Tirumala News News

తిరుమల శ్రీవారి భక్తులకు ముఖ్య గమనిక. తిరుమలలో సెప్టెంబర్ నాలుగో తేదీన గోకులాష్టమి ఆస్థానం, 5న ఉట్లోత్సవం నిర్వహించనున్నారు. ఈ సందర్భంగా సెప్టెంబర్ ఐదో తేదీ తిరుమల శ్రీవారి ఆలయంలో ఆర్జిత బ్రహ్మోత్సవం, సహస్రదీపాలంకార సేవలను టీటీడీ రద్దు చేసింది. భక్తులు ఈ విషయాన్ని గమనించాలని ఓ ప్రకటనలో వెల్లడించింది. సెప్టెంబర్ 4న శ్రీకృష్ణజన్మాష్టమి సందర్భంగా తిరుమల ఆలయంలో గోకులాష్టమి ఆస్థానం నిర్వహించడం ఆనవాయితీ. ఇందులో భాగంగా ఆలయంలోని బంగారు వాకిలి ముఖ మండపంలో రాత్రి 8 గంటల నుంచి 10 గంటల వరకు గోకులాష్టమి ఆస్థానం జరుగుతుంది. ఈ సందర్భంగా బంగారు సర్వభూపాల వాహనంపై శ్రీకృష్ణస్వామికి నివేదనలు సమర్పిస్తారు. అనంతరం ఉగ్రశ్రీనివాసమూర్తికి, శ్రీదేవి, భూదేవి అమ్మవార్లకు, శ్రీకృష్ణస్వామికి ఏకాంత తిరుమంజనం నిర్వహిస్తారు. దీని తర్వాత ద్వాదశారాధనం చేపడతారు.అలాగే సెప్టెంబర్ నాలుగో తేదీ గోగర్భం డ్యామ్‌ వద్ద ఉన్న ఉద్యానవనంలో టిటిడి ఉద్యానవన శాఖ ఆధ్వర్యంలో శ్రీకృష్ణునికి పంచాభిషేకాలు నిర్వహిస్తారు. ఉదయం 10 గంటల నుంచి మధ్యాహ్నం 12 గంటల వరకు ఈ కార్యక్రమం ఉంటుంది. ఇక సెప్టెంబర్ ఐదో తేదీ తిరుమలలో ఉట్లోత్సవం జరగనుంది. ఉట్లోత్సవం సందర్భంగా సాయంత్రం 4 గంట‌ల‌కు మలయప్పస్వామి, శ్రీకృష్ణస్వామి తిరుచ్చిపై తిరుమాడ వీధులలో విహరిస్తారు. కార్యక్రమంలో భాగంగా యువకులు ఉట్లోత్సవంలో పాల్గొని.. ఉత్సాహంతో ఉట్లను కొడుతూ భక్తులకు ఆనందాన్ని పంచుతారు.మరోవైపు వర్షాలు సమృద్ధిగా కురిసి దేశప్రజలు అందరూ సంతోషంగా ఉండాలని ఆకాంక్షిస్తూ టీటీడీ చేపడుతున్న కారీరిష్టి యాగం రేపటితో ముగియనుంది. తిరుమలలో గత ఐదు రోజులుగా నిర్వహిస్తున్న కారీరిష్టి యాగం.. గురువారం పూర్ణాహుతితో ముగియనుంది. సకాలంలో వర్షాలు కురిసి, రైతులు సుభిక్షంగా ఉండాలని, ప్రజలందరికీ సుఖసంతోషాలు కలగాలని కోరుకుంటూ టీటీడీ 1994వ సంవత్సరం నుంచి కారీ రిష్టి యాగాన్ని నిర్వహిస్తూ వస్తోంది. ఐదు రోజుల పాటు కొనసాగిన ఈ వైదిక క్రతువు సెప్టెంబర్ మూడో తేదీ గురువారం ఉదయం 10 గంటల నుంచి 12 గంటల మధ్యన

