Pereira Quake News

దక్షిణామెరికా ఖండంలో భూమాత మరోసారి ఉగ్రరూపం దాల్చింది. నిమిషాల వ్యవధిలోనే నిండు ప్రాణాలు గాల్లో కలసిపోగా, సజీవంగా ఉన్న నగరాలు క్షణాల్లో ఇటుకల కుప్పలుగా మారిపోయాయి. తీవ్ర ప్రకంపనలతో కొలంబియా దేశం కకావికలమైంది. ప్రకటనల ప్రకారం ఇప్పటివరకు 164 మంది ప్రాణాలు కోల్పోగా, శిథిలాల కింద ఇంకా వందలాది మంది చిక్కుకుని ఉంటారని భయపడుతున్నారు.రెస్క్యూ టీమ్‌లు సహాయక చర్యల్లో నిమగ్నమైనప్పటికి మృతుల సంఖ్య ఇంకా పెరిగే అవకాశముందని స్థానిక వర్గాలు చెబుతున్నాయి. 21వ శతాబ్దంలో ఈ దేశం చూసిన అత్యంత దారుణమైన భూకంపంగా ఇది చరిత్రకెక్కింది.క్షతగాత్రుల ఆర్తనాదాలు.. నిశ్శబ్దమైన నగరాలుసోమవారం నమోదైన రిక్టర్ స్కేలుపై 7.4 తీవ్రత కలిగిన ఈ భూకంపం పశ్చిమ కొలంబియాను పూర్తిగా ఊపేసింది. పెరీరా, కాలీ, మానిజాలెస్, క్విబ్డో వంటి ప్రధాన నగరాల్లో భవనాలు పేకమేడల్లా కూలిపోయాయి. ఆసుపత్రులు, రహదారులు ధ్వంసమవ్వడంతో అత్యవసర వైద్య సేవలు అందించడం కూడా సవాలుగా మారింది. సుదూర అటవీ ప్రాంతమైన చోకోలో కమ్యూనికేషన్ వ్యవస్థ పూర్తిగా తెగిపోవడంతో అసలు అక్కడ ఎంత నష్టం జరిగిందనేది ఇప్పటికీ అంచనాకు అందడం లేదు. ప్రభుత్వం దేశంలో అత్యవసర పరిస్థితి విధించి, ఆర్మీతో కలిసి సహాయక చర్యలను పర్యవేక్షిస్తోంది.Earthquake: ఉలిక్కిపడ్డ న్యూజిలాండ్! సునామీ గండం?అసలు ఈ విపత్తు వెనుక కారణమేంటి?ఇంత పెద్ద భూకంపం ఎందుకు వచ్చింది? అనే ప్రశ్న అందరిలోనూ మెదులుతోంది. కొలంబియా దేశం భౌగోళికంగా అత్యంత ప్రమాదకరమైన టెక్టోనిక్ ప్లేట్ల కలయిక ప్రాంతంలో ఉంది. భూగర్భంలో ఉండే నాజ్కా, సౌత్ అమెరికన్ ప్లేట్లు నిరంతరం ఒకదానినొకటి ఢీకొంటూ ఉంటాయి.భూమి అడుగున దాదాపు 107 కిలోమీటర్ల లోతున ఇరుక్కుపోయిన భారీ రాతి పొరలు ఒక్కసారిగా పక్కకు జరగడం వల్ల తీవ్ర శక్తులు విడుదలయ్యాయి. లోతు ఎక్కువగానే ఉన్నప్పటికీ, భూకంప తీవ్రత చాలా ఎక్కువగా ఉండటంతో భూమి ఉపరితలంపై తీవ్ర విధ్వంసం సంభవించింది. ప్రధాన భూకంపం తర్వాత కూడా మరో 21 సార్లు ఆఫ్టర్ షాక్స్ రావడంతో జనాలు ఇళ్లల్లోకి

దక్షిణ అమెరికా దేశమైన కొలంబియాలో ఊహించని ఘోర విపత్తు సంభవించింది. సోమవారం ఆగస్టు 10న ఉదయం చోటుచేసుకున్న 7.4 తీవ్రత గల భారీ భూకంపం దేశాన్ని వణికించింది. ఈ ఘటనలో ఇప్పటివరకు 111 మంది ప్రాణాలు కోల్పోగా 87 మందికి పైగా తీవ్రంగా గాయపడ్డారు. శతాబ్దంలోనే అత్యంత తీవ్రమైన భూకంపంగా నమోదైన ఈ ఘటన ఆధారంగా కొత్తగా అధికారం చేపట్టిన అధ్యక్షుడు అబెలార్డో డి లా ఎస్ప్రియెల్లా దేశంలో జాతీయ విపత్తు పరిస్థితిని ప్రకటించారు. స్థానిక సమయం ఉదయం 7:34 గంటలకు చోకో ప్రావిన్స్‌లోని సాన్ జోస్ డెల్ పాల్మర్ పట్టణం సమీపంలో ఈ భూకంపం భూమికి 100 నుంచి 107 కిలోమీటర్ల లోతున సంభవించింది. అమెరికా జియోలాజికల్ సర్వే మరియు కొలంబియా జియోలాజికల్ సర్వీస్ దీని తీవ్రతను ధృవీకరించాయి. ఇది 21వ శతాబ్దంలో కొలంబియాలో నమోదైన అత్యంత శక్తివంతమైన భూకంపంగా అధికారులు వెల్లడించారు. బాధితులను కాపాడేందుకు సహాయక బృందాలు రాత్రింబవళ్లు శ్రమిస్తున్నాయి. పశ్చిమ కొలంబియా ప్రాంతాలైన రిసరాల్డా, వాల్లె డెల్ కాకా, చోకో, కాల్డాస్ జిల్లాల్లో భారీ నష్టం వాటిల్లింది. దీంతో పెరెయిరా ప్రాంతంలో కనీసం 40 మంది, కాలి ప్రాంతంలో 35 మంది వరకు మరణించారు. ముగ్గురు పసిపిల్లలు సహా అనేకమంది ప్రాణాలు కోల్పోగా వందలాది మంది ఇంకా శిథిలాల కింద చిక్కుకుని ఉన్నారు. ఇదిలా ఉండగా 1,500కు పైగా నివాసాలు దెబ్బతినడమే కాకుండా 61 భవనాలు పూర్తిగా కూలిపోయాయి. ఆగస్టు 7న ప్రమాణ స్వీకారం చేసి కేవలం మూడు రోజులు మాత్రమే పూర్తి చేసుకున్న అధ్యక్షుడు ఎస్ప్రియెల్లాకు ఇది తొలి పరీక్షగా మారింది. ఫలితంగా ఆయన జాతీయ ప్రసంగం చేస్తూ ప్రాణాలను రక్షించడం, బాధితులకు సహాయం అందించడమే తమ ప్రభుత్వ ప్రాధాన్యత అని స్పష్టం చేశారు. ఈ నేపథ్యంలో జాతీయ విపత్తు ప్రకటనతో అత్యవసర నిధులు విడుదల కాగా కొన్ని ప్రాంతాల్లో కర్ఫ్యూ కూడా విధించారు. ఈ భూకంప ప్రభావం