Lover News

చైనాలో మైనర్లకు ఏఐ ప్రేమికులు, వర్చువల్ భాగస్వాములు వంటి సేవలను పూర్తిగా నిషేధిస్తూ కొత్త నిబంధనలు అమల్లోకి వచ్చాయి.జూలై 15 నుంచి అమలవుతున్న నిబంధనల ప్రకారం 18 ఏళ్లలోపు వారికి వర్చువల్ ప్రేమికులు, భాగస్వాములు, బంధువుల తరహా సన్నిహిత సేవలు అందించకూడదు. యువత కృత్రిమ మేధ చాట్‌బాట్‌లు, వీడియో గేమ్ పాత్రలతో భావోద్వేగ బంధాలు పెంచుకుంటున్న నేపథ్యంలో ఈ నియంత్రణ తీసుకొచ్చారు. దీంతో మైనర్లకు కృత్రిమ మేధ సహాయకుడిగా ఉండొచ్చు కానీ ప్రేమికుడిగా మారకూడదనే స్పష్టమైన గీతను చైనా గీసింది. చైనా సైబర్‌స్పేస్ అడ్మినిస్ట్రేషన్ సహా 5 ప్రభుత్వ విభాగాలు కలిసి ఈ నిబంధనలను 2026 ఏప్రిల్ 10న విడుదల చేశాయి. కృత్రిమ మేధ ఆధారిత మనిషి తరహా పరస్పర సేవల నిర్వహణకు సంబంధించిన తాత్కాలిక చర్యలుగా వీటిని రూపొందించారు. 14 ఏళ్లలోపు పిల్లలు ఇతర మనిషి తరహా కృత్రిమ మేధ సేవలు ఉపయోగించాలంటే తల్లిదండ్రులు లేదా సంరక్షకుల అనుమతి తప్పనిసరి చేశారు. సేవను ఉపయోగిస్తున్న వ్యక్తికి తాను నిజమైన మనిషితో మాట్లాడటం లేదని వ్యవస్థ స్పష్టంగా గుర్తుచేయాలి. నిరంతరంగా 2 గంటలు వినియోగించిన తర్వాత విరామం తీసుకోవాలని కూడా సూచించాలి. ఏఐ ప్రేమికులు వినియోగదారుల్లో భావోద్వేగ ఆధారపడటం లేదా వ్యసనం పెంచే విధంగా రూపొందించకూడదని కొత్త నిబంధనలు స్పష్టం చేస్తున్నాయి. వాస్తవ జీవితంలోని కుటుంబ, స్నేహ, సామాజిక సంబంధాలు దెబ్బతినేలా కృత్రిమ మేధ సేవలు ప్రోత్సహించకూడదు. దీంతో తీవ్రమైన భావోద్వేగ పరిస్థితులను గుర్తించి అవసరమైన సమయంలో జోక్యం చేసుకునే వ్యవస్థలను కూడా సంస్థలు ఏర్పాటు చేయాల్సి ఉంటుంది. ఇదిలా ఉండగా కస్టమర్ సేవలు, విద్య, పని సహాయక కృత్రిమ మేధ వ్యవస్థలకు ఈ ప్రత్యేక నిబంధనలు వర్తించవు. ప్రధానంగా మనిషి తరహా భావోద్వేగ అనుబంధాన్ని సృష్టించే సేవలపైనే నియంత్రణ దృష్టి పెట్టింది. కొత్త నిబంధనల నేపథ్యంలో బైట్‌డాన్స్‌కు చెందిన డౌబావో, అలీబాబా క్యూవెన్, టెన్సెంట్ యువాన్‌బావో వంటి పెద్ద వేదికలు కస్టమ్ కృత్రిమ

ప్రేమలో ఓడిపోయిన వాళ్లు మళ్లీ కలుసుకుంటే ఏం జరుగుతుంది? గొడవలు, అసౌకర్యం, ఇబ్బందికరమైన పరిస్థితులు గుర్తొస్తాయి. కానీ వియత్నాంలో మాత్రం మాజీ ప్రేమికులను కలుసుకోవడానికే ఓ ప్రత్యేక సంత జరుగుతుంది. ఏడాదికి ఒక్కరోజు జరిగే ఈ వేడుకలో ఒకప్పుడు ప్రేమించుకున్నవారు మళ్లీ కలుసుకుని కాసేపు మాట్లాడుకుంటారు. స్థానిక సంస్కృతిలో ఇదొక ప్రత్యేక సంప్రదాయంగా కొనసాగుతోంది.ఓ ప్రేమకథతో మొదలై..