Damacharla Janardhan News

Balineni Vs Damacharla : ఆరని మంటగా ఆ ఇద్దరు మధ్య రాజకీయ వైరం నడుస్తూనే ఉంది. జనసేన నేత బాలినేని శ్రీనివాసరెడ్డి, ఒంగోలు టీడీపీ ఎమ్మెల్యే దామచర్ల జనార్ధన్‌ మధ్య టగ్ ఆఫ్‌ కంటిన్యూ అవుతోంది. బాలినేని వైసీపీలో ఉన్నప్పటి నుంచే ఆయనంటే దామచర్లకు గిట్టదు. ఆ తర్వాత బాలినేని జనసేనలో చేరినప్పటి నుంచి ఒంగోలు రాజకీయం రోజుకో టర్న్ తీసుకుంటోంది. ఇద్దరు కూటమి పార్టీలైన జనసేన, టీడీపీలోనే ఉండగా..ఒకరు టీడీపీ ఎమ్మెల్యేగా ఉంటే.. మరొకరు జనసేన లీడర్‌గా కొనసాగుతున్నారు. పాత వైరం మరోసారి తెరపైకి రావడంతో.. కొత్త టర్న్ తీసుకుంటూ..సవాళ్లు, ప్రతిసవాళ్లతో రాజకీయం రంజుగా మారుతోంది. దామచర్ల అడ్డగోలుగా అవినీతి చేస్తున్నారన్న బాలినేని ఆరోపిస్తే..వైసీపీ హయాంలో బాలినేని చేసిన కరప్షన్‌ గురించి చెప్పాలంటే పుస్తకాలు కూడా సరిపోవన్నారు దామచర్ల. లేటెస్ట్‌గా ఎమ్మెల్యే దామచర్లకు బాలినేని మరోసారి కౌంటరిచ్చారు. దమ్ముంటే ఎమ్మెల్యే పదవికి రాజీనామా చేసి తనతో పోటీపడాలని సవాల్ చేశారు. ఇద్దరం ఇండిపెండెంట్‌లుగా పోటీ చేద్దామని..తాను 30 వేల మెజార్టీతో గెలుస్తానన్నారు. ఒకవేళ తాను ఓడిపోతే రాజకీయాల నుంచి తప్పుకుంటానన్నారు. జనసేన లేకపోతే దామచర్ల అసలు ఎమ్మెల్యే అయ్యేవారా అంటూ బాలినేని క్వశ్చన్ చేయడం ఆసక్తికరంగా మారింది. పైగా జనసేన అధికార పార్టీగా ఉన్నా తమకు అధికారాలు లేవు..అలాంటి వాతావరణం లేదంటూ బాలినేని చేసిన కామెంట్స్ చర్చకు దారి తీస్తున్నాయి. కేవలం అధికార పార్టీలో ఉన్నామంటే ఉన్నా. ఎలాంటి పవర్స్‌ లేవంటూ బాలినేని చెప్పుకురావడం జనసేనలోనూ హాట్ టాపిక్ అవుతోంది. ఏడాదిన్నర కింద పార్టీలోకి వచ్చిన బాలినేని జనసేన పవర్స్ గురించి..అధికారం గురించి మాట్లాడటం ఏంటో అర్థం కావట్లేదన్న గుసగుసలు మొదలయ్యాయి. బాలినేని జనసేనలో చేరి ఉండకపోతే లోపల వేయించేవాడినని ఎమ్మెల్యే జనార్దన్‌ అంటే..అంతకు మించి అన్నట్లుగా బాలినేని కౌంటర్ అటాక్ చేశారు. తాను అవినీతి చేశాను అనుకుంటే సీఎం చంద్రబాబుకు చెప్పి విచారణ జరిపించాలని దామచర్లకు సవాల్ చేశారు బాలినేని

