Viswanath And Sons News

సూర్య–వెంకీ అట్లూరి కాంబినేషన్‌లో వచ్చిన ‘విశ్వనాథ్ అండ్ సన్స్’ బాక్సాఫీస్ దగ్గర జోరు చూపిస్తోంది. ఆగస్టు 14న విడుదలైన ఈ ఫ్యామిలీ ఎంటర్‌టైనర్ కేవలం ఐదు రోజుల్లోనే ప్రపంచవ్యాప్తంగా రూ. 150 కోట్ల గ్రాస్ సాధించింది. ఓవర్సీస్ లో రూ. 45 కోట్లు రాబట్టింది. ఇప్పటికీ మంచి కలెక్షన్స్ తో సక్సెస్ రన్ కొనసాగిస్తూ. ఇప్పుడు రూ. 200 కోట్ల క్లబ్ లోకి చేరడానికి రెడీ అయ్యింది. ఒకప్పుడు థియేటర్లలో సినిమాను నిలబెట్టాలంటే బిగ్ స్టార్, భారీ బడ్జెట్, భారీ హైప్ తప్పనిసరి అన్న పరిస్థితి. కానీ ఇప్పుడు ఆ లెక్క కాస్త మారుతున్నట్టే కనిపిస్తోంది. ‘మా ఇంటి బంగారం’ రూ. 100 కోట్ల మార్క్ దాటగా అదే సమయంలో కేవలం రూ. 25 కోట్ల బడ్జెట్‌తో వచ్చిన ‘డీసీ’ 14 రోజుల్లోనే రూ. 100 కోట్ల క్లబ్‌కు చేరువైంది. అంటే స్టార్ పవర్ కంటే కంటెంట్, మౌత్ టాక్, ఎంటర్‌టైన్‌మెంట్ వాల్యూ ఉంటే ప్రేక్షకులు థియేటర్లకు వస్తారనే సంకేతం ఇది. మిడ్-బడ్జెట్ సినిమాలకు మళ్లీ థియేట్రికల్ మార్కెట్ పెరుగుతోందని ఈ సినిమాలే ప్రూవ్ చేస్తున్నాయి. కొరియన్ కనకరాజు’, చెన్నై లవ స్టోరీ ఎబోవ్ యావరేజ్ టాక్‌తో బాగానే రాబట్టింది. ఇక్కడ అసలు పాయింట్ ఏంటంటే ప్రేక్షకులు ఓటీటీకి పూర్తిగా షిఫ్ట్ కాలేదు. వాళ్లకు నచ్చే సినిమా కనిపిస్తే ఇప్పటికీ టికెట్ కొనడానికి సిద్ధంగానే ఉన్నారు. కాబట్టి థియేట్రికల్ మార్కెట్‌లో మిడ్-బడ్జెట్ సినిమాలకు కూడా స్పేస్ ఉందనే నమ్మకం మేకర్స్‌లో పెరిగే అవకాశం ఉంది. అయితే ఈ ట్రెండ్‌ను చూసి “టాలీవుడ్‌లో ఇక ప్రతి సినిమా థియేటర్లలో ఆడుతుంది” అని చెప్పలేరు. ఎందుకంటే ఈ సినిమాల విజయానికి కంటెంట్‌తో పాటు మౌత్ టాక్, రిలీజ్ టైమింగ్, ప్రమోషన్, టికెట్ ప్రైసింగ్ కూడా కీలకం. బ్లాక్‌బస్టర్, డిజాస్టర్ అనే రెండు ఎక్స్‌ట్రీమ్స్ మధ్య ‘డీసెంట్ సినిమా’ కూడా థియేటర్‌లో నిలబడగల మార్కెట్ మళ్లీ ఏర్పడుతోందా అంటే

కోలీవుడ్ స్టార్ హీరో సూర్య నటించిన లేటెస్ట్ చిత్రం ‘విశ్వనాథ్ అండ్ సన్స్’. టాలీవుడ్ డైరెక్టర్ వెంకీ అట్లూరి తెరకెక్కించిన ఈ సినిమాలో మలయాళం బ్యూటీ మమితా బైజు హీరోయిన్ గా చేసింది. అలాగే సీనియర్ హీరోయిన్లు రాధిక, రవినా టాండన్ తదితరులు ప్రధాన పాత్రలు పోషించారు. స్వాతంత్ర్య దినోత్సవం కానుకగా ఆగస్టు 14న విడుదలైన ఈ ఫ్యామిలీ ఎంటర్ టైనర్ సూపర్ హిట్ టాక్ తో రన్ అవుతోంది. మరీ బ్లాక్ బస్టర్ టాక్ రానప్పటికీ డీసెంట్ టాక్ తో భారీ వసూళ్లు రాబడుతోంది. ముఖ్యంగా ఫ్యామిలీ ఆడియెన్స్ ఈ సినిమాకు బ్రహ్మరథం పడుతున్నారు. విశ్వనాథ్ అండ్ సన్స్ సినిమాలో ఎప్పటిలాగే సూర్య తన యాక్టింగ్ తో అదరగొట్టాడు. ఇక మమితా బైజు తన క్యూట్ యాక్టింగ్ అండ్ ఎక్స్ ప్రెషన్స్ తో సినిమాను నెక్ట్స్ లెవెల్ కు తీసుకెళ్లింది. ఇక ఇదే సినిమాలో బాగా హైలైట్ అయిన పాత్రల్లో సంజయ్ విశ్వనాథ్ కొడుకు అభయ్ ఒకటి. సినిమాలో ఈ పిల్లాడు తన క్యూట్ నెస్, న్యాచురల్ యాక్టింగ్ తో అందరి దృష్టిని ఆకర్షించాడు. అభయ్ అసలు పేరు చార్విక్. చాలా మంది ఈ అబ్బాయిని సెలబ్రిటీల పిల్లాడని అనుకుంటున్నారు. కానీ అదేమీ కాదు. ఈ బాబు కామన్ మ్యాన్ వాళ్ల అబ్బాయి అని ప్రీ రిలీజ్ ఈవెంట్‌లో మేకర్స్ చెప్పుకొచ్చారు. ఇక విశ్వనాథ్ అండ్ సన్స్ సినిమాలో చార్విక్ ను తీసుకోవడం వెనక ఒక ఆసక్తికరమైన కథ ఉందని వాళ్ల తల్లిదండ్రులు తెలిపారు. ‘విశ్వనాథ్ అండ్ సన్స్ సినిమా కోసం 6 నెలల నుంచి ఏడాది వయసున్న పిల్లలు కావాలని మేకర్స్ క్యాస్టింగ్ కాల్ ప్రకటించారు. దీంతో చార్విక్ ను ఆడిషన్‌ కు తీసుకెళ్లాం. అక్కడ చాలా మంది పిల్లలు ఏడుస్తుండగా చార్విక్ మాత్రం నవ్వుతూనే ఉన్నాడు. దీంతో అతని క్యూట్ ఎక్స్‌ప్రెషన్స్, నవ్వు చూసి మేకర్స్ వెంటనే సెలెక్ట్ చేశారు

