South Cinema News

నటి నిత్యామీనన్ ఇటీవలే తన సొంత నిర్మాణ సంస్థ ‘కేయూరి ప్రొడక్షన్స్‌’ను ప్రారంభించిన సంగతి తెలిసిందే. నటి నిత్యామీనన్ (Nithya Menen) ఇటీవలే తన సొంత నిర్మాణ సంస్థ ‘కేయూరి ప్రొడక్షన్స్‌’ను ప్రారంభించిన సంగతి తెలిసిందే. డీకే, విక్రమ్ కె.కుమార్‌తో కలిసి తొలుత‌ ఆమె ఫాంటసీ డార్క్ కామెడీ మూవీ నిర్మిస్తున్నారు. తాజాగా ఇందులో నిర్మించబోయే మొదటి చిత్రం గురించి అప్డేట్‌ ఇచ్చారు ఆమె. ఈ సినిమాకు డీకే దర్శకత్వం వహించనున్నట్లు తెలిపారు. గతంలో విజయవంతమైన చిత్రాలను నిర్మించిన లియో విజన్, హీరోయిన్ నిత్యామేనన్‌కు చెందిన కేయురి ప్రొడక్షన్స్ కలిసి 'ప్రొడక్షన్ నెం.5' అనే వర్కింగ్ టైటిల్‌తో ఈ చిత్రాన్ని సంయుక్తంగా నిర్మించనున్నట్లు చెప్పారు. ఇంకా పేరు ఖరారు చేయని ఈ మూవీలో నిత్యామేనన్ ప్రధాన పాత్ర పోషిస్తున్నారు. అభిమానులకు విభిన్నమైన సినిమాటిక్ అనుభూతి అందించేలా ఈ ప్రాజెక్ట్‌ ప్రేక్షకులకు సరికొత్త వినోదాన్ని పంచుతుందని, త్వరలోనే టైటిల్‌ టీజర్‌ను విడుదల చేస్తామని అన్నారు. ‘వైవిధ్యమైన కథాంశంతో రూపొందనున్న ఈ సినిమాతో అందరూ ప్రేమలో పడతారు’ అని పేర్కొన్నారు. కాగా తమిళం, తెలుగు, మలయాళం, కన్నడ, హిందీ భాషల్లో విడుదల చేయనున్నారు. ఈ చిత్రానికి సంబంధించి మరిన్ని వివరాలు, నటీనటులు, సాంకేతిక నిపుణులు తదితర వివరాలను త్వరలోనే వెల్లడించనున్నారు

ఆస్కార్‌ విజేత ఏఆర్‌ రెహ్మాన్‌ తన ఆత్మకథ ‘రెహ్మాన్‌: ఏ రెనైసాన్స్‌’పై కీలక ప్రకటన చేశారు. భారతీయ సంగీత ప్రపంచంలో తనదైన ముద్ర వేసిన సంగీత దర్శకుడు, ఆస్కార్‌ అవార్డు గ్రహీత ఏఆర్‌ రెహ్మాన్ (A. R. Rahman) అభిమానులకు శుభవార్త చెప్పారు. త‌న జీవితంలో కొత్త అధ్యాయం మొదలవుతోందని అన్నారు. రచయిత్రి రూపా చక్రవర్తి (Rupa Chakravarti) తో కలిసి తాను రాయబోయే ఆత్మకథ గురించి ఎక్స్‌ వేదికగా ఆయన వెల్లడించారు. ‘రెహ్మాన్‌: ఏ రెనైసాన్స్‌’ (Rahman A Renaissance) అనే పేరుతో రాయనున్న పుస్తకం కోసం రూపా చక్రవర్తి, తాను రచయితలుగా కలిసి పనిచేస్తున్నట్టు తెలిపారు. ఈ పుస్తకంలో ‘నా ప్రపంచాన్ని తీర్చిదిద్దిన సంగీతం, ఆలోచనలు, సవాళ్లు, ప్రభావాలు, సృజనాత్మక ప్రయాణంపై మీకు పూర్తి అవగాహన కల్పిస్తుంది’ అని పేర్కొన్నారు

మమితా బైజు(Mamitha Baiju).. ప్రస్తుతం దక్షిణాదిలో మంచి క్రేజ్ ఉన్న హీరోయిన్. తక్కువ సమయంలో హీరోయిన్ గా మంచి గుర్తింపు పొందింది. మమితా బైజు(Mamitha Baiju).. ప్రస్తుతం దక్షిణాదిలో మంచి క్రేజ్ ఉన్న హీరోయిన్. తక్కువ సమయంలో హీరోయిన్ గా మంచి గుర్తింపు పొందింది. తాజాగా విడుదలైన ‘విశ్వనాథ్ & సన్స్’లో ఆమె నటనకు మంచి గుర్తింపు వచ్చింది. ఇప్పుడు మరో సినిమాతో ప్రేక్షకుల ముందుకు రావడానికి సిద్ధమైంది మమిత. నివిన్ పౌలి హీరోగా, మమిత కథానాయికగా తెరకెక్కుతున్న చిత్రం ‘బెత్లహెమ్ కుటుంబ యూనిట్’(Bethlehem Kudumba Unit). ‘ప్రేమలు’ ఫేమ్ గిరీష్ ఏ.డి. దర్శకత్వం వహించారు. ఈ నెల 21 ఈ సినిమా ప్రేక్షకుల ముందుకు రానుంది.. ఏ నేపథ్యంలో విడుదల చేసిన చిత్రాలు సినిమాపై ఆసక్తిని పెంచాయి. అలాగే అడ్వాన్స్ బుకింగ్స్ కూడా వేగవంతంగా సాగుతున్నాయి. ‘విశ్వనాథ్ & సన్స్’ సినిమాతో నటనలో తన మార్క్ చూపించిన మమితా బైజు ‘బెత్లహెమ్ కుటుంబ యూనిట్’తో మరోసారి ప్రేక్షకులను ఆకట్టుకుంటుందా? మమితా బైజు మ్యాజిక్ మళ్లీ పనిచేస్తుందా? ఆమెకున్న క్రేజ్, స్క్రీన్ ప్రెజెన్స్ ‘బెత్లహెమ్ కుటుంబ యూనిట్’కు ఎంతవరకు ఉపయోగపడుతుంది? అనే చర్చ ఇప్పుడు సినీ వర్గాల్లో నడుస్తోంది. ఇటీవల వరుస విజయాలతో మంచి క్రేజ్ సంపాదించిన మమితా బైజు.. ఈ సినిమాతో కూడా అదే జోరు కొనసాగిస్తుందా అన్నది ఇప్పుడు ఆసక్తికరంగా మారింది. మరోవైపు నివిన్ పౌలీ కూడా మరో విజయాన్ని తన ఖాతాలో వేసుకోవాలని చూస్తున్నారు. కుటుంబ కథా నేపథ్యంలో రూపొందిన ఈ చిత్రం ప్రేక్షకులను ఎంతవరకు మెప్పిస్తుందో చూడాలి

