Hyderabad Traffic Police News

హైదరాబాద్‌లో ట్రాఫిక్ పోలీసులు నిబంధనలకు విరుద్ధంగా ఉన్న వాహనాల నకిలీ నంబర్ పేట్లపై ఉక్కుపాదం మోపుతున్నారు. నగరంలో ప్రత్యేకంగా స్పెషల్ డ్రైవ్స్ నిర్వహిస్తున్నారు.. నంబర్ ప్లేట్లను మార్చడం, స్పష్టంగా లేకపోవడం, నిబంధనలకు విరుద్ధంగా ప్లేట్లు ఉంటే చర్యలు తీసుకుంటున్నారు. నకిలీ నంబర్ ప్లేట్లకు సంబంధించి కేసులు నమోదు చేస్తున్నారు. వాహనదారులు రిజిస్ట్రేషన్ నంబర్ స్పష్టంగా కనిపించేలా, ప్రభుత్వం నిర్దేశించిన ప్రమాణాలకు తగిన విధంగా ఉండాలని పోలీస్ అధికారులు సూచిస్తున్నారు. హైదరాబాద్ ట్రాఫిక్ పోలీసులు నకిలీ, ట్యాంపరింగ్ చేసిన, నిబంధనలకు విరుద్ధంగా ఉన్న నంబర్ ప్లేట్లతో తిరుగుతున్న వాహనాలపై ప్రత్యేక నిఘా పెట్టారు. నిబంధనలు ఉల్లంఘించిన వారిపై కఠిన చర్యలు తీసుకుంటున్నారు. వాహనాల అసలు వివరాలు దాచడం, ట్రాఫిక్ చలానాల నుంచి తప్పించుకోవడం, చట్టవ్యతిరేక కార్యకలాపాలకు పాల్పడే ఉద్దేశంతో నకిలీ నంబర్ ప్లేట్లను ఉపయోగిస్తున్న వారిపై మోటారు వాహనాల చట్టం, తీవ్రమైన క్రిమినల్ చట్టాల కింద కేసులు నమోదు చేస్తున్నారు పోలీసులు. ఈ స్పెషల్ డ్రైవ్‌లలో గత వారం వ్యవధిలోనే నకిలీ నంబర్ ప్లేట్లు ఉపయోగిస్తున్న వారిపై 6 క్రిమినల్ కేసులు నమోదు చేశారు.. ఆ వాహనాలను స్వాధీనం చేసుకున్నట్లు ట్రాఫిక్ జాయింట్ కమిషనర్ డి జోయల్ డేవిస్ తెలిపారు.వాహనాలకు ప్రభుత్వం ఆమోదించిన హై-సెక్యూరిటీ రిజిస్ట్రేషన్ ప్లేట్లు (HSRP) మాత్రమే అమర్చాలని పోలీసులు సూచించారు. నంబర్ ప్లేట్లపై డిజైన్లు మార్చడం, అంకెలు తీసివేయడం, తాత్కాలిక స్టిక్కర్లు వేయడం చట్టరీత్యా నేరమని హెచ్చరించారు. నకిలీ, ట్యాంపరింగ్ చేసిన నంబర్ ప్లేట్లను ఉపయోగిస్తే జీరో టాలరెన్స్ విధానాన్ని అమలు చేస్తామన్నారు జాయింట్ సీపీ జోయల్ డేవిస్. వాహనాలకు సంబంధించి నిబంధనలు ఉల్లంఘించే వారిపై క్రిమినల్ కేసులు నమోదు చేస్తామన్నారు. అలాగే వాహనాలను వెంటనే సీజ్ చేస్తామని హెచ్చరించారు. నగరంలో శాంతిభద్రతల పరిరక్షణ, నేరాల నియంత్రణ, రహదారి భద్రత లక్ష్యంగా ఈ ప్రత్యేక తనిఖీలు నిరంతరం కొనసాగుతాయన్నారు. వాహనదారులందరూ నంబర్ ప్లేట్ల విషయంలో తప్పనిసరిగా నిబంధనలు పాటించాలన్నారు. వాహనదారులు నంబర్

