Trailers News

మాధవ్‌ కీలక పాత్రలో మంచాల నాగరాజు దర్శకత్వం వహిస్తున్న ‘మారెమ్మ’ చిత్రం ట్రైలర్ ను మేకర్స్ మంగళవారం విడుదల చేశారు, మాధవ్‌ కీలక పాత్రలో మంచాల నాగరాజు దర్శకత్వం వహిస్తున్న చిత్రం ‘మారెమ్మ’ (Maremma). దీపా బాలు కథానాయిక. వికాశ్‌, వినోద్‌ కుమార్‌, రూపలక్ష్మి, దయానంద్‌రెడ్డి కీలక పాత్రదారులు. మయూర్‌ రెడ్డి నిర్మించారు. ఇప్పటికే చిత్రీకరణ పూర్తి చేసుకున్న ఈ మూవీ సెప్టెంబరు 10న ప్రేక్షకుల ముందుకు రానుంది. ఈ సందర్భంగా మంగళవారం చిత్ర బృందం ట్రైలర్‌ విడుదల చేసింది. ‘ఈ భూమ్మీద ఒక జీవి బతకాలంటే మరో జీవి చావాల్సిందే’ అనే డైలాగులు ఆకట్టుకుంటున్నాయి. గ్రామ దేవత మారెమ్మ ఇతివృత్తంగా తెలంగాణ పల్లె కథతో ఈ సినిమాను తీర్చిదిద్దినట్లు ట్రైలర్ చూస్తే ఆర్థమౌతుంది

ప్రముఖ కన్నడ నటుడు శివరాజ్‌ కుమార్‌ ప్రధాన పాత్రలో నటిస్తున్న చిత్రం ‘కూర్మ అవతార్‌’. హర్షవర్ధన్‌ కడియాల దర్శకత్వం వహిస్తున్నారు. ప్రముఖ కన్నడ నటుడు శివరాజ్‌ కుమార్‌ (Shivaraj kumar) ప్రధాన పాత్రలో నటిస్తున్న చిత్రం ‘కూర్మ అవతార్‌’ (Kurma avatar). హర్షవర్ధన్‌ కడియాల దర్శకత్వం వహిస్తున్నారు. వరలక్ష్మీ శరత్‌కుమార్‌, సాయికుమార్‌, రాజ్‌ తరుణ్‌, శివాజీ, అతిరా రాజ్‌, పూజిత కె. తదితరులు కీలక పాత్రల్లో కనిపించనున్నారు. కె.సేవిత, పూజిత కె. నిర్మాతలు. సోమవారం హైదరాబాద్‌లో ‘కూర్మ అవతార్‌’ టీజర్‌ను ఘనంగా విడుదల చేశారు. ఈ కార్యక్రమానికి దిల్‌రాజు ముఖ్య అతిథిగా హాజరయ్యారు. టీజర్‌ను వీక్షించిన అనంతరం ఆయన చిత్రబృందాన్ని అభినందించారు. దర్శకుడు హర్ష తనదైన విజన్‌తో సినిమాను రూపొందించినట్లు టీజర్‌ చూస్తేనే అర్థమవుతోందని పేర్కొన్నారు. ఈ సందర్భంగా శివరాజ్‌ కుమార్‌ మాట్లాడుతూ.. తెలుగులో బాలకృష్ణ నటించిన ‘గౌతమిపుత్ర శాతకర్ణి’, ఇటీవల వచ్చిన ‘పెద్ది’ చిత్రాల్లో మంచి పాత్రలు దక్కాయి. దర్శకుడు హర్ష ‘కూర్మ అవతార్‌’ కథను చెప్పగానే ఎంతో నచ్చి ఈ సినిమా చేస్తున్నా. కథ నచ్చితే దర్శకుడు కొత్తవారా, అనుభవం ఉన్నవారా అనే విషయాన్ని నేను పెద్దగా పట్టించుకోను. మంచి కథ అయితే తప్పకుండా చేయడానికి ముందుకొస్తా. హర్ష ఎంతో గొప్ప విజన్‌తో ‘కూర్మ అవతార్‌’ను తెరకెక్కించారు. ఈ సినిమా నాకు ప్రత్యేకమైన అనుభూతిని ఇచ్చింది. సాయికుమార్‌తో కలిసి గతంలో ఎన్నో సినిమాలు చేశాను. మరోసారి ఆయనతో కలిసి నటించడం చాలా ఆనందంగా ఉంది’’ అని శివరాజ్‌ కుమార్‌ అన్నారు. సాయికుమార్‌ మాట్లాడుతూ 'శివరాజ్‌ కుమార్‌ కుటుంబంతో ఎంతోకాలంగా అనుబంధం ఉంది. ఆయన కుటుంబ సభ్యులు మంచి మనసున్న వారు. శివరాజ్‌ కుమార్‌తో కలిసి ఇప్పటికే పలు చిత్రాల్లో నటించాను. ‘కూర్మ అవతార్‌’లో మరోసారి కలిసి పనిచేయడం సంతోషంగా ఉంది' అన్నారు. నన్ను కూడా మీ గుండెల్లో పెట్టుకుని ఆదరిస్తున్నందుకు థ్యాంక్స్: దుల్కర్ నిర్మాత సి. కల్యాణ్ కుమారుడి వెడ్డింగ్ రిసెప్షన్‌లో

