Nizamabad News News

నిజామాబాద్‌ సాంస్కృతికం: శ్రావణ శుక్రవారం సందర్బంగా నిజామాబాద్ జిల్లా వ్యాప్తంగా వరలక్ష్మి వ్రతాలు భక్తి శ్రద్దలతో నిర్వహించారు. మహిళలు పరస్పరం వాయినాలు ఇచ్చుకున్నారు. అమ్మవారి ఆలయాల్లో సామూహిక వ్రతాలు నిర్వహించారు. నగరంలోని హమాల్ వాడి సంతోషిమాత దేవస్థానంలో రూ. 51 వేలతో వరలక్ష్మి దేవిని అలంకరించారు. కార్యక్రమంలో వేణు, ఆలయ అర్చకులు కృష్ణమాచార్య, భక్తులు పాల్గొన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

Yedapally: పేదల భూములపై కార్పొరేటర్ కన్ను.. నిజామాబాద్‌లో దళితుల ఆందోళన! ఈ వార్తకు సంబంధించిన

లింగంపేట: కుటుంబ కలహాలతో భార్యపై భర్త కత్తితో విచక్షణారహితంగా దాడికి పాల్పడిన ఘటన మండలంలోని ముస్తాపూర్‌లో సోమవారం అర్ధరాత్రి చోటుచేసుకుంది.గ్రామస్థులు, బాధితురాలి బంధువుల వివరాల ప్రకారం.. ముస్తాపూర్‌కు చెందిన వడ్ల మౌనిక (27)కు మండలంలోని శెట్పల్లి సంగారెడ్డి గ్రామానికి చెందిన వడ్ల బహుగుణచారితో ఏడేళ్ల క్రితం వివాహమైంది. వీరికి ఇద్దరు కుమారులు. భర్త జల్సాలకు అలవాటుపడి తరచూ వేధిస్తుండటంతో మౌనిక బీడీలు చుడుతూ కుటుంబాన్ని పోషిస్తోంది. వేధింపులపై పలుమార్లు పెద్దల సమక్షంలో పంచాయితీలు కూడా నిర్వహించారు. ఈ క్రమంలో సోమవారం అర్ధరాత్రి దాటిన తర్వాత బహుగుణచారి తనతో తెచ్చుకున్న కత్తితో అందరూ నిద్రిస్తున్న సమయంలో మౌనికపై దాడి చేశాడు. తీవ్ర గాయాలపాలైన ఆమె అపస్మారక స్థితిలోకి చేరింది. కుటుంబ సభ్యులు వెంటనే కామారెడ్డి ప్రభుత్వ ఆసుపత్రికి, అక్కడి నుంచి మెరుగైన చికిత్స నిమిత్తం నిజామాబాద్‌లోని వెల్‌నెస్‌ ఆసుపత్రికి తరలించారు. ప్రస్తుతం ఆమె పరిస్థితి విషమంగా ఉంది. ఉద్దేశపూర్వకంగానే చంపేందుకు పథకం ప్రకారం దాడి చేశాడని బంధువులు ఆరోపిస్తున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

మద్నూర్: గుండెపోటుతో యువకుడు మృతి చెందిన ఘటన సోమవారం కామారెడ్డి జిల్లా మద్నూర్ మండల కేంద్రంలోని ఇందిరానగర్ కాలనీలో చోటు చేసుకుంది. కుటుంబీకులు తెలిపిన వివరాల ప్రకారం.. మండలంలోని సోనాల గ్రామానికి చెందిన చంద్రశేఖర్(31) గత కొంత కాలంగా మద్నూర్ ఇందిరానగర్ కాలనీలో ఉంటున్నారు. చంద్రశేఖర్ ఉదయం ఇంట్లో స్నానం చేయడానికి వెళ్లగా హఠాత్తుగా గుండెపోటు రావడంతో అక్కడే కుప్పకూలిపోయాడు. పెద్ద శబ్దం రావడంతో గమనించిన కుటుంబీకులు అతనిని దెగ్లూర్ ఆసుపత్రికి తరలించగా అప్పటికే మృతి చెందినట్లు వైద్యులు నిర్ధరించారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