కేబీఆర్‌ పార్క్‌ చుట్టూ నేటినుంచి అమల్లోకి సర్వం సిద్ధం చేసిన ట్రాఫిక్‌ పోలీసులు 13 చోట్ల ఎగ్జిట్‌ పాయింట్లు అదనంగా 35 సీసీ కెమెరాల ఏర్పాటు పాదచారుల కోసం ‘సిటిజన్‌ పెవిలియన్లు’.. ప్రత్యేక జీబ్రా క్రాసింగ్స్‌ నాలుగు షిఫ్టుల్లో సిబ్బంది పహారా.. ఉన్నతాధికారుల నిరంతర పర్యవేక్షణ హైదరాబాద్: అత్యంత రద్దీగా ఉండే బంజారాహిల్స్‌, జూబ్లీహిల్స్‌ పరిధిలోని కేబీఆర్‌ పార్క్‌ చుట్టూ నేటినుంచి ‘వన్‌ వే’ అమలు కానుంది. ఈ మేరకు పోలీస్‌ యంత్రాంగం సర్వం సిద్ధం చేసింది. ట్రాఫిక్‌ కష్టాలకు చరమగీతం పాడేలా అమలు చేయనున్న వన్‌వే ప్రయాణతీరుపై వాహన చోదకులకు ఇప్పటికే అవగాహన కార్యక్రమాలు నిర్వహించారు. అయితే రోడ్డులో ఎగ్జిట్‌ పాయింట్స్‌, లైన్‌ చేంజింగ్‌ పై అవగాహన ఉంటే సాఫీగా ప్రయాణం చేయవచ్చని పోలీసులు చెబుతున్నారు. గతంలో నిర్వహించిన ట్రయల్‌ రన్‌ను పరిగణలోకి తీసుకొని సమస్యలను అధిగమించేలా ఏర్పాట్లు చేసినట్లు పోలీసులు చెబుతున్నారు. లేన్‌ 1.. 2 రోడ్ల వర్గీకరణ హెచ్‌-సిటీ ప్రణాళికలో భాగంగా వాహనాలు ఎక్కడా నిలవకుండా సాఫీగా సాగేందుకు రహదారులను రెండు ప్రధాన విభాగాలుగా విభజించారు. లేన్‌-1 : దూరం వెళ్లే వాహనాలు, నాన్‌-స్టా్‌పగా ప్రయాణించే వారి కోసం ప్రత్యేకించారు. లేన్‌- 2: కాలనీలు, ఉప రహదారుల్లోకి వెళ్లే వారి కోసం నిర్దేశించారు. పది ప్రాంతాల్లో లేన్‌ చేంజింగ్‌కు అవకాశం కల్పించారు. 13చోట్ల ఎగ్జిట్‌ పాయింట్లు ప్రయాణికులు తమ గమ్యస్థానాలకు త్వరగా వెళ్లేందుకు వీలుగా కేబీఆర్‌ చుట్టూ 13చోట్ల ఎగ్జిట్‌ పాయింట్లను శాస్త్రీయంగా తీర్చిదిద్దారు. కేబీఆర్‌ పార్కుకు నిత్యం వేలాది మంది వాకర్లు, పర్యాటకులు వస్తుంటారు. వీరికి ఇబ్బందులు రాకుండా భద్రతకు అధిక ప్రాధాన్యం ఇచ్చారు. రోడ్డు దాటాలనుకునే పాదచారులు సురక్షితంగా వేచి ఉండేందుకు పలు కీలక కూడళ్లలో అత్యాధునిక ‘సిటిజన్‌ పెవిలియన్స్‌’ నిర్మించారు. అవకాశమున్న చోట్ల స్పష్టమైన జీబ్రాక్రాసింగ్స్‌, ప్రయాణికులను అప్రమత్తం చేసేందుకు బ్లింకర్లు, రేడియం సూచిక బోర్డులను ఏర్పాటు చేశారు. అదనంగా 35 సీసీ కెమెరాలు కేబీఆర్‌

హైదరాబాద్ ప్రజలకు బిగ్ అలర్ట్. నగర ట్రాఫిక్ పోలీసులు కీలక నిర్ణయం తీసుకున్నారు. కేబీఆర్ పార్క్ వద్ద ట్రాఫిక్ ఆంక్షలను అమల్లోకి తీసుకురానున్నట్లు స్పష్టం చేశారు. ఈ నెల 18వ తేదీ నుంచి వన్ వే ట్రాఫిక్ విధానాన్ని అమలు చేయనున్నట్లు తెలిపారు. ఇక్కడ ఫ్లైఓవర్, బహుళ అంతస్తుల నిర్మాణ పనులు జరుగుతున్న క్రమంలో ట్రాఫిక్ పోలీసులు ఈ మేరకు నిర్ణయం తీసుకున్నారు. సులభంగా ట్రాఫిక్ కొనసాగడం, పనులు వేగవంతంగా పూర్తి కావడం కోసం అధ్యయనాలు, ట్రయల్స్ కోసం ఈ ఆంక్షలను అమలు చేయనున్నట్లు చెప్పారు. వాహనదారాలు, ప్రజలు దీనిని గమనించి సహకరించాలని