Latest Telugu News News

డేటింగ్ యాప్ ఓ యువకుడి కొంపముంచింది. యాప్‌లో అమ్మాయి ఫొటో చూసి డేటింగ్ మొదలెట్టిన ఆ యువకుడు స్కామ్‌కు గురయ్యాడు. నేరగాళ్లు తెలివిగా అతడి వద్ద నుంచి వేల రూపాయలు దోచేశారు. ఇంటర్‌నెట్ డెస్క్: డేటింగ్ యాప్ ఓ యువకుడి కొంపముంచింది. యాప్‌లో అమ్మాయి ఫొటో చూసి డేటింగ్ మొదలెట్టిన ఆ యువకుడు స్కామ్‌కు గురయ్యాడు. నేరగాళ్లు తెలివిగా అతడి వద్ద నుంచి వేల రూపాయలు దోచేశారు. ఈ సంఘటన బెంగళూరులో ఆలస్యంగా వెలుగు చూసింది. బాధిత యువకుడు రెడ్డిట్‌లో తనకు జరిగిన మోసంపై ఓ పోస్టు పెట్టాడు. ఆ పోస్టులో ఏం జరిగిందో వివరించాడు. ‘డేటింగ్ యాప్ ద్వారా షెల్లీ అనే అమ్మాయితో డేటింగ్ మొదలెట్టాను. కొన్ని రోజుల పాటు ఫోన్‌లో మాట్లాడుకున్నాము. ఆఫీస్ వర్క్ కారణంగా ఆమెను నేరుగా కలవలేకపోయాను. కానీ, తరచుగా ఫోన్‌లో మాట్లాడుకునే వాళ్లం. ఆఫీస్ వర్క్‌ నుంచి విరామం దొరకటంతో ఆమెను కలవాలని అనుకున్నాను. ఆమెకు ఫోన్ చేసి కలుద్దామన్నాను. ‘నేను ఓ సిగరెట్ ప్యాకెట్ ఆర్డర్ పెట్టాను. దాన్ని నువ్వు డెలివరీ తీసుకో’ అని ఆమె చెప్పింది. రాన్ అనే వ్యక్తి ఫోన్ నంబర్ ఇచ్చింది. అతడికి ఆన్‌‌లైన్‌లో డబ్బులు పంపిస్తే.. తాను స్వయంగా వచ్చి డబ్బులు ఇస్తానని ఆమె చెప్పింది. నాకు కొంచెం విచిత్రంగా అనిపింది’.. ‘మా అమ్మ బిజినెస్ చేస్తోంది. మా దగ్గర ఆన్‌లైన్ క్యాష్ కంటే నగదు ఎక్కువగా ఉంది’ అని చెప్పింది. నేను ఆమె మాటలు నమ్మక తప్పలేదు. ఆమె ఇచ్చిన నంబర్‌ను సంప్రదించాను. ఆన్‌లైన్ ద్వారా అతడికి కొంత డబ్బులు పంపాను. తర్వాతి నుంచి ఇద్దరూ నా నంబర్ బ్లాక్ చేశారు. నన్ను మోసం చేయడానికి చాలా పక్కాగా ప్లాన్ వేశారు. ఎంతో జాగ్రత్తగా వాళ్లు మనుషుల్ని ఫూల్స్ చేసి, డబ్బులు దోచేస్తున్నారు’ అంటూ ఆవేదన వ్యక్తం చేశాడు. బాబర్ ఆజమ్‌కు జ్వరం.. పాక్ జట్టులో మరింత గందరగోళం!

వరదల కారణంగా నేపాల్ సర్వం కోల్పోయింది. భారీ స్థాయిలో ప్రాణ, ఆస్తి నష్టం సంభవించింది. వేలకొద్దీ గృహాలు వరదలో కొట్టుకుపోయాయి. మరికొన్ని బురదలో కూరుకుపోయాయి. ఇంటర్‌నెట్ డెస్క్: వరదల కారణంగా నేపాల్ సర్వం కోల్పోయింది. భారీ స్థాయిలో ప్రాణ, ఆస్తి నష్టం సంభవించింది. వేలకొద్దీ గృహాలు వరదలో కొట్టుకుపోయాయి. మరికొన్ని బురదలో కూరుకుపోయాయి. జనం తమ ఇళ్ల శిథిలాల వద్దకు చేరుకుని కన్నీరుమున్నీరుగా విలపిస్తున్నారు. మరో వైపు పెంపుడు కుక్కలు తమ యజమానుల కోసం ఇళ్ల శిథిలాల దగ్గర పడిగాపులు కాస్తున్నాయి. శునకాల ఎదురుచూపులకు సంబంధించిన వీడియోలు సోషల్ మీడియాలో వైరల్‌గా మారాయి. ఓ వీడియోలో.. ధుంగే ప్రాంతంలో లిల్లీ అనే కుక్క యజమానుల కోసం ఇంటి శిథిలాల దగ్గర ఎదురుచూస్తోంది. అది అక్కడినుంచి పక్కకు వెళ్లడంలేదు. తనకు తెలిసిన వాళ్లు ఎవరైనా కనిపించకపోతారా? అని ఎంతో ఆశతో ఎదురుచూస్తోంది. అయితే, దానికి తిండి పెట్టిన యజమానితో పాటు ఆ ప్రాంతంలోని చాలా మంది వరదల్లో గల్లంతయ్యారు. వారి ఆచూకీ ఇంకా లభించలేదు. మరో వీడియోలో.. వరద కారణంగా ధ్వంసం అయిన బిల్డింగ్‌లోకి చేరి యజమానుల కోసం ఓ కుక్క ఎదురుచూస్తోంది. ఇంకో వీడియోలో.. నాలుగు రోజుల క్రితం కనిపించకుండా పోయిన ఓ కుక్క తన యజమానిని చేరుకుంది. కుక్కతో పాటు యజమాని కూడా ఎంతో సంతోషించింది. శునకాలకు సంబంధించిన పదుల సంఖ్యలో వీడియోలు నెటిజన్లను కంటతడి పెట్టిస్తున్నాయి. ‘ఆపరేషన్‌ సిందూర్‌’లో అదరగొట్టిన ఎస్‌-400కు మరో ఆర్డర్‌! ఇంజిన్‌లో సాంకేతిక లోపం.. గోవాలో ఇండిగో విమానం ఎమర్జెన్సీ ల్యాండింగ్

మదరసా విస్తరణ కోసం 100 ఏళ్ల నాటి హిందూ దేవాలయాన్ని కూల్చేసిన ఘటన పాకిస్థాన్‌లోని పంజాబ్ ప్రావిన్స్‌లో చోటుచేసుకుంది. ఇంటర్‌నెట్ డెస్క్: మదరసా విస్తరణ కోసం 100 ఏళ్ల నాటి హిందూ దేవాలయాన్ని కూల్చేసిన ఘటన పాకిస్థాన్‌లోని పంజాబ్ ప్రావిన్స్‌లో చోటుచేసుకుంది. న్యూస్ ఏజెన్సీ పీటీఐ రిపోర్టు ప్రకారం.. లాహోర్‌కు దాదాపు 130 కిలోమీటర్ల దూరంలో ఉన్న నరోవాల్ జిల్లాలోని 'సిరాజ్' అనే గ్రామంలో 100 ఏళ్లనాటి ఓ ఆలయం ఉంది. ఆ ఆలయం సుమారు 1,000 చదరపు మీటర్ల విస్తీర్ణంలో ఉంది. ఆలయం పక్కనే మదరసా ఉంది. నిషేధిత తీవ్రవాద ఇస్లామిక్ పార్టీ 'తెహ్రీక్-ఇ-లబ్బైక్ పాకిస్తాన్'కి చెందిన కొందరు వ్యక్తులు మదరసాను విస్తరించటం కోసం ఆగస్టు 21వ తేదీన ఆలయాన్ని కూల్చివేశారు. ఆలయ శిఖరానికి సంబంధించిన మెటల్ ఫిట్టింగులను, ఇటుకలను అక్కడి నుంచి తరలించారు. హక్కుల కార్యకర్తలు ఈ సంఘటనపై వెంటనే దర్యాప్తు చేయించాలని ప్రభుత్వాన్ని కోరారు. కూలగొట్టిన చోటే ఆలయాన్ని పునర్నిర్మించాలని స్థానిక నాయకులు, మైనారిటీ సంఘాలు ప్రభుత్వానికి విజ్ఞప్తి చేశాయి. ఈ సంఘటనపై ప్రభుత్వ వాదనలు భిన్నంగా ఉన్నాయి. 100 నుంచి 125 ఏళ్ల చరిత్ర కలిగిన ఆ గుడి భారీ వర్షాల కారణంగా కూలిపోయిందని ప్రభుత్వం అంటోంది. ఎవాక్యూ ట్రస్ట్ ప్రాపర్టీ బోర్డ్ అధికారి మీడియాతో మాట్లాడుతూ.. ‘ప్రభుత్వ రికార్డుల్లో గుడికి పేరు లేదు. అది చాలా పురాతనమైన గుడి. 100 నుంచి 125 సంవత్సరాల పాతది. భారీ వర్షాల కారణంగా గుడి కూలిపోయింది. ఆ భూమిని ఎవ్వరికీ లీజుకు ఇవ్వలేదు. గుడిని పునర్నిర్మించే బాధ్యత మా అధికారులు తీసుకుంటారు’ అని తెలిపారు. ఎన్ని అడ్డంకులు వచ్చినా స్థానిక ఎన్నికలు జరగడం ఖాయం: మంత్రి నారాయణ