మద్నూర్ : స్వాతంత్య్ర వేడుకల్లో భాగంగా కామారెడ్డి జిల్లా కలెక్టర్ ఆశిష్ సాంగ్వాన్, జిల్లా ఎస్పీ రాజేష్ చంద్ర ఉత్తమ సేవలు అందించిన పలువురికి ప్రశంసా పత్రాలు అందించారు. మండలంలోని రెవెన్యూ, పోలీస్ విభాగంలో ఉత్తమ ఉద్యోగులుగా శనివారం ఇద్దరు ఎంపికయ్యారు. మండల కేంద్రంలోని తహసీల్దార్ కార్యాలయంలో విధులు నిర్వహిస్తున్న జూనియర్ అసిస్టెంట్ రవి కుమార్, మద్నూర్ పోలీస్ స్టేషన్లో విధులు నిర్వహిస్తున్న కానిస్టేబుల్ విట్టల్‌ ప్రశంసా పత్రం అందుకున్నారు. మద్నూర్ : కామారెడ్డి జిల్లా మద్నూర్ మండల కేంద్రంలోని గురుకుల, జూనియర్ కళాశాల, ప్రభుత్వ ఆసుపత్రుల స్థల దాత శ్రీ సేట్ రాంప్రసాద్ ఇనాని కుటుంబీకులు మరోసారి తమ గొప్ప మనసు చాటుకున్నారు. మండల కేంద్రంలోని గురుకుల పాఠశాల, కళాశాల, ప్రభుత్వ జూనియర్ కళాశాలల్లో చదువుతున్న విద్యార్థులకు శనివారం స్వాంతంత్య్ర వేడుకల్లో పాల్గొని నగదు ప్రోత్సాహకం అందజేశారు. గతేడాది ఎక్కువ మార్కులు సాధించిన 11 మంది విద్యార్ధులకు రూ.36 వేల నగదు ఇనాని సేట్ బంధువులు అందజేశారు. ఈ కార్యక్రమంలో గురుకుల ప్రిన్సిపల్ సుధాకర్, ప్రభుత్వ జూనియర్ కళాశాల ప్రిన్సిపల్ పాండురంగా, గ్రామస్థులు అజయ్, మొగులాజీ తదితరులు పాల్గొన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

