Baba Ramdev News

యోగా గురువు బాబా రామ్‌దేవ్‌కు బీజేపీ ఎంపీ, నటి కంగనా రనౌత్‌ స్ట్రాంగ్ కౌంటర్‌ ఇచ్చారు. తనకు వ్యక్తిత్వం గురించి పాఠాలు చెప్పాల్సిన అవసరం లేదంటూ సోషల్‌ మీడియా వేదికగా తీవ్రంగా స్పందించారు. ఇంటర్నెట్ డెస్క్: జెన్‌ జీపై చేసిన వ్యాఖ్యల విషయంలో నటి, బీజేపీ ఎంపీ కంగనా రనౌత్‌, యోగా గురువు బాబా రామ్‌దేవ్‌ మధ్య మాటల యుద్ధం కొనసాగుతోంది. తన వ్యాఖ్యలను విమర్శించిన రామ్‌దేవ్‌కు కంగనా సోషల్‌ మీడియా వేదికగా ఘాటుగా సమాధానం ఇచ్చారు. తన వ్యక్తిగత జీవితం, యవ్వనం గురించి వ్యాఖ్యానించడం సరికాదని స్పష్టం చేశారు. ఇన్‌స్టాగ్రామ్‌ స్టోరీస్‌లో రామ్‌దేవ్‌ను ఉద్దేశిస్తూ కంగనా తీవ్ర వ్యాఖ్యలు చేశారు. తన యవ్వనం, వ్యక్తిగత జీవితం గురించి ఊహాగానాలు చేయొద్దని సూచించారు. పుకార్లు, గాసిప్‌ల ఆధారంగా ఒక వ్యక్తి వ్యక్తిత్వాన్ని అంచనా వేయడం సరికాదని పేర్కొన్నారు. తనకు వ్యక్తిత్వం గురించి పాఠాలు చెప్పాల్సిన అవసరం లేదని 'నాది మీ కంటే మంచి క్యారెక్టర్‌ అంటూ' రామ్‌దేవ్‌పై విమర్శలు చేశారు. ఈ సందర్భంగా పతంజలి సంస్థకు సంబంధించిన గత వివాదాలను కూడా ఆమె ప్రస్తావించారు. ఢిల్లీలోని జంతర్‌ మంతర్‌ వద్ద నీట్‌ పరీక్షకు సంబంధించిన అంశంపై జరిగిన నిరసనల వీడియోలు సోషల్‌ మీడియాలో వైరల్‌ కావడంతో కంగనా వాటిపై స్పందించారు. నిరసనల్లో పాల్గొన్న కొందరు యువత ప్రవర్తనను ఆమె తీవ్రంగా విమర్శిస్తూ వివాదాస్పద వ్యాఖ్యలు చేశారు. యువతలోని ఒక వర్గం స్వేచ్ఛను దుర్వినియోగం చేస్తోందని, బాధ్యత లేకుండా వ్యవహరిస్తోందని ఆమె ఆరోపించారు. ఈ వ్యాఖ్యలపై సోషల్‌ మీడియాలో పెద్ద ఎత్తున విమర్శలు వచ్చాయి. కంగనా వ్యాఖ్యలపై బాబా రామ్‌దేవ్‌ కూడా స్పందించారు. యువతను అవమానించేలా ‘జనరేషన్‌ గట్టర్‌’ వంటి పదాలను ఉపయోగించడం సరైన విధానం కాదని ఆయన అభిప్రాయపడ్డారు. కంగనా.. గతంలో ఎలా ఉండేవారని, ఆమె యవ్వనం ఎలా సాగిందని రామ్‌దేవ్‌ ప్రశ్నలు లేవనెత్తినట్లు వార్తలు వచ్చాయి. దీంతో రామ్‌దేవ్‌ వ్యాఖ్యలకు కంగనా తాజాగా

నటి, బీజేపీ ఎంపీ కంగనా రనౌత్, యోగా గురు బాబా రామ్‌దేవ్‌ మధ్య మాటల యుద్ధం తీవ్రస్థాయికి చేరింది. తన 'జనరేషన్ గటర్' వ్యాఖ్యలపై బాబా రామ్‌దేవ్ చేసిన విమర్శలకు కంగనా సోషల్ మీడియా వేదికగా ఘాటుగా బదులిచ్చారు.ఇటీవల ఓ ఇంటర్వ్యూలో రామ్‌దేవ్ మాట్లాడుతూ.. యువతను 'గటర్' అని పిలవడం వక్రబుద్ధికి నిదర్శనమని అన్నారు. కంగన చిన్నతనం, యవ్వనం, ఆమె గతం ఎలాంటివో తనకు తెలుసంటూ ఆమెపై వ్యక్తిగత విమర్శలు చేశారు. ఈ వ్యాఖ్యలపై కంగన ఆగ్రహం వ్యక్తం చేశారు.