జపాన్‌లో ఓ వింత సంఘటన చోటుచేసుకుంది. 15 రోజుల అనుమతితో జపాన్‌కు వచ్చిన ఓ వ్యక్తి ఏకంగా 33 సంవత్సరాల పాటు అక్కడే అక్రమంగా ఉండిపోయాడు. 33 ఏళ్ల తర్వాత అతడికి ఊహించని షాక్ తగిలింది. ఇంటర్‌నెట్ డెస్క్: జపాన్‌లో ఓ వింత సంఘటన చోటుచేసుకుంది. 15 రోజుల అనుమతితో జపాన్‌కు వచ్చిన ఓ వ్యక్తి ఏకంగా 33 సంవత్సరాల పాటు అక్కడే అక్రమంగా ఉండిపోయాడు. 33 ఏళ్ల తర్వాత అతడికి ఊహించని షాక్ తగిలింది. తాజాగా, పోలీసులకు చిక్కి జైలు పాలయ్యాడు. పూర్తి వివరాల్లోకి వెళితే.. దక్షిణ కొరియాకు చెందిన మున్ జోంగ్-గి అనే వ్యక్తి 1993 సెప్టెంబర్ నెలలో తన తమ్ముడి పాస్‌పోర్ట్‌ను ఉపయోగించి జపాన్‌లోకి ప్రవేశించాడు. కొరియా కంటే జపాన్‌లో మంచి వేతనాలు లభిస్తాయనే ఉద్దేశంతో మున్ జోంగ్ ఈ అక్రమ మార్గాన్ని ఎంచుకున్నాడు. అతడికి లభించిన టూరిస్ట్ వీసా గడువు కేవలం 15 రోజులు మాత్రమే. కానీ, ఆ గడువు ముగిసిన తర్వాత కూడా మున్ జోంగ్ స్వదేశానికి తిరిగి వెళ్లకుండా జపాన్‌లోనే ఉండిపోయాడు. గడిచిన 33 ఏళ్లుగా మున్ జోంగ్ జపాన్‌లోని షిజుయోకా ప్రిఫెక్చర్‌ పరిధిలోని యైజు నగరంలో నివసిస్తున్నాడు. ఎవరికీ అనుమానం రాకుండా ఉండేందుకు చిన్నచిన్న దినసరి కూలీ పనులు, తాత్కాలిక పనులు చేసుకుంటూ తన జీవనాన్ని సాగించాడు. ఈ ఏడాది జూన్‌ నెలలో ఓ గుర్తుతెలియని వ్యక్తి ద్వారా జపాన్‌లో అక్రమంగా నివసిస్తున్న మున్ జోంగ్ గురించి పోలీసులకు తెలిసింది. రంగంలోకి దిగిన షిజుయోకా ప్రిఫెక్చరల్ పోలీసులు ముమ్మర దర్యాప్తు చేపట్టారు. ఆగస్టు 26వ తేదీన మున్ జోంగ్-గిని అరెస్ట్ చేశారు. అతడిని విచారించగా నేరం అంగీకరించాడు. 33 ఏళ్ల పాటు ఎవరికీ దొరకకుండా అతను ఎలా తప్పించుకున్నాడనే కోణంలో పోలీసులు ప్రస్తుతం విచారణ జరుపుతున్నారు. మున్ జోంగ్ వయసు 72 సంవత్సరాలు. అతడిని దక్షిణ కొరియాకు డిపోర్ట్ (దేశ బహిష్కరణ) చేస్తారా లేదా

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది. లక్ష్మీ నారాయణ రాజయోగం 2026: జ్యోతిష్య శాస్త్రంలో గ్రహాలు నిరంతరం ఒక రాశి నుంచి మరొక రాశిలో సంచరిస్తూ ఉంటాయి. దీని వలన కొన్ని యోగాలు ఏర్పడుతుంటాయి. జ్యోతిష్య శాస్త్రం ప్రకారం, ముఖ్యంగా మేధస్సు, వ్యాపారం, సంభాషణలకు కారకుడిగా పరిగణించబడే బుధుడు, సంపద, అందం మరియు ఆనందానికి ప్రతీక అయిన శుక్రుడు ఒకే రాశిలో కలిసినప్పుడు లక్ష్మీ నారాయణ రాజయోగం ఏర్పడుతుంది. ఈ యోగం ఆర్థికంగా పురోగతి, చేసే వృత్తిలో ఉన్నత అవకాశాలు.. వ్యక్తిగత జీవితంలో మంచి అభివృద్ధికి దారితీస్తుందని జ్యోతిష్య పండితులు చెబుతున్న మాట. జ్యోతిష్య శాస్త్రం ఆధారంగా చేసిన అంచనాల ప్రకారం, సెప్టెంబర్ 2026లో ఏర్పడనున్న ఈ రాజయోగం ప్రభావం కొన్ని రాశులపై అనుకూలంగా ఉండబోతుంది. లక్ష్మీ నారాయణ రాజయోగం సమయంలో ఉద్యోగంలో ఉన్నవారికి కొత్త బాధ్యతలు లేదా అవకాశాలు లభించే అవకాశాలు పుష్కలంగా ఉంటాయి. వ్యాపారవేత్తలకు కొత్త కాంట్రాక్టులు లభిస్తాయి. క్లయింట్లు లేదా విస్తరణ అవకాశాలు లభించవచ్చు. ఆర్థిక పరంగా కొత్త ఆదాయ మార్గాలు ఏర్పడతాయి. కొత్తగా ఆలోచించే అవకాశం లభించవచ్చు. కానీ ఇవి జ్యోతిష్య నమ్మకాలపై ఆధారపడిన సాధారణ ఫలితాలు. ప్రతి వ్యక్తి యొక్క వ్యక్తిగత జాతకం, గ్రహ స్థానాలు మరియు దశ-భుక్తి ఆధారంగా ఫలితాలు మారవచ్చు. కన్య రాశి.. కన్య రాశి వారు తమ సామర్థ్యాన్ని ప్రదర్శించడానికి ఇది సహాయకారిగా పనిచేస్తుంది. జ్యోతిష్య శాస్త్రం ప్రకారం, ఉద్యోగంలో ఉన్నవారికి పదోన్నతితో పాటు జీతం పెంపుదల ఉండనుంది. కొత్త పదవి వంటి

Burning Topic: సెంట్రల్ ఏషియాతో భారత్ భారీ ఒప్పందాలు! ఈ వార్తకు సంబంధించిన

వందేమాతరం' గౌరవ ప్రతిష్ఠలను కాపాడటం కోసం ప్రవేశపెట్టిన కీలక తీర్మానానికి భారతీయ జనతా పార్టీ అమోదం తెలిపింది. ఇంటర్‌నెట్ డెస్క్: 'వందేమాతరం' గౌరవ ప్రతిష్ఠలను కాపాడటం కోసం ప్రవేశపెట్టిన కీలక తీర్మానానికి భారతీయ జనతా పార్టీ అమోదం తెలిపింది. శనివారం జరిగిన బీజేపీ నూతన జాతీయ పదాధికారుల సమావేశంలో 10 పాయింట్ల‌తో ఈ తీర్మానాన్ని బీజేపీ ఆమోదించింది. కాంగ్రెస్ సీడబ్ల్యూసీ నిర్ణయాన్ని బీజేపీ తీవ్రంగా ఖండించింది. వందేమాతరం గేయంలోని తొలి 2 చరణాలను మాత్రమే పాడాలన్న కాంగ్రెస్ పార్టీ నిర్ణయంపై బీజేపీ అభ్యంతరం వ్యక్తం చేసింది. పూర్తి 6 చరణాలను పాడి, వందేమాతరం గౌరవాన్ని కాపాడుతామని స్పష్టం చేసింది. 2026 పార్లమెంట్ చట్టాన్ని బీజేపీ సమర్థించింది. ఓటు బ్యాంకు రాజకీయాలకు 'వందేమాతరం' బలికాదని తేల్చి చెప్పింది. 'వందేమాతరం' గౌరవ ప్రతిష్ఠలను కాపాడతామని బీజేపీ ప్రతిజ్ఞ చేసింది. దేశవ్యాప్తంగా 'వందేమాతరం' ప్రచార యాత్రకు శ్రీకారం చుట్టింది. వైసీపీపై మంత్రి నారా లోకేశ్ ఫైర్.. టీడీపీ కేడర్‌కు కీలక సూచనలు గృహ హింస, వరకట్న వేధింపుల కేసులో జోగి రమేశ్ కుటుంబానికి ఊరట

మహారాష్ట్రలోని నాగ్‌పూర్‌లో నిబంధనలకు విరుద్ధంగా పెంచుతున్న నిషేధిత థాయ్ మాగుర్ జాతి చేపలను మత్స్యశాఖ అధికారులు భారీ మొత్తంలో స్వాధీనం చేసుకున్నారు. 36 టన్నులకు పైగా చేపలను ధ్వంసం చేశారు. ఇంటర్‌నెట్ డెస్క్: మహారాష్ట్రలోని నాగ్‌పూర్‌లో నిబంధనలకు విరుద్ధంగా పెంచుతున్న నిషేధిత థాయ్ మాగుర్ జాతి చేపలను మత్స్యశాఖ అధికారులు భారీ మొత్తంలో స్వాధీనం చేసుకున్నారు. జిల్లాలోని 11 చెరువుల నుంచి స్వాధీనం చేసుకున్న 36 టన్నులకు పైగా చేపలను ధ్వంసం చేశారు. ఆఫ్రికన్ క్యాట్‌ఫిష్‌ (థాయ్‌ మాగూర్) పర్యావరణానికి, జలచరాల సమతుల్యతకు, ప్రజల ఆరోగ్యానికి హానికరమనే కారణంతో నేషనల్ గ్రీన్ ట్రైబ్యునల్ (NGT) వీటి సాగును పూర్తిగా నిషేధించింది. అయినప్పటికి కొంతమంది అక్రమంగా వీటిని సాగుచేస్తున్నారు. మర్షివ్నీ తాలూకాలోని చిచోలీ - మహాదులా ఏరియాలో పలు చెరువుల్లో నిషేధిత థాయ్ మాగూర్ చేపలను పెంచుతున్నారని మత్స్యశాఖ అధికారులకు సమాచారం అందింది. 25 మంది స్థానిక మత్స్యకారులతో కలిసి అధికారులు రైయిడ్స్ నిర్వహించారు. 11 చెరువులలో 36 టన్నుల థాయ్ మాగూర్ చేపలను అధికారులు స్వాధీనం చేసుకున్నారు. స్వాధీనం చేసుకున్న చేపలను ట్రాక్టర్లలో అక్కడి నుంచి దూరంగా తరలించారు. ఓ పెద్ద గొయ్యి తవ్వి వాటిని పూడ్చేశారు. ఈ సంఘటనకు సంబంధించిన వీడియోలు సోషల్ మీడియాలో వైరల్‌గా మారాయి. పాప్‌కార్న్‌ను జంక్‌ఫుడ్ అనుకుంటున్నారా? ఈ ఆరోగ్య ప్రయోజనాలు తెలుసుకోండి బాడీ బిల్డింగ్ పేరిట ఇంజెక్షన్ల అక్రమ దందా.. నలుగురి అరెస్ట్