నిజామాబాద్ అర్బన్: జిల్లాలో పంద్రాగస్టు వేడుకలు ఘనంగా నిర్వహించారు. జిల్లా కేంద్రంలోని పోలీస్ పరేడ్ మైదానంలో శనివారం రాష్ట్ర ప్రభుత్వ సలహాదారు సుదర్శన్ రెడ్డి జాతీయ పతాకాన్ని ఆవిష్కరించారు. అనంతరం ఆయన మాట్లాడుతూ ప్రభుత్వం అమలు చేస్తున్న సంక్షేమ పథకాలను వివరించారు. విద్యార్థుల సాంస్కృతిక ప్రదర్శనలు అలరించాయి. ప్రభుత్వ సంక్షేమ పథకాలను తెలియజేస్తూ శకటాలను ప్రదర్శించారు. ఉత్తమ సేవలకు గాను ఉద్యోగులకు ప్రశంసా పత్రాలు అందించారు. వేడుకల్లో అదనపు కలెక్టర్ భుజంగరావు, ఎమ్మెల్యేలు రాకేష్ రెడ్డి, భూపతిరెడ్డి, ధన్పాల్ సూర్యనారాయణ, మేయర్ ఉమారాణి, పోలీస్ కమిషనర్ సాయి చైతన్య పలు శాఖల అధికారులు పాల్గొన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఆర్మూర్: నిజామాబాద్‌ జిల్లా ఆర్మూర్‌లో రోడ్డు ప్రమాదం జరిగింది. మండల పరిధిలోని గోవింద్‌పేట్‌ బ్రిడ్జి సమీపంలో జరిగిన ఈ ఘటనలో ఇద్దరు మృతి చెందగా.. మరో ఇద్దరికి తీవ్రగాయాలయ్యాయి. పోలీసులు, స్థానికులు తెలిపిన వివరాల ప్రకారం.. మహారాష్ట్రలోని నాందేడ్‌ జిల్లా కిన్వట్‌ ప్రాంతానికి చెందిన భక్తులు రెండు టూరిస్ట్‌ బస్సుల్లో హైదరాబాద్‌ ముచ్చింతల్‌లోని సమతామూర్తి స్ఫూర్తి కేంద్రానికి బయల్దేరారు. ఈ క్రమంలో గోవింద్‌పేట్‌ బ్రిడ్జి సమీపానికి రాగానే ఓ బస్సు పంక్చర్‌ అయింది. దీంతో బస్సును హైవేపై నిలిపారు. బస్సులోని కొంతమంది ప్రయాణికులు కిందికి దిగి రహదారి మధ్యలోని డివైడర్‌పై కూర్చున్నారు. కాసేపటి తర్వాత వెనుక నుంచి వచ్చిన ఓ లారీ.. ఆగి ఉన్న బస్సును బలంగా ఢీకొట్టింది. దీంతో బస్సు ముందుకు కదిలి డివైడర్‌పై కూర్చున్న ప్రయాణికులపైకి దూసుకెళ్లింది. ఈ ఘటనలో సుజాత (54), మాధవి (47) అక్కడికక్కడే మృతిచెందారు. మరో ఇద్దరు మహిళలు సునీత, చిటక్కకు తీవ్రగాయాలు కావడంతో వారిని ఆస్పత్రికి తరలించి చికిత్స అందిస్తున్నారు. ఘటనాస్థలాన్ని నిజామాబాద్‌ సీపీ పి.సాయిచైతన్య పరిశీలించారు. ప్రమాదం జరిగిన తీరును స్థానిక పోలీసులను అడిగి తెలుసుకున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

నిజామాబాద్ జిల్లాలో ఘోర ప్రమాదం కంటైనర్ ఢీకొని ముగ్గురు మృతి గాయపడిన వారికి ఆసుపత్రిలో చికిత్స Nizamabad Tragedy: తెలంగాణలోని నిజామాబాద్ జిల్లా జాతీయ రహదారిపై దారుణ రోడ్డు ప్రమాదం చోటుచేసుకుంది. ప్రయాణికులతో వెళ్తున్న వాహనాన్ని వేగంగా వచ్చిన మరో వాహనం వెనుక నుంచి బలంగా ఢీకొట్టడంతో ప్రయాణికుల అరుపులతో ఆ ప్రాంతమంతా భయాందోళనకరంగా మారింది. నిజామాబాద్(Nizamabad Tragedy) జిల్లా ఆర్మూర్ మండలం గోవింద్‌పేట్ సమీపంలో జాతీయ రహదారి 44 (NH-44) పై జరిగిన ఈ ఘోర రహదారి ప్రమాదంలో ఇద్దరు మహిళలు సహా మొత్తం ముగ్గురు ప్రయాణికులు అక్కడికక్కడే ప్రాణాలు కోల్పోగా, మరికొందరు తీవ్రంగా గాయపడ్డారు. Ponnam Prabhakar: బీసీ మహిళలకు సర్కార్ గుడ్ న్యూస్.. ఉచిత కుట్టు మిషన్ల పంపిణీ.. పొన్నం ప్రభాకర్ కీలక ప్రకటన టైరు పంచర్‌తో డివైడర్‌పై కూర్చున్న ప్రయాణికులు: పోలీసుల కథనం ప్రకారం.. మహారాష్ట్రలోని కిన్వాట్ నుంచి హైదరాబాద్ వైపు వెళ్తున్న ప్రైవేట్ బస్సు టైరు పంచర్ కావడంతో గోవింద్‌పేట్ వద్ద రోడ్డు పక్కన నిలిపివేశారు. ఉక్కపోతగా ఉండటంతో కొంతమంది ప్రయాణికులు కిందకు దిగి రహదారి డివైడర్‌పై కూర్చున్నారు. అదే సమయంలో వెనుక నుంచి వేగంగా వచ్చిన కంటైనర్ లారీ నిలిపి ఉన్న బస్సును బలంగా ఢీకొట్టింది. దీంతో బస్సు ఒక్కసారిగా ముందుకు దూసుకెళ్లి డివైడర్‌పై కూర్చున్న ప్రయాణికులపైకి ఎక్కడంతో మహారాష్ట్రకు చెందిన సుజాత, మాధవిలతో పాటు మరొకరు అక్కడికక్కడే మరణించారు. గాయపడిన ఇద్దరిని ఆర్మూర్ ఆసుపత్రికి తరలించారు. ఘటన అనంతరం పరారైన కంటైనర్ డ్రైవర్ కోసం పోలీసులు గాలిస్తున్నారు