వియత్నాంలోని హా జియాంగ్‌ ప్రావిన్స్‌లో జరిగే ఈ వేడుకను ‘ఖావు వై లవ్‌ మార్కెట్‌’గా పిలుస్తారు. దాదాపు వందేళ్ల క్రితం జరిగిన ఓ ప్రేమకథ ఈ సంప్రదాయానికి కారణమైంది.నుంగ్‌ తెగకు చెందిన ‘బా’ అనే యువకుడు గియాయ్‌ తెగకు చెందిన ‘ఉత్‌’ అనే యువతిని ప్రేమించాడు. ఇద్దరి కుటుంబాలు, సంప్రదాయాలు వేరు కావడంతో వారి ప్రేమకు అడ్డంకులు ఎదురయ్యాయి. కుటుంబాల మధ్య గొడవలు జరగకూడదని భావించిన ఆ ప్రేమికులు ఓ నిర్ణయానికి వచ్చారు. ఏడాదికి ఒక్కసారి ఖావు వైలో కలుసుకోవాలని అనుకున్నారు. ఆ చిన్న నిర్ణయమే కాలక్రమంలో ఓ సంప్రదాయంగా మారింది.ఏడాదికి ఒక్కసారి..చంద్ర క్యాలెండర్‌ ప్రకారం మూడో నెల 27వ రోజున ఈ లవ్‌ మార్కెట్‌ జరుగుతుంది. సాధారణంగా ఏప్రిల్‌ లేదా మే నెలల్లో ఈ వేడుక ఉంటుంది. వివిధ గిరిజన వర్గాలకు చెందిన ప్రజలు ఇక్కడకు చేరుకుంటారు.ఒకప్పుడు ప్రేమించిన వ్యక్తులను కలుసుకోవడానికి మాజీ ప్రేమికులు వస్తారు. కాసేపు మాట్లాడుకుంటారు. పాత జ్ఞాపకాలను గుర్తు చేసుకుంటారు. ఆ తర్వాత ఎవరి దారిలో వారు వెళ్లిపోతారు.పాటలు.. నృత్యాలు.. పండుగ వాతావరణంఇది కేవలం మాజీ ప్రేమికుల కలయికతోనే ముగిసిపోదు. సంప్రదాయ దుస్తుల్లో ప్రజలు

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Sania Mirza Second Marriage: భారత టెన్నిస్ దిగ్గజం సానియా మీర్జా మరోసారి వివాహం చేసుకోబోతున్నారనే వార్త సోషల్ మీడియాలో విపరీతంగా ట్రెండ్ అవుతోంది. పాకిస్థాన్ క్రికెట్ షోయబ్ మాలిక్‌తో విడాకుల తర్వాత దుబాయ్‌కి చెందిన ఒక విదేశీ వ్యక్తితో ఆమె వివాహం నిశ్చయమైనట్లు సోషల్ మీడియా వేదికగా పెద్ద ఎత్తున చర్చ జరుగుతోంది. జాతీయ మీడియా కథనం ప్రకారం.. సదరు వ్యక్తి సానియా మీర్జాకు అత్యంత సన్నిహితుడని, గత కొంతకాలంగా వీరిద్దరూ ప్రేమలో ఉన్నట్లు ప్రచారం జరుగుతోంది. అతని కోసమే సానియా దుబాయ్‌లో శాశ్వతంగా స్థిరపడినట్లు తెలుస్తోంది. అయితే ఈ సీక్రెట్ లవ్‌కు ఇరు కుటుంబాల నుంచి గ్రీన్ సిగ్నల్ లభించిందని, దుబాయ్‌లోనే అతికొద్ది మంది బంధుమిత్రుల సమక్షంలో రహస్యంగా వివాహ వేడుకకు ఏర్పాట్లు జరుగుతున్నట్లు సమాచారం. వస్తున్న ఈ పెళ్లి వార్తలపై సానియా మీర్జా గానీ, ఆమె కుటుంబ సభ్యులు గానీ ఇప్పటివరకు ఎలాంటి అధికారిక ప్రకటన చేయలేదు. తొలి వివాహం, విడాకుల నేపథ్యం భారత టెన్నిస్ స్టార్ సానియా మీర్జా 2010 ఏప్రిల్‌లో పాకిస్థాన్ మాజీ క్రికెటర్ షోయబ్ మాలిక్‌ను ప్రేమ వివాహం చేసుకున్నారు. వీరికి 2018లో కుమారుడు ఇజాన్ మీర్జా మాలిక్ జన్మించాడు. అయితే వీరిద్దరూ విడిపోవడానికి బలమైన కారణాలు ఉన్నాయని అప్పట్లో వార్తలు వచ్చాయి. షోయబ్ మాలిక్ పాకిస్థాన్ నటి సనా జావేద్‌ను రెండో వివాహం చేసుకున్నట్లు ప్రకటించిన తరుణంలో, సానియా కుటుంబం వారి విడాకుల విషయాన్ని బయటపెట్టింది. షోయబ్ వివాహేతర సంబంధాల వల్లే వారు విడిపోయినట్లు ప్రచారం

