Pallaburusu Movie News

Pallaburusu Review : సుధాకర్ రెడ్డి, మురళీధర్ గౌడ్, ప్రజ్వల్ యాద్మా, గోమతి రెడ్డి.. పలువురు ముఖ్య పాత్రల్లో తెరకెక్కిన సినిమా ‘పళ్ళ బురుసు’. అన్నపూర్ణ స్టూడియోస్, ఎపిక్ స్టూడియోస్ బ్యానర్స్ నిర్మాణంలో ఉదయ్ చౌహాన్ దర్శకత్వంలో ఈ సినిమా తెరకెక్కింది. పళ్ళ బురుసు సినిమా నేడు ఆగస్టు 14న థియేటర్లలో రిలీజ్ అయింది. ముసలాయన శంభు(సుధాకర్ రెడ్డి)ఒంటరిగా ఓ గ్రామంలో నివసిస్తుంటారు. దగ్గర్లోనే వేరే గ్రామంలో అతని కొడుకు తిరుపతి(మురళీధర్ గౌడ్) తన ఫ్యామిలీతో కలిసి ఉంటాడు. శంభుకు పన్ను సమస్య రావడంతో హాస్పిటల్ కి వెళ్తే వేపపుల్ల వాడకుండా బ్రష్(పళ్ళ బురుసు)తో పళ్ళు తోమమని చెప్తారు. దాంతో పళ్ళ బురుసు, మెడిసిన్స్ తీసుకురమ్మని తన కొడుక్కి చెప్తాడు శంభు. కానీ తిరుపతి తీసుకురాడు. అంతే కాక తిరుపతి తన కూతురు పెళ్లి ఫిక్స్ అయినా, నిశ్చితార్థం అయినా, పెళ్ళికి కూడా తన తండ్రికి చెప్పడు, పిలవడు. అయినా మనవరాలి పెళ్లి అని శంభు పెళ్ళికి వెళ్తే ఎవరూ పట్టించుకోరు. ఒంటరితనంతో బాధపడుతూ ఉంటాడు. దీంతో తన కొడుకు తనకు పళ్ళ బురుసు కొనివ్వలేదని, మనవరాలి పెళ్ళికి పిలవలేదని, అసలు తనను పట్టించుకోవట్లేదని కోర్టులో కేసు వేస్తాడు శంభు. అదే సమయంలో కూతురు పెళ్లి చేసి అప్పుల పాలవుతాడు తిరుపతి. మరి ఈ కేసుకి తిరుపతి ఎలా స్పందిస్తాడు? తన తండ్రిని తిరుపతి అర్ధం చేసుకుంటాడా? ఒంటరితనంతో శంభు ఏం చేస్తాడు? ఈ మధ్యలో రవి- శ్వేత ప్రేమాయణం సంగతి ఏంటి.. ఇవన్నీ తెలియాలంటే తెరపై చూడాల్సిందే.. Also See : Anna Konidela : మొదటిసారి పిఠాపురానికి పవన్ కళ్యాణ్ భార్య.. ట్రైన్‌లో వెళ్లి పూజలు చేసి.. అన్నా కొణిదెల ఫొటోలు వైరల్.. బ్రష్ కొనివ్వలేదు అని కొడుకుపై కేసు వేసాడంటూ ఈ సినిమా టీజర్, ట్రైలర్ తో ఆసక్తి నెలకొల్పింది. తెలంగాణ విలేజ్ బ్యాక్ డ్రాప్, పేరెంట్స్ ఎమోషన్ కథ

స్వాతంత్ర్య దినోత్సవ వీకెండ్‌ను పురస్కరించుకుని ఈ వారం థియేటర్లలో సినిమాల సందడి నెలకొంది. ఆగస్టు 14 గురువారం ఒక్కరోజే ఏడు కొత్త చిత్రాలు ప్రేక్షకుల ముందుకు వచ్చేందుకు సిద్ధమయ్యాయి. విభిన్న కథాంశాలతో తెరకెక్కిన ఈ వారం చిత్రాల వివరాలు: తమిళ హీరో సూర్య కథానాయకుడిగా, వెంకీ అట్లూరి దర్శకత్వంలో తెరకెక్కిన చిత్రం ‘విశ్వనాథ్ అండ్ సన్స్’. మమితా బైజు కథానాయికగా నటించగా, రాధికా శరత్ కుమార్, రవీనా టాండన్ కీలక పాత్రలు పోషించారు. సూర్యదేవర నాగవంశీ, సాయి సౌజన్య ఈ చిత్రాన్ని సంయుక్తంగా నిర్మించారు. పిస్టల్ షూటర్ సంజయ్ విశ్వనాథ్ (సూర్య) జీవితంలో కుటుంబ భావోద్వేగాలు, అనుకోకుండా ఎదురయ్యే పరిస్థితుల నేపథ్యంలో ఈ చిత్రం రూపుదిద్దుకుంది. సీనియర్ దర్శకుడు, నిర్మాత ఎం.