సీనియర్ సినీ నటి షావుకారు జానకి (95) (Sowcar Janaki) అస్వస్థతకు గురయ్యారు. సీనియర్‌ సినీ నటి షావుకారు జానకి (Sowcar Janaki) అస్వస్థతకు గురయ్యారు. 95 ఏళ్ల వయసున్న ఆమె గత కొంతకాలంగా వృద్ధాప్యానికి సంబంధించిన అనారోగ్య సమస్యలతో బాధపడుతున్నారు. వారం రోజుల క్రితం శ్వాసకోశ సమస్యలు తలెత్తడంతో చెన్నైలోని ఓ ప్రైవేటు ఆస్పత్రిలో ఆమెను కుటుంబ సభ్యులు చేర్పించారు. ఈ క్రమంలో బుధవారం రాత్రి షావుకారు జానకి మరోసారి తీవ్ర అస్వస్థతకు గురైనట్లు తెలుస్తోంది. దీంతో వైద్యులు ఆమెను ఐసీయూకు తరలించి ప్రత్యేక చికిత్స అందిస్తున్నారు. ప్రస్తుతం ఆమె ఆరోగ్య పరిస్థితి నిలకడగా ఉన్నట్లు ఆస్పత్రి వర్గాలు వెల్లడించినట్లు సమాచారం. తెలుగు, తమిళ చిత్ర పరిశ్రమల్లో సుదీర్ఘ కాలం నటిగా కొనసాగిన షావుకారు జానకి తనదైన నటనతో ప్రత్యేక గుర్తింపు తెచ్చుకున్నారు. 1949లో విడుదలైన ‘షావుకారు’ చిత్రంతో సినీ రంగ ప్రవేశం చేసిన ఆమె, ఆ సినిమా పేరునే తన ఇంటిపేరుగా మార్చుకున్నారు. అనంతరం తెలుగు, తమిళ భాషల్లో ఎన్నో ప్రముఖ చిత్రాల్లో నటించి ప్రేక్షకుల అభిమానాన్ని సొంతం చేసుకున్నారు. షావుకారు జానకి త్వరగా కోలుకోవాలని సినీ ప్రముఖులు, అభిమానులు ఆకాంక్షిస్తున్నారు

సౌత్ ఇండియా మ్యూజిక్ సెన్సేషన్ అనిరుధ్ రవిచందర్, సన్‌రైజర్స్ హైదరాబాద్ సీఈఓ కావ్య మారన్‌ల పెళ్లి వార్తలు సోషల్ మీడియాలో మరోసారి విపరీతంగా వైరల్ అవుతున్నాయి. గతంలో వీరిద్దరి గురించి ఎన్నో రూమర్లు వచ్చినప్పటికీ ఈసారి మాత్రం ఏకంగా పెళ్లి తేదీ మరియు వెన్యూకి సంబంధించిన వివరాలు నెట్టింట చక్కర్లు కొడుతుండటంతో సినీ, క్రికెట్ వర్గాల్లో ఈ అంశం తీవ్ర చర్చనీయాంశంగా మారింది. తాజా సమాచారం ప్రకారం, అనిరుధ్ – కావ్య మారన్‌ల వివాహం ఈ ఏడాది నవంబర్ 10న జరగనున్నట్లు ప్రచారం జరుగుతోంది. ఈ వేడుక కోసం విదేశాల్లో డెస్టినేషన్ వెడ్డింగ్ ప్లాన్ చేశారని తెలుస్తోంది. అందుకు గ్రీస్ వేదిక కాబోతుంది. ఇరు కుటుంబాల సభ్యులు మరియు అత్యంత సన్నిహితుల సమక్షంలో ఈ పెళ్లి జరగనుందని తెలుస్తోంది. అయితే ఈ వార్తలపై ఇప్పటివరకు అనిరుధ్ గానీ, కావ్య మారన్ గానీ లేదా వారి కుటుంబ సభ్యులు గానీ ఎలాంటి అధికారిక ప్రకటన చేయలేదు. కాగా గతంలో కూడా ఇలాంటి పుకార్లు వచ్చినప్పుడు అనిరుధ్ సోషల్ మీడియా వేదికగా ఖండించిన సంగతి తెలిసిందే. ఇప్పుడు మళ్లీ గ్రీస్ వెడ్డింగ్ వార్తలు తెరపైకి రావడంతో ఇవి నిజమో కాదో తెలియాలంటే అధికారికంగా స్పందించే వరకు వేచి చూడాల్సిందే. కావ్య మారన్ సన్ గ్రూప్ ఛైర్మన్, వ్యవస్థాపకుడు కళానిధి మారన్ కుమార్తె. అలాగే ఇండియన్ ప్రీమియర్ లీగ్ లో సన్‌రైజర్స్‌ హైదరాబాద్, ఎస్ఎ20 లీగ్ లో సన్‌రైజర్స్ ఈస్టర్న్ కేప్ ల ముఖ్య కార్యనిర్వాహక అధికారి, సహ యజమాని కూడా కొనసాగుతోంది

కన్నడ స్టార్ హీరో యశ్ రాజకీయాల్లోకి వస్తారనే ప్రచారంపై స్పందించారు. కన్నడ స్టార్ హీరో యశ్ (Yash) రాజకీయాల్లోకి వస్తారనే చర్చ చాలాకాలంగా వినిపిస్తోంది. అయితే ప్రస్తుతం తన ఫోకస్ మొత్తం సినిమాలపైనే ఉందని యశ్ స్పష్టం చేశారు. ఇప్పటికైతే రాజకీయాల్లోకి రావాలనే ఆలోచన లేదని చెప్పారు. భవిష్యత్తులో అవసరం ఉందని అనిపిస్తే రాజకీయాల్లోకి వచ్చే అవకాశం ఉండొచ్చని తన మనసులో మాట బయటపెట్టారు. రాజకీయాలపై తన అభిప్రాయాన్ని వెల్లడించిన యశ్.. ప్రజలకు ఉపయోగపడే నిర్ణయాలు తీసుకోవడం, ప్రజల సంక్షేమం కోసం పనిచేయడమే రాజకీయాల అసలు ఉద్దేశంగా తాను భావిస్తున్నట్లు తెలిపారు. ప్రజల జీవితాల్లో మార్పు తీసుకురావాలనే ఆలోచనతో పనిచేయాల్సి ఉంటుందని చెప్పారు. ప్రస్తుతం సినిమాలతో బిజీగా ఉన్నానని యశ్ తెలిపారు. తన కెరీర్‌పై పూర్తిగా దృష్టి పెట్టిన ఈ సమయంలో రాజకీయాల్లోకి వెళ్లే ఆలోచన లేదని స్పష్టం చేశారు. అయితే కాలం గడిచే కొద్దీ పరిస్థితులు మారొచ్చని.. భవిష్యత్తులో ప్రజలకు సేవ చేయాల్సిన అవసరం ఉందని భావిస్తే రాజకీయాల్లోకి రావచ్చేమోనని ఆసక్తికర వ్యాఖ్యలు చేశారు. ‘కేజీఎఫ్’ సిరీస్‌తో దేశవ్యాప్తంగా భారీ క్రేజ్ సొంతం చేసుకున్న యశ్.. ప్రస్తుతం పలు భారీ ప్రాజెక్టులతో బిజీగా ఉన్నారు. ఆయ‌న న‌టించిన కొత్త చిత్రం టాక్సిక్ ఈ నెలాక‌రున థియేట‌ర్ల‌లోకి రానుంది. సినీ కెరీర్‌లో దూసుకెళ్తున్న సమయంలో ఆయన రాజకీయాలపై చేసిన ఈ వ్యాఖ్యలు ఇప్పుడు చర్చనీయాంశంగా మారాయి. యశ్ నిజంగానే భవిష్యత్తులో రాజకీయాల్లోకి అడుగుపెడతారా? అనేది చూడాలి