ఇన్‌స్టాగ్రామ్ స్టోరీస్‌లో స్పందిస్తూ "బాబాజీ, నా యవ్వనం లేదా నా బెడ్‌రూమ్ గురించి పగటి కలలు కనొద్దు. పుకార్ల ఆధారంగా మాట్లాడటం కాదు. కనీసం మోసపూరిత ప్రకటనల విషయంలో సుప్రీంకోర్టు మీపై చీవాట్లు పెట్టినట్టు నాపై ఎప్పుడూ పెట్టలేదు. మీ కంటే నా క్యారెక్టర్ ఎంతో ఉత్తమమైనది. ఇక్కడ ఎలాంటి మోసం లేదు. కాబట్టి నాకు క్యారెక్టర్ పాఠాలు చెప్పొద్దు" అని తీవ్రంగా స్పందించారు. పతంజలి తప్పుడు ప్రకటనల కేసులో 2024లో సుప్రీంకోర్టు రామ్‌దేవ్‌ను మందలించిన విషయాన్ని ఆమె పరోక్షంగా గుర్తు చేశారు.గత నెలలో కొందరు నిరసనకారులను ఉద్దేశించి కంగనా 'జనరేషన్ గటర్' అని వ్యాఖ్యానించడం ఈ వివాదానికి దారితీసింది. అయితే, తన వ్యాఖ్యలు మొత్తం యువతకు కాదని, కేవలం కొందరి ప్రవర్తనను మాత్రమే విమర్శించానని ఆ తర్వాత ఆమె స్పష్టతనిచ్చారు

హ‌రిద్వార్‌: దేశంలోని విద్యా వ్యవస్థపై యోగా గురువు బాబా రామ్‌దేవ్ తీవ్ర ఆందోళన వ్యక్తం చేశారు. ప్ర‌భుత్వ పాఠ‌శాల‌ల్లో క‌నీస స‌దుపాయాలు కూడా ఉండ‌డం లేద‌ని ఆవేద‌న చెందారు. విద్యుత్, నీరు, మరుగుదొడ్లు వంటి కనీస సదుపాయాలు లేక.. విద్యార్థులు ఉపాధ్యాయులు, ఇబ్బందులు పడుతున్నారని ఆయన అన్నారు. ప‌రిస్థితులు ఇలాగే కొన‌సాగితే తాను నిర‌స‌న చేప‌డ‌తాన‌ని హెచ్చ‌రించారు. హ‌రిద్వార్‌లో శనివారం ఆయ‌న స్వాతంత్ర్య దినోత్స‌వాల్లో పాల్గొన్నారు. ఈ సంద‌ర్భంగా మీడియాతో మాట్లాడుతూ.. “దేశవ్యాప్తంగా గందరగోళ పరిస్థితి నెలకొంది” అని పేర్కొన్నారు. “పుస్తకాలు ఉన్నాయి, కానీ ఉపాధ్యాయులు లేరు; ఉపాధ్యాయులు ఉన్నారు, కానీ పుస్తకాలు లేవు. పుస్తకాలు ఉన్నా ప్రశ్నపత్రాలు లీక్ అవుతున్నాయి” అని ఆయన వ్యాఖ్యానించారు. సరైన మౌలిక వసతులు, బోధనా వనరులు లేకపోవడంతో విద్యార్థులు చిన్న పాఠశాలలను వదిలి వెళ్లిపోతున్నారని తెలిపారు. ప్రశ్నపత్రాల లీకేజీపైనా విమర్శలు పరీక్షల ప్రశ్నపత్రాల లీకేజీ అంశాన్ని కూడా రామ్‌దేవ్ ప్రస్తావించారు. ఉన్నత విద్యలో ప్రవేశాల కోసం విద్యార్థులు క్రమంగా పోటీ పరీక్షలపై ఆధారపడాల్సి వస్తోందన్నారు. 