హత్యకేసులో జీవిత ఖైదు శిక్ష పడిన 105 ఏళ్ల వృద్ధుడికి సుప్రీంకోర్టులో భారీ ఊరట లభించింది. మిగిలిన శిక్షా కాలాన్ని రద్దు చేస్తూ శుక్రవారం సుప్రీంకోర్టు కీలక తీర్పును వెలువరించింది. ఇంటర్‌నెట్ డెస్క్: హత్యకేసులో జీవిత ఖైదు శిక్ష పడిన 105 ఏళ్ల వృద్ధుడికి సుప్రీంకోర్టులో భారీ ఊరట లభించింది. మిగిలిన శిక్షా కాలాన్ని రద్దు చేస్తూ శుక్రవారం సుప్రీంకోర్టు కీలక తీర్పును వెలువరించింది. ఆ వివరాల్లోకి వెళితే.. పశ్చిమ బెంగాల్‌లోని మల్ద జిల్లాకు చెందిన రసిక్ చంద్ర మొండల్ 1920లో జన్మించారు. 1988లో మర్డర్ కేసులో ఆయన జైలు పాలయ్యారు. 1994లో కోర్టు అతడిని దోషిగా తేల్చి జీవిత ఖైదు విధించింది. తనకు పడ్డ శిక్షను సవాల్ చేస్తూ మొండల్ 2018లో కోల్‌కతా హైకోర్టులో పిటిషన్ వేశారు. హైకోర్టు ఆయన పిటిషన్‌ను కొట్టేసింది. తర్వాత అపెక్స్ కోర్టుకు వెళ్లగా.. అక్కడ కూడా మొండల్‌కు నిరాశే ఎదురైంది. దీంతో మొండల్ సుప్రీంకోర్టును ఆశ్రయించారు. వయసును దృష్టిలో ఉంచుకుని శిక్షా కాలం ముగియటానికంటే ముందే తనను రిలీజ్ చేయాలంటూ ఆయన పిటిషన్ వేశారు. ఈ పిటిషన్‌పై విచారణ జరిపిన సుప్రీంకోర్టు 2024 నవంబర్ 29వ తేదీన మొండల్‌కు మధ్యంతర బెయిల్ మంజూర్ చేసింది. శుక్రవారం మరోసారి సుప్రీంకోర్టు‌లో మొండల్ పిటిషన్‌పై విచారణ జరిగింది. చీఫ్ జస్టిస్ సూర్యకాంత్, జస్టిస్ జోయ్‌మాల్య బాగ్చీ, జస్టిస్ వీ మోహనలతో కూడిన త్రిసభ్య ధర్మాసనం పిటిషన్‌పై విచారణ జరిపింది. పిటిషనర్ వయసును దృష్టిలో ఉంచుకుని కేసును ముగిస్తున్నట్లు ధర్మాసనం స్పష్టం చేసింది. మిగిలిన శిక్షాకాలాన్ని కూడా రద్దు చేస్తున్నట్లు ప్రకటించింది. సుప్రీంకోర్టు తీర్పుతో 105 ఏళ్ల వయసులో రసిక్ చంద్ర మొండల్ జీవిత ఖైదు నుంచి విముక్తి పొందారు. కపుల్ ట్రిప్ ప్లాన్ చేస్తున్నారా..? ఈ టిప్స్‌తో గొడవలకు చెక్ పెట్టండి! సీఎం రేవంత్ యూఎస్ పర్యటనకు నో క్లియరెన్స్.. స్పందించిన కేంద్రం

ఫోక్సో కేసులో నిందితుడిని వేధించి చిత్రహింసలకు గురిచేశారన్న ఆరోపణల నేపథ్యంలో రాయదుర్గం పోలీసులకు రాజేంద్రనగర్ కోర్టు నోటీసులు జారీ చేసింది. ఇంటర్‌నెట్ డెస్క్: పోక్సో కేసులో నిందితుడిని వేధించి చిత్రహింసలకు గురిచేశారన్న ఆరోపణల నేపథ్యంలో రాయదుర్గం పోలీసులకు రాజేంద్రనగర్ కోర్టు నోటీసులు జారీ చేసింది. రిమాండ్ సమయంలో నిందితుడి ఒంటిపై గాయాలను న్యాయవాది కోర్టుకు చూపించారు. దీంతో రాజేంద్రనగర్ కోర్టు తక్షణమే నిందితుడిని విడుదల చేయాలని పోలీసులను ఆదేశించింది. నిందితుడిని వేధింపులకు గురిచేసిన అంశంపై షోకాజ్ నోటీసులు జారీచేసింది. మూడు రోజుల్లో వివరణ ఇవ్వాలని రాయదుర్గం పోలీసులను కోర్టు ఆదేశించింది. నిందితుడి రిమాండ్ రిజెక్ట్ చేస్తూ బెయిల్ మంజూరు చేసింది. కొండా సుస్మిత వ్యాఖ్యలను తీవ్రంగా ఖండిస్తున్నా: మల్లు రవి ఖర్గే అధ్యక్షతన ప్రారంభమైన సీడబ్ల్యూసీ సమావేశం.. హాజరైన అగ్రనేతలు

తెలంగాణలో సినిమా టికెట్‌ రేట్లపై ప్రభుత్వం కీలక జీవో జారీ చేసింది. కొత్తగా స్పెషల్‌ థియేటర్స్‌ కేటగిరీని తెలంగాణ ప్రభుత్వం ఏర్పాటు చేసింది. ఉదయం 8 నుంచి రాత్రి ఒంటిగంట వరకు 5 షోలకు అనుమతి ఇచ్చింది. ఇంటర్‌నెట్ డెస్క్: తెలంగాణలో సినిమా టికెట్‌ రేట్లపై ప్రభుత్వం కీలక జీవో జారీ చేసింది. కొత్తగా స్పెషల్‌ థియేటర్స్‌ కేటగిరీని తెలంగాణ ప్రభుత్వం ఏర్పాటు చేసింది. 7.1 సౌండ్‌, 2K/4K స్క్రీన్లకు స్పెషల్‌ కేటగిరీ వర్తించనుంది. ప్రతి థియేటర్‌లో 25 శాతం నాన్‌-ప్రీమియం సీట్లు ఉండాలని ప్రభుత్వం ఆదేశించింది. ఉదయం 8 నుంచి రాత్రి ఒంటిగంట వరకు 5 షోలకు అనుమతి ఇచ్చింది. చిన్న సినిమాలకు ప్రతి రోజు ఒక షో తప్పనిసరిగా ఉండాలని స్పష్టం చేసింది. రూ.100 కోట్లు పైబడిన సినిమాలకు ప్రభుత్వం సూపర్‌ హైబడ్జెట్‌ హోదా కల్పించింది. తొలి 10 రోజులు టికెట్‌ ధరలు పెంచుకునే అవకాశం కల్పించింది. టికెట్ ధరల పెంపు ద్వారా వచ్చిన ఆదాయంలో కొంత శాతాన్ని కార్మికుల సంక్షేమ నిధికి విరాళంగా ఇవ్వాలని షరతు పెట్టింది. కార్మికుల సంక్షేమ నిధికి రూ.కోటి వరకు విరాళం తప్పనిసరి చేసింది. కొండా సుస్మిత వ్యాఖ్యలను తీవ్రంగా ఖండిస్తున్నాం: మల్లు రవి రాయదుర్గం పోలీసులకు.. రాజేంద్రనగర్ కోర్టు నోటీసులు

ముఖ్యమంత్రి జోసెఫ్ విజయ్ తమిళనాడు అసెంబ్లీలో సంచలన వ్యాఖ్యలు చేశారు. గత డీఎంకే ప్రభుత్వంలో మూడు శాఖల్లో జరిగిన అవినీతికి సంబంధించిన వివరాలు తన దగ్గర ఉన్నాయన్నారు. చెన్నై, ఆగస్టు 19: ముఖ్యమంత్రి జోసెఫ్ విజయ్ తమిళనాడు అసెంబ్లీలో సంచలన వ్యాఖ్యలు చేశారు. గత డీఎంకే ప్రభుత్వంలో మూడు శాఖల్లో జరిగిన అవినీతికి సంబంధించిన వివరాలు తన దగ్గర ఉన్నాయన్నారు. డీఎంకే నేతల అవినీతికి సంబంధించిన రెండు ఫైల్స్ తన టేబుల్‌పైనే ఉన్నాయని.. సమయం వచ్చినప్పుడు ఆ ఫైల్స్ తెరుస్తానని స్పష్టం చేశారు. తనను బలవంతం చేసి.. ఆ ఫైల్స్ ఇప్పుడే తెరిచేలా చేయొద్దని డీఎంకే నేతలకు వార్నింగ్ ఇచ్చారు. డీఎంకే ప్రభుత్వ హయాంలో రోడ్ల నిర్మాణ పనుల్లో చోటుచేసుకున్న అవకతవకలపై బుధవారం తమిళనాడు అసెంబ్లీలో చర్చ జరిగింది. చర్చ సందర్భంగా అధికార టీవీకే, ప్రతిపక్ష డీఎంకే సభ్యుల మధ్య వాగ్వివాదం చోటుచేసుకుంది. ఈ నేపథ్యంలోనే ముఖ్యమంత్రి విజయ్ డీఎంకే పార్టీ సభ్యులపై ఆగ్రహం వ్యక్తం చేశారు. అసెంబ్లీలో ఆయన మాట్లాడుతూ.. ‘ప్రజలకు ఎప్పుడు.. ఏం చెప్పాలో నాకు తెలుసు. అందుకే ప్రజలు మాపై నమ్మకంతో ఈ స్థానంలో కూర్చోబెట్టారు. ఉప ఎన్నికల సమయంలో నేను మాట్లాడతాను. ప్రజలకు కొంత మంచి జరగనివ్వండి’ అని అన్నారు. ‘టికెట్ ఇవ్వకపోతే ఇండిపెండెంట్‌గా పోటీ చేస్తా’.. సుష్మితా పటేల్ సంచలన ప్రకటన డయాబెటిస్‌ ఉన్నవారు డ్రైవింగ్‌ చేయడం ప్రమాదకరమా?

