Ghmc News

పరేష్ జీ తెలుగు డిజిటల్ మీడియాలో సబ్ ఎడిటర్‌గా పనిచేస్తున్నారు. ఇక్కడ 2024 నుంచి నేషనల్, సోషల్ మీడియా వైరల్ న్యూస్, క్రైమ్, తెలంగాణ, ఏపీ రాజకీయాలు, ఆస్ట్రాలజీ, లైఫ్ స్టైల్ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Meat shops closed in Hyderabad city on September 4: ప్రస్తుతం మనం శ్రావణ మాసంలో ఉన్నాం. ఈనెలలో ప్రతి రోజు ఏదో ఒక పండగను మనం జరుపుకుంటాం. అయితే.. సెప్టెంబర్ 4న మనం జన్మాష్టమిని భక్తి శ్రద్దలతో జరుపుకుంటాం. శ్రీకృష్ణ జన్మాష్టమి హిందువులు ఎంతో భక్తిశ్రద్ధలతో జరుపుకుంటారు.ఈ రోజున చాలా మంది ఉపవాసాలు ఉంటారు. విష్ణుమూర్తి ఎనిమిదో అవతారమైన శ్రీకృష్ణుడి జన్మదినాన్ని గ్రాండ్ గా నిర్వహిస్తారు. పలు చోట్ల దహి హండీ ఉట్టి కొట్టే వేడుకను నిర్వహిస్తారు. తమ పిల్లలకు చిన్నారి శ్రీకృష్ణుడు, రాధలా కాస్ట్యూమ్ లు వేసి పొంగిపోతారు. శ్రీకృష్ణుడు అర్ధరాత్రి సమయంలో జన్మించాడనే విశ్వాసంతో రాత్రి వేళ పూజలు నిర్వహిస్తారు. ఈ రోజు అష్టమి, రోహిణి తిథి ఉండేలా చూసుకుంటారు. ఈసారి సెప్టెంబర్ 4, శుక్రవారం రోజునే జన్మాష్టమి వేడుకలు నిర్వహించాలని పండితులు సూచిస్తున్నారు. మరోవైపు హైదరాబాద్ పరిధిలో కూడా జన్మాష్టమి వేడుకలను ఘనంగా నిర్వహిస్తారు. ఈ నేపథ్యంలో సెప్టెంబర్ 4న చికెన్, మటన్ అమ్మకాలపై ఒక రోజు నిషేధం విధిస్తున్నట్లు జీహెచ్ఎంసీ కీలక ఆదేశాలు జారీ చేసింది. Read more: Konda Surekha: నన్ను ఎవరు పిలువలేదు.. నేనే వచ్చా... ఉత్కంఠ వేళ కొండంత ట్విస్ట్ ఇచ్చిన మంత్రి సురేఖ..! ఈ మేరకు రిటైల్, చికెన్, మటన్ షాపులు, పశువధ శాలలన్ని మూసి వేసి ఉంచాలని అధికారులు తెల్చి చెప్పారు. ఎవరైన రహస్యంగా మాంసం అమ్మకాలు చేపడితే కఠిన చర్యలు తీసుకుంటామన్నారు. అంతే కాకుండా జన్మాష్టమి రోజున ప్రత్యేకంగా తనిఖీలు చేస్తామని వెల్లడించారు. హైదరాబాద్ వాసులు

పగలు, రాత్రి తేడా లేకుండా కుడుతున్న దోమలు పట్టించుకోని జీహెచ్‌ఎంసీ, ప్రజాప్రతినిధులు కానరాని ఎంటమాలజీ సిబ్బంది హైదరాబాద్: హైదరాబాద్ నగరం ఖైరతాబాద్‌ నియోజకవర్గంలోని అన్ని ప్రాంతాల్లో దోమలు స్వైరవిహారం చేస్తూ ప్రజల రక్తాన్ని పీల్చేస్తున్నాయి. పగలు, రాత్రి సమయాల్లో ప్రజలను కుడుతుండడంతో అనారోగ్యం బారిన పడుతున్నారు. ఎన్ని ఫిర్యాదులు చేసినా అధికారులు పట్టించుకోవడంలేదని స్థానికులు ఆరోపిస్తున్నారు. కనిపించని ఎంటమాలజీ సిబ్బంది ఎంటమాలజీ విభాగం సిబ్బంది మామూలు రోజుల్లో వారానికోమారు వీధుల్లో తిరుగుతూ నీరు నిల్వ ఉన్న ప్రాంతాలు, చెరువుల వద్ద, చెత్త ఎక్కువగా ఉండే ప్రాంతాల్లో యాంటీ లార్వా ఆపరేషన్‌ చేస్తూ దోమల మందును పిచికారి చేస్తుంటారు. ఇంటింటికీ వచ్చినట్లు ఇళ్ల వద్ద మార్కింగ్‌ చేస్తుంటారు. ప్రస్తుతం దోమలు విజృంభిస్తున్నా వారు కనిపించకుండా పోవడం విస్మయానికి గురిచేస్తోంది. ఖైరతాబాద్‌ ఇందిరానగర్‌కాలనీ, బీజేఆర్‌నగర్‌, మహాభారత్‌నగర్‌, డబుల్‌ బెడ్‌రూమ్‌ సముదాయం, న్యూ సీఐబీ క్వార్టర్స్‌, శ్రీనివాసనగర్‌, బుడగజంగం బస్తీ, మార్కెట్‌, ఓల్డ్‌ సీఐబీ క్వార్టర్స్‌, లక్ష్మీనగర్‌తోపాటు ఎర్రమంజిల్‌, పంజాగుట్ట, సోమాజిగూడ, బంజారాహిల్స్‌, జూబ్లీహిల్స్‌, తదితర ప్రాంతాల్లో దోమలు విజృంభిస్తున్నాయి. ఎంటమాలజీ విభాగం అధికారులు, సిబ్బంది కనీస మాత్రంగానైనా స్పందించడంలేదు. వార్డుల వారీగా విభజించిన సిబ్బందిని కేవలం వీఐపీ ప్రాంతాలు, ఇతర ముఖ్య ప్రాంతాల్లో విధులు నిర్వహించేలా చేస్తూ మిగతా చోట్ల పనులు నిలిపివేశారనే ఆరోపణలు వినిపిస్తున్నాయి. దీంతోపాటు దోమల నివారణకు పిచికారి చేయాల్సిన మందులను, ఫాగింగ్‌ మందులను ప్రైవేట్‌ సంస్థలకు అమ్ముకుంటున్నారనే ఆరోపణలు వినిపిస్తున్నాయి. పత్తాలేని ఫాగింగ్‌ దోమల నివారణకు కనీసం వారానికోమారు నిర్వహించాల్సిన ఫాగింగ్‌(దోమల పొగ)ను అవసరమున్న సమయంలో చేయడం లేదు. దీంతో హుస్సేన్‌సాగర్‌ పరీవాహక ప్రాంతాల్లోని మురికివాడల బస్తీల్లో దోమలు విజృంభిస్తున్నాయి. ఐమాక్స్‌ ఎదురుగా ఉన్న లేక్‌వ్యూ పార్కు, బంజారాహిల్స్‌లోని బంజారా లేక్‌లలో డ్రోన్ల ద్వారా దోమల మందును పిచికారి చేస్తామని చెప్పినా అమలు చేయడం లేదు. ఇప్పటికైనా జీహెచ్‌ఎంసీ ఉన్నతాధికారులు స్పందించి దోమల నివారణకు సత్వర చర్యలు తీసుకోవాల్సిన అవసరమెంతైనా ఉన్నది. నిద్ర

