LB Nagar: ఎల్బీనగర్లో రాజీవ్ గాంధీ జయంతి వేడుకలు!
LB Nagar: నవ భారత నిర్మాత, మాజీ ప్రధానమంత్రి, భారతరత్న స్వర్గీయ శ్రీ రాజీవ్ గాంధీ గారి జయంతి సందర్భంగా ఎల్బీనగర్లో ఆయన విగ్రహానికి పూలమాల వేసి రోడ్ డెవలప్మెంట్ కార్పొరేషన్ ఛైర్మన్ శ్రీ మల్రెడ్డి రాంరెడ్డి గారు ఘనంగా నివాళులు అర్పించారు.
ఈ సందర్భంగా మల్రెడ్డి రాంరెడ్డి గారు మాట్లాడుతూ, దేశ అభివృద్ధి, ఆధునికీకరణ, యువత భవిష్యత్తు కోసం దూరదృష్టితో పనిచేసిన మహానేత రాజీవ్ గాంధీ అని కొనియాడారు. భారతదేశాన్ని 21వ శతాబ్దం వైపు నడిపించేందుకు ఆయన తీసుకున్న సాహసోపేతమైన నిర్ణయాలు దేశ ప్రగతికి బలమైన పునాది వేశాయని అన్నారు.
రాజీవ్ గాంధీ గారి సమర్థవంతమైన నాయకత్వం ఆధునిక భారత నిర్మాణానికి దిశానిర్దేశం చేసిందని తెలిపారు. ముఖ్యంగా కంప్యూటరీకరణ, టెలికమ్యూనికేషన్స్, సాంకేతిక రంగాలకు ఆయన ఇచ్చిన ప్రాధాన్యత భారతదేశంలో సాంకేతిక విప్లవానికి పునాది వేసిందన్నారు.
భవిష్యత్ అవసరాలను ముందుగానే గుర్తించి దేశంలో సాంకేతికతను విస్తరించేందుకు కృషి చేసిన దూరదృష్టి గల నాయకుడు రాజీవ్ గాంధీ అని పేర్కొన్నారు. స్థానిక సంస్థలను బలోపేతం చేయడంలోనూ రాజీవ్ గాంధీ గారి ఆలోచనలు ఎంతో కీలకమైనవని మల్రెడ్డి రాంరెడ్డి గారు అన్నారు.
గ్రామీణ ప్రాంతాల్లో ప్రజాస్వామ్యాన్ని మరింత బలోపేతం చేయడం, స్థానిక సంస్థలకు అధికారాలు, బాధ్యతలు కల్పించడం ద్వారా గ్రామీణాభివృద్ధికి ఆయన బలమైన పునాది వేశారని తెలిపారు. ఓటు హక్కు వయస్సును 21 ఏళ్ల నుంచి 18 ఏళ్లకు తగ్గించడం ద్వారా యువతకు తమకు నచ్చిన రాజకీయ నాయకులను ఎన్నుకునే అవకాశం కల్పించారు.
గౌరవ ముఖ్యమంత్రి శ్రీ రేవంత్ రెడ్డి గారు కూడా యువత రాజకీయాల్లో రాణించేలా, 25 ఏళ్ల వయస్సు కాకుండా 21 ఏళ్లకే చట్టసభల్లో అడుగుపెట్టే అవకాశం కల్పించాలనే ప్రతిపాదనను ముందుకు తీసుకెళ్తున్నారు.
1980వ దశకంలోనే ప్రపంచంలో చోటుచేసుకుంటున్న సాంకేతిక మార్పులను గుర్తించి, భారతదేశం కూడా సాంకేతికంగా ముందుకు సాగాల్సిన అవసరాన్ని రాజీవ్ గాంధీ గారు చాటిచెప్పారని అన్నారు. కంప్యూటర్లు, టెలికాం, ఆధునిక సాంకేతిక పరిజ్ఞానాన్ని దేశంలో విస్తరించేందుకు ఆయన తీసుకున్న నిర్ణయాలు భవిష్యత్ భారతదేశానికి ఎంతో ఉపయోగపడ్డాయని పేర్కొన్నారు.