నకిలీ వెబ్‌సైట్ల గురించి తిరుమల శ్రీవారి భక్తులను టీటీడీ మరోసారి అప్రమత్తం చేసింది. గదుల కేటాయింపు పేరుతో ఆకర్షణీయమైన ప్రకటనలు ఇస్తూ.. పోస్టర్లు, తప్పుడు హామీలతో భక్తులను మోసం చేస్తున్న 249 నకిలీ వెబ్‌సైట్‌లను ఈ సంవత్సరం ఇప్పటివరకు గుర్తించినట్లు టీటీడీ తెలిపింది. ఆ ఫేక్ వెబ్‌సైట్లను తొలగించామని.. రెండు క్రిమినల్ కేసులు కూడా నమోదు చేసినట్లు తెలిపింది. ఆన్‌లైన్‌లో టీటీడీ పేరుతో కనిపించే నకిలీ వెబ్‌సైట్‌లు, లింక్‌ల పట్ల అప్రమత్తంగా ఉండాలని భక్తులను హెచ్చరించింది. శ్రీవారి దర్శనం, వసతి, సేవలు, టోకెన్ల విషయాల్లో దళారులను నమ్మి మోసపోవద్దని.. తిరుమలకు సంబంధించిన అన్ని సేవలు, నిబంధనలు, మార్గదర్శకాలపై అధికారిక సమాచారాన్ని మాత్రమే విశ్వసించాలని టీటీడీ విజ్ఞప్తి చేసింది.దర్శనం, గదుల కేటాయింపు అంటూ మోసాలకు పాల్పడుతున్న దళారులపై ఈ ఏడాది ఇప్పటివరకు 30 క్రిమినల్ కేసులు నమోదు చేసినట్లు టీటీడీ వెల్లడించింది. ప్రవర్తనా నియమావళిని ఉల్లంఘించిన 43 మంది టీటీడీ ఉద్యోగులపైనా క్రమశిక్షణ చర్యలు తీసుకున్నట్లు తెలిపింది. తిరుమలకు వచ్చే భక్తులు తమ సూచనలు, నిబంధనలు పాటిస్తూ.. భక్తిశ్రద్ధలతో, ప్రశాంత వాతావరణంలో స్వామివారిని దర్శించుకోవాలని సూచించింది.ఇక తిరుమలకు వచ్చే వెంకన్న భక్తులు తమ వెంట తీసుకువచ్చే వస్తువులపైనా టీటీడీ కీలక సూచనలు చేసింది. తిరుమలకు వచ్చే వాహనాల్లో నిషేధిత వస్తువులను తరలించకుండా అలిపిరి, శ్రీవారిమెట్టు వద్ద ప్రత్యేక నిఘా ఏర్పాటు చేసినట్లు టీటీడీ తెలిపింది. నిషేధిత వస్తువులను గుర్తిస్తే.. అలిపిరి టోల్‌గేట్ స్కానింగ్ కేంద్రం వద్దనే సీజ్ చేస్తున్నట్లు తెలిపింది. ఈ సంవత్సరం ఇప్పటివరకు అలిపిరి వద్ద 261 డ్రోన్లు, 105 మెటా స్మార్ట్ గ్లాసెస్‌ను గుర్తించి స్వాధీనం చేసుకున్నట్లు టీటీడీ వెల్లడించింది. తిరుమల క్షేత్రంలో భద్రత, గోప్యతను దృష్టిలో పెట్టుకుని శ్రీవారి భక్తులు.. డ్రోన్లు, స్మార్ట్ గ్లాసెస్ వంటి రికార్డింగ్ పరికరాలను తమ వెంట తీసుకురావద్దని విజ్ఞప్తి చేసింది.తిరుమలకు వచ్చే భక్తుల సంఖ్య ఇటీవలి కాలంలో పెరుగుతోందన్న టీటీడీ.. పరిమితికి మించి వస్తున్నప్పటికీ, భక్తులకు

Viral Video: సబ్‌స్రైబ్ చేస్తే చేస్తే తిరుమల లడ్డూ ఫ్రీ! సబ్‌స్క్రైబ్ చేస్తే తిరుమల శ్రీవారి ప్రసాదమైన లడ్డూ ఉచితమంటూ.. సోషల్ మీడియాలో ప్రస్తుతం ఒక వీడియో చక్కర్లు కొడుతోంది. తమిళనాడుకు చెందిన షణ్ముగం అనే వ్యక్తి తన ఫేస్‌బుక్‌ ఖాతాలో ఈ వీడియోను పోస్ట్ చేయడంతో ఇది ఒక్కసారిగా చర్చనీయాంశమైంది. ఎవరైనా ఛానెల్‌ని సబ్‌స్క్రైబ్ చేయిస్తే ఒక్కో లడ్డూ చొప్పున బహుమతిగా