ట్రై కార్పొరేషన్లలోని కొందరు పట్టణ ప్రణాళికా విభాగం అధికారులు అక్రమ వసూళ్లకు పాల్పడుతున్నారన్న విమర్శలు వినిపిస్తున్నాయి. ట్రై కార్పొరేషన్లలోని ప్లానింగ్‌ విభాగం లీలలు హైదరాబాద్‌ సిటీ: ట్రై కార్పొరేషన్లలోని కొందరు పట్టణ ప్రణాళికా విభాగం అధికారులు అక్రమ వసూళ్లకు పాల్పడుతున్నారన్న విమర్శలు వినిపిస్తున్నాయి. అనుమతుల నుంచి ఓసీల జారీ వరకు.. ఫైల్‌కు ఇంత అని, అంతస్తులు, నిర్మాణ విస్తీర్ణం బట్టి రేట్లు నిర్ణయించి మరీ లంచాలు తీసుకుంటున్నారు. అడిగినంత ఇవ్వకుంటే నోటీసులు, కూల్చివేతలంటూ వేధింపులకు గురి చేస్తున్నారు. సైబరాబాద్‌ మున్సిపల్‌ కార్పొరేషన్‌(సీఎంసీ) పరిధిలో ఈ తతంగం ఎక్కువగా జరుగుతుండగా.. తామేమి తక్కువ కాదన్నట్టు గ్రేటర్‌ హైదరాబాద్‌ మున్సిపల్‌ కార్పొరేషన్‌(జీహెచ్‌ఎంసీ), మల్కాజిగిరి మున్సిపల్‌ కార్పొరేషన్‌(ఎంఎంసీ) యంత్రాంగం కూడా వారితో పోటీ పడుతోంది. అక్రమ నిర్మాణాల విషయంలో అధికారుల దోపిడికి అడ్డూ అదుపు ఉండడం లేదు. మాదాపూర్‌లో నోటరీ స్థలాల్లో నాలుగైదు అంతస్తుల భవన నిర్మాణాలు యథేచ్ఛగా జరుగుతున్నాయి. ప్రాంతాల వారీగా అవుట్‌ సోర్సింగ్‌ సిబ్బందికి బాధ్యతలు అప్పగించి.. నిర్మాణదారుల నుంచి కొందరు అధికారులు వసూళ్లు చేస్తుండడం గమనార్హం. కూకట్‌పల్లి జోన్‌ పరిధిలోనూ పలువురు పట్టణ ప్రణాళికా విభాగం అధికారుల తీరు చర్చనీయాంశంగా మారింది. అంతా మేం చూసుకుంటాం.. అదనపు అంతస్తులు నిర్మించుకోండని భవన యజమానులకు భరోసా ఇస్తున్నట్టు తెలిసింది. గ్రౌండ్‌ ప్లస్‌ రెండంతస్తుల భవనానికి అనుమతి తీసుకున్న ఓ వ్యక్తి అదనంగా మరో రెండంతస్తులు నిర్మించారు. స్థానికులు ఫిర్యాదు చేసినా అధికారులు అటు వైపు కన్నెత్తి చూడకపోగా.. త్వరగా బయటి వైపు పనులు పూర్తి చేసి రంగులు వేయాలని సూచించినట్టు సమాచారం. చైన్‌మెన్‌ నుంచి టీపీఎస్‌, ఏసీపీ, సిటీ ప్లానర్ల వరకు అవినీతిలో భాగస్వాములుగా ఉంటున్నారు. ప్రతీ ఫైల్‌కు ముడుపులు ముట్టాల్సిందే అని కింది స్థాయి సిబ్బంది వద్ద పైఅధికారులు బహిరంగంగా చెబుతుండడం గమనార్హం

