Atchannaidu News

సముద్రంలో గల్లంతైన మత్స్యకారుల ఆచూకీ కోసం గాలింపు చర్యలు నిరంతరం కొనసాగుతున్నాయని రాష్ట్ర మంత్రి కింజరాపు అచ్చెన్నాయుడు స్పష్టం చేశారు. మత్స్యకారుల ఆచూకీ తెలిసే వరకు అన్ని మార్గాల్లోనూ సెర్చ్ ఆపరేషన్ కొనసాగుతుందని ఆయన తేల్చిచెప్పారు. స్పోర్ట్స్ డెస్క్: డాక్టర్ బి.ఆర్. అంబేద్కర్ కోనసీమ జిల్లా ఓడలరేవు నుంచి 'ముత్యాలమ్మ' (IND-AP-E8-MO-135) బోటులో ఆగస్టు 3న చేపల వేటకు వెళ్లిన ఏడుగురు మత్స్యకారులు సముద్రంలో గల్లంతైన సంగతి తెలిసిందే. ఒడిశాలోని పారాదీప్ తీరం వద్ద ఒక పసుపు రంగు బోటును అధికారులు గుర్తించారు. ఈ ఘటనపై తాజాగా రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు కీలక వ్యాఖ్యలు చేశారు. సముద్రంలో గల్లంతైన మత్స్యకారుల ఆచూకీ కోసం గాలింపు చర్యలు నిరంతరం కొనసాగుతున్నాయని ఆయన స్పష్టం చేశారు. మత్స్యకారులను సురక్షితంగా వెనక్కి తీసుకొచ్చే వరకు అన్ని మార్గాల్లోనూ సెర్చ్ ఆపరేషన్ ఆపే ప్రసక్తే లేదని ఆయన తేల్చిచెప్పారు. ఈ గాలింపు చర్యల కోసం ఏకంగా 5 నౌకలు, 2 డోర్నియర్ విమానాలు, ఒక ప్రత్యేక హెలికాప్టర్‌ను రంగంలోకి దించినట్లు మంత్రి అచ్చెన్నాయుడు తెలిపారు. గల్లంతైన బోటు వివరాలను మయన్మార్, పోర్ట్‌బ్లెయిర్, బంగ్లాదేశ్ కోస్ట్‌గార్డ్ అధికారులకు కూడా పంపించామని, సరిహద్దు తీరప్రాంతాల్లోనూ అప్రమత్తంగా ఉండాలని అధికారులను ఆదేశించినట్లు చెప్పారు. కేంద్ర కోస్ట్‌గార్డ్, నేవీ అధికారులతో ప్రభుత్వం నిరంతరం సమన్వయం చేసుకుంటూ ముందుకు వెళ్తోందని తెలిపారు. ఈ నెల 24 తర్వాత కొత్త అధికారి బాధ్యతలు చేపట్టినప్పటికీ గాలింపు చర్యలు ఎలాంటి అంతరాయం లేకుండా కొనసాగుతాయని మంత్రి అచ్చెన్నాయుడు వెల్లడించారు. మత్స్యకారుల కుటుంబ సభ్యులు ధైర్యంగా ఉండాలని, ప్రభుత్వం వారి రక్షణకు అన్ని విధాలుగా కట్టుబడి ఉందని మంత్రి అచ్చెన్నాయుడు భరోసా కల్పించారు. అన్నవరం బస్టాండ్‌‌లో మంత్రి మండిపల్లి రాంప్రసాద్ రెడ్డి ఆకస్మిక తనిఖీలు.. అమరావతిలో SBI సిబ్బంది నివాస గృహ సముదాయానికి కీలక ముందడుగు

రైతులకు ప్రభుత్వం నుంచి ఒక ఇంపార్టెంట్ అప్‌డేట్ వచ్చింది. ఈ ఏడాది వాతావరణంలో వస్తున్న విపరీతమైన మార్పులు, ఎల్ నినో భయాల నేపథ్యంలో పంటలకు బీమా చేయించుకోవడం చాలా అవసరమని ప్రభుత్వం చెబుతోంది. వాస్తవానికి ప్రధాన మంత్రి ఫసల్ బీమా యోజన (PMFBY) కింద ప్రీమియం చెల్లించేందుకు ఆగస్టు 15వ తేదీతోనే గడువు ముగిసింది. కానీ, గ్రామీణ ప్రాంతాల్లో ఇప్పటికీ చాలామంది రైతులు రిజిస్ట్రేషన్ చేసుకోలేకపోయారు. అందుకే అన్నదాతల క్షేమం కోసం ఏపీ ప్రభుత్వం కీలక నిర్ణయం తీసుకుంది. బీమా నమోదు గడువును ఈ నెలాఖరు వరకు, అంటే ఆగస్టు 31వ తేదీ వరకు పొడిగించింది. ఈ సంవత్సరం ఎల్ నినో ప్రభావం వల్ల వర్షాభావ పరిస్థితులు ఎదురయ్యే అవకాశం ఉందని వాతావరణ నిపుణులు హెచ్చరిస్తున్నారు. ఏ క్షణంలో వాతావరణం మారిపోతుందో, అకాల వర్షాలు ముంచెత్తుతాయో లేదా కరవు తాండవిస్తుందో చెప్పడం కష్టం. అసెంబ్లీలో రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు మాట్లాడుతూ.. రైతులెవరూ రిస్క్ తీసుకోవద్దని, వెంటనే బీమా ప్రక్రియ పూర్తి చేసుకోవాలని కోరారు. పంట చేతికి వచ్చే వరకు ఏ గ్యారెంటీ లేని ఈ రోజుల్లో పంటల బీమా అనేది రైతుకు ఒక సురక్షితమైన కవచంలా పనిచేస్తుందని స్పష్టం చేశారు. చాలామంది రైతులు ఇన్సూరెన్స్ అంటే వేలల్లో ఖర్చవుతుందని భయపడుతుంటారు. కానీ ఫసల్ బీమా యోజనలో రైతు చెల్లించాల్సిన ప్రీమియం చాలా చాలా తక్కువ. ఖరీఫ్ పంటలకు కేవలం 2 శాతం, రబీ పంటలకు 1.5 శాతం, వాణిజ్య పంటలకు 5 శాతం ప్రీమియం మాత్రమే చెల్లిస్తే సరిపోతుంది. ఉదాహరణకు రైతు వాటా అత్యంత స్వల్పంగా ఉంటే, మిగిలిన ప్రధానమైన ప్రీమియం మొత్తాన్ని కేంద్ర, రాష్ట్ర ప్రభుత్వాలే భరిస్తాయి. రూపాయి ఖర్చు పెద్దగా లేకుండా వేల రూపాయల నష్టపరిహారం పొందే అవకాశాన్ని అస్సలు వదులుకోవద్దని అధికారులు చెబుతున్నారు. రైతులు తమ సమీపంలోని సీఎస్‌ఈ (CSC) సెంటర్లు లేదా మీ సేవా

పంటల బీమా విషయంలో ఆలస్యం చేయకుండా రైతులు త్వరపడాలని ఆంధ్రప్రదేశ్ వ్యవసాయ శాఖ మంత్రి అచ్చెన్నాయుడు అసెంబ్లీ వేదికగా పిలుపునిచ్చారు. ఎల్‌నినో ప్రభావం ఉన్నందున రైతులు వెంటనే బీమా చేసుకోవాలన్నారు. ఈ నెలాఖరు వరకు సమయం ఉందని తెలిపారు. ‘‘రాష్ట్రంలోని రైతులందరినీ చేతులెత్తి కోరుతున్నా. ప్రతిపంటకీ వెంటనే బీమా చేసుకోండి. దీనికి కట్టాల్సిన నగదు కూడా తక్కువ మొత్తంలోనే ఉంది. ఎమ్మెల్యేలు ఈ విషయంలో రైతులకు అవగాహన కల్పించాలి’’ అని మంత్రి కోరారు. ఈ వార్త చదివారా: సముద్రంలో మత్స్యకారుడు గల్లంతు.. గాలింపు ముమ్మరం చేయాలని హోం మంత్రి ఆదేశం

అచ్చెన్నాయుడిపై దువ్వాడ శ్రీనివాస్ ఫైర్ ఆంధ్రప్రదేశ్ శాసనమండలి సాక్షిగా ఎమ్మెల్సీ దువ్వాడ శ్రీనివాస్, వ్యవసాయ శాఖ మంత్రి అచ్చెన్నాయుడిపై అనుచిత వ్యాఖ్యలుచేశారు. సభలో మాజీ మంత్రి బొత్స సత్యనారాయణను అవహేళన చేసేలా మాట్లాడారని మండిపడుతూ.. అచ్చెన్నాయుడిపై తీవ్ర వ్యాఖ్యలు చేశారు.. రాష్ట్రంలో వ్యవసాయ శాఖ మంత్రిగా ఉండి రైతులకు సమయానికి యూరియా కూడా ఇప్పించలేకపోతున్నారని, శాఖ నిర్వహణలో పూర్తిగా విఫలమయ్యారని విమర్శించారు. ఈ వార్తకు సంబంధించిన

