు ఎస్బీఐలో ఖాతా ఉందా? అది బేసిక్ సేవింగ్స్ బ్యాంక్ డిపాజిట్ (BSBD) అకౌంట్ అయితే ఇది మీకోసమే.. ఇకపై నెలలో 4 సార్లు డబ్బులు ఫ్రీగా తీసుకోవచ్చు. కానీ, ఆ లిమిట్ దాటితే మాత్రం ఛార్జ్ తప్పదు. అక్టోబర్ 1, 2026 నుంచి ఎస్బీఐ కొత్త రూల్స్ అమల్లోకి రానున్నాయి. ఇప్పటి వరకు BSBD ఖాతాదారులకు నెలకు 4 ఫ్రీ క్యాష్ విత్ డ్రా లిమిట్స్ ఉన్నాయి. ఈ నాలుగు లావాదేవీల వరకు ఎలాంటి ఛార్జీ పడదు. కానీ, ఐదోసారి డబ్బులు విత్డ్రా చేస్తే మాత్రం ప్రతి లావాదేవీకి రూ.15తో పాటు జీఎస్టీ అదనంగా చెల్లించాల్సి ఉంటుంది. అసలు ట్విస్ట్ ఇదే.. : ఇప్పటివరకు డిజిటల్ ఛానల్స్ ద్వారా చేసే క్యాష్ విత్ డ్రా అనేది ఈ 4 ఫ్రీ లావాదేవీల్లో లెక్కలోకి వచ్చేవి కావు. ఇకపై మాత్రం అలా ఉండదు. ఏటీఎంలో చేసే విత్డ్రాయల్స్తో పాటు డిజిటల్ ఛానల్స్ ద్వారా చేసే క్యాష్ విత్డ్రాయల్స్ కూడా 4 లావాదేవీల లిమిట్లోకి వస్తాయి. Read Also : Hyderabad Traffic Alert : వాహనదారులు ఇక తప్పించుకోలేరు.. ఈ ట్రాఫిక్ రూల్స్ బ్రేక్ చేస్తే కేసులే..! అంటే.. మీరు ఒక నెలలో ఏటీఎం నుంచి రెండుసార్లు డబ్బులు తీసుకున్నారని అనుకుందాం. మరో 2 సార్లు డిజిటల్ (యూపీఐ ) విత్ డ్రా ద్వారా క్యాష్ తీసుకుంటే 4 లావాదేవీలు పూర్తవుతాయి. ఆ తర్వాత చేసే ఐదో విత్డ్రాయల్కు ఛార్జ్ పడుతుంది అనమాట. ఇలా నెలలో అవసరానికి మించి చిన్న మొత్తాల్లో డబ్బులు డ్రా చేసే అలవాటు ఉంటే ఇప్పుడే మానుకోండి. లేదంటే ఖర్చు భారీగా పెరుగుతుంది. ఉదాహరణకు.. నెలలో 6 సార్లు విత్డ్రా చేస్తే ఫ్రీగా 4 లావాదేవీల తర్వాత మిగిలిన రెండింటిపై రూ.15 + జీఎస్టీ చొప్పున ఛార్జ్ పడుతుంది. ఈ కొత్త మార్పు ప్రొడక్టు కోడ్ 1011-1701 కింద బీఎస్బీడీ ఖాతాల బ్రాంచ్ ఛానల్కు వర్తిస్తుంది. అయితే, నాన్-ఫైనాన్షియల్ లావాదేవీలు, ఫండ్ ట్రాన్స్ఫర్లకు ఈ మార్పు వర్తించదు. అందుకే ఎస్బీఐ BSBD ఖాతాదారులు ఇకపై 4 విత్ డ్రా లిమిట్ దాటిందో లేదో చెక్ చేసుకున్నాకే డబ్బులు విత్డ్రా చేయడం బెటర్. చిన్న ఛార్జీలా కనిపించినా నెలలో అదేపనిగా డబ్బులు డ్రా చేస్తూ పోతే ఇదే ఛార్జీ భారంగా మారుతుంది జాగ్రత్త..