ఇస్తున్నట్లు ఆ వీడియోలో చూపించారు. ఇలా ఏకంగా 30 మందితో సబ్‌స్క్రైబ్ చేయించుకుని.. దానికి ప్రతిఫలంగా 30 లడ్డూలను పొందినట్లు.. ఆ వ్యక్తి అందులో పేర్కొన్నాడు. ప్రపంచ ప్రఖ్యాత శ్రీవారి లడ్డూ ప్రసాదాన్ని ఇలా సోషల్ మీడియా ప్రమోషన్లకు, సబ్‌స్క్రైబర్‌లను పెంచుకోవడానికి వాడుకోవడం పట్ల భక్తులు తీవ్ర విస్మయం వ్యక్తం చేస్తున్నారు ఈ వార్తకు సంబంధించిన

తిరుమలలో భక్తుల రద్దీ సాధారణంగానే ఉంది. మంగళవారం కావడం, వరస సెలవులు పూర్తి కావడంతో భక్తుల రద్దీ అనుకున్నంత స్థాయిలో లేదు. భక్తులు సులువుగానే ఏడుకొండలవాడిని దర్శించుకుని తరిస్తున్నారు. ఈ నెలలో ప్రత్యేక పర్వదినాలు.. బ్రహ్మోత్సవాల నిర్వహణకు టీటీడీ పలు నిర్ణయాలు తీసుకుంటోంది. ఇదే సమయంలో బ్రహ్మోత్సవాల వేళ భక్తులకు మరింత గా సదుపాయాలు అందుబాటులోకి తీసుకురావాలని నిర్ణయించింది.తిరుమలకు వచ్చే భక్తుల వసతి కష్టాలకు టీటీడీ చెక్ పెడుతోంది. కొద్ది నెలల క్రితం తిరుమలలో అందుబాటులోకి వచ్చిన పీఏసీ- 5 ను పెద్ద సంఖ్యలో భక్తులు వినియోగించుకుంటున్నారు. తిరుమలలో తిరుమలలో 60 వేల మంది యాత్రికులకు వసతి కల్పించేలా 7600 గదులు, 5 పీఏసీలు ఉన్నాయి. అయినా.. గదుల కోసం భక్తులు ఇబ్బంది పడుతున్నారు. దీంతో.. తిరుపతిలో కొత్త వసతి సముదాయాలను సిద్దం చేసారు. బ్రహ్మోత్సవాల వేళ తిరుపతిలో భక్తుల కోసం నిర్మించిన శ్రీపాదం, అచ్యుతం వసతి సముదాయాలను ముఖ్యమంత్రి ప్రారంభిస్తారు. ఈ మేరకు టీటీడీ తుది ఏర్పాట్లను వేగవంతం చేసింది. తిరుపతి రైల్వే స్టేషన్ సమీపంలో గోవిందరాజస్వామి సత్రాల స్థానంలో నిర్మిస్తున్న శ్రీపాదం, అచ్యుతం సముదాయాల పనులు చివరి దశకు వచ్చాయి. ప్రధాన భవనం, గదుల నిర్మాణం పూర్తయినా, లోపలి ఏర్పాట్లు, మౌలిక సదుపాయాలు దాదాపు పూర్తయ్యాయి. తిరుపతికి విమానాల రాకపోకల షెడ్యూల్ మార్పు, కొత్త టైమింగ్స్..!!బ్రహ్మోత్పవాల వేళ ప్రారంభం.. ఒకే సారి పది వేల మందికి ఈ రెండు సముదాయాల్లో భాగంగా ఒక్కో భవనంలో తొమ్మిది అంతస్తులు నిర్మిస్తున్నారు. గదులు 532 చొప్పున 1,064 ఉన్నాయి. దాదాపుగా పదివేల మంది భక్తులకు వసతి కల్పించే వెసులుబాటు కలగనుంది. కాగా, రెండో అంతస్తులో రిసెప్షన్, అన్నదానం, వసతి కేంద్రాలు ఉంటాయి. మూడు, నాలుగు అంతస్తుల్లో 48 డార్మెటరీలు.. సుమారు 7,000 మందికి సరిపడా లాకర్ల ఏర్పాటు చేస్తున్నట్లు అధికారులు వెల్లడించారు.