ప్రకాశం జిల్లా ఒంగోలు నియోజకవర్గ కూటమి రాజకీయం ఉద్రిక్తంగా మారింది. స్థానిక టీడీపీ ఎమ్మెల్యే దామచర్ల జనార్దనరావు, జనసేన నేత బాలినేని శ్రీనివాసరెడ్డి మధ్య ఆరోపణల పర్వం మరింత ముదిరింది. ఎమ్మెల్యే దామచర్ల అర్ధరాత్రి వరకు సెటిల్‌మెంట్లు, అవినీతికి పాల్పడుతున్నారంటూ తాను చేసిన వ్యాఖ్యలకు కట్టుబడి ఉన్నానని బాలినేని స్పష్టం చేశారు. తన ఆరోపణలపై ధైర్యముంటే కాణిపాకం వచ్చి ప్రమాణం చేద్దామని, సమయం చెబితే తాను కూడా వస్తానని సవాల్ విసిరారు.ఒంగోలులో కూటమిలోని జనసేన కార్యకర్తలకు తీవ్ర అన్యాయం జరుగుతోందని, ఇక్కడ జరుగుతున్న అరాచకాలను త్వరలోనే జనసేన అధినేత, డిప్యూటీ సీఎం పవన్ కల్యాణ్ దృష్టికి తీసుకెళతానని బాలినేని తెలిపారు. జనసేన సైనికులు వేసిన ఓట్లతోనే దామచర్ల గెలిచారని, దమ్ముంటే తన ఎమ్మెల్యే పదవికి రాజీనామా చేసి స్వతంత్రంగా పోటీ చేయాలని సవాల్ విసిరారు. ఒకవేళ దామచర్ల రాజీనామా చేస్తే తన మద్దతుతో ఆయనపై పోటీ చేసి 30 వేల ఓట్ల మెజార్టీతో గెలిచి తీరుతానని, లేదంటే జీవితాంతం రాజకీయాలు వదిలేస్తానని ధీమా వ్యక్తం చేశారు.కాగా, పరిస్థితి తీవ్రరూపం దాల్చుతుండడంతో టీడీపీ, జనసేన హైకమాండ్ లు ఈ వ్యవహారంపై దృష్టిసారించాయి. కూటమి సమన్వయ కమటీ సభ్యులు ఇరువురు నేతలతో మాట్లాడి, సర్దిచెప్పే ప్రయత్నం చేశారు. కూటమి ప్రతిష్ఠ దెబ్బతినే వరకు తీసుకురావద్దని స్పష్టం చేశారు

ఒంగోలు వేదికగా జనసేన నాయకుడు, మాజీ మంత్రి బాలినేని శ్రీనివాసరెడ్డి, టీడీపీ ఎమ్మెల్యే దామచర్ల జనార్ధన్ మధ్య చోటుచేసుకుంటున్న మాటల యుద్ధంపై టీడీపీ, జనసేన పార్టీల అధిష్ఠానాలు తీవ్రంగా స్పందించాయి. నేతలిద్దరూ సంయమనం పాటించాలని, బహిరంగ విమర్శలకు దూరంగా ఉండాలని స్పష్టమైన ఆదేశాలు జారీ చేశాయి. ఈ వ్యవహారం కూటమి ప్రతిష్ఠను దెబ్బతీసేలా ఉందని భావించిన ఇరు పార్టీల అగ్రనేతలు తక్షణమే రంగంలోకి దిగారు.ఈ పరిణామాలపై కూటమి సమన్వయ కమిటీ సభ్యులు టెలికాన్ఫరెన్స్ నిర్వహించి పరిస్థితిని సమీక్షించారు. ఈ సమావేశంలో టీడీపీ తరఫున ఆ పార్టీ రాష్ట్ర అధ్యక్షుడు పల్లా శ్రీనివాస్, మంత్రి నిమ్మల రామానాయుడు, జనసేన తరఫున మంత్రి నాదెండ్ల మనోహర్, ఎమ్మెల్సీ హరిప్రసాద్ పాల్గొన్నారు. క్షేత్రస్థాయిలో ఏవైనా సమస్యలుంటే పార్టీ నాయకత్వం దృష్టికి తీసుకురావాలి తప్ప, బహిరంగ విమర్శలకు దిగడం కూటమి ప్రయోజనాలకు విఘాతం కలిగిస్తుందని వారు ఈ సందర్భంగా స్పష్టం చేశారు.