హెచ్-సిటీ (H-CITI) ప్రాజెక్టులో భాగంగా ఫ్లైఓవర్లు, అండర్‌పాస్‌ల నిర్మాణ పనుల కారణంగా కేబీఆర్ పార్క్ చుట్టూ ఆగస్టు 18 నుంచి వన్- వే ట్రాఫిక్ విధానం అమలులోకి వచ్చిన విషయం తెలిసిందే. ఈ క్రమంలో సీపీ సజ్జనార్ వన్‌ వే ట్రాఫిక్‌పై సర్‌ప్రైజ్ చెక్ నిర్వహించారు. హైదరాబాద్, ఆగస్టు 20: హెచ్-సిటీ (H-CITI) ప్రాజెక్టులో భాగంగా ఫ్లైఓవర్లు, అండర్‌పాస్‌ల నిర్మాణ పనుల కారణంగా కేబీఆర్ పార్క్ చుట్టూ ఆగస్టు 18 నుంచి వన్- వే ట్రాఫిక్ విధానం అమలులోకి వచ్చిన విషయం తెలిసిందే. ఈ క్రమంలో సీపీ సజ్జనార్ వన్‌ వే ట్రాఫిక్‌పై సర్‌ప్రైజ్ చెక్ నిర్వహించారు. సామాన్యుడిలా బైక్‌పై ప్రయాణిస్తూ ట్రాఫిక్‌ను పర్యవేక్షించారు. రోడ్ నంబర్ 45 నుంచి ఫిల్మ్‌నగర్ వరకు బైక్‌పై రెండు సార్లు తిరుగుతూ ట్రాఫిక్‌ను పరిశీలించారు. జంక్షన్‌లలో విధుల్లో ఉన్న పోలీసులతో ట్రాఫిక్‌పై సీపీ ఆరా తీశారు. మధ్యాహ్నం కూడా మరోసారి ట్రాఫిక్ సరళిపై పర్యవేక్షించారు. వన్‌వే కారణంగా తొలి రోజు వాహనదారులు కొంత అయోమయానికి గురైనప్పటికీ.. రెండో రోజు నుంచి రాకపోకలు సాఫీగా సాగుతున్నాయని సజ్జనార్ తెలిపారు. అన్ని జంక్షన్‌లలో స్పష్టమైన సైన్‌బోర్డులు ఏర్పాటు చేసినట్లు చెప్పారు. తగినంత మంది ట్రాఫిక్ సిబ్బందిని మోహరించినట్లు వెల్లడించారు. జీహెచ్‌ఎంసీ, నిర్మాణ సంస్థ సమన్వయంతో H-CITY పనులు జరుగుతున్నాయన్నారు. పనులు పూర్తయ్యే వరకు వాహనదారులు సహకారించాలని కోరారు. ట్రాఫిక్ పోలీసుల సూచనలు పాటించాలని ప్రజలకు సీపీ సజ్జనార్ విజ్ఞప్తి చేశారు. ఎస్‌సీబీఏ సీనియర్ ఎగ్జక్యూటివ్‌ సభ్యుడిగా రవిశంకర్ ఎన్నిక మంత్రి పొంగులేటి క్షమాపణ చెప్పడం సిగ్గుచేటు: ఎంపీ లక్ష్మణ్

రెండో విడత ఇందిరమ్మ ఇండ్లు వచ్చే నెలలో కేటాయింపు ప్రక్రియ జీహెచ్‌ఎంసీ పరిధిలో లాటరీ పద్ధతి Indiramma Indlu: తెలంగాణలో సొంతింటి నిరీక్షణలో ఉన్న పేద ప్రజలకు రేవంత్ రెడ్డి ప్రభుత్వం మరో తీపి కబురు అందించింది. రాష్ట్రాన్ని గుడిసెలు లేని పచ్చని ప్రాంతంగా తీర్చిదిద్దడమే ధ్యేయంగా ప్రభుత్వం వేగంగా అడుగులు వేస్తోంది. అందులో భాగంగానే రెండో విడత ఇందిరమ్మ ఇండ్ల కేటాయింపు ప్రక్రియపై అధికార యంత్రాంగానికి స్పష్టమైన దిశానిర్దేశం చేసింది. ఈ విడతలో నిరుపేదలకు, ముఖ్యంగా ప్రస్తుతం గుడిసెలలో నివాసముంటున్న అర్హులకు మొదటి ప్రాధాన్యత ఇస్తూ ఇళ్లను (Indiramma Indlu)మంజూరు చేయాలని హౌసింగ్ కార్పొరేషన్ విసి మరియు ఎండీ గౌతమ్ అధికారులను ఆదేశించారు. Raipur Minor Girl: కన్న కూతురిపై తండ్రి అత్యాచారం.. గర్భందాల్చిన పాప.. రాయ్‌పూర్ ఆస్పత్రిలో అమానుషం వచ్చే నెల 15 నాటికి ప్రక్రియ పూర్తి: రెండో దశ ఇందిరమ్మ ఇండ్ల పంపిణీకి సంబంధించిన అన్ని రకాల ప్రాసెస్ ప్రక్రియను వచ్చే నెల 15వ తేదీ నాటికి పూర్తి చేయాలని అధికారులు గడువు విధించారు. క్షేత్రస్థాయిలో ఎలాంటి పొరపాట్లు జరగకుండా పారదర్శకంగా అర్హులను ఎంపిక చేసి ఇళ్లను కేటాయించేందుకు ముమ్మర ఏర్పాట్లు చేస్తున్నారు. జీహెచ్‌ఎంసీ పరిధిలో లాటరీ పద్ధతి ద్వారా ఎంపిక: గ్రేటర్ హైదరాబాద్ (GHMC) పరిధిలో ఇండ్ల కేటాయింపునకు ప్రత్యేక ప్రణాళిక రూపొందించారు. ఈ నెల 27వ తేదీ నుంచి రోజుకు నాలుగు నియోజకవర్గాల చొప్పున డ్రా తీయనున్నారు. అత్యంత పారదర్శకంగా లాటరీ పద్ధతి ద్వారా అర్హులైన లబ్ధిదారులను ఎంపిక చేసి ఇందిరమ్మ ఇళ్లను కేటాయిస్తామని అధికారులు వెల్లడించారు