జూనియర్ ఎన్టీఆర్‌కి ప్రియమైన పెంపుడు కుక్క 'బఘీరా' మృతి చెందింది. గత నాలుగేళ్లుగా తనతో పాటు కుటుంబంలో ఒకడిగా ఉన్న బఘీరాను కోల్పోవడంతో ఎన్టీఆర్ తీవ్ర భావోద్వేగానికి లోనయ్యారు. సోషల్ మీడియా వేదికగా బఘీరా ఫోటోలను షేర్ చేస్తూ ఎంతో భావోద్వేగమైన సందేశాన్ని రాసుకొచ్చారు తారక్. స్క్రీన్‌పై ఎంతో పవర్ ఫుల్ గా కనిపించే ఎన్టీఆర్.. తన పెంపుడు కుక్క 'బఘీరా' మృతితో ఎమోషనల్ అయ్యారు. తారక్ తన ఇన్స్టాగ్రామ్ ఖాతాలో బఘీరాను ఎంతో ఆప్యాయంగా హత్తుకున్న ఫోటోతో పాటు మరికొన్ని ఫోటోలను షేర్ చేస్తూ, రాసుకొచ్చిన ఆ ఎమోషనల్ వర్డ్స్ ప్రతి ఒక్కరి గుండెను పిండేస్తున్నాయి. "బఘీరా, నువ్వు నా ప్రపంచంలోకి ఒక తోడుగా వచ్చావు, నెమ్మదిగా నా కుటుంబంలో ఒకరిగా మారిపోయావు. ప్రేమ, విశ్వాసం, అల్లరి, కేవలం నువ్వు మాత్రమే ఇవ్వగలిగే ఒక ప్రత్యేకమైన కంఫర్ట్ తో నా రోజులను నింపావు. నువ్వు లేని ఈ లోటు సృష్టించిన నిశ్శబ్దం ఎంత పెద్దదో, నువ్వు మిగిల్చిన ప్రేమ కూడా అంతే గొప్పది. నన్ను ఎంచుకున్నందుకు, నా పక్కనే నడిచినందుకు, ఈ 4 సంవత్సరాల కాలాన్ని అందంగా మార్చినందుకు థ్యాంక్స్ బఘీరా. స్వేచ్ఛగా పరుగెత్తు మై లిటిల్ వన్. నిన్ను ప్రాణంగా ప్రేమించాం, ఎప్పటికీ ప్రేమిస్తూనే ఉంటాం" అంటూ ఎన్టీఆర్ రాసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. పెట్స్ పెంచుకునే ప్రతి ఒక్కరికీ ఈ బాధ ఎంతో బాగా అర్థమవుతుంది. ఎన్టీఆర్ షేర్ చేసిన ఆ ఎమోషనల్ నోట్ చూసి నందమూరి అభిమానులతో పాటు, సినీ ప్రముఖులు, నెటిజన్లు.. "రెస్ట్ ఇన్ పీస్ బఘీరా" అని ఎమోషనల్ కామెంట్స్ పెడుతున్నారు. చిరంజీవి డైరెక్టర్ తో నందమూరి మోక్షజ్ఞ డెబ్యూ మూవీ! రామ్‌ పోతినేనికి విలన్‌గా మారిన ఆ స్టార్ హీరో!

ఓ డ్రైవర్ యజమానితో గొడవ పడి జేసీబీతో పరారయ్యాడు. పోలీసులు జేసీబీతో పరారైన డ్రైవర్‌ను పట్టుకోవడానికి ప్రయత్నించారు. ఈ నేపథ్యంలోనే సినిమా యాక్షన్ సీన్స్‌ను తలపించే సంఘటనలు చోటుచేసుకున్నాయి. ఇంటర్‌నెట్ డెస్క్: ఓ డ్రైవర్ యజమానితో గొడవ పడి జేసీబీతో పరారయ్యాడు. పోలీసులు జేసీబీతో పరారైన డ్రైవర్‌ను పట్టుకోవడానికి ప్రయత్నించారు. ఈ నేపథ్యంలోనే సినిమా యాక్షన్ సీన్స్‌ను తలపించే సంఘటనలు చోటుచేసుకున్నాయి. పోలీసులు ఛేజింగ్ ఆపకపోవటంతో డ్రైవర్ జేసీబీని రోడ్డుపై వదిలి పారిపోయాడు. ఈ సంఘటన ఒడిశాలో చోటుచేసుకుంది. ఇందుకు సంబంధించిన పూర్తి వివరాల్లోకి వెళితే.. గంజాం జిల్లాలోని ఖల్లికోటె పోలీస్ స్టేషన్ పరిధిలో నివాసం ఉంటున్న ఓ వ్యక్తి జేసీబీ డ్రైవర్‌గా పని చేస్తూ జీవనం సాగిస్తున్నాడు. ఆగస్టు 15వ తేదీన యజమానితో అతడికి గొడవైంది. దీంతో ఆగ్రహానికి గురైన ఆ వ్యక్తి జేసీబీతో అక్కడినుంచి పరారయ్యాడు. యజమాని పోలీసులకు ఫిర్యాదు చేశాడు. ఖల్లికోటె, రంభ, పురుషోత్తమ్‌పూర్, కబిసూర్యనగర్ ఏరియా పోలీసులు రంగంలోకి దిగారు. జేసీబీతో పరారవుతున్న డ్రైవర్‌ను పట్టుకునేందుకు ప్రయత్నాలు మొదలుపెట్టారు. ఈ నేపథ్యంలోనే పురుషోత్తమ్‌పూర్‌లోని రోడ్డుకు అడ్డంగా బారికేడ్స్ పెట్టారు. డ్రైవర్ జేసీబీని ఆపకుండా ఆ బారికేడ్స్‌ను బద్ధలు కొట్టుకుని పోయాడు. దీంతో సినిమా సీన్‌ను తలపించే ఛేజింగ్ మొదలైంది. గుడియాల్ దగ్గర జేసీబీ డ్రైవర్ ఛేజింగ్‌కు ముగింపు పలికాడు. జేసీబీని రోడ్డుపై వదిలేసి అక్కడినుంచి పారిపోయాడు. పోలీసులు జేసీబీని స్వాధీనం చేసుకున్నారు. డ్రైవర్ కోసం గాలింపు చర్యలు మొదలెట్టారు. ఈ సంఘటనకు సంబంధించిన వీడియో సోషల్ మీడియాలో వైరల్‌గా మారింది. ఇంగ్లండ్‌తో తొలి టెస్టు: బాబర్ ఆజమ్‌కు బిగ్ షాక్.. పాకిస్థాన్‌కు కొత్త కెప్టెన్ IRCTC అరుణాచల మోక్ష యాత్ర.. 5 రోజుల టూర్ ప్యాకేజీ ఇదే!

టాటా సన్స్ కంపెనీ యాన్యువల్ జనరల్ మీటింగ్ వాయిదా పడింది. మీటింగ్ జరపటానికి అవసరమైన సభ్యుల సంఖ్య (క్వోరమ్) లేకపోవటంతో మంగళవారం జరగాల్సిన మీటింగ్ వాయిదా పడింది. కంపెనీ చరిత్రలో ఏజీఎమ్ వాయిదా పడటం ఇదే మొదటిసారి. ఇంటర్‌నెట్ డెస్క్: టాటా సన్స్ కంపెనీ యాన్యువల్ జనరల్ మీటింగ్ వాయిదా పడింది. మీటింగ్ జరపటానికి అవసరమైన సభ్యుల సంఖ్య (క్వోరమ్) లేకపోవటంతో మంగళవారం జరగాల్సిన మీటింగ్ వాయిదా పడింది. కంపెనీ చరిత్రలో ఏజీఎమ్ వాయిదా పడటం ఇదే మొదటిసారి. ఓ జాతీయ మీడియా కథనం మేరకు.. మంగళవారం మధ్యాహ్నం 2.30 గంటల ప్రాంతంలో 108వ యాన్యువల్ జనరల్ మీటింగ్ ప్రారంభం అయింది. అయితే, జాయింట్ రిప్రెసెంటేటివ్ ఆఫ్ ది సర్ దొరాబ్జి టాటా ట్రస్ట్, సర్ రతన్ టాటా ట్రస్ట్ మీటింగ్‌‌లో లేకపోవటంతో క్వోరమ్ రిక్వైర్‌మెంట్‌ను మీటింగ్ అందుకోలేకపోయింది. దీంతో అరగంట తర్వాత మీటింగ్ వాయిదా పడింది. సర్ దొరాబ్జి టాటా ట్రస్ట్, సర్ రతన్ టాటా ట్రస్ట్‌లు.. టాటా సన్స్‌లో ఏకంగా 51.5 శాతం వాటాను కలిగి ఉన్నాయి. రెండు ట్రస్ట్‌లు సంయుక్తంగా ప్రతినిధిని నామినేట్ చేయాల్సి ఉంటుంది. మహారాష్ట్ర చారిటీ కమిషనర్ .. సర్ రతన్ టాటా ట్రస్ట్ మీటింగ్స్‌పై ఆంక్షలు విధించారు. సర్ రతన్ టాటా ట్రస్ట్‌‌పై ఆంక్షలు ఉండటం వల్ల సంయుక్త నామినేషన్ సాధ్యం కాలేదు. దీంతో రెండు ట్రస్ట్‌లకు సంబంధించిన ప్రతినిధి మీటింగ్‌లో లేకుండా పోయారు. మీటింగ్ వాయిదా పడింది. యాన్యువల్ జనరల్ మీటింగ్ ఎప్పుడు జరపాలనే దానిపై కంపెనీ బోర్డ్ త్వరలో నిర్ణయం తీసుకోనుందని సమాచారం. యూట్యూబ్ వ్యూస్‌లో భారీ మార్పు.. ఇక వీడియో ప్లే అయిన వెంటనే వ్యూగా లెక్కింపు.. డ్రంకెన్ డ్రైవ్ కేసు: డేవిడ్ వార్నర్‌కు షాక్.. సిడ్నీ కోర్టు కీలక తీర్పు