అనంతరం మంత్రి అచ్చెన్నాయుడు ఫోన్‌ ద్వారా ఎమ్మెల్యే దామచర్ల జనార్ధన్‌ తో నేరుగా మాట్లాడారు. సంయమనం పాటించాలని, భవిష్యత్తులో ఇటువంటి ఘటనలు పునరావృతం కాకుండా జాగ్రత్త వహించాలని ఆయన సూచించారు. అటు జనసేన నేతలు కూడా బాలినేనితో మాట్లాడారు.ఒంగోలు నియోజకవర్గంలో భూములు, ఇసుక, రేషన్ పంపిణీలో జరుగుతున్న అక్రమాల్లో ఎమ్మెల్యేకు భాగస్వామ్యం ఉందని, దీనిపై విచారణ జరిపించాలని బాలినేని శ్రీనివాస్‌రెడ్డి ఆరోపించారు. ఈ విమర్శలపై దామచర్ల జనార్ధన్ ధీటుగా స్పందిస్తూ, బాలినేని నియోజకవర్గానికి అప్పుడప్పుడు మాత్రమే వస్తుంటారని, గతంలో టీడీపీ కార్యకర్తలపై తప్పుడు కేసులు పెట్టించారని, ఇప్పటికీ కూటమి ప్రయోజనాలకు వ్యతిరేకంగా

ప్రకాశం జిల్లా ఒంగోలు నియోజకవర్గంలో రాజకీయాలు మళ్లీ తీవ్రంగా వేడెక్కాయి. జనసేన నేత, మాజీ మంత్రి బాలినేని శ్రీనివాసరెడ్డి, టీడీపీ ఎమ్మెల్యే దామచర్ల జనార్దన్ మధ్య మాటల యుద్ధం తారస్థాయికి చేరింది. ఆదివారం బాలినేని చేసిన తీవ్ర ఆరోపణలకు ఎమ్మెల్యే దామచర్ల గట్టిగా సమాధానం ఇచ్చారు. సోమవారం బాలినేని మళ్లీ సవాల్ విసరడంతో ఇద్దరి మధ్య వివాదం ముదిరింది. ఒకరికొకరు అవినీతి, అక్రమాల ఆరోపణలు చేసుకుంటూ రాజకీయంగా తీవ్ర స్థాయిలో తలపడుతున్నారు. బాలినేని శ్రీనివాసరెడ్డి ఒంగోలు నుంచి ఐదుసార్లు ఎమ్మెల్యేగా గెలిచిన అనుభవజ్ఞుడు. 2019లో వైసీపీ తరఫున గెలిచి మంత్రిగా పనిచేసిన ఆయన, 2024 ఎన్నికల్లో దామచర్ల జనార్దన్ చేతిలో 34026 ఓట్ల తేడాతో ఓడిపోయారు. ఎన్నికల తర్వాత సెప్టెంబర్ 2024లో వైసీపీని వీడి జనసేనలో చేరారు. దామచర్ల టీడీపీ రాష్ట్ర ఉపాధ్యక్షుడిగా ఉన్నారు. ఇద్దరూ ఒంగోలు రాజకీయాల్లో చాలా కాలంగా ప్రధాన ప్రత్యర్థులుగా కొనసాగుతున్నారు. బాలినేని మీడియా సమావేశంలో మాట్లాడుతూ ఎమ్మెల్యే దామచర్లపై తీవ్ర స్థాయిలో విరుచుకుపడ్డారు. భూమి, ఇసుక, రేషన్ మాఫియాలు ఎమ్మెల్యే మద్దతుతో నడుస్తున్నాయని ఆయన ఆరోపణలు చేశారు. రాజుపాలెంలో రొయ్యల చెరువుల కోసం ఆక్రమణలు, డబ్ల్యూసీఆర్‌ఏ రుణాల్లో అక్రమాలు జరుగుతున్నాయని పేర్కొన్నారు. దీంతో ఇసుక ధరలు రూ.3 వేల నుంచి రూ.5 వేలకు పెరిగాయని చెప్పారు. ఇదిలా ఉండగా, తన అనుచరులపై కేసులు పెడుతున్నారని, సీఎం చంద్రబాబు నాయుడు విచారణ జరిపించాలని డిమాండ్ చేశారు. ఈ ఆరోపణలను