Viral Post News

టీమిండియాలోకి తిరిగి రావాలని ఎదురుచూస్తున్న ఆల్‌రౌండర్‌ కృనాల్‌ పాండ్యకు మరోసారి నిరాశే ఎదురైంది. ఈ క్రమంలో అతడు చేసిన ఓ సోషల్‌ మీడియా పోస్ట్‌ ఇప్పుడు వైరల్‌గా మారింది. ఇంటర్నెట్ డెస్క్: టీమిండియాలోకి తిరిగి రావాలని ఎదురుచూస్తున్న ఆల్‌రౌండర్‌ కృనాల్‌ పాండ్యకు మరోసారి నిరాశే ఎదురైంది. సెప్టెంబర్ 13 నుంచి అఫ్గానిస్థాన్‌తో జరగనున్న మూడు మ్యాచ్‌ల టీ20 సిరీస్‌కు మంగళవారం బీసీసీఐ భారత జట్టును ప్రకటించిన సంగతి తెలిసిందే. జట్టులో ప్లేయర్లను వరుస గాయాలు వెంటాడుతుండటంతో కృనాల్‌కు అవకాశం దక్కుతుందంటూ వార్తలు వచ్చాయి. ఐదేళ్ల తర్వాత టీమిండియాలోకి రీఎంట్రీ ఇవ్వనున్నాడని అభిమానులు ఆశించారు. కట్ చేస్తే.. జట్టులో కృనాల్‌కు చోటు దక్కలేదు. ఈ క్రమంలో అతడు చేసిన ఓ సోషల్‌ మీడియా పోస్ట్‌ ఇప్పుడు వైరల్‌గా మారింది. కృనాల్‌ తన ఇన్‌స్టాగ్రామ్‌ స్టోరీలో ‘ఆశ ఇంకా సజీవంగానే ఉంది’ అన్నట్లు ఓ పోస్ట్ చేశాడు. దానికి ఫింగర్ క్రాస్(HOPE) ఎమోజీతో పాటు భారత జెండా ఎమోజీని జత చేశాడు. ప్రస్తుతం ఈ పోస్ట్‌ క్రికెట్‌ అభిమానుల్లో చర్చనీయాంశంగా మారింది. కృనాల్‌ పాండ్య చివరిసారిగా 2021లో భారత జట్టు తరఫున బరిలోకి దిగాడు. టీ20ల్లో భారత్‌కు 19 మ్యాచ్‌లు ఆడిన అతడు 10 ఇన్నింగ్స్‌ల్లో 124 పరుగులు చేశాడు. బౌలింగ్‌లో 15 వికెట్లు పడగొట్టాడు. ఆ తర్వాత అనూహ్య కారణాల వల్ల కృ‌నాల్ జట్టుకు దూరమయ్యాడు. ఇటీవల ఐపీఎల్‌లో ఆల్‌రౌండ్ షోతో ఆకట్టుకున్న అతడిని.. జాతీయ జట్టులోకి తీసుకుంటారని భావించారు. అయితే వాషింగ్టన్ సుందర్‌కు ఫిట్‌నెస్ క్లియరెన్స్ రావాల్సి ఉంది. అతడు ఒకవేళ సుందర్ అందుబాటులోకి రాలేకపోతే.. కృనాల్ పేరును పరిశీలించే అవకాశమున్నట్లు తెలుస్తోంది. వంద కాదు 200 శాతం క్లారిటీ.. ఆటగాళ్ల ఫిట్‌నెస్‌పై బీసీసీఐ సంచలన నిర్ణయం! ఇదేం విచిత్రం.. ఫీల్డింగ్ కోచ్ కోసం లింక్‌డిన్‌లో పాకిస్థాన్ ఓపెన్ హైరింగ్!