సూర్య, కార్తి పెద్ద హీరోలని వారు పది కాలాల పాటు చల్లగా ఉండాలని, అదే సమయంలో మాలాంటి నటులను కూడా బతకనివ్వాలని ప్రముఖ నటుడు మన్సూర్ అలీఖాన్ అన్నారు. తమిళ చిత్ర పరిశ్రమలో సూర్య (Suriya), కార్తి (Karthi) పెద్ద హీరోలని వారు పది కాలాల పాటు చల్లగా ఉండాలని, అదే సమయంలో మాలాంటి నటులను కూడా బతకనివ్వాలని ప్రముఖ నటుడు మన్సూర్ అలీఖాన్ (Mansoor Ali Khan) అన్నారు. వన్ స్టెప్ ఎంటర్టైన్మెంట్ పతాకంపై మైదీన్ దర్శకత్వంలో మేఘన ఆర్ నిర్మించిన చిత్రం 'ఆల్పాన్'. ఉత్తర చెన్నై ప్రజల జీవనాన్ని ప్రధాన ఇతివృత్తంగా తెరకెక్కించిన ఈ చిత్రంలో 'నిరంగల్ మూండ్రు', 'తరుణం' వంటి పలు చిత్రాల్లో నటించిన దుష్యంత్ (Dushyant) హీరోగా, 'బిగ్ బాస్' ఫేం జనని (Janani) హీరోయిన్‌గా పరిచయం అవుతున్నారు. జేమ్స్ వసంత్ సంగీతం సమకూర్చిన ఈ చిత్రం ఆడియో రిలీజ్ ఇటీవ‌ల చెన్నైలో జరిగింది. ఈ కార్య‌క్ర‌మంలో దర్శకులు ఆర్బీ ఉదయకుమార్, విక్రమన్, ప్రముఖ నటుడు మన్సూర్ అలీఖాన్, నిర్మాత ధనుంజయన్‌తో స‌హా చిత్ర యూనిట్ సభ్యులంతా పాల్గొని ఆడియో రిలీజ్ చేశారు. ఈ సందర్భంగా.. మన్సూర్ అలీఖాన్ మాట్లాడుతూ, 'కరుప్పు' చిత్రం క్లైమాక్స్‌లో నేను డ్యాన్స్ చేశాను. కానీ, దాన్ని ఎడిటింగ్‌లో తీసేశారు. ఆ తర్వాత యూట్యూబ్‌లో విడుదల చేస్తామని చెప్పారు. కానీ చేయలేదు. సూర్య, కార్తి పెద్ద నటులు. వారు చల్లగా ఉండాలి. అలాగే, మాలాంటి నటులు కూడా బ్రతకనివ్వాలి' అని కోరారు. చిత్ర దర్శకుడు మైదీన్ మాట్లాడుతూ, 'సినిమా రంగంలో సహాయ దర్శకులకు గుర్తింపు లేకపోవడం బాధగా ఉంది. వారికి అవకాశం వచ్చిన పుడు వారి ప్రతిభను నిరూపించుకుంటున్నారు. కానీ, ఎంతోమంది ప్రతిభ కలిగిన సహాయ దర్శకులకు ఇప్పటికీ సరైన గుర్తింపు లేదు. పారితోషికం గురించి మాట్లాడకుండా కేవలం స్టోరీ నచ్చడంతో ఈ సినిమాకు పనిచేసేందుకు ముందుకు వచ్చిన జయప్రకాష్, సంగీత దర్శకుడు జేమ్స్

శాండల్‌వుడ్ నటిపై అత్యాచారం, బ్లాక్‌మెయిల్ ఆరోపణలపై చంద్రా లే అవుట్ పోలీసులు రాఘవేంద్రను అరెస్ట్ చేశారు. ఇదే వ్యవహారంలో నటి సోదరిపై రాఘవేంద్ర తల్లి ఫిర్యాదు చేసింది. తాజాగా ఓ శాండల్ వుడ్ నటిపై అత్యాచారం జరిగినట్లు చంద్ర లే అవుట్ పోలీసులకు ఫిర్యాదు అందింది. పోలీసులు కేసు నమోదు చేసి, నిందితుడు రాఘవేంద్రను అరెస్టు చేశారు. ఇదే వివాదంలో నటి సోదరిపై రాఘవేంద్ర (Raghavendra) తల్లి తలఘట్టపుర పోలీసులకు ఫిర్యాదు చేశారు. నటి సోదరి తనకు ఫోన్ చేసి బెదిరించారని, అంతుచూస్తామని హెచ్చరించారని ఫిర్యాదులో పేర్కొన్నారు. ఈ వ్యవహారంపైనా పోలీసులు కేసు నమోదు చేశారు. నటికి చెందిన కొన్ని వ్యక్తిగత ఫొటోలను ఉంచుకుని రాఘవేంద్ర బ్లాక్మెయిల్ చేశాడని, అత్యాచారానికి పాల్పడ్డాడని పోలీసులకు ఫిర్యాదు అందింది. ఇదే విషయమై నటి సోదరి నేరుగా రాఘవేంద్ర తల్లికి ఫోన్ చేసి బెదిరించినట్లు సమాచారం. (Sandalwood News) ఫిర్యాదు చేసిన నటికి, రాఘవేంద్రకు మధ్య సంబంధం ఏమిటి, వివాదం ఏమిటి అన్న కోణంలో పోలీసులు దర్యాప్తు చేస్తున్నారు. నటి ఫిర్యాదు మేరకు రాఘవేంద్రపై అత్యాచారం కేసు నమోదు చేశామని, అరెస్టు చేసి రిమాండ్‌కు తరలించామని చంద్రా లే అవుట్ పోలీసులు తెలిపారు

లార్ గిబ్బన్ కోతితో విక్రమ్ వీడియో వైరల్ కావడంతో తమిళనాడు అటవీశాఖ విచారణ చేపట్టింది. తాజాగా విక్రమ్‌కు నోటీసులు జారీ చేసి మూడు రోజుల్లో వివరాలు ఇవ్వాలని ఆదేశించింది. తమిళ స్టార్ హీరో విక్రమ్ (Vikram) ప్రస్తుతం ఓ అరుదైన వన్యప్రాణికి సంబంధించిన వివాదంలో చిక్కుకున్న విష‌యం తెలిసిందే. ఇటీవ‌ల విక్ర‌మ్‌ లార్ గిబ్బన్ ( Lar Gibbon) కోతితో విక్రమ్ ఉన్న వీడియో ఇటీవల సోషల్ మీడియాలో వైరల్ కావడంతో ఈ వ్యవహారం వివాదం మరింత ముదిరింది. దీంతో ఈ విష‌యం తమిళనాడు అటవీశాఖ దృష్టిన ప‌డింది. లార్ గిబ్బన్‌ను ఎక్కడి నుంచి తీసుకువచ్చారు? దాన్ని పెంచేందుకు అవసరమైన అనుమతులు ఉన్నాయా? అనే అంశాలపై అధికారులు విచారణ చేపట్టారు. తాజాగా ఈ కేసులో విక్రమ్‌కు అటవీశాఖ నోటీసులు జారీ చేశారు. లార్ గిబ్బన్‌కు సంబంధించిన పూర్తి వివరాలను మూడు రోజుల్లోగా అటవీశాఖకు సమర్పించాలని అధికారులు విక్రమ్‌ను ఆదేశించారు. ఆ కోతి ఎక్కడి నుంచి వచ్చింది, ఎవరికి చెందినది, విక్రమ్ కుటుంబానికి సంబంధించిన వ్యక్తుల వద్దకు ఎప్పుడు తీసుకువచ్చారు వంటి వివరాలను ఇవ్వాలని నోటీసుల్లో పేర్కొన్నట్లు సమాచారం. అలాగే లార్ గిబ్బన్‌ను ఒక ప్రాంతం నుంచి మరో ప్రాంతానికి తరలించేందుకు ఎలాంటి అనుమతులు తీసుకున్నారు? దానికి సంబంధించిన పత్రాలు ఏమిటి? కోతి కొనుగోలు, బదిలీ, పెంపకానికి సంబంధించిన రికార్డులు ఏమైనా ఉన్నాయా? అనే అంశాలపై కూడా అధికారులు వివరాలు కోరినట్లు తెలుస్తోంది

