United Kingdom News

బ్రిటన్ రాయల్ ఎయిర్ ఫోర్స్ (ఆర్ఏఎఫ్) చరిత్రలో భారత సంతతికి చెందిన ఓ యువకుడు అరుదైన, చారిత్రక ఘనతను సాధించారు. రెండో ప్రపంచ యుద్ధం తర్వాత తొలిసారిగా ఓ సిక్కు యువకుడు ఫైటర్ పైలట్‌గా పట్టభద్రుడై రికార్డు సృష్టించారు. 28 ఏళ్ల ఫ్లైట్ లెఫ్టినెంట్ అర్ష్‌దీప్ సింగ్ డాంగ్ ఈ అరుదైన గౌరవాన్ని దక్కించుకున్నారు. ఆగస్టు 14వ తేదీన నార్త్ వేల్స్‌లోని ఆర్ఏఎఫ్ వ్యాలీలో జరిగిన ఓ ప్రత్యేక కార్యక్రమంలో ఆయన ఈ గ్రాడ్యుయేషన్ పూర్తి చేసుకున్నారు.చండీగఢ్‌లో 1998లో జన్మించిన అర్ష్‌దీప్, తన ఆరేళ్ల వయసులో కుటుంబంతో కలిసి యూకేకి వలస వెళ్లారు. ఆయన తండ్రి జగదీప్ సింగ్ డాంగ్ పంజాబ్‌లోని లూథియానాకు చెందినవారు కాగా, తల్లి గగన్‌దీప్ కౌర్ అమృత్‌సర్‌కు చెందినవారు. ప్రస్తుతం ఈ కుటుంబం ఇంగ్లండ్‌లోని సౌత్‌హాల్‌లో నివసిస్తోంది.‘ది ఇండియన్ ఎక్స్‌ప్రెస్‌’తో మాట్లాడుతూ అర్ష్‌దీప్ తన ప్రయాణం వెనుక ఉన్న స్ఫూర్తిదాయకమైన కథను పంచుకున్నారు. "మా నాన్న పైలట్ కావాలన్నది మా తాతయ్య సర్దార్ సంతోఖ్ సింగ్ డాంగ్ కల. కానీ నాన్నకు ఆరేళ్లు ఉన్నప్పుడే తాతయ్య చనిపోయారు. దీంతో ఆ కలను నెరవేర్చుకునే అవకాశాలు, వనరులు నాన్నకు లభించలేదు. కానీ నా తల్లిదండ్రులు నన్ను ప్రోత్సహించారు. నేను పైలట్ కాగలనని నమ్మాను. ఇప్పుడు అది నిజమైంది" అని ఆయన వివరించారు. తన తల్లి తనకు ఎల్లప్పుడూ ఒక బలమైన స్తంభంలా నిలిచారని అర్ష్‌దీప్ పేర్కొన్నారు.బ్రిస్టల్ విశ్వవిద్యాలయంలో గణితం, ఫిలాసఫీ చదివిన అర్ష్‌దీప్, 2022లో ఆఫీసర్ శిక్షణ పూర్తి చేశారు. అనేక దశల కఠిన

బ్రిటన్‌లోని ప్రతిష్ఠాత్మక కేంబ్రిడ్జ్ యూనివర్సిటీలో అతి పిన్న వయస్కుడైన బ్లాక్ ప్రొఫెసర్‌గా రికార్డు సృష్టించిన జాసన్ ఆర్డే (37) అనుమానాస్పద స్థితిలో మృతి చెందారు. ఇటీవల తనపై వచ్చిన ప్లేజియరిజం (రచన చౌర్యం) ఆరోపణల వివాదం నడుమ ఈ విషాదం చోటుచేసుకోవడం విద్యా వర్గాల్లో కలకలం రేపింది.కేంబ్రిడ్జ్‌లోని తన నివాసంలో ఆయన స్పృహ లేకుండా పడి ఉండటంతో కుటుంబ సభ్యులు అత్యవసర సేవలకు సమాచారం అందించారు. పోలీసులు, వైద్య సిబ్బంది అక్కడికి చేరుకునేసరికే ఆయన మృతి చెందినట్లు నిర్ధారించారు. ప్రాథమికంగా ఈ మృతిలో నేరపూరిత కోణం ఏదీ లేదని పోలీసులు భావిస్తున్నా, పూర్తిస్థాయి దర్యాప్తు కొనసాగిస్తున్నారు.ఆయన ప్రచురించిన కొన్ని పరిశోధన పత్రాల్లోని అంశాలు ఇతరుల రచనల నుంచి కాపీ చేశారంటూ ఇటీవల ఆరోపణలు వెల్లువెత్తాయి. ఈ వ్యవహారంపై యూనివర్సిటీ అంతర్గత విచారణకు సిద్ధమైనట్లు సమాచారం. ఈ నేపథ్యంలో మానసిక ఒత్తిడికి గురై మృతి చెందినట్టు భావిస్తున్నారు. చిన్నతనంలో ఆటిజం కారణంగా 11 ఏళ్ల వరకు మాటలు రాని, 18 ఏళ్ల వరకు చదవడం, రాయడం తెలియని స్థితి నుంచి జాసన్ ఆర్డే అంచెలంచెలుగా ఎదిగారు. కేవలం 37 ఏళ్ల వయసులోనే కేంబ్రిడ్జ్ యూనివర్సిటీలో 'సోషియాలజీ ఆఫ్ ఎడ్యుకేషన్' ప్రొఫెసర్‌గా నియమితులై, ఆ వర్సిటీ చరిత్రలోనే అత్యంత పిన్న వయస్కుడైన నల్లజాతి ప్రొఫెసర్‌గా చరిత్ర సృష్టించారు.ప్రొఫెసర్ ఆర్డే మృతి పట్ల కేంబ్రిడ్జ్ యూనివర్సిటీ తీవ్ర దిగ్భ్రాంతి వ్యక్తం చేసింది. ఆయనో అసాధారణ మేధావి అని, స్ఫూర్తిదాయక మార్గదర్శకుడని కొనియాడింది. విద్యా రంగంలో తీవ్రమైన పోటీ, ఆరోపణల వల్ల కలిగే సామాజిక