Kiran Abbavaram Movie News

కిరణ్ అబ్బవరం కథానాయకుడిగా, శ్రీ గౌరీ ప్రియ హీరోయిన్‌గా నటించిన లేటెస్ట్ లవ్ డ్రామా ‘చెన్నై లవ్ స్టోరీ’. దర్శకుడు రవి నంబురి తెరకెక్కించిన ఈ భావోద్వేగ ప్రేమ కథా చిత్రానికి, ప్రముఖ దర్శకుడు మరియు రచయిత సాయి రాజేష్ కథ అందించడంతో పాటు నిర్మాతగాను వ్యవహరించడం విశేషం. గతనెల 24న థియేటర్లలో విడుదలైన ఈ సినిమా ఊహించని రీతిలో భారీ విజయాన్ని అందుకుంది. చిత్రంలో హీరో, హీరోయిన్ల మధ్య ఉన్న కెమిస్ట్రీతో పాటు సాయి రాజేష్ అందించిన కథ, భావోద్వేగాలు ప్రేక్షకులను విశేషంగా ఆకట్టుకున్నాయి. ఈ సినిమా థియేట్రికల్ రన్‌లో అద్భుతమైన వసూళ్లను సాధించి, కిరణ్ అబ్బవరం కెరీర్‌లోనే అత్యధిక వసూళ్లు సాధించిన చిత్రంగా రికార్డు సృష్టించింది. థియేటర్లలో విజయవంతమైన రన్ పూర్తి చేసుకున్న ఈ ప్రేమకథ, ఇప్పుడు డిజిటల్ ప్రియులను అలరించేందుకు ఫైనల్‌గా ఓటీటీలోకి అందుబాటులోకి వచ్చింది.ప్రముఖ ఓటీటీ సంస్థ సోని లివ్ ఈ సినిమాను నేటి నుండి స్ట్రీమింగ్ కు తీసుకువచ్చింది. తెలుగుతో పాటు తమిళ్, కన్నడ, మలయాళం, హిందీ భాషల్లో స్ట్రీమింగ్ అవుతోంది. థియేటర్లలో మిస్ అయిన వీక్షకులు, మళ్లీ చూడాలనుకునే లవర్స్ ఇప్పుడు ఈ డిజిటల్ స్ట్రీమింగ్ ద్వారా ఈ సూపర్‌హిట్ చిత్రాన్ని వీక్షించవచ్చు

Chతెలుగు చిత్రసీమలో యువ కథానాయకుడిగా తనకంటూ ప్రత్యేకమైన గుర్తింపు తెచ్చుకున్న కిరణ్ అబ్బవరం, 'లవర్' చిత్రంతో ఆకట్టుకున్న శ్రీ గౌరి ప్రియ జంటగా నటించిన ఎమోషనల్ రొమాంటిక్ డ్రామా "చెన్నై లవ్ స్టోరీ". థియేటర్లలో విడుదలై ప్రేక్షకులను విశేషంగా అలరించిన ఈ కల్ట్ క్లాసిక్ చిత్రం ఇప్పుడు డిజిటల్ వేదికపైకి రాబోతోంది. రవి నంబూరి దర్శకత్వంలో తెరకెక్కిన ఈ చిత్రానికి 'బేబీ' చిత్ర దర్శకుడు సాయి రాజేష్ కథ, స్క్రీన్‌ప్లే అందించడం విశేషం. ఎస్‌కేఎన్ , సాయి రాజేష్ సంయుక్తంగా మాస్ మూవీ మేకర్స్, అమృత ప్రొడక్షన్స్ బ్యానర్లపై ఈ చిత్రాన్ని నిర్మించారు. స్వర బ్రహ్మ మణిశర్మ అందించిన సంగీతం, నేపథ్య సంగీతం ఈ సినిమాకు ప్రధాన ఆకర్షణగా నిలిచాయి. పాటలతో పాటు సన్నివేశాల తీవ్రతను మణిశర్మ తన సంగీతంతో మరింతగా పెంచారు. జూలై 24న ప్రపంచవ్యాప్తంగా థియేటర్లలో విడుదలైన ఈ చిత్రం విమర్శకుల ప్రశంసలతో పాటు ప్రేక్షకుల నుండి విశేష ఆదరణ పొందింది. కేవలం రూ. 15 కోట్ల బడ్జెట్‌తో రూపొందిన ఈ చిత్రం, బాక్సాఫీస్ వద్ద ప్రపంచవ్యాప్తంగా రూ. 50 కోట్లకు పైగా గ్రాస్ వసూళ్లను సాధించి ఘన విజయాన్ని నమోదు చేసింది. సినిమాలో కిరణ్ అబ్బవరం 'స్టీవెన్ శంకర్' అనే ఆశయాలున్న దర్శకుడి పాత్రలో ఎంతో సహజంగా నటించగా, శ్రీ గౌరి ప్రియ 'నివేదిత' అనే డిప్రెషన్ నుంచి బయటపడే క్లిష్టమైన పాత్రలో జీవించింది. వీరిద్దరి మధ్య ఉన్న కెమిస్ట్రీ, భావోద్వేగాలు ప్రేక్షకులను ఎంతగానో ఆకట్టుకున్నాయి. థియేటర్లలో గ్రాండ్ సక్సెస్ సాధించిన ఈ చిత్రం, ఇప్పుడు డిజిటల్ ఆడియన్స్ ముందుకు రావడానికి సిద్ధమైంది. ఈ చిత్ర డిజిటల్ ప్రసార హక్కులను ప్రముఖ ఓటీటీ సంస్థ సోనీలివ్ భారీ ధరకు సొంతం చేసుకుంది. ఆగస్టు 21 నుండి ఈ ఎమోషనల్ లవ్ స్టోరీ సోనీలివ్‌లో ప్రసారం కానుంది. కేవలం తెలుగులోనే కాకుండా తమిళం, కన్నడ, మలయాళం, హిందీ భాషల్లో కూడా అందుబాటులోకి