గుజరాత్‌ రాష్ట్రంలోని అహ్మదాబాద్‌లో ఓ విచిత్రమైన రెస్టారెంట్ ఉంది. ఆ రెస్టారెంట్‌లో కస్టమర్లు సమాధుల మధ్య కూర్చుని ఆహారం తింటారు, పానీయాలు తాగుతారు. అహ్మదాబాద్‌లో ప్రాచూర్యం పొందిన ఆ రెస్టారెంట్‌కు జనం ‘శ్మశానం రెస్టారెంట్’ అని పేరు పెట్టారు. ఇంటర్‌నెట్ డెస్క్: గుజరాత్‌ రాష్ట్రంలోని అహ్మదాబాద్‌లో ఓ విచిత్రమైన రెస్టారెంట్ ఉంది. ఆ రెస్టారెంట్‌లో కస్టమర్లు సమాధుల మధ్య కూర్చుని ఆహారం తింటారు, పానీయాలు తాగుతారు. అహ్మదాబాద్‌లో ప్రాచూర్యం పొందిన ఆ రెస్టారెంట్‌కు జనం ‘శ్మశానం రెస్టారెంట్’ అని పేరు పెట్టారు. ఆ శ్మశానం రెస్టారెంట్‌లో దాదాపు 26 సమాధులు ఉన్నాయి. సమాధుల మధ్య ఉన్న టేబుళ్లలో కూర్చుని కస్టమర్లు ఆర్డర్ చేసుకున్న ఆహారాన్ని ఎంతో ఇష్టంగా తింటున్నారు. శ్మశానం అన్న భయం వారిలో కొంచెం కూడా లేదు. ఆ శ్మశానం రెస్టారెంట్‌లో ఆహారం తినటం వల్ల అదృష్టం వరిస్తుందని కొంతమంది కస్టమర్లు నమ్ముతున్నారు. వీ జెనిల్ అనే యువకుడు శ్మశానం రెస్టారెంట్‌కు సంబంధించిన వీడియో తీసి సోషల్ మీడియాలో పోస్ట్ చేశాడు. ఆ వీడియో వైరల్‌గా మారింది. వైరల్‌గా మారిన వీడియోపై నెటిజన్లు మిశ్రమంగా స్పందిస్తున్నారు. ‘ఇలా చేయటం చాలా ప్రమాదకరం. శ్మశానం దగ్గర ఆహారం అస్సలు తినకూడదు’..‘అది నిజమైన శ్మశానం కాదు.. అంతా ఫేక్’.. ‘ఇలా శ్మశానంలో ఆహారం తినటం చాలా మూర్ఖమైన పని’ అంటూ కామెంట్లు చేస్తున్నారు. కూరగాయలు ఎంత తాజాగా కనిపించినా.. ఈ జాగ్రత్తలు తప్పనిసరి అరుదైన ఘనత.. రాహుల్ ద్రవిడ్ సరసన దేవదత్ పడిక్కల్

ఆంధ్రప్రదేశ్‌లోని ప్రసిద్ధ పుణ్యక్షేత్రం కాణిపాకం శ్రీ వరసిద్ధి వినాయక స్వామి ఆలయ ప్రాంగణంలో సినీ నటుడు సాయి దుర్గా తేజ్ పర్యటన తీవ్ర వివాదాస్పదమైంది. ఆలయ గెస్ట్ హౌస్‌లో ఆయన తన అభిమానులతో కలిసి పుట్టినరోజు వేడుకల పేరిట కేక్ కట్ చేయడం పట్ల భక్తులు తీవ్ర నిరసన వ్యక్తం చేస్తున్నారు. ఆధ్యాత్మిక క్షేత్ర పవిత్రతను దెబ్బతీసేలా ప్రవర్తించారంటూ స్థానికులు, భక్తులు ఆగ్రహం వ్యక్తం చేస్తున్నారు. ఈ నెల 22న జరగనున్న మెగాస్టార్ చిరంజీవి జన్మదిన వేడుకలకు ముందుగానే సాయి దుర్గా తేజ్ కాణిపాకం ఆలయాన్ని సందర్శించారు. ఈ సందర్భంగా ఆయన బస చేసిన ఆలయ వసతి గృహంలోనే కేక్ కటింగ్ కార్యక్రమం నిర్వహించారు. ఈ దృశ్యాలు సోషల్ మీడియాలో బహిర్గతం కావడంతో ఆలయ నిబంధనల ఉల్లంఘనపై చర్చ మొదలైంది. దీంతో ఆలయ పాలకమండలి, అధికారుల పనితీరుపై విమర్శలు వెల్లువెత్తుతున్నాయి. దేవుడి సన్నిధిలో, అది కూడా ఆలయానికి చెందిన వసతి గృహంలో ఇలాంటి పాశ్చాత్య సంస్కృతి వేడుకలకు ఎలా అనుమతి ఇచ్చారని భక్తులు ప్రశ్నిస్తున్నారు. ఇదిలా ఉండగా, ఆలయ మర్యాదలను పాటించాల్సిన బాధ్యత సినీ ప్రముఖులపై లేదా అని నెటిజన్లు నిలదీస్తున్నారు. ఫలితంగా సామాన్య భక్తులపై కఠిన నిబంధనలు అమలు చేసే యంత్రాంగం, సెలబ్రిటీల విషయంలో ఎందుకు పక్షపాతం చూపిస్తుందని భక్తులు మండిపడుతున్నారు. ఈ నేపథ్యంలో పవిత్రమైన ఆలయ ప్రాంగణంలో జరిగిన ఈ ఘటన ఆలయ అధికారుల పర్యవేక్షణ లోపాన్ని ఎత్తిచూపుతోంది. సామాన్యులకు ఒకలా, సినీ ప్రముఖులకు మరోలా వ్యవహరించడంపై స్థానికంగా అసంతృప్తి వ్యక్తమవుతోంది. భవిష్యత్తులో ఇలాంటి ప్రైవేటు హంగామాలు, సెలబ్రిటీల సందడి పునరావృతం కాకుండా కఠిన చర్యలు తీసుకోవాలని భక్తులు డిమాండ్ చేస్తున్నారు. ఆలయ పవిత్రతను కాపాడటంలో అధికారులు చిత్తశుద్ధితో వ్యవహరించాలని కోరుతున్నారు. ఇటువంటి ఘటనలు భక్తుల మనోభావాలను దెబ్బతీస్తాయని వారు హెచ్చరిస్తున్నారు. మొత్తంగా సాయి దుర్గా తేజ్ కాణిపాకం పర్యటన అనుకోని వివాదానికి దారితీయడంతో, ఆలయ యంత్రాంగం భవిష్యత్తులో ఎలాంటి నిర్ణయాలు

విశాఖ పోలీసులపై ఆంధ్రప్రదేశ్ హైకోర్టు తీవ్ర ఆగ్రహం వ్యక్తం చేసింది. సివిల్ వివాదాల్లో జోక్యం చేసుకునే అధికారం పోలీసులకు ఎక్కడుందని హైకోర్టు ప్రశ్నించింది. ఇంటర్‌నెట్ డెస్క్: విశాఖ పోలీసులపై ఆంధ్రప్రదేశ్ హైకోర్టు తీవ్ర ఆగ్రహం వ్యక్తం చేసింది. సివిల్ వివాదాల్లో జోక్యం చేసుకునే అధికారం పోలీసులకు ఎక్కడుందని హైకోర్టు ప్రశ్నించింది. ప్రీ లిటిగేషన్ కౌన్సిలింగ్ ఫోరం పేరుతో పోలీసులు సివిల్ వివాదాల్లో ప్రజలను స్టేషన్‌కు పిలిపించడం పట్ల హైకోర్టు తీవ్ర అభ్యంతరం వ్యక్తం చేసింది. విశాఖలో అసలు ఏం జరుగుతోందంటూ మండిపడింది. ఈ వ్యవహారంపై సమగ్ర అఫిడవిట్ దాఖలు చేయాలని విశాఖ పోలీస్ కమిషన్‌కు ఆదేశాలు జారీ చేసింది. ప్రీ లిటిగేషన్ కౌన్సిలింగ్ పేరుతో పోలీసులు సివిల్ వివాదాల్లో జోక్యం చేసుకోవడాన్ని సవాల్ చేస్తూ వల్లెపు నాగరాజు హైకోర్టును ఆశ్రయించారు. భూ బదలాయింపు విషయంలో సొమ్ము చెల్లించాలని పోలీసులు బెదిరిస్తున్నారని నాగరాజు తన పిటిషన్‌లో పేర్కొన్నారు. ఇప్పటికే ప్రీ లిటిగేషన్ కౌన్సిలింగ్ ఫోరం చట్టబద్దతను తేల్చేందుకు సీజే నేతృత్వంలోని ధర్మాసనం సుమోటోగా కేసు నమోదు చేసి విచారణ జరుపుతోందని పిటిషనర్ తరుపు న్యాయవాది కోర్టు దృష్టికి తెచ్చారు. హైకోర్టు ఈ కేసు విచారణను సెప్టెంబర్ 21వ తేదీకి వాయిదా వేసింది. పేదల ఆరోగ్యం.. మా బాధ్యత: సీఎం రేవంత్‌రెడ్డి స్వీట్ షాపు లైసెన్స్ పునరుద్ధరణలో జాప్యం.. ఎఫ్‌డీఏపై హైకోర్టు గుస్సా