ఆంధ్రప్రదేశ్ (Andhra Pradesh)లో బీసీల (BCs) రాజకీయ, సామాజిక హక్కుల అంశంపై మరోసారి చర్చ మొదలైంది. గత ప్రభుత్వ పాలనలో బీసీలకు తగిన ప్రాధాన్యం దక్కలేదని మంత్రి అచ్చెన్నాయుడు (Atchannaidu) విమర్శించారు. తెలుగుదేశం పార్టీ (TDP) మొదటి నుంచీ బీసీలకు అండగా నిలుస్తూ వారి సంక్షేమం, రాజకీయ ప్రాతినిధ్యం కోసం పనిచేస్తోందని ఆయన పేర్కొన్నారు. బీసీలకు స్థానిక సంస్థల ఎన్నికల్లో 34 శాతం రిజర్వేషన్లు కల్పించే విషయంలో టీడీపీ ప్రభుత్వం తీసుకున్న నిర్ణయాలను మంత్రి ప్రస్తావించారు. బీసీలకు రాజకీయంగా అవకాశాలు పెరగాలంటే రిజర్వేషన్లు కీలకమని ఆయన అభిప్రాయపడ్డారు. గ్రామస్థాయి నుంచి జిల్లా స్థాయి వరకు వెనుకబడిన వర్గాలకు పాలనా వ్యవస్థలో భాగస్వామ్యం పెరగాల్సిన అవసరం ఉందని చెప్పారు. గతంలో బీసీలకు 34 శాతం కోటా అమలు చేసే విషయంలో వైఎస్సార్ కాంగ్రెస్ పార్టీ (YSR Congress Party) ప్రభుత్వం సరైన చర్యలు తీసుకోలేదని అచ్చెన్నాయుడు ఆరోపించారు. బీసీల ప్రయోజనాలను కాపాడాల్సిన బాధ్యత ప్రభుత్వాలపై ఉందని, అయితే గత పాలనలో వారి హక్కులకు నష్టం జరిగిందని ఆయన వ్యాఖ్యానించారు. ఈ అంశంపై టీడీపీ నిరంతరం పోరాడిందని గుర్తు చేశారు. ప్రస్తుతం కూటమి ప్రభుత్వం బీసీల సంక్షేమానికి ప్రత్యేక ప్రాధాన్యత ఇస్తోందని మంత్రి తెలిపారు. రాజకీయ ప్రాతినిధ్యంతో పాటు విద్య, ఉపాధి, ఆర్థిక అభివృద్ధి వంటి రంగాల్లో కూడా వెనుకబడిన వర్గాలు ముందుకు రావడానికి అవసరమైన చర్యలు చేపడుతున్నట్లు చెప్పారు. బీసీ వర్గాల అభ్యున్నతికి ప్రభుత్వం తీసుకునే నిర్ణయాలు దీర్ఘకాలంలో వారికి ఉపయోగపడేలా ఉండాలని ఆయన స్పష్టం చేశారు. ఆంధ్రప్రదేశ్ రాజకీయాల్లో బీసీల ఓటు బ్యాంకు కీలకంగా ఉంది. రాష్ట్రంలోని అనేక నియోజకవర్గాల్లో బీసీ వర్గాలకు గణనీయమైన జనాభా ఉంది. దీంతో అన్ని రాజకీయ పార్టీలు బీసీలను తమవైపు ఆకర్షించేందుకు ప్రయత్నిస్తుంటాయి. అయితే కేవలం ఎన్నికల సమయంలో హామీలు ఇవ్వడం కాకుండా, అధికారంలో ఉన్నప్పుడు వారి అభివృద్ధికి స్పష్టమైన విధానాలు అమలు చేయాలని బీసీ సంఘాలు కోరుతున్నాయి

బీసీలకు తెలుగుదేశం పార్టీ హయాంలోనే న్యాయం జరిగిందని మంత్రి అచ్చెన్నాయుడు అన్నారు. ఎన్టీఆర్ పార్టీ పెట్టాక బలహీనవర్గాలను అసెంబ్లీకి పంపారని.. స్థానిక సంస్థలలో 20 శాతం రిజర్వేషన్లు ఇచ్చారని తెలిపారు. అమరావతి, ఆగస్టు 18: బీసీలకు తెలుగుదేశం పార్టీ హయాంలోనే న్యాయం జరిగిందని మంత్రి అచ్చెన్నాయుడు అన్నారు. ఈరోజు(మంగళవారం) ఏపీ అసెంబ్లీలో బీసీ సాధికారత రిజర్వేషన్లపై మంత్రి మాట్లాడుతూ.. ఎన్టీఆర్ పార్టీ పెట్టాక బలహీనవర్గాలను అసెంబ్లీకి పంపారని.. స్థానిక సంస్థలలో 20 శాతం రిజర్వేషన్లు ఇచ్చారని తెలిపారు. 1995లో చంద్రబాబు నాయుడు ముఖ్యమంత్రిగా 34 శాతం రిజర్వేషన్లను కల్పించారని గుర్తుచేశారు. గతంలో ఉన్న చట్టంలో మార్పు చేయాలంటే .. సవరణ చేయాలన్నారు. జగన్ అధికారంలోకి వచ్చాక బలహీనవర్గాలపై దాడులు చేశారని, దమనకాండ చేశారని మండిపడ్డారు. తెలుగుదేశం పార్టీ పుట్టినప్పటి నుంచి టీడీపీకి అండగా ఉన్న వర్గం బీసీలు అని అన్నారు. అందుకే బీసీలపై వైసీపీ కక్ష కట్టిందని విమర్శించారు. బలహీన వర్గాలకు అండగా ఉంటామని చెప్పి రిజర్వేషన్లను పెంచారని, అయితే చట్టాన్ని మార్పు చేయాల్సి ఉండగా అలా చేయకుండా కొత్త జీవో ఇచ్చారని గత ప్రభుత్వంపై మంత్రి మండిపడ్డారు. ఆ రిజర్వేషన్లు వద్దు అని చెప్పి వైసీపీ సానుభూతిపరుడితోనే కోర్టులో కేసులు పెట్టించారన్నారు. కోర్టులో ఎదురుదెబ్బ తగిలితే సుప్రీంకోర్టుకు వెళ్లలేదని... తద్వారా బీసీలకు అన్యాయం చేశారని విమర్శించారు. నేడు కేబినెట్ సమావేశాన్ని ప్రత్యేకంగా పెట్టి స్థానిక సంస్థలలో బీసీలకు రిజర్వేషన్ల కల్పనపై చర్చించి నిర్ణయం తీసుకున్నామన్నారు. రానున్న స్థానిక సంస్థల ఎన్నికల్లో బలహీనవర్గాలు తెలుగుదేశం పార్టీకి అండగా ఉండాలని మంత్రి అచ్చెన్నాయుడు పేర్కొన్నారు. ఆ మున్సిపాలిటీల విలీన ప్రక్రియ... స్థానిక ఎన్నికల తర్వాతే: సీఎం చంద్రబాబు రాబోయే స్థానిక సంస్థల ఎన్నికల్లో బీసీలకు 34 శాతం రిజర్వేషన్లు: మంత్రి సవిత

దేశంలో కొబ్బరి అంటే గుర్తొచ్చే పేరు కోనసీమ అని.. ఆ జిల్లాకు తాను ఇన్‌ఛార్జి మంత్రిగా వ్యవహరిస్తున్నానని మంత్రి అచ్చెన్నాయుడు అన్నారు. గత ప్రభుత్వ హయాంలో కాలువల్లో తట్టమట్టి కూడా తీయకపోవడం వల్ల సముద్రం నీరు వెనెక్కి వచ్చి చెట్టు ఉన్నపళంగా కుంగిపోయిందని చెప్పుకొచ్చారు. అమరావతి, ఆగస్టు 18: దేశంలో కొబ్బరి అంటే గుర్తొచ్చే పేరు కోనసీమ అని.. ఆ జిల్లాకు తాను ఇన్‌ఛార్జి మంత్రిగా వ్యవహరిస్తున్నానని మంత్రి అచ్చెన్నాయుడు అన్నారు. ఏపీ శాసనసభలో ప్రశ్నోత్తరాల సమయంలో కొబ్బరి సాగుకు సంబంధించి ఎమ్మెల్యే బండారు సత్యానందరావు అడిగిన ప్రశ్నలకు మంత్రి అచ్చెన్నాయుడు సమాధానం ఇచ్చారు. కొబ్బరి సాగులో 10వేల హెక్టార్లలోని కొబ్బరితోటలు కాలం చెల్లినవి ఉన్నాయన్నారు. గత ప్రభుత్వ హయాంలో కాలువల్లో తట్టమట్టి కూడా తీయకపోవడం వల్ల సముద్రం నీరు వెనెక్కి వచ్చి చెట్టు ఉన్నపళంగా కుంగిపోయిందని చెప్పుకొచ్చారు. ప్రతి చెడిపోయిన మొక్కకు వెయ్యి సాయం చేసి కొత్తమొక్కలు పెట్టించాలని ప్రతిపాదన ఉందన్నారు. డ్రెయిన్‌‌లు శుభ్రం చేయకపోతే ఎంత పెట్టుబడి పెట్టినా, కొత్త మొక్కలు నాటినా ఫలితాలు ఉండవని మంత్రి తెలిపారు. అందుకే మొదటి దశలో శంఖరగుప్తం కాలువ పూడిక తీస్తే రెండు, మూడు నియోజకవర్గాల్లో సమస్య పరిష్కారమవుతుందన్నారు. కొత్త ప్లాంటేషన్‌కు వీబీ రాంజీ పథకం కింద కేంద్రంలోని కోకో బోర్డు ద్వారా ఆర్థిక సాయం అందజేస్తున్నామని ప్రకటించారు. మొత్తం ఒక ప్రాజెక్ట్ రూపంలో తీసుకొని కోనసీమలో కొత్తమొక్కలు పెట్టిస్తామమని చెప్పారు. ఎమ్మెల్యే బండారు సత్యానందరావు చెప్పినట్లు అంతర పంటలు వేయాలని రైతులకు సూచించారు. కొబ్బరితోటల్లో కోకో, అరటి, అంతర పంటలు వేయొచ్చని చెప్పుకొచ్చారు. ఈ కార్యక్రమాన్ని సక్రమంగా అమలు అయ్యేలా చూస్తున్నామని, రైతులకు అదనపు ఆదాయం వచ్చేలా ప్రయత్నాలు చేస్తున్నామని మంత్రి అచ్చెన్నాయుడు పేర్కొన్నారు. ఏపీ మండలిలో పోడియం వద్ద బల్లలు చరుస్తూ వైసీపీ ఆందోళన.. సభ వాయిదా స్లీపర్ బస్సుల్లో అగ్ని ప్రమాదాల నివారణకు పటిష్ఠ చర్యలు: మంత్రి మండిపల్లి రాంప్రసాద్

ఆంధ్రప్రదేశ్‌ శాసనమండలి (Andhra Pradesh Legislative Council) వర్షాకాల సమావేశాల్లో డీఎస్సీ (DSC) అంశం రాజకీయ వేడిని పెంచింది. ఉపాధ్యాయ నియామక పరీక్షపై చర్చించాలని ప్రతిపక్ష సభ్యులు పట్టుబట్టగా, అధికార పక్షం గత ప్రభుత్వ హయాంలో డీఎస్సీ నిర్వహణపై ప్రశ్నలు సంధించింది. ఈ క్రమంలో మంత్రి కింజరాపు అచ్చెన్నాయుడు (Kinjarapu Atchannaidu), మండలి ప్రతిపక్ష నేత బొత్స సత్యనారాయణ (Botsа Satyanarayana) మధ్య తీవ్ర వాగ్వాదం చోటుచేసుకోవడంతో సభలో కొంతసేపు ఉద్రిక్త పరిస్థితులు నెలకొన్నాయి. సభ ప్రారంభమైన తర్వాత విపక్ష సభ్యులు ‘మెగా డీఎస్సీ.. దగా డీఎస్సీ’ అంటూ నినాదాలు చేశారు. నిరుద్యోగులు, ఉద్యోగార్థులకు సంబంధించిన అంశం కావడంతో డీఎస్సీపై ప్రభుత్వం స్పష్టత ఇవ్వాలని వారు డిమాండ్‌ చేశారు. ఈ సమయంలో మంత్రి అచ్చెన్నాయుడు స్పందిస్తూ గతంలో విద్యాశాఖ మంత్రిగా పనిచేసిన బొత్స సత్యనారాయణపై తీవ్ర విమర్శలు చేశారు. 2019 నుంచి 2024 మధ్య ఐదేళ్ల కాలంలో ఒక్క డీఎస్సీ కూడా నిర్వహించలేదని, ఇప్పుడు ఆ అంశంపై ప్రశ్నించే నైతిక హక్కు ఎలా ఉంటుందని ఆయన ప్రశ్నించారు. విమర్శల సమయంలో మంత్రి ఉపయోగించిన కొన్ని పదాలపై ప్రతిపక్ష సభ్యులు తీవ్ర అభ్యంతరం వ్యక్తం చేశారు. ముఖ్యంగా బొత్సను ఉద్దేశించి చేసిన వ్యక్తిగత వ్యాఖ్యలు సభలో చర్చకు దారితీశాయి. ప్రతిపక్ష నేత కూడా వెనక్కి తగ్గకుండా మంత్రిపై తీవ్రంగా స్పందించారు. వ్యక్తిగత రూపురేఖలపై వ్యాఖ్యలు చేయడం సరికాదని, రాజకీయ చర్చను విధానాలు, ప్రజా సమస్యలకే పరిమితం చేయాలని పరోక్షంగా సూచించారు. ఇద్దరు నేతల మధ్య మాటల యుద్ధం కొనసాగడంతో సభలో గందరగోళం పెరిగింది. పరిస్థితిని అదుపులోకి తీసుకురావడానికి సభను కొంతసేపు వాయిదా వేశారు. అనంతరం సమావేశాలు తిరిగి ప్రారంభమైనా వాతావరణం పూర్తిగా చల్లబడలేదు. మంత్రి తన వ్యాఖ్యలను సమర్థించుకుంటూ గతంలో డీఎస్సీ నిర్వహణలో జరిగిన అంశాలపై ఆధారాలు ఉన్నాయని, వాటిని సభ ముందుంచేందుకు సిద్ధంగా ఉన్నామని తెలిపారు. గత ప్రభుత్వ కాలంలో డీఎస్సీ ఎందుకు నిర్వహించలేదనే

రాష్ట్రాన్ని ఐదేళ్లపాటు వెంటిలేటర్‌పై పడేసిన వాళ్లకు, తాడేపల్లి ప్యాలెస్‌ దాటని మాజీ సీఎం జగన్‌కు ఆక్వా రైతుల కష్టాల గురించి మాట్లాడే హక్కే లేదంటూ వ్యవసాయ శాఖ మంత్రి అచ్చెన్నాయుడు తీవ్రస్థాయిలో విరుచుకుపడ్డారు. గొడ్డలి పార్టీతో ప్రజలు జాగ్రత్తగా ఉండకపోతే భవిష్యత్తుకే ప్రమాదమని ఆయన హెచ్చరించారు. సంక్షోభంలో ఉన్న ఆక్వా రంగానికి ఊపిరి పోస్తూ రూ.1,150 కోట్ల విద్యుత్ సబ్సిడీకి సంబంధించిన జీవోను మంత్రి విడుదల చేశారు. పాలకొల్లులో ఆక్వా రైతులు ఏర్పాటు చేసిన భారీ బహిరంగ సభకు మంత్రులు గొట్టిపాటి రవికుమార్, నిమ్మల రామానాయుడు, అసెంబ్లీ ఉపసభాపతి రఘురామకృష్ణరాజులతో కలిసి అచ్చెన్నాయుడు హాజరయ్యారు. ఈ సందర్భంగా ఆయన మాట్లాడుతూ... ఆక్వారంగం అనేది సీఎం చంద్రబాబు నాయుడి మానసపుత్రిక అని అభివర్ణించిన ఆయన, ఐదు కోట్ల ఆంధ్రులు చేసుకున్న పూర్వజన్మ సుకృతం వల్లనే చంద్రబాబు వంటి దార్శనిక నేత దక్కారని కొనియాడారు. 2019లో ప్రజలు ఆవేశపడి దోపిడీదారులకు అధికారం కట్టబెట్టడం వల్లే రాష్ట్ర ఆర్థిక వ్యవస్థ ఐదేళ్లపాటు తీవ్ర ఐసీయూ స్థితిలోకి వెళ్లిందని, నాటి వైఫల్యాలను కప్పిపుచ్చుకునేందుకు ఇప్పుడు జగన్ ప్రతి చిన్న విషయాన్నీ సమస్యగా చిత్రీకరించే చవకబారు రాజకీయాలు చేస్తున్నారని మండిపడ్డారు. ఎంతటి నిధుల కొరత ఉన్నప్పటికీ ఆక్వా రైతులను ఆదుకోవాలనే ఏకైక సంకల్పంతో ఈ భారీ విద్యుత్ సబ్సిడీని సకాలంలో విడుదల చేశామని మంత్రి వెల్లడించారు. మేనిఫెస్టోలో ఇచ్చిన ప్రతీ హామీతో పాటు, చెప్పని అనేక సంక్షేమ కార్యక్రమాలను సైతం ఈ 26 నెలల స్వల్ప వ్యవధిలోనే నెరవేర్చామని గర్వంగా ప్రకటించారు. ప్రధాని నరేంద్ర మోదీ సాయంతో ఏపీ అభివృద్ధి పథంలో పరుగులు తీస్తోందని, రాష్ట్రానికి ఉన్న సుదీర్ఘ తీరప్రాంతాన్ని ప్రధాన ఆదాయ వనరుగా మారుస్తూ ‘బ్లూ ఎకానమీ’ దిశగా ఆంధ్రప్రదేశ్‌ను సరికొత్త శిఖరాలకు తీసుకెళ్తున్నామని చెప్పారు

ఆంధ్రప్రదేశ్‌లో ఎఫ్‌సీవీ పొగాకు రైతులు ఎదుర్కొంటున్న తీవ్ర మార్కెట్ సంక్షోభాన్ని పరిష్కరించేందుకు రాష్ట్ర ప్రభుత్వం కీలక నిర్ణయం తీసుకుంది. గుంటూరులోని టొబాకో బోర్డు కార్యాలయంలో వ్యవసాయ శాఖ మంత్రి కింజరాపు అచ్చన్నాయుడు సోమవారం ప్రత్యేక సమీక్షా సమావేశం నిర్వహించారు. పొగాకు రైతులు, కొనుగోలు కంపెనీల ప్రతినిధులు, ఉన్నతాధికారులతో చర్చించిన అనంతరం ఆయన రైతుల కోసం సమగ్ర ఉపశమన ప్యాకేజీని అధికారికంగా వెల్లడించారు. ఈ నిర్ణయం ద్వారా సంక్షోభంలో ఉన్న వేలాది మంది పొగాకు రైతులకు తక్షణమే పెద్ద ఊరట లభించనుంది. గత సీజన్‌లో పొగాకుకు మంచి ధరలు లభించడంతో ఈసారి రైతులు భారీగా పంట సాగు చేశారు. టొబాకో బోర్డు కేవలం 140 మిలియన్ కిలోల ఉత్పత్తికే అనుమతి ఇచ్చినా, క్షేత్రస్థాయిలో ఏకంగా 240 మిలియన్ కిలోల దిగుబడి వచ్చింది. ఈ రికార్డు స్థాయి అధిక ఉత్పత్తికి తోడు అంతర్జాతీయంగా మార్కెట్ పరిస్థితులు ప్రతికూలంగా మారడంతో పొగాకు ధరలు దారుణంగా పడిపోయాయి. దీంతో పెట్టుబడులు కూడా రాక రైతులు తీవ్ర నష్టాల్లో కూరుకుపోయారు. ఈ పరిస్థితిని అధిగమించేందుకే ప్రభుత్వం రంగంలోకి దిగింది. ఈ నేపథ్యంలో ప్రభుత్వం కొనుగోలు కంపెనీలకు కఠిన ఆదేశాలు జారీ చేసింది. మంగళవారం నుంచి నిర్ణీత మద్దతు ధరలకే కొనుగోళ్లు ప్రారంభించాలని మంత్రి స్పష్టం చేశారు. బ్రైట్ గ్రేడ్‌కు కిలోకు కనీసం రూ.230, మీడియం గ్రేడ్‌కు రూ.190, ఆఫ్-స్టైల్‌కు రూ.130, లో గ్రేడ్‌కు రూ.110 చెల్లించాలని ఆదేశించారు. దీంతో నిబంధనలు ఉల్లంఘించే కంపెనీలపై కఠిన చర్యలు ఉంటాయని హెచ్చరించారు. ఇదిలా ఉండగా, అర్హత ఉన్న ప్రతి రైతుకు రెండేళ్ల కాలానికి రూ.50,000 వడ్డీలేని రుణం అందించేందుకు కేంద్ర ప్రభుత్వం ముందుకు వచ్చింది. ఫలితంగా రాష్ట్రంలోని దాదాపు 45 వేల మంది పొగాకు రైతులకు వడ్డీలేని రుణాల రూపంలో ప్రత్యక్ష ప్రయోజనం చేకూరనుంది. ఇదిలా ఉండగా, లో గ్రేడ్ మరియు ఆఫ్-స్టైల్ పొగాకుకు క్వింటాల్‌కు రూ.1,000 చొప్పున అదనపు ఆర్థిక సాయం అందించనున్నట్లు

పొగాకు రైతులకు అదనపు సాయం తొమ్మిది రోజుల్లో ఖాతాల్లో జమ నీట్ ఆధారంగా నర్సింగ్ ప్రవేశాలు Ap Govt: అంతర్జాతీయ మార్కెట్ పరిణామాలు, అధిక దిగుబడుల వల్ల పొగాకు ధరలు తీవ్రంగా పడిపోవడంతో నష్టపోతున్న రైతులకు అండగా నిలిచేందుకు ఆంధ్రప్రదేశ్ ప్రభుత్వం కీలక నిర్ణయాలు తీసుకుంది. అనుమతించిన పరిమితి కంటే అదనంగా పంట పండించడం, బోర్డు నిర్లిప్తత వల్ల ఏర్పడిన ఈ సంక్షోభాన్ని అధిగమించేందుకు మంత్రులు అచ్చెన్నాయుడు, గొట్టిపాటి రవికుమార్ వ్యాపారులు, అధికారులతో కీలక సమీక్ష నిర్వహించారు. రైతులను ఆదుకునే క్రమంలో లోగ్రేడ్, ఆఫ్ స్టైల్ రకాలకు క్వింటాలుకు రూ.1,000 చొప్పున అదనపు సాయం ప్రకటిస్తూ ఉత్తర్వును విడుదల చేసింది. Colombia Earthquake: కొలంబియాలో భారీ భూకంపం.. 