ఏసీబీకి మరో అవినీతి చేప చిక్కింది. భవన నిర్మాణ అనుమతి ఫైల్‌ను ప్రాసెస్ చేసి, బిల్డింగ్ పర్మిట్ ఆర్డర్, వర్క్ కమెన్స్‌మెంట్ లెటర్ జారీ చేసేందుకు రూ.20 వేల లంచం డిమాండ్ చేసి తీసుకుంటుండగా అధికారులు రెడ్ హ్యాండెడ్‌గా పట్టుకున్నారు. చార్మినార్ జోన్‌కు చెందిన ఈ మేరకు సంతోష్‌నగర్ సర్కిల్-25 అధికారిణి సీహెచ్ ప్రభావతిని ఏసీబీ సిటీ రేంజ్-1 అధికారులు అదుపులోకి తీసుకున్నారు. ఏసీబీ అధికారులు వెల్లడించిన వివరాల ప్రకారం.. భవన నిర్మాణ అనుమతి కోసం ఓ వ్యక్తి ఇటీవల దరఖాస్తు చేసుకున్నాడు. ఆ ఫైల్‌ను ప్రాసెస్ చేసి, సంబంధిత భవన నిర్మాణ అనుమతి ఉత్తర్వుతో పాటు పని ప్రారంభ లెటర్ అందించాల్సిన బాధ్యత టౌన్ ప్లానింగ్ విభాగానికి ఉంది. అయితే ఈ పని పూర్తి చేసేందుకు ప్రభావతి సదరు వ్యక్తి నుంచి రూ.20 వేలు లంచం డిమాండ్ చేసినట్లు ఏసీబీ తెలిపింది.లంచం డిమాండ్ ఫిర్యాదు అందటంతో ఏసీబీ అధికారులు పక్కా స్కెచ్వేశారు. బిల్డింగ్ పర్మిషన్ కోసం వచ్చిన వ్యక్తి నుంచి రూ. 20 వేలు లంచం తీసుకుంటుండగా.. రెడ్ హ్యాండెడ్‌గా ప్రభావతిని పట్టుకున్నారు. ఆమె వద్ద ఉన్న లంచం మెత్తాన్ని ఏసీబీ అధికారులు స్వాధీనం చేసుకున్నారు. ప్రభుత్వ ఉద్యోగినిగా తన అధికారిక విధులను నిష్పక్షపాతంగా నిర్వర్త్తించాల్సిన ఆమె ఇలా అడ్డదారులు తొక్కుతూ డబ్బులు డిమాండ్ చేసినట్లు ఏసీబీ పేర్కొంది. ఈ మేరకు ఆమెను నాంపల్లిలోని ఏసీబీ కేసుల అదనపు ప్రత్యేక న్యాయమూర్తి ఎదుట హజరుపరిచి జ్యుడీషియల్ రిమాండ్‌కు తరలించినట్లు చెప్పారు. ఈ కేసుకు సంబంధించిన తదుపరి దర్యాప్తు కొనసాగుతోందని అన్నారు.ఇదిలా ఉండగా.. ప్రభుత్వ కార్యాలయాల్లో లంచం డిమాండ్ చేస్తే వెంటనే ఏసీబీని సంప్రదించాలని అధికారులు సూచిస్తున్నారు. తెలంగాణ ఏసీబీ టోల్ ఫ్రీ నంబర్ 1064కు ఫిర్యాదు చేయవచ్చునని తెలిపారు. అలాగే వాట్సాప్ నెంబర్ 9440446106కు కాల్ చేయాలని సూచించారు. ఫేస్‌బుక్‌ పేజీలో Telangana ACB , ట్విట్టర్ ఎక్స్‌లో @Telangana ACB ద్వారా

హైదరాబాద్‌లోని పూల్‌బాగ్‌లో జీహెచ్ఎంసీ కార్యాలయంలో అవినీతిపై ఏసీబీకి ఫిర్యాదులు వెల్లువెత్తాయి. ఈ నేపథ్యంలో మంగళవారం ఆ కార్యాలయంలో ఏసీబీ ఆధికారులు ఆకస్మిక తనిఖీలు చేపట్టారు. హైదరాబాద్, ఆగస్టు18: నగరంలోని ఫూల్‌బాగ్‌లోని జీహెచ్ఎంసీ కార్యాలయంలో అవినీతిపై ఏసీబీకి ఫిర్యాదులు వెల్లువెత్తాయి. ఈ నేపథ్యంలో మంగళవారం ఆ కార్యాలయంలో ఏసీబీ ఆధికారులు ఆకస్మిక తనిఖీలు చేపట్టారు. ఈ సందర్భంగా టౌన్ ప్లానింగ్ సూపర్‌వైజర్ ప్రభావతి.. రూ.20 వేలు లంచం తీసుకుంటూ ఏసీబీ అధికారులకు రెడ్‌హ్యాండెడ్‌గా పట్టుబడింది. దీంతో ఆమెను ఏసీబీ అధికారులు అదుపులోకి తీసుకుని విచారణ జరుపుతున్నారు. ప్రభావతిపై కేసు నమోదు చేశారు. ప్రభుత్వ అధికారులు లంచం డిమాండ్ చేస్తే.. తమకు ఫిర్యాదు చేయాలని ఈ సందర్భంగా ప్రజలకు ఏసీబీ అధికారులు సూచించారు. మరో వైపు అవినీతిని అరికట్టేందుకు ప్రభుత్వం చర్యలు చేపడుతున్నప్పటికీ సిబ్బందిలో ఎటువంటి మార్పు రావడం లేదని ప్రజలు పెదవి విరుస్తున్నారు. తరచూ ఎప్పుడో అక్కడ.. ఎప్పుడో అప్పుడు లంచం తీసుకుంటూ ప్రభుత్వ ఉద్యోగులు ఏసీబీ అధికారులకు పట్టుబడుతున్నారు. తాజాగా ఫూల్‌బాగ్‌లోని జీహెచ్ఎంసీ కార్యాలయంలో అటువంటి ఘటనే చోటు చేసుకుంది. బీజేపీకి అనుబంధ సంస్థగా మారిన ఎన్నికల సంఘం: టీపీసీసీ చీఫ్ వన్ వే కి సహకారం అందిస్తున్నందుకు ధన్యవాదములు: సీపీ సజ్జనార్

Nacharam: నాచారంలో ప్రమాదకరంగా మారిన మ్యాన్‌హోల్స్ స్థానికుల ఆందోళన! Nacharam: నాచారం రాఘవేంద్ర నగర్‌లో మ్యాన్‌హోల్స్ ప్రమాదకరంగా మారాయి. మూతలు ధ్వంసమై ఉండటంతో స్థానికులు, వాహనదారులు తీవ్ర ఇబ్బందులు ఎదుర్కొంటున్నారు. ఎప్పుడైనా ప్రమాదం జరిగే అవకాశం ఉందని స్థానికులు ఆందోళన వ్యక్తం చేస్తున్నారు. సమస్యను పరిష్కరించాలని ఇప్పటికే పలుమార్లు అధికారులకు విన్నవించిన పట్టించుకోలేదని స్థానికులు ఆవేదన వ్యక్తం చేస్తున్నారు. ప్రమాదం జరిగితే తప్ప సమస్యను పరిష్కరించరా.. అని స్థానికులు ప్రశ్నిస్తున్నారు. ఇప్పటికైన వెంటనే మ్యాన్‌హోల్స్‌కు మూతలు ఏర్పాటు చేసి, ప్రమాదాలను నివారించాలని అధికారులను కోరుతున్నారు

