Mystery News

ఇంగ్లండ్‌తో లార్డ్స్ వేదికగా జరిగిన రెండో టెస్టులో పాకిస్థాన్ 194 పరుగుల భారీ తేడాతో ఓటమి పాలైన నేపథ్యంలో ఆ జట్టు ఓపెనర్ ఇమామ్-ఉల్-హక్ గాయంపై వివాదం మొదలైంది. మ్యాచ్ సందర్భంగా కాలి పిక్కకు గాయమైన ఇమామ్.. రెండు ఇన్నింగ్స్‌లలోనూ బ్యాటింగ్‌కు రాకపోవడంపై పాకిస్థాన్ సెలక్షన్ కమిటీలోని సీనియర్ సభ్యుడు ఆకిబ్ జావేద్ అనుమానాలు వ్యక్తం చేశారు. ఈ వ్యవహారంపై పాకిస్థాన్ క్రికెట్ బోర్డు (PCB) విచారణ జరుపుతుందని వెల్లడించారు. పాకిస్థాన్ నాలుగు సభ్యుల సెలక్షన్ ప్యానెల్‌లో ఉన్న ఆకిబ్ జావేద్.. కండరాల గాయం కారణంగా ఆటగాడు రెండు ఇన్నింగ్స్‌లలోనూ బ్యాటింగ్‌కు దూరంగా ఉండటం ఎలా సాధ్యమని ప్రశ్నించారు. గాయాలు క్రికెట్‌లో సహజమేనని, గతంలో ఆటగాళ్లు గాయాలతోనూ కట్టులు కట్టుకుని బ్యాటింగ్ చేసిన సందర్భాలు ఉన్నాయని గుర్తుచేశారు. అయితే ఇమామ్ విషయంలో పరిస్థితి భిన్నంగా ఉందని, ఇది ఆందోళన కలిగించే అంశమని అన్నారు. లార్డ్స్ టెస్టు తొలి రోజు ఫీల్డింగ్ చేస్తున్న సమయంలో ఇమామ్ ఎడమ కాలి పిక్కకు గాయమైంది. దీంతో మ్యాచ్‌లో మిగిలిన భాగానికి అతడు దూరమయ్యాడు. అయితే నాలుగో రోజు ఆట ప్రారంభానికి ముందు ఇమామ్ మైదానంలోని అవుట్‌ఫీల్డ్‌లో కనిపించాడు. కాలికి భారీగా కట్టు కట్టుకుని షాడో బ్యాటింగ్ ప్రాక్టీస్ చేసిన అతడు నడిచేటప్పుడు కుంటుతూ కనిపించడం చర్చకు దారితీసింది. లార్డ్స్ టెస్టు కోసం తుది జట్టు ఎంపిక విషయంలో సెలెక్టర్లు, జట్టు యాజమాన్యం మధ్య విభేదాలు ఉన్నాయన్న వార్తలపైనా ఆకిబ్ జావేద్ స్పందించారు. గంటకు 140 కిలోమీటర్ల వేగంతో బౌలింగ్ చేయగల ఫాస్ట్ బౌలింగ్ ఆల్‌రౌండర్ ఉబైద్ షాను జట్టులోకి తీసుకోవాలని తాను సూచించినట్లు తెలిపారు. వికెట్ కీపర్-బ్యాటర్ ఘాజీ ఘోరీకి అవకాశం ఇవ్వాలని, మహమ్మద్ రిజ్వాన్ స్థానంలో అతడిని ఆడించాలని తాను అభిప్రాయపడినట్లు చెప్పారు. అయితే తుది జట్టు ఎంపికలో తన సూచనలు పూర్తిగా అమలు కాలేదని పేర్కొన్నారు. హెడ్డింగ్లీ, లార్డ్స్‌లో జరిగిన తొలి రెండు టెస్టుల్లో పాకిస్థాన్

సాధారణంగా మనం ఏ గుడికి వెళ్లినా.. కాళ్లకు ఉన్న చెప్పులను బయటే విడిచి పెట్టి, భక్తి శ్రద్ధలతో లోపలికి వెళతాం. ఇది మన ఆచారం. కానీ, మన దేశంలోని కొన్ని ప్రముఖ ఆలయాల్లో చెప్పులు వేసుకొని లోపలికి వెళతారని మీకు తెలుసా? వినడానికి కాస్త వింతగా అనిపించినా నిజంగానే ఇలాంటి టెంపుల్స్ ఉన్నాయి. వేరే ఏ ఇతర ఆలయాల్లో లేని ఈ రూల్... ఈ టెంపుల్స్ లో మాత్రం ఎందుకు ఉంది? దీని వెనక ఉన్న కారణం ఏంటి? ఈ దేవ్జీ మహారాజ్ ఆలయం మధ్యప్రదేశ్ రాష్ట్రంలోని బేతుల్ జిల్లా, మాలాజ్ పూర్ గ్రామంలో ఉంది. ఈ ఆలయానికి వెళ్లే భక్తులు చెప్పులు ధరించే.. ఆలయ ప్రాంగణంలోకి అడుగుపెడతారు. ఇక్కడ ప్రతి సంవత్సరం జాతర నిర్వహిస్తూ ఉంటారు. ఈ జాతరకు వెళ్లే భక్తులు.. పాదరక్షలను ధరించే ఆలయ ప్రాంగణంలోకి వెళ్తారు. అయితే.. రోజువారీ సాధారణ పూజల సమయంలో చెప్పులు ధరించరు. కానీ, సంవత్సరానికి ఒకసారి నిర్వహించే జాతరకు వెళ్లే వారు మాత్రం.. చెప్పులు ధరిస్తారు. అసలు కారణం: స్థానిక నమ్మకాల ప్రకారం, దుష్టశక్తులు, చేతబడులు లేదా శారీరక/మానసిక సమస్యలతో బాధపడేవారు దేవ్జీ మహారాజ్‌ను దర్శించుకుంటే ఆ సమస్యల నుంచి విముక్తి లభిస్తుందని నమ్ముతారు. అక్కడ పాదరక్షలతో నడవడం వల్ల తమను ఆవహించిన దుష్టశక్తులు తొలగిపోతాయని స్థానికుల విశ్వాసం. మధ్యప్రదేశ్ రాష్ట్రంలోని రత్లామ్ జిల్లా, భోపాల్‌పూర్ ప్రాంతంలో ఉన్న కాళీమాత దేవాలయం.భక్తులు తమ కాళ్లకు ఉన్న చెప్పులను తీయకుండానే అమ్మవారిని దర్శించుకోవడానికి అనుమతిస్తారు. అసలు కారణం: ఈ ప్రాంతంలో అమ్మవారిని చాలా ఉగ్రరూపిణిగా, అలాగే భక్తులను కంటికి రెప్పలా కాపాడే తల్లిగా భావిస్తారు. భక్తులు ముళ్ల బాటలు, కఠినమైన దారుల్లో నడిచి వస్తారు కాబట్టి వాళ్లకు పాదరక్షల వల్ల ఎలాంటి హాని కలగకుండా, అమ్మవారే స్వయంగా చెప్పులతో రావడానికి అనుమతి ఇచ్చిందని ఇక్కడి స్థానిక జానపద కథనం చెబుతుంది. ఒడిశాలోని పూరీ జగన్నాథుని ప్రధాన ఆలయంలోకి