శ్రీవారి రెండు బ్రహ్మోత్సవాల ప్రకటన సెప్టెంబరు పధ్నాలుగున అంకురార్పణ కార్యక్రమం తొమ్మిది రోజుల వాహన సేవలు TTD: కలియుగ వైకుంఠమైన తిరుమల తిరుపతి దేవస్థానంలో అత్యంత వైభవంగా జరిగే శ్రీవారి బ్రహ్మోత్సవాలకు సర్వం సిద్ధమవుతోంది. ఏడాది పొడవునా స్వామివారికి ఎన్నో ఉత్సవాలు జరుగుతున్నప్పటికీ, సాక్షాత్తు బ్రహ్మదేవుడే స్వయంగా ప్రారంభించిన ఈ బ్రహ్మోత్సవాలకు విశేష ప్రాధాన్యత ఉంది. చాంద్రమానం ప్రకారం ప్రతి మూడేళ్లకోసారి వచ్చే అధిక మాసం కారణంగా ఈ సంవత్సరం భక్తులకు రెండు బ్రహ్మోత్సవాలు(TTD) కనులవిందు చేయనున్నాయి. సెప్టెంబరులో సాలకట్ల బ్రహ్మోత్సవాలు, అక్టోబరులో నవరాత్రి బ్రహ్మోత్సవాలు ఎంతో ఘనంగా జరగనున్నాయి. Ramchander Rao Arrest: భాజపా తెలంగాణ అధ్యక్షుడు రామచందర్ రావు అరెస్ట్.. నల్గొండలో హైటెన్షన్ ముఖ్యమైన తేదీలు- శాస్త్రోక్త క్రతువులు: బ్రహ్మోత్సవాల ప్రారంభానికి ముందుగా సెప్టెంబరు 8న ఆలయ శోధన ప్రక్రియ అయిన 'కోయిల్ ఆళ్వార్ తిరుమంజనం' నిర్వహిస్తారు. అనంతరం సెప్టెంబరు 14న సాయంత్రం విష్వక్సేనుల వారి సమక్షంలో ధాన్యాలను నాటే 'అంకురార్పణం' వేడుక జరుగుతుంది. సెప్టెంబరు 15న ధ్వజారోహణంతో సాలకట్ల బ్రహ్మోత్సవాలు అధికారికంగా ప్రారంభమవుతాయి. తొమ్మిది రోజుల పాటు సాగే ఈ ఉత్సవాల్లో స్వామివారు వివిధ వాహనాలపై మాడ వీధుల్లో విహరిస్తూ భక్తులకు అభయమిస్తారు. వాహన సేవల వైశిష్ట్యం- ముగింపు వేడుకలు: ఉత్సవాల్లో భాగంగా సెప్టెంబరు 19న జరిగే గరుడ వాహన సేవ, మోహినీ అవతారం అత్యంత కీలకమైనవి. వీటితో పాటు స్వర్ణరథం, సర్వభూపాల, రథోత్సవ సేవలు భక్తులను పరవశింపజేస్తాయి. చివరిరోజున అంటే సెప్టెంబరు 23న పుష్కరిణిలో చక్రస్నానం వేడుకను శాస్త్రోక్తంగా నిర్వహించి, రాత్రి ధ్వజావరోహణంతో ఈ మహా యజ్ఞం ముగుస్తుంది. తిరుమల తిరుపతి దేవస్థానం (TTD) ఈ మేరకు విస్తృత ఏర్పాట్లు చేస్తోంది