ప్రస్తుతకాలంలో వివాహేతర సంబంధాలు పచ్చని కాపురాలను కూల్చుతున్నాయి. భార్యాభర్తల మధ్య చిచ్చు రేపుతున్నాయి. వివిధ కారణాలతో ఇటీవలి కాలంలో వివాహేతర సంబధాలు విపరీతంగా పెరుగుతున్నాయి. ఈ ఉచ్చులో పడి నిండు జీవితాలను నాశనం చేసుకుంటున్నారు. అలాగే వారి పిల్లల జీవితాలను కూడా నాశనం చేస్తున్నారు. తాజాగా ఓ మహిళ.. ప్రియుడి మోజులో పడి కట్టుకున్న భర్తను.. కన్న కొడుకుని చంపింది. ఈ దారుణమైన ఘటన కర్ణాటకలోని బెంగుళూరులో జరిగింది.పోలీసులుతెలిపిన వివరాల ప్రకారం.. అభినందన్, హరిణికి 2021లో పెళ్లి జరిగింది. వీరికి ఓ కొడుకు ఉన్నాడు. అయితే 2024 లో హరిణికి స్నాప్‌ చాట్ ద్వారా వినయ్ అనే వ్యక్తి పరిచయం అయ్యాడు. అది కాస్త ప్రేమగా మారడంతో.. వినయ్‌ తో హరిణి వివాహేతర సంబంధం కొనసాగించింది. అయితే ఇదే విషయంపై భార్యాభర్తలైన హరిణి, అభినందన్ మధ్య గొడవలు మొదలయ్యాయి. ఈ క్రమంలో హరిణి ఎఫైర్‌ ను బయటపెట్టేందుకు.. ఆమె కాల్ డేటా రికార్డ్ కోసం భర్త పోలీసుల్ని ఆశ్రయించాడు. ఈ నేపథ్యంలోనే తన ఎఫైర్‌ కు అడ్డుగా ఉన్న భర్తను చంపాలని వినయ్‌ తో కలిసి హరిణి ప్లాన్ వేసింది.అలా ఇటీవల ఆదివారం అర్థరాత్రి 12:30 గంటలకు.. అభినందన్ గదిలోకి వెళ్లారు వినయ్, హరిణి. అభినందన్ కాళ్లను హరిణి పట్టుకోగా.. గొంతు నులిమి వినయ్ అతడ్ని చంపేశాడు. అయితే శబ్దాలు రావడంతో.. కుమారుడు నిద్ర లేచి, ఈ ఉదంతం మొత్తం చూశాడు. దీంతో.. తమ బండారం బయటపడుతుందని, అతడ్ని కూడా చంపేశారు రాక్షసులు. ఆపై తన భర్తతో పాటు కొడుకు స్పందించడం లేదని హరిణి డ్రామాలు ఆడింది. వాళ్లు ఎలా చనిపోయారని కేసు నమోదు చేసి దర్యాప్తు చేయగా అసలు నిజం బయటపడింది. వివాహేతర సంబంధం కోసం హరిణి తన ప్రియుడు వినయ్‌ తో కలిసి చంపిందని గుర్తించారు. దాంతో హరిణితో పాటు ఆమె ప్రియుడు వినయ్‌ ను పోలీసులు అదుపులోకి తీసుకున్నారు