కోరారు. అయితే ఇంతకముందే కేబీఆర్ పార్క్ వద్ద వన్ వే విధానంపై ట్రయల్ రన్ నిర్వహించారు. ట్రాఫిక్ సరళిని పరిశీలించడంతో పాటు స్థానిక ప్రజలు, వాకర్స్, నివాసి సంక్షేమ సంఘాలతో సంప్రదింపులు జరిపారు. అనంతరం సమగ్రంగా అధ్యయనం చేయడం, రెండు విడతలుగా ట్రయల్ రన్, జీహెచ్‌ఎంసీ సమన్వయం తర్వాత ట్రాఫిక్ ఆంక్షలను అమలు చేస్తున్నారు. వాహనదారుల రాకపోకలకు ఇబ్బంది కలగకుండా ఉండటంతో పాటు పనులు వేగవంతంగా పూర్తయ్యేలా వీలు కల్పించేందుకు ఈ తాత్కాలిక ఆంక్షలను విధించినట్లు చెప్పారు. బహుళ అంతస్తుల నిర్మాణాలు పూర్తయిన తర్వాత కేబీఆర్ పార్క్ ప్రవేశ ద్వారం, రోడ్ నెం 45, ఫిల్మ్ నగర్, మహారాజా అగర్సేన్, బసవతారకం క్యాన్సర్ హాస్పిటల్ సిగ్నల్స్ వద్ద రద్దీని తగ్గించి సిగ్నల్ ఫ్రీ జర్నీని ప్రవేశపెడతారు. దీని వల్ల జూబ్లీహిల్స్ చెక్‌పోస్ట్ వద్ద ట్రాఫిక్ భారీగా తగ్గుతుంది. కొత్త ఫ్లైఓవర్ల రాకతో ఐటీ కారిడార్‌కు ప్రయాణ సమయం తగ్గనుండగా.. వాహనదారులు సిగ్నల్స్ వద్ద వేచి ఉండే పని ఉండదు. దీని వల్ల కేబీఆర్ పార్క్ వద్ద పొల్యూషన్ కూడా తగ్గే అవకాశముంటుందని చెబుతున్నారు. నిర్మాణ పనుల వల్ల మొదట్లో వాహనదారులకు కాస్త ఇబ్బంది కలిగినప్పటీ.. పూర్తైన తర్వాత ట్రాఫిక్ ఇబ్బందులు తగ్గుతాయి. వీలైనంత త్వరగా పనులు పూర్తయ్యేలా హెచ్ఎండీఏ చర్యలు

Traffic Restrictions In Hyderabad: బంజారాహిల్స్ రోడ్ నెంబర్ 10 లోని కొమరం భీం ఆదివాసి భవన్ కు ఈరోజు సీఎం రేవంత్ రెడ్డి పర్యటించనున్నారు. ఈ నేపథ్యంలో, మధ్యాహ్నం 2 గంటల నుండి సాయంత్రం 6 గంటల వరకు బసవతారకం క్యాన్సర్ ఆసుపత్రి నుండి రోటరీ మార్గాల వరకు ట్రాఫిక్ ఆంక్షలు విధించారు. దీనికి సంబంధించిన పూర్తి వివరాలను తెలుసుకుందాం. ఈరోజు మధ్యాహ్నం రోడ్ నెంబర్ 10 వైపు వెళ్లే వాహనదారులు గమనించాలి. బంజారాహిల్స్ ప్రాంతాల్లో ట్రాఫిక్ ఆంక్షలు విధించారు. సీఎం రేవంత్ రెడ్డి ఆదివాసి కొమరం భీమ్ భవన్‌ను సందర్శించనున్న కారణంగా ఈ నిర్ణయం తీసుకున్నారు. ఈ మార్గాల్లో ట్రాఫిక్‌ ఎక్కువ అయ్యే అవకాశం ఉంది. మధ్యాహ్నం 2 గంటల నుండి సాయంత్రం 6 గంటల వరకు బసవతారకం క్యాన్సర్ ఆసుపత్రి నుండి రోటరీ, రోడ్ నెంబర్ 9, 10 మధ్య తీవ్రమైన ట్రాఫిక్ జామ్ అయ్యే అవకాశం ఉంది. దీనిని దృష్టిలో ఉంచుకుని పోలీసులు ప్రత్యామ్నాయ మార్గాలను సూచించారు. మాసబ్ ట్యాంక్ లేదా తాజ్ కృష్ణ నుండి రోడ్ నెంబర్ 10, జహీరాబాద్ లేదా ఎన్టీఆర్ భవన్ ,జూబ్లీహిల్స్ చెక్ పోస్ట్ వెళ్లే వాహనదారుల కోసం కొన్ని