తిరుమల తిరుపతి దేవస్థానానికి మరో భారీ విరాళం అందింది. హైదరాబాద్‌కు చెందిన ఇద్దరు భక్తులు టీటీడీకి రూ. కోటి విరాళం అందించారు. రక్షిత్ ఫార్మా ప్రైవేట్ లిమిటెడ్ చైర్మన్ రామేశ్వరరావు, సాయిచందన ఏపిఐ ప్రైవేట్ లిమిటెడ్ సంస్థ డైరెక్టర్ తాతారావు అనే ఇద్దరు భక్తులు.. టీటీడీ శ్రీ వేంకటేశ్వర ప్రాణదాన ట్రస్టుకు రూ.50 లక్షలు చొప్పున విరాళంగా అందజేశారు. తిరుమలలోని టీటీడీ చైర్మన్ క్యాంపు కార్యాలయంలో టీటీడీ ఛైర్మన్ బీఆర్ నాయుడును కలిసిన దాతలు.. విరాళం డీడీలను అందజేశారు. ఈ సందర్బంగా దాతల సేవాభావాన్ని టీటీడీ ఛైర్మన్ బీఆర్ నాయుడు అభినందించారు.తిరుపతిలో స్వాతంత్య్ర దినోత్సవాన్ని ఘనంగా నిర్వహించిన టీటీడీమరోవైపు తిరుపతిలోని టీటీడీ పరిపాలన భవనం వద్ద ఉన్న పరేడ్ గ్రౌండ్‌లో పంద్రాగస్టు వేడుకలు ఘనంగా నిర్వహించారు. ఈ కార్యక్రమంలో టీటీడీ ఛైర్మన్, ఈవో పాల్గొన్నారు. జాతీయ పతాకాన్ని ఆవిష్కరించిన అనంతరం టీటీడీ ఛైర్మన్ ఉద్యోగులను ఉద్దేశించి మాట్లాడుతూ కీలక వివరాలు వెల్లడించారు. తిరుమల శ్రీవారి దర్శనం కోసం వచ్చే ప్రతి భక్తుడు దర్శనం అనంతరం దివ్యానుభూతితో తిరిగే వెళ్లేలా సేవలను మెరుగుపరుస్తున్నట్లు తెలిపారు. ఈ ఏడాది అధికమాసం కారణంగా సెప్టెంబరులో సాలకట్ల బ్రహ్మోత్సవాలు, అక్టోబరులో నవరాత్రి బ్రహ్మోత్సవాలు వచ్చాయన్న టీటీడీ ఛైర్మన్.. బ్రహ్మోత్సవాలకు వచ్చే భక్తులకు శ్రీవారి దివ్యదర్శనం, వాహనసేవలను భక్తిశ్రద్ధలతో వీక్షించేలా ఏర్పాట్లు చేస్తున్నట్లు వివరించారు.తిరుమలకు వచ్చే లక్షలాది మంది భక్తులకు నాణ్యమైన, రుచి, పరిశుభ్రమైన అన్నప్రసాదం అందించేందుకు రూ.120 కోట్లతో మరొక వంటశాలను నిర్మించనున్నట్లు టీటీడీ ఛైర్మన్ బీఆర్ నాయుడు తెలిపారు. తిరుమలలో ప్రస్తుతం ఉన్న 12 ఎలక్ట్రిక్ బస్సులకు, అదనంగా మరో 32 ఎలక్ట్రిక్ బస్సులను అందుబాటులోకి తెచ్చి శ్రీవారి భక్తులకు పర్యావరణ హితమైన, సౌకర్యవంతమైన సేవలు అందించనున్నట్లు వివరించారు. తిరుమల ఎస్వీ మ్యూజియంలో శ్రీవారి సేవలు, ఉత్సవాలు, అరుదైన ఆభరణాలను 3డీ, 7డీ రూపంలో అందుబాటులోకి తెచ్చే ఆలోచనలో ఉన్నట్లు వెల్లడించారు.టీటీడీ ట్రస్టులు, పథకాలకు విరాళాలు సమర్పించే భక్తులు