హీరో ధనుష్ రాజకీయ కార్యకలాపాలపై టీవీకే ప్రభుత్వం దృష్టి సారించినట్టు సమాచారం. హీరో ధనుష్ (Dhanush) చర్యలపై విజ‌య్ టీవీకే (TVK)ప్రభుత్వం దృష్టిసారించింది. రాష్ట్ర నిఘా వర్గాలు అందించిన నివేదికతో అప్రమత్తమైన సర్కారు ధనుష్, ఆయన అభిమాన సంఘాలు చేపట్టే సంక్షేమ, సభ్యత్వ నమోదు కార్యక్రమాలపై దృష్టి సారించింది. ప్రభుత్వానికి నిఘా వర్గాలు అందించిన నివేదిక మేరకు.. హీరో ధనుష్ యువతను లక్ష్యంగా చేసుకుని, ఆయన రాజకీయ కార్యకలాపాలు ప్రారంభించారని, ఇందులో భాగంగా రాష్ట్ర వ్యాప్తంగా సభ్యత్వ నమోదుకు టికే కోవై జిల్లాలోని పది నిజయోజకవర్గాల్లో సభ్యత్వ నమోదు ప్రారంబించారు. నియోజకవర్గాల వారీగా చేపట్టే ఈ సభ్యత్వ నమోదును రాష్ట్రంలోని 234 నియోజకవర్గాల్లో వీలైనంత త్వరగా పూర్తి చేయాలని తన అభిమానులను ఆదేశించినట్టు నిఘా వర్గాల నివేదిక ఇచ్చినట్టు సమాచారం. ముఖ్యంగా ధనుష్ చేపట్టే కార్యక్రమాలు భవిష్యత్‌లో టీవీకే సర్కారుకు వ్యతిరేకంగా మారే అవకాశం ఉందని, అందువల్ల ధనుష్ కార్యకలాపాలను నిశితంగా పర్యవేక్షిం చాలని సీఎం విజయ్ ఆదేశించినట్టు వినికిడి. ఇందుకోసం నిఘా విభాగంలో ఒక ప్రత్యేక బృందాన్ని ఏర్పాటు చేశారని, ఈ బృందం ధనుష్ సహా ఇతర నటుల అభిమాన సంఘాల కార్యకలాపాలను పర్యవేక్షించి నివేదిక ఇవ్వనున్నట్టు తెలుస్తోంది. అలాగే, సీఎం విజయ్ వ్యక్తిగత కార్యదర్శి జగదీష్ పర్యవేక్షణలో ధనుష్‌కు చెందిన సోషల్ మీడియా పోస్టులపై కూడా దృష్టి సారించినట్టు సమాచారం

డబ్బు, కీర్తి కోసం తాను ఎప్పటికీ హద్దులు దాటబోనని యంగ్ హీరోయిన్ దర్షా గుప్తా స్పష్టం చేశారు. డబ్బు, కీర్తి, పేరు ప్రతిష్ఠల కోసం తన హద్దులు దాటనని యంగ్ హీరోయిన్ దర్షా గుప్తా (Dharsha Gupta) అన్నారు. బుల్లితెర నటిగా మంచి గుర్తింపు తెచ్చు కున్న ద‌ర్షా గ్లామర్, సెక్సీ ఫోటోల కోసం సోషల్ మీడియాలో నెటిజన్లు అమితంగా సెర్చ్ చేస్తుంటారు. పైగా ఆమెకు సోషల్ మీడియాలో మంచి ఫాలోయింగ్ కూడా ఉంది. ఈ నేపథ్యంలో ఆమె తాజాగా ఒక యాప్ ప్రారంభించి, దానికి సబ్ స్క్రిప్షన్ ఆప్షన్ ప్రవేశపెట్టారు. దీనిపై తీవ్రస్థాయిలో విమర్శలు వచ్చాయి. దీంతో ఆమె స్పందిస్తూ, 'నేను ఎలాంటి వ్యక్తిని అని నన్ను అభిమానించే వారికి వివరించాల్సి వస్తుందని నేను ఎపుడూ అనుకోలేదు. ఆ యాప్‌లో ఏం జరుగుతుందో నాకు తెలియదు. నా అభిమానులతో సరదాగా మాట్లాడుకో వడానికి అది ఒక వేదిక మాత్రమే అని నేను అనుకున్నాను. నేను గ్లామర్ ఫొటోలను షేర్ చేయగలను. కానీ, వాటికి కొన్ని హద్దులున్నాయి. అయితే, డబ్బు, కీర్తి కోసం నేను ఆ హద్దులను ఎప్పటికీ దాటను' అని పేర్కొన్నారు. దీంతో కొద్ది రోజులుగా తనపై వస్తున్న విమర్శలకు ఆమె క్లారిటీ ఇచ్చినట్లైంది

సినీనటి త్రిషను తమిళనాడు ఉపముఖ్యమంత్రిగా ఎప్పుడు నియమిస్తారో అంటూ అన్నాడీఎంకే మాజీ మంత్రి ఆర్బీ ఉదయకుమార్ చేసిన వ్యాఖ్యలు వైరల్‌గా మారాయి. సినీనటి త్రిష (Trisha)పై అన్నాడీఎంకే సీనియర్ నేత, తమిళనాడు మాజీ మంత్రి ఆర్బీ ఉదయకుమార్ (RB Udhayakumar) చేసిన వ్యాఖ్యలు రాజకీయంగా దుమారం రేపుతున్నాయి. ఈ నెల 8న తూత్తుకుడిలో జరిగిన ఓ కార్యక్రమంలో ఆయన మాట్లాడుతూ.. విజయ్‌కు ప్రియమైన త్రిషను ఉపముఖ్యమంత్రిగా (Deputy CM) ఎప్పుడు నియమిస్తారోనని తమిళనాడు ప్రజలు ఎదురుచూస్తున్నారని వ్యాఖ్యానించారు. ఈ వ్యాఖ్యలు సోషల్ మీడియాలో వైరల్ కావడంతో టీవీకే కార్యకర్తలు, త్రిష అభిమాన సంఘాలు తీవ్ర ఆగ్రహం వ్యక్తం చేస్తున్నాయి. ఉదయకుమార్ వ్యాఖ్యలను ఖండిస్తూ మదురై జిల్లా వ్యాప్తంగా త్రిష అభిమాన సంఘాల ప్రతినిధులు పోస్టర్లు ఏర్పాటు చేశారు. ఇదే సమయంలో విజయ్‌తో సినీ సంబంధాలు ఉన్నవారికి ప్రభుత్వ పదవులు ఇవ్వడంపైనా ఉదయకుమార్ తీవ్ర విమర్శలు చేశారు. మంగళవారం మీడియాతో మాట్లాడిన ఆయన.. విజయ్ సినిమా తీస్తే ప్రభుత్వ పదవి ఇస్తారా? అంటూ ప్రశ్నించారు. విజయ్ సినిమాలకు నిర్మాతలుగా వ్యవహరించిన వారికి, ఆయనతో వ్యాపార సంబంధాలు ఉన్నవారికి ప్రభుత్వ కమిటీల్లో పదవులు కల్పిస్తున్నారని ఆరోపించారు. ఆలయాల ట్రస్టీల ఎంపిక కోసం ప్రభుత్వం ఏర్పాటు చేసిన రాష్ట్ర కమిటీలో సినీ నిర్మాతకు అవకాశం కల్పించడం ఆశ్చర్యం కలిగించిందన్నారు. ఇప్పటికే ఢిల్లీలో రాష్ట్ర ప్రభుత్వ ప్రత్యేక ప్రతినిధిగా విజయ్ హీరోగా నటించిన జన నాయగన్ చిత్ర నిర్మాత, కర్ణాటకకు చెందిన వెంకట్ కె. నారాయణను ప్రభుత్వం నియమించిందని గుర్తుచేశారు. తాజాగా మరో సినీ నిర్మాత అర్చన కల్పాతికి ప్రభుత్వ కమిటీలో చోటు కల్పించారని పేర్కొన్నారు. అలాగే ముఖ్యమంత్రి ప్రత్యేక కార్యదర్శిగా లియో చిత్ర సహ నిర్మాత జగదీష్ పళనిస్వామిని, తమిళనాడు ప్రభుత్వ ఫిల్మ్ ట్రైనింగ్ ఇన్‌స్టిట్యూట్ చైర్మన్‌గా బీస్ట్ చిత్ర కెమెరామెన్ మనోజ్ పరమహంసను నియమించారని ఉదయకుమార్ విమర్శించారు.ముఖ్యమంత్రితో సినిమా చేస్తే ప్రభుత్వ పదవులు దక్కుతాయనే పరిస్థితి తమిళనాడులో