కల్తీ ఆహార తయారీ కేంద్రంపై హెచ్‌ఫాస్ట్, జీహెచ్‌ఎంసీ ఫుడ్‌ సేఫ్టీ, టాస్క్‌ఫోర్స్ పోలీసులు సంయుక్తంగా దాడులు చేశారు. జిల్లాలోని బొంగుళూర్‌లో M/s KSM ఫుడ్ ప్రొడక్ట్స్‌పై తనిఖీలో విస్తుపోయే నిజాలు వెలుగులోకి వచ్చాయి. రంగారెడ్డి, ఆగస్టు 15: కల్తీ ఆహార తయారీ కేంద్రంపై హెచ్‌ఫాస్ట్, జీహెచ్‌ఎంసీ ఫుడ్‌ సేఫ్టీ, టాస్క్‌ఫోర్స్ పోలీసులు సంయుక్తంగా దాడులు చేశారు. జిల్లాలోని బొంగుళూర్‌లో M/s KSM ఫుడ్ ప్రొడక్ట్స్‌పై తనిఖీలో విస్తుపోయే నిజాలు వెలుగులోకి వచ్చాయి. గడువు ముగిసిన ముడిసరుకులతో ఆహార పదార్థాలను తయారు చేస్తున్నట్లు అధికారులు గుర్తించారు. లేబుల్స్ లేని రసాయన సువాసన ద్రవ్యాలతో నాసిరకం ఆహార తయారీ చేస్తునట్టు తేలింది. నిర్వాహకులు అత్యంత అపరిశుభ్ర వాతావరణంలో ఆహార పదార్థాలను తయారీ చేస్తున్నట్లు అధికారుల దాడుల్లో బయటపడింది. వ్యాపారంలో లాభాలు రాకపోవడంతో ఈజీ మనీ కోసం అక్రమంగా నాణ్యత లేని ఆహారపదార్థాల తయారీకి ప్లాన్ చేసిన గుర్తించిన అధికారులు.. తనిఖీల అనంతరం యజమాని మహ్మద్ ఖాలీద్, మేనేజర్ సంతోష్ కుమార్‌ను అరెస్ట్ చేశారు. తనిఖీల్లో దాదాపు 4.07 లక్షల విలువైన ఆహార పదార్థాలు, ముడిసరుకును స్వాధీనం చేసుకున్నారు. ముడిసరుకు గడువు ముగిసిన ఫ్లేవర్లు, కాజూ, కొబ్బరి పొడి తదితర పదార్థాలను సీజ్ చేసిన అధికారులు.. నిందితులపై ఆదిభట్ల పోలీస్ స్టేషన్‌లో కేసు నమోదు చేశారు. నెలాఖరులోగా మారేళ్లపాడు ఎత్తిపోతల పథకం పూర్తి: మంత్రి తుమ్మల నాగేశ్వరరావు స్నేహితుడి నంబర్‌తో మెసేజ్.. ఓపెన్ చేయగానే రూ.4.15 లక్షలు మాయం

హైదరాబాద్ ఫిల్మ్‌నగర్‌లోని డెక్కన్ కిచెన్ ప్రాపర్టీ వివాదంలో నటులు దగ్గుబాటి వెంకటేశ్, రానా దగ్గుబాటిలకు తెలంగాణ హైకోర్టులో గట్టి ఎదురుదెబ్బ తగిలింది. తమపై నమోదైన క్రిమినల్ కేసును కొట్టివేయాలని దగ్గుబాటి కుటుంబ సభ్యులు దాఖలు చేసిన పిటిషన్‌ను జస్టిస్ ఎన్. తుకారాంజీ ఇటీవల తోసిపుచ్చారు. దీంతో నాంపల్లి అదనపు చీఫ్ మెట్రోపాలిటన్ మేజిస్ట్రేట్ కోర్టులో ఈ కేసు విచారణ యథాతథంగా కొనసాగనుంది. ఈ వ్యవహారంలో నటులతో పాటు నిర్మాత డి. సురేష్ బాబు, డి. అభిరామ్, అకౌంటెంట్ గడ్డం విశ్వనాథం కూడా క్రిమినల్ విచారణను ఎదుర్కోనున్నారు. ఈ వివాదం మూలాలు 2014 కాలం నాటి లీజు ఒప్పందంలో స్పష్టంగా కనిపిస్తున్నాయి. ఆ సమయంలో దగ్గుబాటి కుటుంబం తమ భూమిని డబ్ల్యూ3 హాస్పిటాలిటీ సర్వీసెస్ ప్రైవేట్ లిమిటెడ్‌కు లీజుకు ఇవ్వగా, వ్యాపారవేత్త కొరే నందు కుమార్ అక్కడ డెక్కన్ కిచెన్ రెస్టారెంట్ ఏర్పాటుకు భారీ పెట్టుబడులు పెట్టారు. అయితే 2018 నుంచి ప్రాపర్టీ లీజు హక్కులు, స్థలం స్వాధీనం విషయంలో ఇరువర్గాల మధ్య తీవ్ర విభేదాలు ప్రారంభమయ్యాయి. ఆ తర్వాత 2022 నవంబర్‌లో జీహెచ్‌ఎంసీ అధికారులు ప్రాంగణంలోని కొన్ని నిర్మాణాలను పాక్షికంగా కూల్చివేశారు. హైకోర్టు స్టేటస్ కో ఆదేశాలు అమలులో ఉన్నప్పటికీ 2024 జనవరిలో నిర్మాణాలను పూర్తిగా కూల్చివేశారని బాధితుడు నందు కుమార్ కోర్టును ఆశ్రయించారు. దీంతో దగ్గుబాటి కుటుంబ సభ్యులు అధికారుల సహకారంతో లీజు ప్రాంగణంలోకి అక్రమంగా ప్రవేశించి, ఆస్తులను ధ్వంసం చేయడమే కాకుండా బెదిరింపులకు పాల్పడ్డారని ప్రైవేట్ ఫిర్యాదు చేశారు. ఈ నేపథ్యంలో హౌస్ ట్రెస్‌పాస్, దొంగతనం, క్రిమినల్ కుట్ర వంటి తీవ్రమైన సెక్షన్ల కింద నమోదు చేసిన పిటిషన్‌ను నాంపల్లి కోర్టు విచారణకు స్వీకరించింది. క్రిమినల్ కేసును రద్దు చేయాలంటూ దగ్గుబాటి కుటుంబం 2024 లోనే హైకోర్టును ఆశ్రయించి తమ వాదనలను బలంగా వినిపించింది. ఇది కేవలం లీజు, ఆస్తుల స్వాధీనానికి సంబంధించిన సివిల్ వివాదమని, కాబట్టి క్రిమినల్ ప్రొసీడింగ్స్ సరికాదని