తిరుమలలో భక్తుల రద్దీ కొనసాగుతోంది. శిలాతోరణం వరకు క్యూ లైన్లు కొనసాగుతున్నాయి. టోకెన్ లేని భక్తులకు సర్వ దర్శనానికి 18 నుంచి 20 గంటల సమయం పడుతోంది. శ్రావణ మాసం తో పాటుగా వరుస సెలవుల వేళ భక్తులు పెద్ద సంఖ్యలో తిరుమలకు తరలి వస్తున్నారు. ఈ నెలలో తిరుమలలో రెండు సార్లు గరుడ వాహన సేవ నిర్వహించనున్నారు. అదే విధంగా రెండు సార్లు జరిగే బ్రహ్మోత్సవాల వేళ టీటీడీ కీలక నిర్ణయాలు తీసుకుంటోంది. సమస్యల పరిష్కారినికి మరో యాప్ అందుబాటులోకి తీసుకొస్తోంది.తిరుమలలో వచ్చే నెల 15వ తేదీ నుంచి బ్రహ్మోత్సవాలు జరగనున్నాయి. ఇందు కోసం టీటీడీ ఏర్పాట్లు ముమ్మరం చేసింది. భక్తులకు వసతి.. దర్శనం తో పాటుగా సౌకర్యాల కల్పన పైన కీలక అధికారులు కసరత్తు చేస్తున్నారు. అదే సమయంలో బ్రహ్మోత్సవాల వేళ తిరుమలలో పారిశుద్ధ్య నిర్వహణపై ప్రత్యేక దృష్టి సారించినట్లు టీటీడీ అదనపు ఈవో వెంకయ్య చౌదరి తెలిపారు. అందు లో భాగంగా సమీక్ష చేసారు. తిరుమలను మరింత స్వచ్ఛంగా తీర్చిదిద్దేందుకు అవసరమైన చర్యలపై ఏజెన్సీల ప్రతినిధులతో చర్చించినట్లు చెప్పారు. తిరుమల పవిత్రతకు, స్వచ్ఛతకు మారుపేరుగా నిలిచేలా మరింత మెరుగైన పారిశుద్ధ్య కార్యకలాపాలు చేపట్టాలని సూచించినట్లు తెలిపారు. ఇందుకోసం అవసరమైన మెటీరియల్స్, ఆధునిక యంత్రాల వినియోగంపై కూడా చర్చించినట్లు వివరించారు.తిరుమల వచ్చే శ్రీవారి భక్తులకు TTD బిగ్ అలర్ట్ - ఇవి తప్పని సరిగా పాటించండి..!!బ్రహ్మోత్సవాలకు టీటీడీ భారీ ఏర్పాట్లుఅదే విధంగా తిరుమలలో పారిశుద్ధ్య నిర్వహణను మరింత సమర్థవంతంగా పర్యవేక్షించేందుకు కొత్తగా నందకం యాప్‌ను అభివృద్ధి చేస్తున్నట్లు అదనపు ఈవో తెలిపారు. ఈ యాప్‌ ద్వారా పారిశుద్ధ్యానికి సంబంధించిన ఫిర్యాదులను రియల్‌టైమ్‌లో నమోదు చేసి, వాటి పరిష్కారాన్ని కూడా పర్యవేక్షించేలా కంప్లైంట్ మేనేజ్‌మెంట్ సిస్టమ్‌ను రూపొందిస్తున్నట్లు చెప్పారు. తిరుమల లో ఎక్కడైనా పారిశుద్ధ్య సమస్య తలెత్తితే వెంటనే యాప్‌ ద్వారా గుర్తించి, సంబంధిత సిబ్బందికి సమాచారం అందించి, సమస్యను తక్షణమే పరిష్కరించే