దేశంలోని ఉన్న ఆలయాలలో కొన్ని నిర్మించినవైతే, మరికొన్ని స్వయంభువుగా వెలిశాయని పురాణాల్లో తెలిపారు. ఎంతో చరిత్ర విశిష్టత కలిగిన ఆలయాల్లో శ్రీ ఖాద్రి లక్ష్మీనరసింహస్వామి క్షేత్రం కూడా ఒకటి. శ్రీ సత్యసాయి జిల్లా కదిరి పట్టణంలో వెలసిన ఈ ఆలయానికి ఒక చరిత్ర ఉంది. శ్రీలక్ష్మీనరసింహస్వామి హిరణ్యకశిపుడిని వదించిన తర్వత.. ఆగ్రహంతో స్వామి అలానే సంచరించడం చూసిన దేవతలు, ప్రహ్లాదున్ని స్వామిని శాంత పరచడం నీవల్లే అవుతుందని చెప్తారు. అప్పుడు ప్రహ్లాదుడు ఈ కద్రి ప్రదేశంలో స్వామిని శాంతపరచడంకోసం ప్రార్థనలు చేసాడు. అందుకు నిదర్శనంగా ఇక్కడ స్వామి వారు ప్రహ్లాదుని సమేతంగా ఉంటారు. స్వామిని పూజిస్తున్నట్టు ప్రహ్లాదుడు స్వామికి ఎడమవైపు ఈ ఆలయంలో మనకు దర్శనమిస్తారు. శ్రీ లక్ష్మీనరసింహస్వామి విగ్రహం మరియు స్వామిని పూజిస్తున్నట్టు ఉన్న ప్రహ్లదుని విగ్రహం ఖాద్రి వృక్షం క్రింద కొలువై ఉంటాయి. 10వ శతాబ్దంలో ఇక్కడ ఆలయం నిర్మించినట్టు చరిత్రకారులు చెబుతున్నారు. ఇక్కడ స్వామి వారి రూపంతో పాటు ఎవరికీ తెలియని ఒక దైవ రహస్యం కూడా ఉంది. ఈ క్షేత్రంలో మూలవిరాట్టుకు అభిషేకం చేసిన తర్వాత విగ్రహం నాభి నుంచి వచ్చే స్వేదాన్నే భక్తులు తీర్థంగా స్వీకరిస్తారు. అయితే ఆ స్వేదం ఎలా వస్తుందన్నది నేటికీ ఎవరూ చెప్పలేని పరిస్థితి. నేటికీ స్వామి వారు ఇక్కడ నిజరూపంలో ఉన్నారని చెప్పేందుకు ఇది ఒక సాక్షంగా భక్తులు నమ్ముతారు. అసలు కదిరి నరసింహాస్వామిని కాటమరాయునిగా ఎందుకు పిలుస్తారంటే. కదిరికి దగ్గరలో కొండకి అనుకోని కాటం అనే కుగ్రామం ఉండటం వలన కాటమరాయుడుగా స్వామికి పేరు వచ్చింది. అలాగే ఖాద్రి అని ఎందుకంటారంటే.. సంస్కృతంలో ఖా అనగా విష్ణు పాదం, అద్రి అనగా పర్వతం. విష్ణువు పాదాలు మోపడం వలన ఈ పర్వతానికి ఖాద్రి అనే పేరు వచ్చింది. కాలక్రమేణా ఖాద్రి కాస్త కదిరిగా మారిందని ఇక్కడి ప్రజలు చెబుంటారు. అలాగే భారతదేశంలో ఎన్నో నరసింహస్వామి దేవాలయాలు ఉన్నప్పటికీ ప్రహ్లాదునితో సహా

మన దేశంలో చాలా రకాల పక్షులు ఉన్నాయి. పక్షులు ఒక్కో ప్రాంతం నుంచి మరో ప్రాంతానికి వలసలు వెళుతూ ఉంటాయి.. వస్తూ ఉంటాయి. కానీ, కుప్పలు తెప్పలుగా ఒకే గ్రామంలో చనిపోవడం గురించి ఎప్పుడైనా విన్నారా? ఈ సంఘటన అస్సాంలోని డిమా హసావో జిల్లాలోని జటింగాలో ప్రతి సంవత్సరం జరుగుతూనే ఉంటుంది. పక్షులు ఇలా ఎందుకు చనిపోతున్నాయి? ఇక్కడ మాత్రమే ఎందుకు ఇలా జరుగుతుంది అనే విషయాలు ఇప్పుడు చూద్దాం.. ప్రతి సంవత్సరం వర్షాకాలంలో చివరలో సెప్టెంబర్ నుంచి నవంబర్ మధ్య అమావాస్య లేదా చీకటి రాత్రుల్లో ఈ వింత జరుగుతుంది. రాత్రి 7 గంటల నుంచి 10 గంటల సమయంలో దట్టమైన పొగమంచు, ఈదురుగాలులు, వర్షం ఉన్నప్పుడు పక్షులు ఉన్నట్లుండి.. గ్రామంలో వెలుగుతున్న దీపాల వైపు దూసుకొచ్చు కింద పడిపోతూ ఉంటాయి. పక్షులు నిజంగా ఆత్మహత్య చేసుకుంటాయా అంటే.. చేసుకోవు. జీవశాస్త్రం ప్రకారం పక్షులకు 'ఆత్మహత్య' చేసుకునే ఉద్దేశం లేదా ఆలోచనా శక్తి ఉండదు. అసలు కారణం దిశానిర్దేశం కోల్పోవడం వల్ల ఇలా జరుగుతుంది. భారీ గాలులు, దట్టమైన పొగమంచు ఉన్నప్పుడు పక్షులు ఎటు ఎగరాలో తెలియక అయోమయానికి గురవుతాయి. ఆ కారుచీకట్లో గ్రామంలోని దీపాలు లేదా గ్రామస్తులు వెలిగించిన మంటల వెలుతురు మాత్రమే వాటికి కనిపిస్తుంది. ఆ కాంతి వైపు అత్యంత వేగంగా దూసుకువచ్చే క్రమంలో.. వాతావరణంలో అస్పష్టంగా ఉండే చెట్లు, ఇళ్ల గోడలు, కరెంటు స్తంభాలను బలంగా ఢీకొడతాయి. ఆ దెబ్బకు గాయాలపాలై, స్పృహతప్పి నేలకూలుతాయి. చాలామంది ఇవి సుదూర ప్రాంతాల నుండి వచ్చే వలస పక్షులు అని అనుకుంటారు. కానీ అది నిజం కాదు. పాండ్ హెరాన్, కింగ్‌ఫిషర్, టైగర్ బిట్టర్న్ వంటి సుమారు 44 రకాల స్థానిక అటవీ పక్షులే ఈ ప్రమాదానికి గురవుతాయి. వీటిలో ఎక్కువ శాతం సరిగ్గా ఎగరడం తెలియని చిన్న పక్షులు ఉంటాయి. దశాబ్దాల క్రితం, రాత్రిపూట ఆకాశం నుంచి కిందపడుతున్న పక్షులను

హైదరాబాద్‌లోని చారిత్రక గోల్కొండ కోట సమీపంలో, 400 ఏళ్ల నాటి కుతుబ్ షాహీ సమాధుల ప్రాంగణంలో రహస్య తవ్వకాలు కలకలం రేపాయి. గుట్టుచప్పుడు కాకుండా సాగిన ఈ అక్రమ తవ్వకాల్లో 100 మీటర్ల పొడవైన రహస్య స్వరంగం బయటపడటంతో స్థానికంగా, రాజకీయ వర్గాల్లో తీవ్ర చర్చ జరుగుతోంది. ఈ వ్యవహారంపై ఎంపీ ఓవైసీ సీరియస్‌గా స్పందించగా, కార్వాన్ ఎమ్మెల్యే కౌసర్ మొహియుద్దీన్ వెంటనే పురావస్తు శాఖ అధికారులను అప్రమత్తం చేశారు. పాన్,ఆధార్ వాట్సాప్‌లో పంపుతున్నారా? క్షణాల్లో రంగంలోకి సైబర్ నేరగాళ్లు.. రెప్పపాటులో బ్యాంకు ఖాతాలు గుల్ల బయటకి ఆరోగ్యంగా కనిపిస్తున్నా.. కొన్ని విటమిన్‌ లోపాలు ఉండొచ్చు.. ఎలా చెక్‌ చేసుకోవాలి? వేగంగా వేడెక్కుతున్న భూమి.. ప్రమాదంలో పెద్దల ప్రాణాలు మేలుకోకుంటే మరణ మృదంగమే ! కుటుంబంలో ఆర్థిక, ఆరోగ్య సమస్యలా.. అయితే మళ్లీ పెళ్లి చేసుకోండి! అంతరిక్షంలో అగ్రికల్చర్.. తాజా ఆకుకూరలు పండించిన నాసా వ్యోమగామి