శివకార్తికేయన్ హీరోగా శివకుమార్ మురుగేశన్ తెరకెక్కిస్తున్న ‘సేయోన్’ రెండో షెడ్యూల్ మదురైలో ప్రారంభమైంది. శివకార్తికేయన్ (Sivakarthikeyan) హీరోగా తెరకెక్కుతున్న ‘సేయోన్’ (Seyon )సినిమా రెండో షెడ్యూల్ షూటింగ్ మదురైలో ప్రారంభమైంది. సినిమాలోని పలు కీలక సన్నివేశాలను ఈ షెడ్యూల్‌లో చిత్రీకరించనున్నారు. ఇందుకోసం భారీ ఖర్చుతో ప్రత్యేక సెట్‌ను నిర్మించి షూటింగ్ నిర్వహిస్తున్నారు. ‘తాయ్ కిళవి’ (Thaai Kizhavi) వంటి బ్లాక్‌బస్టర్ చిత్రాన్ని తెరకెక్కించిన దర్శకుడు శివకుమార్ మురుగేశన్ (Sivakumar Murugesan) ఈ సినిమాకు దర్శకత్వం వహిస్తున్నారు. సంతోష్ నారాయణన్ సంగీతం అందిస్తున్నారు. నటుడు కమల్ హాసన్ తన సొంత నిర్మాణ సంస్థ రాజ్ కమల్ ఫిల్మ్ ఇంటర్నేషనల్ బ్యానర్‌పై భారీ బడ్జెట్‌తో ఈ చిత్రాన్ని నిర్మిస్తున్నారు. ఇందులో శివకార్తికేయన్ సరసన భాగ్యశ్రీ బోర్సే హీరోయిన్‌గా నటిస్తున్నారు. అరుల్స్, రేచల్ రెబాకా, సింగంపులి తదితరులు కీలక పాత్రల్లో కనిపించనున్నారు. మరోవైపు నామ్ తమిళర్ కట్చి కన్వీనర్ సీమాన్ ఈ సినిమాలో ఓ ముఖ్యమైన పాత్ర పోషించనుండటం ఆసక్తిని పెంచుతోంది. ప్రస్తుతం రెండో షెడ్యూల్ షూటింగ్ శరవేగంగా జరుగుతోంది. శివకార్తికేయన్, సీమాన్ కాంబినేషన్‌లో తెరకెక్కుతున్న ఈ చిత్రం తమిళ సినీ వర్గాల్లో ఆసక్తిని రేకెత్తిస్తోంది

తమిళ స్టార్ హీరో ధనుష్ భవిష్యత్తులో రాజకీయాల్లోకి అడుగుపెట్టే అవకాశం ఉందని ప్రముఖ జ్యోతిష్యుడు రతన్ పండిట్ చేసిన వ్యాఖ్యలు తమిళనాడు రాజకీయ, సినీ వర్గాల్లో చర్చకు దారితీశాయి. భవిష్యత్‌లో హీరో ధనుష్ (Dhanush) రాష్ట్ర రాజకీయాల్లోకి ప్రవేశించే యోగం ఉందని, అదే జరిగితే రాష్ట్రంలో సరికొత్త పోటీ నెలకొంటుందని తమిళనాడు ముఖ్యమంత్రి విజయ్ (Vijay)కు జ్యోతిష్యుడిగా వ్యవహరిస్తున్న రతన్ పండిట్ (Rathan Pandit) వ్యాఖ్యానించారు. త‌మిళ‌నాట‌ ప్రముఖ జ్యోతిష్యుడిగా గుర్తింపు పొందిన రతన్ పండిట్.. రాష్ట్రంలోని అనేక మంది సినీ రాజకీయ ప్రముఖులకు జ్యోతిష్యం చెబుతూ ప్రఖ్యాతిగాంచారు. ముఖ్యంగా ముఖ్య మంత్రి విజయ్ ఆస్థాన జ్యోతిష్యుడిగా ఉన్నారు. గత మే నెలలో రాష్ట్ర శాసనసభకు జరిగిన ఎన్నికల సమయంలో కూడా రతన్ పండిట్ చెప్పిన జ్యోతిష్యం ఫలించడంతో ప్రపంచ వ్యాప్తంగా చర్చనీయాంశమైంది. ఓట్ల లెక్కింపు ప్రారంభానికి ముందే పూల బొకేతో విజయ్‌ని కలిసి మ‌రి విజ‌యోత్స‌వ‌ శుభాకాంక్షలు అని చెప్పారు. ఎన్నికల ఫలితాల తర్వాత రాష్ట్రంలో టీవీకే అత్యధిక స్థానాలు గెలుచుకుని ప్రభుత్వాన్ని ఏర్పాటు చేసింది. ఈ నేపథ్యంలోనే తాజాగా ఆయన ఓ వార్తా సంస్థతో మాట్లాడుతూ.. భవిష్యత్‌లో నటుడు ధనుష్ రాజకీయాల్లోకి వచ్చే యోగం ఉంది. నిజంగానే ఆయన రాజకీయ ప్రవేశం చేస్తే రాష్ట్ర రాజకీయాల్లో కొత్త పోటీ ఏర్పడుతుంది. ఇప్పటివరకు రాష్ట్ర రాజకీయాల్లో సీఎం విజయ్‌ (Tamil Nadu CM Vijay)కి చెప్పుకోదగిన పోటీ లేదు. కానీ, ధనుష్ రాజకీయరంగ ప్రవేశం చేసిన తర్వాత రాష్ట్ర రాజకీయాలు మరో స్థాయికి వెళతాయి' అని వ్యాఖ్యానించారు. అయితే.. రతన్ పండిట్ చేసిన ఈ వ్యాఖ్యలు ప్రస్తుతం సోషల్ మీడియాలో విస్తృతంగా వైరల్ అవుతున్నాయి. అయితే ధనుష్ మాత్రం ఇప్పటివరకు రాజకీయాల్లోకి రావాలన్న ఉద్దేశంపై ఎలాంటి అధికారిక ప్రకటన చేయలేదు. ప్రస్తుతం ఆయన నటుడిగా అర డ‌జ‌న్ చిత్రాల‌తో బిజీగా ఉన్నారు. ఇటీవ‌లే అభిమాన సంఘాల పేరుతో ప్ర‌జ‌ల్లోకి వెళుతున్నారు

హీరో అంటే కెమెరా ముందు.. డైరెక్టర్ అంటే కెమెరా వెనుక కానీ ఇప్పుడు ఆ రూల్‌నే మార్చేస్తున్నారు కొందరు హీరోలు, దర్శకులు. అసలు ఇది క్రియేటివ్ ప్యాషనా.. లేక తమ కెరీర్‌లో వచ్చిన ఫ్లాప్స్, ఇమేజ్ ప్రెజర్ నుంచి బయటపడేందుకు కొత్త రూట్ వెతుక్కోవడమా. హీరోగా హిట్ కొట్టలేకపోతే డైరెక్టర్‌గా మారడం, డైరెక్టర్‌గా గ్యాప్ వస్తే హీరోగా మారడం, ఇది ఇండస్ట్రీలో కొత్త ట్రెండ్‌గా మారుతోంది. విక్రమ్, లియో, కూలీ లాంటి భారీ సినిమాలతో తనకంటూ ఒక బ్రాండ్ క్రియేట్ చేసుకున్న లోకేష్ కనగరాజ్ ఇప్పుడు హీరోగా ఎంట్రీ ఇచ్చాడు. ‘DC’లో గ్యాంగ్‌స్టర్ గా కనిపించాడు. ఈ ఛేంజ్‌ ఓవర్‌, తన కెరీర్‌లో ఎలాంటి మార్పులు తీసుకువస్తుందో తెలియదు కానీ, మొదటి సినిమాతో హీరోగా సూపర్ హిట్ కొట్టాడు లోకేష్‌. ఇక విశాల్ ‘మకుటం’తో హీరోగానే కాదు, డైరెక్టర్‌గానూ మారాడు. సినిమాలో త్రీ రోల్స్‌ మధ్య వేరియేషన్ మెయింటైన్ చేస్తూనే, దర్శకుడిగా మారడం పెద్ద రిస్కే చేశాడు విశాల్‌.. ఇక ఎనర్జిటిక్ స్టార్ రామ్ పోతినేని కూడా ఇప్పుడు డైరెక్షన్ వైపు ఫోకస్ పెట్టాడు. హీరోగా తనకు సరైన కథ దొరకడం లేదా? లేక తనే కథ చెప్పాలని అనుకుంటున్నాడో కానీ, డైరెక్టర్‌గా మారాడు..‘ఇస్మార్ట్ శంకర్ తర్వాత వచ్చిన కొన్ని సినిమాలు ఆశించిన స్థాయిలో సక్సెస్‌ కాలేదు.. అందుకే తానే కథ రాసుకుని, తన డైరెక్షన్‌లోనే హీరోగా నటించడం సేఫ్ అని రామ్ భావించాడేమో.. అందుకే ఈ మూవీని సెట్స్‌పైకి తీసుకెళ్లాడు కూడా.ఇక కిరణ్ అబ్బవరం కూడా ఇప్పుడు హీరోగా మాత్రమే కాకుండా దర్శకుడిగా మారుతున్నాడు. అలాగే తరుణ్ భాస్కర్... డైరెక్టర్‌గా ‘పెళ్లి చూపులు’, ‘ఈ నగరానికి ఏమైంది’, ‘కీడా కోలా’ చేసిన తర్వాత హీరోగానూ నటిస్తున్నాడు. అంటే ఇప్పుడు ఇండస్ట్రీలో అన్నీ మనమే చేద్దాం” అనే ఫేజ్ నడుస్తున్నట్టుగా కనిపిస్తోంది. హీరోగా ఉండటం ఒక జాబ్.. డైరెక్టర్‌గా ఉండటం మరో జాబ్. రెండింటినీ

