సూరజ్, జ్యోత్స్నల ప్రేమాయణం పట్టాలెక్కేసింది. ఇంట్లో వాళ్లంతా సూరజ్కి ఇచ్చిపెళ్లి చేయడానికి సిద్ధపడతారు. అయితే జోత్స్న మాత్రం పెళ్లికి ఒప్పుకోదు. ఆ మాట చెప్పకుండానే.. జ్యోత్స్నతో పెళ్లిని రిజెక్ట్ చేస్తాడు సూరజ్. దాంతో ఆమె ఘోరంగా హర్ట్ అయిపోయింది.. నన్నే రిజెక్ట్ చేస్తాడా అని. నిన్న మొన్నటి వరకూ తన వెంటపడిన వాడు.. తనని కాదనేసరికి హర్ట్ అయ్యింది. దీప దగ్గర కన్నీటిపర్యంతం అయ్యింది. అయితే ఆడదాని మనసు ఆడదానికే తెలుస్తుందని.. జ్యోత్స్న మనసులో మొన్నటి వరకూ కార్తీక్ ఉన్నా.. ఇప్పుడు అతన్ని డిలీట్ చేసి.. సూరజ్ని ప్రేమిస్తుందంటూ.. జ్యోత్స్న మనసుని చదివేస్తుంది దీప. జ్యోత్స్నలో మార్పు మొదలైంది.. జ్యోత్స్నకి సూరజ్ కావాలి.. ఈ విషయం తనకి తెలియకపోయినా.. తన మనసుకి తెలుసు.. ఈ విషయం త్వరలోనే సూరజ్కి కూడా తెలుస్తుంది.. వాళ్లు ఒకర్నొకరు చూసుకోకుండా ఉండలేరు కూడా.. అని కార్తీక్త్కి చెప్తుంది దీప. కట్ చేస్తే.. ఆఫీస్లో ఎదురెదురు కూర్చుని అదే పనిలో ఉంటారు సూరజ్, జ్యోత్స్నలు.కన్నార్పకుండా జ్యోత్స్నని అలా చూస్తూనే ఉంటాడు సూరజ్. జ్యోత్స్న చాలా ఇబ్బందిగా ఫీల్ అవుతుంది. కోపంగా లేచి సూరజ్ దగ్గరకు వస్తుంది. అయితే సూరజ్ చాలా తెలివిగా ఆమె కూర్చున్న కుర్చీని చూస్తూ ఉంటాడు. ‘నేను ఇక్కడుంటే అక్కడేం చూస్తున్నావ్’ అని అంటుంది జ్యోత్స్న. ‘నేను నిన్ను ఎందుకు చూడాలీ’ అని అంటాడు సూరజ్. మరి ఇంతసేపూ ఎవర్ని చూశావ్.. నన్నే కదా చూస్తూ ఉన్నావ్ అని అంటుంది జ్యోత్స్న. నువ్వు ఇక్కడకొచ్చినా అక్కడే చూస్తున్నానంటే.. నిన్ను చూడలేనట్టు కదా అని అంటాడు సూరజ్. మరి ఎవర్ని చూస్తున్నావ్ అంటే.. ‘శూన్యం’లో చూస్తున్నా’ అంటూ జ్యోత్స్నకి చిరాకు తెప్పిస్తాడు సూరజ్. నీతో మాట్లాడితే పిచ్చి ఎక్కుతుంది అని జ్యోత్స్న అంటే.. కొత్తగా ఎక్కాలా ఏంటీ అంటూ మరింత చిరాకు తెప్పిస్తాడు సూరజ్.అయితే వీళ్లిద్దరూ తగువులాడుకుంటూ ఉంటే.. అది చూసి దీప, కార్తీక్లు తెగ సంబరపడిపోతారు. ‘‘ఇదన్న మాట కథ.. నువ్వు చెప్పింది నిజమే దీపా.. జ్యోత్స్నలో మార్పు మొదలైంది. ఆ విషయంలో మనమే చెప్పాలి అని అంటాడు కార్తీక్. ఇలా కొట్టుకుని కొట్టుకుని వాళ్లే దగ్గరైపోతారు బావా.. నువ్వు చూస్తూ ఉండు’ అని అంటాడు కార్తీక్.