1959లో రష్యాలోని ఉరల్ పర్వత ప్రాంతంలో స్కీయింగ్‌కు వెళ్లిన తొమ్మిది మంది యువకులు అనుమానాస్పద పరిస్థితుల్లో మరణించారు. వారి టెంట్ లోపలి నుంచి చిరిగిపోయి ఉంటుంది. కొందరు తీవ్రమైన గాయాలతో కనిపించడం అప్పట్లో పెద్ద మిస్టరీగా మారింది. మంచు కొండలు, భయంకర వాతావరణం, ఇతర అనేక కారణాలు చర్చల్లోకి వచ్చాయి. ఈ ఘటనకు సంబంధించిన ప్రతి అంశానికి ఇప్పటికీ ఒకే ఒక్క సమాధానం లేదు. శతాబ్దాల నాటి ఓ వింత పుస్తకం ఇప్పటికీ భాషా నిపుణులకు సవాలుగా నిలుస్తోంది. దీనినే వోయ్నిచ్ మాన్యుస్క్రిప్ట్ అంటారు. ఇందులో గుర్తుపట్టలేని లిపితో పాటు మొక్కలు, ఖగోళ వస్తువులు, వింత ఆకృతులు ఉన్నాయి. ఈ పుస్తకం ఏ భాషలో రాశారు? ఎవరు రాశారు? అసలు అందులో ఉన్న సమాచారానికి అర్థం ఏమిటి? అనే ప్రశ్నలకు ఇప్పటికీ కచ్చితమైన సమాధానం లేదు. 1872లో అట్లాంటిక్ మహాసముద్రంలో మేరీ సెలెస్టే అనే నౌక కనిపించింది. నౌక పెద్దగా దెబ్బతినలేదు. సరుకు కూడా ఉంది. కానీ అందులో ప్రయాణిస్తున్న సిబ్బంది, ప్రయాణికులు మాత్రం కనిపించలేదు. ఎందుకు నౌకలో ఎవరూ లేరు? ఆ తర్వాత ఏమైంది? అనే ప్రశ్నలకు ఇప్పటికీ స్పష్టమైన సమాధానం లేదు. సముద్రపు తుపాను నుంచి నౌకలో ఏర్పడిన ప్రమాదం వరకు అనేక రీజన్స్ ఉన్నప్పటికీ.. అసలు కారణం మాత్రం మిస్టరీగానే మిగిలింది. ప్రపంచ ప్రఖ్యాత పైలట్ అమీలియా ఇయర్‌హార్ట్ 1937లో ప్రపంచాన్ని చుట్టివచ్చే ప్రయత్నంలో భాగంగా విమానంలో ప్రయాణిస్తూ అదృశ్యమయ్యారు. ఆమె విమానం ఎక్కడ కూలింది? ఆమెకు ఏమైంది? అనే ప్రశ్నలకు దశాబ్దాలుగా అన్వేషణ జరుగుతోంది. సముద్రంలో విమానం కూలిపోయి ఉండొచ్చనే అనుమానంతో పాటు ఆమె వేరే ప్రాంతంలో ల్యాండ్ అయి ఉండొచ్చనే వాదనలు కూడా ఉన్నాయి. కానీ కచ్చితమైన ఆధారం ఇప్పటికీ దొరకలేదు. పెరూలోని నాజ్కా ఎడారిలో నేలపై గీసిన భారీ ఆకృతులు ప్రపంచాన్ని ఇప్పటికీ ఆశ్చర్యపరుస్తున్నాయి. పక్షులు, జంతువులు, మనుషుల ఆకారాలు, రేఖాగణిత నమూనాలు.. ఇలా వందలాది

మన విశ్వం ఎప్పుడూ వింతల పుట్టే. తాజాగా జేమ్స్‌ వెబ్‌ స్పేస్‌ టెలిస్కోప్‌ సాయంతో శాస్త్రవేత్తలు అంతరిక్షంలో ఒక ఊహించని సరికొత్త వింత వస్తువును కనుగొన్నారు. దానికి వాళ్లు ‘బ్లాక్‌ హోల్‌ స్టార్‌’ అని పేరు పెట్టారు. సాధారణంగా నక్షత్రం వేరు, బ్లాక్‌ హోల్‌ వేరు. కానీ ఈ వింత వస్తువు మాత్రం నక్షత్రంలా కనిపిస్తూ... మన సూర్యుడి కంటే లక్ష రెట్లు పెద్దదైన ఒక రాక్షస బ్లాక్‌ హోల్‌ను తన కడుపులో దాచుకుంది! దీని చుట్టూ మన సౌరవ్యవస్థ అంత పెద్ద పరిమాణంలో దట్టమైన హైడ్రోజన్‌ వాయువు ఒక రక్షణ కవచంలా అల్లుకుపోయింది. మన విశ్వం పుట్టిన కొత్తలో అంటే బిగ్‌ బాంగ్‌ జరిగిన కేవలం 66 కోట్ల సంవత్సరాల తర్వాత ఇది ఏర్పడి ఉంటుందని అంచనా వేస్తున్నారు. ఇది విశ్వంలో ఉండే ఏ సాధారణ నక్షత్రం విడుదల చేయలేనంతగా దాదాపు 10,000 కోట్ల రెట్లు ఎక్కువ శక్తిని ఇది కాంతి రూపంలో బయటకు వదులుతోంది! అందుకే ఇది టెలిస్కోప్‌కు ఒక పెద్ద ‘ఎర్రటి చుక్క’(Mysterious Red Dot) లా కనిపించింది. మన విశ్వం ఎలా పుట్టిందో తెలుసుకోవడానికి ఈ ‘బ్లాక్‌ హోల్‌ స్టార్‌’ ఒక పెద్ద తాళంచెవిలా మారబోతోంది! ఇవి చదవండి: రోజూ విమానం కోసం ఎదురుచూసే బాలుడు! చివరికి.. బ్యూటీఫుల్ డ్రెస్‌లో మలయాళ బ్యూటీ అభిరామి అందాలు.. ఫోటోలు శారీలో హీరోయిన్ ఆదితి శంకర్ అందాలు.. ఫోటోలు వరలక్ష్మీ వ్రతం ‍స్పెషల్.. టాలీవుడ్ సినీతారల ప్రత్యేక పూజలు.. ఫోటోలు హైదరాబాద్‌: నూతన వధూవరులకు వైఎస్‌ జగన్‌ ఆశ్వీరాదం(ఫొటోలు) ‘ఇరుముడి’మూవీ ప్రెస్‌మీట్‌...బేబీ నక్షత్ర ఏం చెప్పిందో తెలుసా? ఒక్కో పోస్టు 15 లక్షలు.. అడ్డంగా దొరికాక తండ్రి.. కొడుకు గజగజ 20 మంది MLAల లేఖ కొండా సురేఖ మెడకు ఉచ్చు బర్తరఫ్ చేయాల్సిందే విశాఖ పిల్లాడి ఘటనపై త్రీమెన్ కమిటీ నియమించిన ప్రభుత్వం తీరని విషాదం.. కొడుకు ఎంత చెప్పినా