Tirumala Tirupati Devasthanam : కలియుగ ప్రత్యక్ష దైవం తిరుమల శ్రీ వేంకటేశ్వర స్వామివారిని దర్శించుకునేందు ప్రతీరోజు పెద్ద సంఖ్యలో భక్తులు తిరుమల కొండకు వెళ్తుంటారు. తెలుగు రాష్ట్రాల నుంచే కాకుండా దేశంలోని పలు ప్రాంతాల నుంచి, విదేశాల నుంచి భక్తులు తరలివచ్చి స్వామివారి దర్శనం చేసుకుంటారు. అయితే, ప్రతీరోజూ ఒకేసారి స్వామివారి దర్శనభాగ్యం కలుగుతుంది. అయితే, భక్తులకు తిరుమల తిరుపతి దేవస్థానం (టీటీడీ) అరుదైన అవకాశం కల్పించనుంది. ఒకే టికెట్‌తో ఒకేరోజు రెండు సార్లు శ్రీవారిని దర్శించుకునే అవకాశం భక్తులకు కల్పిస్తోంది. తిరుమల శ్రీవారి ఆలయంలో ఈ ఏడాది నవంబర్ 16న పుష్పయాగ మహోత్సవం నిర్వహించనున్నారు. ఈ సందర్భంగా నిర్వహించే ఆర్జిత సేవకు సంబంధించిన టికెట్లను టీటీడీ ఈ నెల 21న విడుదల చేయనుంది. టికెట్ ధర రూ.700గా నిర్ణయించారు. ఒక్క టికెట్‌పై గరిష్ఠంగా ఇద్దరు భక్తులు సేవను బుక్ చేసుకునే అవకాశం ఉంటుంది. అయితే, మొత్తం ఈ పుష్పయాగం సేవకు సుమారు వెయ్యి టికెట్లు మాత్రమే అందుబాటులో ఉంచనున్నారు. టికెట్లను కేవలం ఆన్‌లైన్‌లో మాత్రమే బుక్ చేసుకోవాల్సి ఉంటుంది. శ్రీవారి బ్రహ్మోత్సవాల్లో అర్చకులు, ఉద్యోగులు, భక్తుల వల్ల జరిగే అనుకోని దోషాల నివారణకు పుష్పయాగం నిర్వహించడం ఆనవాయితీగా వస్తుంది. ఆ రోజుకు టికెట్ పొందిన భక్తులు స్వామివారిని రెండు సార్లు దర్శనం చేసుకొనే అవకాశం ఉంటుంది. ఉదయం 6గంటలకు సుపథం మార్గం ద్వారా ఆలయంలోకి ప్రవేశించాలి. ఆలయ ప్రాంగణంలోని కల్యాణ మండపంలో నిర్వహించే అభిషేక సేవలో పాల్గొన్న అనంతరం శ్రీవారిని దర్శించుకోవచ్చు. అనంతరం మధ్యాహ్నం 12.30 గంటలకు మరోసారి సుపథం మార్గం ద్వారా ఆలయంలోకి ప్రవేశించాలి. మధ్యాహ్నం 2గంటల నుంచి సాయంత్రం 5గంటల వరకు శ్రీదేవి, భూదేవి సమేత శ్రీ మలయప్ప స్వామివారికి నిర్వహించే పుష్పయాగ మహోత్సవంలో పాల్గొనే అవకాశం ఉంటుంది. పుష్పయాగం అనంతరం భక్తులను స్వామివారి దర్శనానికి అనుమతిస్తారు. అంటే.. రూ.700 టికెట్ తో భక్తులు ఒకేరోజు ఉదయం, మధ్యాహ్నం