మొటిమల ప్రదేశంలోని బ్యాక్టీరియాను తగ్గించేందుకు ఈ చిట్కా ఉపయోగపడుతుంది. దీనికోసం దాల్చినచెక్క పొడిలో కొద్దిగా తేనె కలిపి మొటిమల దగ్గర రాసుకోండి. 15 నిమిషాలు ఉంచి క్లీన్ చేసుకుంటే ఫలితం ఉంటుంది.
వేపాకుల్లోని యాంటీ బ్యాక్టీరియల్ గుణాలు మొటిమలను తగ్గించడంలో సహాయపడతాయి. దీనికోసం వేపాకులను పేస్ట్ చేసి మొటిమలపై రాసుకోండి. అరగంట ఉంచి తర్వాత క్లీన్ చేసుకుంటే చాలు.
పసుపులోని యాంటీ బ్యాక్టీరియల్ లక్షణాలు మొటిమలను తగ్గిస్తాయి. దీనికోసం పసుపులో కొద్దిగా నీళ్లు లేదా తేనె కలిపి మొటిమలపై రాసుకోండి. కాసేపయ్యాక క్లీన్ చేసుకుంటే సరిపోతుంది.
ఐస్ క్యూబ్ను శుభ్రమైన క్లాత్లో చుట్టి మొటిమలు ఉన్న ప్రదేశంలో నొక్కుతూ ఉండండి. 5 నిమిషాలు ఇలా చేయడం వల్ల మొటిమల వాపు, ఎరుపు తగ్గుతుంది.
అలోవెరాలోని యాంటీ ఇంఫ్లమేటరీ గుణాలు మొటిమల వాపు, మచ్చలు తగ్గించడంలో సహాయపడతాయి. దీనికోసం తాజా అలోవెరాను మొటిమల దగ్గర రాసి అరగంట తర్వాత చల్లటి నీటితో క్లీన్ చేసుకుంటే చాలు.
ముఖంపై జిడ్డు, బ్యాక్టీరియా తొలగించడంలో ముల్తానీ మట్టి సహాయపడుతుంది. ముల్తానీ మట్టిలో కొద్దిగా రోజ్ వాటర్ కలిపి ముఖానికి రాసుకోండి. తద్వారా మొటిమలు కూడా తగ్గుతాయి.
మొటిమలకు కారణమయ్యే బ్యాక్టీరియాను నివారించడంలో టీ ట్రీ ఆయిల్ సహాయపడుతుంది. దీనికోసం ఒక చుక్క టీ ట్రీ ఆయిల్లో 9 చుక్కల కొబ్బరి నూనె కలిపి మొటిమలు ఉన్న ప్రదేశంలో రాసుకుంటే సరిపోతుంది.
చర్మంపై పీహెచ్ బ్యాలెన్స్ బాగుచేసి మొటిమలు తగ్గించడంలో వెనిగర్ సహాయపడుతుంది. ఒక భాగం వెనిగర్లో మూడు భాగాల నీళ్లు కలిపి మొటిమలపై రాసుకోండి. 10 నిమిషాలు ఉంచి క్లీన్ చేసుకోండి.
మొటిమలు తగ్గించేందుకు ఆవిరి పట్టడం చాలా బాగా ఉపయోగపడుతుంది. వేడి నీటిలో యూకలిప్టస్ ఆయిల్ వేసి ముఖానికి ఆవిరి పడితే రంధ్రాలు ఓపెన్ అయి బ్యాక్టీరియా నశిస్తుంది. మొటిమలు తగ్గుతాయి.