డాక్టర్ బీఆర్ అంబేద్కర్ కోనసీమ జిల్లా కొత్తపేట నియోజకవర్గంలో ఒక సంచలనాత్మక ఘటన స్థానికులను తీవ్ర భయాందోళనలకు గురిచేస్తోంది. ఆలమూరులోని యూనియన్ బ్యాంక్ శాఖలో రూరల్ డెవలప్‌మెంట్ ఆఫీసర్‌గా బాధ్యతలు నిర్వర్తిస్తున్న గానుగపెంట సుప్రియ (28) ఆకస్మికంగా అదృశ్యమవ్వడం ఇప్పుడు తీవ్ర మిస్టరీగా మారింది. విధి నిర్వహణలో ఉన్న యువతి ఒక్కసారిగా మాయమవ్వడం, ఆమె వస్తువులు పంట కాలువ వద్ద లభించడంతో కోనసీమ వ్యాప్తంగా ఈ వార్త హాట్ టాపిక్‌గా మారింది.ఈనెల 17వ తేదీన ఎప్పటిలాగే విధులకు హాజరైన సుప్రియ, తన మొబైల్ ఫోన్‌ను బ్యాంక్‌లోనే వదిలిపెట్టి బయటకు వెళ్లిపోయింది. ఎంతసేపటికీ ఆమె తిరిగి రాకపోవడంతో ఆందోళన చెందిన సిబ్బంది, కుటుంబ సభ్యులకు సమాచారం అందించారు. ఈ క్రమంలో ఆలమూరు మండలం చొప్పెల్ల లాకుల సమీపంలో సుప్రియకు చెందిన స్కూటీ, చెప్పులు, కళ్లజోడు పడి ఉండటాన్ని స్థానికులు గమనించి పోలీసులకు సమాచారం అందించారు. బ్యాంకులో విధుల్లో ఉన్న వ్యక్తి ఫోన్ కూడా తీసుకెళ్లకుండా, కేవలం తన వస్తువులను లాకుల వద్ద వదిలివెళ్లడం పలు అనుమానాలకు తావిస్తోంది. అమ్మాయిల అదృశ్యం వెనుక ఫ్రీ ఫైర్ గేమ్.. పేరెంట్స్ జాగ్రత్త!కాలువల్లో తీవ్రంగా గాలింపు.. రంగంలోకి ఎస్డీఆర్ఎఫ్ దళాలు!చొప్పెల్ల లాకుల వద్ద లభించిన ఆధారాల ఆధారంగా సుప్రియ పంట కాలువలో దూకి ఉంటే ఏమోనన్న ప్రాథమిక అనుమానంతో పోలీసులు వెంటనే గాలింపు చర్యలు చేపట్టారు. మొదట స్థానిక గజ ఈతగాళ్లతో కాలువను జల్లెడ పట్టించినప్పటికీ ఎలాంటి ఆచూకీ లభించలేదు. దీంతో ఘటన తీవ్రతను గుర్తించిన జిల్లా ఎస్పీ రాహుల్ మీనా ఆదేశాల మేరకు ఎస్టీఆర్ఎఫ్ ప్రత్యేక బృందాలు రెస్క్యూ ఆపరేషన్‌లోకి దిగాయి. రావులపాలెం రూరల్ సీఐ సీహెచ్. విద్యాసాగర్, ఆలమూరు ఎస్సై నరేష్‌ ల పర్యవేక్షణలో చొప్పెల్ల లాకులకు అనుసంధానంగా ఉన్న అన్ని పంట కాలువల్లో అత్యాధునిక పరికరాలతో గాలింపు ముమ్మరం చేశారు.జ్ఞానేశ్వరి మిస్సింగ్ కేసులో మరో ట్విస్ట్.. కారుపై మాట మార్చిన తాత! పోలీసులకు సవాల్‌గా మారిన

Ayesha Khan Engagement Photos: 'ధురంధర్' సినిమాలోని 'షరారత్' పాటతో యువతను విపరీతంగా ఆకట్టుకున్న ప్రముఖ నటి ఆయేషా ఖాన్ వ్యక్తిగత జీవితం ప్రస్తుతం నెట్టింట హాట్ టాపిక్‌గా మారింది. ఆమె సోషల్ మీడియాలో పంచుకున్న కొన్ని కొత్త ఫోటోలు అభిమానుల్లో పెద్ద ఎత్తున చర్చకు దారితీశాయి. ఆయేషా ఖాన్ ఇటీవల ఒక అపరిచితుడితో కలిసి దిగిన ఫోటోలను ఇన్‌స్టాగ్రామ్‌లో షేర్ చేశారు. అయితే ఆ వ్యక్తి ముఖాన్ని ఆమె గోప్యంగా ఉంచారు. ఈ చిత్రాలలో ఆమె చేతికి ధరించిన వజ్రపు ఉంగరం స్పష్టంగా కనిపించడంతో, నెటిజన్లు ఆమెకు నిశ్చితార్థం జరిగిపోయిందంటూ జోరుగా ప్రచారం చేస్తున్నారు. ఈ వైరల్ ఫోటోలపై రకరకాల వాదనలు వినిపిస్తున్నాయి. ఇది నిజంగానే రహస్య నిశ్చితార్థం కావచ్చని కొందరు అభిమానులు భావిస్తుండగా, మరికొందరు మాత్రం ఇది ఏదైనా నగల బ్రాండ్ (జ్యూయెలరీ ఫోటోషూట్) ప్రమోషన్‌లో భాగమై ఉండవచ్చని అభిప్రాయపడుతున్నారు. నటి ఆయేషా ఖాన్ కానీ, ఆమె టీమ్ కానీ ఈ వార్తలపై ఇప్పటివరకు ఎలాంటి అధికారిక ప్రకటన చేయలేదు. రణవీర్ సింగ్ నటించిన 'ధురంధర్' చిత్రంలోని 'షరారత్' పాటలో ఆయేషా గ్లామరస్ డ్యాన్స్ ప్రేక్షకులను ఎంతగానో అలరించింది. అయితే ఈ పాట షూటింగ్ సమయంలో తాను పడిన ఇబ్బందులను ఇటీవల ఆమె పంచుకున్నారు. నెలసరి సమయంలోనూ షూటింగ్‌లో పాల్గొనాల్సి రావడంతో శారీరకంగా, మానసికంగా చాలా అలసిపోయి కన్నీళ్లు పెట్టుకున్నానని ఆమె ఓ సందర్భంలో వెల్లడించారు. గమనిక: ఆయేషా ఖాన్ లేదా ఆమె బృందం నుండి స్పష్టత వచ్చే వరకు ఈ నిశ్చితార్థ వార్తలను కేవలం ఊహాగానాలుగానే భావించాలి

ఆయేషా ఖాన్ పోస్ట్ చేసిన ఈ ఫొటోలు అభిమానుల్లో క్యూరియాసిటీని పెంచాయి. ఇందులో ఉన్న మిస్టరీ మ్యాన్ ముఖం కనిపించకుండా జాగ్రత్తపడింది. చేతికి మెరుస్తున్న డైమండ్ రింగ్ ఉండటంతో, ఆమె తన వ్యక్తిగత జీవితంలో ఒక పెద్ద అడుగు వేసిందని అందరూ భావిస్తున్నారు. దీనికి తోడు 'ఇదొక కల' అని చిన్న క్యాప్షన్ పెట్టడంతో, ఇది ఎంగేజ్‌మెంట్ ప్రకటన అయ్యుంటుందని ఫ్యాన్స్ అంచనా వేస్తున్నారు. అయితే, ఆయేషా మాత్రం ఇప్పటివరకు తన ఎంగేజ్‌మెంట్ గురించి అధికారికంగా ఏమీ చెప్పలేదు. అయేషా ఖాన్ తెలుగు సినిమాల్లో కూడా నటించింది. 2022లో ఆమె ముఖచిత్రం మూవీతో టాలీవుడ్ లోకి ఎంట్రీ ఇచ్చింది. ఆ తర్వాత శ్రీవిష్ణు ఓం భీమ్ బుష్, గ్యాంగ్స్ ఆఫ్ గోదావరి చిత్రాల్లో నటించింది. అయేషా ఖాన్ సోషల్ మీడియాలో గుర్తింపు పొందిన క్రేజీ సెలెబ్రిటీ. ధురంధర్ మూవీలో చేసిన స్పెషల్ సాంగ్ తో నేషనల్ వైడ్ పాపులారిటీ సొంతం చేసుకుంది