ఎమ్మెల్యే దామచర్ల జనార్దన్ తీవ్రంగా తిప్పికొట్టారు. బాలినేని కూటమి భాగస్వామి కాబట్టి ఇన్నాళ్లు మౌనంగా ఉన్నామని ఆయన ఎద్దేవా చేశారు. గత వైసీపీ హయాంలో తమపై 79 కేసులు నమోదయ్యాయని గుర్తు చేశారు. ఫలితంగా, బాలినేని పార్టీ మారకుంటే తండ్రీకొడుకులిద్దరినీ జైల్లో వేసేవాళ్లమని వ్యాఖ్యానించారు. ఈ నేపథ్యంలో, బార్ షాపుల సిండికేట్ ద్వారా సంపాదించిన సొమ్ముపై కాణిపాకంలో ప్రమాణం చేయాలని దామచర్ల తిరిగి సవాల్ విసిరారు. జనసేన కూటమి భాగస్వామి

ప్రకాశం జిల్లా ఒంగోలు రాజకీయాలు వేడెక్కాయి.. మాజీమంత్రి, జనసేన పార్టీ నేత బాలినేని శ్రీనివాసరెడ్డి వర్సెస్ ఒంగోలు ఎమ్మెల్యే దామచర్ల జనార్దన్‌ మధ్య డైలాగ్ వార్ నడుస్తోంది. దామచర్ల అవినీతికి పాల్పడతున్నారని బాలినేని ఆరోపిస్తే.. వైఎస్సార్‌సీపీ హయాంలో బాలినేని అవినీతి గురించి చెప్పాలంటే పుస్తకాలు కూడా సరిపోవన్నారు. తాజాగా ఎమ్మెల్యే దామచర్లకు బాలినేని మరోసారి కౌంటరిచ్చారు.. దమ్ముంటే ఎమ్మెల్యే పదవికి రాజీనామా చేసి తనతో పోటీపడాలని సవాల్ చేశారు. ఇద్దరం ఇండిపెండెంట్‌లుగా పోటీ చేద్దామని.. తాను 30వేల మెజార్టీతో గెలుస్తానన్నారు. ఒకవేళ తాను ఓడిపోతే రాజకీయాల నుంచి తప్పుకుంటానన్నారు. జనసేన పార్టీ లేకపోతే దామచర్ల అసలు ఎమ్మెల్యేగా గెలిచే పరిస్థితి లేదన్నారు.తాను జనసేనలో పార్టీలో చేరి ఉండకపోతే లోపల వేయించేవాడినని ఎమ్మెల్యే జనార్దన్‌ అన్నారని.. తాను అవినీతి చేశాను అనుకుంటే సీఎం చంద్రబాబుకు చెప్పి విచారణ జరిపించాలని దామచర్లకు సవాల్ చేశారు బాలినేని. తాను కూడా డిప్యూటీ సీఎం పవన్ కళ్యాణ్‌కు చెప్పి దామచర్లపై విచారణ చేయిస్తానన్నారు. ఒంగోలులో తన అనుచరులపై కేసులు పెట్టించి వేధిస్తున్నారని ఆరోపించారు. ఒంగోలు కార్పొరేషన్‌లో మిస్సైన రూ.8.5 కోట్లు ఏమయ్యాయో దామచర్ల చెప్పాలన్నారు. తాను వెళ్లి హైదరాబాద్‌లో కూర్చుంటున్నానని దామచర్ల విమర్శించారని.. ఒంగోలులో జరిగే అవినీతి చూడలేక అక్కడికి వెళ్లి కూర్చుంటున్నాను అన్నారు. సెటిల్మెంట్లు, ఇసుక, మద్యం, రేషన్ డీలర్ల నుంచి నెల నెలా మామూళ్లు రావడం లేదా? అంటూ సెటైర్లు పేల్చారు.