స్వీడన్‌లో నివసిస్తున్న ఒక భారతీయ మహిళ అక్కడి పన్నుల విధానంపై చేసిన సోషల్ మీడియా పోస్ట్ ప్రస్తుతం పెద్ద చర్చకు దారితీసింది. పౌరులు చెల్లించే పన్నులకు ప్రతిగా ప్రభుత్వాల నుంచి అందుతున్న సేవలపై నెటిజన్లు రెండు వర్గాలుగా విడిపోయి భిన్నాభిప్రాయాలు వ్యక్తం చేస్తున్నారు.గోపీ కపాడియా అనే భారతీయ మహిళ ప్రస్తుతం స్వీడన్‌లో నివసిస్తున్నారు. ఆమె ఇటీవల ఫేస్‌బుక్‌ వేదికగా చేసిన ఒక పోస్టులో, తాను గతంలో భారత్‌లో సుమారు 30 శాతం ఆదాయపు పన్ను చెల్లించేదాన్నని, ఇప్పుడు స్వీడన్‌లోనూ దాదాపు అంతే పన్ను చెల్లిస్తున్నానని పేర్కొన్నారు. అయితే, స్వీడన్‌లో పన్నులు చెల్లించడం వల్ల స్వచ్ఛమైన గాలి, శుద్ధి చేసిన నీరు, మెరుగైన రహదారులు, మౌలిక సదుపాయాలు, నాణ్యమైన వైద్యం, పిల్లలకు ఉచిత విద్య, సామాజిక భద్రత వంటి విశేష ప్రయోజనాలు అందుతున్నాయని వివరించారు.ఈ నేపథ్యంలో, "భారత్‌లో 30 శాతం పన్ను చెల్లిస్తున్న మనం దానికి ప్రతిగా ఏం పొందుతున్నాం?" అని ఆమె సూటిగా ప్రశ్నించారు. ఈ పోస్ట్ స్వల్ప కాలంలోనే వైరల్ కాగా, అనేక మంది నెటిజన్లు ఆమె వాదనతో ఏకీభవించారు. భారత్‌లో ప్రభుత్వ సేవలు, మౌలిక సదుపాయాల నాణ్యతపై వారు విమర్శలు గుప్పించారు. "కారు ఇంజిన్లను పాడుచేసే ఇథనాల్ కలిపిన ఇంధనం తప్ప మనకు దక్కేదేముంది?" అని ఒక నెటిజన్ వ్యంగ్యంగా వ్యాఖ్యానించారు.కాగా, మరికొందరు నెటిజన్లు ఈ పోలిక ఏమాత్రం సమంజసం కాదని వాదిస్తున్నారు. స్వీడన్‌లో జనాభా చాలా తక్కువని, అందుకే అక్కడ పరిపాలన సులభంగా ఉంటుందని వారు పేర్కొన్నారు. భారీ జనాభా కలిగిన భారత్‌తో

బెంగళూరుకు చెందిన ఓ బీబీఏ రెండో సంవత్సరం విద్యార్థి 3 నెలల పాటు ర్యాపిడో కెప్టెన్‌గా పనిచేసి తన అనుభవాన్ని సోషల్ మీడియాలో పంచుకోవడం ఇప్పుడు వైరల్‌గా మారింది. కాలేజీ సెలవుల్లో పార్ట్‌టైమ్‌గా ఈ ర్యాపిడో డ్రైవర్ పని ప్రారంభించిన అతడు.. గిగ్ ఎకానమీ, రైడ్ యాప్ అల్గారిథమ్ ఎలా పనిచేస్తాయో స్వయంగా తెలుసుకోవాలనే ఉద్దేశంతో చేసినట్లు తెలిపాడు. మొదట ప్లాట్‌ఫామ్ పనితీరుపై పెద్దగా అవగాహన లేకపోయినా.. కొద్ది రోజుల్లోనే ఎక్కువ డిమాండ్ ఉండే ప్రాంతాలను గుర్తించి ఆదాయాన్ని పెంచుకున్నట్లు వివరించాడు.