ఇప్పుడు సౌత్ సినీ పరిశ్రమలో, అభిమానుల్లో, ప్రేక్షకుల్లో ఒకటే చర్చ.. విశ్వనాధ్ అండ్ సన్స్ మూవీ చాలా బాగుంది, సూర్య, మమితా భైజు, రాధికా శరత్ కుమార్ ఒక రేంజ్ లో నటించారు అని. రోజు వారి ఫ్యామిలీ డిస్కర్షన్ లో ఒకటిగా కూడా మారిందంటే విశ్వనాధ్ అండ్ సన్స్ ప్రభావాన్ని అర్ధం చేసుకోవచ్చు. ఈ చిత్ర కథని దర్శకుడు వెంకీ అట్లూరి మొదట ధనుష్, దుల్కర్ సల్మాన్‌ కి వినిపించాడు. ఆ తర్వాత టీం సలహాతో సూర్యకి వినిపించడం జరిగింది. ఆ విధంగా సూర్య వద్దకి చేరి ఇప్పుడు అభిమానులని, సినీ ప్రియులని విశేషంగా ఆకర్షిస్తుంది. మాస్ మహారాజా రవితేజతో పాటు పలువురు స్టార్ తెలుగు హీరోల పేర్లు కూడా వినిపించాయి. కానీ అవన్నీ ఒట్టి రూమర్స్. దుల్కర్, ధనుష్ మాత్రం నిజం. ఇక బాక్సాఫీస్ వద్ద విశ్వనాధ్ అండ్ సన్స్ కలెక్షన్ల సునామీ సృష్టిస్తోంది. విడుదలైన మొదటి రోజు నుంచే అద్భుతమైన వసూళ్లతో జోరు చూపిస్తూ కేవలం రెండు రోజుల్లోనే 100 కోట్ల క్లబ్‌లో చేరింది. ఇప్పటివరకు ప్రపంచవ్యాప్తంగా 121 కోట్లకు పైగా గ్రాస్ వసూలు చేసి, తమిళ చిత్రసీమలో అత్యధిక వసూళ్లు సాధించిన చిత్రాల జాబితాలో నిలిచింది. లాంగ్ రన్ లో పలు చిత్రాల రికార్డ్స్ బద్దలవ్వడం ఖాయం. దిల్ రాజు రియల్ లైఫ్ సీన్: 'విశ్వనాథ్ & సన్స్'కి ఇన్‌స్పిరేషన్ ఏంటో చెప్పిన వెంకీ అట్లూరి.! ల‌క్ష రూపాయ‌ల‌తో తీసిన చెత్త సినిమా, 20 కోట్లు క‌లెక్ట్ చేసింది.. ఎలాగంటే?

పై ఫొటోలో ఉన్న పాపను గుర్తు పట్టారా? ఆమె ఇప్పుడు ఫేమస్ హీరోయిన్. తెలుగుతో పాటు తమిళ్, మలయాళ భాషల్లోనూ వరుసగా సినిమాలు చేస్తోంది. అంతేకాదు బ్యాక్ టు బ్యాక్ హిట్స్ కొడుతోంది. ఎంతలా అంటే ఇప్పుడీ హీరోయిన్ సినిమా చేస్తే సూపర్ హిట్ అన్న విధంగా మారిపోయింది. ఆ హిట్ అవుతోన్న సినిమాలు కూడా వందల కోట్ల కలెక్షన్లు రాబడుతున్నాయి. ప్రస్తుతం దక్షిణాదిలోనే ది మోస్ట్ లక్కీ ఛార్మ్ గా మారిపోయిందీ క్రేజీ హీరోయిన్. కేరళ రాష్ట్రం ,కొట్టాయం సమీపంలోని కిడంగూర్‌ అని గ్రామానికి చెందిన ఈ చిన్నది ఛైల్డ్ ఆర్టిస్టుగా సినిమా ఇండస్ట్రీలోకి ఎంట్రీ ఇచ్చింది. చిన్నతనంలోనే తన క్యూట్ యాక్టింగ్ తో ఆకట్టుకుంది. అయితే డిగ్రీ పూర్తి చేయకుండానే హీరోయిన్ గా మళ్లీ సినిమాల్లో అడుగు పెట్టింది. 2017 నుంచే సినిమాలు చేస్తోన్న ఈ ముద్దుగుమ్మ రెండేళ్ల క్రితమే తెలుగుతెరకు పరిచయమైంది. కేవలం డబ్బింగ్ చిత్రాలు మాత్రమే చేస్తున్నా తెలుగు ఆడియెన్స్ కు బాగా చేరువైపోయిందీ అందాల తార. ముఖ్యంగా తన క్యూట్ ఎక్స్ ప్రెషన్స్ తో కుర్రకారు హృదయాలు కొల్లగొడుతోందీ అందాల తార. అలాగే తన అభినయంతో చాలా మందికి ఫేవరెట్ హీరోయిన్ గా మారిపోయింది. ఇప్పుడీ హీరోయిన్ పేరు మళ్లీ మార్మోగుతోంది. లేటెస్ట్ గా ఆమె నటించిన ఒక సినిమా బ్లాక్ బస్టర్ టాక్ తో దూసుకెళుతోంది. ఆమె మరెవరో కాదు ప్రేమలు సినిమతో పలకరించి ఇప్పుడు విశ్వనాథ్ అండ్ సన్స్ సినిమాలో తన అల్లరితో ఆకట్టుకున్న మమితా బైజు. ప్రేమలు తర్వాత జీవీ ప్రకాశ్ కుమార్ తో రెబెల్ సినిమాలో చేసింది మమితా బైజు. ఈ సినిమా పెద్దగా ఆడకపోయినా మమితా యాక్టింగ్ కు అందరూ ఫిదా అయ్యారు. దీని తర్వాత ప్రదీప్ రంగనాథన్ తో కలిసి డ్యూడ్, ధనుష్ తో కలిసి కర అనే సినిమాల్లో హీరోయిన్ గా చేసిందీ ముద్దుగుమ్మ. ఈ సినిమాలన్నీ

తమిళ వర్సటైల్ నటుడు సూర్య వరుస ప్లాప్స్ ఎదుర్కొన్నాడు. 2013లో వచ్చిన ‘సింగమ్ 2’ చిత్రం భారీ వసూళ్లను సాధించింది. ఆ తర్వాత నటించిన చిత్రాలు బాక్సాఫీస్ వద్ద ఆ రేంజ్ మ్యాజిక్ చేయలేకపోయాయి. అయితే ఇటీవల ‘వీరభద్రుడు’ (‘కరుప్పు’) చిత్రంతో ఆ రికార్డులను సూర్య బ్రేక్ చేశారు. కరుప్పు ఏకంగా రూ. 300 కోట్ల గ్రాస్ కలెక్షన్స్ రాబట్టి సంచలన విజయం సాధించింది. ‘సింగమ్ 2’ బాక్సాఫీస్ నెంబర్లను దాటడానికి సూర్యకు ఏకంగా 13 ఏళ్ల సమయం పట్టడం విశేషం. ‘కరుప్పు’ విమర్శకుల ప్రశంసలతో పాటు ప్రేక్షకుల నుండి అపూర్వ ఆదరణ పొందిన ఈ సినిమా సూర్య కెరీర్‌లోనే ఒక మైలురాయిగా నిలిచి అందరినీ ఆశ్చర్యపరిచింది. ‘కరుప్పు’ విజయం అందించిన జోష్‌లోనే తాజాగా విడుదలైన ‘విశ్వనాథ్ అండ్ సన్స్’ చిత్రం కూడా బాక్సాఫీస్ వద్ద దుమ్మురేపుతోంది. తమిళంతో పాటు తెలుగులోనూ ఏకకాలంలో విడుదలైన ఈ సినిమా మొదటి ఆట నుంచే అద్భుతమైన పాజిటివ్ టాక్‌ను సొంతం చేసుకుంది. కుటుంబ కథాంశంతో పాటు సూర్య నటనకు ప్రేక్షకులు బ్రహ్మరథం పడుతుండటంతో ఈ చిత్రం కూడా బ్లాక్‌బస్టర్ దిశగా వేగంగా దూసుకుపోతోంది. ఇలా కేవలం మూడు నెలల్లోనే రెండు భారీ హిట్లు కొట్టి తన పవర్ ఏంటో మరోసారి నిరూపించారు సూర్య. జస్ట్ రెండు రోజుల్లోనే ఈ సినిమా వందకోట్లకు అటు ఇటుగా వసూళ్లు రాబట్టి బ్లాక్ బస్టర్ హిట్ గా దూసుకెళ్తుంది. తమిల్ కంటే కూడా తెలుగులో ఈ సినిమా అదరగోతుంది. శనివారం ఫస్ట్ షో, సెకండ్ షోస్ కు హౌస్ ఫుల్ బోర్డ్స్ కనిపించాయి. ఒకప్పడు వరుస ప్లాప్స్ చూసిన సూర్య ఇప్పుడు జస్ట్ 3 నెలల్లో 2 బ్లాక్ బస్టర్ హిట్స్ కొట్టేసాడు