ఎమ్మెల్యే జనార్దన్‌పై చేసిన ఆరోపణలపై కాణిపాకంలో ప్రమాణానికి తాను సిద్ధమన్నారు బాలినేని. జనార్దన్ ఈ ఆరోపణలపై ప్రమాణం చేయడానికి కాణిపాకం వెళ్దామన్నారని.. కాణిపాకం వెళ్లేందుకు తాను సిద్ధమన్నారు. ఎప్పుడు వెళ్లాలో టైమ డిసైడ్ చేయాలని ఎమ్మెల్యేకు సవాల్ చేశారు. దామచర్ల ఎమ్మెల్యే అయ్యాక జనసేన పార్టీ నేతల్లో రియాజ్‌‌తో పాటు ఒకరిద్దరికి పదవులు ఇచ్చారని.. ఆయనకు ఓట్లు వేసిన జనసైనికులకు ఏం న్యాయం చేశారని ప్రశ్నించారు. కూటమి ప్రభుత్వం అధికారంలోకి వచ్చాక జనార్దన్ ఒంగోలుకు చేసింది

ప్రకాశం జిల్లా ఒంగోలు ఎమ్మెల్యే దామచర్ల జనార్దన్‌ (Damacharla Janardhan)పై జనసేన సీనియర్ నేత, మాజీ మంత్రి బాలినేని శ్రీనివాసరెడ్డి (Balineni Srinivasa Reddy) విలేకరుల సమావేశంలో తీవ్రస్థాయిలో ధ్వజమెత్తారు. నియోజకవర్గంలో ఎమ్మెల్యే అరాచకాలు శృతిమించాయని, తానే రాజు, తానే మంత్రి(Minister) అన్న రీతిలో ఆయన వ్యవహరిస్తున్నారని ఆరోపించారు. రేషన్ బియ్యం దందా, ఇసుక అక్రమ విక్రయాలు, మద్యం షాపులు, బార్ల నుంచి భారీగా అక్రమ వసూళ్లకు పాల్పడుతున్నారని ధ్వజమెత్తారు. స్థానిక వ్యాపారులు, చివరకు సొంత పార్టీ టీడీపీ నాయకులు కూడా ఎమ్మెల్యే వైఖరితో తీవ్ర భయాందోళనలకు గురవుతున్నారని పేర్కొన్నారు. కూటమిలో పొత్తు ధర్మాన్ని గౌరవించి ఇన్నాళ్లూ మౌనంగా ఉన్నామని, కానీ తన అనుచరులపై అక్రమంగా కేసులు పెడుతుంటే చూస్తూ ఊరుకోబోనని స్పష్టం చేశారు. తప్పు చేయని తన వర్గీయులను కాపాడుకోవాల్సిన బాధ్యత తనపై ఉందని, వారి కోసం ఎంతటి పోరాటానికైనా సిద్ధమని పునరుద్ఘాటించారు. ఎమ్మెల్యే దామచర్ల జనార్దన్ అక్రమాలు, బాధితుల ఇబ్బందులపై ముఖ్యమంత్రి చంద్రబాబు నాయుడు(Chandrababu Naidu) తక్షణమే సమగ్ర విచారణ జరిపించాలని డిమాండ్ చేశారు. ఒంగోలులో ఎమ్మెల్యే వల్ల ఏ సమస్య ఎదురైనా, బాధితులు నేరుగా తన వద్దకు రావచ్చని, తానే స్వయంగా ముందుండి అక్రమాలను అడ్డుకుంటానని ఆయన భరోసా ఇచ్చారు

ఒంగోలులో కూటమి నేతలు మరోసారి రచ్చకెక్కారు. ఎమ్మెల్యే దామచర్ల జనార్దన్ - మాజీ మంత్రి బాలినేని శ్రీనివాసరెడ్డి మాటల యుద్ధంతో మరోసారి ఒంగోలు హీటెక్కింది. బాలినేని వర్సెస్ దామచర్ల ఎపిసోడ్‌కు బ్రేక్ పడింది అని అందరూ అనుకున్నా.. తాజాగా ఒకరిపై మరొకరు వార్నింగ్‌లు ఇచ్చుకోవడంతో కూటమిలో కుమ్ములాట మరోసారి బహిర్గతమైంది. జనసేనలో చేరకుంటే బాలినేని ఎప్పుడో జైలుకు వెళ్లేవారని జనార్దన్ అంటే.. ఎమ్మెల్యే అయితే ఎవ్వర్నీ వదిలిపెట్టనంటూ బాలినేని డైరెక్ట్ వార్నింగ్ ఇచ్చారు. బాలినేని చేసిన తప్పుల్ని ముద్రిస్తే పుస్తకాలే సరిపోవని దామచర్ల జనార్దన్ అంటే.. దామచర్ల చేసిన అవినీతి, అక్రమాలపై విచారణ చేయించాలంటూ మాజీ మంత్రి బాలినేని శ్రీనివాసరెడ్డి డిమాండ్ చేశారు. గత ప్రభుత్వంలో చేసినట్లు రౌడీయిజం చేస్తే ఎవ్వరూ ఒప్పుకోరని బాలినేని టార్గెట్‌గా దామచర్ల వ్యాఖ్యలు చేశారు. అయితే, తన వర్గం మనుషులను టార్గెట్ చేసి అరెస్టు చేయిస్తున్నారంటూ బాలినేని ఆగ్రహం వ్యక్తం చేశారు. విలేకర్ల సమావేశం పెట్టి మరీ ఒకరిపై మరొకరు విమర్శల వర్షం కురిపించుకున్నారు."బాలినేని చేసిన తప్పులు ముద్రిస్తే కరపత్రాలే కాదు.. పుస్తకాలూ సరిపోవు. అమావాస్య, పౌర్ణమికి ఓసారి ఒంగోలు వస్తారు. నాపై వ్యక్తిగతం ఇష్టమొచ్చినట్లు మాట్లాడతారు. కూటమిలో ఉన్నారని మౌనంగా ఉన్నా.. జనసేనలోకి వెళ్లకుండా ఉంటే అతను చేసిన పాపాలకు జైలుకు వెళ్లేవారు. బాలినేని కుమారుడు ప్రణీత్ రెడ్డి విద్యార్థులకు గంజాయి అలవాటు చేశారు. ఒంగోలులోనే ఉండాలని వెయ్యి సార్లు చెప్పా. గత ప్రభుత్వం బారు షాపులు సిండికేట్ చేసి బాలినేని, ఆయన కుమారుడు కోట్ల రూపాయలు వసూలు చేశారు. ఆ అక్రమాలపై కాణిపాకంలో ప్రమాణం చేసేందుకు వస్తా, మీరు వస్తారా?" అంటూ దామచర్ల జనార్దన్ సవాల్ విసిరారు."నా అనుచరులపై అక్రమ కేసులు పెట్టి దామచర్ల వేధిస్తున్నారు.. మళ్లీ నేను ఎమ్మెల్యే అయితే ఎవ్వర్నీ వదిలిపెట్టను. వచ్చే ఎన్నికల్లో నాతో పాటు నా కుమారుడు కూడా పోటీ చేస్తాడు. ఐదారు నెలల కిందట ఎమ్మెల్యే, ఆయన కుటుంబంపై

ఒంగోలు ఎమ్మెల్యే దామచర్ల జనార్దన్, మాజీ మంత్రి బాలినేని శ్రీనివాసరెడ్డి మధ్య మాటల యుద్ధం తారస్థాయికి చేరింది. తనపై బాలినేని చేసిన విమర్శలకు దామచర్ల తీవ్రస్థాయిలో బదులిచ్చారు. గత ప్రభుత్వ హయాంలో చేసినట్టు రౌడీయిజం చేస్తామంటే ఇప్పుడు కుదరదని హెచ్చరించారు. చేసిన ఆరోపణలపై అక్రమాలపై కాణిపాకంలో ప్రమాణం చేయగలరా అని సవాల్ విసిరారు.ఆదివారం ఒంగోలులో ఏర్పాటు చేసిన మీడియా సమావేశంలో దామచర్ల మాట్లాడుతూ.. బాలినేని కూటమిలో ఉన్నారనే తాము ఇన్నాళ్లు మౌనంగా ఉన్నామని, కానీ ఆయన అమావాస్యకోసారి ఒంగోలు వచ్చి విమర్శలు చేస్తున్నారని ఎద్దేవా చేశారు. తనపై కరపత్రాలు పంపిణీ చేసింది బాలినేని అనుచరుడు మురళీయేనని, ఈ విషయం పోలీసుల విచారణలో కూడా తేలిందని స్పష్టం చేశారు. అదే తాము బాలినేనిపై కరపత్రాలు వేయాలనుకుంటే పుస్తకాలే సరిపోవని అన్నారు.