నల్గొండ జిల్లాలో సంచలనం సృష్టించిన ప్రైవేట్ పాఠశాల ప్రిన్సిపాల్ కల్లు రూపారెడ్డి హత్య కేసు మిస్టరీ వీడింది. ఈ దారుణ ఘటనకు సంబంధించి, ఆమె పనిచేస్తున్న పాఠశాలలోనే పదో తరగతి చదువుతున్న విద్యార్థులను పోలీసులు అదుపులోకి తీసుకున్నట్లు వెల్లడించారు. టీసీ ఇచ్చిందన్న కక్ష, డబ్బు అవసరం రెండూ ఈ హత్యకు కారణంగా పోలీసులు ప్రాథమికంగా భావిస్తున్నారు.కొండమల్లేపల్లిలోని నాగార్జున పబ్లిక్ స్కూల్ ప్రిన్సిపాల్, డైరెక్టర్ అయిన రూపారెడ్డి (42) గత వారం జేబీ కాలనీలోని తన నివాసంలో దారుణ హత్యకు గురైన విషయం తెలిసిందే. ఆగస్టు 11-12 తేదీల మధ్య జరిగిన ఈ ఘటనలో ఆమె శరీరంపై దుండగులు పదునైన ఆయుధంతో దాదాపు 27 సార్లు పొడిచినట్లు గుర్తించారు. భర్త పని నిమిత్తం హైదరాబాద్‌లో ఉన్న సమయంలో ఈ హత్య జరిగింది. ఆమె ఫోన్ కాల్స్‌కు స్పందించకపోవడంతో, అనుమానంతో బంధువులు, సహోద్యోగులు చూడగా విషయం బయటపడింది.ఘటనా స్థలంలో తొలుత ఎలాంటి విలువైన వస్తువులు చోరీకి గురికాకపోవడంతో ఆమెకు తెలిసిన వారే ఈ ఘాతుకానికి పాల్పడి ఉంటారని పోలీసులు అనుమానించారు. ఈ క్రమంలో పదుల సంఖ్యలో అనుమానితులను విచారించారు. చివరకు ఇంటి సమీపంలోని సీసీటీవీ ఫుటేజీని పరిశీలించగా, ఓ బాలుడు అనుమానాస్పదంగా తిరుగుతున్నట్లు కనిపించడంతో కేసులో పురోగతి లభించింది.ఫుటేజీ ఆధారంగా కొందరు విద్యార్థులను అదుపులోకి తీసుకుని విచారించగా, ఓ విద్యార్థి నేరాన్ని అంగీకరించినట్లు సమాచారం. ప్రిన్సిపాల్ తనకు టీసీ ఇవ్వడంతో ఆమెపై కక్ష పెంచుకున్నానని, అదే సమయంలో డబ్బు కూడా అవసరం కావడంతో ఈ హత్యకు పాల్పడినట్లు నిందితుడు చెప్పినట్లు

మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Principal Murder: నల్గొండ జిల్లా, కొండమల్లెపల్లిలోని నాగార్జున పబ్లిక్ స్కూల్ ప్రిన్సిపాల్ కె. రూపారెడ్డి దారుణ హత్య కేసులో దిగ్భ్రాంతికరమైన వివరాలు వెలుగులోకి వచ్చాయి. ఈ హత్యలో ఒక 10వ తరగతి విద్యార్థి, ముగ్గురు పూర్వ విద్యార్థులు పాల్గొన్నట్లు పోలీసులు గుర్తించడంతో స్థానికులు తీవ్ర దిగ్భ్రాంతికి గురయ్యారు. ఈ నెల 11వ తేదీన కొండమల్లెపల్లిలోని జేబీ కాలనీలో గల తన ఇంట్లో ప్రిన్సిపాల్ రూపారెడ్డి దారుణమైన కత్తిపోట్లతో శవమై కనిపించారు. ఇంట్లోకి చొరబడిన దుండగులు ఆమెను దారుణంగా కత్తితో పొడిచి చంపారు. వేలిముద్రలు పడకుండా ఉండేందుకు నిందితులు ముందు జాగ్రత్తగా గ్లౌజులు ధరించడంతో పోలీసులకు ఎలాంటి ఆధారాలు లభించలేదు. ఈ కేసును సవాలుగా స్వీకరించిన జిల్లా సూపరింటెండెంట్ ఆఫ్ పోలీస్ ఆదేశాల మేరకు, డీఎస్పీ శ్రీనివాసరావు నేతృత్వంలో మూడు ప్రత్యేక బృందాలను రంగంలోకి దించారు. సీసీటీవీ ఫుటేజ్ ఆధారంగా, ఈ ఘోరానికి పాల్పడిన వారిలో 20 నుంచి 25 ఏళ్ల మధ్య వయసున్న యువకులు ఉన్నారని పోలీసులు మొదట అనుమానించారు. ఈ హత్య వెనుక ఉన్న అసలు నిందితులను పట్టుకునేందుకు ప్రత్యేక బలగాలు కొండమల్లెపల్లి ప్రాంతమంతటా గాలించాయి. పాఠశాల సిబ్బంది, కుటుంబ సభ్యులు, కాలనీ నివాసితులతో సహా దాదాపు 80 మందిని క్షుణ్ణంగా విచారించారు. నిఘా సంస్థలు కూడా రంగంలోకి దిగి లోతైన దర్యాప్తు నిర్వహించాయి. క్షణాల్లో సీసీటీవీ ఫుటేజీని పరిశీలించగా, కొండమల్లెపల్లి మండలంలోని రెండు గ్యాంగ్‌లకు చెందిన కొందరు యువకుల కార్యకలాపాలు అనుమానాస్పదంగా కనిపించాయి. వారిపై ప్రత్యేక దృష్టి సారించిన పోలీసులు, క్రమంగా ఆధారాలు సేకరించడం ప్రారంభించారు. హత్య వెనుక ఉన్న అసలు నిందితులను పట్టుకోవడానికి ప్రత్యేక బలగాలు కొండమల్లెపల్లి ప్రాంతమంతటా గాలించాయి

Principal Murder: నల్లగొండ జిల్లా కొండమల్లేపల్లిలో జరిగిన నాగార్జున పబ్లిక్ స్కూల్ ప్రిన్సిపల్ కె.రూపారెడ్డి దారుణ హత్య కేసులో దిగ్భ్రాంతికర నిజాలు వెలుగులోకి వచ్చాయి. పాఠశాలలో చదివే పదో తరగతి విద్యార్థితో పాటు పూర్వ విద్యార్థులు ముగ్గురు కలిసి ఈ ఘాతకానికి ఒడిగట్టినట్లు పోలీసులు గుర్తించడంతో స్థానికులు తీవ్ర దిగ్భ్రాంతికి గురవుతున్నారు. ఈ నెల 11న కొండమల్లేపల్లిలోని జేబీ కాలనీలో ఉన్న తన నివాసంలో ప్రిన్సిపల్ రూపారెడ్డి తీవ్ర కత్తిపోట్లతో శవమై కనిపించారు. ఇంట్లోకి చొరబడిన దుండగులు ఆమెను దారుణంగా పొడిచి చంపేశారు. ఘటనా స్థలంలో వేలిముద్రలు పడకుండా నిందితులు ముందస్తు జాగ్రత్తగా గ్లౌజులు ధరించడంతో పోలీసులకు ఎలాంటి క్లూస్ దొరకలేదు. కేసును సవాలుగా తీసుకున్న జిల్లా ఎస్పీ ఆదేశాల మేరకు డీఎస్పీ శ్రీనివాసరావు ఆధ్వర్యంలో మూడు ప్రత్యేక బృందాలు రంగంలోకి దిగాయి. సీసీటీవీ ఫుటేజ్ ఆధారంగా తొలుత 20 నుంచి 25 ఏళ్ల యువకులు ఈ దారుణానికి ఒడిగట్టి ఉంటారని పోలీసులు ప్రాథమికంగా భావించారు. హత్య వెనుక ఉన్న అసలు నిందితులను పట్టుకునేందుకు ప్రత్యేక బలగాలు కొండమల్లేపల్లి వ్యాప్తంగా జల్లెడ పట్టాయి. స్కూల్ సిబ్బంది, కుటుంబ సభ్యులు, కాలనీ వాసులు సహా దాదాపు 80 మందిని సమగ్రంగా విచారించారు. నిఘా వర్గాలు కూడా రంగంలోకి దిగి లోతుగా దర్యాప్తు చేపట్టాయి. సీసీటీవీ దృశ్యాలను సెకన్ల వ్యవధిలో క్షుణ్ణంగా పరిశీలించగా కొండమల్లేపల్లి మండలంలోని రెండు తండాలకు చెందిన కొంతమంది కుర్రాళ్ల కదలికలు అనుమానాస్పదంగా అనిపించాయి. వారిపై ప్రత్యేక దృష్టి సారించిన పోలీసులు నెమ్మదిగా ఆధారాలు సేకరించడం ప్రారంభించారు. ఈ దారుణ హత్య వెనుక ప్రధానంగా నగదు దోపిడీ కోణమే ఉన్నట్లు పోలీసులు అనుమానిస్తున్నారు. రూపారెడ్డిని చంపేసిన అనంతరం ఇంటి నుంచి సుమారు రూ.4 లక్షల నగదును నిందితులు అపహరించుకుపోయినట్లు తెలుస్తోంది. కేవలం డబ్బు కోసమే గురువు స్థానంలో ఉన్న ప్రిన్సిపల్‌ను బలి తీసుకున్నారా లేక వారి మధ్య మరేదైనా పగ ఉందా అనే కోణంలో