మార్గాలను సూచించారు. మొదటి మార్గంలో మాసబ్ ట్యాంక్ నుండి రోడ్ నెంబర్ 12, అగ్రసేన్ ఐలాండ్ మీదుగా ఎన్టీఆర్ భవన్ చేరుకుని, అక్కడి నుండి జూబ్లీహిల్స్ చెక్ పోస్ట్ వెళ్లవచ్చు. రెండవ మార్గంలో మాసబ్ ట్యాంక్ నుండి రోడ్ నెంబర్ 7, 14 మీదుగా ఎన్టీఆర్ భవన్ చేరుకుని, అక్కడి నుండి జూబ్లీహిల్స్ చెక్ పోస్ట్‌కు వెళ్లవచ్చు. అలాగే, జూబ్లీహిల్స్ చెక్ పోస్ట్ లేదా ఎన్టీఆర్ భవన్ నుండి జహీరా నగర్, రోడ్ నెంబర్ 10, ఖైరతాబాద్ లేదా మాసబ్ ట్యాంక్ వెళ్లే వాహనాలు ఎన్టీఆర్ భవన్ నుండి రోడ్ నెంబర్ 14, 7 మీదుగా ఖైరతాబాద్ లేదా మాసబ్ ట్యాంక్‌కు

ఈ నెల 18 నుంచి కొత్త ట్రాఫిక్ రూల్స్ అమల్లోకి జూబ్లీహిల్స్‌లోని కేబీఆర్ పార్క్ చుట్టూ నిబంధనలు ఉదయం 6 గంటల నుంచే వన్ వే విధానం ప్రారంభం KBR Park One Way : హైదరాబాద్‌ నగర వాహనదారులకు బిగ్ అలర్ట్.. ట్రాఫిక్ రద్దీని తగ్గించేందుకు హైదరాబాద్ ట్రాఫిక్ పోలీసులు కీలక నిర్ణయం తీసుకున్నారు. జూబ్లీహిల్స్‌లోని కేబీఆర్ పార్క్ చుట్టూ వన్‌వే అమలు చేయనున్నారు. ఈ నెల 18వ తేదీ ఉదయం 6 గంటల నుంచి వన్‌వే విధానం అమల్లోకి రానుంది. ట్రాఫిక్ ఫ్లోను మెరుగుపరచడంతో పాటు ప్రయాణ సమయాన్ని తగ్గించడం, వాహనదారులకు సేఫ్ జర్నీ అందించడమే లక్ష్యంగా ఈ ప్రాజెక్టును అమలు చేయనున్నారు. మొత్తం 6 మేజర్ జంక్షన్లు : కేబీఆర్ పార్క్ చుట్టూ మొత్తం 6 మేజర్ జంక్షన్లు ఉన్నాయి. ఈ ప్రాంతంలో ట్రాఫిక్‌ను క్రమబద్ధీకరించేందుకు వన్‌వే విధానాన్ని అమలు చేయనున్నారు. ఈ ప్రాజెక్ట్ పూర్తిస్థాయిలో అమల్లోకి వచ్చిన తర్వాత ట్రాఫిక్ రద్దీ తగ్గడంతో పాటు వాహనాల కదలిక మరింత సాఫీగా ఉంటుందని అధికారులు భావిస్తున్నారు. తద్వారా ప్రయాణ సమయం తగ్గడంతో పాటు కాలుష్యం కూడా భారీగా తగ్గే అవకాశం ఉందని చెబుతున్నారు. వన్‌వే అమలుకు ముందు ఇప్పటికే రెండుసార్లు ట్రయల్ రన్ నిర్వహించారు. ఏప్రిల్ 5న మూడు గంటల పాటు, జూన్ 21న ఆరు గంటల పాటు ట్రయల్ రన్ చేపట్టారు. ఈ ట్రయల్ రన్స్ ద్వారా వాహనదారులకు కొత్త ట్రాఫిక్ విధానంపై అవగాహన కల్పించడమే కాకుండా దాంతో ఎదురయ్యే సాంకేతిక సమస్యలను కూడా గుర్తించారు. వాటిని పరిశీలించి అవసరమైన మార్పులు, ఏర్పాట్లు చేసినట్లు అధికారులు పేర్కొన్నారు. 110 పిల్లర్లు ఏర్పాటు : ఈ ప్రాజెక్టులో మొత్తం 110 పిల్లర్లు ఏర్పాటు చేయనున్నారు. వన్‌వే అమలుతో ప్రారంభ దశలో కొన్ని నెలల పాటు వాహనదారులకు ఇబ్బందులు ఎదురయ్యే అవకాశం ఉందని అంటున్నారు. అందుకే ప్రజలు, వాహనదారులు ట్రాఫిక్ సిబ్బందికి