తెలంగాణ ప్రభుత్వం కీలక నిర్ణయం తీసుకుంది. సుదీర్ఘ కాలంగా ఉన్న సమస్యకు పరిష్కారం దిశగా అడుగులు వేస్తోంది. రాష్ట్ర వ్యాప్తంగా పెద్ద సంఖ్యలో భూ యజమానులు వేచి చూస్తున్న కీలక సమస్యను పరిష్కరించేందుకు మార్గం సుగమం చేసింది. ఈ మేరకు స్పష్టత ఇస్తూ మంత్రి పొంగులేటి శ్రీనివాస రెడ్డి ప్రకటన చేసారు. నిషేధిత జాబితా నుంచి అర్హత ఉన్న భూములను తప్పించి.. వాటి యాజమానులకు పూర్తి హక్కులు కల్పించాలని నిర్ణయించారు.తెలంగాణలో సుదీర్ఘ కాలంగా కొందరు భూ యజమానులు వేచి చూస్తున్న పరిష్కారం దిశగా ప్రభుత్వం కీలక నిర్ణయం తీసుకుంది. రాష్ట్రంలో పెద్ద సంఖ్యలో 22ఏ జాబితాలో భూములు ఉండటంతో వాటిని విక్రయించలేక, రిజిస్ట్రేషన్లు చేసుకోలేక కొందరు భూ యజమానులు అష్టకష్టాలు పడుతున్నారు. బ్యాంకు రుణాలు పొందడంలోనూ వారికి సమస్యలు ఎదుర్కొంటు న్నారు. ఈ నేపథ్యంలో అర్హత ఉన్న భూములను గుర్తించి నిషేధిత జాబితా నుంచి తెలిగించేలా అధికారులు కసరత్తు చేస్తున్నారు. నిషేధిత జాబితాలో ఉన్న భూములపై సమగ్ర పరిశీలన చేసిన తరువాత.. అర్హత ఉన్న వాటిని జాబితా నుంచి తొలగించే ప్రక్రియను వేగవంతం చేయాలని నిర్ణయించింది. ఈ ప్రక్రియను 45 రోజుల్లో పూర్తి చేసేలా అధికారులు చర్యలు చేపట్టనున్నారు. రాష్ట్రవ్యాప్తంగా సుమారు 93 లక్షల ఎకరాల భూములు 22ఏ నిషేధిత జాబితాలో ఉన్నట్లు అధికారులు గుర్తించారు.శ్రీవారి భక్తులకు అరుదైన అద్భుత అవకాశం- మళ్లీ దక్కేనా..!!ఫిర్యాదుల పరిశీలనకు నిర్ణయంకాగా.. ఇందులో సుమారు 66 లక్షల ఎకరాలు అటవీ భూములు, 24 లక్షల ఎకరాలు అసైన్డ్‌ భూములతోపాటు దేవాదాయ తదితర కేటగిరీల భూములు ఉన్నట్లు అధికారులు గుర్తించారు. అంతేకాదు.. కొన్ని ప్రైవేటు భూములు కూడా 22ఏ జాబితాలోకి వెళ్లడంతో వాటి యజమానులు ఏళ్లుగా సమస్యలు ఎదుర్కొంటున్నారు. అయితే రికార్డుల్లో జరిగిన పొరపాట్లు, గతంలో చేపట్టిన సర్వేల్లో తలెత్తిన సమస్యల కారణంగా ఇలా జరిగినట్లు ప్రభుత్వం గుర్తించింది. ప్రత్యేకించి గ్రేటర్ పరిధిలో..

హైదరాబాద్‌ నగరంలో ట్రాఫిక్‌ సమస్యలకు పరిష్కారం చూపడంతో పాటు కీలక ప్రాంతాల మధ్య రాకపోకలను వేగవంతం చేయాలన్న లక్ష్యంతో చేపడుతున్న హైదరాబాద్‌ సిటీ ఇన్నోవేటివ్‌ అండ్‌ ట్రాన్స్‌ఫర్మేటివ్‌ ఇన్‌ఫ్రాస్ట్రక్చర్‌ (హెచ్‌-సిటీ) ప్రాజెక్టులో మరో కీలక ముందడుగుపడింది. హెచ్‌-సిటీలో భాగంగా చేపట్టనున్న మూడు ప్రధాన రహదారి మౌలిక వసతుల పనులకు రాష్ట్ర ప్రభుత్వం అధికారికంగా ఆమోదం తెలిపింది. ఈ మేరకు మున్సిపల్‌ పరిపాలన, పట్టణాభివృద్ధి శాఖ బుధవారం జీవో 784ను జారీ చేసింది.ఈ పనులకు సంబంధించిన టెండర్‌ కాంట్రాక్టును కేఎన్‌ఆర్‌ కన్‌స్ట్రక్షన్స్‌ లిమిటెడ్‌కు అప్పగించేందుకు ప్రభుత్వం అనుమతి ఇచ్చింది. మొత్తం రూ.231.87 కోట్ల ఐబీఎం విలువపై సంస్థ 4.68 శాతం అదనంగా రూ.242.72 కోట్లకు బిడ్‌ దాఖలు చేసింది. ప్రభుత్వ ఆమోదంతో ఇప్పుడు కాంట్రాక్ట్‌ ప్రక్రియను పూర్తి చేసి పనులను ప్రారంభించేందుకు మార్గం సుగమమైంది. హెచ్‌-సిటీ ప్యాకేజీలో భాగంగా మొదటగా ఒవైసీ ఫ్లైఓవర్‌కు లెఫ్ట్‌ ఆర్మ్‌ డౌన్‌ ర్యాంప్‌ నిర్మించనున్నారు. ప్రస్తుతం ఫ్లైఓవర్‌ పరిసరాల్లో ట్రాఫిక్‌ కదలికలకు అనుగుణంగా అదనపు కనెక్టివిటీ అవసరం ఉన్న నేపథ్యంలో ఈ డౌన్‌ ర్యాంప్‌ కీలకంగా మారనుంది. ఫ్లైఓవర్‌పైకి, దిగువకు వెళ్లే వాహనాలకు మరింత సులభమైన రాకపోకలు కల్పించడం ద్వారా స్థానికంగా ట్రాఫిక్‌ ఒత్తిడి తగ్గే అవకాశం ఉంది.దాంతో పాటుగా.. హఫీజ్‌బాబా నగర్‌ నుంచి బాలాపూర్‌–చర్చ్‌ రోడ్‌ వరకు ఆరు లైన్ల టూవే గ్రేడ్‌ సెపరేటర్‌ను నిర్మించనున్నారు. నగర దక్షిణ ప్రాంతంలో పెరుగుతున్న వాహన రద్దీకి అనుగుణంగా ఈ మార్గాన్ని అభివృద్ధి చేయడం ద్వారా ప్రయాణ సమయం తగ్గించడంతో పాటు కీలక జంక్షన్ల వద్ద రద్దీని నియంత్రించేందుకు అవకాశం ఉంటుంది. బండ్లగూడ–ఎర్రకుంట క్రాస్‌రోడ్‌ వద్ద ఆరు లైన్ల ఫ్లైఓవర్‌ను నిర్మించనున్నారు. ఈ ప్రాంతంలో స్థానిక ట్రాఫిక్‌, ప్రధాన మార్గాలపై నుంచి వచ్చే వాహనాల రాకపోకల కారణంగా ఏర్పడే రద్దీని తగ్గించేందుకు ఫ్లైఓవర్‌ ఉపయోగపడనుంది. ఈ మూడు పనులు పూర్తయితే నగర దక్షిణ, ఆగ్నేయ ప్రాంతాల్లో రవాణా వ్యవస్థ మరింత మెరుగుపడే