సాక్షి, బెంగళూరు: దుర్మార్గురాలైన ఒక భార్య చేతిలో భర్త, ఒక చిన్నారి బలైపోయిన ఘటన సంచలనం రేపుతోంది. ప్రియుడితో కలిసి భర్తను, నాలుగేళ్ల కుమారుడి దారుణంగా హత్య చేసిన ఘటన కర్ణాటకలోని ఉత్తర బెంగళూరులోని చిక్కబానావర ప్రాంతంలో చోటుచేసుకుంది ఈ ఘటన. తండ్రీ కొడుకుల మరణంపై అనుమానం పోలీసులు ఆరా తీయగా హత్య కుట్ర కోణం వెలుగులోకి వచ్చింది. పోలీసులు అందించిన సమాచారం ప్రకారం హరిణి అనే మహిళ ఈ ఘాతుకానికి పాల్పడింది. తన భర్త, కుమారుడు స్పందించడం లేదంటూ హరిణే స్వయంగా పోలీసులకు ఫోన్ చేసి సమాచారం అందించింది. అయితే ప్రేమికుడు వినయ్‌తో కలిసి భర్త అభినందన్‌ను హత్య చేసినట్లు పోలీసులు ప్రాథమిక దర్యాప్తులో గుర్తించారు. స్వల్ప విషయంలో దంపతుల మధ్య గొడవ జరగగా, హరిణి గరిటెతో అభినందన్‌పై దాడి చేసింది. ఆ తర్వాత ఎవరి గదుల్లో వాళ్లు నిద్రపోయారు. ఇదే అదనుగా భావించిన ఆమె వినయ్‌ను ఇంటికి పిలిపించి, ఇద్దరూ కలసి అభినందన్‌పై దాడి చేసి ఊపిరి ఆడకుండా చేసి చంసేశాడు. ఈ దాడి సమయంలో నిద్రలేచిన వారి కుమారుడు యదువీర్‌ను కూడా దిండుతో ఊపిరి ఆడకుండా చేసి మట్టుబెట్టారు. హరిణిని అదుపులోకి తీసుకుని విచారించగా మరిన్ని షాకింగ్‌ వివరాలు వెలుగుచూశాయి. అనుమానం రాకుండా ఉండేందుకు ఇంట్లోని రక్తం మరకలను శుభ్రం చేశారని పోలీసులు భావిస్తున్నారు. అంతేకాకుండా, వినయ్ ఇంటికి వచ్చిన సమయంలో సీసీటీవీ కెమెరాలను ఆపివేసి ఉంటారని కూడా పోలీసులు అనుమానిస్తున్నారు. ఇదీ చదవండి: ‘‘మా శవాలను తీసుకెళ్లండి’’ : భార్యాబిడ్డల్ని హతమార్చి, నావికుడు సూసైడ్‌ కేసు నమోదు చేసిదర్యాప్తు చేస్తున్న పోలీసులు పరారీలో ఉన్న ప్రియుడు వినయ్ కోసం కనకపుర సమీపంలోని హీరోహళ్లి ప్రాంతాల్లో గాలిస్తున్నారు. మృతదేహాలకు పోస్టుమార్టం నిర్వహించిన అనంతరం స్వగ్రామానికి తరలించారు. వినయ్‌ ఆచూకీ లభ్యమైన తరువాత అతని విచారించిన తర్వాత మరిన్ని వివరాలు వెల్లడయ్యే అవకాశం ఉందని పోలీసులు భావిస్తున్నారు. ఇదీ చదవండి: 14

2K Lovers : ఎంబి ప్రొడక్షన్ హౌస్ బ్యానర్ పై బిచ్చు నాయక్ నిర్మాణంలో రాజేష్ నాయుడు దర్శకత్వలో తెరకెక్కుతున్న సినిమా ‘2కె లవర్స్’. సోల్ అఫ్ లవ్ అనేది ట్యాగ్ లైన్. మోహిత్ పెడాడ, శృతి శంకర్, సాయి కుమార్, తనికెళ్ల భరణి, ప్రణీత్ రెడ్డి, సప్తగిరి, రచ్చ రవి, మొట్టా రాజేంద్రన్, రమ్య పొందూరి, సూర్య, శివన్నారాయణ, ఆమని.. పలువురు ఈ సినిమాలో కీలక పాత్రల్లో నటిస్తున్నారు. నేడు ఈ సినిమా ఓపెనింగ్ పూజా కార్యక్రమాలు నిర్వహించగా మెలోడీ బ్రహ్మ మణిశర్మ, తనికెళ్ల భరణి, వీఎన్ ఆదిత్య గెస్టులుగా హాజరయ్యారు. ముహూర్తపు సన్నివేశానికి దర్శకుడు వీఎన్ ఆదిత్య క్లాప్ కొట్టగా, మణిశర్మ గౌరవ దర్శకత్వం వహించారు. తనికెళ్ల భరణి స్క్రిప్ట్ అందజేశారు. Also See : Vangalapudi Anitha : బ్రహ్మానందంను కలిసిన ఏపీ హోంమంత్రి