Kitchen Vastu News

ఇప్పుడు కొత్త కట్టిన ఇళ్లల్లో ఇప్పుడు మోడ్రన్ కిచెన్ కడుతున్నారు. అందులో స్టవ్ కట్టిన ప్లాట్ ఫారం పక్కనే సింక్ కూడా నిర్మిస్తున్నారు. ఇలా స్టవ్ కు పక్కనే సింక్ ఉండవచ్చా అనే సందేహం ఎంతోమందికి ఉంటుంది. స్థలం సరిపోక, సరైన అవగాహన లేక ఒకే స్లాబ్‌పై లేదా సమాంతరంగా స్టవ్, సింక్ ను కడుతున్నారు. ఇది సాధారణ విషయంలా కనిపించినా.. వాస్తు శాస్త్రంలో మాత్రం తీవ్రమైన దోషంగా చెప్పుకుంటారు. వాస్తు శాస్త్రం అనేది భూమి, ఆకాశం, నీరు, గాలి, అగ్ని అనే పంచభూతాల ఆధారంగా పనిచేస్తుంది. వంటగదిలో నీరు (సింక్), అగ్ని (స్టవ్) అనే రెండు ముఖ్యమైన అంశాలు ఉంటాయి. ఈ రెండింటి మధ్య సమతుల్యం ఉండాలి. ఇది కుటుంబ సభ్యుల ఆరోగ్యం, ఇంట్లోని ప్రశాంతతపై ప్రభావం చూపుతుంది. వంటగదిలోని గ్యాస్ స్టవ్‌ను అగ్ని స్వరూపంగా భావిస్తారు. వాస్తు ప్రకారం, స్టవ్‌ను ఆగ్నేయ దిశలో పెట్టాలి. ఇలా చేయడం వల్ల ఇంట్లో పాజిటివ్ ఎనర్జీ పెరుగుతుంది. ఇది కుటుంబంలో సంతోషాన్ని, సిరిసంపదలను పెంచుతుందని నమ్ముతారు. వంటగదికి ఆగ్నేయం శుభప్రదమైన దిశ. సింక్, స్టవ్ పక్కపక్కనే లేదా సమాంతరంగా ఉంటే.. నీరు, అగ్నిని ఒకేచోట ఉంచినట్టు అవుతుంది. ఈ రెండు శక్తుల మధ్య ఘర్షణ మొదలవుతుంది. వాస్తు శాస్త్రం ప్రకారం ఇది మానసిక ఒత్తిడి, భార్యాభర్తల మధ్య గొడవలు, ఆర్థిక నష్టాలు, ఇంట్లో వాళ్లకి ఆరోగ్య సమస్యలు వచ్చే అవకాశాలు ఎక్కువ. గ్యాస్ స్టవ్, సింక్ పక్కపక్కనే పెట్టడం మంచిది కాదు. రెండింటి మధ్య కనీసం కొంత దూరం ఉండేలా చూసుకోవడం మంచిది. ఒకవేళ తప్పనిసరి పరిస్థితుల్లో సమాంతరంగా ఉంటే, స్టవ్, సింక్ మధ్యలో ఒక చిన్న గోడలాంటిది కట్టుకోవడం ఉత్తమం. సింక్, గ్యాస్ స్టవ్ మధ్యలో ఏదైనా బరువైన వస్తువును ఉంచడం ద్వారా కూడా ఈ వాస్తు దోషాన్ని నివారించుకోవచ్చు

వంటగది కేవలం ఆహారం తయారుచేసే ప్రదేశం మాత్రమే కాదు, అది మన ఇంటి అదృష్టానికి ద్వారం. శ్రీ అన్నపూర్ణేశ్వరి దేవి కొలువై ఉండే ఈ పవిత్ర స్థలం. ఈ వంట గదిలో సానుకూల శక్తి, ఆనందం, శ్రేయస్సు ఉండాలంటే వాస్తు నియమాలు పాటించడం చాలా అవసరం. అయితే, ఈ మధ్యకాలంలో చాలామందిని వేధిస్తున్న ఒక పెద్ద సందేహం.. "ఇంట్లో 3 బర్నర్ల గ్యాస్ స్టవ్ వాడితే పేదరికం వస్తుందా?" దీని వెనుక ఉన్న నిజానిజాలు , పాటించాల్సిన ముఖ్యమైన వాస్తు నియమాలు ఇప్పుడు తెలుసుకుందాం.. సాధారణంగా మన సమాజంలో 'మూడు' అనే సంఖ్య పట్ల ఒక రకమైన అపోహ ఉంది. అందుకే 3 బర్నర్లు ఉన్న స్టవ్‌ను ఉపయోగిస్తే ఆర్థిక ఇబ్బందులు లేదా వాస్తు దోషాలు వస్తాయని కొందరు భయపడుతుంటారు. కానీ, వాస్తు శాస్త్ర నిపుణుల ప్రకారం ఇది కేవలం ఒక అపోహ మాత్రమే.గ్యాస్ స్టవ్‌కు ఎన్ని బర్నర్లు ఉన్నాయనే దానితో వాస్తు దోషం ఏర్పడదు.కుటుంబ అవసరాలకు అనుగుణంగా 3 లేదా 4 బర్నర్ల స్టవ్‌ను ఉపయోగించడం వల్ల ఎటువంటి ప్రతికూల ప్రభావం ఉండదు. బర్నర్ల సంఖ్య కంటే, ఆ స్టవ్‌ను వంటగదిలో ఏ దిశలో ఉంచారు అనేదే అత్యంత ముఖ్యం. మీ ఇంట్లో ఎన్ని బర్నర్ల స్టవ్ ఉన్నప్పటికీ, అగ్నిదేవుడి అనుగ్రహం లభించి లక్ష్మీదేవి నివాసం ఉండాలంటే ఈ క్రింది నియమాలను తప్పకుండా పాటించాలి: సరైన దిశ (ఆగ్నేయం): గ్యాస్ స్టవ్‌ను ఎల్లప్పుడూ వంటగదిలోని ఆగ్నేయ మూల (East-South) లోనే ఉంచాలి. ఇది అగ్ని తత్వానికి సంబంధించిన దిశ కాబట్టి ఇక్కడ స్టవ్ ఉంచడం వల్ల ఆర్థిక పరిస్థితి మెరుగుపడుతుంది. తూర్పు ముఖంగా వంట చేయాలి: వంట చేసేటప్పుడు గృహిణి లేదా వంట చేసే వ్యక్తి ముఖం ఎల్లప్పుడూ తూర్పు దిశ వైపు ఉండాలి. ఇది కుటుంబ సభ్యుల ఆరోగ్యాన్ని పెంచడమే కాకుండా ఇంట్లో ప్రశాంతతను నింపుతుంది. ఈశాన్యంలో పొయ్యి అస్సలు వద్దు