హైదరాబాద్‌లోని శంషాబాద్ అంతర్జాతీయ విమానాశ్రయానికి వెళ్లే కీలకమైన పీవీ నరసింహారావు ఎక్స్‌ప్రెస్‌వే ప్రస్తుతం వ్యర్థాలమయంగా మారింది. మెహిదీపట్నం నుంచి ఆరాంఘర్ జంక్షన్‌ను అనుసంధానించే ఈ 11.6 కిలోమీటర్ల పొడవైన ఫ్లైఓవర్‌పై పగిలిన మద్యం సీసాలు, ప్లాస్టిక్ వ్యర్థాలు, నిర్మాణ శిథిలాలు పేరుకుపోయాయి. దీనివల్ల ఆ మార్గంలో ప్రయాణించే వాహనదారులు తీవ్ర ఇబ్బందులు ఎదుర్కొంటున్నారు.సియాసత్ కథనం ప్రకారం... పిల్లర్ నెంబర్ 87 సమీపంలో పోగుపడిన చెత్తను ఓ స్థానికుడు చిత్రీకరించి సోషల్ మీడియా వేదికగా వెలుగులోకి తెచ్చారు. గత పది రోజులుగా ఈ పరిస్థితిని గమనిస్తున్నానని, వంతెనకు ఇరువైపులా వ్యర్థాలు పేరుకుపోయినా అధికారులు ఇప్పటివరకు చర్యలు తీసుకోలేదని ఆయన ఆవేదన వ్యక్తం చేశారు. అక్కడ పగిలిన మద్యం సీసాలు, కాంక్రీట్ ముక్కలు, ప్లాస్టిక్ రాడ్లు, షీట్లు తదితర వ్యర్థాలు ప్రమాదకరంగా పడి ఉన్నాయని ఆయన పేర్కొన్నారు.2009 అక్టోబర్ 19న ప్రారంభమైన ఈ ఎక్స్‌ప్రెస్‌వే, విమానాశ్రయానికి సిగ్నల్-రహిత ప్రయాణాన్ని అందించే లక్ష్యంతో నిర్మించబడింది. అయితే, ప్రస్తుతం పేరుకుపోయిన ఈ చెత్త కారణంగా వాహనదారుల భద్రతకు ముప్పు వాటిల్లే ప్రమాదం ఉందని ఆందోళనలు వ్యక్తమవుతున్నాయి.ఈ సమస్యపై సామాజిక మాధ్యమాల్లో వచ్చిన ఫిర్యాదును గ్రేటర్ హైదరాబాద్ మున్సిపల్ కార్పొరేషన్ (జీహెచ్ఎంసీ) స్వీకరించింది. ఈ విషయాన్ని సంబంధిత అధికారుల దృష్టికి తీసుకెళ్లామని అధికారులు తెలిపారు. నగరంలో పారిశుద్ధ్యం కోసం ప్రస్తుతం 10 రోజుల ప్రత్యేక 'మాన్‌సూన్ డ్రైవ్' నిర్వహిస్తున్నప్పటికీ, ఎక్స్‌ప్రెస్‌వేపై పారిశుద్ధ్య పనులకు సంబంధించి స్పష్టత రావాల్సి ఉంది. శుభ్రతకు సంబంధించి నిర్దిష్ట అప్‌డేట్ రాలేదు. హైదరాబాద్‌లోని అత్యంత రద్దీగా ఉండే ఎలివేటెడ్ రోడ్లలో

పరిపాలనలో లోపంతోనే అధికారులపై ఆరోపణలు వస్తున్నాయని బీజేపీ రాష్ట్ర అధ్యక్షుడు రామచందర్‌రావు(Ramachandra Rao) విమర్శించారు. హైదరాబాద్‌లో ఆయన మీడియాతో మాట్లాడుతూ సల్కమ్ చెరువులో అక్రమ నిర్మాణాలపై హైడ్రా చర్యలు తీసుకోలేదని ఆరోపించారు. కోర్టులను కూడా అధికారులు తప్పుదోవ పట్టిస్తున్నారన్నారు. న్యాయస్థానాల ఆదేశాలున్నా చర్యలు తీసుకోవడం లేదని విమర్శించారు. ప్రభుత్వ భూములను ఎవరు కబ్జా చేసినా చూస్తూ ఊరుకోం. క్యూర్ పై ఆగస్టు 15 తర్వాత బీజేపీ ఆధ్వర్యంలో సెమినార్ నిర్వహిస్తాం. ఆ తర్వాత ఉద్యమాలు చేస్తాం. బీజేపీ రాష్ట్ర అధ్యక్షుడిని రెండేళ్ల తర్వాత తప్పకుండా మారుస్తారు. ఎస్ఐఆర్ (SIR) ప్రక్రియ ముగిసిన తర్వాత జీహెచ్‌ఎంసీ ఎన్నికలు (GHMC elections) ఉంటాయని అనుకుంటున్నాం. ఇథనాల్‌తో వాహనాల ఇంజిన్‌లు పాడైపోతాయని ఇండియా కూటమి(India alliance) తప్పుడు ప్రచారం చేస్తోంది అని అన్నారు