దేశవ్యాప్తంగా ఎంపీలు, ఎమ్మెల్యేలపై 4,192 క్రిమినల్ కేసులు పెండింగ్‌లో ఉన్నట్లు అమికస్ క్యూరీ సుప్రీంకోర్టుకు వెల్లడించారు. పదేళ్లకు పైగా 519 కేసులు పెండింగ్‌లో ఉన్నాయని తెలిపారు. న్యూఢిల్లీ, ఆగస్టు 17: దేశవ్యాప్తంగా ఎంపీలు, ఎమ్మెల్యేలపై 4,192 క్రిమినల్ కేసులు పెండింగ్‌లో ఉన్నట్లు అమికస్ క్యూరీ సుప్రీంకోర్టుకు వెల్లడించారు. పదేళ్లకు పైగా 519 కేసులు పెండింగ్‌లో ఉన్నాయని తెలిపారు. 5 నుంచి10 ఏళ్ల మధ్య 754 కేసులు పెండింగ్‌లో ఉన్నాయని వెల్లడించారు. ఎంపీలు, ఎమ్మెల్యేలపై ఉన్న క్రిమినల్ కేసుల సత్వర విచారణపై అమికస్ క్యూరీ తాజాగా సుప్రీంకోర్టుకు 22వ నివేదికను సమర్పించారు. అమికస్ క్యూరీ సమర్పించిన నివేదికలోని వివరాల మేరకు.. సిట్టింగ్ ఎంపీలపై 335 కేసులు పెండింగ్‌లో ఉండగా.. సిట్టింగ్ ఎమ్మెల్యేలపై 1,222 కేసులు పెండింగ్‌లో ఉన్నాయి. మాజీ ఎంపీలపై 269 కేసులు.. మాజీ ఎమ్మెల్యేలపై 1,339 కేసులు పెండింగ్‌‌లో ఉన్నాయి. మరో 700 కేసుల దర్యాప్తు ఇంకా పూర్తికాలేదు. 360 కేసులు మూడేళ్లకు పైగా దర్యాప్తులో ఉన్నాయి. ఇక, లోక్‌సభలోని 543 మంది సభ్యుల్లో 251 మందిపై క్రిమినల్ కేసులు ఉన్నాయని అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) సంస్థ నివేదిక వెల్లడించింది. లోక్‌సభలోని 170 మంది సభ్యులపై తీవ్రమైన క్రిమినల్ కేసులు ఉన్నాయని ఆ నివేదిక తెలిపింది. విద్యా ప్రమాణాలు పెంచితేనే అభివృద్ధి సాధ్యం: సీఎం చంద్రబాబు శుభ్‌మన్ గిల్ సింగిల్ హ్యాండ్ క్రేజీ క్యాచ్.. వీడియో చూశారా?

ఓ యువకుడు అర్ధనగ్నంగా.. చేతిలో కత్తితో నడిరోడ్డుపై హల్‌చల్ చేశాడు. రోడ్డుపై వెళుతున్న పలువురు పాదచారులపై కత్తితో దాడి చేశాడు. ఈ సంఘటన చైనాలో సోమవారం చోటుచేసుకుంది. ఇంటర్‌నెట్ డెస్క్: ఓ యువకుడు అర్ధనగ్నంగా.. చేతిలో కత్తితో నడిరోడ్డుపై హల్‌చల్ చేశాడు. రోడ్డుపై వెళుతున్న పలువురు పాదచారులపై కత్తితో దాడి చేశాడు. ఈ సంఘటన చైనాలో సోమవారం చోటుచేసుకుంది. ఇందుకు సంబంధించిన వివరాల్లోకి వెళితే.. హాంగ్ కాంగ్‌, పోక్ ఫు లామ్‌లోని బగ్యువో విల్లాలో 22 ఏళ్ల ఓ యువకుడు సోమవారం ఉదయం అర్ధనగ్నంగా రోడ్డుపైకి వచ్చాడు. అతడి చేతిలో ఓ పొడవాటి కత్తి ఉంది. ఆ యువకుడు రోడ్డుపై వెళుతున్న పాదచారులను వెంబడించాడు. పలువురిపై కత్తితో దాడి చేశాడు. ఈ దాడిలో ఇద్దరు వ్యక్తులకు తీవ్ర గాయాలు అయ్యాయి. సెక్యూరిటీ గార్డ్స్, కొంతమంది జనం అతి కష్టం మీద అతడిని పట్టుకున్నారు. సమాచారం అందుకున్న పోలీసులు సంఘటనా స్థలానికి చేరుకున్నారు. యువకుడిని అరెస్ట్ చేసి, అక్కడినుంచి తరలించారు. కేసు నమోదు చేసుకుని దర్యాప్తు చేపట్టారు. మానసిక పరిస్థితి సరిగా లేని కారణంగానే అతడు ఈ దారుణానికి పాల్పడి ఉంటాడని స్థానిక మీడియా సంస్థలు పేర్కొన్నాయి. ఇక, ఈ సంఘటనకు సంబంధించిన వీడియో ఒకటి సోషల్ మీడియాలో వైరల్‌గా మారింది. ఆ వీడియోపై స్పందిస్తున్న నెటిజన్లు.. యువకుడిపై తీవ్ర ఆగ్రహం వ్యక్తం చేస్తున్నారు. అతడిని కఠినంగా శిక్షించాలని డిమాండ్ చేస్తున్నారు. రక్షిత అడవులు.. ఏనుగులకు సురక్షిత ఆవాసాలే లక్ష్యం: డిప్యూటీ సీఎం పవన్

బాల్యంలో తనపై లైంగిక దాడి చేసిన సవతి సోదరుడిపై 15 ఏళ్ల తర్వాత ఓ యువతి కేసు పెట్టింది. యువతి ఫిర్యాదు నేపథ్యంలో పోలీసులు సవతి సోదరుడిపై పోక్సో కేసు నమోదు చేశారు. ఇంటర్‌నెట్ డెస్క్: బాల్యంలో తనపై లైంగిక దాడి చేసిన సవతి సోదరుడిపై 15 ఏళ్ల తర్వాత ఓ యువతి కేసు పెట్టింది. యువతి ఫిర్యాదు నేపథ్యంలో పోలీసులు సవతి సోదరుడిపై పోక్సో కేసు నమోదు చేశారు. ఈ సంఘటన హైదరాబాద్‌లో చోటుచేసుకుంది. సంఘటనకు సంబంధించి పోలీసులు, బాధితురాలు తెలిపిన వివరాల మేరకు.. బంజారాహిల్స్‌కు చెందిన ఓ యువతి 8 ఏళ్ల వయసులో తండ్రి, సవతి తల్లి, సవతి సోదరుడు, సవతి సోదరితో కలిసి ఉండేది. ఆ సమయంలో సవతి సోదరుడు ఆమెపై పలుమార్లు లైంగిక దాడికి పాల్పడ్డాడు. భయం కారణంగా ఆనాడు యువతి నోరు విప్పలేకపోయింది. ఇటీవల తల్లి చెప్పడంతో యువతి ధైర్యం తెచ్చుకుని పోలీసులకు ఫిర్యాదు చేసింది. సవతి సోదరుడు తనపై లైంగిక దాడి చేసిన విషయాన్ని తండ్రికి చెప్పగా.. తనపై దూషణలకు దిగినట్లు ఫిర్యాదులో యువతి పేర్కొంది. దీంతో తీవ్ర మానసిక వేదనకు గురైన తను తాజాగా కౌన్సెలింగ్ తీసుకున్నానని తెలిపింది. యువతి ఫిర్యాదు నేపథ్యంలో నిందితుడిపై పోలీసులు పోక్సో కేసు నమోదు చేసి విచారణ చేపట్టారు. వికారాబాద్‌ జిల్లాలో నకిలీ డీఏపీ కలకలం.. ఆందోళనలో రైతులు

కర్ణాటకలో జరుగుతున్న స్పెషల్ ఇంటెన్సివ్ రివిజన్ (SIR) ప్రక్రియలో భాగంగా ఎలక్షన్ కమిషన్ తన ఓటును తొలగించటంపై బహుభాషా నటుడు ప్రకాశ్ రాజ్ వ్యంగ్యంగా స్పందించారు. తను పుట్టి, పెరిగిన ప్రాంతం నుంచి ఓటును తొలగించటం ఓ పెద్ద జోక్ అని ఆయన అన్నారు. బెంగళూరు, ఆగస్టు 11: కర్ణాటకలో జరుగుతున్న స్పెషల్ ఇంటెన్సివ్ రివిజన్ (SIR) ప్రక్రియలో భాగంగా ఎలక్షన్ కమిషన్ తన ఓటును తొలగించటంపై బహుభాషా నటుడు ప్రకాశ్ రాజ్ వ్యంగ్యంగా స్పందించారు. తను పుట్టి, పెరిగిన ప్రాంతం నుంచి ఓటును తొలగించటం ఓ పెద్ద జోక్ అని ఆయన అన్నారు. ఓటును ఎలాగైనా తిరిగి పొందుతానని స్పష్టం చేశారు. ఈ మేరకు మంగళవారం తన ఎక్స్ ఖాతాలో ఓ పోస్టు పెట్టారు. ఆ పోస్టులో.. ‘కర్ణాటకలో జరుగుతున్న SIR ప్రక్రియలో భాగంగా బెంగళూరు నియోజకవర్గం నుంచి నా ఓటును తొలగించారు. ఇది నాకు ఓ పెద్ద 'జోక్' లాగా అనిపించింది. నాతో పాటు దాదాపు 65 లక్షల మంది ఓటర్ల పేర్లను ఇలాగే తొలగించారు. నేను ఇదే బెంగళూరు నియోజకవర్గంలో పుట్టి, పెరిగాను. నా స్కూలింగ్, కాలేజీ, థియేటర్ అన్నీ ఇక్కడే జరిగాయి. అంతెందుకు.. గతంలో నేను ఇదే నియోజకవర్గం నుంచి ఎంపీగా పోటీ చేశాను’.. ‘అలాంటిది నా ఓటునే ఎలా తొలగిస్తారు?. ఓటును తిరిగి తెచ్చుకోవడానికి ఇప్పుడు నేను మళ్లీ ఏమేం కాగితాలు చూపించాల్సి వస్తుందో. నా మిత్రమా.. మిమ్మల్ని ఎన్నుకోరని భావించే కొందరు పౌరుల ఓటు హక్కును కాలరాయడానికి మీరు మీ అధికారాన్ని ఉపయోగించవచ్చు. కానీ, మిమ్మల్ని ఆ సింహాసనం నుంచి కిందకు దించే మా ప్రజల శక్తిని మీరు ఆపగలరా?. జస్ట్ ఆస్కింగ్’ అని అన్నారు. తమిళనాడులో కొత్త వివాదం! అబార్షన్ వ్యతిరేక ర్యాలీలో అసెంబ్లీ స్పీకర్ రైలు పట్టాలపై ఆగిన లారీ.. ఇంతలో గ్రీన్ సిగ్నల్.. చివరకు