ఇంటర్నెట్‌ డెస్క్: కన్నడ స్టార్‌ యశ్‌ (Yash)హీరోగా గీతూ మోహన్‌ దాస్‌ దర్శకత్వంలో రానున్న చిత్రం ‘టాక్సిక్‌: ఎ ఫెయిరీటేల్‌ ఫర్‌ గ్రోన్‌అప్స్‌’(Toxic Movie). ఆగస్టు 26న భారీ స్థాయిలో 40కు పైగా భాషల్లో విడుదల కానుంది. ఇటీవల ఈ మూవీ ట్రైలర్‌ను తెలుగు, కన్నడ, హిందీ, తమిళ్‌, మలయాళంలో రిలీజ్‌ చేశారు. తాజాగా చిత్రబృందం ‘టాక్సిక్‌’ ఇంగ్లీష్‌ ట్రైలర్‌ను కూడా విడుదల చేసింది (Toxic English Trailer ). ఇందులో యశ్‌ పవర్‌ఫుల్‌ పాత్రలో యాక్షన్‌తో అదరగొట్టారు. ఈ చిత్రంలో యశ్‌తో పాటు నయనతార, రుక్మిణి వసంత్‌, కియారా అడ్వాణీ, హ్యూమా ఖురేషీ, తారా సుతారియా ప్రధాన పాత్రల్లో మెరవనున్నారు

కికు యనమల, కాశీష్ ఖాన్ జంటగా నటించిన ‘కికు చిరంజీవి’ ట్రైలర్ విడుదలైంది. ప్రేమ, సస్పెన్స్, యాక్షన్ అంశాలతో ఆకట్టుకుంటున్న ఈ సినిమా ఆగస్టు 28న థియేటర్లలోకి రానుంది. కికు యనమల (Kiku Yanamala), కాశీష్ ఖాన్ (Kashish Khan) జంటగా నటించిన యూత్‌ఫుల్ రొమాంటిక్ ఎంటర్‌టైనర్ ‘కికు చిరంజీవి’ (Kiku Chiranjeevi). ఈశ్వరరావు, తనికెళ్ల భరణి, గోపరాజు రమణ, శ్రీకాంత్ అయ్యంగార్ కీలక పాత్రల్లో కనిపించనున్నారు. శుభ సాయి వెంకట్ దర్శకత్వం వహించిన ఈ చిత్రాన్ని నడిమింటి దీప్తి నిర్మించారు. షూటింగ్ పూర్తి చేసుకున్న ఈ సినిమా ఆగస్టు 28న థియేటర్లలోకి రానుంది. ఇప్పటికే ఈ మూవీ నుంచి విడుదలైన గ్లింప్స్, టీజర్, పాటలు మంచి స్పందన తెచ్చుకున్నాయి. తాజాగా మేకర్స్ ‘కికు చిరంజీవి’ ట్రైలర్‌ను విడుదల చేశారు. ఇప్పటివరకు వచ్చిన కంటెంట్‌కు కొనసాగింపుగా ట్రైలర్‌ కూడా ఆసక్తికరమైన కథాంశంతో ఆకట్టుకునేలా ఉంది. ట్రైలర్‌లో హీరో కోసం పలువురు వెతకడం, అతడిపై వరుసగా హత్యాయత్నాలు జరగడం ఆసక్తిని పెంచుతున్నాయి. ఎన్ని ప్రమాదాలు ఎదురైనా హీరో తిరిగి ప్రాణాలతో బయటపడటం చుట్టూ వచ్చే సన్నివేశాలు, ఎలివేష‌న్లు అదిరిపోయాయి. సినిమాపై క్యూరియాసిటీని మ‌రింతగా పెంచేదిగా ఉంది. మరోవైపు తన కుమారుడి కోసం తల్లి పడే తపన, ప్రేమించిన యువతితో పెళ్లి, హీరో పాత్రలో కనిపించే విభిన్న కోణాలు కథలో కీలకంగా కనిపిస్తున్నాయి. ముఖ్యంగా గుండె కుడివైపున ఉండే యువకుడి నేపథ్యం సినిమాకు ప్రత్యేకతను తీసుకొచ్చినట్లు ట్రైలర్ చూస్తే అర్థమవుతోంది. ప్రేమ, కుటుంబ భావోద్వేగాలు, సస్పెన్స్, యాక్షన్ అంశాలను కలిపి తెరకెక్కించిన ఈ సినిమా ప్రేక్షకులను ఏ మేరకు మెప్పిస్తుందో చూడాలి. ఆగస్టు 28న ‘కికు చిరంజీవి’ థియేటర్లలో సందడి చేయనుంది