తమిళ హీరో సూర్య నటించిన తాజా చిత్రం ‘విశ్వనాథ్ & సన్స్’. వెంకీ అట్లూరి దర్శకత్వం వహించిన ఈ చిత్రంలో మమితా బైజు హీరోయిన్ గా నటించింది. రాధిక శరత్‌ కుమార్, రవీనా టాండన్ కీలక పాత్రలు పోషించారు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య సంయుక్తంగా నిర్మించారు. ఆగస్టు 14న థియేటర్లలోకి వచ్చిన ఈ చిత్రం హిట్ టాక్ తెచ్చుకుంది. తమిళంలో కంటే తెలుగులో ఎక్కువ కలెక్షన్స్ రాబడుతోంది. ఈ సందర్భంగా హైదరాబాద్ లో సక్సెస్ మీట్ నిర్వహించారు. దీనికి దర్శకుడు త్రివిక్రమ్ శ్రీనివాస్ చీఫ్ గెస్టుగా హాజరయ్యారు.త్రివిక్రమ్ శ్రీనివాస్ మాట్లాడుతూ.. "ఫస్ట్ ఈ కథ విన్నప్పటి నుంచే ఈ సినిమా నా హృదయానికి చాలా దగ్గరైంది. ఇలాంటి టైంలో కస్టపడి ఒక కుటుంబ కథా చిత్రం చేసి, దానిని సక్సెస్ ఫుల్ చేసినందుకు టీమ్ మొత్తాన్ని అభినందిస్తున్నాను. నేను సూర్య గారితో ఒక సినిమా చేయాలి. ఆయనకు నచ్చే కథ ఇంకా చెప్పలేకపోయాను. త్వరలోనే మేమిద్దరం కలిసి పని చేస్తామని నమ్ముతున్నాను. నా భార్య సూర్యకి పెద్ద ఫ్యాన్. ఆమె సూర్యతో సినిమా చేయమని రిక్వెస్ట్ కాదు, డిమాండ్ చేస్తున్నారు. సాధారణంగా తను సినిమా షూటింగ్ లకు పెద్దగా వెళ్ళరు. అలాంటిది సూర్య మీద అభిమానంతో ఈ సినిమా సెట్ కి వెళ్ళి, కలిసి ఫోటో దిగారు. బేసిక్ గా ఆడవాళ్లు అంత గమ్మున ఇష్టపడరు. కానీ, ఇష్టపడితే మాత్రం జీవితాంతం వదిలిపెట్టరు. అలాంటి హీరోలు అతికొద్ది మంది ఉంటారు. అందులో సూర్య ఒకరు. నాకు తెలిసి ఇండియాలో ఇద్దరు హీరోలకు వయసు వెనక్కి వెళ్తుంది. ఒకరు సూర్య, ఇంకొకరు మహేష్ బాబు'' అని నవ్వుతూ అన్నారు.''గజినీ'లో సూర్య పోషించిన సంజయ్ రామస్వామి పాత్ర.. తమిళ ప్రేక్షకులకు మాత్రమే కాదు, తెలుగు ప్రేక్షకులకు కూడా చాలా దగ్గరైన పాత్ర. కొన్ని పాత్రలు మనతో పాటు

సూర్య హీరోగా నటించిన 'విశ్వనాథ్ అండ్ సన్స్' చిత్రం ఆగస్టు 14న విడుదలైన తర్వాత దర్శకుడు వెంకీ అట్లూరి రైటింగ్‌పై నెటిజన్లు ప్రశంసల వర్షం కురిపిస్తున్నారు. కుటుంబ భావోద్వేగాలు, చమత్కారమైన సంభాషణలు మరియు సహజమైన సన్నివేశాలు ప్రేక్షకులను విశేషంగా ఆకట్టుకోవడంతో ఈ సినిమాకు పాజిటివ్ టాక్ వస్తోంది. వెంకీ అట్లూరి రాసిన స్క్రీన్‌ప్లే మరియు సంభాషణల శైలి స్టార్ డైరెక్టర్ త్రివిక్రమ్ శ్రీనివాస్ మార్కును గుర్తు చేస్తోందని సినీ ప్రేమికులు సోషల్ మీడియాలో పోస్టులు పెడుతున్నారు. గుల్టే వంటి ప్రముఖ మీడియా సంస్థలు కూడా ఆయనను న్యూ-ఏజ్ త్రివిక్రమ్‌గా అభివర్ణిస్తూ కథనాలు ప్రచురించాయి. నటుడిగా కెరీర్ ప్రారంభించి 'తొలిప్రేమ' చిత్రంతో దర్శకుడిగా మారిన వెంకీ అట్లూరి 'సార్', 'లక్కీ భాస్కర్' సినిమాలతో భారీ విజయాలు సాధించారు. లక్కీ భాస్కర్ చిత్రానికి గాను ఆయన 72వ జాతీయ చలనచిత్ర అవార్డుల్లో ఉత్తమ స్క్రీన్‌ప్లే పురస్కారాన్ని దక్కించుకోవడం విశేషం. తాజాగా విడుదలైన విశ్వనాథ్ అండ్ సన్స్ చిత్రంలో ఒలింపిక్ పిస్టల్ షూటర్‌గా సూర్యను చూపించడంతో పాటు వయసు వ్యత్యాసం ఉన్న ప్రేమ కథను కుటుంబ బంధాలతో చాలా సున్నితంగా తెరకెక్కించారు. ఈ తమిళ-తెలుగు ప్రాజెక్ట్‌లో సూర్య, మమితా బైజుల మధ్య ఉన్న కెమిస్ట్రీ మరియు రాధికా శరత్‌కుమార్ నటన ప్రేక్షకులను బాగా అలరిస్తున్నాయి. దీంతో ఈ చిత్రంలో వెంకీ అట్లూరి ప్రదర్శించిన రైటింగ్ నైపుణ్యంపై చిత్ర పరిశ్రమలో విస్తృత చర్చ జరుగుతోంది. దర్శకుడు స్వయంగా ఒక ఇంటర్వ్యూలో మాట్లాడుతూ 'నువ్వు నాకు నచ్చావ్' సినిమా తనను ఎంతగానో ప్రభావితం చేసిందని, త్రివిక్రమ్ శైలి నుండి తాను ప్రేరణ పొందినట్లు స్పష్టం చేశారు. ప్రీ-రిలీజ్ వేడుకలో సూర్య సైతం వెంకీ అట్లూరి మేకింగ్‌లో త్రివిక్రమ్ ఫ్యామిలీ వ్యాల్యూస్ మరియు హ్యూమర్ కనిపిస్తాయని వ్యాఖ్యానించారు. ఈ రకమైన సహజ సిద్ధమైన స్క్రీన్‌ప్లేతో బాక్సాఫీస్ వద్ద సినిమా కలెక్షన్ల పరంగా కూడా మంచి ఓపెనింగ్స్ సాధిస్తోంది. నటుడు కార్తి సైతం వెంకీ