ఉత్తర్‌ప్రదేశ్ మాజీ ఎంపీ, గ్యాంగ్‌స్టర్ అతీక్ అహ్మద్ కుమారుడు ఉమర్ అహ్మద్ అనుచరులపై పోలీసులు కేసులు నమోదు చేశారు. నావాబ్‌గంజ్ టోల్ సిబ్బంది ఇచ్చిన ఫిర్యాదుతో ప్రయాగ్‌రాజ్ పోలీసులు 28 మందిపై కేసులు నమోదు చేశారు. ఇంటర్‌నెట్ డెస్క్: ఉత్తర్‌ప్రదేశ్ మాజీ ఎంపీ, గ్యాంగ్‌స్టర్ అతీక్ అహ్మద్ కుమారుడు ఉమర్ అహ్మద్ అనుచరులపై పోలీసులు కేసులు నమోదు చేశారు. నావాబ్‌గంజ్ టోల్ సిబ్బంది ఇచ్చిన ఫిర్యాదుతో ప్రయాగ్‌రాజ్ పోలీసులు 28 మందిపై కేసులు నమోదు చేశారు. పోలీసులు తెలిపిన వివరాల మేరకు.. రోడ్డు ప్రమాదంలో రెండు రోజుల క్రితం మృతి చెందిన సోదరుడి అంత్యక్రియల్లో పాల్గొనడం కోసం ఉమర్ తన అనుచరులతో 28 కార్లలో లఖ్‌నవూ నుంచి ప్రయాగ్‌రాజ్ బయలుదేరాడు. సోమవారం తెల్లవారుజామున 3.50 గంటల ప్రాంతంలో నావాబ్‌గంజ్ టోల్ ప్లాజా వద్ద ఉమర్ అనుచరులు టోల్ ఫీజు చెల్లించుకుండా వెళ్లేందుకు ప్రయత్నించారు. దీంతో టోల్ సిబ్బంది వారిని అడ్డుకున్నారు. టోల్ ఫీజు చెల్లించి అక్కడినుంచి వెళ్లమన్నారు. ఆగ్రహానికి గురైన ఉమర్ అనుచరలు హల్‌చల్ చేశారు. టోల్ సిబ్బందితో తప్పుగా ప్రవర్తించారు. అక్కడినుంచి వెళ్లిపోయే సమయంలో టోల్ బ్యారియర్‌ను ధ్వంసం చేశారు. బూత్ నంబర్ 3 వద్ద ఈ సంఘటన చోటుచేసుకుంది. టోల్ ప్లాజా అసిస్టెంట్ మేనేజర్ జైప్రకాశ్ యాదవ్ ఈ ఘటనపై పోలీసులకు ఫిర్యాదు చేశారు. ఉమర్ అనుచరులు తమను కారుతో తొక్కించి చంపుతామని బెదిరింపులకు దిగినట్లు ఆయన తన ఫిర్యాదులో పేర్కొన్నారు. భయపడిపోయిన టోల్ సిబ్బంది అక్కడినుంచి పక్కకు వచ్చేశారని తెలిపారు. యాదవ్ ఫిర్యాదు మేరకు పోలీసులు 28 మంది డ్రైవర్లపై కేసులు నమోదు చేసి దర్యాప్తు చేపట్టారు. మెడికో ప్రియాంక కేసు.. తప్పుడు ప్రచారాలను నమ్మొద్దన్న రాజమండ్రి ఎమ్మెల్యే వైసీపీ రాజకీయ హత్యలకు పాల్పడుతోంది.. మంత్రి టీజీ భరత్ ధ్వజం

ఝార్ఖండ్ పబ్లిక్ సర్వీస్ కమిషన్ (జేపీఎస్‌సీ) ఉద్యోగ నియామక పరీక్షల్లో అక్రమాలపై సీఐడీ, ఈడీ విచారణలకు ప్రభుత్వం అంగీకరించినా.. విద్యార్థులు ఆందోళన విరమించటం లేదు. రాంచీ, ఆగస్టు 10: ఝార్ఖండ్ పబ్లిక్ సర్వీస్ కమిషన్ (జేపీఎస్‌సీ) ఉద్యోగ నియామక పరీక్షల్లో అక్రమాలపై సీఐడీ, ఈడీ విచారణలకు ప్రభుత్వం అంగీకరించినా.. విద్యార్థులు ఆందోళన విరమించటం లేదు. అక్రమాలపై సీబీఐ దర్యాప్తు జరిపించాలని డిమాండ్ చేస్తున్నారు. సోమవారం శాంతియుత అసెంబ్లీ మార్చ్‌కు విద్యార్థులు పిలుపునిచ్చారు. నిరసనల నేపథ్యంలో హేమంత్ సోరెన్ ప్రభుత్వం ఆందోళనకారుల 98 శాతం డిమాండ్లకు సానుకూలంగా స్పందించింది. ఆరోపణలు వచ్చిన 3 పరీక్షలను రద్దు చేసింది. అంతేకాదు.. జేపీఎస్‌సీకి చెందిన ముగ్గురు సభ్యులు అజితా భట్టాచార్య, అనిమా హన్స్ దా, జమాల్ అహ్మద్ తమ పదవులకు రాజీనామా చేశారు. గవర్నర్ సంతోష్ కుమార్ గంగ్వార్ వారి రాజీనామాలను ఆమోదించారు. అక్రమాలపై సీఐడీ, ఎన్‌ఫోర్స్‌మెంట్ డైరెక్టరేట్‌లతో విచారణ జరిపిస్తామని, రిటైర్డ్ న్యాయమూర్తి నేతృత్వంలో జుడీషియల్ కమిటీ వేస్తామని ప్రభుత్వం ప్రకటించింది. అయితే, విద్యార్థులు మాత్రం రాష్ట్ర ప్రభుత్వ సంస్థలపై నమ్మకం లేదని, ఖచ్చితంగా సీబీఐ దర్యాప్తు జరపాల్సిందేనని పట్టుబడుతున్నారు. రోడ్డు ప్రమాదంలో ట్రాఫిక్ డీసీపీ కుమార్తె మృతిపై సీఎం చంద్రబాబు దిగ్భ్రాంతి

రీల్స్ పిచ్చితో ఓ మహిళ తన చంటిబిడ్డ ప్రాణాలను ప్రమాదంలో పెట్టింది. ఇందుకు సంబంధించిన వీడియో సోషల్ మీడియాలో వైరల్‌గా మారింది. ఆ వీడియోపై స్పందిస్తున్న నెటిజన్లు మహిళపై తీవ్రస్థాయిలో ఆగ్రహం వ్యక్తం చేస్తున్నారు. ఇంటర్‌నెట్ డెస్క్: రీల్స్ పిచ్చితో ఓ మహిళ తన చంటిబిడ్డ ప్రాణాలను ప్రమాదంలో పెట్టింది. ఉత్తర భారత దేశానికి చెందిన ఓ మహిళ రీల్స్ కోసం తన బిడ్డను రోడ్డుపై వదిలేసింది. రోడ్డుమీద ఆమె డ్యాన్స్ చేస్తుండగా.. చిన్నారి పాక్కుంటూ రేలింగ్ దగ్గరకు వచ్చింది. రేలింగ్ సందులో దూరే ప్రయత్నం చేసింది. అలా జరిగి ఉంటే పాప బ్రిడ్జిపై నుంచి నీటిలో పడిపోయేది. అక్కడే ఉన్న ఓ వ్యక్తి పరుగున చిన్నారి దగ్గరకు వచ్చాడు. చిన్నారిని వెంటనే అక్కడినుంచి పక్కకు తీసుకువచ్చాడు. దీంతో పెను ప్రమాదం తప్పింది. ఈ సంఘటన ఎప్పుడు జరిగింది? ఆమె ఎవరు? అన్నది తెలియరాలేదు. ఇందుకు సంబంధించిన వీడియో సోషల్ మీడియాలో వైరల్‌గా మారింది. ఆ వీడియోపై స్పందిస్తున్న నెటిజన్లు మహిళపై తీవ్రస్థాయిలో ఆగ్రహం వ్యక్తం చేస్తున్నారు. ‘రీల్స్ అంటే అంత పిచ్చి ఉంటే.. పెళ్లి చేసుకోవటం ఎందుకు? పిల్లల్ని కనటం ఎందుకు? కొంచెం కూడా బాధ్యత లేదు’.. ‘ఛీ ఇలాంటి వాళ్ల వల్లే పిల్లలు దారుణంగా తయారు అవుతున్నారు’..‘కొన్ని లైక్స్ కోసం.. వ్యూస్ కోసం కన్నబిడ్డ ప్రాణాలను రిస్క్‌లో పెడతావా? నువ్వసలు తల్లివేనా’..‘దీన్నే కొంతమంది సెల్ఫ్ లవ్ అని చెప్పుకుని తిరుగుతున్నారు’ అంటూ కామెంట్లు చేస్తున్నారు

జపాన్‌కు చెందిన ‘జాసో’ అనే 26 ఏళ్ల కోటీశ్వరుడు కుక్కలా మారడం కోసం రూ. 220 కోట్లు ఖర్చు పెట్టి శస్త్రచికిత్సలు చేయించుకున్నాడంటూ సోషల్ మీడియాలో బాగా ప్రచారం జరుగుతోంది. జాసో కుక్కలా కనిపిస్తున్న వీడియో ఒకటి వైరల్‌గా మారింది. ఇంటర్‌నెట్ డెస్క్: జపాన్‌కు చెందిన ‘జాసో’ అనే 26 ఏళ్ల కోటీశ్వరుడు కుక్కలా మారడం కోసం రూ. 220 కోట్లు ఖర్చు పెట్టి శస్త్రచికిత్సలు చేయించుకున్నాడంటూ సోషల్ మీడియాలో బాగా ప్రచారం జరుగుతోంది. జాసో కుక్కలా కనిపిస్తున్న వీడియో ఒకటి వైరల్‌గా మారింది. అయితే, సోషల్ మీడియాలో జరుగుతున్న ప్రచారంలో నిజం లేదని తేలింది. కుక్కలా మారటం కోసం జాసో ఎలాంటి శస్త్రచికిత్సలు చేయించుకోలేదట. ఆ వివరాల్లోకి వెళితే.. టోకో(అసలు పేరు)కు చిన్నప్పటి నుంచి జంతువులా జీవించాలనే కోరిక ఉండేది. తన చిరకాల కోరికను నెరవేర్చుకోవటం కోసం ఆయన 'జెప్పెట్' అనే మోడలింగ్ సంస్థను సంప్రదించాడు. కుక్కలా కనిపించే 'కొల్లీ' కాస్ట్యూమ్‌ను ప్రత్యేకంగా తయారు చేయించుకున్నాడు. ఆ కాస్ట్యూమ్ కోసం టోకో 20 లక్షల జపనీస్ యెన్లు మాత్రమే ఖర్చుపెట్టాడు. భారతీయ కరెన్సీలో చెప్పాలంటే కాస్ట్యూమ్ విలువ రూ. 11 నుంచి 12 లక్షల రూపాయలు మాత్రమే. అయితే.. కొందరు పాత వీడియోను మళ్లీ సోషల్ మీడియాలో పోస్ట్ చేసి.. టోకో కుక్కలా మారడం కోసం 220 కోట్ల రూపాయలు ఖర్చుపెట్టాడని, చాలా సర్జరీలు చేయించుకున్నాడని తప్పుడు ప్రచారం చేస్తున్నారు. నటిపై అత్యాచారం.. ప్రముఖ బాలీవుడ్ దర్శకుడు అరెస్ట్.. ఎయిర్‌ఇండియా ఫ్లైట్‌లో టర్బులెన్స్ ఉదంతం.. డోప్ టెస్టులో పైలట్ ఫెయిల్!