హారర్ థ్రిల్లర్ సినిమాలను ఇష్టపడే ప్రేక్షకులకు మరో ఆసక్తికరమైన చిత్రం సిద్ధమైంది. హారర్ థ్రిల్లర్ సినిమాలను ఇష్టపడే ప్రేక్షకులకు మరో ఆసక్తికరమైన చిత్రం సిద్ధమైంది. ఇప్ప‌టివ‌ర‌కు నాలుగైదు భాగాలుగా వ‌చ్చి ప్ర‌పంచ వ్యాప్తంగా విశేష‌ ఆద‌ర‌ణను సొంతం చేసుకున్న అన‌కొండ త‌ర‌హా చిత్రాల మాదిరి ‘బివేర్ బోయునా’ (BEWARE BOIÚNA) సినిమా రిలీజ్‌కు రెడీ అయింది. ఈ నేప‌థ్యంలో తాజాగా గురువారం ఈ మూవీ ట్రైల‌ర్‌ను మేక‌ర్స్‌ విడుద‌ల చేశారు. మైక్ పి. నెల్సన్ (Mike P. Nelson) దర్శకత్వం వహించిన ఈ చిత్రంలో జెస్సికా రోతే, కియానా మదీరా, లోగాన్ మార్షల్-గ్రీన్, జాక్సన్ బ్యూస్, జువాన్ పాబ్లో షుక్, విల్ క్లోజ్ ప్ర‌ధాన పాత్ర‌ల్లో న‌టించారు. కాగా ఈ చిత్రం ఆక్టోబ‌ర్ 2న వ‌ర‌ల్డ్‌వైడ్‌గా థియేట‌ర్ల‌లోకి రానుంది. ఈ ట్రైల‌ర్‌ను ప‌రిశీలిస్తే.. ఓ వైద్య బృందం అమెజాన్ రెయిన్ ఫారెస్ట్‌కు వెళ్లగా అక్క‌డ అతి భ‌యంక‌ర‌మైన భారీ బోయునా స‌ర్పం వారి వెంటాడుతుంది. ఈ క్ర‌మంలో ఎప్పుడు ఏ వైపు నుంచి ముప్పు వస్తుందో తెలియని పరిస్థితుల న‌డుమ‌ వారు అక్క‌డ ఎలా స‌ర్వైవ్ అయ్యారనేది ప్ర‌ధానాంశం. ఆ బోయినా వారి వెంట ఎందుకు ప‌డింది చివ‌ర‌కు వారు బ‌య‌ట‌ ప‌డ్డారా లేదా అనే ఆస‌క్తిక‌ర‌మైన క‌థ‌తో ఉత్కంఠభరిత సన్నివేశాలు, భయపెట్టే విజువల్స్‌తో సర్వైవల్ అంశాలను హారర్‌తో మిళితం చేస్తూ సినిమాను రూపొందించినట్లు ట్రైలర్ చూస్తే అర్థమవుతోంది