గత ప్రభుత్వంలో తమపై 79 కేసులు పెట్టారని గుర్తుచేశారు. ఆనాడు బాలినేని పార్టీ మారకుండా ఉండుంటే ఈపాటికి తండ్రీకొడుకులిద్దరినీ లోపల వేసేవారని దామచర్ల తీవ్ర వ్యాఖ్యలు చేశారు. కొందరు జనసేన ముసుగులో ఉంటూ వైసీపీ నేతల కోసం పనిచేస్తున్నారని పరోక్ష వ్యాఖ్యలు చేశారు. బార్ షాపుల సిండికేట్ ద్వారా తండ్రీకొడుకులు కోట్లు దండుకున్నారని, ఈ విషయంపై బాలినేని ప్రమాణం చేయాలని డిమాండ్ చేశారు.ప్రజలకు తన వ్యక్తిత్వం ఏంటో తెలుసు కాబట్టే గత ఎన్నికల్లో 34,000 ఓట్ల మెజారిటీతో గెలిపించారని, బాలినేని తలకిందులుగా తపస్సు చేసినా అంత మెజారిటీ రాదని దామచర్ల అన్నారు. ప్రభుత్వ భూమిలో బాలినేని బంధువు కట్టిన విల్లాలను స్వాధీనం చేసుకొని, ఆ స్థలాన్ని వెంగముక్కలపాలెం ప్రజలకు

ఒంగోలు: మాజీ మంత్రి బాలినేని శ్రీనివాసరెడ్డి (Balineni Srinivasa reddy)పై కరపత్రాలు ముద్రిస్తే పుస్తకాలు సరిపోవని ఒంగోలు ఎమ్మెల్యే దామచర్ల జనార్దన్‌ (Damacharla janardhan) అన్నారు. కూటమిలో విభేదాలు సృష్టించేలా ఆయన మాట్లాడుతున్నారని ఆగ్రహం వ్యక్తం చేశారు. తనపై బాలినేని విమర్శల నేపథ్యంలో దామచర్ల స్పందిస్తూ మీడియా సమావేశం నిర్వహించి కౌంటర్‌ ఇచ్చారు. ‘‘అమావాస్యకు ఓసారి బాలినేని ఒంగోలు వస్తారు. ఆయన కూటమిలో ఉన్నారని మౌనంగా ఉన్నాం. నాపై బాలినేని అనుచరుడు మురళి కరపత్రాలు వేశారు. ఆయనే కరపత్రాలు వేసినట్లు పోలీసుల విచారణలో తేలింది. బాలినేనిపై కరపత్రాలు ముద్రిస్తే పుస్తకాలు కూడా సరిపోవు. గత ప్రభుత్వంలో మాపై 79 కేసులు పెట్టించారు. బాలినేని పార్టీ మారారు కాబట్టి సరిపోయింది.. లేకుంటే తండ్రీకుమారులను లోపల వేసేవాళ్లం. గత ప్రభుత్వంలో చేసినట్లు రౌడీయిజం చేస్తామంటే కుదరదు. జనసేనను అడ్డుపెట్టుకుని వైకాపా నేతలకు పనిచేస్తున్నారు. బార్‌ షాపులు సిండికేట్‌ చేసి తండ్రీకుమారులు రూ.కోట్లు వసూలు చేశారు. చేసిన అక్రమాలపై ప్రమాణం చేసేందుకు బాలినేని కాణిపాకం వస్తారా? నేను ఎలాంటివాడినో ప్రజలకు తెలుసు కనుకే 34వేల మెజారిటీ ఇచ్చారు. తలకిందులుగా తపస్సు చేసినా బాలినేనికి ఆ మెజారిటీ రాదు. ప్రభుత్వ భూముల్లో ఆయన వియ్యంకుడి విల్లాలున్నాయి. ఆ భూమిని వెంగముక్కలపాలెం ప్రజలకు కమ్యూనిటీ హాల్‌ కింద ఇస్తాం’’ అని దామచర్ల జనార్దన్‌ అన్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