నవీపేట: అత్తగారింటికి వచ్చిన అల్లుడు అనుమానాస్పదస్థితిలో మృతి చెందిన ఘటన నవీపేట మండలం రాంపూర్‌లో జరిగింది. ఎస్సై శ్రీకాంత్ కథనం ప్రకారం.. నిజామాబాద్ గ్రామీణ మండలం, నవీపేట ఠాణా పరిధిలోని జలాల్‌పూర్‌కు చెందిన హరీశ్ (36) అనే నవీపేట మండలం రాంపూర్‌కు చెందిన రేఖను 12 ఏళ్ల కిందట ప్రేమ వివాహం చేసుకున్నారు. వీరికి ఇద్దరు కుమార్తెలున్నారు. రేఖ తమ్ముడి పెళ్లిచూపుల నిమిత్తం దంపతులిద్దరూ సోమవారం రాంపూర్ వచ్చారు. కార్యక్రమం ముగిసిన తర్వాత రేఖ తల్లిగారింటి వద్ద ఉండగా హరీశ్ అదే రోజు తిరిగి వారి సొంతూరుకు వెళ్లారు. భార్యను తీసుకెళ్లేందుకు మంగళవారం రాంపూర్ వచ్చిన హరీశ్ అత్తగారింట్లోనే ఉండిపోయాడు. బుధవారం ఉదయం భర్త కుటుంబీకులకు రేఖ ఫోన్ చేసి హరీశ్ ఆరోగ్యం బాగాలేదని చెప్పింది. మళ్లీ కొన్ని గంటలకే హరీశ్ చనిపోయినట్లు ఫోన్‌ చేసింది. అనంతరం యువకుడి కుటుంబ సభ్యులు రాంపూర్‌కు చేరుకుని హరీశ్ మృతిపై అనుమానం వ్యక్తం చేశారు. హరీశ్ తండ్రి లక్ష్మణ్ ఫిర్యాదు మేరకు అనుమాన్పాద మృతిగా కేసు నమోదు చేసి దర్యాప్తు చేస్తున్నట్లు ఎస్సై చెప్పారు. అతని మృతికి కారణాలు తెలియరాలేదని ఈ మేరకు విచారణ చేపట్టినట్లు ఆయన తెలిపారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

నస్రుల్లాబాద్ : నస్రుల్లాబాద్ మండల కేంద్రంలో కాంగ్రెస్ పార్టీ కార్యాలయం నిర్మాణానికి మాజీ ఎమ్మెల్యే ఏనుగు రవీందర్ రెడ్డి స్థల పరిశీలన చేశారు. అనంతరం మీడియాతో మాట్లాడుతూ.. తాను కాంగ్రెస్ పార్టీని వీడి బీఆర్‌ఎస్‌లోకి చేరుతున్నట్లు సామాజిక మాధ్యమాల్లో వస్తున్న వార్తలను ఖండించారు. కాంగ్రెస్ పార్టీ నన్ను నమ్మి ఎమ్మెల్యేగా పోటీ చేసేందుకు అవకాశం కల్పించిందని చెప్పారు. కాంగ్రెస్ పార్టీని వీడనని ఈ సందర్భంగా పేర్కొన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు