Aus Vs Ban 2nd Test News

AUS vs BAN : ఆస్ట్రేలియా వర్సెస్ బంగ్లాదేశ్ జట్ల మధ్య రెండో టెస్టు మ్యాచ్ శనివారం ప్రారంభమైంది. అయితే, తొలి టెస్టు మ్యాచ్ లో ఆసీస్ జట్టును బంగ్లాదేశ్ జట్టు ఓడించింది. దీంతో ప్రతీకారంతో రగిలిపోతున్న ఆస్ట్రేలియా ఆటగాళ్లు రెండో టస్టులో మొదటిరోజు ఆటలోనే విజృంభించారు. బంగ్లాదేశ్ జట్టును తొలి ఇన్నింగ్స్ లో 64 పరుగులకే కుప్పకూల్చారు. టాస్ గెలిచిన ఆస్ట్రేలియా బౌలింగ్ ఎంచుకుంది. ఆ జట్టు స్టార్ పేసర్ మిచెల్ స్టార్క్ బంగ్లాదేశ్ బ్యాటింగ్ ను చెల్లాచెదురు చేశాడు. కేవలం 12 పరుగులు ఇచ్చి ఏకంగా ఆరు వికెట్లు పడగొట్టాడు. ఇన్నింగ్స్ లో తొలి బంతికే వికెట్ తీసిన స్టార్క్.. నాలుగో ఓవర్ పూర్తయ్యేలోపు ఐదు వికెట్ల ఘనత సాధించాడు. మరోవైపు.. కమిన్స్ సైతం విజృంభించి మూడు వికెట్లు పడగొట్టాడు

AUS vs BAN : బంగ్లాదేశ్‌తో తొలి టెస్టు మ్యాచ్‌లో ఓడిపోయిన ఆస్ట్రేలియా జ‌ట్టు కీల‌క నిర్ణ‌యం తీసుకుంది. రెండో టెస్టుకు జ‌ట్టులో ఓ కీల‌క మార్పు చేసింది. తొలి టెస్టులో పేల‌వ‌ ప్రదర్శన చేసిన ఓపెనర్ జేక్ వెదరాల్డ్‌ను జట్టు నుంచి తప్పించింది. అతడి స్థానంలో ఎడమచేతి వాటం బ్యాటర్ మాథ్యూ రెన్షాను జట్టులోకి తీసుకుంది. ఆగస్టు 22 నుంచి రెండో టెస్టు ప్రారంభం కానుంది. తొలి టెస్టులో వెదరాల్డ్ తొలి ఇన్నింగ్స్‌లో 23 పరుగులు చేయ‌గా రెండో ఇన్నింగ్స్‌లో డకౌట్ అయ్యాడు. ఈ క్ర‌మంలోనే రెన్షాను జ‌ట్టులోకి తీసుకున్నారు. కాగా.. రెన్షా టెస్టు మ్యాచ్ ఆడి దాదాపు మూడేళ్లు అయింది. చివ‌రి సారిగా అత‌డు 2023లో ఢిల్లీలో భారత్‌తో జరిగిన టెస్టులో ఆడాడు. IND vs SL : కేఎల్ రాహుల్ బ్రొమాన్స్‌.. కాపాడాడు అని ముద్దు పెట్ట‌బోయాడు.. వీడియో వైర‌ల్.. సుదీర్ఘ ఫార్మాట్‌లో పెద్ద‌గా అవ‌కాశాలు రాక‌పోయిన‌ప్ప‌టికి కూడా 30 ఏళ్ల రెన్షా వ‌న్డే, టీ20 జ‌ట్టులో రెగ్యుల‌ర్ స‌భ్యుడిగా ఉంటూ వ‌స్తున్నాడు. BREAKING: Aussies announce one change to the squad for Mackay Test #AUSvBAN — cricket.com.au (@cricketcomau) August 18, 2026 తొలి టెస్టు మ్యాచ్‌లో విఫ‌ల‌మైన మార్న‌స్ ల‌బుషేన్ మాత్రం త‌న ప్లేస్‌ను కాపాడుకున్నాడు. బంగ్లాదేశ్‌తో రెండో టెస్టుకు ఆస్ట్రేలియా జట్టు ఇదే.. పాట్ కమిన్స్ (కెప్టెన్), స్కాట్ బొలాండ్, అలెక్స్ క్యారీ, కామెరాన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లబుషేన్, నాథన్ లియాన్, మాథ్యూ రెన్షా, స్టీవ్ స్మిత్, మిచెల్ స్టార్క్, బ్యూ వెబ్‌స్టర్