మనం రోజూవారి సంభాషణల్లో 'చిదంబర రహస్యం' అనే మాటను వింటుంటాం. ఏదైనా అంతుచిక్కని విషయం ఉన్నా, లేదా బాగా దాచిపెట్టిన గుట్టు ఉన్నా దానిని చిదంబర రహస్యంతో పోలుస్తాం. కాలక్రమంలో ఇది ఒక ప్రసిద్ధ సామెతగా మారిపోయింది. కానీ, ఈ పదబంధం వెనుక అత్యంత లోతైన ఆధ్యాత్మిక భావన, ఒక గొప్ప పురాణ నేపథ్యం దాగి ఉన్నాయి. తమిళనాడులోని ప్రసిద్ధ చిదంబరం నటరాజ స్వామి ఆలయం నుంచి ఈ పదం పుట్టుకొచ్చింది. అసలు ఈ రహస్యం ఏంటి? గర్భగుడిలోని తెర వెనుక ఏముంది? శివుడు అక్కడ ఎందుకు నృత్యం చేశాడో ఇప్పుడు తెలుసుకుందాం. హిందూ తత్వశాస్త్రంలో పంచభూతాలైన భూమి, నీరు, అగ్ని, వాయువు, ఆకాశం చాలా ముఖ్యమైనవి. తమిళనాడులోని చిదంబరం ఆలయం పంచభూత క్షేత్రాలలో ఆకాశ క్షేత్రంగా ప్రసిద్ధి చెందింది. మిగిలిన నాలుగు క్షేత్రాలలో స్వామివారు పృథ్వి, ఆపస్, తేజస్సు, వాయు రూపాల్లో అంటే మన కంటికి కనిపించే లింగ రూపాల్లో దర్శనమిస్తారు. కానీ చిదంబరంలో మాత్రం శివుడు అరూప రూపంలో అంటే ఆకాశం లేదా శూన్య రూపంలో కొలువై ఉంటారు. ఈ ఆలయంలో శివుడు ప్రధానంగా ఆనంద తాండవం చేస్తున్న నటరాజ స్వామి రూపంలో కనిపిస్తారు. అయితే గర్భగుడిలో నటరాజ స్వామికి కుడి వైపున ఒక పరదా ఉంటుంది. పూజారి ఆ తెరను తొలగించి దీపారాధన చేసినప్పుడు అక్కడ భౌతికంగా ఎలాంటి విగ్రహం లేదా శివలింగం కనిపించవు. కేవలం బంగారంతో చేసిన మారేడు ఆకుల మాల వేలాడుతూ కనిపిస్తుంది. కంటికి ఏమీ కనిపించకపోవడమే ఇక్కడి అసలైన రహస్యం. కంటికి ఏమీ కనిపించని ఆ శూన్య స్థలమే 'చిదంబర రహస్యం'. దీని అర్థం భగవంతుడు కేవలం ఒక నిర్దిష్ట రూపానికే పరిమితం కాలేదని, ఆయన నిరాకారుడు, సర్వవ్యాపి, ఆకాశంలా అనంతమైనవాడని చెప్పడమే. "చిత్" అంటే చైతన్యం లేదా జ్ఞానం అని, "అంబరం" అంటే ఆకాశం అని అర్థం. అంటే జ్ఞానమే ఆకాశ రూపంలో ఉందనే

ఆకాశం నుంచి వాన చినుకులు పడితే ఎవరికైనా పంటలు పండుతాయి. కానీ, బీహార్‌లోని ఓ మారుమూల గ్రామంలో మాత్రం వర్షం వస్తే నేరుగా డబ్బులే కురుస్తాయి. వినడానికి ఆశ్చర్యంగా ఉన్నా ఇది అక్షరాలా నిజం. బీహార్‌లోని గయ జిల్లా కేంద్రానికి సుమారు 45 కిలోమీటర్ల దూరంలో ఉన్న హస్రా గ్రామంలో ఈ అరుదైన దృశ్యం కనిపిస్తుంది. ఇక్కడ సుమారు 150 కుటుంబాలు నివసిస్తున్నాయి. ఈ గ్రామానికి సమీపంలో ఉన్న హన్స్‌రాజ్ కొండ కింద ఈ వింత చోటుచేసుకుంటుంది. ప్రతి వర్షాకాలంలో ఈ కొండపై నుంచి భారీగా వరద నీరు కిందకు ప్రవహిస్తుంది. ఆ నీటితో పాటు మట్టిలో కలిసి మెరిసే రంగు రాళ్లు గ్రామస్తుల పొలాల్లోకి వచ్చి చేరుతుంటాయి. వర్షం తగ్గిన వెంటనే గ్రామస్తులంతా ఉత్సాహంగా పొలాల్లోకి వెళ్లి ఆ మెరిసే రాళ్ల కోసం వెతుకుతుంటారు. ఈ అరుదైన రంగు రాళ్లను కొనుగోలు చేయడానికి వ్యాపారులు ఎగబడుతుంటారు. నాణ్యతను బట్టి వ్యాపారులు ఈ రాళ్లను రూ.1 లక్ష నుంచి రూ.5 లక్షల వరకు భారీ ధరకు కొనుగోలు చేస్తుండటం విశేషం. ఈ అద్భుత పరిణామంపై గయా కాలేజీ భౌగోళిక శాస్త్ర నిపుణులు స్పందిస్తూ.. ఇది అత్యంత పురాతన భౌగోళిక నిర్మాణమని, కాలక్రమేణా వాతావరణ మార్పుల కారణంగా కొండపై ఉన్న ఖనిజాలు గుండ్రటి రాళ్లుగా మారుతాయని తెలిపారు. వానొచ్చినప్పుడు నీటి కోత వల్ల ఇవి కిందకు కొట్టుకొస్తాయని వివరించారు. ప్రకృతి ప్రసాదించిన ఈ అదృష్టంతో ఆ గ్రామస్తుల తలరాతే మారిపోతోంది. స్పోర్ట్స్ బ్యాగు తెరిచిన యువకుడు.. లోపలున్నది చూసి పరుగో పరుగు!

ఇంటికి తలుపులు, తాళం వేయకుండా బయటకు అడుగుపెట్టం. ఏ దొంగోడు వచ్చి దోచుకుపోతాడని భయం. అదే ఇంట్లో బంగారం, నగలు, విలువైన వస్తువులు ఇంటే...ఇంకా జాగ్రత్త పడిపోతాం. లేకపోతే బ్యాంకు లాకర్లో పెట్టుకుంటాం. పక్కింటికి వెళ్లాలన్నా...తలుపు వేసే వేళ్తాం. అలాంటిది మహారాష్ట్రలోని ఓ గ్రామంలో ఏ ఇంటికీ తలుపులు ఉండవు. అయితే దొంగల భయమే ఉండదా? ఏదైనా ఊరికి వెళ్లాలంటే ఎలా? మహారాష్ట్రలోని అహిల్యానగర్ జిల్లాలో ఉన్న శని సింగనాపూర్..శని దేవుడి ఆలయం కారణంగా దేశవ్యాప్తంగా చాలా ఫేమస్. అయితే ఈ ఊరికి మరో ప్రత్యేక గుర్తింపు ఉంది. ఇక్కడ చాలా ఇళ్లకు తలుపులు, తాళాలు ఉండవు. షాపులకు కూడా తాళాలు ఉండవు. గ్రామస్థుల నమ్మకం ప్రకారం..శని దేవుడే ఈ గ్రామానికి రక్షకుడు అని. ఎవరు దొంగతనం చేసినా లేదా తప్పు చేసినా శని దేవుడి నుంచి తప్పించుకోలేరని విశ్వసిస్తారు. అందుకే ఇంటికి తాళం వేసుకోవాల్సిన అవసరం లేదని తరతరాలుగా భావిస్తున్నారు. అయితే దీని గురించి ఓ కథ కూడా ప్రచారంలో ఉంది. ఎప్పుడో వందల ఏళ్ల క్రితం వరదల సమయంలో నదిలో కొట్టుకొచ్చిన ఓ రాయి గ్రామస్థులకు కనిపించిందని.. దానిని తాకినప్పుడు రక్తం వచ్చిందట. ఆ తర్వాత శని దేవుడు ఒక గ్రామస్థుడి కలలో కనిపించి తనను గ్రామంలో ప్రతిష్ఠించాలని చెప్పారని స్థానికంగా చెబుతుంటారు. అప్పటి నుంచి శని దేవుడే తమను కాపాడుతున్నాడనే బలంగా నమ్ముతారు. ఇక్కడ మరో ఆసక్తికరమైన విషయం ఏమిటంటే...ఈ సంప్రదాయం కేవలం ఇళ్లకే పరిమితం కాలేదు. గ్రామంలోని బ్యాంకు కూడా తాళాలు వేయరంట. శని శింగణాపూర్‌లో UCO Bank శాఖ 2011లో ప్రారంభమైంది. భద్రత కోసం అక్కడ సాధారణ తాళానికి బదులుగా రిమోట్‌తో పనిచేసే ఎలక్ట్రోమాగ్నెటిక్ లాక్ ఉండేదట. కాకపోతే డైరెక్ట్ లాక్ ఉండేది కాదట. అటు సంప్రదాయాన్ని గౌరవిస్తూనే బ్యాంకును కాపాడుతున్నారు. అయితే ఈ గ్రామంలో దొంగతనాలు జరగలేదట. ఇక శని శింగణాపూర్‌లో శని దేవుడిని న్యాయానికి