రాష్ట్రంలో కూటమి ప్రభుత్వం అధికారంలో ఉన్నా.. అధికార పార్టీ కేవలం టీడీపీయే, మిత్రపక్షాలుగా ఉన్న జనసేన, బీజేపీ మాత్రం విపక్షంలో ఉన్నట్లే కనిపిస్తున్నాయి. అధికార పార్టీగా టీడీపీ దూకుడుగా వ్యవహరిస్తుంటే.. తమకు ఏమాత్రం అవకాశం దక్కడం లేదన్న అసంతృప్తి జనసేన, బీజేపీ నేతల్లో కనిపిస్తోంది. జనసేన నేత, మాజీ మంత్రి బాలినేని శ్రీనివాసరెడ్డి (Balineni Srinivasa Reddy) తాజా విమర్శలు చూస్తే మాత్రం ఇదే నిజమని అనిపించకమానదు.ఏపీలో వాహనదారులకు గుడ్ న్యూస్..! ఇక ఈ సేవలన్నీ ఆటోమేటిగ్గా ఆన్ లైన్లో..!ప్రకాశం జిల్లా ఒంగోలు టీడీపీ ఎమ్మెల్యే దామచర్ల జనార్ధన్ (Damacharla Janardhan) కూ, కాంగ్రెస్, వైసీపీల్లో పనిచేసిన మాజీ మంత్రి బాలినేని శ్రీనివాసరెడ్డి ఎప్పటి నుంచో రాజకీయ ప్రత్యర్దులుగా ఉన్నారు. అయితే గత ఎన్నికల తర్వాత వైసీపీని వీడి జనసేనలోకి వచ్చిన బాలినేని.. గతంలోలాగే మిత్రపక్షం టీడీపీ ఎమ్మెల్యే అయిన దామచర్లపై విమర్శలు కొనసాగిస్తున్నారు. దీనిపై అధిష్టానాల వద్ద ఫిర్యాదులు ఉన్నా ఏమీ చేయలేని పరిస్ధితి. ఇదే క్రమంలో తాజాగా బాలినేని మరోసారి దామచర్లపై విమర్శలకు దిగారు. తన అనుచరులపై కేసులు పెడుతున్నారని, తప్పు చేయని తన వాళ్లను రక్షించుకోకపోతే ఇక రాజకీయాలు ఎందుకని బాలినేని ప్రశ్నించారు. Vijayasai Reddy: జెన్ జీకి ఇన్ని కష్టాలున్నాయా ?- సాయిరెడ్డి షాకింగ్ ట్వీట్ ..!డ్వాక్రా రుణాల్లో ఎమ్మెల్యే పిఏ కను సన్నల్లో అవినీతి జరిగిందని బాలినేని ఆరోపించారు. ఎమ్మెల్యే అనుచరులు ఇసుక డంప్ ద్వారా రూ. లక్షలు వసూలు చేస్తున్నారని తెలిపారు. రాజుపాలెంలో వందల ఎకరాలు ఆక్రమించి రొయ్యల చెరువులు వేశారన్నారు. ఒంగోలులో ఎమ్మెల్యే దామచర్ల అరాచకాలు బాగా పెరిగాయని, నేనే రాజు.. నేనే మంత్రి అన్నట్లుగా దామచర్ల వ్యవహరిస్తున్నారని బాలినేని ఆరోపించారు. దామచర్లతో టీడీపీ నేతలు తీవ్ర ఇబ్బందులు పడుతున్నారన్నారు. సీఎం చంద్రబాబు దర్యాప్తులు చేయిస్తే వాస్తవాలు బయటపడతాయని బాలినేని తెలిపారు