సూర్య కథానాయకుడిగా నటించిన ‘విశ్వనాథ్ అండ్ సన్స్’ చిత్రం బాక్సాఫీస్ వద్ద అద్భుతమైన వసూళ్లతో దూసుకుపోతోంది. లోకేష్ కనగరాజ్ ‘డీసీ’ చిత్రం మాదిరిగానే ఈ సినిమా కూడా తమిళనాడు కంటే తెలుగు రాష్ట్రాల్లో అత్యధిక ఆదరణ సొంతం చేసుకుంటోంది. ఆగస్టు 14న విడుదలైన ఈ ఫ్యామిలీ ఎంటర్‌టైనర్ ప్రీ-బుకింగ్స్, ఓపెనింగ్ డే అక్యుపెన్సీలలో సొంత రాష్ట్రం కంటే తెలుగు వెర్షన్‌లోనే భారీ నంబర్లు నమోదు చేసింది. భారతదేశంతో పాటు ఉత్తర అమెరికా మార్కెట్‌లోనూ తెలుగు వెర్షన్ అగ్రస్థానంలో కొనసాగుతుండటం ట్రేడ్ వర్గాలను ఆశ్చర్యపరుస్తోంది. గతంలో విడుదలైన ‘డీసీ’ చిత్రం తమిళనాడులో ఆశించిన స్థాయిలో రాణించకపోయినా, తెలుగు రాష్ట్రాల్లో భారీ కలెక్షన్లతో బ్లాక్‌బస్టర్‌గా నిలిచింది. ఇప్పుడు అదే బాటలో సూర్య చిత్రం కూడా తెలుగు వెర్షన్ హోమ్‌స్టేట్ నంబర్లను దాటేసే దిశగా సాగుతోంది. వెంకీ అట్లూరి దర్శకత్వంలో నాగ వంశీ నిర్మించిన ఈ చిత్రం స్వతంత్ర దినోత్సవ వారాంతంలో విడుదలై ప్రేక్షకుల నుండి విశేష ఆదరణ పొందుతోంది. ఈ చిత్రంలో సూర్య సంజయ్ విశ్వనాథ్ అనే అంతర్జాతీయ పిస్టల్ షూటర్, బిజినెస్ టైకూన్ పాత్రలో కనిపించి మెప్పించారు. దీంతో కుటుంబ భావోద్వేగాలు, వయసు తేడా ఉన్న ప్రేమకథ చుట్టూ సాగే ఈ నారేటివ్ అన్ని వర్గాల ప్రేక్షకులను ఆకట్టుకుంటోంది. ఇదిలా ఉండగా మమితా బైజు కథానాయికగా నటించగా, రాధికా శరత్‌కుమార్, రవీనా టాండన్ కీలక పాత్రల్లో జీవీ ప్రకాష్ కుమార్ అందించిన సంగీతం సినిమాకు ప్రధాన బలమైంది. నైజాం, ఆంధ్ర ప్రాంతాల్లోని థియేటర్లలో నమోదు అవుతున్న అక్యుపెన్సీలు చూస్తుంటే తెలుగు వెర్షన్ ఆధిపత్యం స్పష్టంగా కనిపిస్తోంది. ఫలితంగా రాబోయే రోజుల్లో తెలుగు నంబర్లు తమిళ వెర్షన్‌ను పూర్తిగా వెనక్కి నెట్టే అవకాశం ఉందని అంచనాలు వెలువడుతున్నాయి. ఈ నేపథ్యంలో అమెరికాలోనూ తెలుగు వెర్షన్ సాధిస్తున్న ఆధిక్యం సినిమా సక్సెస్ రేంజ్‌ను మరింత పెంచేలా కనిపించడం గమనార్హం. సూర్య ఇటీవల ‘కరుప్పు’ వంటి భారీ హిట్‌తో మంచి

వర్సటైల్ యాక్టర్ సూర్య, గ్లామరస్ బ్యూటీ మమితా బైజు కాంబినేషన్‌లో వచ్చిన లేటెస్ట్ మూవీ 'విశ్వనాథ్ అండ్ సన్స్'. వెంకీ అట్లూరి దర్శకత్వంలో తెరకెక్కిన ఈ సినిమా ఈరోజే థియేటర్లలోకి అడుగుపెట్టింది. ఇక ప్రీమియర్స్, మార్నింగ్ షో చూసిన జనాలు ఎక్స్ (ట్విట్టర్) లో తమ రివ్యూలను షేర్ చేసుకుంటున్నారు. ఓవరాల్‌గా చూస్తే ఈ సినిమాకు ఎక్స్ లో పాజిటివ్ రెస్పాన్స్ లభిస్తోంది. ఫ్యామిలీ డ్రామా, హార్ట్ టచింగ్ ఎమోషన్స్‌తో వెంకీ అట్లూరి మళ్లీ తన మార్క్ చూపించారని ఆడియన్స్ చెబుతున్నారు. సినిమా ఫస్ట్ హాఫ్ చాలా కూల్‌గా, ఫన్‌గా సాగిపోయిందని నెటిజన్లు కామెంట్స్ చేస్తున్నారు. సినిమా స్టార్ట్ అయిన మొదటి 20 నిమిషాలు కథ కొంచెం స్లోగా స్టార్ట్ అయినా, ఆ తర్వాత మంచి పేస్ అందుకుంది. హాస్పిటల్ సీక్వెన్స్, ట్రిప్ కామెడీ, హోటల్ ఫైట్ సీన్లకు ఆడియన్స్ బాగా కనెక్ట్ అయ్యారు. ముఖ్యంగా ఇందులో సంజయ్ విశ్వనాథ్ పాత్రలో సూర్య ప్రాణం పోశారని ప్రేక్షకులు ప్రశంసిస్తున్నారు. గజినీలోని సంజయ్ రామస్వామి పాత్ర ఎంత ఐకానిక్‌గా ఉందో, ఈ సంజయ్ విశ్వనాథ్ రోల్ కూడా అంతే రేంజ్‌లో ఉందంటున్నారు. ఇంకా చెప్పాలంటే ఆ పాత్రను సూర్య దాటేసారని కొంతమంది అభిమానులు కామెంట్స్ చేస్తున్నారు. రాధిక, మమితా బైజు, సూర్య మధ్య ఉన్న ఫ్యామిలీ ఎమోషన్స్ చాలా నేచురల్‌గా వర్కవుట్ అయ్యాయి. మమితా బైజు లుక్స్ ఫ్రెష్‌గా, ఎనర్జిటిక్‌గా ఉండి క్యారెక్టర్‌కు పర్ఫెక్ట్‌గా సెట్ అయిందని చెబుతున్నారు. 'లక్కీ భాస్కర్' లాంటి బ్లాక్‌బస్టర్ తర్వాత డైరెక్టర్ వెంకీ అట్లూరి మళ్లీ బలమైన కథతో వచ్చారని నెటిజన్లు మెచ్చుకుంటున్నారు. సెకండ్ హాఫ్‌లో ఫ్యామిలీ సెంటిమెంట్ పీక్స్‌లో ఉందని రివ్యూస్ వస్తున్నాయి. మన టాలీవుడ్ క్లాసిక్ హిట్స్ అయిన అలా వైకుంఠపురములో, అత్తారింటికి దారేది, బొమ్మరిల్లు, మిస్టర్ పర్ఫెక్ట్ సినిమాల్లోని ఎమోషన్స్ ఈ సినిమాలో మళ్లీ చూశామని ఆడియన్స్ ఫీలవుతున్నారు. ఆ ఎమోషన్స్‌ను వెంకీ అట్లూరి తనదైన