10, 12 తరగతుల బోర్డు పరీక్షల ప్రస్తుత ప్రాధాన్యతపైనా ప్రశ్నలు లేవనెత్తారు. విద్యార్థుల ఉన్నత విద్య ప్రవేశాలు ఎక్కువగా పోటీ ప్రవేశ పరీక్షల ఆధారంగా నిర్ణయించబడుతున్న పరిస్థితిపై అసంతృప్తి వ్యక్తం చేశారు. చ‌ద‌వండి: అన్నాడీఎంకేకు మ‌రో దెబ్బ‌.. అప్సరా రెడ్డి రాజీనామా జెన్‌జీ బాగానే ఉన్నారు కానీ.. దేశంలోని అనేక మంది యువత మంచి మార్గంలో రాణిస్తున్నప్పటికీ.. కొందరు హింస, ధూమపానం, మద్యపానం, అస్థిర సంబంధాల వంటి ధోరణుల్లో చిక్కుకుంటున్నారని రామ్‌దేవ్ అన్నారు. జెన్‌జీ యువత అందరినీ ఒకే కోణంలో చూడకూడదని సూచించారు. “చాలా మంది జెన్‌జీ యువత బాగా రాణిస్తున్నారు. అయితే కొందరు హింసకు పాల్పడుతున్నారు, పలువురు బాయ్‌ఫ్రెండ్లు లేదా గర్ల్‌ఫ్రెండ్లను కలిగి ఉంటున్నారు. మరికొందరు బీడీలు, సిగరెట్లు కాల్చడం, మద్యం సేవించడం చేస్తున్నారు” అని రామ్‌దేవ్ అన్నారు. రాహుల్ గాంధీకి కౌంట‌ర్‌ కాంగ్రెస్ అగ్ర నేత రాహుల్ గాంధీపై

దేశంలో విద్య, ప్రభుత్వ ఉద్యోగాల నియామక వ్యవస్థపై యోగా గురు బాబా రాందేవ్‌ తీవ్ర ఆందోళన వ్యక్తం చేశారు. విద్యార్థుల నిరసనలు పెరుగుతుండటం వ్యవస్థలోని లోపాలకు సంకేతమని అన్నారు. స్వాతంత్ర్య దినోత్సవం సందర్భంగా పతంజలి యోగాపీఠ్‌లో జరిగిన కార్యక్రమంలో ఆయన మాట్లాడారు. విద్యార్థుల సమస్యలను పరిష్కరించకపోతే భవిష్యత్‌లో మరిన్ని ఉద్యమాలు వచ్చే అవకాశం ఉందని హెచ్చరించారు.ఝార్ఖండ్‌లో విద్యార్థుల ఆందోళనలపై రాందేవ్‌ స్పందించారు. పలు పాఠశాలలు, కళాశాలల్లో కనీస సౌకర్యాలు కూడా లేవని అన్నారు. ఉపాధ్యాయులు, పుస్తకాలు, విద్యుత్‌, తాగునీరు, మరుగుదొడ్ల కొరత ఉందని చెప్పారు. పరీక్షల్లో అక్రమాలు, ప్రశ్నపత్రాల లీకేజీలు కూడా ఆందోళన కలిగిస్తున్నాయని పేర్కొన్నారు.ప్రభుత్వ ఉద్యోగాల నియామక ప్రక్రియపైనా రాందేవ్‌ తీవ్ర ఆరోపణలు చేశారు. ఇంటర్వ్యూల సమయంలోనే 90 శాతం అవినీతి జరుగుతోందని ఆరోపించారు. కులం, సామాజిక వర్గం, సమాజం, భావజాలం ఆధారంగా కొందరికి ప్రాధాన్యం లభిస్తోందని అన్నారు. అర్హత ఉన్న అభ్యర్థులు మాత్రం వెనుకబడుతున్నారని పేర్కొన్నారు.వ్యవస్థను ఇప్పటికైనా సరిదిద్దాలని రాందేవ్‌ సూచించారు. ప్రజల్లో ఆగ్రహం పెరిగేలోపే ప్రభుత్వం చర్యలు తీసుకోవాలని అన్నారు. లేదంటే దేశంలో మరిన్ని ఉద్యమాలు రావచ్చని హెచ్చరించారు. అయితే ఆందోళనల పేరుతో హింస, అరాచకాన్ని తాను సమర్థించనని స్పష్టం చేశారు.రాజకీయ విభేదాలపైనా రాందేవ్‌ స్పందించారు. అధికార పార్టీ, ప్రతిపక్షాలు ఒకరినొకరు శత్రువులుగా చూడకూడదని సూచించారు. ప్రభుత్వం, ప్రతిపక్షాల మధ్య పరస్పర గౌరవం ఉండాలని అన్నారు. కులాలు, వర్గాల మధ్య కూడా సామరస్యం పెరగాల్సిన అవసరం ఉందని పేర్కొన్నారు