Luxury Travel Trends India News

అభిమాన తారల ఇళ్లను చూడటమే గొప్ప అనుభూతి. అలాంటిది వారి ఇంట్లోనే బస చేసే అవకాశం వస్తే ఎలా ఉంటుంది? ఈ ఊహే అద్భుతంగా ఉంది కదూ! ఒకప్పుడు అసాధ్యంగా అనిపించిన ఈ కలను ఇప్పుడు కొందరు సెలబ్రిటీలు నిజం చేస్తున్నారు. షారుక్ ఖాన్, శ్రీదేవి, అలియా భట్ వంటి సినీ తారలతో పాటు యువరాజ్ సింగ్ వంటి క్రీడా దిగ్గజాలు తమ విలాసవంతమైన గృహాలను 'లగ్జరీ హోమ్‌స్టే'లుగా మార్చి, అభిమానులకు సరికొత్త అనుభూతిని పంచుతున్నారు.ఇది సాధారణ హోటల్ గదిలో బస చేసినట్టు కాదు. సెలబ్రిటీల అభిరుచులకు అద్దం పట్టేలా ఉండే ఈ ఇళ్లలోకి అడుగుపెట్టగానే ఒక కొత్త ప్రపంచంలోకి వెళ్లిన ఫీలింగ్ కలుగుతుంది. గోడలపై అరుదైన పెయింటింగ్స్, పురాతన ఫర్నిచర్, వారి లైబ్రరీలోని పుస్తకాలు.. ఇలా ప్రతి వస్తువూ ఆయా ప్రముఖుల జీవనశైలిని దగ్గర నుంచి పరిచయం చేస్తుంది. గోవాలోని యువరాజ్ సింగ్ 'కాసా సింగ్' విల్లా, నటుడు అర్జున్ మాథుర్ 'ట్రాంక్విల్ హెవెన్' వంటివి ఈ ట్రెండ్‌కు ఉదాహరణలుగా నిలుస్తున్నాయి.సెలబ్రిటీలు తమ వెకేషన్ హోమ్‌లను ఆదాయ వనరులుగా మార్చుకోవడం ఈ ట్రెండ్ వెనుక ఉన్న ప్రధాన కారణం. హాలిడే డెస్టినేషన్లలో కోట్లు పెట్టి కొన్న విల్లాల్లో వారు ఏడాదికి కొన్ని వారాలు మాత్రమే ఉంటారు. మిగిలిన సమయంలో వాటి నిర్వహణ ఖర్చులు తడిసి మోపెడవుతాయి. ఈ భారాన్ని తగ్గించుకుని, అదనపు ఆదాయం సంపాదించేందుకు వాటిని నమ్మకమైన అతిథులకు అద్దెకు ఇస్తున్నారు. దీంతో 'వెకేషన్ హోమ్‌' కాస్తా 'ఇన్‌కమ్ హోమ్‌'గా మారుతోంది.సెలబ్రిటీల ఇళ్లలో బస చేయాలంటే