సూర్య చివరగా `కరుప్పు` చిత్రంతో విజయాన్ని అదుకున్నారు. చాలా రోజుల తర్వాత బ్లాక్‌ బస్టర్ అందుకొని కమ్‌ బ్యాక్‌ ఇచ్చారు. ఇప్పుడు ఆయన తెలుగు దర్శకుడు వెంకీ అట్లూరితో తెలుగు సినిమా `విశ్వనాథ్‌ అండ్‌ సన్స్` చేశారు. ఇందులో మమితా బైజు హీరోయిన్‌గా నటించగా, రాధిక శరత్‌ కుమార్‌, రవీనా టండన్‌ వంటి వారు ఇతర పాత్రలు పోషించారు. సితార ఎంటర్‌టైన్‌మెంట్‌, ఫార్చ్యూర్‌ ఫోర్‌ సినిమాస్‌ పతాకాలపై నాగవంశీ, సాయి సౌజన్య నిర్మించారు. ఈ చిత్రం నేడు శుక్రవారం(ఆగస్ట్ 14)న తెలుగు, తమిళంలో విడుదలైంది. మరి సూర్య తెలుగు మూవీ ఆకట్టుకుందా? ఆయనకు మరో హిట్‌ పడిందా అనేది రివ్యూలో తెలుసుకుందాం. సంజయ్‌ విశ్వనాథ్‌(సూర్య) బిగ్‌ కార్పొరేట్‌ టైకూన్‌. చిన్నప్పట్నుంచి ఫిస్టల్‌ క్రీడలో రాణించాలనుకుంటాడు. నలభై ఏళ్ల వయసులో ఛాంపియన్‌గా నిలుస్తాడు. దీంతో ఆయనేంటో అందరికి తెలుస్తుంది. అదే సమయంలో దేశంలో ఎవరైనా మ్యానేజ్‌ చేయగల మోస్ట్ ఇన్‌ఫ్లూయెన్స్ డ్‌ పర్సన్‌ కూడా. అయితే నలభై దాటినా కూడా పెళ్లి చేసుకోడు. దానికి కారణం తన నాన్న అమ్మ నిర్మలమ్మ(రాధికా శరత్‌ కుమార్‌) ని కాకుండా నటి అంజలి(రవీనా టండన్‌)ని పెళ్లి చేసుకుంటాడు. దీంతో తమని దూరం పెట్టడంతో సంజయ్‌ బాధపడతాడు. తండ్రిని, అంజలి ఫ్యామిలీని హేట్‌ చేస్తాడు. అమ్మనే సర్వస్వంగా బతుకుతాడు. అయితే జీవితంలో అన్నీ సాధించిన తనకు పెళ్లి చేయాలని అమ్మ కోరుకుంటుంది. కానీ సంజయ్‌ నో చెబుతాడు. కానీ అమ్మ కోరిక మేరకు సరోగసి ద్వారా అబ్బాయికి తండ్రి అవుతాడు. అతను చిన్నప్పుడే బోన్‌ మ్యారోకి సంబంధించిన లోపంతో బాధపడతాడు. దానికి తన సరోగసి మదర్‌ కావాల్సి వస్తుంది. ఆమెనే మ్యాడీ(మమితా బైజు). డబ్బు కోసం ఆ పని చేస్తుంది. తనకు ఎవరూ లేరు. ఇప్పుడు సంజయ్‌ రిక్వెస్ట్ మేరకు ఆమె బోన్‌ మ్యారో రీప్లేస్‌మెంట్‌కి ఓకే చెబుతుంది. దీనికోసం సంజయ్‌ ఇంటికి వస్తుంది. ఈ క్రమంలో సంజయ్‌కి ఆమె

తమిళ చిత్ర పరిశ్రమలో తలపతి విజయ్ తర్వాత అగ్ర హీరో స్థానం సూర్యదేనంటూ నిర్మాత మైత్రి రవి చేసిన వ్యాఖ్యలు ఆసక్తి రేపాయి. హైదరాబాద్‌లో జరిగిన ‘విశ్వనాథ్ అండ్ సన్స్’ తెలుగు ప్రీ-రిలీజ్ కార్యక్రమంలో ఆయన సూర్యను నెంబర్ వన్ హీరోగా అభివర్ణించారు. విజయ్ తమిళనాడు ముఖ్యమంత్రిగా ఎన్నికై సినిమాలకు దూరమైన తర్వాత అగ్రస్థానంలో ఖాళీ ఏర్పడిందని మైత్రి రవి పేర్కొన్నారు. ‘కరుప్పు’ విజయంతో ఆ స్థానాన్ని సూర్య బలంగా అందుకున్నారని ఆయన వ్యాఖ్యానించారు. ఆగస్టు 11న హైదరాబాద్‌లోని శ్రీ కోట్ల విజయ భాస్కర్ రెడ్డి స్టేడియంలో ఈ ప్రీ-రిలీజ్ కార్యక్రమం నిర్వహించారు. ఇందులో సూర్య, మమిత బైజు, దర్శకుడు వెంకీ అట్లూరి, నిర్మాత నాగవంశి సహా పలువురు పాల్గొన్నారు. ఎమ్మెల్యే నవీన్ యాదవ్ ముఖ్య అతిథిగా హాజరయ్యారు. ఈ వేదికపైనే మైత్రి రవి విజయ్ రాజకీయ ప్రవేశాన్ని ప్రస్తావిస్తూ తమిళ చిత్రసీమలో మారుతున్న స్టార్ సమీకరణాలపై మాట్లాడారు. విజయ్ ముఖ్యమంత్రి కావడంతో టాప్ హీరో స్థానం ఖాళీగా మారిందని ఆయన అభిప్రాయపడ్డారు. ‘కరుప్పు’ సాధించిన విజయాన్ని ప్రస్తావించిన మైత్రి రవి, తమిళనాడులో ఈ చిత్రం ₹83 కోట్ల షేర్ సాధించిందని చెప్పారు. దీంతో సూర్య తానే నెంబర్ వన్ అని విజయంతో చెప్పినట్లుగా అనిపించిందని వ్యాఖ్యానించారు. ప్రపంచవ్యాప్తంగా ‘కరుప్పు’ ₹310-340 కోట్ల వసూళ్లు సాధించిందని అందించిన వివరాలు చెబుతున్నాయి. ఇదిలా ఉండగా, తమిళనాడులోనే ₹100 కోట్లకు పైగా వసూళ్లు సాధించడం సూర్య కెరీర్‌లో కీలక మైలురాయిగా నిలిచింది. ఈ విజయాన్నే మైత్రి రవి తన వ్యాఖ్యలకు ప్రధాన ఆధారంగా ప్రస్తావించారు. ‘కరుప్పు’ కథ మొదట విజయ్ కోసం రూపొందించారన్న నేపథ్యం కూడా ఈ వ్యాఖ్యలకు మరింత ప్రాధాన్యం తీసుకొచ్చింది. దర్శకుడు ఆర్జే బాలాజీ తొలుత విజయ్‌కు కథ వినిపించగా, ఆయన ‘జన నాయగన్’ను ఎంచుకోవడంతో ప్రాజెక్ట్ సూర్య వద్దకు వెళ్లింది. విజయ్ అడిగిన ప్రశ్నలు కథనం మెరుగుపడేందుకు ఉపయోగపడ్డాయని దర్శకుడు వెల్లడించినట్లు సమాచారం

జూబ్లీహిల్స్ నియోజకవర్గంలోని సినీ కార్మికుల పిల్లల కోసం త్వరలోనే కార్పొరేట్ స్థాయి పాఠశాలను ప్రారంభించనున్నట్లు ఎమ్మెల్యే నవీన్ యాదవ్ ప్రకటించారు. ముఖ్యమంత్రి రేవంత్ రెడ్డి సూచనల మేరకు ఈ పాఠశాల నిర్మాణం కోసం స్థలాన్ని కూడా ఎంపిక చేశామని ఆయన వెల్లడించారు. సోమవారం హైదరాబాద్‌లో జరిగిన ‘విశ్వనాథ్ & సన్స్’ సినిమా ప్రీ-రిలీజ్ ఈవెంట్‌లో ముఖ్య అతిథిగా పాల్గొన్న సందర్భంగా నవీన్ యాదవ్ ఈ కీలక వివరాలను పంచుకున్నారు. ఇదిలా ఉండగా, 2025 అక్టోబర్‌లో జూబ్లీహిల్స్‌లో జరిగిన సినీ కార్మికుల సమావేశంలో ముఖ్యమంత్రి రేవంత్ రెడ్డి కీలక హామీలు ఇచ్చారు. కృష్ణానగర్ సమీపంలో 3 నుండి 4 ఎకరాల విస్తీర్ణంలో నర్సరీ నుండి 12వ తరగతి వరకు ఉచిత విద్యాసంస్థను ఏర్పాటు చేస్తామని ప్రకటించారు. కార్మికుల కుటుంబాలకు ఆరోగ్య బీమా, గృహ వసతి మరియు వెల్ఫేర్ ఫండ్ వంటి పథకాలను అమలు చేస్తామని ప్రభుత్వం తెలిపింది. దీంతో 2025 నవంబర్‌లో జరిగిన జూబ్లీహిల్స్ ఉప ఎన్నికల్లో సినీ కార్మికులు కాంగ్రెస్ పార్టీకి పూర్తి స్థాయిలో మద్దతు తెలిపారు. ఈ ఎన్నికల్లో కాంగ్రెస్ అభ్యర్థి నవీన్ యాదవ్ బిఆర్ఎస్ అభ్యర్థి మాగంటి సునీతపై దాదాపు 25000 ఓట్ల మెజారిటీతో విజయం సాధించారు. నవీన్ యాదవ్ కుటుంబానికి చిత్రపురి హౌసింగ్ సొసైటీ మరియు సినీ పరిశ్రమతో గత 40 ఏళ్లుగా సన్నిహిత సంబంధాలు ఉన్నాయి. ఈ నేపథ్యంలో నవీన్ యాదవ్ మాట్లాడుతూ ‘విశ్వనాథ్ & సన్స్’ దర్శకుడు వెంకీ అట్లూరి తమ కుటుంబ మిత్రుడని గుర్తు చేసుకున్నారు. వెంకీ తండ్రి అట్లూరి సుబ్బారావు రియల్టర్‌గా, నిర్మాతగా ఎంతో కృషి చేశారని కొనియాడారు. సినీ కార్మికులకు ఎలాంటి సహాయం కావలసి వచ్చినా తాను ఎల్లప్పుడూ అందుబాటులో ఉంటానని ఆయన మరోసారి స్పష్టం చేశారు. ఫలితంగా ప్రభుత్వం ఎంపిక చేసిన స్థలంలో త్వరలోనే స్కూల్ నిర్మాణ పనులు అధికారికంగా ప్రారంభం కానున్నాయి. సూర్య, మమితా బైజు నటించిన ‘విశ్వనాథ్ &