జనన, మరణ ధ్రువపత్రాల జారీలో జాప్యాన్ని నివారించి, ఆ ప్రక్రియను మరింత సరళతరం చేసేందుకు గ్రేటర్ హైదరాబాద్ మున్సిపల్ కార్పొరేషన్ (జీహెచ్ఎంసీ) సిద్ధమవుతోంది. నగరవాసుల సౌకర్యార్థం 'సివిల్ రిజిస్ట్రేషన్ సిస్టమ్' (సీఆర్ఎస్) పేరుతో సరికొత్త ఆన్‌లైన్ పోర్టల్‌ను అందుబాటులోకి తీసుకురావడానికి ఏర్పాట్లు చేస్తోంది. దీని ద్వారా ప్రజలు ఆన్‌లైన్‌లోనే జనన, మరణాలను సులువుగా నమోదు చేసుకుని, వేగంగా ధ్రువపత్రాలను పొందే వీలుంటుంది.జీహెచ్ఎంసీ కమిషనర్ ఆర్.వి. కర్ణన్ ఇటీవల అధికారులతో ఈ అంశంపై సమీక్ష నిర్వహించారు. జనన, మరణాల నమోదు, సకాలంలో ధ్రువపత్రాల జారీ అనేది జీహెచ్ఎంసీ ప్రాథమిక బాధ్యత అని ఆయన స్పష్టం చేశారు. రాబోయే కొత్త పోర్టల్ పనితీరుతో పాటు జనన, మరణాల నమోదు చట్టంపై అధికారులకు అవగాహన కల్పించారు. ఈ నూతన డిజిటల్ ప్లాట్‌ఫామ్ ద్వారా ప్రజలకు మరింత వేగవంతమైన, పారదర్శకమైన సేవలు అందుతాయని ఆయన ఆశాభావం వ్యక్తం చేశారు.ఇటీవల పార్లమెంట్ ఆమోదించి, రాష్ట్రపతి సంతకంతో అమల్లోకి వచ్చిన జనన, మరణాల నమోదు (సవరణ) చట్టం-2026 నేపథ్యంలో జీహెచ్ఎంసీ తీసుకున్న ఈ నిర్ణయం ప్రాధాన్యత సంతరించుకుంది. నూతన చట్టం ప్రకారం, జనన లేదా మరణాల నమోదులో జాప్యం జరిగితే కఠినమైన నిబంధనలు వర్తిస్తాయి.ఒకటి నుంచి రెండేళ్లలోపు జాప్యం జరిగితే జిల్లా మేజిస్ట్రేట్ లేదా సబ్-డివిజనల్ మేజిస్ట్రేట్ నుంచి అనుమతి పొందడం తప్పనిసరి. ఒకవేళ రెండేళ్లు దాటితే మాత్రం ఫస్ట్ క్లాస్ జ్యుడీషియల్ మేజిస్ట్రేట్ నుంచి మాత్రమే ఉత్తర్వులు పొందాల్సి ఉంటుంది. ఈ కఠిన నిబంధనల దృష్ట్యా, పౌరులకు ఎలాంటి ఇబ్బందులు కలగకుండా, సకాలంలో రిజిస్ట్రేషన్

తెలంగాణ ప్రభుత్వం ప్రతిష్ఠాత్మకంగా చేపట్టిన ‘ఇందిరమ్మ ఇళ్ల టవర్స్’ పథకానికి దరఖాస్తు చేసుకునేందుకు మరో రెండు రోజులు మాత్రమే గడువు ఉందని హౌసింగ్ బోర్డు వైస్ చైర్మన్, కమిషనర్ వీపీ గౌతమ్ స్పష్టం చేశారు. జీహెచ్‌ఎంసీ పరిధిలోని అర్హులైన పేద, దిగువ మధ్యతరగతి ప్రజలు ఈ అవకాశాన్ని సద్వినియోగం చేసుకోవాలని ఆయన కోరారు.జీహెచ్‌ఎంసీ పరిధిలోని 16 అసెంబ్లీ నియోజకవర్గాల్లో నిర్మించనున్న 7,680 ఎల్‌ఐజీ ఇళ్ల కోసం ప్రభుత్వం దరఖాస్తులను స్వీకరిస్తోంది. దరఖాస్తుల సమర్పణకు ఆగస్టు 10 (సోమవారం) ఆఖరు తేదీ అని అధికారులు తెలిపారు. శనివారం నాటికి రాష్ట్రవ్యాప్తంగా సుమారు 35,125 దరఖాస్తులు వచ్చినట్లు వీపీ గౌతమ్ ఒక ప్రకటనలో పేర్కొన్నారు. ఈ పథకం కింద ఒక్కో ఫ్లాట్ నిర్మాణ వ్యయం రూ. 11 లక్షలు కాగా, ప్రభుత్వం రూ. 5 లక్షల సబ్సిడీ అందిస్తోంది.వచ్చిన దరఖాస్తులను పరిశీలించి, ఆగస్టు 30న కంప్యూటరైజ్డ్ లాటరీ ద్వారా పారదర్శకంగా లబ్ధిదారులను ఎంపిక చేయనున్నారు. లాటరీలో ఎంపికైన వారికి ఏడాదిలోపు ఇళ్లను నిర్మించి అందిస్తామని ప్రభుత్వం హామీ ఇచ్చింది. లాటరీలో ఇల్లు కేటాయించని దరఖాస్తుదారులు చెల్లించిన రూ. 10,000 డిపాజిట్ ఫీజును తిరిగి వారి బ్యాంకు ఖాతాల్లో జమ చేస్తామని అధికారులు భరోసా ఇచ్చారు. ఆసక్తి కలిగిన అర్హులు మీసేవ కేంద్రాలు లేదా ఆన్‌లైన్ పోర్టల్ ద్వారా దరఖాస్తు చేసుకోవచ్చు