ఆ స్టూడెంట్ సాధారణంగా ఉదయం 8 గంటలకు పని ప్రారంభించి.. సాయంత్రం 4.30 గంటల వరకు రైడ్లు చేసేవాడిని అని పేర్కొన్నాడు. బాగా ఆర్డర్లు వచ్చిన రోజు పెట్రోల్ ఖర్చులు, ఇతర వ్యయాలు తొలగించిన తర్వాత సుమారు రూ.1,200 వరకు సంపాదించేవాడని చెప్పాడు. మధ్యాహ్నం సమయంలో రైడ్లు తగ్గినప్పుడు అదనపు ఆదాయం కోసం ఫుడ్ డెలివరీలు కూడా చేసేవాడిని అని తెలిపాడు.My 3-month experience doing Rapido as a side hustle in Bangalore — ₹1.2k/day, algorithm, restaurants & what I learnedఫుడ్ డెలివరీ సమయంలో కూడా తనకు ఆసక్తికరమైన అనుభవాలు ఎదురయ్యాయని అతడు చెప్పుకొచ్చాడు. కొన్ని రెస్టారెంట్లలో ఆర్డర్ వెంటనే రెడీ అయ్యేదని.. మరికొన్ని చోట్ల మాత్రం 20 నుంచి 25 నిమిషాల వరకు వేచి ఉండాల్సి వచ్చేదని వివరించాడు. మూడు నెలల పాటు బెంగళూరులోని మెజెస్టిక్, రైల్వే స్టేషన్లు, ఇతర రద్దీ ప్రాంతాల్లో ఎక్కువగా రైడ్లు చేశానని.. ఆటో డ్రైవర్లు తనను గమనించినప్పటికీ, ఎవరూ బెదిరించలేదని చెప్పాడు.ఇక తనకు వచ్చిన ఆదాయాన్ని చూపించేందుకు ర్యాపిడో ఎర్నింగ్స్ డ్యాష్‌బోర్డ్ స్క్రీన్‌షాట్లను కూడా ఆ విద్యార్థి సోషల్ మీడియాలో షేర్ చేశాడు. మే నెలలో 96 ఆర్డర్లు పూర్తి చేసి రూ.5,650 సంపాదించగా.. జూన్‌లో ఆదాయం గణనీయంగా పెరిగి రూ.16,660కు చేరింది. జూలైలో 3 నెలల ప్రయాణాన్ని ముగించే

టాలీవుడ్ నిర్మాత, నటుడు బండ్ల గణేష్ తన కుమార్తె జనని (Janani) వివాహాన్ని ఆగస్ట్ 16, ఆదివారం హైదరాబాద్‌లో అత్యంత వైభవంగా జరిపించిన విషయం తెలిసిందే. ఈ వివాహం అనంతరం బండ్ల గణేష్ చేసిన ఎమోషనల్ పోస్ట్ వైరల్ అవుతోంది. టాలీవుడ్ నిర్మాత, నటుడు బండ్ల గణేష్ (Bandla Ganesh) తన కుమార్తె జనని (Janani) వివాహాన్ని ఆగస్ట్ 16, ఆదివారం హైదరాబాద్‌లో అత్యంత వైభవంగా జరిపించిన విషయం తెలిసిందే. సూర్యతేజ (Surya Teja)తో జరిగిన ఈ వివాహ వేడుకకు సినీ, రాజకీయ, వ్యాపార రంగాలకు చెందిన ఎందరో ప్రముఖులు, స్టార్ హీరోలు, అగ్ర దర్శకులు, నిర్మాతలు తరలివచ్చి నూతన వధూవరులను మనస్ఫూర్తిగా ఆశీర్వదించారు. పెద్దల సమక్షంలో, బంధుమిత్రుల కోలాహలం నడుమ ఈ వేడుక కన్నులపండువగా ముగిసింది. ఈ సందర్భంగా తన కూతురి పెళ్లికి వచ్చి, ఆశీస్సులు అందించిన ప్రతి ఒక్కరికీ కృతజ్ఞతలు తెలుపుతూ బండ్ల గణేష్ సోషల్ మీడియా వేదికగా ఓ భావోద్వేగ సందేశాన్ని పంచుకున్నారు. తన సందేశంలో.. ‘‘నిన్న నా కుమార్తె జనని వివాహ వేడుకకు విచ్చేసి, నూతన దంపతులను ఆశీర్వదించిన ప్రతి ఒక్కరికీ నా హృదయపూర్వక ధన్యవాదాలు. మా కుటుంబంతో ఉన్న గాఢమైన అనుబంధంతో, ఆప్యాయతతో తమ విలువైన సమయాన్ని కేటాయించి ఈ శుభకార్యానికి తరలివచ్చిన పెద్దలు, నా ప్రాణసమానులైన ఆత్మీయులు, సినీ మిత్రులు, శ్రేయోభిలాషులందరికీ పేరుపేరునా ప్రత్యేక కృతజ్ఞతలు