సహజమైన హాస్యం, సున్నితమైన భావోద్వేగాలతో హృదయాన్ని హత్తుకునే కుటుంబ కథా చిత్రంగా ‘విశ్వనాథ్ & సన్స్’ ప్రేక్షకులను అలరించనుంది. ఇప్పటికే విడుదలైన పాటలు, టీజర్, ట్రైలర్ విశేషంగా ఆకట్టుకున్నాయి. ఈ చిత్రం భారీ అంచనాల నడుమ ఆగస్టు 14, 2026న ప్రపంచవ్యాప్తంగా థియేటర్లలో అడుగు పెట్టనుంది. ఈ నేపథ్యంలో మంగళవారం సాయంత్రం హైదరాబాద్ లోని కోట్ల విజయ్ భాస్కర్ రెడ్డి స్టేడియంలో ప్రీ రిలీజ్ వేడుకను చిత్ర బృందం ఘనంగా నిర్వహించింది. ఈ వేడుకలో కథానాయకుడు సూర్య మాట్లాడుతూ.. “ఈ వేడుకకు విచ్చేసిన ఎమ్మెల్యే నవీన్ గారికి, మా సినీ కుటుంబ సభ్యులకు, అభిమానులకు ధన్యవాదాలు. అలాగే, రెండు తెలుగు రాష్ట్రాలలో ఉన్న నా అభిమానులు, వారి కుటుంబ సభ్యులకు నా నమస్కారం. 28 ఏళ్ళ నుంచి మీరు నాపై ఈ ప్రేమను చూపిస్తున్నారు. మీ వల్లే నేను ఈరోజు ఇలా ఉన్నాను. నాగవంశీ గారు, వెంకీ వల్లే ఇలాంటి మంచి సినిమా సాధ్యమైంది. ఈ సినిమాను మీరు థియేటర్లలో చూసి ఖచ్చితంగా ప్రేమిస్తారని నమ్ముతున్నాను. ఈ సినిమాకు ప్రారంభం నుంచి త్రివిక్రమ్ గారి ఆశీస్సులు ఉన్నాయి. ఆయన మాకు ఎప్పుడూ అండగా ఉన్నారు. త్రివిక్రమ్ గారు కుటుంబ విలువలతో కూడిన మంచి సినిమాలను, ఈ జనరేషన్ మెచ్చేలా అందించారు. త్రివిక్రమ్ గారిని వెంకీ స్ఫూర్తిగా తీసుకున్నారు. జీవీ ప్రకాష్ అద్భుతమైన సంగీతం అందించారు. వెంకీ, జీవీ కాంబినేషన్ లో ఇది హ్యాట్రిక్ అవుతుంది. డీఓపీ నిమిష్, ఆర్ట్ డైరెక్టర్ బంగ్లాన్, ఎడిటర్ నవీన్ ఇలా ప్రతి ఒక్కరూ సినిమా అద్భుతంగా రావడానికి కారణమయ్యారు. ఈ సినిమా కోసం నేను హైదరాబాద్ లో ఉన్న ఆరు నెలలను అసలు మరచిపోలేను. ఈ సినిమా నాకు చాలా ప్రత్యేకమైనది. 20 ఏళ్ల క్రితం గజినీ సినిమాలో నన్ను సంజయ్ రామస్వామిగా ఆదరించారు. అదే మ్యాజిక్ ని తీసుకురావాలని వెంకీ, వంశీ అనుకున్నారు. రాధిక గారి వల్ల

కోలీవుడ్ స్టార్ హీరో సూర్య, టాలెంటెడ్ డైరెక్టర్ వెంకీ అట్లూరి కాంబినేషన్‌లో వస్తున్న మోస్ట్ అవైటెడ్ మూవీ విశ్వనాథ్ అండ్ సన్స్. సితార ఎంటెర్టైనమెంట్స్ బ్యానర్ పై నాగవంశీ నిర్మించిన ఈ సినిమా మరో మూడు రోజుల్లో రిలీజ్ కానుంది. ఈ నేపథ్యంలో ఈ సినిమా సెన్సార్ కార్యక్రమాలను పూర్తి చేసుకుంది. సెన్సార్ బోర్డు ఈ చిత్రానికి ‘U/A‘ సర్టిఫికేట్‌ను జారీ చేసింది. ఇక సెన్సార్ సభ్యుల నుంచి ఈ సినిమాకి “పక్కా బిగ్ బ్లాక్‌బస్టర్ ఫ్యామిలీ ఎంటర్‌టైనర్” అని పాజిటివ్ టాక్ వచ్చిందట. సెన్సార్ అనంతరం సినిమా రన్‌టైమ్ 2 గంటల 40 నిమిషాలుగా లాక్ అయింది. మొదటి సన్నివేశం నుంచి ముగింపు వరకు సినిమా అంతా అద్భుతమైన ఫ్యామిలీ ఎమోషన్స్, రోలర్ కోస్టర్ లాంటి ఫన్, ఎంటర్‌టైన్‌మెంట్‌తో నిండి ఉంటుందని సెన్సార్ నివేదికలు చెబుతున్నాయి. కుటుంబ సమేతంగా చూడదగ్గ క్లీన్ డ్రామాతో వెంకీ అట్లూరి మరోసారి తన మార్క్ మేజిక్ రిపీట్ చేసినట్లు టాక్. ఈ సినిమాలో సూర్య సరసన ‘ప్రేమలు’ ఫేమ్ మమితా బైజు కథానాయికగా నటించింది. వీరిద్దరి మధ్య ఉండే కెమిస్ట్రీ మరియు ఎమోషనల్ సీన్స్ చాలా బాగా వచ్చాయని తెలుస్తోంది. ఇక మ్యూజిక్ సెన్సేషన్ జి.వి. ప్రకాష్ కుమార్ అందించిన బ్యాక్‌గ్రౌండ్ స్కోర్ సినిమాను నెక్స్ట్ లెవల్‌కు తీసుకెళ్లిందని, థియేటర్లలో ప్రేక్షకులకు సరికొత్త అనుభూతిని ఇస్తుందని చిత్ర వర్గాలు ధీమా వ్యక్తం చేస్తున్నాయి. సూర్య నటించిన కరుప్పు బ్లాక్ బస్టర్ కావడంతో విశ్వనాథ్ అండ్ సన్స్ పై పాజిటివ్ బజ్ ఉంది. మరి ఆడియెన్స్ ఈ సినిమాకు ఎలాంటి రిజల్ట్ ఇస్తారో చూడాలి