111 మంది మృతి పొగాకు కొనుగోలుపై స్పష్టమైన ఆదేశాలు: ధరల పతనంతో అతలాకుతలమవుతున్న పొగాకు రైతులకు కిలోకు రూ.10 చొప్పున అదనంగా చెల్లించి, ఆ మొత్తాన్ని కొనుగోలు చేసిన 9 రోజుల్లోనే నేరుగా రైతుల ఖాతాల్లో జమ చేస్తామని మంత్రి అచ్చెన్నాయుడు స్పష్టం చేశారు. ఫైన్ గ్రేడ్‌ను రూ.230, మీడియం గ్రేడ్‌ను రూ.190, ఆఫ్ స్టైల్‌ను రూ.130, లోగ్రేడ్‌ను రూ.110 చొప్పున ఖచ్చితంగా కొనుగోలు చేయాలని వ్యాపారులకు ఆదేశాలు జారీ చేశారు. ఆదేశాలు ఉల్లంఘించే కంపెనీలపై కఠిన చర్యలు ఉంటాయని హెచ్చరించిన ప్రభుత్వం(Ap Govt), గతంలో వ్యాపారులు భారీగా లాభాలు గడించి ఇప్పుడు ధరలు తగ్గించడంపై తీవ్ర ఆగ్రహం వ్యక్తం చేసింది. భవిష్యత్తులో ఈ పరిస్థితి పునరావృతం కాకుండా వచ్చే ఏడాది పొగాకు సాగును 80 మిలియన్ కిలోలకే పరిమితం చేయాలని నిర్ణయించారు. ప్రభుత్వం తీసుకున్న ఈ నిర్ణయంతో ఏపీ పొగాకు రైతులు ఆనందం వ్యక్తం చేస్తున్నారు

ఆంధ్రప్రదేశ్‌ రాష్ట్రంలో కూటమి ప్రభుత్వం రైతులకు బాసటగా నిలుస్తుంది. ఈ క్రమంలో తాజాగా పొగాకు రైతులకు గుడ్ న్యూస్ చెప్పింది. వ్యవసాయ శాఖ మంత్రి కింజరాపు అచ్చెన్నాయుడు గుంటూరు జిల్లా పర్యటన సందర్భంగా పలు సంక్షేమ చర్యలు ప్రకటించారు. ప్రతి పొగాకు రైతుకు రూ.50 వేల చొప్పున రెండేళ్ల కాలపరిమితితో వడ్డీ లేని రుణం అందజేయాలని అధికారులను ఆదేశించారు.పొగాకు రైతులకు రూ.1,000 చొప్పున ప్రత్యేక ప్రోత్సాహకంమార్కెట్లో ధరలు లేక ఇబ్బంది పడుతున్న పొగాకు రైతులను ఆదుకోవడం కోసం ఏపీ ప్రభుత్వం సంకల్పించిన విషయం తెలిసిందే ఈ క్రమంలోనే ధరల నష్టాన్ని పూడ్చడం కోసం కేంద్ర రాష్ట్ర ప్రభుత్వాల సంయుక్త ఆధ్వర్యంలో కిలో పొగాకు అదనంగా 20 రూపాయలు చొప్పున క్వింటాళ్లకు 1000 రూపాయలను చెల్లించాలని నిర్ణయించారు . అదనంగా క్వింటా పొగాకుకు రూ.1,000 చొప్పున ప్రత్యేక ప్రోత్సాహకం ఇవ్వటం పొగాకు రైతులకు కాస్త ఊరట.9 రోజులలోపే ఈ మొత్తం నేరుగా రైతుల బ్యాంకు ఖాతాల్లో జమమార్కెట్‌లో కొనుగోళ్లు పూర్తయిన 9 రోజులలోపే ఈ మొత్తాన్ని నేరుగా రైతుల బ్యాంకు ఖాతాల్లో జమ చేసేలా చర్యలు తీసుకుంటున్నామని మంత్రి కింజారపు అచ్చెన్నాయుడు వివరించారు. డైరెక్ట్ బెనిఫిట్ ట్రాన్స్‌ఫర్ ద్వారా రైతులకు త్వరగా ఆర్థిక సాయం అందేలా చూస్తున్నామన్నారు. మార్కెట్ సమతుల్యత, గిట్టుబాటు ధరలు కాపాడే ఉద్దేశంతో వచ్చే ఏడాది పొగాకు సాగును 80 మిలియన్ కిలోలకు పరిమితం చేయాలని నిర్ణయించినట్లు తెలిపారు.రైతులకు ప్రభుత్వం అండగా ఉందన్న మంత్రి ప్రభుత్వం రైతులకు అండగా నిలుస్తుండగా ప్రతిపక్షాలు దీన్ని కూడా రాజకీయ ప్రయోజనాలకు వాడుకోవాలని ప్రయత్నిస్తున్నాయని మంత్రి మండిపడ్డారు.ఈ చర్యలు పొగాకు రైతులకు ఆర్థిక ఊరట కలిగించి, వారి సమస్యలు తగ్గించే దిశగా ఉన్నాయని అధికార వర్గాలు అభిప్రాయపడుతున్నాయన్నారు. రైతులు ఈ సాయాన్ని సద్వినియోగం చేసుకుని సాగును కొనసాగించాలని మంత్రి సూచించారు.తల్లికి వందనం అప్‌డేట్: వారి ఖాతాల్లోని డబ్బులు పడేది అప్పుడే!ధరల నిర్ణయం ఇలా , నాణ్యత నిర్ధారణ