రేణుకాస్వామి హత్య కేసులో ఏ4 నిందితుడు ప్రదోశ్ అప్రూవర్‌గా మారేందుకు పిటిషన్ దాఖలు చేశారు. దర్శన్‌పై పలు తీవ్రమైన ఆరోపణలు చేశారు. కర్ణాటకలో సంచలనం సృష్టించిన చిత్రదుర్గ రేణుకాస్వామి (Renukaswamy) హత్య కేసులో కీలక పరిణామం చోటుచేసుకుంది. ఈ కేసులో ఏ4 నిందితుడిగా ఉన్న ప్రదోశ్ (Pradosh) అప్రూవర్‌గా మారేందుకు కోర్టులో పిటిషన్ దాఖలు చేసిన విషయం తెలిసిందే. తాజాగా ఆ పిటిషన్‌లో నటుడు దర్శన్ (Darshan) కు వ్యతిరేకంగా పలు తీవ్రమైన ఆరోపణలను పిటిషన్ ద్వారా కోర్టుకు సమర్పించారు. ఈ కేసుకు సంబంధించిన పూర్తి వివరాలను బ‌హిరంగంగా వెల్లడించేందుకు తాను సిద్ధంగా ఉన్నట్టు, తాను ఈ కేసులో ఇరుక్కోవడానికి దర్శన్ ఒత్తిడే కారణమని ఆయన ఇటీవల కోర్టుకు సమర్పించిన పిటిషన్‌లో పేర్కొన్నారు. పిటిషన్‌లో పేర్కొన్న వివరాల ప్రకారం.. హీరో దర్శన్ మొదట రేణుకాస్వామిని దూషించి ఆ తర్వాత కొట్టారని అంతేగాక చెప్పుతో కొట్టాలని పవిత్రగౌడకు దర్శన్ సూచించినట్లు ప్రదోశ్ ఆరోపించారు. అయితే రేణుకా స్వామిని హత్య చేయాలనే ఉద్దేశం తనకు లేదని, అక్కడ ఉన్న కొందరు రేణుకాస్వామిని చంపాలని నిర్ణయించుకున్నారని, దాడిని ఆపేందుకు తాను ప్రయత్నించినా ఎవరూ తన మాట వినలేదని పిటిషన్‌లో పేర్కొన్నారు. సంఘటన సమయంలో రేణుకాస్వామికి భోజనం, నీరు ఇచ్చింది తానేనని.. అనంతరం రేణుకాస్వామి మొబైల్ ఫోన్‌ను తీసుకుని పరిశీలించగా మరిన్ని వివరాలు బయటపడ్డాయని ప్ర‌దోశ్ త‌న పిటిషన్‌లో పేర్కొన్నారు. అయితే.. ఈ కేసులో ప్రదోశ్‌తో పాటు మరో ఇద్దరు నిందితులు కూడా అప్రూవర్లుగా మారేందుకు సిద్ధమైనట్లు సమాచారం. అయితే వీరి అభ్యర్థనలను కోర్టు అంగీకరించాల్సి ఉంది. కోర్టు అనుమతి లభిస్తే కేసుకు సంబంధించిన మరిన్ని వివరాలు అధికారికంగా వెలుగులోకి వచ్చే అవకాశం ఉంది. ప్రదోశ్ పిటిషన్‌లో చేసిన ఆరోపణలు నిజమని కోర్టు ఇంకా నిర్ధారించలేదు. ఈ నేపథ్యంలో ఆయన వాంగ్మూలం, పిటిషన్‌లోని అంశాలు కేసు దర్యాప్తు, తదుపరి న్యాయ ప్రక్రియలో ఎంతవరకు ప్రభావం చూపుతాయనేది ఆసక్తికరంగా మారింది. తాజా

సూర్యతో కలిసి ‘విశ్వనాథ్ అండ్ సన్స్’లో నటించిన మమిత బైజు తన చిన్ననాటి జ్ఞాపకాన్ని గుర్తు చేసుకున్నారు. కెరీర్ ప్రారంభంలోనే వరుస విజయాలతో మంచి గుర్తింపు తెచ్చుకున్న నటీమణుల్లో మమిత బైజు (Mamitha Baiju) ఒకరు. మలయాళ సినిమాలతో గుర్తింపు సంపాదించుకున్న ఆమె, ప్రస్తుతం తెలుగు, తమిళ చిత్రాల్లోనూ అవకాశాలు అందుకుంటూ దూసుకెళ్తున్నారు. తాజాగా తమిళ స్టార్ హీరో సూర్య (Suriya)తో కలిసి ‘విశ్వనాథ్ అండ్ సన్స్’(Viswanath And Sons) లో నటించారు. ఈ సినిమాలో సూర్యతో కలిసి పనిచేసిన అనుభవం గురించి మమిత బైజు చెప్పిన మాటలు ఇప్పుడు వైరల్ అవుతున్నాయి. షూటింగ్ సెట్లో మమిత ఉంటే వాతావరణమే మారిపోతుందని,. ఆమెను కెమెరా ఎంతో ఇష్టపడుతుందని సూర్య ప్రశంసించి మాట‌లు ట్రేండ్ అవుతున్నాయి. ఇదే సందర్భంలో సూర్యతో తనకున్న పాత జ్ఞాపకాన్ని మమిత గుర్తు చేసుకున్నారు. తాను ఎనిమిదో తరగతి చదువుతున్న సమయంలో సూర్య కొచ్చిలో జరిగిన ఓ మాల్ ఈవెంట్‌కు వచ్చారని చెప్పారు. తన అన్నయ్య అతడి స్నేహితుడితో కలిసి ఆ కార్యక్రమానికి వెళ్లి సూర్యతో ఫొటో దిగాడని తెలిపారు. అయితే, ఆ సమయంలో తనకు సూర్యను కలిసే అవకాశం రాలేదని మమిత చెప్పారు. చిన్నతనంలో అభిమానించే హీరోతో ఇప్పుడు కలిసి నటించే అవకాశం రావడం తనకు ఎంతో ప్రత్యేకమని అన్నారు. సూర్యతో కలిసి పనిచేసే అవకాశం రావడం తనకు దక్కిన గొప్ప అదృష్టంగా భావిస్తున్నానని పేర్కొన్నారు. తన చిన్ననాటి జ్ఞాపకాన్ని గుర్తు చేసుకుంటూ మమిత చెప్పిన ఈ మాటలు ఇప్పుడు సోషల్ మీడియాలో వైరల్ అవుతున్నాయి. అభిమానులు సైతం ఆమె కథపై ఆసక్తిగా స్పందిస్తున్నారు