తొలిప్రేమ, సార్, లక్కీ భాస్కర్ వంటి సక్సెస్ ఫుల్ సినిమాలతో పాటు వరుస ప్రాజెక్ట్‌లతో స్టార్ డైరెక్టర్ గా మారాడు డైరెక్టర్ వెంకీ అట్లూరి. మరోవైపు టాలీవుడ్‌లో వరుస సినిమాలతో హల్ చల్ చేస్తుంది కథానాయకి మీనాక్షి చౌదరి. అలాగే వరుస ప్లాప్స్ తర్వాత కాస్త గ్యాప్ తీసుకున్నాడు స్టార్ బాయ్ సిద్దు జొన్నలగడ్డ. ఈ ముగ్గురు ఇప్పుడు డిజిటల్ వేదికపై ఒక భారీ ప్రయోగానికి శ్రీకారం చుట్టారు. ‘స్టార్ బాయ్’ సిద్ధు జొన్నలగడ్డ, గ్లామరస్ బ్యూటీ మీనాక్షి చౌదరి జంటగా వెంకీ అట్లూరి దర్శకత్వంలో ఒక మైండ్ బ్లోయింగ్ బ్యాంక్ హీస్ట్ థ్రిల్లర్ వెబ్ సిరీస్ రూపుదిద్దుకుంటోంది. ప్రముఖ నిర్మాణ సంస్థ సితార ఎంటర్‌టైన్‌మెంట్స్ అధినేత సూర్యదేవర నాగవంశీ ఈ సిరీస్‌ను నెట్‌ఫ్లిక్స్ సంస్థ కోసం నిర్మిస్తున్నారు. తెలుగులోనే అత్యంత భారీ బడ్జెట్‌తో తెరకెక్కుతున్న కాస్ట్‌లీయెస్ట్ వెబ్ సిరీస్‌గా ఇది రికార్డు సృష్టించనుంది. మీనాక్షి చౌదరిఈ వెబ్ సిరీస్‌తో ఓటీటీ స్పేస్‌లోకి తొలిసారి ఎంట్రీ ఇస్తున్నారు. ఇందులో కేవలం గ్లామర్‌కే పరిమితం కాకుండా విభిన్నమైన పాత్రలో కనిపించబోతుంది మీనాక్షి. సిద్ధు, మీనాక్షి మధ్య వచ్చే సన్నివేశాలు ఒక డిఫ్రెంట్ ఎక్స్ప్రిరియన్స్ ఇష్టమట. ప్రస్తుతం సూర్య కాంబినేషన్‌లో తెరకెక్కుతున్న ‘విశ్వనాథ్ అండ్ సన్స్’ వంటి భారీ చిత్రాన్ని పూర్తి చేసిన అనంతరం వెంకీ అట్లూరి ఈఓటీటీ ప్రాజెక్ట్‌పై దృష్టి పెట్టనున్నారు. అంతర్జాతీయ ప్రమాణాలతో, సరికొత్త కథాంశంతో రూపుదిద్దుకుంటున్న ఈ వెబ్ సిరీస్ ఓటీటీ ఆడియెన్స్ ను ఏ మేరకు మెప్పిస్తుందో లెట్స్ వెయిట్ అండ్ వాచ్

సూర్యతో కలిసి ‘విశ్వనాథ్ అండ్ సన్స్’లో నటించిన మమిత బైజు తన చిన్ననాటి జ్ఞాపకాన్ని గుర్తు చేసుకున్నారు. కెరీర్ ప్రారంభంలోనే వరుస విజయాలతో మంచి గుర్తింపు తెచ్చుకున్న నటీమణుల్లో మమిత బైజు (Mamitha Baiju) ఒకరు. మలయాళ సినిమాలతో గుర్తింపు సంపాదించుకున్న ఆమె, ప్రస్తుతం తెలుగు, తమిళ చిత్రాల్లోనూ అవకాశాలు అందుకుంటూ దూసుకెళ్తున్నారు. తాజాగా తమిళ స్టార్ హీరో సూర్య (Suriya)తో కలిసి ‘విశ్వనాథ్ అండ్ సన్స్’(Viswanath And Sons) లో నటించారు. ఈ సినిమాలో సూర్యతో కలిసి పనిచేసిన అనుభవం గురించి మమిత బైజు చెప్పిన మాటలు ఇప్పుడు వైరల్ అవుతున్నాయి. షూటింగ్ సెట్లో మమిత ఉంటే వాతావరణమే మారిపోతుందని,. ఆమెను కెమెరా ఎంతో ఇష్టపడుతుందని సూర్య ప్రశంసించి మాట‌లు ట్రేండ్ అవుతున్నాయి. ఇదే సందర్భంలో సూర్యతో తనకున్న పాత జ్ఞాపకాన్ని మమిత గుర్తు చేసుకున్నారు. తాను ఎనిమిదో తరగతి చదువుతున్న సమయంలో సూర్య కొచ్చిలో జరిగిన ఓ మాల్ ఈవెంట్‌కు వచ్చారని చెప్పారు. తన అన్నయ్య అతడి స్నేహితుడితో కలిసి ఆ కార్యక్రమానికి వెళ్లి సూర్యతో ఫొటో దిగాడని తెలిపారు. అయితే, ఆ సమయంలో తనకు సూర్యను కలిసే అవకాశం రాలేదని మమిత చెప్పారు. చిన్నతనంలో అభిమానించే హీరోతో ఇప్పుడు కలిసి నటించే అవకాశం రావడం తనకు ఎంతో ప్రత్యేకమని అన్నారు. సూర్యతో కలిసి పనిచేసే అవకాశం రావడం తనకు దక్కిన గొప్ప అదృష్టంగా భావిస్తున్నానని పేర్కొన్నారు. తన చిన్ననాటి జ్ఞాపకాన్ని గుర్తు చేసుకుంటూ మమిత చెప్పిన ఈ మాటలు ఇప్పుడు సోషల్ మీడియాలో వైరల్ అవుతున్నాయి. అభిమానులు సైతం ఆమె కథపై ఆసక్తిగా స్పందిస్తున్నారు

కోలీవుడ్ స్టార్ హీరో సూర్య కథానాయకుడిగా, యువ దర్శకుడు వెంకీ అట్లూరి దర్శకత్వంలో తెరకెక్కుతున్న చిత్రం 'విశ్వనాథ్ & సన్స్'. ప్రముఖ నిర్మాణ సంస్థలు సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ సంయుక్తంగా నిర్మిస్తున్న ఈ సినిమాపై భారీ అంచనాలు నెలకొని ఉన్నాయి. తాజాగా ఈ చిత్రానికి సంబంధించిన ప్రీ రిలీజ్ ఈవెంట్‌పై చిత్రబృందం అధికారిక ప్రకటన విడుదల చేసింది.ఈ సినిమా గ్రాండ్ ప్రీ రిలీజ్ ఈవెంట్‌ను ఆగస్టు 11వ తేదీన హైదరాబాద్‌లో ఘనంగా నిర్వహించనున్నట్లు నిర్మాతలు తెలిపారు. జూబ్లీహిల్స్‌లోని జేఆర్సీ కన్వెన్షన్స్‌ వేదికగా ఈ వేడుక జరగనుంది. ఈ కార్యక్రమానికి హీరో సూర్య ముఖ్య అతిథిగా హాజరుకానుండటంతో అభిమానుల్లో ఉత్సాహం నెలకొంది. తన సినిమా ప్రమోషన్ల కోసం సూర్య హైదరాబాద్ రానుండటం ప్రాధాన్యత సంతరించుకుంది.ఈ సినిమాలో సూర్యకు జోడీగా 'ప్రేమలు' చిత్రంతో భారీ క్రేజ్ సంపాదించుకున్న మమిత బైజు కథానాయికగా నటిస్తోంది. వీరిద్దరి కాంబినేషన్ ప్రేక్షకులను ఆకట్టుకోవడం ఖాయమని చిత్ర వర్గాలు భావిస్తున్నాయి.భారీ తారాగణంతో తెరకెక్కుతున్న 'విశ్వనాథ్ & సన్స్' సినిమాలో రాధిక శరత్ కుమార్, రవీనా టాండన్, నాజర్, యోగి బాబు వంటి సీనియర్ నటులతో పాటు భావని శ్రీ, కాళి వెంకట్, రఘుబాబు, వైవా హర్ష కీలక పాత్రలు పోషిస్తున్నారు. ప్రముఖ సంగీత దర్శకుడు జి.వి. ప్రకాశ్ కుమార్ ఈ చిత్రానికి స్వరాలు సమకూరుస్తున్నారు.'సార్' వంటి బ్లాక్‌బస్టర్ తర్వాత వెంకీ అట్లూరి దర్శకత్వం వహిస్తున్న సినిమా కావడం, సూర్య వంటి స్టార్ హీరో నటిస్తుండటంతో ఈ ప్రాజెక్ట్‌పై మొదటి నుంచీ

