Magudam Box Office News

సూర్య, మమితా బైజు జంటగా నటించిన 'విశ్వనాథ్ అండ్ సన్స్' సినిమా బాక్సాఫీస్ వద్ద దుమ్మురేపుతోంది. 'సర్‌', 'లక్కీ భాస్కర్' వంటి చిత్రాల దర్శకుడు వెంకీ అట్లూరి డైరెక్ట్ చేసిన ఈ సినిమా ఆగస్టు 14న థియేటర్లలోకి వచ్చింది. ఫ్యామిలీతో కలిసి చూసేలా ఉండటంతో ఈ సినిమాకు ప్రేక్షకుల నుంచి మంచి రెస్పాన్స్ వస్తోంది. దాంతో కలెక్షన్లు కూడా పెరుగుతున్నాయి. ఇదే రోజు విశాల్‌ నటించిన `మకుటం`(మగుడం) మూవీ కూడా విడుదలైంది. కానీ దీనికి నెగటివ్‌ టాక్ వచ్చింది. సూర్య గత చిత్రాల్లోని యాక్షన్, మాస్ అంశాలకు భిన్నంగా 'విశ్వనాథ్ అండ్ సన్స్' మంచి కామెడీ, ఫ్యామిలీ ఎమోషన్స్ తో నడేస్తుంది. మమితా బైజు నటన కూడా యువతను, ఫ్యామిలీ ఆడియన్స్‌ను మెప్పించింది. దీని ఫలితంగా, సినిమా విడుదలైన మూడు రోజులకే ప్రపంచవ్యాప్తంగా రూ.100 కోట్ల వసూళ్లను దాటినట్లు నిర్మాణ సంస్థ ప్రకటించింది. సూర్య కెరీర్‌లో అత్యంత వేగంగా రూ.100 కోట్లు వసూలు చేసిన సినిమాగా ఇది రికార్డు సృష్టించింది. ఇదిలా ఉంటే, 'విశ్వనాథ్ అండ్ సన్స్'కు పోటీగా ఆగస్టు 14న విడుదలైన విశాల్ 'మకుటం' సినిమా బాక్సాఫీస్ రిజల్ట్ తేలిపోయింది. 'ఈట్టి', 'ఐంగరన్' చిత్రాల దర్శకుడు రవి అరసు మొదట ఈ ప్రాజెక్టుకు దర్శకుడిగా పనిచేశారు. కథ, స్క్రీన్‌ప్లే పనుల్లో కూడా ఆయన పాలుపంచుకున్నారు. కానీ కొన్ని కారణాల వల్ల ఆయన ప్రాజెక్ట్ నుంచి తప్పుకున్నట్లు చెబుతున్నారు. ఆ తర్వాత నటుడు విశాల్ స్క్రీన్‌ప్లేలో మార్పులు చేసి ఈ సినిమాకు దర్శకత్వం వహించారు. విడుదలైనప్పటి నుంచి 'మకుటం' సినిమాకు ఎక్కువగా నెగటివ్‌ టాక్‌ వచ్చింది. ఆ ప్రభావం బాక్సాఫీస్ వసూళ్లపై స్పష్టంగా కనిపిస్తోంది. సాక్నిల్క్ డేటా ప్రకారం, ఈ సినిమా మొదటి మూడు రోజుల్లో ప్రపంచవ్యాప్తంగా కేవలం రూ.2.10 కోట్లు మాత్రమే వసూలు చేసినట్లు సమాచారం. ఒకవైపు 'విశ్వనాథ్ అండ్ సన్స్' రోజూ రూ.20 కోట్లకు పైగా వసూలు చేస్తూ రూ.110 కోట్ల

విశాల్ తొలిసారి దర్శకత్వం వహించిన చిత్రం `మకుటం`. ఇందులో ఆయన తండ్రీ కొడుకులుగా ద్విపాత్రాభినయం చేశాడు. తండ్రి లింగ ఒక పవర్‌ఫుల్ గ్యాంగ్‌స్టర్ కాగా, కొడుకు కృపా ఒక మెడికల్ రిప్రజెంటేటివ్‌గా భార్య జమున, ఇద్దరు పిల్లలతో సాధారణ జీవితం గడుపుతుంటాడు. ఒకరు విలాసవంతమైన జీవితం గడుపుతుంటే, మరొకరు రోజువారీ అవసరాలకే కష్టపడుతుంటారు. ఇందులో అంజలి లింగాకి జోడీగా చేసింది. ఆమెకి బలమైన పాత్ర దక్కింది. కానీ సినిమాకి మాత్రం నెగటివ్‌ టాక్‌ వచ్చింది. ఈ సినిమాలోని కామెడీ పెద్దగా ఆకట్టుకోలేకపోయింది. విశాల్, చిత్ర లక్ష్మణన్ మధ్య వచ్చే కొన్ని సీన్లు నవ్వు తెప్పించడానికి బదులు, బలవంతంగా ఇరికించినట్లు అనిపిస్తాయి. ప్రేక్షకులతో ఈలలు వేయించాలనే ఉద్దేశంతో పెట్టిన కొన్ని మాస్ సీన్లు కూడా అనుకున్నంత ప్రభావం చూపలేదు. స్క్రీన్‌ప్లేపై ఇంకాస్త శ్రద్ధ పెట్టి ఉంటే బాగుండేదనిపిస్తుంది. కథనంలో వేగాన్ని తగ్గించేలా కొన్ని చోట్ల స్క్రీన్‌ప్లేలో గ్యాప్స్ ఉన్నాయి. జీవీ ప్రకాష్ కుమార్ సంగీతం కూడా సినిమాకు ప్లస్ కాలేకపోయింది. పాటలు, నేపథ్య సంగీతం యావరేజ్‌గానే ఉన్నాయి. ద్విపాత్రాభినయం చేసినా, కృపాకరణ్‌ పాత్ర కంటే లింగ పాత్రే ప్రేక్షకులను ఎక్కువగా ఆకట్టుకుంటుంది. దర్శకుడుగా విశాల్‌ సక్సెస్‌ కాలేకపోయారు. ఒక పక్కా కమర్షియల్ సినిమాకు కావాల్సిన డ్యూయల్ రోల్, ఇద్దరు హీరోయిన్లు, ఫ్యామిలీ సెంటిమెంట్, గ్యాంగ్‌స్టర్ నేపథ్యం వంటి అన్ని అంశాలను విశాల్ ఇందులో చేర్చాడు. కానీ, ఇవన్నీ కలిసినా ప్రేక్షకులకు సరైన థియేటర్ అనుభూతిని ఇవ్వడంలో ఈ సినిమా విఫలమైంది. ఇదే ఈ సినిమాకు పెద్ద మైనస్. మొదటి రోజే నెగెటివ్ టాక్ తెచ్చుకున్న 'మగుడం'(మకుటం) వసూళ్లలో భారీ దెబ్బతింది. Sacnilk రిపోర్ట్ ప్రకారం, ఈ సినిమా ఇండియాలో తొలిరోజు కేవలం రూ. 68 లక్షలు మాత్రమే వసూలు చేసింది. ఇందులో తమిళ వెర్షన్ రూ. 38 లక్షలు, తెలుగు వెర్షన్ రూ. 20 లక్షలు రాబట్టింది. కర్ణాటకలో రూ. 7 లక్షలు, కేరళలో రూ