కెమెరా ముందు, వెనుక పని చేయడం సవాల్‌తో కూడుకున్న పని అని హీరో విశాల్ అన్నారు. కెమెరా ముందు, వెనుక పని చేయడం సవాల్‌తో కూడుకున్న పని అని హీరో విశాల్ (vishal) అన్నారు. ఆయన హీరోగా నటించి, దర్శకత్వం వహించిన చిత్రం మకుటం (makutam). ఈనెల 14న విడుదల కానుంది. ప్రముఖ నిర్మాణ సంస్థ సూపర్ గుడ్ ఫిలిమ్స్ బ్యానర్ (Super Good Films)పై నిర్మితమైన 99వ చిత్రం. విశాల్, అంజలి, దుషార విజయన్ జంటగా నటించిన ఈ చిత్రంలో జాన్ విజయ్, జయప్రకాష్, అజయ్, వంశీ కృష్ణ, అబు సలీం, ఆర్జే, వీజే ఝాన్సీ, పదమ్ కుమార్ తదితరులు నటించారు. దిగ్గజ నిర్మాత దివంగత ఆర్ బీ చౌదరి సమర్పణలో నిర్మాతలు బి.సురేష్, ఆర్బీ జీవన్ చౌదరి, జితన్ రమేష్, జీవా సంయుక్తంగా నిర్మించిన ఈ చిత్రానికి విశాల్ స్వ‌యంగా స్క్రీన్ ప్లే అందించడంతో పాటు తొలిసారి దర్శకత్వం చేశారు. రిచర్డ్ ఎం.నాథన్, అభినందన్ రామానుజం ఛాయాగ్రహణం అందించగా, జీవీ ప్రకాష్ కుమార్ సంగీత స్వరాలు సమకూర్చారు. ఈ చిత్రం ప్రీరిలీజ్ ఈవెంట్ ఇటీవ‌ల‌ చెన్నైలో జరిగింది. ఈ సందర్భంగా విశాల్ మాట్లాడుతూ.. 'ఒక వైపు హీరోగా, మరోవైపు దర్శకుడిగా కెమెరా ముందు, వెనుక ద్విపాత్రా భినయం చేయడం చాలెంజ్‌తో కూడుకున్నపని. ఈ సినిమా కోసం పని చేసిన ప్రతి ఒక్కరూ ఎంతగానో సహకరించారు. నేను చెప్పింది చాలా ఓపిగ్గా విని, కెమెరా ముందు అద్భుతంగా నటించారు. అందుకే ఈ సినిమా చాలా బాగా వచ్చింది. ఈ చిత్రంతో దర్శకుడు కావాలన్న 35 యేళ్లనాటి కల ఫలించింది. నన్ను ప్రోత్సహించి, నా కలను నిజం చేసి నందుకు మా నాన్నకు నా కృతజ్ఞతలు తెలియజేస్తున్నా. ఆయనకు రుణపడి ఉంటా. సండైకోళి (పందెం కోడి) తీయడానికి కారణం మా తల్లి. నాన్నతో పోట్లాడి ఆ సినిమాను నిర్మించారు. ఆర్బీ చౌదరి పరిచయం చేసిన

బాలీవుడ్ ఇండస్ట్రీలో రెండు దశాబ్దాలకు పైగా కొనసాగుతున్న ఓ కోల్డ్ వార్‌ ఇప్పుడు ఎండ్ అయ్యేలా కనిపిస్తోంది. ఒకప్పుడు బద్ధ శత్రువులుగా మారిన స్టార్ హీరోయిన్ కరీనా కపూర్, సెన్సేషనల్ ఫిల్మ్ మేకర్ సంజయ్ లీలా భన్సాలీ.. ఇప్పుడు కలిసి పని చేసేందుకు రెడీ అవుతున్నారు. 24 ఏళ్ల సుదీర్ఘ వివాదానికి ఫుల్ స్టాప్ పెడుతూ, ఓ క్రేజీ ప్రాజెక్ట్ కోసం చేతులు కలపబోతున్నారు. ఇంతకీ ఆ వివాదం ఏంటి అనుకుంటున్నారా.. అయితే వాచ్‌ దిస్‌ స్టోరి. బాలీవుడ్ స్టార్ డైరెక్టర్ సంజయ్ లీలా భన్సాలీ తెరకెక్కించిన ‘దేవదాసు’ మూవీ విషయంలో ఈ వివాదం మొదలైంది. ఆ సినిమాలో పారు పాత్ర కోసం ఫస్ట్‌ కరీనా కపూర్‌కు స్క్రీన్ టెస్ట్ చేశారు భన్సాలీ. కానీ లాస్ట్ మినిట్‌లో ఆమెను కాదని ఐశ్వర్యరాయ్‌ను తీసుకోవడంతో కరీనా హర్ట్ అయ్యారు. భవిష్యత్తులో భన్సాలీతో కలిసి పనిచేయను అంటూ పబ్లిక్‌గానే స్టేట్మెంట్ ఇచ్చారు. అలా మొదలైన ఆ కోల్డ్ వార్ 24 ఏళ్లుగా సాగుతూనే ఉంది. ఇన్నాళ్లకు ఆ వివాదానికి తెర పడబోతోంది. కోలీవుడ్ స్టార్ హీరో ధనుష్‌తో ఓ భారీ చిత్రాన్ని నిర్మించబోతున్నారు భన్సాలీ. తమిళ్ డైరెక్టర్ పీఎస్ మిత్రన్ దర్శకత్వం వహిస్తున్న ఈ సినిమా జంగిల్ అడ్వెంచర్‌గా తెరకెక్కనుంది. ఏనుగు బ్యాక్‌డ్రాప్‌లో సాగే ఈ కథలో హీరోయిన్‌ పాత్ర చాలా పవర్‌ఫుల్‌గా ఉంటుందట. అందుకే ఈ రోల్ కోసం కరీనా కపూర్‌ను సంప్రదించారు నిర్మాత సంజయ్ లీలా భన్సాలీ. కరీనా కూడా ఈ ప్రాజెక్ట్‌ పట్ల ఇంట్రెస్ట్ చూపిస్తున్నట్లు తెలుస్తోంది. ప్రస్తుతం డిస్కషన్‌ స్టేజ్‌లో ఉన్న ఈ ప్రాజెక్ట్, అన్నీ ఓకే అయితే 2027 జనవరిలోసెట్స్ పైకి వెళ్లనుంది. మొత్తానికి 24 ఏళ్ల సుదీర్ఘ వివాదాన్ని మర్చిపోయి.. ధనుష్ సినిమా కోసం భన్సాలీ, కరీనా చేతులు కలపడం ఇప్పుడు బాలీవుడ్‌తో పాటు సౌత్ ఇండస్ట్రీలోనూ హాట్ టాపిక్‌గా మారింది. Varanasi: వారణాసి లీక్స్ రచ్చ.. రాజమౌళి