చుట్టూ మైళ్ల కొద్దీ అరేబియా సముద్రం.. నోట్లో చుక్క కూడా పోసుకోలేని ఉప్పు నీరు, కానీ ఆ సముద్రం మధ్యలో ఒక చారిత్రక కోట.. ఆ కోటలోకి అడుగుపెడితే..తీయని నీరు దొరుకుతుంది. పాలు, పెరుగు, పంచదార పేర్లతో పిలిచే ఆ మూడు తీపి నీటి బావుల వెనక కథేంటి? ఉప్పు నీటి మధ్యలో తియ్యటి నీరు ఎలా సాధ్యం అయ్యింది? దీని వెనక సైన్స్ ఏంటి? మహారాష్ట్రలోని మాల్వన్ తీరానికి కాస్త దూరంలో, అరేబియా సముద్రంలో ఉమ్మడి ద్వీపంపై నిర్మించినదే 'సింధుదుర్గ్ కోట' . ఛత్రపతి శివాజీ మహారాజ్ సైనిక వ్యూహంతో నిర్మించిన ఈ కోటలో శత్రువులు ఊహించని ఒక ప్రత్యేకత ఉంది. కోట లోపల దూధ్‌బావ్ (Milk Well), సాఖర్‌బావ్ (Sugar Well), దహీబావ్ (Curd Well) అని పిలిచే మూడు ప్రత్యేకమైన బావులు ఉన్నాయి. సముద్రపు ఒడ్డున ఎంత తవ్వినా ఉప్పునీరే పడే చోట.. ఈ బావుల్లో మాత్రం తీయని తాగునీరు లభిస్తుంది. చాలామంది ఇది ఏదో దైవిక శక్తుల వల్ల లేదా అద్భుతం వల్ల జరుగుతోందని నమ్ముతారు. కానీ దీని వెనుక ఉన్నది సైన్స్ మాత్రమే అని నిపుణులు చెబుతున్నారు. ఫ్రెష్‌వాటర్ లెన్స్ : లక్షద్వీప్ వంటి సముద్ర ద్వీపాల్లోనూ ఈ ఫినామినా కనిపిస్తుంది. వర్షం పడినప్పుడు కోటలోని రాళ్లు, ఇసుక పొరల గుండా నీరు ఇంకి భూమి అడుగు భాగానికి చేరుతుంది. సాంద్రతలో తేడా: సముద్రపు ఉప్పునీటి సాంద్రత (Density) ఎక్కువ.. వర్షపు మంచినీటి సాంద్రత తక్కువ. అందువల్ల భూగర్భంలో చేరిన మంచినీరు, సముద్రపు ఉప్పునీటిపై ఒక పలుచని పొరలా తేలియాడుతూ నిల్వ ఉంటుంది. బావులు తవ్వినప్పుడు ఈ మంచినీటి పొర నుంచే నీరు ఊరుతుంది. కోట నిర్మాణ సమయంలో శత్రువులు నెలల తరబడి ముట్టడి వేస్తే లోపల ఉన్న సైన్యానికి ప్రాణాధారం 'తాగునీరు'. కోట బయటకు వెళ్లకుండా సైనికులు ఏళ్ల తరబడి పోరాడేందుకు, ప్రకృతి సిద్ధమైన ఈ

హైదరాబాద్‌లోని పంజాగుట్ట శ్మశానవాటికలో పసికందు మృతదేహం మాయం కలకలం రేపుతోంది. శ్మశానవాటికలో పూడ్చిపెట్టిన ఆరు నెలల పసికందు మృతదేహం అదృశ్యమైంది. హైదరాబాద్, ఆగస్టు 11: నగరంలోని పంజాగుట్ట శ్మశానవాటికలో పసికందు మృతదేహం మాయం కలకలం రేపుతోంది. శ్మశానవాటికలో పూడ్చిపెట్టిన ఆరు నెలల పసికందు మృతదేహం అదృశ్యమైంది. చార్మినార్ ఘాన్సీబజార్‌కు చెందిన దంపతులకు ఆరు నెలల క్రితం కవలలు పుట్టారు. అనారోగ్యంతో బాధపడుతున్న కవలలకు బంజారాహిల్స్‌లోని ఓ కార్పొరేట్ ఆసుపత్రిలో చికిత్స అందించారు. అయితే చికిత్స పొందుతూ గత శనివారం ఓ పసికందు మృతి చెందింది. దీంతో కుటుంబసభ్యులు.. పంజాగుట్ట హిందూ శ్మశానవాటికలో మృతదేహాన్ని ఖననం చేశారు. మరో చిన్నారి కూడా ఆదివారం రాత్రి చికిత్స పొందుతూ మృతిచెందింది. నిన్న(సోమవారం) రెండో పసికందు అంత్యక్రియల కోసం కుటుంబసభ్యులు శ్మశానవాటికకు వచ్చారు. ఈ క్రమంలో మొదటి చిన్నారిని పూడ్చిన ప్రాంతంలో గుంత తీసి ఉండటాన్ని గుర్తించారు. గోతిలో మృతదేహం కనిపించకపోవడంతో కుటుంబసభ్యులు షాక్‌కు గురయ్యారు. రెండో పసికందు అంత్యక్రియలు నిర్వహించిన అనంతరం.. ఈ వ్యవహారంపై బంజారాహిల్స్ పోలీసులకు ఫిర్యాదు చేశారు. దీంతో కేసు నమోదు చేసిన పోలీసులు దర్యాప్తు చేపట్టారు. శ్మశానవాటిక కాటికాపరులను అదుపులోకి తీసుకుని విచారిస్తున్నారు. అయితే ఈ విషయాన్ని బంజారాహిల్స్ పోలీసులు గోప్యంగా ఉంచడం చర్చనీయాంశంగా మారింది. కస్టమర్‌కు ఊహించని షాక్.. సమోసాలో బొద్దింక