ఇక అర్థరాత్రి పూట బ్యాగ్ సర్దుకుని ఇంట్లో నుంచి వెళ్లిపోతుంటుంది జ్యోత్స్న. అది సూరజ్ కంట పడుతుంది. ఏంటి మేడమ్.. ఎక్కడికి వెళ్తున్నారూ.. అని అడుగుతాడు. ‘అంటే మీరు ఈ మధ్య సంచలనాత్మక నిర్ణయాలు తీసుకుంటున్నారు కదా.. ఇది కూడా అలాంటి చారిత్రాత్మక నిర్ణయం తీసుకున్నారా అని చూస్తున్నా’ అని అంటాడు సూరజ్. ఏంటదీ అని జ్యోత్స్న అంటే.. ‘ఏముందీ ఆఫీస్లో నా మొహం చూడలేక.. లగేజ్ సర్దుకుని ఏ అమెరికాకో చెక్కేస్తున్నారేమో అని అనుకుంటున్నా’ అని సెటైర్లు వేస్తాడు సూరజ్. ‘చెప్పూ.. నా గెస్ కరెక్ట్ అయితే నువ్వు ఎయిర్ పోర్టుకే వెళ్లాలి. డ్రాప్ చేయమంటావా? అని అంటాడు సూరజ్. ‘నాకు ఎక్కడికీ పోవాల్సిన అవసరం లేదు అని అంటుంది జ్యోత్స్న. ‘పని ఉంది.. అయినా నీకెందుకు చెప్పాలి’ అని అంటుంది జ్యోత్స్న.ఎవరితో చెప్పకుండా ఇంత రాత్రి పూట ఎక్కడికి పోతావ్ అని అంటాడు సూరజ్. ‘ఎవరితో చెప్పలేదని నీకు చెప్పానా?’ అని జ్యోత్స్న అంటే.. ‘చూస్తే అర్థమైపోతుంది’ అని అంటాడు సూరజ్. ‘చూస్తే అర్థం చేసుకునేవే అయితే ఈపాటికి చాలా అర్థం అవ్వాలి. నీకు కళ్లు ఉన్నాయ్ కానీ చూడలేవు. మనసు ఉంది కానీ.. అర్థం చేసుకోలేవు’ అని అంటుంది జ్యోత్స్న. నువ్వు ఇంకేదో మనసులో పెట్టుకుని మాట్లాడుతున్నట్టు ఉన్నావ్ అని సూరజ్ అంటే.. ‘ఏది మనసులో పెట్టుకుంటే నీకు ఎందుకురా?? నా దారిన నన్ను పోనియ్’ అని అంటుంది జ్యోత్స్న. వెళ్లేది రాంగ్ రూట్ ఏమో ఆలోచించు అని అంటాడు సూరజ్. ఇన్నాళ్లూ రాంగ్ రూట్లోనే వెళ్లాను.. ఇప్పుడే రైట్ రూట్లోకి వెళ్తున్నా అని అంటుంది జ్యోత్స్న.ఇదంతా కాదు కానీ.. ఎక్కడికి వెళ్తున్నావో చెప్పు అని అంటాడు సూరజ్. ‘చెప్పను’.. నన్ను పోనియ్ అని అంటుంది జ్యోత్స్న. సరే డ్రాప్ చేయమంటావా? అని సూరజ్ అంటే.. పోయి పని చూసుకో అంటూ లగేజ్ తీసుకుని వెళ్లిపోతుంది జ్యోత్స్న. మరి ఎక్కడికి వెళ్లిందో.. సూరజ్ ఏం చేయబోతున్నాడో తరువాతి ఎపిసోడ్లో చూద్దాం.