నేడు భారతదేశం ప్రపంచ ఐటీ రంగంలో అగ్రగామిగా ఎదగడంతో పాటు హైదరాబాద్ ప్రపంచస్థాయి ఐటీ, సాంకేతిక కేంద్రంగా రూపుదిద్దుకోవడంలోనూ రాజీవ్ గాంధీ గారి సాంకేతిక విధానాలు, దూరదృష్టి నిర్ణయాల ప్రభావం ఉందని మల్రెడ్డి రాంరెడ్డి గారు అన్నారు.
అప్పట్లో తీసుకున్న ప్రగతిశీల నిర్ణయాల ఫలితంగానే నేడు మన దేశ యువత ప్రపంచ సాంకేతిక రంగంలో కీలక పాత్ర పోషిస్తోందని తెలిపారు. దేశ భవిష్యత్తు యువత చేతుల్లోనే ఉందని విశ్వసించిన రాజీవ్ గాంధీ గారు యువతకు ఆధునిక విద్య, సాంకేతిక పరిజ్ఞానం, నూతన ఆలోచనలకు ప్రాధాన్యత కల్పించారని అన్నారు.
అందుకే ఆయన నేటి యువతకు కూడా ఆదర్శప్రాయుడని పేర్కొన్నారు. దేశ సేవలో ప్రాణత్యాగం చేసిన రాజీవ్ గాంధీ గారి త్యాగం చిరస్మరణీయమని, దేశ అభివృద్ధికి ఆయన అందించిన సేవలను భారత ప్రజలు ఎప్పటికీ గుర్తుంచుకుంటారని మల్రెడ్డి రాంరెడ్డి గారు అన్నారు.
రాజీవ్ గాంధీ గారి ఆశయాలను ముందుకు తీసుకెళ్లడం, ఆధునిక మరియు అభివృద్ధి చెందిన భారతదేశ నిర్మాణానికి కృషి చేయడమే ఆయనకు అందించే నిజమైన నివాళి అని పేర్కొన్నారు. “ఆధునిక, సాంకేతిక, అభివృద్ధి చెందిన భారతదేశం కోసం రాజీవ్ గాంధీ గారు చూపిన మార్గం ఎప్పటికీ స్ఫూర్తిదాయకమే.
ఆయన ఆశయాలను ముందుకు తీసుకెళ్లడమే మనందరి బాధ్యత” అని మల్రెడ్డి రాంరెడ్డి గారు పేర్కొన్నారు. ఈ కార్యక్రమంలో ఫైనాన్స్ కమిషన్ సభ్యులు సంకేపల్లి సుధీర్ రెడ్డి గారు, యాదగిరిగుట్ట దేవస్థానం పాలకమండలి సభ్యురాలు పోచబోయిన ఈశ్వరమ్మ యాదవ్ గారు,
మాజీ కార్పొరేటర్లు రాగుల వెంకటేశ్వర్ రెడ్డి గారు, లక్ష్మీ ప్రసన్న గారు, మార్కెట్ కమిటీ డైరెక్టర్లు పన్యాల జైపాల్ రెడ్డి గారు, మెగావత్ గణేష్ నాయక్ గారు, పాశం అశోక్ గౌడ్ గారు, నేలపాటి రామారావు గారు; డివిజన్ అధ్యక్షులు కంచర్ల కవిత గారు, రవీందర్ గౌడ్ గారు, సునీల్ బాబు గారు, పర్వతి గణేష్ రెడ్డి గారు, శ్రీనాథ్ గారు, చెరుకు చిరంజీవి గారు, కందికంటి శ్రీధర్ గౌడ్ గారు, కళ్లెం నరసింహా రెడ్డి గారు, మాజీ డివిజన్ అధ్యక్షులు దాచర్లపల్లి శ్రీపాల్ రెడ్డి గారు, లింగాల కిషోర్ గౌడ్ గారు, బండ సురేందర్ రెడ్డి గారు, ఎర్రవెల్లి మంజుల రెడ్డి గారు, బద్దుల వేణు యాదవ్ గారు, కుట్ల నరసింహ యాదవ్ గారు, సీనియర్ నాయకులు ఆనంద్ గౌడ్ గారు, బాబు గౌడ్, శేఖర్ గారు, జైపాల్ రెడ్డి గారు, షరీఫ్, ఆదివాసి వైస్ చైర్మన్ గాంధీ నాయక్ గారు, నాయకులు జేబీ గౌడ్ గారు, షరీఫ్, రోజా రాణి తదితరులు పాల్గొన్నారు.