రాజమండ్రి శివారు ప్రాంతంలో తీవ్ర కలకలం రేగింది. కాతేరు పరిధిలోని గామన్ బ్రిడ్జి సమీపంలో మంగళవారం తెల్లవారుజామున ఓ యువతి మృతదేహంతో పాటు, ప్రాణాపాయ స్థితిలో కొట్టుమిట్టాడుతున్న ఓ యువకుడిని స్థానికులు గుర్తించారు. వెంటనే వారు పోలీసులకు సమాచారం అందించారు.ఘటనా స్థలానికి చేరుకున్న పోలీసులు, తీవ్ర గాయాలతో అపస్మారక స్థితిలో ఉన్న యువకుడిని హుటాహుటిన నగరంలోని ఒక ప్రైవేట్ ఆసుపత్రికి తరలించారు. ప్రస్తుతం అతని పరిస్థితి విషమంగా ఉన్నట్లు వైద్యులు తెలిపారు. యువతి మృతదేహాన్ని పోస్టుమార్టం నిమిత్తం రాజమండ్రి ప్రభుత్వ ఆసుపత్రికి తరలించారు.పోలీసులు జరిపిన ప్రాథమిక విచారణలో యువకుడిని కోటిలింగాలపేటకు చెందిన అభిలాష్‌గా, యువతిని శాంతినగర్‌కు చెందిన నివాసిగా గుర్తించారు. ఈ ఘటనపై కేసు నమోదు చేసిన పోలీసులు దర్యాప్తు ప్రారంభించారు. ఈ ఘటన హత్య లేక ఆత్మహత్యాయత్నమా అనే అనుమానాలతో పోలీసులు విచారణను వేగవంతం చేశారు. ఇప్పటికే ఇరు కుటుంబ సభ్యులకు సమాచారం అందించారు. ఈ ఘటనకు సంబంధించిన పూర్తి వివరాలు పోలీసుల సమగ్ర దర్యాప్తులో తేలాల్సి ఉంది

హిమాలయాలు ఎంత అందంగా ఉంటాయో స్పెషల్ గా చెప్పాల్సిన అవసరం లేదు. తెల్లటి మంచుతో కప్పేసి, మండే ఎండల్లోనూ చల్లదనాన్ని పంచుతాయి.అలాంటి హిమాలయాల్లో మనం ఊహించని భయంకరమైన ప్రదేశాలు కూడా ఉన్నాయి. ముఖ్యంగా ఈ ఎత్తైన కొండల మధ్యలో.. రద్దీగా ఉండే నగరాలకు దూరంగా, బిజీ రహదారులు ఏమీ లేని ఓ అందమైన సరస్సు ఉంది. ఈ సరస్సు చూడటానికి ఎంతో అందంగా, ఆకర్షించేలా ఉంటుంది. కానీ, ఒక్కసారి ఆ సరస్సులో మంచు కరిగితే.. దానిలోని అస్థిపంజరాలన్నీ బయపడతాయి. అదే రూప్ కుండ్ సరస్సు. దీనిని అస్థిపంజరాల సరస్సు అని కూడా పిలుస్తారు. మరి, ఆ సరస్సులో ఉన్న అస్థిపంజరాలు ఎవరివి? ఈ రూప్ కుండ్ సరస్సును చూడటానికి ప్రతి సంవత్సరం చాలా మంది పర్యాటకులు వెళ్తూ ఉంటారు. దట్టమైన అడవుల మధ్యలో ట్రెక్కింగ్ చేస్తూ వెళ్తే.. సముద్ర మట్టానికి 5వేల మీటర్లపైగా ఎత్తులో మంచుతో గడ్డకట్టిన సరస్సు ఒకటి ఉంటుంది. అదే రూప్ కుండ్ సరస్సు. దీని వెడల్పు కేవలం 40 మీటర్లు మాత్రమే. దాదాపు ఇది ఎప్పుడూ మంచుతో గడ్డకట్టుకొనే ఉంటుంది. కానీ.. సంవత్సరం మొత్తంలో ఏదో ఒక సమయంలో మాత్రమే మంచు కొద్దిగా కరుగుతుంది. అప్పుడు ఈ అస్థిపంజరాలు కనపడతాయి. ఇక్కడ అస్థిపంజరాలు ఉండటాన్ని 1942లో హరి కిషన్ మాద్వాల్ అనే ఫారెస్ట్ రేంజర్ కనుగొన్నారు. రెండో ప్రపంచ యుద్ధంలో చనిపోయిన సైనికుల ఎముకలు అని మొదట అనుకున్నారు. కానీ, పరిశోధనల్లో అవి శతాబ్దాల నాటి ప్రాచీన అస్థిపంజరాలు అని తేలింది. ఈ అస్థిపంజరాల సరస్సు వెనక చాలా కథలు వినపడుతూ ఉంటాయి. భయంకరమైన వడగండ్ల వాన పడి చనిపోయారని అక్కడివారు నమ్ముతారు. ఆ సరస్సులో లభించిన అస్థిపంజరాల పుర్రెలపై గుండ్రని వస్తువుల కారణంగా ఏర్పడిన గాయాలను శాస్త్రవేత్తలు గుర్తించారు. అందుకే, ఆకాశం నుంచి పడిన అతి పెద్ద వడగండ్ల వాన కారణంగా చనిపోయారని కొందరు నమ్ముతుంటారు. అయితే, తాజా

బీహార్‌లోని బేగుసరాయ్ జిల్లా మనోపూర్ ముషహరి గ్రామానికి చెందిన రాహుల్ అనే 12 ఏళ్ల బాలుడు ఎనిమిదేళ్ల క్రితం పాముకాటుకు గురయ్యాడని కుటుంబ సభ్యులు చెబుతున్నారు. మొదట అతడిని ఓ మంత్రగాడి వద్దకు తీసుకెళ్లినా ప్రయోజనం లేకపోవడంతో తర్వాత వైద్యుడి వద్దకు తీసుకెళ్లారు. అయితే అప్పటికే రాహుల్ చనిపోయాడని వైద్యుడు చెప్పడంతో కుటుంబ సభ్యులు అతడి మృతదేహాన్ని గంగానదిలో నిమజ్జనం చేశారు. ఇటీవల ఒక యువ సన్యాసి చేతిలో సారంగి పట్టుకుని గ్రామానికి వచ్చాడు. తానే ఎనిమిదేళ్ల క్రితం చనిపోయాడని భావించిన రాహుల్‌నని చెప్పడంతో గ్రామస్థులు ఆశ్చర్యపోయారు. అతడు నేరుగా తన తల్లిని గుర్తించడమే కాకుండా తండ్రి, అన్న, బాబాయి, అత్త పేర్లను కూడా చెప్పాడని కుటుంబ సభ్యులు వెల్లడించారు. చిన్నప్పుడే శరీరంపై ఏర్పడిన గాయం గుర్తును కూడా గ్రామస్థులు గుర్తించి, ఇతడే రాహుల్ అయి ఉండొచ్చని అనుమానిస్తున్నారు. ఆ యువకుడు చెప్పిన కథ మరింత ఆసక్తికరంగా ఉంది. గంగలో తనను వదిలేసినప్పుడు తాను పూర్తిగా చనిపోలేదని, ఇంకా శ్వాస తీసుకుంటున్నానని తెలిపాడు. నదిలో కొట్టుకుపోతూ మొకామా ఘాట్‌కు చేరుకున్నానని, అక్కడ ఉన్న ఓ సాధువు తనను రక్షించి గోరఖ్‌పూర్‌కు తీసుకెళ్లాడని చెప్పాడు. అక్కడే ఆధ్యాత్మిక విద్య నేర్పించి, ఎన్నేళ్ల పాటు సన్యాస జీవితం గడిపించిన తర్వాత తన గురువు "నీ తల్లి దగ్గరకు వెళ్లి భిక్ష అడుగు" అని పంపించాడని వివరించాడు. రాహుల్‌ గ్రామంలో కొద్దిసేపు గడిపిన తర్వాత తిరిగి గోరఖ్‌పూర్ వెళ్లిపోయాడు. కుటుంబ సభ్యులు అతడికి మొబైల్ ఫోన్ కూడా కొనిచ్చారు. అయితే అక్కడికి వెళ్లిన తర్వాత ఫోన్ చేసి, తన గురువుకు చికిత్స, పెంపకం కోసం ఖర్చైన డబ్బుగా రూ.2 లక్షలు ఇవ్వాలని, అప్పుడే శాశ్వతంగా ఇంటికి వస్తానని చెప్పాడని కుటుంబ సభ్యులు తెలిపారు. పేద కూలీ కుటుంబం కావడంతో అంత పెద్ద మొత్తాన్ని వెంటనే సమకూర్చలేకపోతున్నామని వారు ఆవేదన వ్యక్తం చేస్తున్నారు. ఈ ఘటనపై హేతువాద సంఘాలు అనుమానాలు