ఎస్. రాజు దర్శకత్వంలో రూపుదిద్దుకున్న లేటెస్ట్ మిస్టిక్ డివైన్ థ్రిల్లర్ ‘అగధ’. శ్రీ ఆది వరాహ ప్రొడక్షన్స్ పతాకంపై కాశి విశాలాక్షి బలుసు నిర్మించిన ఈ చిత్రంలో కామాక్షి భాస్కర్ల ప్రధాన పాత్ర పోషించారు. శ్రావణ్ రెడ్డి, ఉల్కా గుప్తా కీలక పాత్రల్లో నటించారు. అల్లు సినిమాస్‌లో పెయిడ్ ప్రిమియర్లు జరుపుకుంటున్న ఈ చిత్రంపై ప్రేక్షకుల్లో మంచి ఆసక్తి ఉంది. యాక్షన్ హీరో విశాల్ స్వీయ దర్శకత్వంలో నటిస్తూ నిర్మించిన చిత్రం ‘మకుటం’. సూపర్ గుడ్ ఫిల్మ్స్ పతాకంపై ఆర్‌బీ చౌదరి నిర్మించగా, దుషార విజయన్, అంజలి కథానాయికలుగా నటించారు. విశాల్ విభిన్న గెటప్పులలో కనిపించబోతున్న ఈ చిత్రం తమిళంతో పాటు తెలుగులోనూ ఆగస్టు 14న విడుదల కానుంది. వీటితో పాటు వైవిధ్యమైన కథాంశాలతో వస్తున్న ‘పల్లాబురుసు’, ‘హుషార్ పిట్టలు’, ‘ఆవారాపన్ 2’, మరియు ‘బట్వారా 1947’ చిత్రాలు కూడా అదే రోజు థియేటర్లలో విడుదలవుతున్నాయి. మొత్తం ఏడు చిత్రాలు ఒకే రోజు పోటీపడుతుండటంతో ఈ వీకెండ్ బాక్సాఫీస్ వద్ద ఏ చిత్రం ఎలాంటి విజయాన్ని సాధిస్తుందో చూడాల్సి ఉంది

వృద్ధాప్యంలో తల్లిదండ్రులను చూసుకునే అవకాశం దక్కడం కంటే అదృష్టం మరొకటి లేదని ప్రముఖ నటుడు నాగార్జున అన్నారు. చిన్నతనంలో తల్లిదండ్రులు తమను ఎలా చూసుకున్నారో.. పెద్దయ్యాక వారిని కూడా అలాగే చూసుకోవాల్సిన బాధ్యత పిల్లలపై ఉందని చెప్పారు.దర్శకుడు ఉదయ్‌ చౌహాన్‌ తెరకెక్కించిన ‘పళ్లబురుసు’ సినిమా ప్రీ-రిలీజ్‌ వేడుకలో నాగార్జున పాల్గొన్నారు. ఈ సందర్భంగా తల్లిదండ్రుల సంరక్షణపై మాట్లాడారు. చిన్నప్పుడు భయపడితే చేయి పట్టుకుని ధైర్యం చెప్పారని.. జ్వరం వచ్చినప్పుడు దగ్గరుండి చూసుకున్నారని గుర్తుచేశారు. కరెంట్‌ పోయినా భయపడిన సమయంలో అండగా నిలిచారని తెలిపారు. ‘‘వాళ్లు మన కోసం ఉన్నట్టే.. మనం పెద్దయ్యాక వాళ్ల కోసం ఉండకూడదా?’’ అని ప్రశ్నించారు.తన భార్య అమలను ఉదాహరణగా చెబుతూ.. ఆమె 88, 90 ఏళ్ల వయసున్న తల్లిదండ్రులను ఎంతో శ్రద్ధగా చూసుకుంటున్నారని నాగార్జున తెలిపారు. ‘‘తల్లిదండ్రులను చూసుకునే అవకాశం నీకు దక్కడం చాలా అదృష్టం’’ అని ఆమెతో తరచూ చెబుతుంటానన్నారు. తల్లిదండ్రుల సంరక్షణ ఎంతో ముఖ్యమని పేర్కొన్నారు.