వంగలపూడి అనిత.. ఫొటోలు.. అనంతరం దర్శకుడు రాజేష్ నాయుడు మీడియాతో మాట్లాడుతూ.. తెలంగాణ నేపథ్యంలో సాగే అందమైన ప్రేమ కథ ఇది. ఆద్యంతం వినోదభరితంగా ఈ సినిమా ఉంటుంది అని తెలిపారు. నిర్మాత బిచ్చు నాయక్ మాట్లాడుతూ.. రసూల్ ఈ సినిమాకు మంచి కథను అందించారు. తెలంగాణ యాసలో ఇది వరకు చూడని ప్రేమ కథ, ఫ్యామిలీ ఎమోషన్స్‌తో ఈ సినిమా ఉండబోతోంది అని తెలిపారు. రచయిత రసూల్ మాట్లాడుతూ.. మేం తీయబోతోన్న ఈ ప్రేమ కథను అందరూ ఆదరిస్తారు. ఇందులోని కథ అందరినీ వెంటాడుతుంది. మా సినిమాలో ప్రేమ, రోదన, ఆవేదన, బంధాలు, అనుబంధాలు, హాస్యం.. అన్ని ఎమోషన్స్ ఉంటాయి అని అన్నారు. హీరో మోహిత్ మాట్లాడుతూ.. ఇదొక కొత్త ప్రేమ కథ. రెగ్యులర్ సినిమాల్లా మాత్రం ఉండదు అని అన్నారు

మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. KFC Chicken: KFC చికెన్ అంటే ఇష్టపడే ఫుడ్ లవర్స్ కు షాకిచ్చే ఘటన కర్నాటకలో వెలుగుచూసింది. ఆన్ లైన్ లో ఆర్డర్ చేసిన పెరిపెరి చికెన్ లో దుర్వాసన రావడంతో ఓ వినియోగదారుడు ఫుడ్ సేఫ్టీ అధికారులకు ఫిర్యాదు చేశాడు. సాధారణంగా వేడి వేడి చికెన్ వస్తుందని ఆశించిన కస్టమర్ కు క్వాలిటీ లేని ఆహారం అందడం ఆందోళనకు కారణం అయ్యింది. ఫిర్యాదు అందుకున్న ఫుడ్ సేఫ్టీ అధికారులు KFC ఔట్ లెట్స్ లో తనిఖీలు నిర్వహించారు. ఈ తనిఖీల్లో ఏప్రిల్ నెలలో ప్యాక్ చేసినట్లు ఉన్న చికెన్ లభ్యమైంది. ఏప్రిల్ నాటి చికెన్ ను ఫ్రెష్ గా తయారు చేసి వినియోగదారులకు అందించినట్లు తనిఖీల్లో బయటపడింది. దీంతో అధికారులు సదరు కేఎఫ్‌సీ యాజమాన్యానికి నోటీసు జారీ చేశారు. స్వాధీనం చేసుకున్న చికెన్ నమూనాలను పరీక్షల కోసం ల్యాబ్‌కు పంపినట్లు, ల్యాబ్ నివేదిక ఆధారంగా తదుపరి చర్యలు తీసుకుంటామని వారు తెలిపారు. అయితే, తుది పరీక్ష ఫలితాలు వచ్చేవరకు, ఆహారం నిజంగా పాడైపోయిందా లేదా నాణ్యతా ప్రమాణాలను ఏ మేరకు ఉల్లంఘించారో అధికారికంగా నిర్ధారించలేమని వారు పేర్కొన్నారు. మంగళూరులో కేఎఫ్‌సీకి అనేక అవుట్‌లెట్లు ఉన్నాయి. ఆన్‌లైన్ డెలివరీ ద్వారా కూడా చికెన్ ఉత్పత్తులను అందిస్తుంది. ఆహారాన్ని సరైన ఉష్ణోగ్రత వద్ద నిల్వ చేయడం, ప్యాకేజింగ్ తేదీలు, గడువు తేదీలు.. పరిశుభ్రతా ప్రమాణాలను ఖచ్చితంగా పాటించడం ఆవశ్యకతను ఈ సంఘటన మరోసారి నొక్కి చెప్పింది. ల్యాబ్ నివేదిక అందిన తర్వాత అధికారులు ఎలాంటి చర్యలు తీసుకుంటారో అనేది ఆసక్తికరంగా మారింది. ఇది వినియోగదారుల ఆరోగ్యానికి సంబంధించిన విషయం కాబట్టి, ఈ విషయంపై అధికారుల తుది