‘ప్రేమలు’ సినిమాతో దక్షిణాదిన ఫాలోయింగ్‌ సొంతం చేసుకుంది మమితా బైజు. వివిధ భాషల్లో నటిస్తూ బిజీగా మారిందీ మలయాళ ముద్దుగుమ్మ. ఒకే నెలలో మూడు భాషల్లో, భారీ ప్రాజెక్టులతో తనను తాను ప్రూవ్‌ చేసుకునేందుకు వస్తోంది. వాటిల్లో సూర్య సరసన ‘విశ్వనాథ్‌ అండ్‌ సన్స్‌’ కూడా ఉంది. ఈ సందర్భంగా ఆమె చెబుతున్న కబుర్లివి... దూరం... దూరం... డిజిటల్‌ ప్రపంచానికి దూరంగా ఉండాలని నిర్ణయం తీసుకున్నా. ఇప్పటిదాకా నా సినిమా అప్‌డేట్స్‌ను నేరుగా సోషల్‌ మీడియాలో పంచుకున్నా. ఇకపై నాకు సంబంధించిన విశేషాలను కేవలం నా పీఆర్‌ టీమ్‌ మాత్రమే వెల్లడిస్తుంది. సోషల్‌ మీడియా ఇచ్చే పబ్లిసిటీ కన్నా... నాకు మానసిక ప్రశాంతత ముఖ్యమనుకుంటున్నా. పెద్ద ఫ్యాన్‌ని... అల్లు అర్జున్‌కి డైహార్డ్‌ ఫ్యాన్‌ని. ఆయన ప్రతీ సినిమాను కనీసం పదిసార్లు రిపీట్‌ మోడ్‌లో పెట్టుకొని మరీ చూస్తుంటా. ఒకానొక సమయంలో బన్నీపై నాకున్న ఇష్టం అంతా ఇంతా కాదు. ఆయన ‘ఇద్దరమ్మాయిల్లో’ని క్యాసియో వాచ్‌లు చూసి... వాటిని నేనూ పెట్టుకొని తిరిగేదాన్ని. కొన్ని సినిమాల్లో ఆయన ఫుల్‌ స్లీవ్‌ టీషర్ట్‌ మీద షర్ట్‌ వేసుకొన్నారు. నేను కూడా అలాగే వేసుకొని టామ్‌బాయ్‌లా తిరిగేదాన్ని. బేబీ డాక్టర్‌గా... మాది కేరళలోని కొట్టాయం. నాన్న బైజు కృష్ణన్‌. ఆయనొక డాక్టర్‌. కుదిరినప్పుడు నన్ను తన క్లినిక్‌కి తీసుకెళ్లేవారు. అక్కడికి వచ్చినవారంతా బేబీ డాక్టర్‌ అని పిలిచేవాళ్లు. అప్పుడే డాక్టర్‌ కావాలనుకొనేదాన్ని. ఆ ఆసక్తితోనే సైకాలజీలో డిగ్రీ పూర్తి చేశా. కానీ సినిమాల కారణంగా చదువు కొనసాగించలేకపోయా. కూచిపూడి నృత్యంలో శిక్షణ తీసుకున్నా. స్టేజ్‌ మీద డ్యాన్స్‌ చేస్తున్నప్పుడు ఒక దర్శకుడు చూసి నాకు సినిమాల్లో అవకాశం ఇచ్చారు. అంతా అన్నయ్యే... మా అన్నయ్య మిథున్‌ రాష్ట్రస్థాయి క్రికెటర్‌. మేమిద్దరం క్లోజ్‌ఫ్రెండ్స్‌లా ఉంటాం. నా విషయంలో ఏ నిర్ణయం అయినా తను తీసుకోవాల్సిందే! చివరకి నా పెళ్లి విషయంలోనూ తన నిర్ణయమే ఫైనల్‌. నాకు వచ్చే లవ్‌ ప్రపోజల్స్‌ని

కోలీవుడ్ స్టార్ హీరో సూర్య కథానాయకుడిగా నటిస్తున్న కొత్త సినిమా ‘విశ్వనాథ్ అండ్ సన్స్’ సెన్సార్ ప్రక్రియను విజయవంతంగా పూర్తి చేసుకుంది. సెంట్రల్ బోర్డ్ ఆఫ్ ఫిల్మ్ సర్టిఫికేషన్ ఈ చిత్రానికి ‘U/A’ సర్టిఫికెట్‌ను మంజూరు చేసింది. ఈ చిత్రానికి ఎలాంటి కట్స్ విధించకుండా బోర్డు క్లియరెన్స్ ఇవ్వడం విశేషం. దర్శకుడు వెంకీ అట్లూరి తెరకెక్కించిన ఈ ఫ్యామిలీ ఎంటర్‌టైనర్ చిత్రం ఆగస్టు 14న ప్రపంచవ్యాప్తంగా థియేటర్లలో విడుదల కానుంది. సెన్సార్ పూర్తవ్వడంతో చిత్ర బృందం ఎంతో ఉత్సాహంగా ప్రమోషన్లను నిర్వహిస్తోంది. ఇది సూర్య కెరీర్‌లో 46వ చిత్రంగా ప్రేక్షకుల ముందుకు వస్తోంది. గతంలో వచ్చిన ‘కరుప్పు’ చిత్రం భారీ విజయం సాధించడంతో ఈ ప్రాజెక్ట్‌పై అభిమానుల్లో అంచనాలు పెరిగాయి. ఈ సినిమాలో సూర్య ‘సంజయ్ విశ్వనాథ్’ అనే పాత్రలో కనిపించనున్నారు. 40 ఏళ్ల అంతర్జాతీయ పిస్టల్ షూటర్‌గా, తన కలల కోసం పోరాడే వ్యక్తిగా ఆయన నటించారు. కుటుంబ బంధాలు మరియు భావోద్వేగాల మధ్య సాగే సంఘర్షణే ఈ సినిమా కథాంశం. ఈ చిత్రంలో మమితా బైజు కథానాయికగా నటిస్తుండగా, రాధికా శరత్‌కుమార్, రవీనా టాండన్ కీలక పాత్రల్లో కనిపించనున్నారు. ఇదిలా ఉండగా, నటి రవీనా టాండన్ దాదాపు 25 ఏళ్ల తర్వాత తమిళ సినిమాలోకి తిరిగి రావడం గమనార్హం. దీంతో ఈ సినిమాపై పరిశ్రమ వర్గాల్లో తీవ్ర ఆసక్తి నెలకొంది. ఈ చిత్రాన్ని సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. సంగీత దర్శకుడు జీవీ ప్రకాష్ కుమార్ ఈ సినిమాకు స్వరాలు సమకూర్చగా, నిమిష్ రవి సినిమాటోగ్రఫీ అందించారు. ఎడిటింగ్ బాధ్యతలను నవీన్ నూలి నిర్వహించారు. ఈ నేపథ్యంలో ఇటీవల విడుదలైన ట్రైలర్ ప్రేక్షకులలో మంచి ఆసక్తిని రేకెత్తించింది. ప్రమోషన్లలో భాగంగా సూర్య స్వయంగా ఒక డ్యాన్స్ నంబర్ పాడటం విశేషం. అలాగే వెడ్డింగ్ సాంగ్ విడుదల చేసి ప్రేక్షకులలో