తన ఫొటోలు, వీడియోలను ఏఐ డీప్‌ఫేక్ టెక్నాలజీతో మార్ఫింగ్ చేసి వాణిజ్య ప్రయోజనాలకు ఉపయోగిస్తున్నారంటూ శ్రుతిహాసన్ కోర్టును ఆశ్రయించారు. కృత్రిమ మేధ (AI), డీప్‌ఫేక్ టెక్నాలజీని ఉపయోగించి తన ఫొటోలు, వీడియోలను మార్ఫింగ్ చేసి దుర్వినియోగం చేస్తున్నారంటూ ప్రముఖ నటి శ్రుతిహాసన్ (Shruti Haasan) బాంబే హైకోర్టు (Bombay High Court)ను ఆశ్రయించారు. తన అనుమతి లేకుండా పేరు, ఫొటో, ఇమేజ్‌ను ఉపయోగించి వ్యాపార ప్రయోజనాల కోసం నకిలీ ప్రకటనలు చేస్తున్న సంస్థలపై చర్యలు తీసుకోవాలని కోరుతూ ప్రైవేట్ పిటిషన్ దాఖలు చేశారు. తన ముఖాన్ని ఏఐ, డీప్‌ఫేక్ టెక్నాలజీతో మార్ఫింగ్ చేసి అశ్లీల ఫొటోలు, వీడియోలు రూపొందించి ఇంటర్నెట్‌లో వైరల్ చేస్తున్నారని శ్రుతిహాసన్ తన పిటిషన్‌లో పేర్కొన్నారు. అంతేకాకుండా తన అనుమతి లేకుండానే పేరు, ఇమేజ్‌ను ఉపయోగించి పలు ఉత్పత్తులను ఆన్‌లైన్‌లో విక్రయిస్తున్నారని ఆరోపించారు. తన ఫొటోలను ఉపయోగించి నకిలీ ప్రకటనలు సైతం రూపొందిస్తున్నారని కోర్టు దృష్టికి తీసుకెళ్లారు. తన వ్యక్తిగత హక్కులు, ప్రతిష్ఠకు భంగం కలిగించేలా వ్యవహరిస్తున్న సంబంధిత సంస్థల నుంచి రూ.15 కోట్ల నష్టపరిహారం ఇప్పించాలని శ్రుతిహాసన్ కోర్టును కోరారు. ఈ పిటిషన్‌తో పాటు ఈ వ్యవహారంలో ప్రమేయం ఉన్నట్లు పేర్కొన్న కంపెనీల పేర్ల జాబితాను కూడా కోర్టుకు సమర్పించారు. సెలబ్రిటీల ఫొటోలు, వీడియోలను ఏఐ, డీప్‌ఫేక్ టెక్నాలజీతో మార్ఫింగ్ చేసి వాణిజ్య ప్రయోజనాలకు ఉపయోగించడం ఇటీవల తీవ్ర చర్చకు దారితీస్తోంది. ఇదే తరహాలో తన పేరు, ఫొటోలు, వ్యక్తిత్వాన్ని అనుమతి లేకుండా ఉపయోగిస్తున్నారంటూ సీనియర్ నటి టబు కూడా ఢిల్లీ హైకోర్టును ఆశ్రయించిన విషయం తెలిసిందే

చెక్ బౌన్స్ కేసులో నటుడు, బీజేపీ నేత శరత్‌కుమార్‌కు సైదాపేట కోర్టు సమన్లు జారీ చేసింది. తమిళ నటుడు, బీజేపీ నేత శరత్‌కుమార్ (R. Sarathkumar) కు చెక్ బౌన్స్ కేసులో సైదాపేట కోర్టు సమన్లు జారీ చేసింది. రూ.2 కోట్లకు సంబంధించిన చెక్ చెల్లకపోవడంతో ఈ కేసు నమోదైనట్లు తెలుస్తోంది. శ్రీకృష్ణ అనే వ్యక్తి దాఖలు చేసిన ఫిర్యాదు ప్రకారం.. శరత్‌కుమార్ వద్ద నుంచి రూ.2 కోట్లు తీసుకున్న సమయంలో తనకు చెక్ ఇచ్చారని ఆరోపించారు. ఆ చెక్‌ను బ్యాంకులో జమ చేయగా, ఖాతాలో సరిపడా నగదు లేకపోవడంతో చెక్ బౌన్స్ అయినట్లు ఫిర్యాదులో పేర్కొన్నారు. ఈ వ్యవహారంపై శ్రీకృష్ణ సైదాపేట కోర్టును ఆశ్రయించడంతో కేసును విచారించిన న్యాయస్థానం శరత్‌కుమార్‌కు సమన్లు జారీ చేసింది. తదుపరి విచారణ కోసం సెప్టెంబరు 10న కోర్టుకు వ్యక్తిగతంగా హాజరు కావాలని ఆదేశించింది. ఈ కేసులో శరత్‌కుమార్ కోర్టుకు హాజరై తన వాదనను వినిపించాల్సి ఉంది. కేసు తదుపరి విచారణ సెప్టెంబరు 10న జరగనుంది

సౌత్ సినీ ఇండస్ట్రీలో ప్రస్తుతం క్రైమ్ సర్వైవల్ తరహా చిత్రాల హవా స్పష్టంగా కనిపిస్తోంది. ప్రముఖ దర్శకుడు లోకేష్ కనగరాజ్ ప్రధాన పాత్రలో నటిస్తున్న డిసి సినిమాతో పాటు దుల్కర్ సల్మాన్ కథానాయకుడిగా వస్తున్న ఐయామ్ గేమ్ చిత్రాల ట్రైలర్లు ఇప్పుడు చర్చనీయాంశంగా మారాయి. ఈ రెండు చిత్రాల ట్రైలర్లను గమనిస్తే కథాంశం మరియు కథానాయకుడి పాత్రల డిజైన్ చాలా వరకు ఒకేలా ఉన్నట్లు స్పష్టమవుతోంది. రెండు సినిమాల్లోనూ నటులు ప్రాణభయంతో పోరాడే సర్వైవల్ అంశాలే ప్రధానంగా కనిపిస్తున్నాయి. డిసి చిత్రంలో లోకేష్ కనగరాజ్ దేవదాస్ అనే పాత్రలో కనిపిస్తుండగా అటు నేరస్థులు ఇటు అవినీతి పోలీసుల మధ్య చిక్కుకుని ప్రాణాలు దక్కించుకోవడానికి పారిపోయే వ్యక్తిగా నటించారు. మరోవైపు ఐయామ్ గేమ్ సినిమాలో దుల్కర్ సల్మాన్ డ్యాన్ జాన్ అనే పాత్ర ద్వారా నేర ప్రపంచంలోకి అడుగుపెట్టి ప్రతి అడుగులోనూ జీవన్మరణ పోరాటం సాగిస్తారు. దీంతో ఈ రెండు సినిమాల కథాంశాలు ఒకే తీరులో సాగుతున్నాయనే అభిప్రాయం వ్యక్తమవుతోంది. ఒకే తరహా ఫార్ములాతో వస్తున్న ఈ రెండు చిత్రాలు ప్రేక్షకులను ఏ స్థాయిలో మెప్పిస్తాయో వేచి చూడాల్సి ఉంది. రెండు చిత్రాల ట్రైలర్లలోనూ వ్యవస్థ మొత్తం కథానాయకుడికి వ్యతిరేకంగా మారినట్లు చూపించారు. ఒకవైపు క్రూరులైన గ్యాంగ్‌స్టర్లు మరొకవైపు అవినీతికి పాల్పడే పోలీసు అధికారుల నడుమ కథానాయకుడు నలిగిపోతాడు. ఇదిలా ఉండగా వెన్నుపోట్లు, ఊపిరిసలపని ఛేజింగ్‌లు మరియు భారీ గన్ ఫైట్లతో ప్రేక్షకుల్లో తీవ్రమైన ఉత్కంఠను రేకెత్తించేలా సన్నివేశాలను చిత్రీకరించారు. ఈ తరహా సీన్లు రెండు చిత్రాల విజువల్స్‌లోనూ స్పష్టంగా కనిపిస్తుండటంతో పోలికలు మరింతగా ఎక్కువయ్యాయి. ఈ విజువల్స్ పట్ల సినీ వర్గాల్లో తీవ్ర చర్చ జరుగుతోంది. దర్శకత్వంలో తిరుగులేని బ్రాండ్ క్రియేట్ చేసుకున్న లోకేష్ కనగరాజ్ ఇప్పుడు పూర్తిస్థాయి హీరోగా అవతారమెత్తడం విశేషం. ఫలితంగా ఆయన దర్శకత్వానికి ఉన్న క్రేజ్ నటుడిగా బాక్సాఫీస్ వద్ద విజయాన్ని తెచ్చిపెడుతుందా లేదా అనేది ఆగస్టు 7న విడుదల