భావితరాలకు స్వాతంత్ర్య సమరయోధుల గురించి తెలియజేయాలని కేంద్ర సహాయ మంత్రి పెమ్మసాని చంద్రశేఖర్ అన్నారు. అంతరాలు మరచి ప్రతి ఒక్కరూ కలిసిమెలిసి జీవించాలని ఆకాంక్షించారు. ఇంటర్‌నెట్ డెస్క్: భావితరాలకు స్వాతంత్ర్య సమరయోధుల గురించి తెలియజేయాలని కేంద్ర సహాయ మంత్రి పెమ్మసాని చంద్రశేఖర్ అన్నారు. అంతరాలు మరచి ప్రతి ఒక్కరూ కలిసిమెలిసి జీవించాలని ఆకాంక్షించారు. ఆదివారం పెమ్మసాని చంద్రశేఖర్ మాట్లాడుతూ.. ‘ఈ తిరంగా ర్యాలీలో పాల్గొన్న ప్రతిఒక్కరికీ అభినందనలు. భావితరాల బాగు కోసం పోరాటం చేసిన మహనీయులను స్మరించు కోవటం ముఖ్యం. భారత దేశ ప్రజలు 79వ స్వాతంత్ర్య దినోత్సవం జరుపుకోనున్నారు’.. ‘గ్రామ గ్రామాన స్వాతంత్ర్య దినోత్సవ వేడుకలు జరుపుకుంటున్నాము. కులాలకు, మతాలకు అతీతంగా జరుపుకునే పండుగ స్వాతంత్ర్య దినోత్సవం. కేంద్రంలో బలమైన నాయకత్వం ఉంది. దేశంలో పెరుగుతున్న అరాచక శక్తులను పారద్రోలుతూ నేటి పాలకులు పని చేస్తున్నారు’అని అన్నారు. ప్రజాస్వామ్యంలో ఎంతటి వారైనా మెడలు వంచక తప్పదు: టీపీసీసీ చీఫ్

ఇరాన్ సుప్రీంలీడర్ మొజ్తాబా అలీ ఖమేనీ పరిస్థితి తీవ్ర విషమంగా ఉందని, త్వరలో చనిపోతాడని ఇజ్రాయెల్ మీడియా చేస్తున్న ప్రచారంపై ఇరాన్ స్పందించింది. ప్రభుత్వానికి చెందిన సెమీ అఫిషియల్ న్యూస్ ఏజెన్సీ మెహర్.. మొజ్తాబాకు సంబంధించిన వీడియోను విడుదల చేసింది. ఇంటర్‌నెట్ డెస్క్: ఇరాన్ సుప్రీంలీడర్ మొజ్తాబా అలీ ఖమేనీ పరిస్థితి తీవ్ర విషమంగా ఉందని, త్వరలో చనిపోతాడని ఇజ్రాయెల్ మీడియా చేస్తున్న ప్రచారంపై ఇరాన్ స్పందించింది. ప్రభుత్వానికి చెందిన సెమీ అఫిషియల్ న్యూస్ ఏజెన్సీ మెహర్.. మొజ్తాబాకు సంబంధించిన వీడియోను విడుదల చేసింది. ఆ వీడియోలో మొజ్తాబా ఇరాన్ నాయకులతో మాట్లాడుతున్నారు. ఈ వీడియోతో మొజ్తాబా ఆరోగ్యంపై వస్తున్న పుకార్లకు చెక్ పెట్టినట్లు అయ్యింది. 13 సెకన్ల నిడివి కలిగిన ఆ వీడియో సోషల్ మీడియాలో వైరల్‌గా మారింది. మెహర్ న్యూస్ ఏజెన్సీ విడుదల చేసిన మొజ్తాబా వీడియోపై అనుమానాలు వ్యక్తం అవుతున్నాయి. ఆ వీడియో ఎప్పుడు తీశారనే విషయాన్ని మెహర్ స్పష్టం చేయలేదు. సోషల్ మీడియాలో కొందరు నెటిజన్లు ఈ వీడియోపై స్పందిస్తూ.. ‘ఇది యుద్ధానికి ముందు తీసిన పాత వీడియో. ప్రజలను పక్కదారి పట్టించడానికి ఇరాన్ ఇప్పుడు వాడుతోంది’ అని అంటున్నారు. ఫిబ్రవరి 28వ తేదీన అమెరికా, ఇజ్రాయెల్ సంయుక్తంగా టెహ్రాన్‌లోని ఇరాన్ లీడర్‌షిప్ కాంపౌండ్‌పై దాడులు చేశాయి. ఈ దాడుల్లో సుప్రీం లీడర్ ఆయతుల్లా అలీ ఖమేనీ మరణించారు. ఆయతుల్లా ఖమేనీతో పాటు భార్య, కోడలు, మనవరాలు కూడా ప్రాణాలు కోల్పోయారు. అంతర్జాతీయ మీడియా సంస్థలు ది న్యూయార్క్ టైమ్స్, రాయిటర్స్ నివేదికల ప్రకారం.. ఈ దాడిలో మొజ్తాబా ముఖం, కళ్లు, కాళ్లకు తీవ్రమైన గాయాలయ్యాయి. ఇరాన్ ప్రభుత్వం ఆయనకు ప్రాణాపాయం లేదని, కోమాలోకి వెళ్లలేదని చెప్తున్నప్పటికీ.. ప్రభుత్వ అధికారిక ఛానెల్స్ ఆయనను "జాన్‌బాజ్" (యుద్ధంలో తీవ్రంగా గాయపడిన వీరుడు) అని సంబోధించడం అనుమానాలకు తావిస్తోంది. దాదాపు 5 నెలల నుంచి ఆయన బయట ఎక్కడా కనిపించటం లేదు

పిల్లలకు విద్యా బుద్ధులు నేర్పాల్సిన ఓ హెడ్ మాస్టర్ నీచానికి పాల్పడ్డాడు. ప్రతిరోజు తాగి స్కూలుకు రావటమే కాకుండా.. గుట్కా ఊసి తరగతి గదిని భ్రష్టుపట్టించాడు. గుట్కా మరకలతో పాడైన గదిని పిల్లలతో క్లీన్ చేయిస్తున్నాడు. ఇంటర్‌నెట్ డెస్క్: పిల్లలకు విద్యా బుద్ధులు నేర్పాల్సిన ఓ హెడ్ మాస్టర్ నీచానికి పాల్పడ్డాడు. ప్రతిరోజు తాగి స్కూలుకు రావటమే కాకుండా.. గుట్కా ఊసి తరగతి గదిని భ్రష్టుపట్టించాడు. గుట్కా మరకలతో పాడైన గదిని పిల్లలతో క్లీన్ చేయిస్తున్నాడు. ఈ సంఘటన మధ్యప్రదేశ్‌లో చోటుచేసుకుంది. పూర్తి వివరాల్లోకి వెళితే.. కోల్ అనే వ్యక్తి మైహర్ జిల్లా, అముర గ్రామంలోని ప్రైమరీ స్కూల్‌లో హెడ్ మాస్టర్‌గా పని చేస్తున్నాడు. కోల్ ప్రతిరోజు తాగి స్కూలుకు వస్తున్నాడు. తరగతి గదిలోనే గుట్కా తిని గోడలపై ఊస్తున్నాడు. అతడి కారణంగా తరగతి గది చాలా దారుణంగా మారిపోయింది. స్కూలుకు ఎప్పుడుపడితే అప్పుడు రావటమే కాకుండా.. పిల్లలకు చదువు చెప్పకుండా ట్యాబ్‌లెట్‌లో యూట్యూబ్ వీడియోలు చూస్తున్నాడు. తను పాడు చేసిన గోడలను పిల్లలతో బలవంతంగా క్లీన్ చేయిస్తున్నాడు. ఈ విషయాన్ని పిల్లలు తమ తల్లిదండ్రులకు చెప్పారు. వారు మీడియాకు సమాచారం ఇచ్చారు. ఓ నేషనల్ మీడియా స్కూలుకు వెళ్లగా.. కోల్ తరగతి గదిలో గుట్కా నములుతూ.. ట్యాబ్‌లో వీడియోలు చూస్తున్నాడు. గోడలపై ఉన్న గుట్కా మరకల గురించి మీడియా అతడిని అడగ్గా.. ‘దాన్ని క్లీన్ చేయిస్తాను’ అని చెప్పాడు. పిల్లల తల్లిదండ్రులు నేషనల్ మీడియా ముందు తమ ఆవేదనను చెప్పుకున్నారు. కోల్ కారణంగా తమ పిల్లలు మానసికంగా, శారీరకంగా నరకం చూస్తున్నారని అన్నారు. స్కూల్‌లో చదువుతో పాటు మధ్యాహ్న భోజనం కూడా అందటం లేదంటూ ఆవేదన వ్యక్తం చేశారు. కోల్ వ్యవహారం బ్లాక్ ఎడ్యుకేషన్ ఆఫీసర్ రాజేశ్ ద్వివేదీ దృష్టికి వెళ్లింది. ఆయన దీనిపై సీరియస్‌గా స్పందించారు. హెడ్ మాస్టర్ కోల్‌కు షోకాజ్ నోటీసులు పంపారు. కోల్‌ను సస్పెండ్ చేసే విషయంపై డీఈఓను