‘పళ్ల బురుసు’ కథను దర్శకుడు ఉదయ్‌ తనకు ఎంతో ఆసక్తికరంగా చెప్పారని నాగార్జున తెలిపారు. సినిమాలో సుధాకర్‌రెడ్డి, మురళీధర్‌గౌడ్‌ సహా నటీనటులంతా అద్భుతంగా నటించారని ప్రశంసించారు. చిత్రబృందం ఎంతో సమన్వయంతో పనిచేసినట్లు కనిపించిందన్నారు. ప్రేమతో తీసిన సినిమా ఎప్పుడూ విఫలం కాదని చెప్పారు.సినిమాను తాను ఇప్పటికే చూశానని నాగార్జున తెలిపారు. సినిమా చూస్తూ బాగా నవ్వానని.. అదే సమయంలో కళ్లలో నీళ్లు కూడా వచ్చాయని చెప్పారు. మనసుకు హత్తుకునే భావోద్వేగాలతో పాటు వినోదం కూడా సినిమాలో ఉందన్నారు. చిత్రం తప్పకుండా విజయం సాధిస్తుందని ఆకాంక్షించారు

తెలంగాణ గ్రామీణ వాతావరణం, అక్కడి మట్టి వాసనతో కూడిన భావోద్వేగాలను వెండితెరపై ఆవిష్కరిస్తూ తెరకెక్కిన సరికొత్త చిత్రం 'పళ్ల బురుసు'. కుటుంబ బంధాలు, ఆప్యాయతలు, కంటతడి పెట్టించే ఎమోషన్ల సమాహారంగా రూపుదిద్దుకున్న ఈ చిత్రం ఆగస్టు 14న ప్రపంచవ్యాప్తంగా థియేటర్లలో విడుదలకు సిద్ధమవుతోంది. అన్నపూర్ణ స్టూడియోస్, ఎపిక్ స్టూడియోస్ సంయుక్తంగా నిర్మించిన ఈ చిత్రానికి ఉదయ్ చౌహాన్ దర్శకత్వం వహించగా, పవన్ సీహెచ్ సంగీతం అందించారు. 'బలగం' చిత్రంలో కొమరయ్య పాత్రతో తెలుగు ప్రేక్షకుల గుండెల్లో చెరగని ముద్ర వేసుకున్న సీనియర్ నటుడు సుధాకర్ రెడ్డి ఈ సినిమాలో ప్రధాన పాత్ర పోషించడం విశేషం.* అజిత్ కుమార్‌తో డైరెక్టర్ శంకర్ బిగ్ ప్లాన్... కోలీవుడ్‌ని ఊపేస్తోన్న సెన్సేషనల్ కాంబో!ఎనిమిది పదుల వయసున్న వృద్ధుడి చుట్టూ ఈ కథ తిరుగుతుంది. తన కొడుకుని ఒక పళ్ల బురుసు (టూత్ బ్రష్) కొనివ్వమని అడిగితే దాన్ని అతడు నిర్లక్ష్యం చేస్తాడు. దాంతో ఆ వృద్ధ తండ్రి ఏకంగా కొడుకుపై పోలీస్ స్టేషన్‌లో కేసు పెట్టే వరకు వెళ్తాడు. ఒక చిన్న వస్తువు చుట్టూ తండ్రీ కొడుకుల మధ్య సాగే ఈ పోరు, చివరికి కుటుంబ బాధ్యతలు, వృద్ధాప్యంలో తల్లిదండ్రులకు ఇవ్వాల్సిన ప్రేమ ప్రాముఖ్యతను కళ్లకు కట్టినట్లు చూపిస్తుంది. ఈ సినిమాలో మురళీధర్ గౌడ్, ప్రజ్వల్ యాద్మ, గోమతి రెడ్డి కీలక పాత్రలు పోషించారు.సినిమా ప్రమోషన్లలో భాగంగా సుధాకర్ రెడ్డి ఇచ్చిన ఓ ఇంటర్వ్యూ ప్రస్తుతం నెట్టింట తెగ వైరల్ అవుతోంది. తన చిన్ననాటి జీవితాన్ని, నాటి ఆహార అలవాట్లను గుర్తుచేసుకుంటూ ఆయన చేసిన వ్యాఖ్యలు అందరినీ ఆకట్టుకుంటున్నాయి. "మా చిన్నతనంలో అసలు వడ్ల అన్నం తినేవాళ్లమే కాదు. కేవలం ఏదైనా పండుగలు, శుభకార్యాలు వచ్చినప్పుడు మాత్రమే ఇంట్లో అన్నం వండుకునేవాళ్ళం. మిగతా రోజుల్లో రోజూ ఉదయం, సాయంత్రం మొక్కజొన్న గటకే మా ప్రధాన ఆహారం. మొక్కజొన్న రవ్వతో తయారుచేసే ఆ గటక శరీరానికి ఎంతో బలాన్ని, తక్షణ