తెలియజేస్తున్నాను. మీ అందరి రాకతో మా ఇంట్లో జరిగిన ఈ పండుగ వేడుక మరింత ప్రత్యేకంగా, ఎంతో ఆనందంగా మారింది. మీరు అందించిన ప్రేమ, ఆశీర్వాదాలు మా కుటుంబానికి జీవితాంతం గుర్తుండిపోయే మధుర జ్ఞాపకాలుగా మిగిలిపోతాయి’’ అని బండ్ల తన సంతోషాన్ని తెలియజేశారు. అంతేకాకుండా, ఇంతటి భారీ వేడుకలో ఏవైనా లోటుపాట్లు జరిగి ఉంటే పెద్ద మనసుతో అర్థం చేసుకోవాలని ఆయన కోరారు. ‘‘మా ఈ వివాహ మహోత్సవానికి విచ్చేసిన అతిథులకు, పెద్దలకు ఎలాంటి అసౌకర్యం లేదా ఇబ్బంది

Trisha Krishnan:నటి త్రిష కృష్ణన్ తాజాగా చేసిన ఓ క్రిప్టిక్ పోస్ట్ సోషల్ మీడియాలో వైరల్‌గా మారింది. “ఈ వయసులోనూ డ్రామా చేయడం సిగ్గుచేటు” అంటూ ఆమె చేసిన వ్యాఖ్యలు ఇటీవల తలెత్తిన వివాదానికి సంబంధించి చేసినవేనంటూ చర్చ జరుగుతోంది. అయితే త్రిష తన పోస్టులో ఎవరి పేరును నేరుగా ప్రస్తావించలేదు. సౌత్ ఇండియన్ స్టార్ హీరోయిన్ త్రిష కృష్ణన్‌ మరోసారి సోషల్ మీడియాలో చర్చనీయాంశంగా మారారు. కొంతకాలంగా ఆమెకు సంబంధించిన కొన్ని వ్యక్తిగత అంశాలు వార్తల్లో నిలుస్తున్న విషయం తెలిసిందే. అయితే ఈ వ్యవహారంపై ఇప్పటివరకు త్రిష నేరుగా స్పందించలేదు. తాజాగా ఆమె ఇన్‌స్టాగ్రామ్‌లో షేర్ చేసిన కొన్ని పోస్టులు మాత్రం అభిమానులు, నెటిజన్ల దృష్టిని ఆకర్షిస్తున్నాయి. ప్రస్తుత పరిస్థితులపై ఆమె పరోక్షంగా స్పందించారా? అనే సందేహాలు వ్యక్తమవుతున్నాయి. త్రిష తాజాగా తన సోషల్ మీడియా ఖాతాలో ఓ ఆసక్తికరమైన సందేశాన్ని పంచుకున్నారు. ఈ వయసులోనూ అనవసరమైన డ్రామాలు ఎదుర్కోవాల్సి రావడం ఇబ్బందికరంగా ఉందనే భావన కలిగించేలా ఆ పోస్ట్ ఉంది. అదే సమయంలో డబ్బు సంపాదించుకుని ప్రశాంతంగా జీవించడం మంచిదనే అర్థం వచ్చేలా ఆమె సందేశం ఉండటంతో నెటిజన్లు దీనిని ప్రత్యేకంగా గమనించారు. ఈ పోస్టుకు త్రిష రియాక్షన్ ఎమోజీని జత చేయడం కూడా చర్చకు కారణమైంది. అదే సమయంలో మరో ఇన్‌స్టాగ్రామ్ స్టోరీని కూడా త్రిష షేర్ చేశారు. తాను గతంలో కోరుకున్న జీవితాన్ని ప్రస్తుతం అనుభవిస్తున్నాననే భావన వ్యక్తమయ్యేలా ఆ పోస్ట్ ఉంది. దానికి ఈవిల్ ఐ ఎమోజీని జత చేశారు. ఈ రెండు పోస్టులు వరుసగా రావడంతో.. ఆమె తన జీవితంలో జరుగుతున్న పరిణామాలపై ఇలా పరోక్షంగా స్పందిస్తున్నారా? అనే చర్చ మొదలైంది. కొంతకాలంగా త్రిష పేరు ఓ వివాదంలో వినిపిస్తోంది. కావేరీ నీటి సమస్యకు సంబంధించిన ఓ కార్యక్రమంలో రాజకీయ నాయకుడు ఉదయనిధి స్టాలిన్ చేసిన వ్యాఖ్యల నేపథ్యంలో ఈ వివాదం తెరపైకి వచ్చినట్లు వార్తలు